|
Re: النظام يحتفل بشركة أمريكية مستثمرة و رئيس (Re: سيف النصر محي الدين)
|
الأخوة الأفاضل:
الهادي دكتور عمر دكتور سيف
لكم التحية و الإحترام
النظام اليوم لا يجذب إلا مثله ... في النصب و الإحتيال
و ياما سنري
العقوبات الأمريكية في غاية التعقيد
و هناك عقوبات من أنواع اخري - فرضتها ولايات ... مثل ولاية كاليفورنيا ... فرضت عقوبات علي الشركات اللتي تتعامل مع النظام السوداني بمناسبة جرائم النظام في دارفور ..
هنا المحامين هذه الأيام أبدوا إستعدادهم لمقاضاة أي شركة لها نشاط في كاليفورنيا .. و تود التعامل مع نظام الخرطوم . و لا يهم جنسية الشركة .. طالما لها نشاط في كاليفورنيا ... سواء بوينج أو جنرال اليكتريك أو سيمنز الألمانية أو هيتاتشي اليابانية...
فهناك قانون تمت إجازته بواسطة المجلسين في ولاية كاليفورنيا - بخصوص جرائم دارفور - يحرم أي شركة تتعامل مع السودان تحت نظام الإنقاذ و لها نشاط في الولاية.
| |
|
|
|
|
|
|
Re: النظام يحتفل بشركة أمريكية مستثمرة و رئيس (Re: Elhadi)
|
أقرب حاجة وجدتها:
شركة اسمها كونتران يونايتد.. (وكيل الخطوط القطرية) فيما يبدو أو لها علاقة ما بالخطوط القطرية.. , ولها موقع فقير جداً في الانترنت ولا يتناسب أبداً ووضع الشركات المرموقة " حسب وجهة نظري وتقييمي الشخصي "
كما يبدو أن لها علاقة بهذا الخبر المنشور في الانترنت عن وكالة أنباء " سونا" ..
Quote:
(سونا)-وقعت شركة مطارات السودان القابضة المحدودة وشركة سفاري قطر للخدمات على مذكرة تفاهم للتعاون والعمل في مجال إدارة المطارات ومجال الخدمات الأرضية بمطار الخرطوم الدولي . ووقّع عن جانب شركة سفاري السيد حمد الهاجري الرئيس التنفيذي، فيما وقع عن شركة مطارات السودان الفريق أول طيار ركن أحمد علي أحمد الفكي المدير العام للشركة. واتفق الجانبان على تطوير وتحديث الخدمات بشركة مطار الخرطوم الدولي عبر نظام "بي أو تي" (البناء والتشغيل والتحويل) وتضمّنت مذكرة التفاهم تشييد صالة مغادرة دولية جديدة بأحدث النظم. إلى ذلك وقّعت شركة سفاري قطر للخدمات، وشركة كونترست بفندق السلام روتانا، بالخرطوم اتفاقاً للشراكة والعمل في مجال إدارة المطارات ومجال الخدمات الأرضية بمطار الخرطوم الدولي حيث وقّع عن شركة سفاري، السيد حمد الهاجري الرئيس التنفيذي للشركة، فيما وقّع عن شركة كونترست السيد وليد نبيل صبحي المدير العام رئيس مجلس إدارة الشركة. وستقوم شركة المها للمشاريع المتطورة، وشركة كونترست إحدى مجموعات (شركات كونتران يونايتد)، الوكيل العام للخطوط الجوية القطرية في السودان بتنفيذ أعمال المطارات. وأبدى السيد وليد نبيل عقب مراسم التوقيع سعادته بالتوقيع والشراكة القطرية السودانية، لافتاً إلى حرصهم على التعاون مع شركة سفاري قطر للخدمات ، مؤكداً أن مذكرة التفاهم من شأنها العمل على تطوير وتحديث العمل بمطار الخرطوم والمطارات الولائية. وعبّر الهاجري الرئيس التنفيذي لشركة سفاري قطر للخدمات عن سعادته بتوقيع مذكرة التفاهم مع شركة كونترست ، مبدياً تفاؤله بالعمل في السودان، مؤكداً حرصه على إحداث شراكات إستراتيجية مع الشركة في مجال تشييد وبناء وتشغيل المطارات وتقديم الخدمات بها. |
| |
|
|
|
