بكرى ارجوك كلم فرانكلى بعدم التداخل فى بوستاتى اطلاقا

سلام يا ريس

و ذلك ان كانت اللائحة الخاصة بالمنبر تعطينى الحق فى طلب ذلك
و ان كانت اللائحة لا تكفل لى ذلك فليس امامى الا الابتعاد عن المنبر

mwahib idriss

لا اعتقد هناك الية في المنبر تمنع الردود على الموضوعات
ومنعاً لمغادرة المنبر
انا بضم صوتي لصوتك
يا فرانكلي الزولة دي قالت ليه اختاها

شكرا اخى فرح على التوضيح و الافادة
ان كان الامر كذلك
ادعو جميع الاخوان و الزملاء و الاحباب فى المنبر
خاصة الذين لهم تواصل مع الاخ فرانكلى بالطلب منه رجاءا التوقف عن التداخل فى بوستاتى
بجد اشعر بالريبة و الخوف من تداخلاته معى
مع الشكر للجميع
ليبقى هذا المنبر واحة للود و الامان للجميع بغض النظر عن الخلاف الفكرى او السياسى او الاجتماعى او الثقافى او الرياضى بين منسوبيه

من نافذة الفيس بوك
كتب الاخ

الصادق عبد الله

ما خليتي حاجة ما هبشتيها
وتقابضي من طرف
لكل ما تظنيه يدعم فكرتك
مالك اسة مما فرانكلي اتداخل معاكي
سكليك كتر
وكمان بتخارج ان ما حميتوهو !!!!
بي طريقتك وانتي هرة


رد · أعجبني

· متابعة المنشور · منذ ‏28‏ دقيقة

-----------------------------------------

اخى الصادق كل الاعتذار و الاسف لك و لكل من يرى ما اكتب كما ترى
اختلاف الرؤى طبيعة بشرية و كل الناس ما ممكن يكون مزاج فكرى واحد
اشكرك على ما اوردته يا اخى محاولا الاستفادة من الثمين فيه و رمى الغث منه بعيدا
ياخ بالغت فى وصفى بالهرة و ارجو ان لا تتوقع ان اصفك بالفأر لا ابدا يا انسان
ان كنت تقبل منى كلمة اقول لك طول بالك

طيب يا مواهب، لو إتّي تداخلتي في بوست زول تاني وجا فرانكي علق على مداخلتك، في الحالة دي بكري يسوي شنو؟
طلبك حننني؛ لذلك أدعمه
ويا فرانكي، إياك ثم إياك...

ابوبكر
سلام
ياخ الاستغاثة محددة ببوستاتى الشخصية بوستات الاخرين لا شان لى بها
اشكرك على تضامنك

جيتك ناني يا مواهب،
أحسن حاجة تفكك من صدعة فرانكي دي؛ تسيبي المنبر وتمشي الفيس بوك، والما بعجبك تبلكيهو.
بالمناسبة في ناس كتار مشوا من هنا وهسع أصبحوا من نجوم الفيس، زي خضروعصام جبر الله ومجموعة كبيرة...
كل شيء يا مواهب، إلا وجع الألب دا.

Quote: جيتك ناني يا مواهب، أحسن حاجة تفكك من صدعة فرانكي دي؛ تسيبي المنبر وتمشي الفيس بوك، والما بعجبك تبلكيهو. بالمناسبة في ناس كتار مشوا من هنا وهسع أصبحوا من نجوم الفيس، زي خضروعصام جبر الله ومجموعة كبيرة... كل شيء يا مواهب، إلا وجع الألب دا

والله يابكة انت راجل نكتة
ياخي اطلع من مواهب وخليها تشوف ليها صرفة مع فرانكلي .
واالله بقيت تحنن بعد هجرك سودانيات هههههه
سلامي لك ولصاحبت البوست وكل التضامن مع رغبتها

تحياتي

حقيقة لا أعلم بالمداخلات بينكما ... ولكن وددت توضيح أنه
في بعض البوردات المجاورة هنالك خاصية الأقنور Ignore
تختي الزول في الإقنور ..أوتوماتيكاالي كدا لا يمكنك مشاهدة مداخلاته
في الوقت الذي هو ليس بإمكانه الدخول لبوستاتك مطلقاً ..

