معاً لمحاربة نطق "القاف" "غين"

03:43 AM Jan, 03 2016

سودانيز اون لاين
mutwakil toum-
مكتبتى
رابط مختصر

في مطار الدوحة بصالة الكونيكشن،
اختار المصلون سودانياً ليتقدمهم في الصلاة،
كان مظهر الرجل يبدو بحجم المسئولية:
لحية حدادي مدادي، جلابية مشحتفة حدود الساق، و علامة صلاة اصلية.
وقف الرجل و بدأ في الصلاة و عندما رتّل الآية "اهدنا الصلاة المستغيم" ادرك الجميع ان الذي تقدمنا محض مستهبل.

Quote: اهدنا الصلاة المستغيم

شكراً متوكل علي هذه اللفتة في حق القاف والغين عندنا في السودان
ومالك من الثاء التي ننطقها سيناً مهموسة كمان حتي في الإنجليزي وصلت العدوي
سانك يو
والله لا وراك الكتابة!!
تدي ربك العجب
____
الحليلة

واحدة واحدة العافية درجات:
درجات العافية هي التي منعتني احكي قصة الركعة الثانية
كانت بطل الركعة الثانية هي سورة الفلق..
غُل اعوزوبي رب الفلغ
. من شر ما خلغ
• من شر غاسغ ازا وغب
من شر النفّاسات في العغد
و من شر حاسد إزا حسد..
--
لو كانت للسورة روح و لسان و شفتين لـ لعنة دخول العرب السودان..

وسورة الفلق تلعن دخول العرب السودان لي شنو ..
في بلاد الخلايجة بتسمع ولا الظالين امييبيببن بدل الضالين ..(ما تنسى انها مسماه لفة الضاد)
وفي ارض الكنانة بتسمع وفي كل المنابر (الحق اشهر معلومات ..بدل الحج اشهر معلومات)
فشنو بطلو حساسية ..هو ما كويس انو نحن بنتكلم عربي بي كسيرو دا..
مودتي واحترامي متوكل

Quote: لو كانت للسورة

( للصورة ) قصدك يا متوكل ... ما دي بس الفضلت ... :)

و الله شر البلية ما يضحك ...

حقيقي يا متوكل مشكلة مستفحلة و حلها استعصى على اهل السودان ...

استاذنا النوراني الحاج الفاضلابي كان في الخرطوم القديمة يردد قائلاً:

إني أقلقل القاف قلقلة ..... وغيري يغيّر الغين تغييرا

في محاولة منه لتعليمنا ألّا نقع في ذلك الخطأ الشائع ...
_________________________________
الحليلة قلت لي ( سيرتي سري ) ... :)

Quote: الحليلة قلت لي ( سيرتي سري ) ... :)

مرحب يا قباني
خليك من دي
بروفيسور شوف عيني دي
كتب

Quote: اللة

برضو تقول ليغولي يغلغل الغاف غلغلة وغول قيري يقير القين تقييرا
وسمعنا دي بمتحنو بيها المذيعين
___
الحليلة

سلامات متوكل
واضيف معاك للحملة نطق الرقم 9 : تزعة
مؤلم ياخ

وأهلا وسهلا بمتوكل بعد طول غياب
--------------------------
وسورة القدر يا متوكل !!

لاشىء يغير السلوك اللغوى فى السودان سوى الأغاني ...كلما تم ايراد الحروف بها
فى صورة سليمة قلت الاخطاء ...
الغناء وسيلة تعليمية مبهره لم نلتفت لها بالصورة المطلوبه ....
إذ أن شيوخ تحفيظ القرآن يتوجب عليهم ان يخرجوا لنا ألسنه فصحى لاتشوبها شائبه ...
لكن مع الاسف معظمهم يسحقون الحروف فى مطحنة الأخطاء الفظة عنوة
ثم يسففونها للأطفال....
ربما بعد انتشار الطبقة المستنيره والتكنولوجيا القويه ...
ان يتعود الإنسان على الصواب
إعتداداً بالنفس لاخوفاً من سخرية الآخر

بوست موفق يامتوكل ...مرفق تحية تليق بك

النطق حالة صعبة ... ومخارج الحروف لها مواقعها داخل الفم وبعض مواضع سقفه ..+
وهم من صميم دراسات اللغويات .. والتجويد

ولكن يجب ألا نغفل ( الكيبورد ) .... الفرق بين ( ي ) و ( ى ) واااضحة

كتابات كثيرة ( ليست هنا فقط )... ولكن في كثير من مراسلات حكومية أو غيرها أو أو أو

يتم كتابة الحرف بشكل خاطيء مما يغير المعنى تماما ...


هذا الخطأ ملك لنا نحن كسودانيين حصرياً ...

Quote: الفرق بين ( ي ) و ( ى ) واااضحة

ههههههه انا يا عبد العزيز دي تحديدا بتورمني ورم خاصة في اسم الوالد
لكن في النهاية مضطر تبلعها, إذا بكري نفسه كاتب اسمه بالألف المقصورة ههه
حتى قوقل شكله زهج, لو كتبتها في البحث سواء ألف مقصورة أو ياء بديك ليها نتائج زي ما انت عايزها التقول عارفك سوداني :)

ملاحظتك عن اسم الريس بكري دي براها تاخد عليها جائزة ..

عدل يا ريس ....


الجيل الناشيء في الخليج، يفرز بين كل الحروف كتابة ومخارجا ... مستحيل يغلط
بل يضحك فينا باستهزاء... وبالذات عن الجلوس إلى قنواتنا

التحية لصاحب البوست وصحبه الكرام .... حقيقة الموضوع في غاية الأهمية وأرى أن علاجه يتم من المراحل السنية الصغيرة من الروضةوالصفوف الأولية ، وهي السنين التي يتعلم فيها الإنسان نطق الحروف فإذا كان المعلم ينطقهابصورة سليمة فإن الطالب هو الآخر يتعلمها بصورة سليمة أما إن كان المعلم ينطقها بطريقة خاطئة وهو ما يحدث الآن فإن النتيجة هي ما نلاحظة الآن في نطق الكثير من الحروف بصورة خطأ دونأن يرمش للمتحدث أي جفن ...!!! يجب علينا ألا نتعذر بأن بعض العرب والخليجيين ينطقون بعض الحروف أيضاً بطريقة خاطئة ، يجب ألا نلتفت إلى ذلك كثيراً فاللغة يجب أن تنطقها بطريقة سليمة وكفى ..!!! ما يؤلمني أن كثيراً من العرب ينطقون الكثير من الحروف بطريقة أكثر بشاعة منا لكن كل العرب لا يلتفتون إلى ذلك وإنما يلفت نظرهم فقط نطق السودانين للغين والقاف ...!!! فالشوام مثلاً : يقولونزغيرة وهم يقصدون صغيرة ، والمصريين ينطقون القاف ألف ، والخليجيين ينطقون الضاد ظاء والمغاربةينطقون التاء طاء فيقولون طاكسي وهم يقصدون تاكسي والموريتانيون يعطشون حرف الفاء وهكذا ..... لكن كما ذكرت يجب ألا يكون ذلك عذراً لنا في أن ننطق الحروف بصورة سليمة ...!!

متوكل
السلام جاك

الســودانيين حتى الان يقولوا البغاء لله .. عارف انا كتبت بوستات كتيرة جدا عن الموضوع دا.. وعن موضوع الألف جنيه البينطقوها مليون.. معلقة معاهم المليون
التقول مساطيل.
زمان كانت في قهوة في بورتسودان.. اسمها قهوة الجبنة.. الجماعة بعد يضربوا التسعين في شاطئ البحر الأحمر يجوا يقعدوا في القهوة دى.. هادئة كالقبور.. واولاد الجرايد
عارفينهم.. بس اول ما تتوزع عليهم الجرايد يجروا على القهوة دى ويضربوا ليك الكواريك.. الصحافـة الراى العام السودان الجديد.. بس كل واحد يمسك ليك واحد ويقول ليه
هسسسسس ويشترى منه كل الجرايد الشايلها.

بالمناسبة انا خليت حكاية الغين دى لأن مجهودى جاء بنتيجة عكسية وبقى البعض ينطق الغين قاف.. والله جد.. اقرا المداخلات بتأنى تلقى الكلام دا واقع.. الناس اتلخبطت
وحصل ليها كونفيوجن.. وما عرفوا متين يقولوا غين ومتين قاف. . وواحد كتب كلمة زى الأقلال ويقصـد الأغلال..

حبيبنا صاحب البوست .. تحياتي ..
نحن ناس ضواحي الدنيا هناك في الشمال .. أقصى أركان دنقلا
ولأننا من غير الناطفين .. لكن صدقني ننطق الحرف تماماً .. وخاصة عند القراءة
خطبة ، قرآن ، محاضرة ..إلخ ..
تواجهنا المشكلة في الحديث العامي في تنغيم لغة حديث ..
نستغرب جداً عندما ينطق البعض وخاصة هذه الايام ( الاستغلال ) بدل الاستقلال
القومي ( الغومي ) كمان المشكلة .. تسعة تزعه ..

تحياتي ..

عندي ملاحظة أننا نقرأ القرآن بتعليم المدارس (بدون تجويد) كما يقرأه الأتراك

فكثيراً ما صليت خلف اتراك صلاة الجمعة وهم يقعون في معظم الأخطاء التي يقع فيها عوام السودانيين من غير المجودين

خاصة حرف القاف يقلب عندهم غين والثاء سين والذال زاي وهكذا

هناك مشكلة يقع فيها السودانيين في نطق القاف غين ولكن هناك أمم اخر تقع في أخطاء مماثلة في الجزيرة العربية وفي شمال إفريقيا

اضف لذلك اللام القمرية في "الجنة" و"الجبال" وحرف طاء "الصراط" التي غالباً مانتطق تاء "السرات"

لمعالجة ذلك يجب "فرض" دروس التجويد في السنوات الأولى من مرحلة الأساس.

ما تكونوا ملكيّن اكتر من الملك
جزء من اليمنين بما فيهم علي عبدالله صالح
و واحد بتاع دين كدا
بينطقوا القاف غين
و بعدين اقول ليكم حاجة مش لو عملتوا حملة
لو عملتوا شنو شنو ما بتقدروا تخلونا ننطق القاف قاف .
انااغايتو اضاني ما بتفرق بينهم
اول حاجة نسمعها صح و بعدين نشوف

Quote: في بلاد الخلايجة بتسمع ولا الظالين امييبيببن بدل الضالين ..(ما تنسى انها مسماه لفة الضاد)

يا علي، الحتة دي فيها فهم مغلوط مننا نحن السودانيين؟؟
كيف تثبت أنو نطقنا هو الصحيح
هم بنطقوها بين الضاد حقتنا والظاء
لو قلتا حجتك دي لخليجي: يا أخي دي لغة الضاد (بنطقنا)
يقول ليك: أيوة دي لغة الضاد (وينطقها بنطقهم)، ما لغة الضاد وينطقها لك بنطقنا

ما في فيصل في الموضوع دا غير نلقى تسجيل حوار قديم للشنفرة مع تأبط شرا!!

Quote: Maha Mohamed السلام عليكم علمني ابي ان اقلب الحرف المشكوك فيه الى G ، ان مشى الحال فهو ق ، و ان ابى فهو غ ، مثال قلم و غنم أعجبني · رد · 5 ساعة

إستبراء:
فى الماضى كنت أستخدم فيرشوال كيبورد عربى ليست فيه الـ ى .. فقط توجد الـ ي .. فلذلك كل كتابتى هنا تجدون فيها الياء المعرجة بالـ ي .. لكين هسه زى ماشايفين ياء معرّجة طويــــلة بالـ ى .. ى .. ى .. ى ..

وهذا منى للمعلومية .. عشان ناس ودالبشرى ما ينضرسوا .. :)

الفرق واضح بس نحن مافي زول علمنا





الشيخ لامن ضرب مثل بالناس البيغلطو ماجاب سيرتنا
إتهم ناس شرق الجزيرة العربية

سلام يا متوكل

أنا اعتقد إنو المسألة دي خلقة ربنا في حركة اللسان والله أعلم
القاف والغين التحكم فيهم ساهل لأنها حركة حلق
لكن الضاء والظاء والثاء والذال ديل لو حاولت تطلع لسانك تبقى زي العوير


عندنا واحد شبك ليك في محاولة طليعة اللسان في الثاء يمين بعد شوية بقينا في السين
سفيان (ثفيان) سلخو (ثلخو)
مرة كفيلوا قال لينا يا جماعة فكوني من الزول دا الكيبورد حقو ما فيهو حرف السين

تانا مشكلة الخليجيين موش في نطق الضاد ظاء ، كتيرين منهم بكتبوها ظاء
مضمون تلقى كتبها مظمون

سلام عليكم بدون فرز..
المجازر في اللغة "نطق و كتابة" كتيرة و لكن علاجها بالتعميم لا يخدم قضيتها،
ده خلاف انه الغلط رُتب: غلط رُتبة ملازم و غلط مُقدم و غلط عيب؛)
المقصود لفت الانتباه و مراقبة السوداني لـ لسانهِ ما أمكن خاصةً في المنابر العامة.
المشكلة نحن بنسوق معانا الغلط للمنابر التنويرية زي:
المسجد و التلفزيون و الخُطب السياسية و الثقافية؛
في برنامج تلفزيوني استضاف البورداب بزعامة بكري؛
كان بكري يردد على مسامعنا كلمة "الاصدغاء"دون ان يرجف لَهُ حاجب و بشكل يوحي بانه لا يكلف نفسه عناء المحاولة..
كل السياسيين هذه الأيام يحدثوننا انّ سد النهضة لن يغيّر في طبيعة العلاغات بين الخرطوم و الغاهرة..
اهل مصر و اهل الخليج لا يعجنون اللغة في المساجد من خلال الخُطب و تلاوة الْقُرْآن،
لأنهم يدركون ان "الظاء" التي ادخلوها على الكلمة هي في الأصل "ضاد" و "ياء" الرجال هي في الأصل "جيم"
لذا عندما تأتي لحظة الجد فَهُم يعطون الحق لأصل المفردة، يعيدون للرجال جيمهم.
اما نحن فـ نجوط الكلام دون مراعاة للمنابر..
عليه: على الاقل نعرف اننا ننطق "القاف" "غين" و هذا غلط لا تسمح به المنابر العامة،
لذا اقترح الابتعاد عن الشوبار من تسلق المنابر،
و إن لقيت نفسك مضطر فابتعد عن سورة "الغدر ؛)" و "الفلغ" فالغلط في نطق القاف اعلى رُتبة من "ازا" و "هزا" و "لمازا" و "فحدس" و الشعر "الحديس"..

حبيبنا متوكل .. هي موجودة في لغة العرب ..
مثل شنشنة اهل اليمن .. وكانوا في الحج يرددون ( لبيش اللهم لبيش ) يقصدون لبيك أللهم لبيك
وبأبأة تميم .. مثل ( مكة ) بلغة تميم (بكة )
أنا عشت في شمال المملكة حرف الباطن :
دكتور .. يختور

في الكويت رجل .. ريل .. ( الكاف .. جيم ) مثلاً ( كفيك .. جيفج )
مكبوس سمك ( مجبوس سمج ) .. وهي أكلة سمك بالرز
سمك .. سمج ... الخ

ولكن الفرق أنهم في قراءة القرآن أو الخطب ينطقون الحروف كما هي ..

ويرددون هذه اللهجة في أحاديثهم الخاصة وجلساتهم وفي المسرحيات والمسلسلات المحلية ..


تحياتي ..

في يوم من الأيام وأنا في انتظار البرنامج الشهير "في الواجهة"، إذا بمقدم البرنامج الصحفي أحمد البلال الطيب يقول:
ناقش اليوم هذا " الحدسسسسسس" الهام.
تمنيت أن لا يكون من الأجانب قد سمع هذه الكلمة " الحدس" التي شدد عليها مقدم البرنامج. فلو أتت الكلمة ضمن جملة أو عبارة سريعة ممكن كان تمشي وتتبلغ. لكن تجي براها ... والله خجلت عديييل.
يا جماعة مشكلة الخطأ في نطق الحروف " وأحياناً يؤدي إلى تغيير تام في المعنى"، دي محتاجة لوقت طويل. المعلم نفسه يحتاج إلى معرفة النطق الصحيح وبعدها يعلم التلاميذ النطق الصحيح. السبب الرئيسي يعود لانعدام التخصص. تجد أستاذ الرياضيات يدرّس اللغة العربية، وتجد أستاذ هو أستاذ الكل" تربية اسلامية وقرآن وجغرافيا ورياضيات" يعني Man for all Seasons.
يعنى الشغلة محتاجة لتأهيل المعلمين لغوياً، ولكي يتأهل المعلمون لغوياً لابد من البداية من الصفر، ولكي نبدأ من الصفر لابد أن يتخذ أهل اللغة والحادبون عليها قراراً بتصحيح الخطأ.
مش قلت ليكم الشغلة محتاجة لوقت طويل؟
ببـــــــــو

أنا متفق مع علي ضفع الله

اللغة عندها وظيفة محددة في الدنيا دي إذا قامت بيها بفعالية تكون ما قصرت خالص و مافي أي سبب يخلينا نرجع بيها إلى عصر إمرؤ القيس

السودانين بيتكلموا بطريقتهم دي ليهم ميات السنين و ما حصلت مشكلة بتاعة عدم فهم او خلط للمعاني المقصودة بسبب قلب القاف غين

و ذاتو مافي سبب يخلي يكون في حرفين بتشابهو في النطق لدرجة إنو ملاين من الناس يخلطوا بيناتهم و في نفس الوقت الخطأ في نطقهم ما يؤثر على التخاطب و التفاهم بين الملايين من الناس دي.. دا معناهو إنو الحروف العربية المستخدمة في السودان دي زايدة حرف بدون لازم او نتفق نريح روحنا من الإزعاج دا بإننا نقرا القاف دائما كما قرأها القذافي في سورة البقرة حين أم الناس للصلاة في نيجيريا

و بعدين با محمد البشرى المقصورة بتاعتك دي ذاتها الف مشبهة بالمنقلبة عشان كدا في الدوري عن الكسائي الراء بتنتحي نحو الكسرة يعني في النص بين الفتحة و الكسرة و بنقراها بإمالة.. و طالما في النص بين الياء و الألف فخلينا على كيفنا مرة نكتبها ي و مرة ى

يا حافظ كيف مافي مشكلة
بتكون سمعت نكتة السوداني مع البوليس الإنجليزي لما قال ليه can I bark here, لو قلت عايز bibsi بتاع الدكان لو ما ضحك فيك ما ح يفهمك عايز شنو
كل لغة ليها قواعد و أحكام لابد من احترامها, ومن ضمن القواعد النطق و الكتابة الصحيحة للحروف و عدم تغيير معاني الكلمات
وهي ليست بالصعوبة كونك تعوّد نفسك وأولادك على النطق الصحيح

بالنسبة للخلط في كتابة الياء و الألف المقصورة, طيب قول الكسائي و الدوري أمالوا الألف و حلّوك, أها عندك فتوى برضو للحالة العكسية
زي كتابة "بكري" او " المنافي" أو "في" بالأف, كدي حاول انطقهم شوف شكلهن بقى كيف :)

شكراً لكلِ هذه المداخلات القيّمة:استاذ اسماعيل تحياتي؛ انت تتحدث بلسان استراتيجي،" التشخيص ثم العلاج"لا اظن ان الدولة لها طولة البال لتعلّم و تدرَّب لتحصد الثمار بعديييين..الدولة دايرة تزرع الصباح و تحصد الضحى:)القضية شخصية جداً للسوداني تخُص رجل الشارع متوسط التعليم و حامل الدكتوراة.أَظُن -و بعض الظن يقين- انّ المشكلة تكمن في عدم الانتباه لهذه الاشكالية.السوداني لا ينتبه لذلّة لسانه التي مرمطة حرف القاف..المطلوب: الانتباه..اذا عرفنا الغلط، تفاديناه..يقول فيصل محمد خليل أعلاه انه لا يميّز بين ده و داك..عايزين الناس تميّز انّ باللغة "قاف" و "غين" ده كُلَّ المطلوب.

Quote: تانا مشكلة الخليجيين موش في نطق الضاد ظاء ، كتيرين منهم بكتبوها ظاء مضمون تلقى كتبها مظمون

ويقول ليك يا حمد ... الظاء أبو عصاية ولا بدون عصاية ...

Quote: ويقول ليك يا حمد ... الظاء أبو عصاية ولا بدون عصاية ...

الحالة دي برضو عليكم؟
كرهت العصاية زاتا بسبب الجماعة ديل

المصيبة أن مشكلة النطق للقاف وأحياناً الثاء والذال يعاني منها دكاترة في جامعات عندنا في السودان وممكن كمان يكون دكتور في الدراسات الإسلامية
هذه قضية مزعجة جداً تحتاج للعلاج ....بإثارتها بصورة واسعة ومكثفة ليسمع الجميع ويحاولون علاج هذه المعضلة ...الإعتراف بالمشكلة فرع من علاجها.
والمسألة الثانية كتخفيف وتحسين للنطق ...اشاعة عدم التحرج من النطق باللهجة الدارجية لأنها أفضل من لغة المثقفاتية وأقرب للغة الفصحى من لغة المثقفاتية التي هي السبب
الإساسي في مشاكل النطق التي نتجت من التعليم الحديث ...ففي خلاوي القرآن لو نطق الطفل بنطق الدكتور السوداني في الجامعة الاسلامية ونطق القاف غين شيخ الخلوة بورم ضهرو بالضرب
وما أقصده أن لا يتحرج المثفاتية من النطق الدارجي للقاف وهو أفضل من نطق القاف غين وهو النطق الذي يتوسط نطق القاف والكاف وهو تجد الحضارم ينطقون به حتى الدروس العلمية
وهو نطق معروف في معظم البلاد العربية ....لابد من الطرق بكثافة في هذه المسألة لتعالج عند الصغار والكبار

Quote:

الصورة الفوق دي ناس كثيرة علقت على حرف الغين ولكن نظرة ثانية للصورة وشوفوا كلمة (الطنبور) مكتوبة كيف. خلط شديد بين الاستهجاء الصحيح والنطق، دغمسهم دغمسة تفوق دغمسة الريس في خطاب (قندور)

Quote: لا شك أن الموضوع (شايق) وشائك، ودعنى أختلف مع العنوان وأتمنى أن يكون "دعونا نتعايش مع وليس معاً لمحاربة..." من المعروف فى أنه علم الأصوات Phonology بأن ال allophone بأنه مجموعة من الاحتمالات لاحداث الصوت المنطوق او هو اشارة تستعمل لاصدار (فونيم) phoneme (وهو أصغر وحدة لاصدار او نطق الصوت ) منفرد فى لغة ما مثل استبدال الحرف (ق) بالحرف (غ) فى كلمة (استقلال) كما ينطقها غالب أهل السودان، واستعمال هذا (الالوفون) لا يغير معنى الكلمة انما هو استبدال (اولوفون) ب (اولوفون) آخر، وهذا ايضاً له علاقة بأماكن مخارج الحروف ولعل حرف (غ) و (ق) متشاركان فى المخرج، سوى أن الحرف (غ) مجهور و الحرف (ق) مهموس.