|
|
|
Re: النظام يحتفل بشركة أمريكية مستثمرة و رئيس (Re: Elhadi)
|
سوق المواسير يجذب جميع المحتالين زي ما قلنا ليهم يا محمد سليمان اذا كان البيتكلم مجنون مفروض البيسمع يكون عاقل زول محول 7 مليار دولار ونصف المليار لبنك السودان هو اصلو قايل روحو البنك الدولي جاهل حتى بالنظم المصرفية والفرق بين البنك المركزي والبنوك التجارية يخي الناس ديل بانعدام الكفاءة العندهم ده زائدا الفساد ختو راسنا ده في الواطة دي
| |
|
|
|
|
|
|
Re: النظام يحتفل بشركة أمريكية مستثمرة و رئيس (Re: محمد إبراهيم علي)
|
وبحسب موقع الشركة المسماة : كونتران يونايتد نفسه :
فإن المذكور : Osama Nabil Sobhi Ibrahim
هو الـ .. Vice Chairman
للشركة التي مقرها في السودان والتي تعمل كوكيل للخطوط القطرية
ما علاقة كل ذلك بجلب (+7 مليار دولار) استثمار امريكي للسودان ؟؟
حد فاهم حاجة ؟؟
حاجة تمخول الرأس... ودعناكم الله
| |
|
|
|
|
|
|
Re: النظام يحتفل بشركة أمريكية مستثمرة و رئيس (Re: Elhadi)
|
الموضوع دا واضح ماسورة معقولة 7.5مليار دولار مع شركة مافي زوول بعرف عنها حاجة الرقم دا كبير جدا ... 7 مليارات من الدولارات
ياخي مصر عشان صندوق النقد يديها ملياريــن (2مليار دولار) شغل 6 شهور وفود تجي وتراجع وضامانات وإصدار سندات وودائع خليجية ..
شركة زي ي 700ألف دولار ما بكون عندها خلي كمان 7 مليار دولار
| |
|
|
|
|
|
|
Re: النظام يحتفل بشركة أمريكية مستثمرة و رئيس (Re: عبدالعظيم عثمان)
|
شكراً حبيبنا محمد سليمان .. على التدقيق في هذا الخبر العجيب .. دي مشكلتنا في الوطن .. الخبر بدون تدقيق .. كما قال الاخ تحويل للبنك المركزي ؟؟ هذا تضليل من الصحافة للحراك الاقتصادي .. قيمة العملات ، البورصة .. إلخ
موضوع جانبي .. أثناء قراءتي للبوست وجدت عبارة : Race : Black هل هذه العبارة عادية في النماذج في أمريكا بعدين ده لو Back نحن نكون شنو ؟ ههه ( ده زول أبيض عديل )
يعني ما عندهم ( خاطف لونين ) يا أبيض يا أسود
معليش ده خارج الموضوع لكن فقط للاستفسار
| |
|
|
|
|
|
|
Re: النظام يحتفل بشركة أمريكية مستثمرة و رئيس (Re: علي عبدالوهاب عثمان)
|
Quote:
All are presumed innocent until proven guilty in a court of law. Published mugshots and/or arrest records are previously published public records of: an arrest, an indictment, a registration, the deprivation of liberty or a detention. The mugshots and/or arrest records published on Mugshots.com are in NO way an indication of guilt and they are NOT evidence that an actual crime has been committed. For latest case status, contact the official law enforcement agency which originally
|
يامحمد سلامات كدي خليك أمين وترجم الاقتباس ده (هنا ) لو سمحت عشان نواصل
| |
|
|
|
|
|
|
Re: النظام يحتفل بشركة أمريكية مستثمرة و رئيس (Re: محمد الأمين موسى)
|
الأخ الهادي:
Quote:
فيما وقّع عن شركة كونترست السيد وليد نبيل صبحي المدير العام رئيس مجلس إدارة الشركة.
|
ده ياهو نفس الزول يا الهادي .... ضحك علي بلد هملة ... بعد أن طردوا كل المؤهلين في كل المرافق .....
