الانتلجنسيا الخبيثة :مضوا بالسودان الى حديث حطت رحلها ام قشعم ..

Quote: كان للمرحوم والدي الذى عمل معلما في جنوب السودان وفي مريدي زمن عبود قصص مدهشة عن اهلنا الجنوبيين...حكى لي الكثير منها(تضمنتها مجموعة قطار الشمال الاخير)...اخبرني عن محبة الجنوبيين وتقديرهم للمدرسين الشماليين الذين كانو يقومون بالتدريس هناك حتى زمن الحرب اخبرني مرة عندما اشتد التمرد والحرب جاءه طلاب مدرسة مريدي وقالو له نحن نحب العلم والتعلم ولكن متمردين بقولو نحن نمشي معاهم او بكتلو انينا...عشان كده خلاص نحن بنسيب سودان ونمشي زائير..جاهل حي احسن من عالم ميت!! ومرت السنين وفي 1994 عندما كنا نسكن في شارع واحد الحاج يوسف...وانا كنت في اليمن...اخبرتني امي بقصة طريفة...وجد احد الطلاب الجنوبيين ابي يشتري الصحف من كشك في الشارع وتعرف عليه وجاء به الي المنزل بسيارته الفخمة وقد اضحى مسؤل كبير في دولة غربية وله بيت في الحاج يوسف...واخبرتني ان ابي كان سعيدا يومها وقد كسر له روتين التقاعد والملل والهجرة بين الكشك بتاع الجرايد والبيت واسترجعو الذكريات والمثل العجيب(جاهل حي احسن من عالم ميت) وحكى لابي رحلته الشاقة من الخمسينات حتى وصولهم للعالم الحر بريطانيا انذاك...والحديث ذو شجون من اقول الفيلسوف النفري(الجهل عمود الطمأنينة) او قول المتنبي اطايب الناس اغيار لدى الزمن يخلو من اهم اخلاهم من الفطن وتظل ازمة السودان تتناسل بين ادعياء الذكاءوالمعرفة والاذكياء الحقيقيين وهم في الشمال فئتين فقط الا من رحم ربي ويا حليل ناس التفكير الاستراتيجي محمود محمد طه وقرنق الحذرونا من اصنام المركز وتبادل الادوار واعادة تدوير القمامة ****