|
Re: الخواجات جيرة اليابا البجيوا لي ( البوليس ) عشان طعمية ّ!! توجد قصة !!! (Re: مني عمسيب)
|
اصلو الحكاية بدت كالاتي :
اشتريت لي كيس ( كبكبي ) وبليتو لقيتو ملي لي قريب الجردل لما شيلني هم ! يا ربي اسه دا افرمو كيف ؟ اها شلتو وديتو لي المغربي صاحب السيوبرماركت الجنبنا عندو مفرمة لحمة كبييرة حنستو باجاي وبهناك يفرمو لي لكن بصراحة اقنعني انو المفرمة للحمة انا اقنعتو بالمحاولة اها مسكين وبمنتهي عدم الرضي غسل المفرمة وبدأ في فرم ( الكبكي ) وانا بهنا اسمع ليك شتتتت شتتت سالتو دا شنو ؟ وعيني ما تشوف الا الكبكي طالع يا مقسوم النص الوحدة ولا كاملة ههههههههههههه . شفتو الشقاوة الانا فيها ؟
نواصل الغريق لا قدااااااام .
| |
|
|
|
|
|
|
Re: الخواجات جيرة اليابا البجيوا لي ( البوليس ) عشان طعمية ّ!! توجد قصة !!! (Re: فتح العليم محمد أبوالقاسم)
|
اها زي ما عارفين لما المفرمة تكون شغالة الواحد بكون ما سامع تراهو جاء الوبليس وضرب الجرس وانا ما سمعاهو لانو المفرمة شغالة وانا بغني يعني حا اسمعو كيف ؟ هههه المهم هو دخل وضرب جرس الشقة برضو انا ما سامعة يلا ما اسمع ليك الا الباب بضرب بطريقة هستريا اول مرة من ما جيت الباب بضرب كدا حقيقة ارتعشته من رأسي لي كرعي وجريت والمفرمة شغالة وقت بصوت كل خوف منو ؟ قال لي ( البوليس ) !!! يا الاهي بوليس في بيتي ؟ وفي اللحظة ديك !!!!
لكن برضو هم علي حق القانون قانون وتعيش عدالة السماء والارض .
بس انتظروني ماشة وجاية للغريق اللالالالالالالالالالادام .
| |
|
|
|
|
|
|
Re: الخواجات جيرة اليابا البجيوا لي ( البوليس ) عشان طعمية ّ!! توجد قصة !!! (Re: فتح العليم محمد أبوالقاسم)
|
يا منى كنا في هولندا قبل 9 سنوات تقريباً، بالليل قعدنا في غرفة كم نفر وقعدنا نتونس وقر قر ضحك شديد، معانا عمنا كبير كدا قام مشى الحمام ونحن في ضحكنا داك اكان نسمع الكواريك والجوطة، قلنا ليهو عليك الله افتح الباب معاك وشوف الحاصل شنو، فتح الباب لقى عجوز من الغابرين اقل حاجة 80 سنة في اخر الممر ولابسة ليها روب ومنتكيةعلى عصا وشغالة فينا نبذ، قال ليا محمد عليك الله تعال شوف الشيطان دي بتتكلم معانا نحن ولا زول تاني؟ مرقنا على الولية وفهمنا منها انه ضحكنا حمانا النوم وانه احسن لكم تقفلو خشومكم ديل قبال ما اجيب لكم البوليس هسي دي، قلنا ليها حاضر ودخلنا والله يا منى الليل كلو شغالين فيها قطيعة لمن اصبحت غايتو اليوم داك انا مصاريني انهردن من الضحك
| |
|
|
|
|
|
|
Re: الخواجات جيرة اليابا البجيوا لي ( البوليس ) عشان طعمية ّ!! توجد قصة !!! (Re: آدم صيام)
|
اخوتي ,, احبتي .
الحليلة .. فتح العليم .. ود الفكي .. عزيز ود عصمان . وادم صيام .