كلامك علمي وزين، احتمال أرجع ليك

دا اقتباس لكلام بكري أحمد من الفيس تحت. بس الناس ديل يا بكري شغلهم دا (استعراب) ما لغة. هم شغالين بحديث (من تحدث العربية فهو عربي) أو هكذا مكتوب. لذا "يرغبون" أنو يكونوا من أولاد قلبا. _________ 2016 حتكون مليانة بوستات ذات غرضين وربما ثلاثة.

الأخ متوكل التوم
لك ولضيوفك الكرام التحايا
أذكر لما كنت طفلا نطقي للقاف غينا وأذكر جيدا كيف صححني الوالد في دقائق معدودة.. وكان الوالد رحمه الله معلما.. في أواخر عهد مايو دعي الوالد إلى إلقاء كلمة بمناسبة عيد الإستقلال بنادي الخريجين بالأبيض .. وكانت كلمته محاضرة شيقة عن حرفي القاف والغين والإستقلال الذي صار إستغلالا... ونبه المستمعين إلى خطورة قولهم الله الغادر ( سبحانه وتعالى) و إنا أنزلناه في ليلة الغدر..
ثم في صحيفة الرأي العام في العام 2000 كتب أخ كريم مقيم بالسعودية مقالا في عمود عثمان ميرغني " حديث المدينة" عن أبنائه الذين ينطقون القاف مقلقلة و كيف أنه تعلم منهم تصحيح نطقه لها من الغين إلى القاف وكيف أنهم جميعا في المنزل نجحوا في ذلك ما عدا أم العيال التي فشلت فشلا ذريعا في تصحيح نطقها..
كتبت مشيدا بمقال الأخ من السعودية مقالا نشر في نفس العمود بعنوان " وداعا حرف القاف" قلت فيه إن أسلم حل لمشكلة القاف هي أن نلغي استخدامه فنسلم.. نبحث عن كل الكلمات القافية ونوجد لها بدائل .. فمثلا " فرغة الأصدغاء" نسميها ” جماعة الأحباب " وبدلا عن عيد الإستغلال نقول عيد التحرير، والفريغ الغومي يصبح الوطني مع البحث عن كلمة مناسبة بديلة للفريغ.. وهكذا وقلت أن الأمر ميسور لكن تأتي المشكلة في قراءة القرآن الكريم.. و كما قلت في إهدنا الصراط المستغيم...
ثم تحدثت عن البعض الذين لا يتكفي بقلب القاف غينا بل عن أولئك ينطقون القاف نطقا صحيحا والغين أيضا .. لكنهم يقلبون كل منهما في مكان الآخر..
وهناك الذي يحول حماسه الفائق كل غين قافا فيتحدث في غضب عن العدوان الأمريكي القاشم على مصنع الشفاء .. وهناك من الأساتذة من كان يقلقل القاف قلقلة حتى يقلبها كافا.. فعن القرارات يقول الكرارات...
لكن هناك مصيبة أخرى تأتينا من المصلين في السودان وهي تكبيرة الإحرام فهي ليست ألله أكبر، بل ينطق معظم السودانيين الكاف قافا دارجة .. فيقولون الله اقبر ( القاف الدارجة) وهي تظهر بصورة جلية عند الهتافات الإنقاذية . الله اقبر الله اقبر..
هل لاحظتم ذلك؟؟

تحية وسلام
عندنا الدال تنطق قريب من التاء وفي ناس وصلوها الضاد (ضراما /دراما) والسين في كثير من الاحوال صاد خاصة في (مسرح)
والقاف غين ومرات خاء
كل الشعوب عندها مشاكل في بعض الحروف لكن الحروف العربية واللغة العربية لما تنطق صاح برايي تكون مريحة لأذن المستمع
في ترويج شهير لاذاعة امدرمان يبث على مدار اليوم تقول المذيعة:
نزعتوا بمتابعتكم

Quote: نزعتوا بمتابعتكم

الأخ مهدي صلاح
هناك أيضا مشكلة في نطق السين و الصاد الساكنتين ففي كثير من الأحايين نقلبها زايا.. وأحيانا ظاءا
نقول للأسباب .. الأزباب ومعنا في ذلك أيضا المصريون..
ونقول للمسجد .. المزجد..
و لمصعب .. مظعب..
وقد لاحظت أن السين الساكنة وبعدها حرف الباء يصعب نطقها سينا فتحول إلى زايا غير ان حرف ال P يكون مستحيل النطق بعد الزاي فيتحول إلى B..
لذا أغلب مذيعي برنامج الرياضة يقولون الفريق الإزباني وليس الإسباني..

سلام صاحب المنشور وبقية المتداخلين،
مشكلتنا في "القاف" و "الثاء"،
و في القاف أكثر...
ليس هنالك علاج نهائي و فعال لتقوية اللغة العربية - قراءة وكتابة وتعبيرا ، وفهما - سوى كثرة تلاوة القرءان الكريم جهرا..
--------
أذكر عام 2004 م ، وفي حلقة تحفيظ بمسجد الريان جوار جوازات الدمام،
أحد الأخوة السودانيين - عمره كان حوالي ال 50 عاما ، كان يفتتح سورة الإخلاص ب"غُل"
وكلما مدرس الحلقة يقول له قل "قل"
يجتهد أخونا و يحاول تعميق المخرج ليفتتح السورة ب"قل" ، يظل حرف "الغين" مسيطرا على مخرج حرف "القاف"..
وعلى ذلك قس على بقية الكلمات.
أكرر:
ليس هنالك علاج نهائي و فعال لتقوية اللغة العربية - قراءة وكتابة وتعبيرا ، وفهما - غير كثرة تلاوة القرءان الكريم جهرا...

Quote: حقيقي يا متوكل مشكلة مستفحلة و حلها استعصى على اهل السودان ... +++ تواجهنا المشكلة في الحديث العامي في تنغيم لغة حديث .. +++ هناك مشكلة يقع فيها السودانيين في نطق القاف غين ولكن هناك أمم اخر تقع في أخطاء مماثلة في الجزيرة العربية وفي شمال إفريقيا +++ تانا مشكلة الخليجيين موش في نطق الضاد ظاء ، كتيرين منهم بكتبوها ظاء +++ المشكلة نحن بنسوق معانا الغلط للمنابر التنويرية زي: المسجد و التلفزيون و الخُطب السياسية و الثقافية؛ +++ يا جماعة مشكلة الخطأ في نطق الحروف " وأحياناً يؤدي إلى تغيير تام في المعنى"، دي محتاجة لوقت طويل +++ السودانين بيتكلموا بطريقتهم دي ليهم ميات السنين و ما حصلت مشكلة بتاعة عدم فهم او خلط للمعاني المقصودة بسبب قلب القاف غين +++ انّ المشكلة تكمن في عدم الانتباه لهذه الاشكالية.السوداني لا ينتبه لذلّة لسانه التي مرمطة حرف القاف..المطلوب: الانتباه +++ المصيبة أن مشكلة النطق للقاف وأحياناً الثاء والذال يعاني منها دكاترة في جامعات عندنا في السودان وممكن كمان يكون دكتور في الدراسات الإسلامية +++ كتبت مشيدا بمقال الأخ من السعودية مقالا نشر في نفس العمود بعنوان " وداعا حرف القاف" قلت فيه إن أسلم حل لمشكلة القاف هي أن نلغي استخدامه فنسلم. +++ هناك أيضا مشكلة في نطق السين و الصاد الساكنتين ففي كثير من الأحايين نقلبها زايا.. وأحيانا ظاءا +++ مشكلتنا في "القاف" و "الثاء"، و في القاف أكثر...

شكلكم جادين جد جد

يعني النطق بالحروف بصوت مختلف دا مشكلة؟ وتستدعي الحرب؟ نحارب حلاقيمنا يعني؟ خير، أنا متطوع لتجاربكم اللسانية والصوتية دي، لكن في الأول أدوني موجهات، عشان ما أظلم نفسي: 1- فيكم واحد بيعتقد إنو اللغة العربية دي نزلت من السماء؟ 2- فيكم واحد بيعتقد أو يظن أنه من الواجب و(الصحيح) أن ينطق الحرف في جمله كما ينطق مفرداً؟ 3- فيكم واحد يعتقد أن تغير النطق بالحرف يعتبر إثم؟ 4- فيكم واحد عنده رؤية بأن يتحدث الناس جميعاً يوماً ما بلغة يظنها (صحيحة)؟ وما طبيعة تلك اللغة؟ 5- فيكم واحد يظن أو يعتقد أنه إنما يتحدث كي يعرف الناس أنه ينطق الحروف صحيحة؟ 6- فيكم واحد يجد صعوبة في فهم الحروف المنطوقة سواء جاءت صحيحة أو ملحونة؟ أدوني إجابات لأسئلتي الفوق دي وأنا متعهد أحارب ليكم حلقومي لآخر لغلوغ، فوالله وتالله لن أعطى الدنية في لغتي. _____ الجميلة، بتاتاً.

سلامات يا حاتم وفعلا يا قولك شكلك جاي مكوفر :)

Quote: يعني النطق بالحروف بصوت مختلف دا مشكلة؟

المشكلة يا سيدي مافي النطق بصوت مختلف بل ابدال حرف مكان آخر يغير معنى الكلمة تماما و يفسد السياق و النص
و المآساة أن هذا الإبدال ليس حصرا على النطق فقط بل و الكتابة كمان كما تفضل الاخوة بالأمثلة اعلاه
فرق السما و الواطة بين استقلال السودان واستغلاله و بين البقاء والبغاء وهكذا
و المسالة ليست متعلقة باللغة العربية فقط والانتماء العربي حتى اللغة الانجليزية و اي لغة في الدنيا قلب حرف مكان حرف نطقا او كتابة ليس مقبولا ويغير المعنى المراد

Quote: والقاف غين ومرات خاء كل الشعوب عندها مشاكل في بعض الحروف لكن الحروف العربية واللغة العربية لما تنطق صاح برايي تكون مريحة لأذن المستمع

النمسك واحد واحد

كدي أسمع زولك دا _________ المشكلة شنو تسمعوا يقول غساوة؟ مش فهتمها (قساوة)؟ بعدين غساوة مالا، كعبة؟ ولا ما زي حقت عنيزة؟ أنا شخصياً ما فارقة معاي، لكن عايز أعرف راحة الأذن بدت معاك متين؟ يعني هل لما بديت تتكلم عربي ولا لما سمعت الباقين بيتكلموا عربي؟

يا أخ آدم صيام

ما هو الناس تكون واضحة وصريحة وتبطل شغل (beating around the bush) دا. يعني الواحد عندو أشواق يقوم يركبها في شاسيه ويرفع الشاسى في خشبة ويدخل الخشبة جوة علبة ويدفن العلبة بالجواها. وبعد داك يجي يفتح بوست ويقول علبتي ما شفتوها وين؟

Quote: يعني هل لما بديت تتكلم عربي ولا لما سمعت الباقين بيتكلموا عربي؟

انا القدامك دا العامية السودانية في تلتلة لكن برتاح زي ما قلتا لما اسمع واحد يدي لكل حرف حقه ومستحقه ، مثلا روضة الحاج ضليعة وبليغة ومضطر احضر برنامج المستضاف فيه هو الكوز الصافي جعفر بس عشان روضة دي وبتمكنها من العربية هي مقدمة البرنامج

سلامات

اللغة العربية الصحيحة أو لغة القرآن الفصحى مافي جنسية بتتكلما صحيحة زي ماهي الا في حالة قراءة القرآن
وكل جنسية عندها نطق مختلف للحروف وحتى الكلمات والناس اتعودت عليها وبقت تفهما بسهولة . عربي الشوام
يختلف عن عربي المصريين ويختلف عن عربي الخلايجة وشمال افريقيا والسودانيين.

شخصيا" قدرت أتخلص من الخلط في نطق الثاء والسين لكن الغين والقاف غلبتني عديييل رغم انو الواحد بيحاول
يتحاشى الخلط بينم لكن الطبع يغلب التطبع ودي زاتا ما مشكلة كبيرة خليهم يتعودوا على غافنا وقينا :) زي ما اتعودنا
على حاجات كتييرة عندهم وفي إعتقادي الإجادة ضرورية في حالات الناس البتكلموا بالفصحى والمذيعين وعند القراية
من ورقة وقراءة القرآن .

من ناحية الكتابة ما عندنا مشكلة عدا همزة الوصل والقطع دي!! قدر ما تحوشا بي هنا تلقاها اتمسحت تاني من الذاكرة.

Quote: و المسالة ليست متعلقة باللغة العربية فقط والانتماء العربي حتى اللغة الانجليزية و اي لغة في الدنيا قلب حرف مكان حرف نطقا او كتابة ليس مقبولا ويغير المعنى المراد

الله يفتح عليك

إشارتك للمعنى دا بالضبط المطلوب في العملية كلها. البيحصل كالآتي: 1- يقترب شخصين من بعضهما بمسافة كافية، قول مترين 2- يبدأ أحدهما بإصدار أصوات تنتقل في الهواء ميكانيكياً في كل الاتجاهات 3- ربما يصحب هذه الضجة الصوتية بعض الإيماءات والتعبيرات الحركية المصاحبة 4- "ينتقي" الطرف الثاني وربما أطرف أخرى من هذه الضجة ما يظن أن الأول يعنيه 5- فالطرف الأول لا "يقول" ما يقصد بل ما يتطلبه الأمر لإيصال المعنى للطرف الثاني أو الأطراف المشاركة في "الحوار" الميكانيزم الخاص بتوليد الأصوات يتفاوت من مجموعة بشرية لأخرى بل حتى داخل الأسرة الواحدة، بعرف أسرة كل أفرادها يقولون "أدروب" أمهم تنطقها "عدروب" ولا أحس بأي مشكلة. كلنا نقول "عنقريب" و"عشميق" ولا يحس أهل اللغة النوبية بأننا نزعجهم أو ندنس لغتهم، فالقصد أخي محمد في النهاية هو إيصال فكرة يمكن أن تكون بسيطة أو معقدة أو حتى خيالية. شوف أهل باريس، الباريسي (سموا عليهم باريس)، قبائل الغول (سلتيين) عاشوا في منطقة نهر السين الحالية، صبغوا كل اللغة الفرنسية (المعيارية) الحالية بنطق حرف (R) بصوت الغين، في زول انتقد الجانب دا، مافي. ليه كانوا بينطقوهو كدة وجيرانهم في أوروبا عندهم الحرف دا أوضح ما يكون بدون أي لبس الحرف الوحيد البيتردد فيهو اللسان مع اللثة العلوية بدون تداخل (trilled)، مافي سبب، لعله عيب خلقي انتشر بينهم بالوراثة. دلوقتي (المشكلة) حسب تعريف أهل اللغة الفرنسية هي نطق الحرف (R) بغير صوت الغين، "المشكلة" انطلت على أهل المستعمرات وبقوا هم أصحاب "المشكلة". فأنا بقول أخوانا البيكوركوا وبيسموا الأشياء جزافاً ديل، ورونا هل في لغة "معيارية" بتقيسوا بيها سلامة المخارج، غض النظر عن الهترشة حقتي الفوق دي؟ ما يجي زول يقول لي "لغة الغرآن". عشان ننتقل لنواحي أعمق يشاركنا فيها أخوكم بكري أحمد _____ بعدين "محاربة" دي ما سمحة، ما كفاية عنترة حارب لمن الله غفر ليهو؟

Quote: انا القدامك دا العامية السودانية في تلتلة لكن برتاح زي ما قلتا لما اسمع واحد يدي لكل حرف حقه ومستحقه ، مثلا روضة الحاج ضليعة وبليغة

دا موضوع تاني بقى، فتش عليهو بعنوان Psycholinguistics

في الواقع أنت لا تسمع حروف بالمرة بل نوع من الغناء غير الملحون، أهل اللغة يسمونه نثر "تسمية غير علمية"، سلاسل من الجمل بأنماط صوتية مميزة تتعلمها بطول حياتك، بعضها قد يحمل دلالات محببة وأخرى عكسها، وربما لا يثير مجملها في ذهنك أي أحاسيس، محايدة تماماً. فإذا شعرت أن فلان من الناس ينطق بطريقه "كريهة" فهذه ليست مشكلته، بل مشكلتك أنت في الغالب. استمع للفتاة أدناه، تنطق بأكثر من عشر أصوات تبدو كأنها لغات وليس فيها ولا جملة واحدة مما نسميه (جملة صحيحة) مع ذلك فإذا كنت على احتكاك بلغات أخرى فسيبدو لك أنها تتحدث "لغات" محددة. _____ أسماء اللغات مكتوبة في الباب وراها، في الجنبة الرامية عليها شعرها.

Quote: اللغة العربية الصحيحة أو لغة القرآن الفصحى مافي جنسية بتتكلما صحيحة زي ماهي الا في حالة قراءة القرآن وكل جنسية عندها نطق مختلف للحروف وحتى الكلمات والناس اتعودت عليها وبقت تفهما بسهولة

المشكلة الحقيقية بتبدأ من هنا، أول ما تفرض معايير للغة طبيعية وتنطلق منها للحكم على البقية

قبل القرآن ما كان في لغة "صحيحة"؟ شنو تعريفك للغة الصحيحة؟ ولما تقول لغة هل تقصد المكتوب أم الملفوظ منها؟

Quote: المشكلة الحقيقية بتبدأ من هنا، أول ما تفرض معايير للغة طبيعية وتنطلق منها للحكم على البقية قبل القرآن ما كان في لغة "صحيحة"؟ شنو تعريفك للغة الصحيحة؟ ولما تقول لغة هل تقصد المكتوب أم الملفوظ منها؟

سلامات حاتم

تقريبا" القرآن المقروء وليس المكتوب هو المتفق عليه من الجميع على انه النطق الصحيح للعربية
أو على الأقل هو أقدم توثيق صوتي للعربية ولذلك تختلف طريقة النطق في مختلف العاميات وتتوحد
في قراءة القرآن مع إختلافات طفيفة فقط شان كده قلت اللغة الصحيحة أو لغة القرآن أو النطق المتفق عليه حاليا"
انه الفصحى.
أكيد قبل القرآن كان في لغات ولهجات عربية مختلفة ويقال أن لغة القرآن هي لغة قريش فقط وتوجد لهجات عربية
اخرى موجودة حتى الآن لكن الإتفاق السائد الآن أن لغة القرآن هي الإستاندرد وفي إعتقادي لا توجد لغة صحيحة
ولغة غير صحيحة لو أتفق على أن الرقم 3 يكتب أو ينطق هكذا (طكطكهم ) خلاص يبقى ده الصحيح والمتفق عليه.

واعتقد كذلك الأصل في اللغة هو الملفوظ أما المكتوب فهو تعبير أو طريقة لترجمة اللفظ فقط .

موضوع في غاية الاهمية

الك الشكر اخي متوكل في طرح هذا الموضوع وهو اكثر من مهم
لمصيبة الكبرى ليست فقط في القاف والغين او الثاء تصبح بقدرة قادر الى سين
ولكن في الاية الكريمة
(مذبذبين ) بين ذلك لا الى هؤلاء ولا الى هؤلاء
سورة النساء الاية (143)
هنا لا بد من اخراج طرف اللسان في الذال حتى لا تصبح زينا

Quote: تقريبا" القرآن المقروء وليس المكتوب هو المتفق عليه من الجميع على انه النطق الصحيح للعربية أو على الأقل هو أقدم توثيق صوتي للعربية ولذلك تختلف طريقة النطق في مختلف العاميات وتتوحد في قراءة القرآن مع إختلافات طفيفة فقط شان كده قلت اللغة الصحيحة أو لغة القرآن أو النطق المتفق عليه حاليا" انه الفصحى.

ياريت تفصل بين الدين واللغة مبدئياً

لا أعرف ماذا تقصد بقولك (أقدم توثيق صوتي) لكن ما أعرفه أن اللغات تتوارد وتنتقل بين الأجيال دون الحاجة لتسجيلات، بل بالممارسات الفطرية للبشر. لا يوجد شيء اسمه (نطق صحيح) فذات القرآن لو صادف زمان كان الكلام فيه بأي لغة غير العربية لظهر ملفوظاً بها، أي غير العربية، هذا يعني أن يرد باللغة التي يتخاطب بها الناس في زمانهم بكل ما يمكن أن تسميه أنت اليوم (أخطاء) أو (فصاحة) أو (بلاغة) وكلها مجرد اصطلاحات متواضع عليها، والحكم "بفصاحة" لغة أو "عذوبتها" أمر نسبي وزماناً مكاناً. وعلى ذلك، تصبح مصطلحات مثل (لغة القرآن) أو (لغة أهل الجنة) أو (لغة الضاد) مجرد مصطلحات جوفاء كلها في النهاية تشير لمسمى واحد، لغة بشر طبيعية تتطور وتتغير ويتم تداولها مثل غيرها بخيرها وشرها. فمن الخطأ التأريخ للغة العربية بالنص الديني، وأي لغة طبيعية أخرى ينطبق عليها ذلك، يمكنك بكل بساطة أن تتحدث بفصاحة دون أدنى معرفة بالقرآن، فإن رغبت في التأثير على سامعك فقط حينها ربما يروق لك الاقتباس والاستدلال بالنصوص الدينية وتلاوتها بناء على معرفتك المسبقة لتأثيرها على المتلقي المسلم تحديداً.

Quote: ياريت تفصل بين الدين واللغة مبدئياً لا أعرف ماذا تقصد بقولك (أقدم توثيق صوتي) لكن ما أعرفه أن اللغات تتوارد وتنتقل بين الأجيال دون الحاجة لتسجيلات، بل بالممارسات الفطرية للبشر. لا يوجد شيء اسمه (نطق صحيح) فذات القرآن لو صادف زمان كان الكلام فيه بأي لغة غير العربية لظهر ملفوظاً بها، أي غير العربية، هذا يعني أن يرد باللغة التي يتخاطب بها الناس في زمانهم بكل ما يمكن أن تسميه أنت اليوم (أخطاء) أو (فصاحة) أو (بلاغة) وكلها مجرد اصطلاحات متواضع عليها، والحكم "بفصاحة" لغة أو "عذوبتها" أمر نسبي وزماناً مكاناً. وعلى ذلك، تصبح مصطلحات مثل (لغة القرآن) أو (لغة أهل الجنة) أو (لغة الضاد) مجرد مصطلحات جوفاء كلها في النهاية تشير لمسمى واحد، لغة بشر طبيعية تتطور وتتغير ويتم تداولها مثل غيرها بخيرها وشرها. فمن الخطأ التأريخ للغة العربية بالنص الديني، وأي لغة طبيعية أخرى ينطبق عليها ذلك، يمكنك بكل بساطة أن تتحدث بفصاحة دون أدنى معرفة بالقرآن، فإن رغبت في التأثير على سامعك فقط حينها ربما يروق لك الاقتباس والاستدلال بالنصوص الدينية وتلاوتها بناء على معرفتك المسبقة لتأثيرها على المتلقي المسلم تحديداً.