متاوقة بس ...يا يفتح ليه بوست

لو بكري عملها ليكم هنا ..... غايتو ح يحدث اهتزاز شديد ...زيادة في عدد البوستات
وقلة في المشاركات


جربها كدي يا ريس




الشغيل

اختنا مواهب بت ادريس

Quote: اخى الصادق كل الاعتذار و الاسف لك و لكل من يرى ما اكتب كما ترى اختلاف الرؤى طبيعة بشرية و كل الناس ما ممكن يكون مزاج فكرى واحد اشكرك على ما اوردته يا اخى محاولا الاستفادة من الثمين فيه و رمى الغث منه بعيدا ياخ بالغت فى وصفى بالهرة و ارجو ان لا تتوقع ان اصفك بالفأر لا ابدا يا انسان ان كنت تقبل منى كلمة اقول لك طول بالك

أعجبني ردك كما اعجبني رد سيدي الامام الشافعي عندما اساء له احد الجهلاء
فقال له الامام (لو لا خوفي من يوم القيامة لرددت عليك)

انتي ما تشتغلي بي زول اكتبي الشايفاهو صاح والما عاجبو يشرب من البحر
ولو رد عليك تجاهلي رده

مواهب ازيك
حوش بكري مكفول لاي شخص عضو يتداخل فيه بشرط ان لايتعدى اللوائح
وكمان مكفول لاي عضو يفتح حوش صغير وكمان مكفول لاي عضو
ان يتداخل معاك ويعتبر ضيفك طالما مااتعدى اللوائح هو ضيفك ومقارعه الكلمه بالكلمه
وطلبك بعدم تداخل عضو في بوساتتك او تجاهل اي من كان دا يعتبر طرد للضيف
حتى ولو زي ما شفت بوست بيسال صاحبه عن معاملة الضيف البتصرف
تصرف غير لائق وسراميك وماعارف شنو. وصدق الحبيب حين ربط الايمان
باكرام الضيف وان كان فرانكلي.
عارف فرنكلي بيعمل تيبي بس هو ضيفك واي طرد ليه او تجاهله تحسب عليك
ما هو ربنا من حكمته ان يضع قدامك فراكلي وكل من يدعم الظلم عشان تتعلمي فيهم
كظم الغيظ واعطاء درؤس مجانيه.

الحبيبة مواهب ..

تحياتي وتقديري ..

بالمناسبة يا مواهب الكيزان تجار الدين المفسدين دي الدايرنها ابعدوا المعارضين ليهم
لكن بقول ليك اوووووووووعك تسيبي ليهم المنبر بالعكس اقعدي وردي عليهم بالاسوأ
من ردودهم .... انت ماك كنداكة حرة ؟؟؟

تسلمي يا حبيبة .. وخليك ولو اعتدي عليك بنجي نساعدك عليه .

ولي قدام .

رغم اختلافي مع الاخ فرانكلي إلا انني ادافع عن حقه في الدخول في اي بوست بمثل الحق المكفول لك ولغيرك
وبكري لا يستطيع منع اي احد من الدخول في بوستات اعضاء بعينهم

حيدر
سلام
وجهة نظرك على العين و الراس لذا اخترت مفردة ارجوك يا بكرى
مع كفالة حق التداخل الا انه اذا طلب احد من اخر عدم التداخل في بوسته
خاصة اذا كان موضوع البوست عاما لا علاقة له بقضايا شخصية
على الاخر ان لا يتمادى من ناحية اخلاقية

مواهب ازيك

فرانكلي احد الذين يدعمون خط المؤتمر الوطني ظالما او مظلوما و طالما
شغال معاك كده معناها انت صاح و خليك في الفيها.
فرانكلي ابتعد عن بوستات مواهب
مواهب خليك قاعدة ان توقف او لا

هذا مع التحية

عمر تحياتى
مداخلتك فعلا تضعنى امام تحدى القيم السمحة مقابل المشاعر الذاتية
نسال الله ان يرشدنا الى الفضيلة
شكرا

لك كل الود و التقدير
نحتاج فى هذا المنبر الفريد نمدد مساحات الالفة و التسامح
بدلا عن العكننة و التباغض
تحياتى

تشكر يا عمر على التضامن
يا ريت الريس يعمل الاقنور

حاولتي تطلبي الطلب دا من كمال فرانكلي مباشرةً بدون ما تدخّلي بكري؟

لأنو من ناحية حوار ... لا يوجد ما يمنع فرانكلي من التداخل معاك ...