لكم التحية والتقدير والشكر النيبل . عمومآ بجيكم لتفصيل الردود . وفي
الفترة دي اكرامآ لكم بهذه الاطباق الشهية من ( الفلافل ) والاسم الحركي ( طعمية )
والموضوع ( الطعمية وحضور الظبطية ) هههههههه . ودمتم ..
بعد تاكلوا ما تنسوا الموضوع الغريق لالالالالالاقدام .ههههههههه
| |
|
|
|
|
|
|
Re: الخواجات جيرة اليابا البجيوا لي ( البوليس ) عشان طعمية ّ!! توجد قصة !!! (Re: Osman Musa)
|
Quote: التهمة ازعاج عاااام من ( مفرمة الطعمية ) !!! عليكم الله اسه دا سبب يجبو لي بيهو بوليس ههههههههه |
هلا بالبنت الجدعة ,, وتانى هههههه ـ فعلا الناس ديل ماعندهن موضوع وكمان عندهم مكيالين ـ يعنى البدوروه بسموهو بخيت انا جيرانى اسبان ـ فى الصيف قلبوا الباك يارد دسكو اشتكيت لى طوب الارض ـ والحِمَيِّر فى طينو.. امال يامنى كان عَلَّبتى ليك طلح كان ودوك لاهاى ولا كيفن؟
| |
|
|
|
|
|
|
Re: الخواجات جيرة اليابا البجيوا لي ( البوليس ) عشان طعمية ّ!! توجد قصة !!! (Re: عبدالعزيز الفاضلابى)
|
سلام يا مني عندنا صاحبنا متلقي حجج جاء سكن في فلات وتحتو هولندي عجوز ساكن ليهو سنين ، اطفال صاحبنا بيجرو في الشقة بتعمل ازعاج للعجوز تحت قام جاء طالع بيشتكي من ازعاج الاطفال ، صاحبنا قال ليهو ديل أطفال يعني حأربطهم ليك؟ الهولندي العجوز قال ليهو والحل شنو ؟ صاحبنا قال ليهو والله هسع أنت في نعمة لان الاطفال أعمارهم سنتين وثلاثة وكل ما يكبرو الازعاج بيزيد اضعاف فالحل أنت تشوف ليك سكن تاني . ماتم أسبوع العجوز لملم عفشو واتخارج
فهسع انتي ماعندك حل عشان تنتقمي الا تجيبي ليك سماعات كبيرة وتربطيها مع قناة الموسيقي وتدوري من عشرة صباحا الي العاشرة ليلا بالاضافة للويكند وكلو بالقانون ( علاج مجرب)
| |
|
|
|
|
|
|
Re: الخواجات جيرة اليابا البجيوا لي ( البوليس ) عشان طعمية ّ!! توجد قصة !!! (Re: عادل الباهي عبدالرازق)
|
Quote: الهولندي العجوز قال ليهو والحل شنو ؟ |
سلام ياباهى كنت ساكن فى عمارة الطابق الرابع والاخير والشقة الـ تحتى مباشرة ساكن فيها كورى ,, ولادى دردرب دردرب الليل والنهار ,, يوم جيت بالليل من الشغل ,, يادوبك بقول سلام لولادى وامهن ـ اسمع ليك لب لب لب جاي من السطح. قلت لى زوجتى ده شنو البرزع فوق ده ,, ضحكت وقالت لى ده الكورى ,, خمشت لى حديده وجرى على السطوح ـ القا ليك الكورى ينطط بس جاكى شان ,, وزعلان واقف لمبة ,, يازول مالك ,, نوديك كدباس؟ قال لى ونفسو قايم شوف الازعاج ده سمح؟ ولادك حامينى النوم.. قتا لو سمح ياخوى استغفر الولاد مون سغار ,, عُقب انا اللتخارجتا.