باشمهندس محمد إبراهيم: لقد الخبر .. سوق مواسير كبير قايم في دولة بحالها .. السودان.
الأخ عبدالعظيم عثمان: المصيبة تكون حتي التكاليف ( السفر و الفندق) علي حساب الشعب السوداني ...
الأخ علي عبدالوهاب عثمان - سلام: الإشارة الي العنصر Race و ليس اللون Color هو شئ عادي في السجلات الأمريكية من أجل أغراض إحصائية و تعريفية و خلافها. بل أن هناك بعض الناس يصرون علي إنتمائهم للعنصر الأسود - مثل المصريين و غيرهم - لأن هناك برامج حكومية للتمييز الإيجابي و نسب معلومة من عقودات العمل يتم تجنيبها لصالح الأقليات للتعويض عن آثار التفرقة العنصرية اللتي مورست قبل الستينيات من القرن الماضي .
الأخ ناصر: هذه الفقرة اللتي أتيت بها أنت هنا لأترجمها لك .. أولاً هي فقرة روتينية قانونية للشركات اللتي تعمل في جمع معلومات من سجلات الجهات الرسمية لحماية نفسها في كل الاحوال ... و في حالة زولكم ده ... سجله له قرابة العشرين سنة (منذ 1998 ) .. يعني إن كان هناك لبس و كدة لتم سحب السجل قبل مدة طويلة ... لكن بقاء السجل حتي الآن في الحيز العام .. يعني أن لصاحبكم سجل إعتقال Record of Arrest سيتبعه طالما السجل دخل كمبيوترات الحكومة.
ثانياً: و لماذا أترجمه لك؟ ... يكفي أن سجله وسخان .. لذلك بقي في حيز السجل العام Public record ... شوف ناس ود الباوقة أو فرانكلي ... ليترجه لك .. أو دفعتك في الإنبراش اللاوطني .. دكتور أحمد أمين أن يسعفك بالترجمة .. (أوع يقول ليك ده ما أدونا ).
ثالثاً: بصراحة ... أنا كنت قايلك ستثور لكرامتك بعد ناس ود الباوقة دبّسوك المقلب ده و هم زاغوا .. يا ناصر ... ناس الإنقاذ ديل أكبر نصّابين و حرامية ... يعني ليه ما سمعت حتي الآن بشركات امريكية مثل أبل أو ميكروسوفت أو بوينج أو جنرال اليكتريك أو كيتربيلار أو أي من الشركات المعروفة تأتي و توقع علي العقود و تذهب لتنفذ الاعمال؟ ليه الإنقاذ لا تجذب إلا المحتالين و الحرامية؟
بعدين تعال: إنتو أول حاجة عند دخولكم للمؤتمر الوطني بعد تحفيظكم قسم المبايعة للبشير ... بيعلموكم كيف تغالطوا و تحاربوا الحقيقة مهما كانت بائنة و نورها ساطع؟
| |
|
|
|
|
|
|
Re: النظام يحتفل بشركة أمريكية مستثمرة و رئيس (Re: ناصر حسين محمد)
|
الأخ الفاضل محمد الأمين موسي لك التحية و الإحترام
دي فضيحة أكبر من فضيحة ال 46 طن ذهب.
الأخ ناصر
حقيقة إن لم تستحِ فأفعل ما شئت ..
