|
Re: بكرى ارجوك كلم فرانكلى بعدم التداخل فى بوستاتى اطلاقا (Re: mwahib idriss)
|
شكرا اخى فرح على التوضيح و الافادة ان كان الامر كذلك ادعو جميع الاخوان و الزملاء و الاحباب فى المنبر خاصة الذين لهم تواصل مع الاخ فرانكلى بالطلب منه رجاءا التوقف عن التداخل فى بوستاتى بجد اشعر بالريبة و الخوف من تداخلاته معى مع الشكر للجميع ليبقى هذا المنبر واحة للود و الامان للجميع بغض النظر عن الخلاف الفكرى او السياسى او الاجتماعى او الثقافى او الرياضى بين منسوبيه
| |
|
|
|
|
|
|
Re: بكرى ارجوك كلم فرانكلى بعدم التداخل فى بوستاتى اطلاقا (Re: أبوبكر عباس)
|
Quote:
جيتك ناني يا مواهب، أحسن حاجة تفكك من صدعة فرانكي دي؛ تسيبي المنبر وتمشي الفيس بوك، والما بعجبك تبلكيهو. بالمناسبة في ناس كتار مشوا من هنا وهسع أصبحوا من نجوم الفيس، زي خضروعصام جبر الله ومجموعة كبيرة... كل شيء يا مواهب، إلا وجع الألب دا |
والله يابكة انت راجل نكتة ياخي اطلع من مواهب وخليها تشوف ليها صرفة مع فرانكلي . واالله بقيت تحنن بعد هجرك سودانيات هههههه سلامي لك ولصاحبت البوست وكل التضامن مع رغبتها
| |
|
|
|
|
|
|
Re: بكرى ارجوك كلم فرانكلى بعدم التداخل فى بوستاتى اطلاقا (Re: أبوبكر عباس)
|
تحياتي
حقيقة لا أعلم بالمداخلات بينكما ... ولكن وددت توضيح أنه في بعض البوردات المجاورة هنالك خاصية الأقنور Ignore تختي الزول في الإقنور ..أوتوماتيكاالي كدا لا يمكنك مشاهدة مداخلاته في الوقت الذي هو ليس بإمكانه الدخول لبوستاتك مطلقاً ..
متاوقة بس ...يا يفتح ليه بوست
لو بكري عملها ليكم هنا ..... غايتو ح يحدث اهتزاز شديد ...زيادة في عدد البوستات وقلة في المشاركات
جربها كدي يا ريس
الشغيل
| |
|
|
|
|
|
|
Re: بكرى ارجوك كلم فرانكلى بعدم التداخل فى بوستاتى اطلاقا (Re: عبد العزيز محمد عمر)
|
اختنا مواهب بت ادريس
Quote: اخى الصادق كل الاعتذار و الاسف لك و لكل من يرى ما اكتب كما ترى اختلاف الرؤى طبيعة بشرية و كل الناس ما ممكن يكون مزاج فكرى واحد اشكرك على ما اوردته يا اخى محاولا الاستفادة من الثمين فيه و رمى الغث منه بعيدا ياخ بالغت فى وصفى بالهرة و ارجو ان لا تتوقع ان اصفك بالفأر لا ابدا يا انسان ان كنت تقبل منى كلمة اقول لك طول بالك |
أعجبني ردك كما اعجبني رد سيدي الامام الشافعي عندما اساء له احد الجهلاء فقال له الامام (لو لا خوفي من يوم القيامة لرددت عليك)
انتي ما تشتغلي بي زول اكتبي الشايفاهو صاح والما عاجبو يشرب من البحر ولو رد عليك تجاهلي رده
| |
|
|
|
|
|
|
Re: بكرى ارجوك كلم فرانكلى بعدم التداخل فى بوستاتى اطلاقا (Re: الصادق صديق سلمان)
|
مواهب ازيك حوش بكري مكفول لاي شخص عضو يتداخل فيه بشرط ان لايتعدى اللوائح وكمان مكفول لاي عضو يفتح حوش صغير وكمان مكفول لاي عضو ان يتداخل معاك ويعتبر ضيفك طالما مااتعدى اللوائح هو ضيفك ومقارعه الكلمه بالكلمه وطلبك بعدم تداخل عضو في بوساتتك او تجاهل اي من كان دا يعتبر طرد للضيف حتى ولو زي ما شفت بوست بيسال صاحبه عن معاملة الضيف البتصرف تصرف غير لائق وسراميك وماعارف شنو. وصدق الحبيب حين ربط الايمان باكرام الضيف وان كان فرانكلي. عارف فرنكلي بيعمل تيبي بس هو ضيفك واي طرد ليه او تجاهله تحسب عليك ما هو ربنا من حكمته ان يضع قدامك فراكلي وكل من يدعم الظلم عشان تتعلمي فيهم كظم الغيظ واعطاء درؤس مجانيه.