| |
|
|
|
|
|
|
Re: الخواجات جيرة اليابا البجيوا لي ( البوليس ) عشان طعمية ّ!! توجد قصة !!! (Re: عبدالعزيز الفاضلابى)
|
Quote: عُقب انا اللتخارجتا. |
سلام وتحايا يأبن عمي كنت تصبر شوية الكوري كان إتخارج أو إتأقلم أنا أذية الخواجات بستمتع بيها عندنا بعض القطارات بتكون فيها غرف لست اشخاص وانا لمن اكون مسافر سفرة طويلة بحب أقعد براحتي لوحدي في الغرف دي وكل ما القطار يقيف في محطة ويركب اشخاص بيجو يشوفو مكان خالي ، أنا بمثل فيها مجنون مافي زول بيجي داخل بيكشفو ويمرو الا مرة كدة دخل ليك ولد وصديقتة وقعدو ماتمو عشرة دقائق الا دورت ليك مرة اضحك بصوت عالي براي ومرة اكرش راسي مع تنهيدة مسموعة . البنت مألت علي صاحبها وقالت ليهو الزول دا مجنون من الاحسن نقوم نقيف برا وادوني عجاج رجليهم
| |
|
|
|
|
|
|
Re: الخواجات جيرة اليابا البجيوا لي ( البوليس ) عشان طعمية ّ!! توجد قصة !!! (Re: مني عمسيب)
|
اها موش قت ليكم ضرب الباب بطريقة هيسترية وقال لي انا ( البوليس )!! وانا كنت خايفة لانه لي 13 سنة ما جاني البوليس الا 3 مرات مرة بالغلط قاصد جيراني الفوق عندهم شكلة والاتنين مرة اسألني من لو شفت لي وش غريب اتردد في البناية عشان حصلت حوادث في الفترة ديك والمرة التالتة جايي يشهدني علي جارتي مززززززعجة جنسيتها يوغسلافيا لكن بـ ازعاجها دا علاقتي معاها علاقة قدم السبت عشان تلقي الاحد عشان كدا اسه انا مطلعاها من المشبوهين البلغوا عني تصدقو بجيها البوليس كل اسبوع ههههه اريتها شدتي ولضتي في النهاية البوليس بعتذر ليها وامشي مكسووور قت ليها بتقولي ليهو شنو انت هههههه قالت لي بهددو لكن الخاينة ابت توريني نوع تهديدها شنو هههههههههه .
المهم والغريق _____________
فتحت الباب اشوف ليك ديك يا( حور العين ) الشرطيات اتنين ومعاهم واحد شرطي اجنبي !!!
هنا بدأ الحوار بيناتنا .
قالت لي واحدة من الحور العين :
مساء الخير سيدتي :
رديت : مساء النور .
حور العين : جانا بلاغ من احدي الجيران .
رديت : بخصوص ؟
الشرطي : يا سيدتي انت موش عارفة القانون ؟
رديت : اي قانون تقصد ؟
الشرطي : قانون ازعاج نصف الليل في غير ايام ( الويك اند ) ؟
تصدقوا للحظة ديك قايلاها بين عشرة وحداشر !!!
سالتو قت ليهو الساعة كم ؟ قال لي اتنين بالليل !!!
طبعآ هنا حقيقة غلبني الرد : سكت .
واحدة من الحور العين قالت لي : يا سيدتي نحن جينا فقط للتنبيه الرجاء
ايقاف هذه المكنة .
التانية قالت لي يا سيدتي هذا القانون ساري علي الجميع ونحن ما قاصدين اي
منزل ولا شخص بـ عينو فقط المتسبب في الازعاج .
الشرطي قال لي : يا سيدتي نتمني ليك ليلة سعيدة وراحة ليك وللجيران .
انا طوالي سالتهم : البلغ منو في الجيران عشان امشي اعتذر ليو ؟
الشرطي : ما مهم البلغ منو المهم بنشكرك علي تفهمك لحضورنا ووعدك لاحترام للقانون .
وكمان قالوا لي تصبحي علي خير ههههههههههه .
غايتو متذكرة لحدي كدا لكن لو اتذكرت اي مفيد ولا مهم بجي بقولو .
اها في اي واحد عندو اي سؤال بخصوص المحضر ؟
| |
|
|
|
|
|
|
Re: الخواجات جيرة اليابا البجيوا لي ( البوليس ) عشان طعمية ّ!! توجد قصة !!! (Re: عبدالعزيز الفاضلابى)
|
الحليلة حبابك القريب الحبيب .