صراحة كنت فاكر حكاية زول زي أسامة صبحي ... بشوية كليكات في الإنترنت ... سوف لن يقرب أموال دولة .. أي دولة في العالم ... سيبك من ماضيهو الموثّق بالإعتقال كجزء من السجلات العامة في أمريكا ....
الزول ده كل مؤهلاتو و خبرتو و خلفيته في الأعمال - و حسب بياناته اللتي خطّها بنفسه :
I am a business man with a background of VIP protection and government relations
دي ممكن أترجمها ليك: أي أن خبرته لا تتعدي خبرة بودي قارد - حرس شخصي - ربما في بناية بها مسؤولين في الحكومة .
و بمناسبة مستوي تعليمه ... أهو دكتور سيف قوقل تلك المدرسة في لندن و لم يجدها .
و إنت بعيناً قويّة .. جاي تطلب مني أترجم ليك كلام بيسموهو - فاين برنت - Fine Print Disclaimer ؟!!
حقّو تشغل وقتك ده لتضاري فضيحتك ... أن تبحث أكثر عن خلفية زول محتال إستضافته الحكومة كرئيس مجلس إدارة شركة أمريكية و وقّع معها عقودات بمبالغ ضخمة من أموال هذا الشعب المسكين ... شعب معروف ضحية الجماعة الإنت إتلميت عليهم ... و تكون أديت خدمة عظيمة إن كشفت حقّاً عن تاريخ أسامة صبحي هذا و عن الأعمال اللتي فعلاً نفذها حقيقة و مشاريع ناجحة في المجالات اللتي يدعي أن له خبرة و تاريخ في تنفيذها.
غير كدا ... ما تحلم أبداً أساعدك بأي ترجمة في تبرئة حرامي دولي كبير آخر أتي لينهب أموال هذا الشعب ...
| |
|
|
|
|
|
|
Re: النظام يحتفل بشركة أمريكية مستثمرة و رئيس (Re: ناصر حسين محمد)
|
الكلس ود سليمان .. لعلك طيبة ؟ والتحية لضيوفك الكلوس .
يعني يا ود سليمان التكنو رئيسك ما مجرم حرب ولا نايبو مسطول ولا باقي شلتهم مفسدين !!!! النظام يحتفل بشركة أمريكية مستثمرة و رئيسها له سجل إجرامي في أمريكا(صور) يعني بقت علي المجرم دا ؟؟ صدقني يكون متفق معاهم من زماااااااااان !
ولكم الشكر ,,
| |
|
|
|
|
|
|
Re: النظام يحتفل بشركة أمريكية مستثمرة و رئيس (Re: مني عمسيب)
|
الفاضلة مني عمسيب لك التحية و الإحترام
كلامك صحيح .. الطيور علي أشكالها تقع
لكن المحير .. الدفعة الأخيرة من المتشعبطين في العربة الأخيرة لنظام الإنقاذ بعد أن دخل قطاره مفازة العزلة و الفلس و الجفاف المالي.
أسوأ من الإنقاذ هو ... توقيت من قرر الآن الإنضمام لنظام عصابة يترنح من عدة مصائب.
| |
|
|
|
|
|
|
Re: النظام يحتفل بشركة أمريكية مستثمرة و رئيس (Re: Mohamed Suleiman)
|
الكلس ود سليمان .. لكي لاتنسي !
لكن المحير .. الدفعة الأخيرة من المتشعبطين في العربة الأخيرة لنظام الإنقاذ بعد أن دخل قطاره مفازة العزلة و الفلس و الجفاف المالي. أسوأ من الإنقاذ هو ... توقيت من قرر الآن الإنضمام لنظام عصابة يترنح من عدة مصائب. يا اخي ود سليمان حقيقة لازم تقال اي انسان ما عندو مبدأ ما عندو مواقف ثابتة .. يعني ما ليهم ضمان وحسب الشايفه البسئ للمعارضة والوطن وكان معارض دا مجرد مهرج ! ومراهق سياسي .. ونحمد الله البعدهم عنكم ايها الشرفاء وحالفة اعمل لي كرامة ههههه عشان طاروا وما يدنسوكم لينا .