| |
|
|
|
|
|
|
Re: بكرى ارجوك كلم فرانكلى بعدم التداخل فى بوستاتى اطلاقا (Re: عمر نملة)
|
الحبيبة مواهب ..
تحياتي وتقديري ..
بالمناسبة يا مواهب الكيزان تجار الدين المفسدين دي الدايرنها ابعدوا المعارضين ليهم لكن بقول ليك اوووووووووعك تسيبي ليهم المنبر بالعكس اقعدي وردي عليهم بالاسوأ من ردودهم .... انت ماك كنداكة حرة ؟؟؟
تسلمي يا حبيبة .. وخليك ولو اعتدي عليك بنجي نساعدك عليه .
ولي قدام .
| |
|
|
|
|
|
|
Re: بكرى ارجوك كلم فرانكلى بعدم التداخل فى بوستاتى اطلاقا (Re: سيف النصر محي الدين)
|
يا مواهب ياخ أنت ما بتشوفي حسين ملاسي ده بتردم كيف و رغم كده ما بيعبر أي زول !! ياخ التجاهل .. التجاهل حقة دكتور مصطفي دي ما سمعتي بيها !! فرانكلي شنو البتخلي ليهو المنبر !! ياخ هو في نفسو زول كلو تناقض في تناقض زول عامل فيها إسلامي و بحب الشريعة لكن في نفس الوقت عايش و متنعم بخيرات ديمقراطية من يسميهم كفار !! كبري الـ G و شخطي ليهو زي الما حصل حاجة
شفت الناس بتاعين المشاكل عارفين الشغلانة دي بكري بحلها كيف !
| |
|
|
|
|
|
|
Re: بكرى ارجوك كلم فرانكلى بعدم التداخل فى بوستاتى اطلاقا (Re: أحمد ابن عوف)
|
الفهم شنو ؟؟؟؟ يا بكري أرفد لينا فرانكلي
كمال فرانكلي قاعد في قلوبكم وقاعد ليكم وما بتتصادر من حقوقه ذرة
أول حاجة كان دايرة تمشي الباب مش يفوت جمل يفوت ناقلة نفط عدييييل كدا
تاني حاجة والمهمة فرانكلي عمل شنو غلط عشان يتصادر حقو في أنه يرد .. هل شتمك ... تعدي عليك .... هتك عرضك .... كضب ... افتري فيك ... كلتلك ... هددك
من حق فرانكلي يرد علي أي زول ودي حقوقه
هنا في ناس قاعدين يتهددو وينتهك عرضهم ويتهانوا ويجيبوا خصوصياتهم ويفترى ليهم وبقوا يخشوا السجن ظلم عدييييل كدا ما قاعدين يبكوا لي بكري
على الاقل فرانكلي زول معروف راجل ومقيم في المانيا كان سوى حاجة كعبة الناس ممكن يمشوا يخنقوا انت منو زاتك راجل ولا مره
البورد دا مليان طرش وعمايا يا كافي البلا ولا الباكييين يكفيهم طرف طرحة كل واحد يعمل فيها فارس الحوبة عالم وهم ليكم حق ربنا يسخر ليكم الانقاذ تشردكم من بلدكم تتعولقوا في المنافي من غير قيمة
| |
|
|
|
|
|
|
Re: بكرى ارجوك كلم فرانكلى بعدم التداخل فى بوستاتى اطلاقا (Re: أحمد ابن عوف)
|
الأخت مواهب أتفهم تماماً تذمرك من تداخل الأخ فرانكلي في بوستاتك ولكن ذاك حقه في هذا المكان ولا يستطيع أحد منعه من التداخل معك ويجب عليك احترام ومراعاة ذلك الحق. كما يجب عليك أن تتحلي بطول البال والصبر على الاختلافات ومقارعة الحجة بالحجة طالما ارتضيتي بالتواجد في هذا المكان العام. لا اتفق معك في المغادرة حيث الكثيرون يتابعون مساهماتك ولو اختلفوا مع خطك العام.