Quote: حليل زمن خالتنا حاجة نفيسة بت نور الهدي في زمنن قدر كبيقك دا تطحنوا في المرحاكة في نص ساعة واصلي الحكي لكن كان سمعوك أهلك ناس رفاعة إكشفوا حالك برضو حكي جميل واصلي علا بوليسكن دا بوليس عديم شغلة فعلا دا مو موضوع إستحق البوليس إجي فيهو لي زول الساعة اتنين صباحا___ الحليلة |
الله يرحم خالتك بت نور الهدي يا الحليلة والله كنا ماشين بدعواتها المباركات وربنا يوسدها الباردة وانور قبرها اميين .. لكن يا خيي الجاب زمن خالتك لي زمنا شنو ؟ داك زمن المرحاكة وربنا واهب ليهم الصبر والطاعة هههههههه لكن نحن دا كلو نجيبو من وين ؟ والله ذكرتني رفاعة وناسها السمحين الله يهون علي للقومة وشوفتهم حقيقة اشتقته ليهم ان شاء الله القاهم تامين ولامين .. تسلم يا حليلة ..
ولي قدام .
| |
|
|
|
|
|
|
Re: الخواجات جيرة اليابا البجيوا لي ( البوليس ) عشان طعمية ّ!! توجد قصة !!! (Re: مني عمسيب)
|
ود صيام حبابك آآآلحبيب ..
ومنور والله .. Quote: (البلحيطة) : بلحاج، البطحية، البلطية، البرويطة الظبطية إلخ إلخ... (عشرة الياباني والتاباني) : التايلندي، التايواني، التلمساني خرطمية مرة يا بت عمسيب قلنا ليك الدربكين ما بهرسو بيهو الكبكب! إذا كان كي بوردك متل الفوق ده يهضرب! البوليس الانفيرومنتلي ما من حقو يتلّب؟ |
يعني اسه يا ود صيام داير تغيير لي كلامي هو غير الكلام الزي دا والكلمات الزي دي البجيبني بطريق مدني ليكم شنو ما ياهو لي الونسة السليقة دي ههههههه انت قايل انا خلاس بعرف اكتب داك يا العربي الكلاسيكي الاصل لا يا الحبيب اهدي كتابتي حسب الونسة وما تنسي انا افريقية واتشرف بذلك يعني اللغة دي دخيلة علي اكان سبتوني في العامية حقت جدودي وحبوباتي وهضربتهم تكونوا تب ريحتوني . ومشكوووووور ومنور .
وسلمت
ولي قدام .
| |
|
|
|
|
|
|
Re: الخواجات جيرة اليابا البجيوا لي ( البوليس ) عشان طعمية ّ!! توجد قصة !!! (Re: مني عمسيب)
|
حبيبنا \ ود الباهي ..
تحياتي واشواق ردم ليك وللعقاب ..
Quote: فهسع انتي ماعندك حل عشان تنتقمي الا تجيبي ليك سماعات كبيرة وتربطيها مع قناة الموسيقي وتدوري من عشرة صباحا الي العاشرة ليلا بالاضافة للويكند وكلو بالقانون ( علاج مجرب) |
والله يا ود الباهي مافي النية موضوع الانتقام كل البعملو بمشي لي جارتي اليوغسلافية الما مشحودة لي انتقامي لانها ما مقصرة هههههههه حفلاتها اسبوعيآ يعني لو انا عملت كدا بمشوا ابلغوا فيها هي لانها هي تخصص ازعاج وانزاعاج( ميوزك ) وبقت مشهور ههههه وزبون دائم للبوليس .
تسلم يا ود الباهي .. وتحياتي للعقاب .
ولالا قدام
| |
|
|
|
|
|
|
Re: الخواجات جيرة اليابا البجيوا لي ( البوليس ) عشان طعمية ّ!! توجد قصة !!! (Re: مني عمسيب)
|
حبيبنا \ ود الباهي ..
تحياتي واشواق ردم ليك وللعقاب ..