لاكين الإعتبارات الشخصية بترجع ليك وليهو ... بكري ما عندو دخل في اختلافات آراءكم طالما اللوائح مرعية ...




... المهم ....

فرانكلى خلى دمك خفيف
الاخت شمتك ابعد عنها جزاك الله خيرا

؟؟؟؟؟؟

بكري قاعد يعملها دائماً
برسل واحد stay away from و كان الله يحب المحسنين.

شكرا بكرى على الاستضافة ارجو التكرم بسحب عضويتى بالمنبر
العفو و العافية للجميع

يا مواهب ياخ أنت ما بتشوفي حسين ملاسي ده بتردم كيف و رغم كده ما بيعبر أي زول !!
ياخ التجاهل .. التجاهل حقة دكتور مصطفي دي ما سمعتي بيها !!
فرانكلي شنو البتخلي ليهو المنبر !! ياخ هو في نفسو زول كلو تناقض في تناقض
زول عامل فيها إسلامي و بحب الشريعة لكن في نفس الوقت عايش و متنعم بخيرات ديمقراطية من يسميهم كفار !!
كبري الـ G و شخطي ليهو زي الما حصل حاجة


شفت الناس بتاعين المشاكل عارفين الشغلانة دي بكري بحلها كيف !

يا مواهب ياخي انا بفتش على اليوم الالقى فيهو كوز يتلحني

تبيعي؟؟

الفهم شنو ؟؟؟؟ يا بكري أرفد لينا فرانكلي

كمال فرانكلي قاعد في قلوبكم وقاعد ليكم وما بتتصادر من حقوقه ذرة

أول حاجة كان دايرة تمشي الباب مش يفوت جمل يفوت ناقلة نفط عدييييل كدا

تاني حاجة والمهمة فرانكلي عمل شنو غلط عشان يتصادر حقو في أنه يرد .. هل شتمك ... تعدي عليك .... هتك عرضك .... كضب ... افتري فيك ... كلتلك ... هددك

من حق فرانكلي يرد علي أي زول ودي حقوقه

هنا في ناس قاعدين يتهددو وينتهك عرضهم ويتهانوا ويجيبوا خصوصياتهم ويفترى ليهم وبقوا يخشوا السجن ظلم عدييييل كدا ما قاعدين يبكوا لي بكري

على الاقل فرانكلي زول معروف راجل ومقيم في المانيا كان سوى حاجة كعبة الناس ممكن يمشوا يخنقوا انت منو زاتك راجل ولا مره

البورد دا مليان طرش وعمايا يا كافي البلا ولا الباكييين يكفيهم طرف طرحة كل واحد يعمل فيها فارس الحوبة عالم وهم ليكم حق ربنا يسخر ليكم الانقاذ تشردكم من بلدكم تتعولقوا في المنافي من غير قيمة

الأخت مواهب
أتفهم تماماً تذمرك من تداخل الأخ فرانكلي في بوستاتك ولكن ذاك حقه في هذا المكان ولا يستطيع أحد منعه من التداخل معك
ويجب عليك احترام ومراعاة ذلك الحق. كما يجب عليك أن تتحلي بطول البال والصبر على الاختلافات ومقارعة الحجة بالحجة
طالما ارتضيتي بالتواجد في هذا المكان العام. لا اتفق معك في المغادرة حيث الكثيرون يتابعون مساهماتك ولو اختلفوا مع خطك العام.

الأخ فرانكلي
احترم كثيراً وأقدر مساهماتك وكتاباتك في هذا المكان. أرجو منك احترام طلب الأخت مواهب في الكف عن التداخل معها. أقول لك هذا
وأنا اختلف كثيراً مع الخط العام الذي تسير عليه كتابات الأخت مواهب, ولكن علينا أن نحترم قناعات بعضنا البعض.