الأخ فرانكلي احترم كثيراً وأقدر مساهماتك وكتاباتك في هذا المكان. أرجو منك احترام طلب الأخت مواهب في الكف عن التداخل معها. أقول لك هذا وأنا اختلف كثيراً مع الخط العام الذي تسير عليه كتابات الأخت مواهب, ولكن علينا أن نحترم قناعات بعضنا البعض.
ولكما ودي واحترامي
| |
|
|
|
|
|
|
Re: بكرى ارجوك كلم فرانكلى بعدم التداخل فى بوستاتى اطلاقا (Re: Osman Dongos)
|
الصفوة ـ ياحُمَيراء الكوكب الاحمر تمشي ومن يغيظ الرشاشات من بعدك؟ اين لنا بحُميراء تكتب لنا عن كتايب الكاردينال في كاتنقا؟ فرانكلي ماني عارفو هبب شنو علا رجالة ساكت بقيف معاك بس اقعدي وبلاش تفارئ ياصفوة ياجميل ,, وكان دايرا اسافر لي فرانكلي في بكانو وافلقو بي عكازي المضبب قولي عووك هيييييع انا الرضعان فوق الخُلالْ.
| |
|
|
|
|
|
|
Re: بكرى ارجوك كلم فرانكلى بعدم التداخل فى بوستاتى اطلاقا (Re: عبدالعزيز الفاضلابى)
|
Quote: بس اقعدي وبلاش تفارئ ياصفوة ياجميل ,, وكان دايرا اسافر لي فرانكلي في بكانو وافلقو بي عكازي المضبب قولي عووك هيييييع انا الرضعان فوق الخُلالْ. |
هييييييييييييييييع الضكر ود الضكرانين هو بالله فرانكي دا شخصية حقيقية وعندو مكان قاعد فيهو والله انا قايلو عصار ساكت والله يا الفاضلابي انا اكعب منك وعندي الراجل البضايق النسوان مو راجل ومفروض اندق واسع انا دخلت البوست اعمى واطرش وما عارف ائ حاجة فدحين لو بقيت عارف محلو قولي عوك اصلي انا مارق للربا والتلاف مواهب دي والله ولا بعرفا ولا حصل قريت ليها بوست ولكنها بت بلدي اتضايق جدا لمضايقتها واكيد دا احساس ائ سوداني الا من شذ
| |
|
|
|
|
|
|
Re: بكرى ارجوك كلم فرانكلى بعدم التداخل فى بوستاتى اطلاقا (Re: عبدالله ود البوش)
|
سلام ازيك ياخ دون الاطلاع علي البوست المعني في مظانه مواهب و فرانكلي علي طرفي نقيض .. عطفا علي البوست هذا فقط ف شنو اي واحد فيكم بستعمل اسلوبو في دحض فكر الاخر ومنهجو .. وكل زول بعرض بضاعتو انا واثق انو ممكن نحول المهاترة لسلاح ضد المهاتر ونعريهو لكن لا بمنع زول يخش لي ولا بهرب .. اي هروب اما ان تحول الامر لإساءات فذلك امرا آخر الفاضلابي وودالبوش الدواس بدور غبينة .. وغبينة النت دي مافي زول بفشها غير سيدا
| |
|
|
|
|
|
|
لا تذهبي بعيداً يا مواهب ادريس (Re: Frankly)
|