لا أشير هنا للقرآن من ناحية قدسية في موضوع اللغة ولا أقصد بالتوثيق الصوتي التسجيلات!!
أعتبر القرآن تراث لغوي محفوظ لمدة 14 قرن كما هو من ناحية اللفظ ,من غير المنطقي تتجاهل كل المخزون اللغوي والصوتي ده عند التحدث عن اللغة العربية!!
الأديان عموما" أو قل المخطوطات الدينية والتراث الديني كان لها دور كبير جدا" في معرفة اللغات في أزمان سابقة أولا" لإرتباطها بحياتهم اليومية وثانيا" لقدسيتها
عند معتنقيها وبالتالي الحفاظ عليها بصورتها الأولى وتمريرها للأجيال القادمة.

Quote: لا أشير هنا للقرآن من ناحية قدسية في موضوع اللغة ولا أقصد بالتوثيق الصوتي التسجيلات!! أعتبر القرآن تراث لغوي محفوظ لمدة 14 قرن كما هو من ناحية اللفظ ,من غير المنطقي تتجاهل كل المخزون اللغوي والصوتي ده عند التحدث عن اللغة العربية!!

نعم، في هذا السياق يمكن أن أتجاهل القرآن

فالموضوع عن اللغة التي سبقت هذا القرآن بل كانت (أفصح) ما تكون وقت ظهوره ولم يظهر النص الديني ليصححها بل ليبزها، أو هكذا يقولون بصفته معجزة رسول الإسلام التس تضاهي سحر موسى وطب عيسى. ونعم يجب أن أتجاهله إذا النطق بالحروف المعنية (موضوع البوست) كانت ولا تزال تنطق بالفطرة عند الأقوام الذين "ترغبون" في تكون أصواتكم نسخة طبق الأصل من مخرجات حلاقيمهم. لماذا اتجاهله؟ ببساطة لأنك هنا إنما تحمله مجرد جواز مرور (عاطفي) تنهي صلاحيته في ذات اليوم الذي تنال فيه الاعتراف بأن لغتك هي (الأصح) فأنت صاحب غرض وأنا أفضل الوصول للهدف مباشرة بدون التواءات. فأنت لا تستدل على صحة حروف اللغة بالقرآن بل تفسر القرآن باللغة التي كانت سائدة في وقته، لكن إذا تطلب الأمر أن تستشهد على استخدامات معينة للغة في سياق ديني محدد فأنت بحاجة لنص ديني مثل القرآن. هذه الأصوات التي تميز الحرف العربي يا سيدي لم يأت بها القرآن ولم يزد عليها صوتاً حتى تجعله مرجعاً للنطق فهي موجودة قبل التوراة. المرأة (العربية المسلمة ربما) التي ظهرت في نواحي الخرطوم ولم تسمع بالرسول في حياتها (هذا في عام 2015 بعد ميلاد المسيح) لم تكن بحاجة لأي آية حتى تنطق حروفاً عربية أو تؤلف قصيدة حتى، سمعت بالحروف كما سمعت بها أنت وأنا. ________ ترى أخي إن ظننت أنك لا تزال بحاجة للتوكؤ على عصا ثانية فأنت واهم، تكفيك اللغة، مقدماً.

يا جماعة الموضوع في منتهى البساطة
تمتم كتير مننا بينطق القاف (غاف)
السعودي بيقول إنه (ظابط) في الجيش ... يقصد ضابط.

المصري يتكلم ليك عن اقتصاد (السوء) وهو يقصد اقتصاد السوق!!!

Quote: اضف لذلك اللام القمرية في "الجنة" و"الجبال"

لاحظت عند معظم العراقيين كله قمري .. الشمس ، والصباح وهلم جراًز

Quote: بروفيسور شوف عيني دي كتب Quote: اللة

هههههه!!
هزاع الشهري ... طابع الآلة الكاتبة في كتيبة الدبابات
أديته خطاب عشان يطبع
في الآخر كتب التوقيع ... قائد الكتيبه
رجعت ليهو الخطاب قلت ليه صلح دي [الكتيبة
لاحظ الوقت داك كانت الطباعة بالآة الكاتبة
قال إيش الفرق؟؟
قلت ليه الحين لو حطينا كتيبة مع كتيبتنا دي يصيرون كم كتيبة؟؟
قال لي يصيرون كتيبتين.. قلت ليه كتيبتين والا كتيبهين!!؟؟
قال لي... والله السودانيين فيكم شي فلسفة!!!

Quote: الســودانيين حتى الان يقولوا البغاء لله ..

حكى الوالد عليه السلام قال زاروا واحد من أساتذتهم في الأزهر وكان مريض
لمن جو طالعين واحد منهم قال للأستاذ أبغاك الله!!! ، رد الأستاذ:
بتؤول إيه يا فاسق!!!؟؟؟
أما في الإنجليزي فحدث ولا حرج ، الواحد يقول ، والجمال ماشة:
. واحد أخونا سأل الأمريكي حديث العهد بالإسلام :
؟ Do you want to bray
الخواجة عرف المقصود ، لكن الضحك شرطه ، وقرب يقع من كرسيه
وصاحبنا صاحب السؤال لي يومنا دا يكون متحير الخواجة ماله !!!

if a donkey brays, it makes a loud sound
2 if someone brays, they laugh or talk in a loud, slightly annoying way

Quote: وأرى أن علاجه يتم من المراحل السنية الصغيرة من الروضةوالصفوف الأولية

نان منو يالحبيب الماشي يعلم ليك من الروضة والصفوف الأولية؟؟؟


تحياتي

Quote: أما في الإنجليزي فحدث ولا حرج ، الواحد يقول ، والجمال ماشة: .

أما في الإنجليزي فحدث ولا حرج ، الواحد يقول ، والجمال ماشة:

!!!! I sink
.
تحياتي :

امبارح كنت متابع قناة النيل الأزرق.. وفيها برنامج عن محمود عبدالعزيز
المذيعة سهام عمر ضرستني وضايقتني.. كانت كل مرة بتقول البرنامج من تنظيم
مجموعة محمود في الغلب (القلب)..
بالنسبة لباقي الناس ممكن تكون المسألة ما ضرورية خالص..
لكن مذيع ويظهر على قناة فضائية مشاهدة في كل الدنيا..
بتكون المسألة غير مبلوعة..
ومذيعة أخرى في قناة أنغام تستعرض مواعيد قيام رحلات الطيران
المصرية المقادرة إلى القاهرة الساعة كذا
طيران الاتحاد المقادر إلى أبوظبي الساعة كذا

أها يا أخ بكري أحمد من الفيسبوك

نفترض إنو في مشكلة حقيقية زي من الناس متوهمة. كدة كلمنا شوية عن علاج الحالات دي (Speech-language pathology). لاحظ الازدواجية هنا فكلهم يرفضوا الظاهرة الطبيعية دي لكن ما عندهم مانع لو سمعوها من أهلها، الواحد يقول ليك (ضرسني) قلب حرف القاف غين ولو سألتو السبب شنو ينط يقول ليك (في القرآن ما كدة). تفتكر حرب الحلاقيم دي حتنجلي عن شنو؟ ________ هل تنفع الهجرة لبلاد العرب لاكتساب اللغة من هناك؟ أو ربما استقدام خلايجة لتدريسنا مخارج الحروف؟

Quote: امبارح كنت متابع قناة النيل الأزرق.. وفيها برنامج عن محمود عبدالعزيز

جميل جداً

أها يلا اسمع محمود هنا 1- لما يقول (يبقى وعد اللغيا قرب) في أغنية "وعد اللقيا" bit.ly/1TNdHwB 2- لما يقول (أغازل في حلم لغياك) في أغنية "شوق العيون" bit.ly/1JCV2mF 3- لما يقول (نحن التغينا على أمل فعلام هجرك والصدود) و (شوغا وتحنانا تذوب) و (لا نفترق بعد اللغاء) bit.ly/1UGD4Ac ____ أها دا بيضرسك برضو؟

اللغة ما حروف

بعدين منو القال إنو اللغة مفروض تكون حروف، البنات ديل ما بيقولن أي جملة مفيدة في النصف الأول للأغنية ________ الفرق بيننا والحيوانات إننا بنكتب، بس.

الأخ متوكل
والإخوة المتداخلون
لكم الود والتحايا الطيبات
مسألة نطق حرف القاف غيناً في اللسان السوداني مسألة لا تحتاج شن حرب عليها لأنها ليست خطأً ينسب إلى اللسان السوداني يترتب عليه محاربة ذلك الخطأ وتعديله أو تصحيحه بل أن اللسان السوداني من بين الألسنة التي تتحدث باللغة العربية لا ينفرد وحده بنطق القاف غيناً, والمسألة برمتها تعود إلى حرف القاف نفسه واقترابه من مخارج العديد من حروف اللغة العربية الأخرى مما ترتب عليه تحرك حرف القاف لدى كثير من الألسنة العربية من مكانه الأصلي وحلوله مكان بعض الحروف الأخرى كتحركه في اللسان السوداني وحلوله محل حرف الغين أحياناً ويشاركنا في ذلك جنوب العراق حيث ينطقون القاف غيناً مثلنا, وحلوله أيضاً محل حرف الكاف أحياناً ثانية مثل قولك (فلان كتل فلان – برتكان .... وإن كانت هذه اللفظة في اعتقادي أنها دخلت للسان السوداني من اللسان الحبشي) ويشاركنا في ذلك اللسان الفلسطيني, وفي أحيان أخرى تحرك حرف القاف في اللسان السوداني من مكانه وأصبح ينطق في كثير من الكلمات بصوت الكاف الفارسي (ڪ) مثل أن نقول: قدر الفول .. وبنفس الصوت نقول: قدم لأسفل الرجل .. ونقول قدام للأمام .. ونقول قدورة ..... إلخ ويشاركنا في ذلك الشعب اليمني برمته وشعب العراق بل إن شعب العراق يكتبون هذا النطق بالكاف الفارسية فإذا أراد أن يكتب صقر كتبها (صڪـر) وهي تماماً كما ننطقها نحن (صَقُرْ). وفي اللسان المصري نجد في بعض الكلمات أنهم ينطقون حرف القاف مثلنا غيناً مثل كلمة (يزغزغه وأصلها يزقزق) وفي اللغة التي يسميها المصريون اللغة القاهرية إنتقل حرف القاف من موقعه وحل محل حرف الألف فأصبح ينطقه المصريون ألفاً فإنهم ينطقون القلم (ألم) وهناك حروف كثيرة غير حرف القاف إنتقلت في بعض الألسنة من مكانها وحلت محل حروف أخرى ولكني اختصرت القول عن حرف القاف لأنه موضوع البوست وموضوع النقاش .... وبمناسبة حرف القاف حكت لي شقيقتي وهي تعمل في تدريس اللغة العربية في مدرسة عالمية بمدينة جدة وأنهم عقدوا معاينة لتعيين مدرسة للغة العربية وكان من بين المتقدمات سيدة مصرية .. فطلبت منها مديرة المدرسة أثناء المعاينة أن تقرأ سورة (ن والقلم ومايسطرون) فقرأتها (ن والألم ومايسطرون) فكانت النتيجة أن فقدت فرصتها بسبب النطق لحرف القاف .... وقد ذكر أحد علماء اللغة العربية حول صوت حرف القاف أنه (يعد من الأصوات التي عانت كثيراً من التغييرات التاريخية في اللغة العربية فإن مقارنة اللغات السامية تدل على أنه صوت شديد مهموس ينطق برفع مؤخرة اللسان وإلصاقها باللهاة لكي ينحبس الهواء عند نقطة هذا الالتصاق ثم يزول هذا السد فجأة مع عدم حدوث إهتزازات في الأوتار الصوتية .... وقد عد قدماء اللغويين العرب "القاف" من الأصوات المجهورة في العربية الفصحى, فإن صدق وصفهم إياها بالجهر كان ذلك النطق من التغييرات التاريخية في العربية القديمة) وهذا النطق المجهور نجد أثره متمثلاً في تحرك حرف القاف من مخرجه متحركاً إلى مكان حرف الغين في اللسان السوداني وفي مكان الهمزة في اللسان القاهري على نحو ماأسلفت.

كلام عقل ياقدور .... حمد الله علي السلامه

Quote: الاخ حاتم مالك زعلان خيلك سوداني وحافظ على حلقومك

هي الما بزعل شنو يا محمد عيسى يا أخوي؟

السيد العربي دا حيرضى عننا متين أصلو؟ هسع شغالين نحارب ليهو في اليمن كمان دايرنا نحارب حلوقنا.

كتب حاتم ابراهيم

"السيد العربي دا حيرضى عننا متين أصلو؟"

يبدو من ردك أعلاه إنك ما عربي يا حاتم وهنا يجب ألا تشغل نفسك بموضوع البوست كله، لأن الحروف المذكورة ليست الحروف التي لا يستطيع نطقها الأعاجم، فليس البوست عن الحاء التي ينطقها الاعاجم هاء ولا عن الخاء التي ينطقها الاعاجم كاء أو هاء، لذلك يجب ألا يتأثر الذين لا تكون اللغة العربية هي لغتهم الأم بهذا النقاش، فكما يقبل أهل اللغات الأخرى منا طريقة نطقنا للغتهم فأيضا نحن العرب نقبل نطق الأعاجم لبعض الحروف بغير طريقتها العربية ولا حرج في ذلك، لكن الحرج في ألا ننطق نحن (وعند العجم نهن) حروف لغتنا بطريقة سليمة، سواء كان ذلك في السودان أو غير السودان

الأصل في اللغة العربية "البيان" والتجويد، وصاحب البوست من غيرته على لغته كتب البوست، فمن كان في نفسه عقدة عربي-وغير عربي فهذا أمر آخر

******

ينطق أهل الاحساء في السعودية القاف كما ينطق أهل السودان بل وبإغراق شديد ف "قيل" عندهم "غيل"
لا يعرف أهل الجبيل في السعودية نطق كلمة سلطة وينطقونها "زلطة"

*******

إذا طلبت من سوداني أن يكتب كلمة قلم كما تنُطَق باللهجة السودانية فسيكتبها "قلم" ولنفس النطق يكتبها المصري "جلم" ويكتبها الشامي "غلم" ولا عزاء للأعاجم

Quote: إلخ ويشاركنا في ذلك الشعب اليمني برمته وشعب العراق بل إن شعب العراق يكتبون هذا النطق بالكاف الفارسية فإذا أراد أن يكتب صقر كتبها (صڪـر)

مشكور يا دكتور

ونفس الصوت عند المغاربة أيضاً وتكتب وسطاً بين الغين والكاف أي بنفس طريقتنا عندما ننطق (قلم) لكن يكتبون هذا الصوت بكاف مثلثة (أڭادير). ولا يمنع من كتابتها بالكاف المثلثة إلا عدم توفر الحرف في لوحات الكتابة فتكتب إما (أغادير) أو (أكادير). https://ar.wikipedia.org/wiki/%D8%A3%D9%83%D8%A7%D8%AF%D9%8A%D8%B1

Quote: أولاً الشكر موصول ليك الاستاذ حاتم على رفعك تعليقى من على (الفيسبوك)، ثانياً، الموضوع فى غاية الأهمية لأنه يدعونا الى حمل معاولنا لاجتثاث حرفى (غ) و (ق)، مع أن الموضوع اذا نظرنا اليه ببساطة يتعلق بثقافة وموروث سودانى أصيل والغريب أن الأخوان المعلقون أتوا بأحرف أخرى، فمنهم من أورد حروف (س) و (ث) فالمشكلة اذن أكبر. بالنسبة شخصياً لا أتضايق من تبديل هذه الحروف اذا قام بنطقها سودانى لاننى أعرف مايقصده عند النطق بها، واذا رجعنا الى موضوع (الاولوفون) ربما تضح الصورة، وفى هذا الصدد أورد الاخوة أمثلة من بعض الدول العربية تفيد بوجود تبديل حروف بحروف اخرى . اذن أين المشكلة؟ أحسنت صنيعاً الاستاذ حاتم بتنويهك بعدم جلب الدين -مع أهميته- الى موضوع يتعلق بنطق الحروف، وأخص بذلك القرآن الكريم وقد ذكر أحد الاخوة أن القرآن المقروء هو المعيار، ولكن العكس تماما، لان المعيار المعمول به هو القرآن "الرسم العثمانى" لأن القرآن المقروء-تاريخياً- حدث ولا حرج (ارجو أن يرجع الاخ الكريم الى القراءات المتواترة و الشاذة فى القرآن) فقد بدلت أحرف، وحركات، وتصريف ولكن ما جاء فى (الرسم العثمانى) هو المعيار، وعلمنا أن الشاذ يعمل به ما عدا فى الصلاة والدعاء فيجب علينا قراءة المتواتر ، والمتواتر جاء على سبعة أحرف وكل هذا من أجل التيسير، كما وللحقيقة عندما أرسل سيدنا عثمان نسخ الى أقاليم منها اليمن الشام الكوفة المدينة، لم ترسل لنا نسخة الى السودان (يعنى معزورين).

Quote: لعلك اخى أوردت موضوع ال Dialect وهو تلك الخواص اللغوية التى تتميز بها مجموعة من البشر وال Idiolect وهو المميزات او الخواص الفردية لشخص فى نطقه للغة ويشمل هذا المفردات ، القواعد و النطق. واللغة جزء من الهوية الثقافية ونطقنا للغين قافاً أو العكس أصبح موروثاً ثقافياً لاننا نتحدث العامية وتحدثنا بها يعنى أننا نشعر بالحميمية فى التعامل بها، اما مايحدث مع المذيعين فى تبديلهم للحروف هو ما يعرف ب Language-interferenceالتداخل اللغوى وهو أن المتحدث بصورة لا شعورية ينطق بحروف كان ينطقها عند استخدامه للغة العامية وهذا لا يعيبه. ما يحدث فى اللغة الانجليزية أمر عظيم ولكى يتفادوا الموضوع قالوا أنه (لكنة انجليزية، أو أمريكية، أو استرالية) accent فاراحوا أنفسهم من عناء محاربة النطق الصحيح فيقول لك الاسترالى you come here to die ويقول لك البريطانى you come here to day والمعنى واحد والنطق مختلف، واياك أن تذهب الى استراليا لانك سوف تقود حملة غير مثمرة لتغيير عوجة لسانهم.

مقتبس من مداخلتين للأخ بكري أحمد من الفيسبوك

سأعود للتعليق.

السلام عليكم ورحمة الله
أخي متوكل وضيوفه الكرام
موضوع الحروف المتقاربة في اللغة العربية ما حبابو
و الغين والقاف ديل بالذات مفروض يعفونا منهم.
و الاقبح في نظري وظهر مؤخرا هو الخطأ في كتابة الكلمات ياخ دي دي حاجة ما مقبولة إطلاقا
يعني ممكن نمشي النطق الخاطيء لانو نحن ما إتعلمنا ننطق الكلمات صاح
لكن موضوع كتابة الغين قاق والقاف غين دي ما مقبولة حتى في الكتابة بالدارجي

Quote: وواحد كتب كلمة زى الأقلال ويقصـد الأغلال

والمثال الفوق دا اصبح مثل الظاهرة او الموضة وكل يوم الناس تخش في الموضة دي.
والله يستر علينا من الإنجراف .
وأنا أراهن انو معظمنا (وأنا أول الناس طبعا) ما حس بفداحة خطأ نطقنا لبعض الحروف إلا لما طلعنا برة السودان
يعني كلمة "تزعة"دي - رغم شناتها - مستحيييل كنت أنتبه ليها .
------------------------
في السعودية واحد كتب على جدار منزل ( ليه الواتس فيه "حضر" وما فيه "بدو")

يا حاتم اللغة العربية هي اللغة الأصلية لمعظم سكان السودان وهي اللغة الرسمية للسودان منذ خمسة قرون
حتى سكان الجنوب المنفصل لم يستطيعون الاستغناء عنها لأنها بالنسبة لهم لغة التفاهم بين القبائل ذات اللغات المختلفة
وفي هذا البوست دليل على أن لهجة سكان السودان عربية أصيلة ولم تكن تقليداً لأحد أو كما تحاول أن تروج للناس
غرائب الكلمات في دارجيتنا فصيحة وموجودة في المعاجم العربيةغرائب الكلمات في دارجيتنا فصيحة وموجودة في المعاجم العربية

السبب في صعوبة نطق القاف والذال والثاء
هو أن الدارجية السودانية لا يوجد نطق هذه الحروف كما تنطق في الفصيح
فمثلاً القاف تنظق في الدارجية السودانية بالحرف الذي بين القاف التي تخرج من أعلى الحنك والكاف التي تخرج من أسفل الحنك تحدث عن هذا الحرف ابن خلدون وذكر أن هناك جماعة من آل البيت يعتقدون أنه هو النطق الأصح على خلاف أهل اللغة وذكر أن هذا النطق أصيل في اللغة العربية ونجد اليوم كثير من أهل الجزيرة العربية ينطقونه ...
أما الذال ففي دارجينا ننطقها إما دالاً أو ضاداً ..مثل كضاب مثلاً وضنب وهكذا ..
أما حرف الثاء ننطقه في دارجيتنا تاء وهذا النطق أيضاً شائعاً في البلدان العربية.