ولكما ودي واحترامي

سلام،
لم أشاهد البوست المعنى لذلك لا استطيع الحكم.. لكن بصورة عامة كونى مثل الطقس.. الليلة يشتموه الطقس رديء زفت.. وبكرة يقولوا يا سلاااااام بالله شوف الطقس الليلة جميل كيف.. وهو لا شغال بديل ولا شغال بديلك

سلام يا مواهب
فرانكلى طالما مداخلاته بعيدة عن قلة الادب والاهانة والاساءة مافى لائحة بتمنع مداخلاته
اذا ما عجبك مداخلته اعتبرى نفسك ما شايفة واتجاوزيه وما ترد عليه

أُختنا الفاضلة مواهب إدريس،
السلام عليكم،
يأختي أنت واحدة من العناصر النسائية الكتَّابات في هذا المنبر و لك مساهمات مقدرة، فلا تتركي المنبر عشان فلان ولَّا علان، وزي ما قالو ليكي الأخوة المتداخلين من قبلي، العجبك كلامو ردي عليهو و الما عجبك كلامو أعملي منو رايحا، فهنالك بعض الناس في هذا المنبر لم يأتوا لحوار هادف بل جاءوا للعكننه و الشتيمة و التجني علي الآخرين، فمن لا يحترم الآخرين فهو غير محترم أصلاً. فواصلي كتاباتك فهنالك من يقرأ لكي فلا تحرميهم و نفسك متعة التواصل عبر الحروف.
لك الود
عثمان دُنقس

الصفوة ـ ياحُمَيراء الكوكب الاحمر
تمشي ومن يغيظ الرشاشات من بعدك؟
اين لنا بحُميراء تكتب لنا عن كتايب الكاردينال في كاتنقا؟
فرانكلي ماني عارفو هبب شنو علا رجالة ساكت بقيف معاك
بس اقعدي وبلاش تفارئ ياصفوة ياجميل ,, وكان دايرا اسافر
لي فرانكلي في بكانو وافلقو بي عكازي المضبب قولي عووك
هيييييع انا الرضعان فوق الخُلالْ.

Quote: بس اقعدي وبلاش تفارئ ياصفوة ياجميل ,, وكان دايرا اسافر لي فرانكلي في بكانو وافلقو بي عكازي المضبب قولي عووك هيييييع انا الرضعان فوق الخُلالْ.

هييييييييييييييييع الضكر ود الضكرانين
هو بالله فرانكي دا شخصية حقيقية وعندو مكان قاعد فيهو والله انا قايلو عصار ساكت
والله يا الفاضلابي انا اكعب منك وعندي الراجل البضايق النسوان مو راجل ومفروض اندق
واسع انا دخلت البوست اعمى واطرش وما عارف ائ حاجة
فدحين لو بقيت عارف محلو قولي عوك اصلي انا مارق للربا والتلاف
مواهب دي والله ولا بعرفا ولا حصل قريت ليها بوست ولكنها بت بلدي
اتضايق جدا لمضايقتها واكيد دا احساس ائ سوداني الا من شذ

سلام
ازيك ياخ
دون الاطلاع علي البوست المعني في مظانه
مواهب و فرانكلي علي طرفي نقيض .. عطفا علي البوست هذا فقط
ف شنو
اي واحد فيكم بستعمل اسلوبو في دحض فكر الاخر ومنهجو .. وكل زول بعرض بضاعتو
انا واثق انو ممكن نحول المهاترة لسلاح ضد المهاتر ونعريهو
لكن لا بمنع زول يخش لي ولا بهرب .. اي هروب
اما ان تحول الامر لإساءات فذلك امرا آخر
الفاضلابي وودالبوش الدواس بدور غبينة .. وغبينة النت دي مافي زول بفشها غير سيدا

الأخت الفاضلة مواهب إدريس

بالجد أنا مندهش جداً من طلبك هذا ولا أدري ما هي الخلفية وراءه

أنا صراحة لا أذكر إي خلاف شخصي أو حتى فكري معك

لو حدث مني أي خطأ فأنا أعتذر إعتذار واضح وصريح

كل ما أذكره أنّي تداخلت معك في بوستات بالعدد أخرهما بوست الزلزال للخبير المصري وبوست العطلة الإسبوعية في موريتانيا في الأوّل سخرت من الخبير المصري الذي قال بحدوث زلزال في غضون عشرة ايام وعدت بعد إسبوعين ووضعت علامة استفهام