Quote: فهسع انتي ماعندك حل عشان تنتقمي الا تجيبي ليك سماعات كبيرة وتربطيها مع قناة الموسيقي وتدوري من عشرة صباحا الي العاشرة ليلا بالاضافة للويكند وكلو بالقانون ( علاج مجرب) |
والله يا ود الباهي مافي النية موضوع الانتقام كل البعملو بمشي لي جارتي اليوغسلافية الما مشحودة لي انتقامي لانها ما مقصرة هههههههه حفلاتها اسبوعيآ يعني لو انا عملت كدا بمشوا ابلغوا فيها هي لانها هي تخصص ازعاج وانزاعاج( ميوزك ) وبقت مشهور ههههه وزبون دائم للبوليس .
تسلم يا ود الباهي .. وتحياتي للعقاب .
ولالا قدام
| |
|
|
|
|
|
|
Re: الخواجات جيرة اليابا البجيوا لي ( البوليس ) عشان طعمية ّ!! توجد قصة !!! (Re: مني عمسيب)
|
حبيبنا \ ود البشاري ..
والله الشوق سابق السلام آآآآلحبيب ههههههه .
يا زول شايفاك اشتريتلك حوش ملك وفكيتنا عكس (الهوي ) اقصد ( الهواء ) هههههه
Quote: أحلى طع 100
بت عمسيب الشلاقة ليكـ شنو؟ .. والله صحي :) |
والله صحي .. احلي طعمية الجابت لي احلي زبائن واحلي ناس هههههههه
بعدين يا ود البشاري دي مو بسموها شلاقة دا بسمو غرام ( الطعمية الجاب الظبطية )
والله صحي هههههههههههههه ..... تسلم يا بشاري .. وما عدمناك
| |
|
|
|
|
|
|
Re: الخواجات جيرة اليابا البجيوا لي ( البوليس ) عشان طعمية ّ!! توجد قصة !!! (Re: محمد كابيلا)
|
اخوتي الزبائن احبتي .. الواقفون في هذا الصف المنتظم للمشاركة في اجمل الوجبات السودانية الشهية لا يسعني الا ان اقول لكم شكري وتقديري .. وحبي النبيل .. لتعاطفكم ووقوفكم معي لا من اجل الوجبة فقط بل من اجل قضيتي وموضوعي ( الطعمية وحضور الظبطية )
كم انتم رائعون ... عشان كدا بحبكم مووووووت .
عواطفي .. ملهمي .. فاضلابي ... صادق .. كابيلالالالالا . دمتم لي ولي عودة للردود بالتفصيل .. حتي الللقاء اليكم هذه الوجبة الشعية من اطباق الطعمية ولا تنسوا الموضوع ( الطعمية وحضور الظبطية ) ..
| |
|
|
|
|
|
|
Re: الخواجات جيرة اليابا البجيوا لي ( البوليس ) عشان طعمية ّ!! توجد قصة !!! (Re: فيصل محمد خليل)
|
بت عمسيب العزيزة ..كيف عاملة وان شاء الله طيبة.. وزي ما قالت ليكي عواطف اريتو بوليس الهنا والسرور.. ووالله لا وراك معاملة بوليس نيويورك...وشوفي البوليس الطيبين في الولايات الثانية زي ولاية ميسوري عملوا شنو في شاب صغير عمره 18 سنة واعزل من السلاح ادوه طلقة في راسو وقتلوه...وهسع 33 ولاية مولعة نيران بسبب غضبة السود لان الشاب القتيل اسود.. لكن كان جيتي للجد اذا كانت الطعمية الفي الصور دي ياها الطعمية الكنتي بتعمليها ..فكل شئ يهون ..وخاصة وان بوليسكم لطيف ونتمنى يبلغوا عننا كل يوم... ولكن برضه نقول ليك زي ما بيقول ود المنسي..جيرانك ديل اتلوموا معاك لوم اليابا فضيل... وطعميتك دي ناقصاها فول وجبنة وزيت سمسم....وهسع كان لقينا الفول والجبنة زيت السمسم ده يجيبو من وين؟ والله يديك الصحة والعافية