يا خوانا دي اختلافات لسانية و موجودة في كل اللغات التي تتحدثها عدة شعوب و موجودة حتى علي نطاق الشعب الواحد تجد ان كل منطقة لديها سمات لسانية مختلفة في النطق لاسباب كثيره ..
لا يوجد داعي ولا سبب للاشمئزاز من لهجتنا او طريقة كلامنا بالذات في اللغة العامية ، مالا تزعه (9) ؟ ايوه تزعه شنو المشكلة طالما المخاطب بيفهما في السعودية او في اي حته وهي ليست بعيدة من النطق الصحيح "تسعه" ..
لكن رغم ذلك تجويد الشيء ما استطعنا افضل من تركه .. لو تعاملنا مع الامر كأنه قدر نكون قد اخطأنا ، من الممكن اصلاح بعض الاشياء دون نتحدث عن كيفية تعامل الآخر معها واقصد الدول الناطقة بالعربية ، ما عندنا بيهم شغلة ، ما فيهم دولة عندها حق الامتياز الخاص باللغة العربية ، لو عايزين نصحح بنصحح من باب التجويد فقط .. وعندما نتعامى عمدا عن خطأ يمكن اصلاحه اليوم ، سنتعامى غدا عن خطأ آخر وهكذا هذا فيما يختص باللغة الفصحى .. في كثير من الاحيان تؤدي اخطاء النطق الى اخطاء في الكتابة وهذه كارثة يمكن ان تثير الكثير من المشاكل ..
اما في الدراجة ، كل زول بي طريقتو ..
سلام

Quote: يا حاتم اللغة العربية هي اللغة الأصلية لمعظم سكان السودان وهي اللغة الرسمية للسودان منذ خمسة قرون حتى سكان الجنوب المنفصل لم يستطيعون الاستغناء عنها لأنها بالنسبة لهم لغة التفاهم بين القبائل ذات اللغات المختلفة وفي هذا البوست دليل على أن لهجة سكان السودان عربية أصيلة ولم تكن تقليداً لأحد أو كما تحاول أن تروج للناس

انتبه لكلماتك، فما أظن قصدك تقول "أصيلة" ما عايزين نقول ليك استشهد بالمصادر

فإذا كانت ( لهجة سكان السودان عربية أصيلة) طيب زعلانين منها وعايزين يحاربوا حروفها ليه؟

Quote: دليل على أن لهجة سكان السودان عربية أصيلة +++ تحدث عن هذا الحرف ابن خلدون وذكر أن هناك جماعة من آل البيت يعتقدون أنه هو النطق الأصح +++ وذكر أن هذا النطق أصيل في اللغة العربية ونجد اليوم كثير من أهل الجزيرة العربية ينطقونه

فزي ما قلت ليك يا أخ بكري أحمد الناس ديل شاغلهم (الاستعراب) ما اللغة ولا الدين

اللغة والدين ديل عكازتين يمين وشمال يساعدن الموهومين بالشلل ديل في الوصول بس. وأهو يا أخ آدم صيام، دائماً تنبؤآتي في محلها، العناوين من منتصف السنة الفاتت بقت ملتوية، زول بجيك دغري مافي، إلا بعد العصر. هسع دا غالبوا يتفاهم مع "النيس" إلا يستأذن من "آل البيت" ويسألهم عايزني اتكلم كيف؟ ____ وزعلانيييين.

Quote: فإذا كانت ( لهجة سكان السودان عربية أصيلة) طيب زعلانين منها وعايزين يحاربوا حروفها ليه؟

الهجوم ليس على الدارجية السودانية ...الهجوم على الذين يتحرجون من النطق الدارجي ...ويحاولون نطق القاف كما في الفصيح وليس كما ننطقها بالدارجية ..(قين)
وهم ليسوا متعودين على نطقها الفصيح ....فليزاوجوا بين الفصيح ونطهم الدارجي للقاف
اللهم إلا نطقها في القرآن الكريم فيجب الالتزام بالنطق الفصيح وليس الدارجي

Quote: الهجوم ليس على الدارجية السودانية ...الهجوم على الذين يتحرجون من النطق الدارجي ...ويحاولون نطق القاف كما في الفصيح وليس كما ننطقها بالدارجية ..(قين) وهم ليسوا متعودين على نطقها الفصيح ....فليزاوجوا بين الفصيح ونطهم الدارجي للقاف اللهم إلا نطقها في القرآن الكريم فيجب الالتزام بالنطق الفصيح وليس الدارجي

يعني سيد البوست والباقين بيهاجموا في روحهم

وانت هنا بتشرح في موضوع البوست؟ خير. _____ كأننا والماء حولنا قوم جلوس حولهم الماء.

Quote: يعني سيد البوست والباقين بيهاجموا في روحهم

لا وإنت الصادق قنعوا من البوست وخلوهو ليك ...أملاهو صفافير

بتفق مع حاتم.
شوفوا المصريين ونطقهم للجيم الالف!
ونطق الشوام للكاف!!
حتي العرب بيختلفوا, وكسودانين نحن عارفين التنوع.
وفي مقولة بتقول سين بلال عند الله صاد!!
فياخوانا:
لا للحرب في صغائر الامور, فالله عليم بما في الصدور
والاعمال بالنيات!

ملهمنا الجميل
لك الود والتحايا الطيبات
ولك محبتي التي تعرف .. وسلمك الله ياصديقي
ومشتاقون والله كثيراً .....

Quote: فالموضوع عن اللغة التي سبقت هذا القرآن بل كانت (أفصح) ما تكون وقت ظهوره ولم يظهر النص الديني ليصححها بل ليبزها، أو هكذا يقولون بصفته معجزة رسول الإسلام التس تضاهي سحر موسى وطب عيسى.

سؤال لحاتم ابراهيم : هل أنت مسلم ؟؟ !!

في واحد من كتيبات السياحة عن بلجيكا، أول نقطة مكتوبة عن عادات البلجيكيين:
Belgians don't like to talk about their income or politics.
You must also avoid asking people about their views on religion.

حاول يا منير، في العشرين سنة الجايات أن تقيم بقلبك أيضاً في تلك الديار

Quote: سؤال لحاتم ابراهيم : هل أنت مسلم ؟؟ !!

والله يا اخ منير أنا خايف بعد شوية المسلمين في المنبر دا يكونوا أقلية مضطهدة....
ما شايف المطبلاتية !
تسمع كلام تعجب له وتنتظر من يسبقك لإدانته فسرعان ما تجد من يأتي ليقول اتفق معه فيما يقول!

Quote: Belgians don't like to talk about their income or politics. You must also avoid asking people about their views on religion. حاول يا منير، في العشرين سنة الجايات أن تقيم بقلبك أيضاً في تلك الديار

ياأبوبكر .. ده كلام معلوم حتى بدون قراية ..
لكين هسه حروفى دى بكتب فيها بعدما جئت من الغدا وكنت فى سين وجيم عن دينى والإسلام بكل تهذيب.. وجاوبت بكل أريحية ووداد ..
لمن زوول مسلم تحس بأنه شغال إستفزاز فى دينك ، فعلى الأقل تحاول تستوثق من إنو الزوول ده مازال مسلم، عشان تشخت شخيت وتتعامل معاهو حسب إعتقاده .. وأفتكر أنا قبل كده سألتك أسئلة مشابهة بعدما أكثرت من الإستفزازات التى تؤذينا ــ لكنك لم تمتلك الشجاعة للإجابة فتركتك وظللت أحفظ لك شعرة من حسن الظن طالما غلبك تصرِّح وتنفى علاقتك بالإسلام ..
قبل كده برضو عادل عبدالعاطى عندما أعلن إلحاده هناك من سأله أن يكتب أنه ملحد ويرجو أن لا يُصلى علي جنازته وأن لا يدفن فى مقابر المسلمين .. وبرضو عادل لم يكتب ذلك، وبرضو الواحد محتفظ له بخصلات غزيرة من الظن الحسن لأنه محتفظ بإعتقاده لنفسه وليس طائحاً فى المنبر مشتغلاً بإستفزاز الآخرين مثلك تحت دعوى الإستنارة ..

سلامات أخى منتصر ..
الحالة أصبحت صعيبة ..

Quote: "السيد العربي دا حيرضى عننا متين أصلو؟" +++ يبدو من ردك أعلاه إنك ما عربي يا حاتم وهنا يجب ألا تشغل نفسك بموضوع البوست كله +++ لكن الحرج في ألا ننطق نحن (وعند العجم نهن) حروف لغتنا بطريقة سليمة

إذن فالوضع الطبيعي أن تجيب عن استفساري

وأن تشغل نفسك أكثر بموضوع البوست، لا بالشخوص، فلدينا مشكلة متوهمة هنا. ___ بالمناسبة: ماذا تعني بمصطلح "طريقة سليمة"؟

Quote: تسمع كلام تعجب له وتنتظر من بسبقك لإدانته فسرعان ما تجد من يأني ليقول اتفق معه فيما يقول!

فهل كنت تنتظر الآخرين للإدانة؟

وهكذا الحياة.

Quote: والله يا اخ منير أنا خايف بعد شوية المسلمين في المنبر دا يكونوا أقلية مضطهدة....

لا تخف، إن الله معنا

وهكذا الحياة. _____ Too early to go naggy dear.

Quote: سؤال لحاتم ابراهيم : هل أنت مسلم ؟؟ !!

؟
؟
؟

Quote: سؤال لحاتم ابراهيم : هل أنت مسلم ؟ ؟ ؟

وانت خشمك فيهو ساكسفون

ما تجاوب. ___ منير اختشي.

Quote: ما يحدث فى اللغة الانجليزية أمر عظيم ولكى يتفادوا الموضوع قالوا أنه (لكنة انجليزية، أو أمريكية، أو استرالية) accent فاراحوا أنفسهم من عناء محاربة النطق الصحيح فيقول لك الاسترالى you come here to die ويقول لك البريطانى you come here to day والمعنى واحد والنطق مختلف، واياك أن تذهب الى استراليا لانك سوف تقود حملة غير مثمرة لتغيير عوجة لسانهم.

هنا نموذج للكنة الاسترالية

_____ سأعود لشرح متعمق فيما يتعلق بخصائص النطق اعتماداً على مداخلات الأخ بكري أحمد من الفيسبوك.

كيف يسمع "الأعاجم" الحروف العربية

_____ وهو محق فالعربية تبرز فيها الحروف البلغمية (ح، خ، ع، غ، ق).

نواصل الحرب على الحروف

Vocal cords أو (الحبال الصوتية) أو (الأحبال الصوتية) وهي ترجمة حرفية متخلفة لكنها سادت، مافي حبال ولا أي حاجة بتشبهها جوة الحلق، مجرد عضلتين مغلفتين بالمخاط يتقلصن أثناء الكلام ويتباعدن أثناء الشهيق. على اليمين اثناء الكلام، على الشمال أثناء الشهيق تحت أثناء العمل وتوليد الصوت إذن، كل ما يحدث هو مجرد توظيف لنظام ميكانيكي هوائي يبدأ من الحجاب الحاجز وينتهي بالشفايف، النظام أساساً للتنفس، كله ما عدا اللسان والأسنان، ديل للأكل، الباقي خاص بتوفير الأكسجين، أحمدوا الله انكم باصرتوا ليكم طريقة بتاعة كلام ومعاها طنقعة وتلمظ، تسحب كمية هواء كافية ثم تذفرها في الوضع العادي، إذا عندك وعايز تتكلم أو تغني تقوم تضيق الفتحة بتاعة الحبال الصوتية وأثناء اهتزازها يتم تنغيم الصوت. دلوقتي، دا علاقتو شنو بالغين والقاف؟ مافي علاقة مباشرة، البنسميها أصوات الحروف (phonemes) بتبدأ من هنا ، نوع منها فقط، زي الهاء والألف (ما الهمزة) والواو والياء وحروف أخرى احتمال أخونا بكري أحمد محمد من الفيسبوك يحب يتكلم عنها بإفاضة. معظم الحروف بيتم تشكيلها في المنطقة بعد اللوزتين إلى الأسنان باستخدم اللسان تحديداً وتجويف الفم والأنف للتأثير على صوت الحرف في عملية اسمها (articulation)، يعني بعد ما تجر نفسك وتعبي رئتك هواء بتبدأ تطلعو بالتقسيط المريح، وهو طالع بيمر على الحبال الصوتية، ياخد النغمة الأساسية، وهو مارق للزول العايز (تناقشو، أو احتما تغني ليهو) بتعمل (phonotactics) يعني تعدل وضعية لسانك وشفايفك واسنانك واحتمال تقفل أنفك أو تفتحها للنهاية وبكدة يطلع صوت متصل، ما حرف، لا، صوت متصل، الطرف التاني المستمع هو البيحدد وين بدأ الحرف ووين انتهت الكلمة، أثناء حديثك، طبعاً لو سكت كل الناس بتعرف إنو كلامك انتهي، دي ما دايرة فن وعلم. أها، ناس بكري أحمد محمد، بيستخدموا عندهم رسومات وتوضيحات خاصة احترافية، خلونا نشوف واحدة مبسطة لكن أنا حبيت أجيب ليكم حاجة أسهل لاحظو إنو القاف والغين أخوات، مخارجن قريبات من بعض، بس القاف قدام شديد والغين ورا منها (وراء يعني راجع اتجاه البطن)، أثناء كلامك السريع من الصعب تعمل تعديل (articulation) لوضعية لسانك عشان تشكل صوت القاف وبيحصل إنك بتاخدها من قاصرها (حسب الحرف السابق واللاحق) وبيطلع صوت الغين نتيجة للحاصل دا لأنها ما بتكلفك غير توسع حلقومك، بينما القاف (والهمزة) بتحتاج تقفل حلقك تماماً (choke) لأنها (glottal)، دا زي شنو؟ تكون سايق العربية والكلتش يعكلت معاك تقوم تخليها في نمرة اتنين وتصبر لقدام والحال يمشي. يلا الوضع يا إما مكتسب بالتعلم من البيئة أو متوارث (خلقي)، يعني ما جريمة. العلاقة غير المباشرة قد ترتبط بخلفيات ما ليها علاقة باللغة لا من قريب أو بعيد، قد تكون نفسية وقد تكون اقتصادية (غير مؤكدة)، النفسية دي مجربة (الغضب، الفرح، الغم) أما الاقتصادية دي فمجرد ملاحظة مني قد تكون صحيحة أو تخطيء. ملاحظتي تنبني على أساس أن الميسورين عادة لا يتعجلون في الحديث، أو زي ما بنقول نحن "بقعدوا الكلام" ما عارف المقصود "تقعيد" من قواعد ولا وضع كل حرف في مكانه واعطائه حقه من النطق، الله أعلم دي دارجية وأي زول ليهو تفسير. المهم، الغنيانين ديل نادراً تكون عندهم أخطاء ناتجة عن التسرع في الكلام فهم ما عندهم قلق بخصوص المعيشة زي الزول البكابس من الصباح ومستعجل عشان يوفر الرغيف والخضار، حلاقيمهم مرتاحة ومخارج حروفهم مفروض تكون سليمة. ================ للإجابة والتحقق من (النظرية البنانية دي) بذكر طرحت سؤال وجاتني إجابات وشبه شكلة قربت تحصل بين دومينيك وراميش، حأرجع ألخص المداخلات دي يوم تاني. Hatim Does economy affects speech dynamics؟ in another words, Do poor societies tend to have a fast tempo utterance؟ Dominik Bousquet Languages don't change as quickly as economical situations do. For Instance, Americans didn't start speaking twice as fast as they used to betwenn 1.09.1929 and 1.11.1929. Languages tend to change very slowly through history, and so does the utterance tempo. Some french scientists have prouved that languages with a fast utterance tempo, like spanish, are phoneticaly faster than slow languages, but as fast as them semanticaly speaking ( ...). Those scientists say that all languages are exacly the same speed (semanticaly speaking). But I don't think this study is very good, and you may be right in some way. You should do a comparision study smile emoticon (but consider how fast an american can speak) Hatim Hi Interesting enough, I noticed that in rural areas in my country one cannot even catch words. I believe this is because of hard life they experience, not a scientific opinion though. Ramesh Krishnamurthy stereotypically, surely rural populations (usually poorer than urban populations) are described as speaking more slowly؟ in situations where 'time is money', people will speak faster؟ cf longer vowel length in Texas than in New York, or in Somerset/Devon than in London؟ Hatim Well, the same applies for rural population where the situation will rather be (how long time to join much easier life in big cities؟) Ramesh Krishnamurthy Ramesh Krishnamurthy sorry, i don't understand... urgency of *desire* in a slow-paced environment may not affect speech in the same way as urgency of *need/interaction* in a faster-paced environment؟ Dominik Bousquet Why would a hard life or a bad economical situation change the way you speak ؟ The homeless people in my city actually speak much slowlier than I do or my teachers do (for instance). Maybe you should take stress rather than wealth as a factor for fast utterance tempo. And maybe poor people tend to be a little more stressed than others (due to their bad economical situation). But consider a business man : lot of stress (and fast speaking ؟). Ramesh Krishnamurthy @Dominik - homeless people speak more slowly؟ if you agree that homeless people are poor, then this is exactly what i said... but then you confused me: take stress rather than wealth...poor people are more stressed... so business people - lot of stress - speak faster؟ Dominik Bousquet Homeless people in my city aren't stressed at all : in France, they all get 450€ per month (automaticaly, since french people consider everyone has the right to have money), and they choose to live the way they live and they fell happy about that. It's a lifechoice. But I said maybe poor people TEND to be a little more stressed as others, in general. Wealth is not the only factor that increase stress, but it is one of them I think. Ramesh Krishnamurthy mmm... i'm glad you have got to know all the homeless people in your city so well... and even more pleased to hear that they have told you that they all chose their lifestyle and are very happy with it... ...but this discussion was originally about speech rates, and i think we are wandering further away from that discussion...؟ the *process of acquiring wealth* may be stressful... but i can't imagine that the wealthiest people in the world deserve my sympathy for their stress levels more than the poorest people in the world... i certainly speak faster when stressed (and probably when drunk, to introduce another factor)... ... but i don't think i am at all 'wealthy' by UK standards... Dominik Bousquet The discussion is about factor that could increase or decrease speech speed. The fact is : some people speak faster than others do, in a same language. We are looking for factors, and I think wealth isn't a very good one (since some poor people speak slow and some rich people speak fast), but stress may be a good factor (under many many others). But stress is a complicated thing : how can we say someone is more stressed than someone else ؟ It's hard to say. And I think wealth is a factor than could increase stress level, but not infer the speech speed directly. Don't you agree ؟ As other factors could be : dialectal specificities (french speaking people from Marseilles speak averagely faster than people from Belgium), tiredness (wenn it's 1pm / 4am), external disturbance (loud surrounding etc.), subject spoken (trying to explain a philosophical concept / talking about weather etc.), and many others I guess. Hatim Hi people, we can on arguing about this for so long referring to special cases, I wonder if there any comparative study on this subject؟ Dominik Bousquet Here's a little list of factors (end of the article) : http://sixminutes.dlugan.com/speaking-rate/ Now you could see how those factors affect rich people and poor people, comparatively, because of their economical situation, an you'd get your answer Ramesh Krishnamurthy i reiterate my original point: i think that *in general* #1 rural communities, with slower pace of life, have a matching slower speech rate... urban communities, with faster pace of life, have faster speech rate... #2 rural communities are generally poorer than urban communities .. #3 but i think the rural/urban setting is the primary factor, not their economic status

بسموها "مخارج الحروف"!

وهي في الحقيقة التصنيف التشريحي لمواقع تكون الحروف وليس "مخارجها"، الصورة التحت للجهاز الصوتي العلوي لاحظوا إنو في أصوات لا يمكن نطقها إلا بتمرير الهوا من فتحة الأنف، دي اسمها (nasals)، أيوة، النزلة الواحدة دي، زي صوت حرفي الميم والنون، فإذا قفلت نخرتك حيتحولوا تلقائياً إلى صوت الباء والدال، حالة الزول المنزل. أهي أسامي المخارج من ناحية تشريحية ف، ب = Labial م = Nasal Labial ن = Nasal Alveolar ت، د ، ز، س = Alveolar ذ، ث = Dental ش = Palato-alveolar ج = Palatal ك = Velar خ، ق ، غ= Uvular ع، ح = Pharyngeal أ، هـ = Glottal إذن مشكلتنا في المنطقة الاسمها (uvula) نشوف مع الدكاترة من ناحية تشريحية هل السودانين عندهم عيب خلقي في البقعة دي تحديداً ولا اللسان ما بيقفل كويس (clutching) ولا الحتة دي دايرة تمرين عشان الجلبة تحبس الهواء وتعمل (choke) ما يسرب الهوا، القفلة النهائية بتدينا (ق) وأي تسريب بدينا (غ) واحتمال (خ) عند بعض الناس المبوشين كلو كلو. أها؟

ملاحظات طريفة

المنطقة الاسمها "حبال صوتية" مسؤولة من خصائص الصوت (عند الغناء) للحالات التالية: لما يكون في حدة صوت ماريا كلاس أو بخشونة صوت لوي أرمسترونغ أو رخامة صوت كيني روجرز أو قوة صوت لوتشيانو بافاروتي أو طلاوة صوت مايكل جاكسون لكنها ليست مسؤولة من غلظة صوت بروس سبرينغستين أو بحة صوت ماريا كاري ويلي نيلسون وتينا تيرنر وسبرينغستين وماريا كاري يستخدمون تقنيات تغيير الصوت (phonotactics) بتوظيف الحنجرة واللسان وتجويف الفم إضافة لطبيعة الصوت (tessitura) الخلقية. عمار السنوسي أكثر المغنيين السودانين وضوحاً في مخارج الحروف بعد الكابلي والمرحوم مصطفى سيد أحمد، بالنسبة لي طبعاً، حتى لا نظلم آحرون لم تتح لهم فرصة التسجيل الاحترافي. عمار هو الوحيد حتى الآن الذي يوظف عملية تتبع مخرج الصوت (vocal spotting)* فهو حريص على توجيه المايك إلى الأنف لحظة النطق بالحروف الأنفية (الميم والنون) في الفيديو الفوق لما يقول (آملن) منفردة بيوجه المايك للأنف ولما يجي يبدأ بيها (أملاً لقياك) بيغير الحرف لام وبيقول (أملل لقياك الحبيب)، وهي أوضح ما تكون في الكلمة (عذبتن) لما يقول (تسري النسائم عذبتن)، التكنيك واضح في حفلاته على الهواء، عمار يعرف وين يضع المايك في المخرج الصحيح للحرف. المرحوم محمود عبد العزيز يستخدم تكنيك مشابه لكن لأغراض تانية غير توضيح مخارج الحروف، بتوجيه المايك للحنجرة من الخارج في بعض الأغنيات. سأعرض لهذه الأشياء في بوست الموسيقى باسهاب. ____ * المصطلح من عندي.

بتظهر أوضح في الدقيقة 6:23 عملية رفع المايك للأنف

في فيديو عمار السنوسي الفوق دا، لما يقول (عند) في مقطع "ونلتقي عند الغروب". لكنو بيقول (مفتخر السياب) نطق الثاء سين دا برضو يدخل ميدان المعركة. ____ الحق حق.