بالله شوف سفسطة ناس أبوبكر وأبو سن وتبارك وعدد آخر من العقلاء. أنا أسميها سفسطة وتقعر غير مفيد في فهم الديمقراطية. الاستاذة مواهب كتبت طلب، بكرى ابوبكر (وهكذا يكتب اسمه) لم ولن يستجيب، الاستاذة أقيّم من المدعو وتكتب أحسن منه ومنحاز لنوع النساء الذين يضع صورة احداهن زيفاً وبهتانا، الموضوع ما عايز نقاش، المدعو لا يتحدث إلاً عن الاشياء التي تضمن البي شيك حقو، الراتب. المدعو معادي طول الخط لنضال الشعب السوداني، داعم للقتلة، متشكك في شهداء سبتمبر، وأخيراً مطبّل. هذا يضعه كاستثناء مؤكد من اللائحة، وحقو يبت في أمره مجلس حكماء بعيداً عن لائحة المنبر. يا مواهب إدريس لا تذهبي بعيداً ريثما أقرأ عليهم تأول الآية الكريمة: "( قال أتستبدلون الذي هو أدنى بالذي هو خير ) يعني قال : لهم موسى : أتأخذون الذيهو أخس خطرا وقيمة وقدرا من العيش ، بدلا بالذي هو خير منه خطرا وقيمة وقدرا ؟ وذلك كان استبدالهم . وأصل " الاستبدال " : هو ترك شيء لآخر غيره مكان المتروك . ومعنى قوله : ( أدنى ) أخس وأوضع وأصغر قدرا وخطرا . وأصله من قولهم : " هذا رجل دني بين الدناءة " و" إنه ليدني في الأمور " بغير همز ، إذا كان يتتبع إنسان رخيصها . وقد ذكر الهمز عن بعض العرب في ذلك ، سماعا منهم . يقولون : " ما كنت دانئا ، ولقد دنأت ، وأنشدني بعض أصحابنا عن غيره ، أنه سمع بعض بني كلاب ينشد بيت الأعشىز.....إلخ"
| |
|
|
|
|
|
|
Re: لا تذهبي بعيداً يا مواهب ادريس (Re: mustafa mudathir)
|
سلام مصطفى، أنا إقترحت على مواهب تمشي تكتب في الفيس بوك؛ سخرية من طلبها الغير منطقي حسب توجه بكري!! إتّا هنا بتقول انو طلب مواهب عادل، لأنو فرانكي داعم للقتلة، في الحالة دي أفترح عليك يا مصطفي ترجع تكتب في سودان للجميع، لأنو نجاة بهناك بتسحب عضوية أي زول يدعم المؤتمر الوطني. هنا توجه بكري أبوبكر مختلف؛ حق فرانكي ومصطفى متساوٍ
| |
|
|
|
|
|
|
Re: لا تذهبي بعيداً يا مواهب ادريس (Re: أبوبكر عباس)
|
Quote: المدعو لا يتحدث إلاً عن الاشياء التي تضمن البي شيك حقو، الراتب. المدعو معادي طول الخط لنضال الشعب السوداني، داعم للقتلة، متشكك في شهداء سبتمبر، وأخيراً مطبّل. هذا يضعه كاستثناء مؤكد من اللائحة، وحقو يبت في أمره مجلس حكماء بعيداً عن لائحة المنبر. |
المدعو لديه اعتذار مهذب في هذا البوست يا درش ...
(الحرية لنا ... ولسوانا)
... المهم ....
| |
|
|
|
|
|
|
|