| |
|
|
|
|
|
|
Re: الخواجات جيرة اليابا البجيوا لي ( البوليس ) عشان طعمية ّ!! توجد قصة !!! (Re: اميرة السيد)
|
منوية الله يفضحك فضحتينا مع الخواجات
عندى صديقت امى زوجها طبيب كانوا عايشين فى برلين تحكى لينا قالت مشت عروس وامها شيلتى الطلع والشاف وحاجة كده بدخنوا فيها ما بعرف اسمها هههههه اها لما وصلت هناك خلت راجلها مشي المستشفى وقامت بعد خلصت ترتيب بيتها والطبيخ ولعلت ليك الدخان واتمسحت واتلفت بى البطانية وقعدت هههههههه بعد شوية تسمع الكواريك والجرس بتاع الارم يضرب وفى برقة عين لقت ليك ناس المطافي كابسين على البيت وشالوها ببطانيتها للمستشفى هههههه وهى المسكينة ما بتعرف تتلكم الماني وتصرخ وتبيكى وتمد في ادينا وفى رجولها تشرح ليهم بالعربي انها سليمة وهم حاولوا يجروا البطانية منها بس وحاتك ابت تفكها خخخخخخخ و حاولت تفهمن ما فهموا شي البر ههههههه المهم بعد وصلت هناك بعد تعب وماعرفت تسوى شى ادتن تلفون زوجها ههههههه اتصلوا فى طلع شغال فى نفس المستشفى جاء وفهم السالفة حتى سابوها وحاتك من ديك تانى ما شافت دخال لحدى ما رجعت السودان نهاى وحلفت تانى ما تسافرى اى بلد اوربي هههههههه
| |
|
|
|
|
|
|
Re: الخواجات جيرة اليابا البجيوا لي ( البوليس ) عشان طعمية ّ!! توجد قصة !!! (Re: صديق الموج)
|
كنا في مدينة إسمها (فورت ماكميري) مدينة تعيسة ما فيها غير البترول والقروش. بعض الناس ساكنين في المدينة، والبعض الآخر ساكنين في كامبات شركات البترول في الخلا. نخن كنا ساكنين في المدينة لكن سُكنة الكامبات اخير منها. أها، في رمضان قمنا عزمنا جماعتنا بتاعين الخلا، وقبل العزومة بيوم مشيت جبت لي كميّة بتاعت سمك، عطنتو في موية بالبهارات والتوم، واليوم التاني يعني يوم العزومة سحنت لي رغيف ناشف مع بهارات وشطة خدرا، وقريب لمواعيد الفطور طرشت الصاج زيت وفتحت باب الشقة ووقعت في السمك تحميّر. شغال قلي في السمك، كان جرس الإنذار قعد يكورك. بالرااااحة سديت الباب وواصلت التحمير، بعد مسااااافة اسمع الخبيّت فوق الباب. فتحت الباب لقيت بتاع المطافئ باللبس خمسة وآقف في الباب !!!. قال لي، يا زول الحاصل شنو ؟. قتلو، قاعد احمّر لي في سمك. قال لي، كدي تعال معاي برّة شوف الحاصلة. مرقت معاهو برّة والوآطة وآقفة اضان دحش من البرد، كان القالكم سكان العمارة عن بكرة إبيهم في الشارع، هُم ووليداتُن يكتكِتو من الصقط، وعربيات المطافئ زايد عربيات البوليس زايد الإزعاف انوارن يسوّن يا غربتي، والبلد وآقفة علي فرِد كُراع. إتمحنت في الحاصل !. بتاع المطافئ قال لي، شُفت السواها سمكك ؟. قُتلو خلاس عرفت الحاصل، كلّم الناس ديل اليدخلو من القِرّة دي. قال لي، أمش خلي دخاخينك العاكلة دي تهمد وبالرآحة حمّر سمكك. الضيفان بعد فطرو قتلهم، هوي، تاني الفي الخلا يلزم خلاهو، والفي البندر يلزم بندرو، كفانا فضايح...
| |
|
|
|
|
|
|
|