للأسف تم تخريب بوست هادف و لذيذ

قاتل الله العقد و الايدلوجيات الصغيرة

يا اخي كان تفتح ليك كورس linguistics

و phonetics

ممل جدا جدا

في صفحة خاصةبيك

عرفنا الفهم الضيق

ذوق ساي مافي؟

من المدرسـة طبعاً، معلمى اللغة العربيـة هم الذين غرسوا هذه الحروف المشقلبة في عقول الطلبة، لذلك لا حل لها إلا لمن رحم بى.
شخصيا تخلصت منها نهائيا والحمد لله.
ومدرسو اللغة الإنجليزيـة أيضا ما قصروا في حرف B وال P .. كل السودانيين تقريبا لا يعرفون كيف ينطقون ال P وينطقونها مثل ال B

وانا استمع لأخ يستهجأ اسم شخص لموظف على التلفون ويقول..
His namd is Beter.. B as in Beople

في فيديو عمار السنوسي الجابو حاتم في بنات و سيدات سودانيات محتفظات
بلونهم الاسمر الجميل و لا يبدو عليهن اي اثر لاستخدام مستحضرات تفتيح
البشرة..من مدة طويلة الواحد ما شاف الخدرة الناعمة البحكوا بيها زمان..
بعد ان شا الله تنطقوا القاف شينا..ابعدوا لينا من الخدرة الناعمة بس.

Quote: بعد ان شا الله تنطقوا القاف شينا..ابعدوا لينا من الخدرة الناعمة بس.

هل اكتفينا من الفتريتة؟
كم نسبة الامية في السودان؟

Quote: للأسف تم تخريب بوست هادف و لذيذ قاتل الله العقد و الايدلوجيات الصغيرة

أظنك قاصدني!

كدي برااااحة موضوع البوست فعلاً عن اللغويات والمنطوقات (linguistics, phonetics) هسع شايفني بتكلم عن سلطة قيصر بعملوها كيف؟ الخطأ هنا أن البوست بدأ بالقتال والحرب، يعني زي دعاءك واحد (قاتل الله العقد ...) سبحان الله، مشاركاتي هنا لتلطيف عقد أمثالكم ولتوضيح خفايا ما تظنه آت من السماء، أو يتوارث كابر عن كابر قداسة وطفاسة وحماسة وفلاسة. يعني يا أخينا قاسم العقد والأيدلوجيات "الصغيرة" طلعت في جانبك، أنفورشنيتلي. كدي تعال اقنع واحد إنو نطق القاف غين "غلط". انتا خلي بالك عاجباك الصبغة النوستالجية بتاعة (إنو نحن ما بننطق العربي زي ناس الخليج) وداير البوست يواصل بنمط أخونا منتصر البيعتقد جازمن وحازمن إنو "النطق الأصح للحروف عند آل البيت" ما ياكا يا النور؟ بعدين ياخي انت متين شفت البوست دا، كان ما أنا رفعتو؟ فبطل الأسف والتسليم دا تعال شارك وصلح الفتلة الانت متخيلها دي بدل تدعوا علينا "بالقتال" هههههه ____ عرفناك مستلب، فهم ساي مافي؟ هي معليش، يفترض يكون مافي!

Quote: شخصيا تخلصت منها نهائيا والحمد لله. ومدرسو اللغة الإنجليزيـة أيضا ما قصروا في حرف B وال P .. كل السودانيين تقريبا لا يعرفون كيف ينطقون ال P وينطقونها مثل ال B وانا استمع لأخ يستهجأ اسم شخص لموظف على التلفون ويقول..

صحي تخلصت منها يا أبوريش؟

كدي يوم فور دمك مع زول واتكلم بسرعة، شوف كان ما مرق القديم ذاتو. ياخي الخواجات عندهم حروف عايز طاقة، هسع حرف (p) دا عشان تنتجه لمن صدرك يقوم لفوق. ____ عشان كدة سموا بتاعنا دا "العربي السوداني" Sudanese Arabic

Quote: بعد ان شا الله تنطقوا القاف شينا..ابعدوا لينا من الخدرة الناعمة بس.

ما العلاقة ؟ الخدرة الناعمة شي طبيعي و مقبول
النطق الخطأ للحروف في اللغة الفصحى تحديدا ما شي طبيعي و لا يجب ان يكون مقبول

بعدين الهوس بتبييض البشرة
و تنعيم الشعر دة هوس منتشر في افريقيا
جنوب الصحراء و الامريكتين و شبه القارة الهندية

Quote: من مدة طويلة الواحد ما شاف الخدرة الناعمة البحكوا بيها زمان..

هي يا حليلكم يا دكتور سيف

حقات دبي ديل متنورات شوية وعارفات "جمال" يعني شنو، زي ما بحاول أنا هنا أحاحي المستعربين ديل من "التخريب المتعمد" لمصطلح لغة يعني شنو. الخدرة الناعمة هنا يا حلاتا شفت التفف؟ ____ بناتنا كانن سمحات يا دكتور قبل الهجمة.

كما انه النطق الصحيح لبعض الأصوات الغائبة تماما عن تداولنا الدارجي بيساعد في إجادة نطق لغات أخرى غير العربية المحرقا روح البعض دي

الثاء و الذال مثلا اصوات يونيفيرسال موجودة في لغات كثيرة
ليه نفقد صوتين من الأصوات البشرية المهمة؟

أها، تنوير ليكم يا المغتربين، بخسوس فيديو حنان إبراهيم "قدمو المفارق"

زمان، ناس التلفزيون ما كان عندهم غير استوديو واحد اسمو (استوديو C) والباقيات أكشاك بتاعات أخبار ساكت. يقوموا يحشروا الناس كلهم في استوديو C دي (طبعا ياهو آخر حرف مافي لا D لا F) استوديو واحد وكشكين للأخبار. وخاتين تلفزيون ملون مقاس 24 بوسة في الركن قدام الناس عشان لمن الكاميرا تكبس وشك تشوف في التلفزيون (المونيتر سموهوا) صورة وشك، أها يلا الناس كل ما تجي عليهم الكاميرا (كبيرة وعندها تلاتة عجلات) تلقا عيونهم زاغت يمين وبقوا يتصرفوا بطريقة (jittery) كدة خليط بين الدهشة والحياء والفطرة، عجيب! ____ آآي عارف كتبتها 24 بوسة، قلب الصاد سين.

يا النور ما دام الثا و الذال واجعاتنك قدر ده خلينا كمان نشوف لينا تشكيلة
اصوات بشرية تانية فاقدنها و زي ما قال المثل البحر ما بيابا الزيادة
رايك شنو في ديل ؟

السلام عليكم

Quote: في مطار الدوحة بصالة الكونيكشن، اختار المصلون سودانياً ليتقدمهم في الصلاة، كان مظهر الرجل يبدو بحجم المسئولية: لحية حدادي مدادي، جلابية مشحتفة حدود الساق، و علامة صلاة اصلية. وقف الرجل و بدأ في الصلاة و عندما رتّل الآية "اهدنا الصلاة المستغيم" ادرك الجميع ان الذي تقدمنا محض مستهبل.

بالله هسي ايهما اكثر دهشة

تغيير القاف غين

و لا تغيير كلمة الصراط الى الصلاة


يعني كان الناس تركز على ان الرجل يقراء سورة الفاتحة خطاء

كان عليهم اما تصحيحه و لو اصر على نطق الكلمة صلاة

تقطع الصلاة و يقدموا من يؤمهم

اها رايكم شنو في تبديل الذال زاي

دي انا لليوم مبارياني الله يفكها مننا

Quote: بعدين الهوس بتبييض البشرة و تنعيم الشعر دة هوس منتشر في افريقيا +++ النطق الخطأ للحروف في اللغة الفصحى تحديدا ما شي طبيعي و لا يجب ان يكون مقبول +++ كما انه النطق الصحيح لبعض الأصوات الغائبة تماما عن تداولنا الدارجي بيساعد في إجادة نطق لغات أخرى غير العربية المحرقا روح البعض دي الثاء و الذال مثلا اصوات يونيفيرسال موجودة في لغات كثيرة ليه نفقد صوتين من الأصوات البشرية المهمة؟

كويس والله، "حكي" طاعم

كدي أول هام تبييض البشرة وتنعيم الشعر ديل ما موضوعنا، ما تخرب البوست باهتماماتك "الصعيرونة" دي، خليك يونفيرسال. +++ مصطلح "النطق الصحيح" يعني شنو إشارة لما اسميتها "لغة طبيعية" عشان نستبين المحروقة روحو منو؟ +++ تقصد شنو بمصطلح (اصوات يونيفيرسال)؟ هل في طقم جهزتو الأمم المتحدة الناس الدايرين يتكلموا يختارو منو مثلاً؟ +++ وليه ما تفقد صوتين مثلاً، المحرقك شنو في الفقدان دا؟ ولا الكلام بيبقى مسيخ بدونهن؟ _____ كلمنا علمي، صعبة دي؟

السيد حاتم

كتبت كدة

Quote: "السيد العربي دا حيرضى عننا متين أصلو؟"

لمجرد إنه قالوا نحن كسودانيين عندنا مشكلة
في نطق و التمييز بين الحرفين قاف و غين
في اللغة الفصحى

ودي مشكلة لغوية تعليمية حقيقية
فعلا بننطقهم غلط في الفصحى
بتأثير الدارجة الطاغي
و بقصور تدريبي في التعليم

لا علاقة لها بسيادة و لا عربي و لا افرنجي

هل كنت ستأتي تتحدث
عن "سيد انجلوساكسوني"
لو كان البوست معنون بمحاربة نطق الثا
و الذا في اللغة الانجليزية غلط ؟؟

لا أظن .. بالتالي العقدة تملكها أنت و أنت
من جئت تعتلها و ألقيت بها وسط البوست
كشوال فحم قد أنهك كتفاك

الأمر هين و بسيط لغة فصحى عندها قواعد في النطق متفق عليها كما في الكتابة
يا تنطقها صاح يا غلط ... لا نسبية في الأمر ولا إقليمية و لا طحنية

الإستلاب أن تظن النموذج الأنجلوساكسوني في
تعدد اللهجات نموذج مركزي يجب تطبيقه في كل العالم

شكرا د.سيف على المشاركة
تخيل بمساعدة زميل لي و صديق من ملاوي تمكنت قبل كدة من
نطق بعض الأصوات دي في كلمات بصعوبة شديدة ..

نعم زيادة الخير طيبة لكن كدي في البداية
خلونا نتقن الأكثر انتشارا
قبل ما نقبل على ال exotic

Quote: ودي مشكلة لغوية تعليمية حقيقية فعلا بننطقهم غلط في الفصحى بتأثير الدارجة الطاغي و بقصور تدريبي في التعليم +++ لا علاقة لها بسيادة و لا عربي و لا افرنجي +++ هل كنت ستأتي تتحدث عن "سيد انجلوساكسوني لو كان البوست معنون بمحاربة نطق الثا و الذا في اللغة الانجليزية غلط ؟؟" +++ الأمر هين و بسيط لغة فصحى عندها قواعد في النطق متفق عليها كما في الكتابة يا تنطقها صاح يا غلط ... لا نسبية في الأمر ولا إقليمية و لا طحنية

الله يفتح عليك ويهديك ويحل عقدة لسانك

ياشيخنا، ما ضروري تتكلم زي بن سناء الملك عشان تثبت لنفسك أو لغيرك شيء، اللغة مجرد وسيط تواصل لن يعيبك تعديلها لتوافق إمكاناتك الصوتية، لا مشكلة لغوية ولا تعليمية، الآن في مجموعات بتتكلم بالاسبيرانتون أصالة (mother tongue) يعني ما عندهم غيرها، الاسبيرانتون دي لغة مصطنعة ومع ذلك ظهرت فيها أصوات جديدة، انت ما ممكن تعمل نسخة طبق الأصل من طريقة نطق شخص في قريتك ناهيك عن قارة تانية بمزاعم الافصاح والقصور لمجرد اعتقادك بأن طريقته هي "الأصح"، دا اسمو ترضية غير مطلوبة "unsolicited pleasing". أحكي ليك قصة، يوم طلبت من واحد لا يتحدث العربية، قلت ليهو أنا حأسمعك مقتطف من العربية وانت أديني رأيك، أها اتكلمت شوية مع نفسي، تعرف أول سؤال بعد ما انتهيت قال لي (انتوا قاعدين تاكلوا شنو؟) فعلاً أنا قلت (السيد العربي دا حيرضى متين...) ودا الواقع المعاش لكل تصرفات السودانيين، لا تنفصل عنه معينات التواصل من لغات وخلافها أو مدركات التعامل من سلوك وغيرها، فانت ياخي بيئتك مختلفة وثقافتك مختلفة فطبيعي تكون أصوات حروفك مختلفة. لما بديت المداخلات هنا، أنا ركزت على على كلمة "مشكلة" التي أوردها الجميع بنمط حزين متحسر وكأن الكلام بأصوات بديلة منقصة، دلوقت انت بتعيد نفس التوصيف لطريقة النطق على أنها "مشكلة" ودا حراق روح شديد خلاس لو تعلم. +++ كيف ما ليها علاقة يا "زول" ومال الاستلاب دا في الكسرة وملاح أم تكشو؟ بداية، لا يمكن أن تسوق الناس إلى مصير مصطنع بدون عزلهم عن محيطهم الثقافي وارثهم القائم على وسائط تواصلهم الأصلية (لغاتهم)، فلما نصل مرحلة أخونا منتصر البيقول إنو النطق الصحيح هو (نطق آل البيت) فهنا المشكلة، وليس في النطق البديل للأحرف بعضها أو كلها. +++ نعم، بنفس الحماس، هي مجرد "لغات طبيعية" فمبدأ الصحة من عدمه غير منطقي فيها "أصلا"، ما عندي مشكلة اسمع اللغة الانجليزية بلكنة شون كونري. +++ كلمنا شوية عند قواعد "النطق الصحيح" للغة العربية، مع الأمسلة.

Quote: ياشيخنا، ما ضروري تتكلم زي بن سناء الملك عشان تثبت لنفسك أو لغيرك شيء، اللغة مجرد وسيط تواصل لن يعيبك تعديلها لتوافق إمكاناتك الصوتية، لا مشكلة لغوية ولا تعليمية،

عشان تثبت لغيرك أو لنفسك شيء ده دافع افترضته براك من عندك لنفسك لأنك كما قلنا سابقا و مصر تؤكد ذلك حملت نفسك إصراً أو عقدة سيادة و إضطهاد و إستلاب مصر تنظر للأشياء من خلالها و إن لم تكن ذات علاقة بالموضوع.

و نوع التفكير ده في حد ذاته يعبر عن هزيمة نفسية و شعور بدونية تجاه الآخر لا يليق بزول أو شعب يحترم ذاته و هويته
مافي زول داير يثبت لزول حاجة و لا في زول فكر في زول تاني إلا إنت بسبب هذا الهوس بموضوع الاستلاب المفترض
الدافع الوحيد الظاهر هنا هو نطق اللغة الفصحى كما يجب نطقها حسب المتعارف عليه بين الناطقين بها على أنه
نطق فصيح ستاندرد مستعمل في المخاطبات الرسمية و الاستعمالات الدينية و التعليمية المختلفة الواقعية
تثبت و ما تثبت دي من عندك و هوسك الشخصي و ما أظن في زول
غيرك هنا كان مشغول بإثبات أو نفي أي شي لأي مخلوق

شنو يعني إمكاناتك الصوتية و القال ليك منو كله شعب عنده امكانات صوتية محدودة بحدوده الجغرافية لا يمكن يتعداها.
؟؟؟
نحن هنا بنتكلم عن مجرد نطق حروف ممكن جدا لأي بشر ينطقها اذا توفر التدريب الكافي
لا نتحدث عن إمكانات صوتية لأداء أوبرالي غنائي مثلا

أهو كل الفنانين السودانيين القدامى مثلا لا يعانوا من المشكلة دي
و الشائع إنه كانت إجازة الفنان في الإذاعة السودانية
زمن الجودة و التعليم الجيد لا تتم إلا بعد التمكن من النطق الفصيح
إذا الامر ليس بالمشقة البتصورها أو العناء

ثم إنه لم يقرب أي زول من إرثنا الثقافي ووسائط تواصلنا المحلية الدارجة
و لا في زول طالب أو أوصى باستيراد دارجة من لبنان أو البحرين مثلا
أو التوقف عن النطق الدارجي باللهجات السودانوية
من لهجات ناس الشرق لعربي جوبا ..
ده كله هويتنا و عاجبانا جدا و ما عندنا مشكلة معاهو
مافي زول قرب منه .

الحديث كله هنا منصب حول الفصحى العندها ستاندرد متفق عليه
يتجاوز حدود البلد.
و حتى الاستاندرد ده ما rigid و يقبل التنوع الجغرافي .

بامكانك بكل سهولة تمييز البلد أو على الأقل الإقليم الجغرافي البنتمي ليه قارئ للأخبار
في إذاعة ناطقة عربية من التفاوت المقبول الطفيف في نطق الفصحى
وده شي طبيعي و عادي و لا ضير فيه.

لكن أن تلقي بمخارج الصوت الصحيحة من النافذة
و تفرض النطق الدارج فرضا على الفصحى هو الأمر غير المقبول

هي مشكلة لقوية حغيغية في أرض الواغع الفيه لقة فسحى عندها
غواعد نطغ و مخارج حروف يتفغ عليها زهاء نص بليون انسان و يختلف معهم السيد حاتم ابراهيم

و لو لم تكن مشكلة لنلغي حرف القاف من مفاتيحنا دي و نكتب كما أعلاه

لزومه شنو القاف في الكيبورد طالما أصلو على كيفك

قواعد النطق الصحيح للغة الفصحى أي زول عارفها
لا داعي لتضييع زمن الناس ساكت

Quote: عشان تثبت لغيرك أو لنفسك شيء ده دافع افترضته براك من عندك لنفسك +++ مافي زول داير يثبت لزول حاجة و لا في زول فكر في زول تاني إلا إنت بسبب هذا الهوس بموضوع الاستلاب المفترض +++ أهو كل الفنانين السودانيين القدامى مثلا لا يعانوا من المشكلة دي +++ الحديث كله هنا منصب حول الفصحى العندها ستاندرد متفق عليه يتجاوز حدود البلد. و حتى الاستاندرد ده ما rigid و يقبل التنوع الجغرافي . +++ لكن أن تلقي بمخارج الصوت الصحيحة من النافذة و تفرض النطق الدارج فرضا على الفصحى هو الأمر غير المقبول +++ و لو لم تكن مشكلة لنلغي حرف القاف من مفاتيحنا دي و نكتب كما أعلاه لزومه شنو القاف في الكيبورد طالما أصلو على كيفك +++ قواعد النطق الصحيح للغة الفصحى أي زول عارفها لا داعي لتضييع زمن الناس ساكت

الله يفتح عليك ويهديك ويحل عقدة لسانك

لا أبداً مافي افتراض ولا حاجة، كل ما الأمر ملاحظات لدرجات متنوعة من الاستلاب متوفرة هنا، تبدأ من التصريح ولا تنتهي بنوع مرافعتك غير المقنعة هذه، والخجولة. +++ كان كدة انت معمش، البوست دا بطوله مناحة لاثبات ما لا يصح اثباته، بدليل إصرارك على تسمية اختلافات النطق الطبيعية "مشكلة" ووصفك للأمر "بالمعاناة" هههه أخير ديلك، معاناة بتاعة حنانك! هسع يوم واحد في زول بكى من العامية بتاعتو؟ مالك ياخي داير تبقى لينا زي "الشقيل" البيبكي بالإنابة! +++ أنا ما عارف انت مصر تسميها "مشكلة" وبعد سطرين تقول استاندرد وفجأة تقول ما rigid، مش حقو يكون عند منطق متسق شوية؟ +++ هي وأنا بأذن في بادن بادن من الصباح! ما قلنا أي منطقة ليها خصوصيتها وعليهم يقبلوا بطريقة النطق المعتادين عليها وما يسموها "مشكلة" زي ما انت مصر تموت مع الجماعة عريس، انت مرة تقول يونيفيرسال ومرة تقول استاندرد ومرة تقول rigid ياخي ريح نفسك وورينا معيار النطق دا محلو وين، صعبة دي؟ +++ مقبول جداً، أهم في الشام وفي المغرب ومصر بيتكلموا أقرب للهجتهم المحلية، أنت متضايق من لهجتك ليه؟ و"مخارج الصوت الصحيحة" دي مبينة ومنصوص عليها وين يا النور أخوي؟ +++ الكلام عن النطق، مش الكتابة، ما تخليك لخبات، دا براهو وداك براهو. +++ أنا والله ما عارف أي معلومة عن "نطق استاندرد" انت مالك ما داير تجيب لينا نموذج للنطق "الصحيح" في اعتقادك؟ _____ حقو تحاول ترد على الأسئلة بإجابات مقنعة.

الأخ يبدو من هواة الجدل البيزنطي

المكتوب أعلاه أظنه لغة عربية واضحة بالتأكيد ليست مسمارية
في ستاندرد معين لنطق الحروف العربية حسب مخارجها الصحيحة
ممكن تلقى الستاندرد في المقطع اللصقته بنفسك في الصفحة السابقة

قلب القاف غين و الثاء سين غير مقبول في الفصحى لذلك لا تجد مذيع في نشرة أخبار ينطق القاف غين أو الثاء سين

دة خارج اطار التباين المناطقي الطفيف و المقبول البخليك تميز بلد المتحدث

حتى تعطيش الجيم مثلا عند بعض الشوام خطأ في نطق الفصحى مكافئ
كذلك نطق الضاد ظ عند بعض الخليجيين

يعني لا في استلاب لا التباس

لغة فصحى يخطئ البعض في نطق بعض حروفها نتيجة لطغيان التأثير الدارجي على ألسنتهم مع غياب التدريب اللغوي الصحيح

انطق العبارتين التاليتين
قال قائل قولا .... ده نطق صحيح
غال غائل غولا ... ده نطق غلط و كتابة غلط

ومافي حاجة اسمها ده براو و ده براو
دي قطعتها من راسك زي الاستلاب

الكتابة مجرد ترميز للمنطوق يعني
مفروض ترى الحروف
لتعرف كيف تنطق

قاتل الله الجدل البيزنطي

Quote: في ستاندرد معين لنطق الحروف العربية حسب مخارجها الصحيحة ممكن تلقى الستاندرد في المقطع اللصقته بنفسك في الصفحة السابقة +++ حتى تعطيش الجيم مثلا عند بعض الشوام خطأ في نطق الفصحى مكافئ كذلك نطق الضاد ظ عند بعض الخليجيين +++ ومافي حاجة اسمها ده براو و ده براو الكتابة مجرد ترميز للمنطوق يعني مفروض ترى الحروف لتعرف كيف تنطق

هيااا النور، دا فيلم هندي

مين قال ليك الرسم الخاص بمخارج الحروف دا (استاندارد)؟ +++ زين، طلعت ديل غلط وديلك غلط أها يلا النسخة الصحيحة عند منو؟ أنا دي المرة التالتة اسألك؟ يعني الناس البنطقوا اللغة العربية (الاستاندارد) حسب وصفك ديل ناس منو؟ +++ والله؟ أها وكان ما قادر أرى الحرف يعني ما حأقدر أنطق؟ هي العلاقة شنو ذاتا بين الحرف والمنطوق؟ ____ أنا داير اتعلم منك بالمناسبة.