ولك الشكر ,,,
| |
|
|
|
|
|
|
Re: النظام يحتفل بشركة أمريكية مستثمرة و رئيس (Re: Mohamed Suleiman)
|
Quote: يامحمد ياخ اللت والعجن مابنفع
ترجم الفقرة المقصودة بعدها بنشوف |
يا ناصر سلامات
ياخي محمد سليمان قال ما بترجم الكلام الجبتو دا وهو ما مضطر يترجمو
اذا انت شايف انو ترجمة النص الجبتو دا بتدعم رايك وتدحض راي محمد .. ترجمو واقنعنا
لكن مساككة محمد سليمان بي ترجمة النص الانت جايبو دا ما بتحلك لانو جايب اثباتات بالصور والوثائق
يبقى انت عليك تثبت العكس وللا تنسحب ولو سمعت كلامي وعملت زغبير من البوست يكون اكرم ليك
عشان تحفظ باقي ماء الوجه لو فضل منو شي
طبعاً مع خالص التحايا
| |
|
|
|
|
|
|
Re: النظام يحتفل بشركة أمريكية مستثمرة و رئيس (Re: محمد إبراهيم علي)
|
تحياتي محمد وضيوفه في امر مستغرب ليهو بعض الوظايف يقول ليك ان لايكون قد اتهم في قضية سابقا خلي ارتكبها الزول دة قول اتهمو ساي ومافي دخان بدون نار ومرق منها . مرق منها بتعني انو ماقدرو يثبتو عليهو التهمة . لكن كلنا عارفين مرات عدم اثبات البراءة في المحكمة لا يعني انه برئ تماما . اثبات البراءة مرات بكون من القوانين والاجراءات . يعني في امريكا وليصححني احدهم لو الشرطة قبضت في بيت زول طن من المخدرات بدون اذن تفتيش لا تعد اثبات ف شنو دة وطن كامل الجابرنا شنو علي الاتيان بشخص تشوب سمعته الشكوك وفعلا اذا كانت التهمة لم تحذف معناتو هو في اللستة لسة هنا بنقبض الزول لاتهام فكري او انتماء ايش الفرق الموضوع ما اثبات تهمة بل علي هملة البلد ما معروف الماسك مفتاح الدخول ليها منو
| |
|
|
|
|
|
|
Re: النظام يحتفل بشركة أمريكية مستثمرة و رئيس (Re: عمر أبوعاقلة)
|
Quote: وأبدى السيد وليد نبيل عقب مراسم التوقيع سعادته بالتوقيع والشراكة القطرية السودانية، لافتاً إلى حرصهم على التعاون مع شركة سفاري قطر للخدمات ، مؤكداً أن مذكرة التفاهم من شأنها العمل على تطوير وتحديث العمل بمطار الخرطوم والمطارات الولائية. وعبّر الهاجري الرئيس التنفيذي لشركة سفاري قطر للخدمات عن سعادته بتوقيع مذكرة التفاهم مع شركة كونترست ، مبدياً تفاؤله بالعمل في السودان، مؤكداً حرصه على إحداث شراكات إستراتيجية مع الشركة في مجال تشييد وبناء وتشغيل المطارات وتقديم الخدمات بها.
|
وليد نبيل صبحي، هو الأخ الأصغر لأسامة نبيل صبحي.
كما زكرت من قبل!
اسامة نبيل ده كان في كمبوني زول معروف أنو زول دجال وكذاب ساكت. كان موجود في تكساس في التسعينيات، وأظنه بعد داك رجع السودان. والظاهر وليد أخوه الصغير طلع مثل أخوهو الكبير اسامة تماما.
يا كيزان
مواسيركم كترت
| |
|
|
|
|
|
|
|