Quote: في ستاندرد معين لنطق الحروف العربية حسب مخارجها الصحيحة ممكن تلقى الستاندرد في المقطع اللصقته بنفسك في الصفحة السابقة

لو قاصد الرسمة دي فدا لا استاندارد ولا حاجة

آآآآي الألوان سمحة وداك يا اللسان وديك يالأسنان لكن دا ما استاندارد. مجرد وسيلة إيضاح لبيان الأصل التشريحي لإصدار الأصوات، دي ما ليها علاقة بلغة معينة يا قاسم ياخوي. مافي لغة طبيعية عندها (استاندارد) يا النور أخوي، عشان كدة بسموها "طبيعية". انت فاهم (natural language) معناها شنو ولا داير تقاتل بالإنابة خدمة للسيد مجاناً ساكت؟ ___ عشان نغرف ليك من المحل المناسب.

يا زول شغلك دة بقى شغل بتاع عنزة و لو طارت ساي

و عشان تكون متسق مع اقاويلك و نظريتك الماعندها علاقة بالواقع دي حقو تمتنع عن استخدام الأحرف التالية في الكتابة لأنه حسب نظريتك الحاتغير شكل الفصحى دي لا فرق ان نطقتها كيف شئت

فما نشوفك مستخدم قاف طالما ياهو زاته الغين
و لا ثاء لأنها و السين ثواء و لا ذال لأنه و الزين واحد

يللا بيان بالعمل بالله ...

Quote: و عشان تكون متسق مع اقاويلك و نظريتك الماعندها علاقة بالواقع دي حقو تمتنع عن استخدام الأحرف التالية في الكتابة لأنه حسب نظريتك الحاتغير شكل الفصحى دي لا فرق ان نطقتها كيف شئت

النور، جهز نفسك قبل القتال

ما عندي نظرية، بل بحاول تصحيح مفاهيم خاطئة هنا. واضح انك ما عندك خلفيات في الموضوع دا كلو كلو، شغال درقة ساكت، زي الباقين البكوركو مشكلة مشكلة. بس أنا مبسوط منك إنك أضفت ليهم "المعاناة". ___ لما تستعد قول أنا جاهز.

Quote: مافي لغة طبيعية عندها (استاندارد) يا النور أخوي، عشان كدة بسموها "طبيعية". انت فاهم (natural language) معناها شنو ولا داير تقاتل بالإنابة خدمة للسيد مجاناً ساكت؟ ___ عشان نغرف ليك من المحل المناسب.

يازول الفصاحة مع الجهل دي شلاقة بتغتس حجرك ساي
منو القال ليك العربية الفصحى natural language
؟؟ واضح انك انت الما عارف معنى لغة طبيعية

فاغرف لروحك .. انا خلني

بعدين شوف لك
زول تاني تحدثه عن اسياد
الحمدلله لم نبتلى بمشكلة
سيادة يوما

Quote: منو القال ليك العربية الفصحى natural language ؟؟ واضح انك انت الما عارف معنى لغة طبيعية

هههه، خير

والله شوقتني، أها العربية الفصحي لو ما لغة طبيعية (natural language) تطلع شنو؟

لما تجهز كلمني

أhttp://sudaneseonline.com/board/470/msg/1408906921.html

اجهز لي شنو يا عمك ؟ كدي روق شوية
الزول ما بمشي يقرا ليو اي ورقتين اكاديميات و يعمل فيها خلاص قددها
ممكن جدا يكون الدراسة دي غيها غلط او اغلاط او كلها غلط فما تكون زول
متهافت

اللغة العربية الفصحى لغة standardised
عندها مجالات استخدام محددة كلغه رسمية
و يتعلمها الواحد بالدراسة و التدريب
ما عن طريق التوريث من الام
او المحادثة اليومية كاللغة الطبيعية العادية
لست متخصص لكن معلومات عامة ساي عارف انه
بتسمى في اوساط اللغويين Modern Standard Arabic
ودي النسخة المعتمدة في الأمم المتحدة
و احدى لغاتها الست و اسمها MSA
و سموها ستاندارد لانه فيها
معيار كتابة و نطق و قواعد

امشي شيل ليهم دراستك المجهولة المصدر العاجباك دي
و قول ليهم كدة ما صاح العربية لغة طبيعية
و ماعندها ستاندرد

Quote: قصد شنو بمصطلح (اصوات يونيفيرسال)؟ هل في طقم جهزتو الأمم المتحدة الناس الدايرين يتكلموا يختارو منو مثلاً؟

ايوة في طقم دولي جدا و انت الصادق
لكن ما عنده علاقة بالامم المتحدة بل
بحاجة اسمها الانترناشونال فونيتك اسسوسيييشن
اسمه International Phonetic Alphabet
IPA
ده جمعو فيو اي صوت بشري تخيل؟
دة جزء منو

Quote: اللغة العربية الفصحى لغة standardised عندها مجالات استخدام محددة كلغه رسمية و يتعلمها الواحد بالدراسة و التدريب ما عن طريق التوريث من الام او المحادثة اليومية كاللغة الطبيعية العادية +++ بتسمى في اوساط اللغويين Modern Standard Arabic +++ و سموها ستاندارد لانه فيها معيار كتابة و نطق و قواعد +++ ايوة في طقم دولي جدا و انت الصادق لكن ما عنده علاقة بالامم المتحدة بل بحاجة اسمها الانترناشونال فونيتك اسسوسيييشن اسمه International Phonetic Alphabet IPA +++ لست متخصص لكن معلومات عامة ساي عارف

أنا مش قلت ليك انت زول لخبات ساي!

إذن من الواضح إنو تعريفك للغة الطبيعية إنها اللغة المكتسبة من الأم أو من المحادثة اليومية، هذا خطأ، اللغة الطبيعية توصيف لكل اللغات الانسانية التي نشأت اصطلاحاً بين البشر (defacto) ومخالطة وتداخل وليس تدبيراً، بالعربي: مافي شلة قعدت في الجزيرة العربية وختت قدامها 26 صوت وقالوا دي لغتنا نحن نتكلم كدا والزول كان داير يموت يتكلم كدة والبخالف العرف دا ندق عنقه. "طبيعية" هنا تتعلق أكثر بكونها غير خاضعة لسلطة تحدد ماهيتها ولا الكيفيات التي تدار بها نطقاً أو كتابة، المسألة تخضع للتواضع والتقليد سواء جاء بالتسلسل الطبيعي (الأموي) أو بالاستلاف من لغات أخرى، حال العربية ولغات كثيرة غيرها. بسموها طبيعية للتمييز بينها وبين لغات يتم تدبيرها (doctored) يعني تقعد مجموعة وترص حروف وأصوات وتخترع قواعد وقاموس، دي هنا لغة غير طبيعية، اصطناعية، والعربية تنتمي للفئة الأولى. لغة رسمية دا شيء تاني، يتعلق أكتر بالسلطة، يعني من مجموعة لغات متوفرة يتم اختيار واحدة منها أو خليط من لغات ويتم تعميمها كلغة رسمية (official)، هنا بيدخل التعليم والتلقين عوامل نقل للغة وليست معايرة لها (standardization)، مافي حاجة اسمها لغة معيارية، وإلا كان جبنا مقاول وترجمنا بيها كل اللغات البشرية وثبتناها في الأمم المتحدة زي الإنترلنغوا وارتحنا من عنت الاستلاب والاستعراب دا. حاول تفرق بين مصطلحات (لغة رسمية) و (لغة طبيعية) بدل اللخبطة دي. +++ العربية المعاصرة أو Modern Standard Arabic مقصود منها اللغة المكتوبة مش المنطوقة يا النور، والقصد منها بالضبط الكتابة الشائعة البعيدة عن التكلف المعتاد في اللغة الكلاسيكية (Classical Arabic) المستخدمة في الشعر الجاهلي والنصوص الدينية، التكلف هنا يعني المحسنات بنوعيها والمستخدمة في التدوين، دا من ناحية الأسلوب، ما تلخبط. من الناحية الإملائية (lexicography) العربية المعاصرة مقصود منها "نظام الكتابة" الذي يوظف الحروف الستة وعشرين ويستبعد الحروف الفارسية المخصصة وحروف أخرى مستخدمة في الحرف العربي، ودا بيشمل كتابة المفردات نفسها مثلاً ضرورة استخدام الحرف (ي) للاسم المنقوص بدلاً عن (ى) الشائع في مصر مثلاً والحرف (غ) بدلاً عن (ڭ) الشائع في المغرب وصوته الشائع في العراق. وكل هذه الاختلافات متوفرة في الفصحى حديثها وقديمها، فلا يوجد ما تسميه (اللغة العربية الفصحى لغة standardised). الأمم المتحدة لا تلزمك باستخدام العربية المعاصرة أو الكلاسيكية فكلها عندها لغة عربية إجمالاً بل يمكنك التعامل مع الأمم المتحدة بالعامية. +++ هذا ايضاً خطأ، حتى الحيتان والدلافين والطيور لها قواعد للتواصل، فكل اللغات البشرية الطبيعية تشتمل على كيفيات النطق وكلها تتبع قواعد بسيطة أو معقدة، لا يجعلها كما تقول (سموها ستاندارد) طالما كانت تخضع للتفاعل والتغيير والتشتت بنوعيه، نظم الكتابة تنشأ للضرورة وليست ترفاً تنظيمياً وهي بذاتها ليست معيارية، أنظر مثال المغرب ومصر والعراق أعلاه. +++ الألفبائية الصوتية وسيلة نقل (transcription) للصوت مرادها التبيين التشريحي للفظ (anatomy) لغرض الدراسة والتحليل وليست طقم أو قالب للغات العالمية، مجرد سلسلة حروف لتمثيل أصوات أساسية بإمكانك مضاهاتها مع أي لغة فإن لم تطابق الصوت تقوم بتوليف مجموعة منها تأمل أنها ستفي بإيصال الصوت المطلوب للأكاديميين ،بقي أن تعلم أن (IPA) ذاتها غير معيارية. بالعربي يا النور، الألفبائية الصوتية بتماثل الدولار وسط العملات، وقع ليك؟ +++ آي عارف معلومات عايمة ساي، عشان كدة قلت ليك أجهز.

Quote: مافي لغة طبيعية عندها (استاندارد) يا النور أخوي، عشان كدة بسموها "طبيعية".

[

Modern Standard Arabic (MSA; Arabic:اللغة العربية الفصحى‎ al-lughah al-ʻArabīyah al-fuṣḥá 'the most eloquent

Arabic language'),Standard Arabic, or Literary Arabic is

the standardized 

and literary variety of Arabic used in writing and in most formal speech. It is considered a pluricentric language.

يعني
standardised

Quote: مافي حاجة اسمها لغة معيارية

Most western scholars distinguish two standard (al-)fuṣḥá (الفصحى) varieties of Arabic: the Classical Arabic (CA) (اللغة العربية التراثية al-lughah al-ʻArabīyah al-turāthīyah) of the Quran and early Islamic (7th to 9th centuries) literature, and Modern Standard Arabic (MSA)

(اللغة العربية المعيارية الحديثة al-lughah al-ʻArabīyah al-miʻyārīyah al-ḥadīthah), the standard language in use today. 

يعني معيارية

Quote: العربية المعاصرة أو Modern Standard Arabic مقصود منها اللغة المكتوبة مش المنطوقة

literary variety of Arabic used in writing and in most formal speech.

يعني المنطوقة و المكتوبة




References
via wiki

Holes, Clive (2004) Modern Arabic: Structures, Functions, and Varieties Georgetown University Press. ISBN 1-58901-022-1

.

Quote: لأمم المتحدة لا تلزمك باستخدام العربية المعاصرة أو الكلاسيكية فكلها عندها لغة عربية إجمالاً بل يمكنك التعامل مع الأمم المتحدة بالعامية. +++

Modern Standard Arabic (MSA) is the literary standard across the Middle East, North Africa, Horn of Africa and
one of the six official languages of the United Nations

يعني اللغة المعيارية العربية الحديثة هي احدى اللغات الست الرسمية في الامم المتحدة

Quote: لست متخصص لكن معلومات عامة ساي +++ Modern Standard Arabic (MSA) (al-lughah al-ʻArabīyah al-fuṣḥá 'the most eloquent Arabic language'),Standard Arabic, or Literary Arabic is the standardized and literary variety of Arabic used in writing and in most formal speech. It is considered a pluricentric language

ههههه خير، طالما بقيت زول تلاقيط

بقيت تقابض في كلمة (standard) في أي ملف؟ كدي ترجم الجملة بتاعتك الفوق دي، نشوفك فهمتها كيف، باين الاختساس اتلخبت عليك. ____ داير تبقى لينا زي جماعة ياني القالوا نحن أغاريق بجامع الدليب في كل هههه.

يتضح مما سبق و المعلومات الغلط الكتيرة العندك
انك لست نوم شومسكي السودان باي حال من الاحوال كما يبدو انك تظن نفسك

شكرا ليك على الغلاط الشيق و الى لقاء آخر

Gasim Alnoor Aly

وليه مستكتر على السودان يكون عندو نعوم تشومسكيه؟!. ما المانع مادام عنده منظر بقامة الأستاذ قاسم النور علي، و مفكر من عيار الاستاذ هشام ادم، و اديب لايشق له غبار بتاع كمبو كديس( وجه ضاحك ).

يا عمك انت لسة حايم هنا ؟
هههه .. وجدتك صبور

ياخي مكنتك الجيت معتلها دي ما مكتوبة بالهيروغليفي
اهي فرتقناها ليك في المداخلة السابقة
و تثبت انه كلامك المقتبس كله غلط
و اظن كدة كملنا الجدل البيزنطي زاتو

شكري و تقديري

Quote: يتضح مما سبق و المعلومات الغلط الكتيرة العندك انك لست نوم شومسكي السودان باي حال من الاحوال كما يبدو انك تظن نفسك شكرا ليك على الغلاط الشيق و الى لقاء آخر

سمح الغلاط الشيق جاري منو وقافل الباب مالك ومولي الدبر مالك؟

أذكرك بموضوع البوست، منطلقك هنا الصحة وليس الشيوع فلذلك فهمك لكلمة (standard) يوازي كلمة (ideal) ودي المشكلة البسببها بتتمسك بأي نص وردت فيه حيثما وجد. النشرح ليك زيادة، اللغات تتبع العرف (convention) فلما يكتبوا ليك (standard) ليس المقصود "المتفق عليها" بل المنتشرة لدى قطاع كبير وليس بالضرورة (اللغة الأصح) في حالة العربية اعتماد الفصحى لانتشار الدين ولا لشيء آخر، بدون الدين ما كنت لتجد لغة عربية خارج الجزيرة. لما قلت لينا هنا إنو العربية الفصحى لغة غير طبيعية، أنا عرفتك لخبطت الكيمان، فبكل بساطة انت أخذت الوصف "معيارية" كمعادل لكلمة "صحيحة" في إطار "النطق" بالحروف موضوع البوست، عشان كدة عجزت بعدها عن تحديد الجماعة البشرية التي تتحدث "العربية الصحيحة" لأنو مافي "لغة صحيحة" بالفهم الفي راسك دا، عارفك عايز تقول (لغة أهل مكة) لكن خجلان أقول عليك مستلب. نزيدك، لما تسمع بمعيار آيزو 900 مثلاً فدا "قانون" ملزم لأي شخص عايز يتعامل ضمن الفئة الحددت المعيار دا للتعامل، واللغات الطبيعية لا تخضع للمعايير بهذا الفهم، فأنت ممكن تضع نظام كتابة مكون من حروف وأصوات وتأمل إنو الناس تلتزم بيهو، فقط دا حدك، أما كيف الناس تتكلم فدي ما ليها معيار. بعدين، الجملة تبين بوضوح (the standardized and literary variety of Arabic used in writing and in most formal speech) ودي انت خمشتها بلا فهم، من أمس أنا بقول ليك فرق بين المكتوب والمنطوق، فطالما هناك للغة العربية أنواع (varieties) فدا يصنفها تلقائياً لغة طبيعية والحاجة للاتفاق على نوع منها (في الجملة الإنجليزية تم تحديد الأدبية) ليس للتخاطب أو إلزام الناس بالكلام بها (دا غرض المعايير standards) الأدب والشعر والخطابة لتسهيل معايرته بالنصوص السابقة الموجودة ودا مجال ناس العروض والأوزان وغيرها. نلخص ليك: لما تشوف جملة (standard language) عليك تفهمها في إطار اللغة المكتوبة أولاً في حالة العربية المقصود اللغة الأدبية الكلاسيكية لأنها مفهومة للغالبية بتأثير القرآن مش لأنها (الصحيحة المعيارية)، ثم الشيوع في إطار اللغة المنطوقة. مش "معيارية" من واقع الإلزام القانوني أو السلطوي للجهة الحددت لغة التعامل سواء قهراً أو اتفاقاً.

Quote: منو القال ليك العربية الفصحى natural language +++ لكن أن تلقي بمخارج الصوت الصحيحة من النافذة و تفرض النطق الدارج فرضا على الفصحى هو الأمر غير المقبول +++ يعني اللغة المعيارية العربية الحديثة هي احدى اللغات الست الرسمية في الامم المتحدة

أظن كدة فهمت يعني شنو لغة طبيعية، ما تلخبت بينها وبين "لغة الأم"

يلا دايرك تحدد لينا منطقة جغرافية أو مجموعة بشرية تنطق الحروف (بالطريقة المعيارية الصحيح). بأي فهم لكلمة "معيارية" يعجبك. معيارية = standard +++ جملتك الأخيرة بتاعة الأمم المتحدة دي، المعلومة الفيها شنو؟ من واقع موضوع البوست؟

Quote: منو القال ليك العربية الفصحى natural language ؟؟ واضح انك انت الما عارف معنى لغة طبيعية

Quote: وليه مستكتر على السودان يكون عندو نعوم تشومسكيه؟!. ما المانع مادام عنده منظر بقامة الأستاذ قاسم النور علي،

الموانع كتيرة، لكن دا التصرف الطبيعي للمستلب

فهو (أي المستلب) لا يقبل الحقائق إلا إن جاءت من جهة يعرفها ويحبها، ولو جاءت خطأ. فلو صبرنا شوييييية حيقول لينا "لغة مقدسة" و"لغة أهل الجنة"، هو ما داير يعترف بأنها طبيعية يقبل لينا بأنها غير معيارية؟.

Quote: يعني مفروض ترى الحروف لتعرف كيف تنطق +++ و سموها ستاندارد لانه فيها معيار كتابة و نطق و قواعد +++ لكن أن تلقي بمخارج الصوت الصحيحة من النافذة و تفرض النطق الدارج فرضا على الفصحى هو الأمر غير المقبول +++ انطق العبارتين التاليتين قال قائل قولا .... ده نطق صحيح غال غائل غولا ... ده نطق غلط و كتابة غلط

برضو دا من الأخطاء الشائعة

الفهم المغلوط لأنو المكتوبة لغة والمنطوقة "رطانة"، ياخي الكلاب عندها معيار كتابة. والأسود (الهزابير باللغة المعيارية) ذاتا عندها. فلذلك غياب "معيار الكتابة" يكون عندك "معاناة" بمعنى الكلمة. +++ طيب يا النور، طالما عندك علم الصح والغلط، رأيك شنو في النص دا: (مع مرور الزمن غطت الرمله تماثيل المعبد الرئيسى لغاية الركب وفضل المعبد منسى لغاية سنة 1813 لما لقاه المستشرق السويسرى جى ال بورخاردت. بورخاردت ناقش الموضوع مع المستكشف الطليانى جيوفانى بيلونزى وسافرو سوا على المنطقه وحاولو دخول المعبد لكن فشلو فى حفر مدخل لكن فى سنة 1817 رجع بيلونزى ونجح فى دخول المعبد.) https://arz.wikipedia.org/wiki/%D8%A7%D8%A8%D9%88_%D8%B3%D9%85%D8%A8%D9%84 مقبول عندك ولا ما مفهوم؟

قاتل الله الاستفزاز و التفاصح

يا سيد حاتم
انا شكرتك على الغلاط الشيق و قررت استثمار الزمن في موضوع جديد لا تولية لدبر و لا لأني اقتنعت بمحاولاتك المضنية لتشريح النملة في معرض اصرارك على اثبات أن النطق الخطأ للحروف الفصحى كما هي متعارف عليها واقعا و ممارسة و عرف بين الناطقين بها
أمر يجب أن يكون مقبولا تماما.
بل لأن الأمر لا يستلزم أصلا كل هذا اللت و العجن و استجلاب الوثائق و القص و اللزق و امتطاء المنهج العلمي المصطنع و التحاذق و الحذلقة و التعقيد.
فكرة البوست بسيطة جدا . للتكرار الممل هي انه الفصحى لها قواعد في النطق كما في الكتابة.

قال تنطق في الفصحى بشكل مختلف عن غال
الثمر في الفصحى تنطق بشكل مختلف عن السمر
ذلك في الفصحى لا تنطق زالك

لماذا و كيف حصل هذا و أين دي كلها أسئلة لا علاقة لها بالواقع

أن تفرض من عندك إنه لا عادي ننطق الفصحى نفس نطقنا الدارج الذي لا يحوي أصوات كالقاف و الثاء و
الذال و نستبدلها بالغين و السين و الزال يعني أن تبتدع فصحى جديدة سودانية خاصة من الفراغ أو اللا شيء
دة شي شبه بديهي لا يحتاج لكل هذا اللغط الممكن تكتبها لقط في لغتك الفصحى الخاصة المبتدعة البتكلمها شخص واحد في الدنيا هو أنت.

بعدين ما تفتكر انك بتغش ليك زول بحبة الجارقون العلمي او( التلاقيط) البتتحجج بيها دي لأنه طريقتك دي كلها من أساسها لا علاقة لها بأي منهج علمي رصين.
وده لأنك أصلا منطلق من افتراضات عن استلاب و سيادة و عبودية و مركزية ذاتية و قضايا انثروبولوجية و اجتماعية و سياسية لا علاقة لها بمبحث اللغة التقني الفني البحت. اللغة بالنسبة ليك مجرد حجر في نبلة تريد به مآرب أخرى آيديولوجية. حتى الفرد وريقة المفترض انها بحث أكاديمي البتتوكأ عليها متعالما تنضح تحاملا و أدلجة.
كثير من افكارك لا تحوي الا تخرصات و كهانة و استبصار ميتافيزيكال من نوع عارفك قاصد تقول لغة اهل مكة و عايز تخدم فلان و استلاب و هلم افتراء من راسك كلو

فأين اللغة و ال linguistics
كعلم جاد مجرد خالي من المؤثرات الخارجية من حملتك الآيديولوجية المختبئة خلف خرقة pseudo-scientific
قد تقنعك انت و اي ساذج او زول
ما عنده حديدة انه القاف في الفصحى قد تصبح
غين و الثا سين و الساردين عجوة

لذلك اخي الفاضل شكرا ليك
لا في استلاب لا لبلاب و مافي زول سلبو منو اي شي هنا
الا في خيالاتك

ساعود ربما لاستعدال البوست الذي فتل مع سبق الاصرار و الترصد و للمساهمة البسيطة ربما بنماذج لأخطاء شائعة
أخرى و لأتعلم أتجنب أخطائي اللغوية الخاصة

جل من لا يخطئ

Quote: الجارقون ، و سيادة و عبودية و مركزية ذاتية، قضايا انثروبولوجية و اجتماعية و سياسية، مآرب أخرى آيديولوجية، كهانة و استبصار ميتافيزيكال، حملتك الآيديولوجية المختبئة خلف خرقة pseudo-scientific +++ أن النطق الخطأ للحروف الفصحى كما هي متعارف عليها واقعا و ممارسة و عرف بين الناطقين بها أمر يجب أن يكون مقبولا تماما. +++ تبتدع فصحى جديدة سودانية خاصة من الفراغ أو اللا شيء

ديشاااااك

الكلام الملولو الفوق دا يعني كم؟ +++ ياخي ريحنا، انت ماسك في ماسورة (نطق خطأ) يلا ورينا "النطق الصحيح" للثاء والضاد والقاف والذال ديل عند ناس منو؟ عشان نتأسى بيهم ونتعلم ونتنهي معاناتنا الطويلة. يعني منو في المنطقة العربية "بينطق صاح"؟ دي المرة الرابعة أنا أكشكش فيك، وانت بتتزاوغ من المرمى زي إيكيني المهاجم داك هههه +++ يا النور أخوي، مافي زول قال ابتدعوا "لغة فصحى" أنا قلت بطلوا التباكي على إنو نطقنا "غلط" وفيهو "مشكلة" أو عامل لينا "معاناة" دا فهمي أنا لكل البوست دا، أي واحد بيفترض وجود "لغة صحيحة" أو مجموعة بشرية بتتكلم "لغة أصح" أو "لغة معيارية" فدا بيدخل ضمن الاستلاب الثقافي بكل بساطة، لأن غرض اللغة التواصل، ما أكتر. وصححنا ليك مفاهيم مغلوطة عايش عليها زي (لغة طبيعية، لغة أم، استاندرد، مكتوبة، منطوقة، رسمية) تقوم تبشك قاموسك كلو عشان تثبت عرفتك يعني؟ ما هي دي مشكلتك هههههه ما جاهز وجاي تشتغل درقة للسيد ما عارف الفرق بين صحيحة ومعيارية ورسمية وياتو واحدة فيهن، لعب هو؟ فمصطلحاتك الفوق دي ما ليها علاقة بالموضوع، ركز. ياخي نصيحة ما تختف من ويكيبيديا براها، في بحوث وأوراق علمية متخصصة بتشرح ليك أعمق والحكاية عايزة دافع شخصي مش مستلف. معليش كلمة "يولي الدبر" دي احتمال ازعجتك لكن ما عارفها بالعامية حقتنا الخطأ بتقابل شنو. والله ما استفزيتك حتى الآن، لكن أذكرك مداخلتك الأولى الاتكلمت فيها عن "قلة الذوق"، أنا هنا بداعبك ساي، كان استفزيتك والله تاخد إذن مرضي أسبوع. ___ إنت قايلا صعبة دي؟

Quote: وطالما أن الموضوع صار " شوربة استلاب " فعندي قصة " منقولة " لا علاقة لها بالاستلاب إلا من زاوية الهوس بالقضية ( أي قضية )

الصامت السوداني، كيفك؟

ما قريت ردك كلو لكن البوست دا بيطابق زاوية نظرك الفوق دي. "الهوس بالقضايا السودانية". ___ من وجهة نظر سعودية، جداً جداً.

Quote: لماذا و كيف حصل هذا و أين دي كلها أسئلة لا علاقة لها بالواقع +++ فأين اللغة و ال linguistics كعلم جاد مجرد خالي من المؤثرات الخارجية

خير، هههه

ومال ليها علاقة بشنو؟ +++ مين القال ليك اللغويات كعلم جاد مجرد خالي من المؤثرات؟ انت دا اللغة العامية والفصحى دي اكتسبتها كيف؟ وبتفترض الخطأ في نطقك على أي أساس لولا المؤثرات دي؟ اللغويات فرع من العلوم الاجتماعية المتفرعة من العلوم الانسانية فكيف تستبعد المؤثرات الأنا بصرتك بيها دي وتقول علم مجرد؟ أووووعك تجي تقول اللغة العربية نزلت من السماء في قصعة، بزعل منك شديد. سمح ناس عثمان صالح ديل عاملينك منظراتي على أي أساس؟ ___ أعمل فيها ما شايف برضو.

Quote: الزول ما بمشي يقرا ليو اي ورقتين اكاديميات و يعمل فيها خلاص قددها ممكن جدا يكون الدراسة دي غيها غلط او اغلاط او كلها غلط فما تكون زول متهافت امشي شيل ليهم دراستك المجهولة المصدر العاجباك دي و قول ليهم كدة ما صاح العربية لغة طبيعية و ماعندها ستاندرد

Quote: ساعود ربما لاستعدال البوست

آآي خلاس أمشي

أها، بخسوس "الدراسة" البتقول فيها غلت دي، أنا نويت أعمل ليك ميز براك في الورقة دي ذاتها، تشرح فيها الغلط شنو أو كلها غلط ليه؟ ونشوف الإمكانات والاحتمالات كلها، أها تفتح البوست انتا ولا أجي أربط الطاحونة في أي بوست يعجبني؟ +++ أمشي بس ما تتأخر، أنا قاعد أحضر استعدالك دا. ___ غايتو المرة دي نعتبرها ليك تولية ربع دبر.

الشاعر الفذ الحسين الحسن في ضنين الوعد
الشاعر الفز الحسين الحسن في ضنين الوعد



و افترقنا و بعيني المنى
غالها الدمع فما أبصرت شيا
قالها الدمع فما أبصرت شيا
====


المثالين لتوضيح أثر الفوضى اللفظية على المعنى
فالشاعر من فذ تحول الى فز او شرد بالدارجة

و المنى من ضحية لاغتيال الدمع كما في استعارة الشاعر
إلى مقولة قد قالها الدمع !!

يعني الواحد لو ما بينطق كما هو مكتوب
إلا يلحق النص بإرشادات للفهم الصحيح

في عالم الفوضى اللفظية تصبح أذاقهم و أزاغهم حاجة واحدة رغم اختلاف المعنى و يكون المقرر هو نفسه المغرر و نبقى نفتش و نبحت في السياق و ما نلقاو لانو بقى سياغ عالم موازي و عجيب جدا القليل يصبح غليل و الثقيل نفس السغيل و ما نعرف نقلي البيض ام نغليه و للا ناكل نيم ... ده عالم متعب جدا.

Quote: يعني الواحد لو ما بينطق كما هو مكتوب إلا يلحق النص بإرشادات للفهم الصحيح

يعني مصر تتجاهل مقاصد كلامي

مافي حاجة اسمها تنطق كما تكتب، في اللغة العربية بالذااااات الكتابة بجهة والنطق بجهتين أو تلاتة، انت دي ما عارفها؟ مرة تالتة: دائماً ميز بين اللغة المكتوبة واللغة المنطوقة. مكتوب فوووووق في راص البوست دا (محاربة نطق .....)، يعني الحرب على النطق ودا من واقع الفهم المغلوط والمستلب البيخلي الواحد يكره طريقة كلام أمو وأبوه وناس بيتهم أول ما يقرأ معلقة أو بيتين شعر، الشعور بالصغار دا هو الأولى بالحرب في رأيي أنا. دلوقتي، مافي أي خطأ في نطق القاف غين أو الثاء سين أو الذال زاي، من حيث هو نطق طالما الطرف المخاطب يفهم كلامك، ففهم الكلام نفسو لا ينبني على الصوت المفرد للحرف ولا على صوت المفردة كلها أساساً بل على الموقف بكل قرائنه (context) والأوجه (aspects) والوضع (situation) بتاعتو دا في الجانب التقني لعملية التخاطب. دا كلو كوم، ومسألة فهمك للمنطوق (الكلام) عملية تانية تدخل فيها مسائل الدلالة (semantics) والغرض (pragmatics) ودي ما ليها أي علاقة لا بالأصوات ولا بالحروف الباعجة حنانك دي يا النور أخوي. ما تقول حاتم دا بيرص المصطلحات، لا، أنا بترجمها بمزاجي وبكتب ليك الأصل كمرجع، يمكن ترجمتي ما تعجبك أو ما تنفهم ليك. كلامي الفوق دا لو ما واقع ليك، فتش عن بوستات لواحد قهران اسمو أبو جودة وواحد تاني أقهر منو اسمو ملاسي، الاتنين ديل بيكتبوا بالفصحي وبالتشكيل وما حتلقى حاجة تعينك على فهم مقاصدهم حتى ولو لحنوا ليك كلامهم بالعربية "المعيارية" دي. أنا بسهب لييييييه؟ لأنك بطريقة طفولية بتشيل وتكرر لي في افتعال أخطاء إملائية مصطنعة ودايرني أوافقك في إنها هي ذاتها أخطاء النطق، لا بالله حندوقك أمش أقرأ وتعال أدي دور عنترة دا، فكلامنا عن النطق، انت اكتب صاح من ناحية إملائية لكن انطق بالطريقة البتريحك، دا براهو وداك براهو، مش نحنا اتفقنا إنو مافي علاقة بين الاتنين؟ ولا لسة مصر إنو الزول لازم "يشوف" الحرف عشان ينطقه؟ فانت يا عزيزي دلوقتي بتلغي كيانك ووجودك وبتردح هنا عن "معاناتك" مع أربعة حروف لمجرد إنها ما بتشبه طريقة نطق هلامية انت بتسميها (النطق الصحيح) ورافض منذ 24 ساعة ونيف تورينا النطق الصحيح حق ناس منو. بعدين ياخي قصيدتك بتاعة ضنيب الوغد دي حتجيب لينا العضو الفاتح خشمو داك، أنا ما بدورو والله. ____ ما عندك حاجة لبوب مارلي بالعود؟

Quote: و نوع التفكير ده في حد ذاته يعبر عن هزيمة نفسية و شعور بدونية تجاه الآخر لا يليق بزول أو شعب يحترم ذاته و هويته مافي زول داير يثبت لزول حاجة و لا في زول فكر في زول تاني إلا إنت بسبب هذا الهوس بموضوع الاستلاب المفترض +++ الدافع الوحيد الظاهر هنا هو نطق اللغة الفصحى كما يجب نطقها +++ أهو كل الفنانين السودانيين القدامى مثلا لا يعانوا من المشكلة دي

نجي للمعاناة والعنت

هل يا النور أخوي انت دا من واقع تعليقك الفوق دا بتحصر (كل الفنانين) في المساحة الاسمها السودان بس في الفنانين البغنوا باللغة العربية؟ وفي ديل ذاتم البيغنوا بالفصحى (بدون معاناة)؟ +++ المستلب دائماً بيخاطب الناس بلغة وطنية لكن بتخذلوا مفرداتو، كل الأنا قابلتهم بيصدموك أول حاجة بالكلام عن الهوية والشعب واحترام الذات، أول ما ينتهي الطقم بالله سوووووتك بوشو يقع في الحنان الدافي. هسع شوف كلماتك، كل دافعك الوحيد (the only motive) هنا مش مقصد اللغة في التواصل بل مجرد (نطق اللغة الفصحى كما يجب نطقها) دي كلماتك يا النور وفي دي انت ومنتصر عبد الباسط متفقين صورة وصوت، لسان حالكم بيقول (آل البيت بيتكلموا كيف نحن دايرين نتكلم زيهم، شوفوا لينا حلل يا أخوانا نحن بنعاني، أورررروووك ألحقونا). هسع الهزيمة وين هنا واحترام الذات والهوية حسب تعبيرك دا كلو انحصر في شوية حروف انت بالذات سميت اختلاف نطقها "معاناة"، انت ما شايف نفسك بتتأرجح بشدة يا النور؟ ____ النسايرك، الفنانين القدامى ديل من سنة كم كدة يعني؟

Quote: الشاعر الفذ الحسين الحسن في ضنين الوعد

ضنين الوعد بتاعة صديق مدثر

Quote: ضنين الوعد بتاعة صديق مدثر

هههههههه
عكلتة زي العكلتة

Quote: ضنين الوعد بتاعة صديق مدثر

شكرا على التصحيح

و يصبح المثال الشاعر الفذ الحسين الحسن

و القصيدة حبيبة قلبي تفشى الخبر
أو حبيبة غلبي تفشى الخبر

في عالم تسوده الفوضى اللفظية

Quote: Swachw Swachw الأخ حاتم : بداية لعلك تلاحظ ــ لو كنت منصفا ــ أن الموضوع عن أخطاء في قراءة الفاتحة ، وهو ما يحدث من كثير من القراء باللهجات العامية سعودية أو سودانية ، وليس عن قضايا سودانية صرفة ، هذا غير أن " سعودية جدا جدا " ليست مما أهتم به " أبدا أبدا " .. فلا تحاول أنت تنقل لي ما تعاني منه .. لأنني متصالح مع نفسي كثيرا ، والدليل أنني أكتب معك أيها ( العربي السوداني هذه تغيظك قليلا ) في هذا المنبر بدون أي عقد ، فهل تستطيع أن تكتب بنفس الطريقة في موقع سعودي مثلما أكتب أنا ؟؟ ............. ومع ما تظهره من اهتمام بالقراءة فهل قرأت كتابا عن التجويد ومخارج الحروف ؟ لأن النطق في اللغة العربية مرتبط بالقرآن الكريم ، وهو مالم تنفه أنت لحسن الحظ ، وأيضا لأن الموضوع بدأ بالحديث عن أخطاء النطق في قراءة سورة الفاتحة . ولأني لست في وارد " التكاتيك " فسأضيف هذه المعلومة ــ التي ربما تعرفها أو لا تعرفها ــ حول النطق في اللغة العربية الفصحى ، وتحديدا في قراءة القرآن ، فإن هذا النطق محفوظ سماعيا وتقليدا منذ نزول القرآن وحتى الآن .. وأضيف لهذا الحفظ السماعي مؤلفات كثيرة حول " مخارج الحروف " وفيها وصف دقيق بشكل كبير لهذه المخارج ، إضافة إلى أن طبيعة الجرس الموسيقي ــ وإن كنت لا أبزّك في هذا المجال ــ للكلمة الفصحى تساعد في تحديد الوصف المكتوب للمخارج المنطوقة ، وهو ما أظنه من مميزات اللغة العربية . وخلاصة رأيي : ــ اللغة العربية الفصحى محفوظة بدقة مدهشة ( نطقا ) و ( كتابة ) منذ نزول القرآن وحتى الآن ، ولا يُقبل الخلل في النطق ــ الممكن إصلاحه أو التدريب على تلافيه ــ من الناطقين بها عند قراءة القرآن . ــ غير الناطقين بها من المسلمين يجب عليهم تعلّم الفاتحة بأقصى ما يستطيعون من جهد .. والادعاء بأن ذلك غير ممكن يكذّبه الواقع ، فأنا سمعت بأذني كثيرا من غير العرب يقرأون القرآن بلغة سليمة جدا ( الطريف أنهم لا يميزون كثيرا من المعاني ) . ــ الاختلافات بين الناطقين باللغة العربية في مخارج الحروف مقبولة في اللهجة الدارجة ، ويمكن التواصل الوظيفي اليومي من خلالها ، لكن ذلك ليس أفضل الحلول . أخيرا : هل يمكنك أن تدلي برأيك ــ المهني ــ بدون حمولة عنصرية ؟ لأني كنت ولا زلت أظن أن لديك ما تقدمه لنا لو خففت من هذا الحمل الثقيل .

سلام الصامت السوداني، كيفك؟

أقول كما ورد سابقاً، تراني لا أبذل رأيي على مائدة ما يطلبه المستمعون، وفي الواقع أنا قدمت في الصفحة الأولى معظم رأيي في أمر اللغة من حيث هي نشاط انساني غض النظر عن استخداماتها الدينية (liturgical) أو الأدبية، هذا إذا كان غرض القاريء هو تدارك ما فاته من التفاصيل. البوست على غير ما تود النقاش فيه عن (النطق) عموماً وهذا لا يقتصر على الفاتحة وغيرها، فارجو توسعة مدركات النقاش ليعب سواها. اللغة العربية بكل أصنافها فصيحة وغيرها مثبتة لفظاً وكتابة حتى قبل البعثة، فمن الخطأ الاحتكام إلى النص الديني لإثبات أي "فصاحة" مفترضة أو طلاوة نطق أو الإصرار على ربط نطق العربية بالقرآن إلا في مجال الدين، فلم يعجز الناس ابتداءاً بالنطق والتواصل قبل البعثة، واتفق معك أن النص القرآني محفوظ نصاً ولفظاً مثل غيره من النصوص الدينية في لغات أخرى، هذا لا يعني بالضرورة أن اللغة كوسيط تواصل ينبغي أن تحظى بذات المعاملة في الشأن الاجتماعي العام، إسباغ الجلال على لغة طبيعية هو المحرك لكل الظواهر الاجتماعية غير الطبيعية المستشهد بها هنا. ترى أن "المشكلة" الحقيقية هنا هي الإصرار على تأريخ لغة بشرية طبيعية وقرنها بنص ديني ثم الحكم على كل تفاعلات هذه اللغة الطبيعية وانشطاراتها بناء على طريقة نطق معتادة (dialect) تصادف أنها كانت لهجة المجموعة الفرعية موضوع النص الديني، هذه المشكلة بالطبع لا تحتاج لشرح، فعندما تذكر هنا بكل بساطة "طرفة عدم إدراكهم للمعاني" فهذا - من وجهة نظر علمية - يبين الفائدة الحقيقية والتوظيف غير ذي الجدوى لهذه اللغة سواء إن نطقت "صحيحة" أو "ملحونة" أو "خطأ" لانتفاء الغرض الواقعي الحقيقي منها. +++ أما بخسوس "تابعيتك" وتشريفنا بالتواضع والكتابة معانا هنا، فأنا في حيرة لماذا الإصرار على تأكيد هذه التابعية بين كل فقرة والتانية ولغتك تخبر عنك؟ الأمر الثاني: لا أرى أي مبرر لهبتك المضرية هذه كلما تحدثت عن علاقة أمر من الأمور بالمباحث الأنثروبولجية والعلاقات الاجتماعية، هذه أمور لا أجد حرج في تشريحها وعلاجها وإن أرهقت البعض، وفي حالتك أرى أن لديك " عقدة " مستعصية في مسألة "الهوية" وكأن هناك ما يعيب في هويتك ، فينقلب الدفاع عنها ــ مع أنك غير محتاج لذلك فأنا من القلة التي تؤمن بزعمك ــ إلى هجوم نزق على هويات الآخرين بوابل متكرر من التأكيدات والتطمينات الذاتية، غير المطلوبة. بالعربي: ليه لمبة السخانة بتاعتك بتولع أحمر كلما جبنا السيرة دي؟ ___ في حالة البعض هنا "الإشكال والمعاناة" مظهر لاستلاب خفي، انت مالك؟

خطأ شائع جدا و خاص بالسودانيين تحديدا بالضبط
نتيجة لالتباس الغين و القاف

أن يقال تركت الحبل على القارب
و الصحيح هو تركت الحبل على الغارب


و الغارب هو ذروة سنام الجمل

وهو خطأ صعب تجنبه في غياب النطق الصحيح
لأنه المعنى ترك الحبل على القارب
يبدو صحيح و يؤدي الغرض
المعنوي من المثل
بينما الغارب كلمة غير شائعة التداول

فقد يقرأها الواحد
و يتصور انه الكاتب
قد أخطأ الإملاء
و يحولها لقارب ظانا نفسه
قد صحح خطأ إملائي

لا نطق صحيح بلا كتابة صحيحة
و لا كتابة بلا نطق صحيح

Quote: في الموضوع : برغم أني لم أراجع الصفحة الأولى ، ولكني أؤكد على وجهة نظري السابقة أن اللغة العربية لها جلالها ، ولا يمكن مقارنتها بأي لغة أخرى لأنها ارتبطت في وعي الناس بالدين لأكثر من 1400 عام ، ولن تقنع أحدا بمحاولاتك أنها " مجرد وسيط تواصل صوتي بين الناس " .. لسبب يتعلق بالدين ومعناه في الوعي ، لا بسبب " تقني " أو " أنثربولوجي " أو " علمي مهما كان فرع العلم" .. بل إنك لو طبّقت عليها كل المقاييس العقلية والصوتية فستواجه السؤال : ماذا تفعل بشأن الارتباط الديني في الحس والتصور والتفكير باللغة حتى عند التواصل في الشأن العام؟

مرحب بيك تاني

فإذا كنت "بالفعل" تخذتها وسيطاً للتواصل مع صنمك ثم مع ربك وفي كل هذه المراحل هي ذاتها كانت وسيط التواصل مع ناقتك وبعيرك ثم مع ربعك، فما المستحدث فيها -كلغة طبيعية- الذي أخرجها من طبيعة اللغات إلى جلال الصلات؟ نأخذ مثال: أين الارتباط الديني-اللغوي في قصيدة أخونا النور (حبيبة قلبي)؟ اختر أي "مقياس عقلي أو صوتي" أو مما سميتهم وطبقه على الأبيات واخطرنا بالعلاقة، بطريقة علمية بدون تعميم أو تلميح لتابعيتك. التعميم لن يخدم غرض إيصال فكرتك -المبهمة- أو يأتي بجديد هنا، فالبشر لا ينظرون للسماء إذا أرادوا توجيه الحديث لأقرانهم على الأرض، إن كنت تلمح لشرط ذلك، أو تستحسنه.

Quote: لأنني متصالح مع نفسي كثيرا ، والدليل أنني أكتب معك أيها ( العربي السوداني هذه تغيظك قليلا ) في هذا المنبر بدون أي عقد ، فهل تستطيع أن تكتب بنفس الطريقة في موقع سعودي مثلما أكتب أنا ؟؟

هذا يعتمد على تعريفك للتصالح، ونوع العقد وشدتها، لكن سؤالك غريب

أطلعت على المنتديات السعودية ولم أجد فيها ما يفيدني، ولا أمانع إن رشحت لي منتدي سعودي تعتقد في فائدته. السؤال الأصح هو: هل يقبل السعوديون جرأة الطرح والنقاش الحر بدون قيود في كل المواضيع عامة وخاصة؟ ___ لا أظن، فحتى هنا نجد المناشدات بعدم الخوض، خوفاً.

Quote: لا نطق صحيح بلا كتابة صحيحة و لا كتابة بلا نطق صحيح

يا حليلك النور أخوي، قعدتا؟

قنعتا قلت تفرش بضاعة قل ولا تقل؟ ___ طبلية عامرة إنشاء الله والرزق تلاقيط.

و لا يخفى على عاقل أهمية التمييز نطقا و كتابة بين

على سبيل المثال


تعدّ اللغة العربيّة من أغنى اللغات وأكثرها غزارة لفظية

و

تعد اللغة العربية من أغنى اللغات و أكثرها قذارة لفظية

كما إنه تعد اللغة العربية الفصحى من اللغات
ذات الاتساق شبه الكامل من حيث ال
phonemic orthography او
الكتابة الصوتية
فكل صوت منطوق يقابله حرف مكتوب ..
لا يوجد أحرف صامتة او زائدة او مركبة
كما في لغات أخرى كالفرنسية أو الانجليزية
أي أن كل صوت معين يقابله
حرف مكتوب معين
و لا يوجد حرف قاعد ساي
بلا لازمة و يمكن استبداله
بواحد تاني

Quote: كما إنه تعد اللغة العربية الفصحى من اللغات ذات الاتساق شبه الكامل من حيث ال phonemic orthography او الكتابة الصوتية +++ فكل صوت منطوق يقابله حرف مكتوب .. لا يوجد أحرف صامتة او زائدة او مركبة كما في لغات أخرى كالفرنسية أو الانجليزية أي أن كل صوت معين يقابله حرف مكتوب معين و لا يوجد حرف قاعد ساي بلا لازمة و يمكن استبداله بواحد تاني

يا حليلك النور أخوي، لحقت ود القاضي ههههه

كلامك بتاع "الاتساق شبه الكامل" دا ما صاح، لمجرد أن العربية لغة طبيعية وفي الطبيعية لغة أبجدية يعني نظامها الصوتي ناقص في الواقع وليس شبه كامل، أبجدية يا النور يعني حروف صامتة حاول مد الباء ولا الكاف ولو قدرت كلمني، وانت قايل الناس "بتعاني" ليه في القاف والثاء؟ الحالة أديتك دراسة كاملة لخصائص اللغة وشذوذها، لكن ما بتقروا، منتظرين السيد يرميها ليكم في الواطة تشموها وتعضوها وتجروا بيها، هي شنو ما مهم. +++ كل صوت منطوق يقابله حرف مكتوب دا خطأ: ألف المد في أسماء الإشارة (هذا ، هذه ، هذان ، هؤلاء ، ذلك ، كذلك ، ذلكم ، أولئك.) ألف المد في الضمير المبدوء بهمزة مع هاء التنبيه (هأنا ، هأنت ، هأنتم ، هأنتما.) ألف المد في: الله ، الرَّحمن ، إله ، لكن ، طه. التنوين بكل أنواعه ------------ لا يوجد أحرف صامتة او زائدة او مركبة، دا برضو خطأ، هي العربية لغة أبجدية (abjad) حروفها كلها صامتة (consonant) ما عدا تلاتة، ومال التشكيل دا جابوهو ترتر للزخرفة (garnish) كريمة من فوق ولا موزاريلا؟ أنت أظنك ما عارف يعني شنو صامتة، أوعك تقول لي دي مدينة في السعودية، قاتل الله الاستلاب. الواو في (عمرو) هنا لزومها شنو؟ وبتنطقها كيف؟ أها وألف الجماعة (ضربوا) هنا لزومها شنو؟ هسع الواو والألف ديل في رأيك يعني ما قاعدات ساي؟ دا غير الرسم العثماني بتاع المصحف المليان حروف غير منطوقة وأصوات غير مكتوبة. صوت حرف اللام مع الحروف الشمسية بضيع ليه يا النور؟ طنقعة ولا شمشنة؟ بالمناسبة، دي معلومات مرحلة الأساس. ___ انت دا زول القصعة ذاااتك، أخير تركز في شغل الطبلية.

فلينطقها كل على سجيته أو كيفما أراد من "رأسه" أو "كراسه" :)

Quote: العربية لغة أبجدية (abjad) حروفها كلها صامتة (consonant) ما عدا تلاتة، ؟

تقصد ساكنة و ليس صامتة
consonant اسمها أحرف ساكنة

Quote: أنت أظنك ما عارف يعني شنو صامتة، أوعك تقول لي دي مدينة في السعودية، قاتل الله الاستلاب.

لا أبدا انت الما عارف يعني شنو صامتة
صامتة يعني silent letters
as in k in knife or know or knob
t as in listen or fasten or often





قلنا اتساق شبه كامل و ما كامل بدون( شبه)
لأنه في استثناءات زي حروف المد و التشكيل او ما يسمى vowels
عموما القعدت تعدد فيهن بالواحدة و هن كلهن شي واحد نوعيا

شبه دي ما كتبتها اعتباطا فالزول غير المتهافت تكفيه الاشارة

قاتل الله الشلاقة و المسخرة المصحوبة بالجهل الفخور

Quote: تقصد ساكنة و ليس صامتة consonant اسمها أحرف ساكنة +++ لا أبدا انت الما عارف يعني شنو صامتة صامتة يعني silent letters +++ قلنا اتساق شبه كامل و ما كامل بدون( شبه) لأنه في استثناءات زي حروف المد و التشكيل او ما يسمى vowels

حالتي فرحت لما شفت كلمة (phonemic)

وقلت الزول دا بدأ يجهز، تاريكا لسة قاعد. أها النجي لصامت وساكن، عادة يا أخ قاسم في العلوم المتخصصة كل أخل تخصص بيفرزوا عيشتهم بألفاظ ومصطلحات مميزة تبعدهم عن الكلام العام الملتبس. في اللغويات بيستخدمو المصطلحين (consonant, vowel) وترجمتها (صامت، صائت) للتدليل على الخصائص الصوتية للحروف وطبيعة نطقها المنفردة، يعني الحرف "البراهو". المصطلحين (ساكن، متحرك) علاقتهم أكتر بالإملاء (orthography) يعني في حالة تفاعل الحرف ودخوله في مفردة، نديك مثال: الحروف التلاتة "المتحركة" في اللغة العربية هي الألف والواو والياء، لكن اتنين منهن ممكن بكل بساطة يتحولن لبعاشيم "ساكنة" زي في الكلمة "مَيْعة والكلمة "مَوْت" شفت كيف يعني مصطلح (ساكن) هنا ما عندو مباديء transitional ساكت، يخذلك في أحلك المواغف! لكن مصطلح (consonant) يبين نوع الحرف في كل حالاته، بالنسبة للمثالين الفوق ديل الواو والياء تظل حروف صائتة في أي موضع لأن التعريف لكلمة صائت (vowel) وصف لصوت الحرف المفرد غض النظر عن اشتراكه الإملائي (lexemic). https://ar.wikipedia.org/wiki/%D9%81%D9%88%D9%86%D9%8A%D9%85 https://ar.wikipedia.org/wiki/%D8%AD%D8%B1%D9%81_%D8%B5%D8%A7%D9%85%D8%AA http://daralkalima.ahlamontada.org/t7-topic +++ برضو خطأ، انت بتترجم براك؟ ذكرتني "القهقرية" بتاعة الزول الصنف الأصوات لجبلية وصحراوية داك الصمت (silence) هنا خاصية للمفردة مش للحرف، يعني يا قاسم أخوي المفردة قبلانة بيهو (مع الكراهة) على المذهب البناني، يقعد لكن يسكت ساكت، فلو سعى إلى رزقه مع أخرى لكافأته باحسان، ولعلا صوته، في الآفاق قليلاً ما تطلعون. دا بيرجعك لكلامي الفوق عن إنو الكلام لا يعتمد على صوت الحرف المفرد أو حتى صوت الكلمة كلها، لا، على حاجات تانية مجالها ما هنا، نظام الكتابة كله بيوضع عشان بس يذكرك ويديك دفعة (triggering) لمعلومات شفاهية انت جمعتها من بيئتك وربطها في وعيك بدلالات متفاوتة ومتغيرة، دلوقتي المشكلة هنا إنو الكلمتين ديل (consonant, silent) ما بيقابلهم في العربي غير (صامت) يعني زي (noun, name) برضو ما بيقابلهم غير (اسم)، شفت العربية كيف موزعة؟ قذارة في الانتاج وسوء في التوزيع، هسع دا كان بعير ولا حرب ضروس تلقا ليهم ميتين مفردة. حقو تفرق بين الصوتيات (phonetics) والإملاء (orthography) ولا تنسونا من صالح الدعوات. +++ كلامك الأخير عن الاتساق ملخبت وما واضح، انت بقيت بتاع دقمسة ولا شنو يالنور؟ بين كلامك بالتفصيل. ___ تعال قول علي مطنقع.

Quote: فلينطقها كل على سجيته أو كيفما أراد من "رأسه" أو "كراسه" :)

مرحبا أخ هاني

قالوا سجيتنا كعبة وبطمم البطن! قلنا ليهم الكلام دا اكتر من مرة، اكتبوها إملائياً صاح وانطقوها بماء تيسر (أو بموية الماسورة دي)، لكن معصعصين ما دايرين السجية. دايرنها هنية ونقية من بني أمية. المسألة فيها قهر نفسي، وتطلعات. ___ هسع شوف النور دا اتوكر كيفن لا قادر يقعد لا قادر يولي.

Quote: Swachw Swachw ــ لعلك تلاحظ أيضا أني حاولتُ من خلال مداخلتي الأولى أن " أمدّ " لك الحبل ، بعد أن كان الأخ / النور قد ولّاك ظهره ، لا دبره .. شوف ياخي هذا الجمال في دلالات كلمات اللغة العربية

في الانتظار، والخير فيك مقبلاً أو مدبراً

تعلمت من قراءاتي أن الدلالة في العربية عارضة وانتقالية، باستثناء مرجع واحد، لذا لم يدر بخلدي أي تمييز بين المفردات على أساس الدلالة، جمالاً أو قبحاً، وحرصت على أن اقتبس من القرآن ____ الكريم.

هههه عمك بروفيسور نقة ساي أنتج دكتوراة و تلاتة دبلومات عليا من الورجغة واستهلك كم قيقابايت من الجارقون الأكاديمي غير اللازم في البوست ده محاولا تعويض أنيميا الترابط المنطقي لفكرته البتمثل طفح فكري ناتج عن أزمة معنوية أكثر منها فكرة مترابطة و حقيقية تتعلق بواقع معاش. خير الكلام ما غل عفوا قل و دل. مثل عربي دغيغ جدا

Quote: ناتج عن أزمة معنوية أكثر منها فكرة مترابطة و حقيقية تتعلق بواقع معاش

في حالة زي دي بيقولوا رمتني بدائها وانسلت

لم آت بفكرة أو نظرية، نشرت توضيح وعللت أسباب، أعد القراءة. لكن مش غريب جداً أن "يتهافت" للدفاع عن لغة من لا يعرف أبجدياتها صرفاً ودلالة نحواً وكتابة؟ ما الدافع في رأيك؟ ____ هنا الأزمة المعنوية، حاول مرة أخرى.

Quote: هل اكتفينا من الفتريتة؟ كم نسبة الامية في السودان؟

سلام سيف الدين

مشاكلنا الواقعية الطاحنة كثيرة ومتنوعة لكن حلولها واضحة وممكنة، المصائب تأتي دائماً مع "المشكلات" المتوهمة والنفسية، هذه لا حل لها إلا بفرقعة الوسطى والإبهام أمام وجه المنوم. ____ الكارثة أنها تورث وتنتشر ومبتدرها مغفل وغائب.

Quote: الزول ما بمشي يقرا ليو اي ورقتين اكاديميات و يعمل فيها خلاص قددها ممكن جدا يكون الدراسة دي غيها غلط او اغلاط او كلها غلط فما تكون زول متهافت امشي شيل ليهم دراستك المجهولة المصدر العاجباك دي و قول ليهم كدة ما صاح العربية لغة طبيعية و ماعندها ستاندرد +++ هههه عمك بروفيسور نقة ساي أنتج دكتوراة و تلاتة دبلومات عليا من الورجغة واستهلك كم قيقابايت من الجارقون الأكاديمي غير اللازم

بالمناسبة، لا أحمل أي درجة علمية

أها يا قاسم النور، دايرين نفتتح الميز، البوست دا عن النطق، نشوف الغلطات الذكرتها فوق دي، اعتقد دا المحك، وبالمرة تاخد راحتك وتبشك لينا باقي المصطلحات الحفظتها، قلت شنو؟ يا تفتح بوست جديد بالموضوع ولا أكابسك محل ما يعجبني. ____ حتولي ولا تعرد؟

Quote: مشاكلنا الواقعية الطاحنة كثيرة ومتنوعة لكن حلولها واضحة وممكنة

ههههها، طيب ما تحلها يا أبو العريف و عبقرى زمانك، ولا راجى الرى!!!!؟

يا حاتم ابراهيم عليك الله –لو كنت تؤمن بالله- يعنى انت خلاص التزمت بمشاكلنا الكتيرة و المزمنة و الطاحنة لمن مشيت تفتش هل الأمريكان طلعو القمر ولا لأ، و أهدرت معظم وقتك (الغالى أوى أوى) فى ذلك؟ ياخى خليك متسق مع نفسك و خلى عندك ضمير.

أنت لسه ما تبت من كعة الموصلى و اسامة الخواض فى بوست الدليب، ناهيك عن حكاية الجاذبية الأرضية اياها و ترهاتك فى موضوع وصول ناسا للقمر، ولا كعة ناس الفيس بوك الشربوك الموية بى دودا، و غيرو و غيرو غييييييروو.


أرفق بنفسك ياخى، وضعك بقى مزرى خالص خااالص.

Quote: أنت لسه ما تبت من كعة الموصلى و اسامة الخواض فى بوست الدليب، ناهيك عن حكاية الجاذبية الأرضية اياها و ترهاتك فى موضوع وصول ناسا للقمر، ولا كعة ناس الفيس بوك الشربوك الموية بى دودا

الأخو زعلان مالو؟

شكلك متابع تلاتة مواضيع ما فاهم فيهن حاجة ياريت تدلي برأيك في أي من المواضيع السردتها، على الأقل تؤكد مزاعمك دي. البوستات مفتوحة، لكن الظاهر عليك ما مرتاح نفسياً. كمان لو عندك مساهمة هنا، اتفضل. ____ خلينا نعرف رأيك.

أنصحك صادقاً أخى الغالى حاتم أن تراجع طبيب نفسى، ما فيها حاجة يا حاتم يا أخوى و ما تتعقد منها.

و أعتذر ان أغلظت عليك فى القول.

Quote: و أهدرت معظم وقتك (الغالى أوى أوى) فى ذلك؟ ياخى خليك متسق مع نفسك و خلى عندك ضمير.

أوي أوي؟ أهاااا، بالله انت مكوفر ليك نص سنة؟

من زمن بوست البعاعيت مركز البعاعيت بولاية أريزونا الأمريكيةمركز البعاعيت بولاية أريزونا الأمريكية ياخي معليش، والله لو عارفك مكظوم الفترة دي كلها كان نفستك. معقولة، تعزمنا نجيك تقوم تقابلنا بوشك البارد داك مرحب بيك هنا، المهم نطلع منك بمعلومة. ____ سلم لي على جقلاب الخير، واسألو من شوربة الدود، شايفو أباني دُت.

Quote: أنصحك صادقاً أخى الغالى حاتم أن تراجع طبيب نفسى

Quote: (الغالى أوى أوى) +++ أنصحك صادقاً أخى الغالى حاتم أن تراجع طبيب نفسى، ما فيها حاجة يا حاتم يا أخوى و ما تتعقد منها. و أعتذر ان أغلظت عليك فى القول.

بالعكس، نصيحة غالية (أوي أوي)

هسع خلينا في موضوع البوست دا (قوي قوي). عادة يا أخينا المتداخل بيجي برأيه، وشايف بطنك ملياااانة أوي أوي ____ عايز تقول شنو بخصوص نطق الحروف؟

بما أنك و عدتنى أن نصيحتى غالية بخصوص مقابلة الطبيب النفسى، خلينا نشوف تقرير الطبيب بعد المقابلة و بعدين نتفاهم، و سوف أفترض فيك الشفافية بخصوص التقرير الطبى ( أكيد بعد عرض صورة من التقرير هنا).

Quote: (الغالى أوى أوى) +++ أنصحك صادقاً أخى الغالى حاتم أن تراجع طبيب نفسى

آآآي خلاس، إن شاء الله نهاية الشهر دا أراجع الطبيب

دلوقتي موضوعنا هنا عن مجموعة ترى أن اختلاف النطق بالحروف "مشكلة"، أوضحت التشريح اللغوي وبينت أن لا مشكلة حقيقية، مجرد استلاب ورغبة في التقليد لضعف في الشخصية وهزيمة نفسية. زي (أوي أوي) و (الأديسة شربت اللبن) وااااحد وزيادة في الكيل، اتضح إنو أشرس مدافع هو نفسو ما عارف عربي، عوة ساكت. ____ أها، انت عايز تضيف شنو يا الأنور من النور؟ نورنا

ما دام و افقت، جيب التقرير الطبى نهاية الشهر ده فى الأول عشان أعرف انو انت مؤهل عقلياً و نفسياً عشان أتناقش معاك فى الموضوع ولا لأ!

بالنسبة لبقية المتداخلين ليس بالضرورة الشرط أعلاه، يمكنكم التداخل معه بحالته النفسية العقلية الراهنة.

Quote: بما أنك و عدتنى أن نصيحتى غالية بخصوص مقابلة الطبيب النفسى، خلينا نشوف تقرير الطبيب بعد المقابلة و بعدين نتفاهم

هههههه أخير النور

أقبل وأدبر "بشرف"، انت جاييني من قولة طيط مفرٍ مدبرٍ! "أوي أوي" قال قلنا ليكم من الأول مافي مشكلة في القاف تتنطق غين. هسع بقول ليكم برضو ما مشكلة تنقلب "ألف"، أو بعاتي، مش سيدا مبسوط! ____ خلصنا يا "باشا"، عندنا "تهافت" في حتات تانية.

Quote: ما دام و افقت، جيب التقرير الطبى نهاية الشهر ده فى الأول عشان أعرف انو انت مؤهل عقلياً و نفسياً عشان أتناقش معاك فى الموضوع ولا لأ! بالنسبة لبقية المتداخلين ليس بالضرورة الشرط أعلاه، يمكنكم التداخل معه بحالته النفسية العقلية الراهنة.

انت محمد القاضي قريبك؟

والله صحي ههههههه أرفق بنفسك ياخى، وضعك بقى مزرى خالص خااالص. ودعتك الله يا "أنور" أنا عندي باقي كوتة لاميها لناس فيهم فايدة (أوي أوي). ____ العلم نور والجهل أنور.

أنصحك صادقاً أخى الغالى حاتم أن تراجع طبيب نفسى، و الله العظيم جادى خلينا من التندر و الهزار. و الله لمصلحتك فقط لا غير.

Quote: ودعتك الله يا "أنور"

ما دام ودعتنى الله شخصياً عليك الله واصل فى البوست ده عادى و ما تتخذنى سبب للزوغان.

Quote: ما دام ودعتنى الله شخصياً عليك الله واصل فى البوست ده عادى و ما تتخذنى سبب للزوغان.

أوي أوي

Quote: أنت لسه ما تبت من كعة الموصلى و اسامة الخواض فى بوست الدليب

شنو يا بتاع الأوأوة

من ديك وعيك كعة الموصلي ياتا، نعلك قاصد دي ويغني ليك...... الموصلي ( أو عندما يرتقي الفنان بجمهوره )ويغني ليك...... الموصلي ( أو عندما يرتقي الفنان بجمهوره ) زولك التاني طلع مساح (شاعر مريسة) ساي، ومترجم مبتديء http://sudaneseonline.com/board/490/msg/1460634596.html ____ فحدد لينا أي كعة تعني، عالم وغش

Quote: المهندس ايهاب وهومسؤول الصوت في "العربية" ومهندس مقتدر جدا تم التسجيل في بيتو وبي Pro Tools العيب كان في المغني كنت مرهق وتعبان وهو حاول يصلح الموضوع شوية ولمن جيتو راجع للأعادة لقيتو نزل الاغنية في النت وشافوها ناس كتار

بتبدأ تغييرات أخرى تظهر بعد الصوت يروح

وهنا مافي مشكلة قاف وغين، المشكلة بتبقى في حروف المد (ا، و،ي) فالتقدم في السن ليهو أحكام، كل النظام التنفسي بيكون فقد القدرة على دفع الهواء خلال الحنجرة بما يكفي للغناء ورفع الصوت. الوضع الطبيعي للمحترفين هو إفساح المجال لكن يمكن الالتفاف على العجز باستخدام الفلنشات. الفلنشات (flangers) مؤثرات صوتية بيتم فيها من ناحية فيزيائية عمل إزاحة في الطور (Phase shift) لمسارين (tracks) وإعادة دمجهم بعد التسجيل فبيظهر الصوت حاد ومعدني وقريب جداً من الصدى، الغرض هو إزالة الشخير والحشرجة في صوت المؤدي وهي أيضاً تعتبر أرخص طريقة للغش ومحاولة إظهار الصوت كأنو لشاب في الثلاثينات، عشان كدة المعاون بيستحق لقب (مهندس صوت مقتدر جداً) بالتأكيد في طرق أخرى لمعالجة الصوت لكنها مكلفة من ناحية الزمن والمبلغ المطلوب لشراء الفلاتر لتحسين الأداء، مع ذلك الفلنشات تفشل في تحسين الصوت بالذات عند تطابق ترددات الطور فهي فعالة حسب مبدأ التفاضل (differential) أي معدل تغير الترددات لذلك يغيب تأثيرها عند حروف المد ويظهر الصوت على أصله، الحشرجة هنا في الدقائق: 2:30 3:20 3:40 4:55 5:16 5:33 6:04 _____ حتى الغين والقاف يمكن تعديلها بالطرق الرقمية