وكل ما قلته يعود للخبير المصري وليس لك أختي الفاضلة هذا إن كان فهمتي من مداخلتي شيء شخصي تجاهك

والبوست الثاني لم اعلق غير بإيراد خبر يوضح القرار

المهم العفو والعافية وتعالي راجعة المنبر فهو يسع الجميع

واختلاف الرأي يجب أن لا يفسد لوود قضية

لو صدر مني أي كلمات تسيء إليك أو هكذا ظننتي فأنا أسجل اعتذاري كاملاً لك أختي الفاضلة

شكراً للجميع



.

بالله شوف سفسطة ناس أبوبكر وأبو سن وتبارك وعدد آخر من العقلاء. أنا أسميها سفسطة وتقعر غير مفيد في فهم الديمقراطية. الاستاذة مواهب كتبت طلب، بكرى ابوبكر (وهكذا يكتب اسمه) لم ولن يستجيب، الاستاذة أقيّم من المدعو وتكتب أحسن منه ومنحاز لنوع النساء الذين يضع صورة احداهن زيفاً وبهتانا، الموضوع ما عايز نقاش، المدعو لا يتحدث إلاً عن الاشياء التي تضمن البي شيك حقو، الراتب. المدعو معادي طول الخط لنضال الشعب السوداني، داعم للقتلة، متشكك في شهداء سبتمبر، وأخيراً مطبّل. هذا يضعه كاستثناء مؤكد من اللائحة، وحقو يبت في أمره مجلس حكماء بعيداً عن لائحة المنبر.
يا مواهب إدريس لا تذهبي بعيداً ريثما أقرأ عليهم تأول الآية الكريمة: "( قال أتستبدلون الذي هو أدنى بالذي هو خير ) يعني قال : لهم موسى : أتأخذون الذيهو أخس خطرا وقيمة وقدرا من العيش ، بدلا بالذي هو خير منه خطرا وقيمة وقدرا ؟ وذلك كان استبدالهم . وأصل " الاستبدال " : هو ترك شيء لآخر غيره مكان المتروك . ومعنى قوله : ( أدنى ) أخس وأوضع وأصغر قدرا وخطرا . وأصله من قولهم : " هذا رجل دني بين الدناءة " و" إنه ليدني في الأمور " بغير همز ، إذا كان يتتبع إنسان رخيصها . وقد ذكر الهمز عن بعض العرب في ذلك ، سماعا منهم . يقولون : " ما كنت دانئا ، ولقد دنأت ، وأنشدني بعض أصحابنا عن غيره ، أنه سمع بعض بني كلاب ينشد بيت الأعشىز.....إلخ"

سلام مصطفى،
أنا إقترحت على مواهب تمشي تكتب في الفيس بوك؛ سخرية من طلبها الغير منطقي حسب توجه بكري!!
إتّا هنا بتقول انو طلب مواهب عادل، لأنو فرانكي داعم للقتلة، في الحالة دي أفترح عليك يا مصطفي ترجع تكتب في سودان للجميع، لأنو نجاة بهناك بتسحب عضوية أي زول يدعم المؤتمر الوطني.
هنا توجه بكري أبوبكر مختلف؛ حق فرانكي ومصطفى متساوٍ

Quote: المدعو لا يتحدث إلاً عن الاشياء التي تضمن البي شيك حقو، الراتب. المدعو معادي طول الخط لنضال الشعب السوداني، داعم للقتلة، متشكك في شهداء سبتمبر، وأخيراً مطبّل. هذا يضعه كاستثناء مؤكد من اللائحة، وحقو يبت في أمره مجلس حكماء بعيداً عن لائحة المنبر.

المدعو لديه اعتذار مهذب في هذا البوست يا درش ...

(الحرية لنا ... ولسوانا)





... المهم ....

وبعدين تجي تلقى مواهب كاتبة بكرى، تستبدل به (بكري)!
وتعرف سبب الكاروشة المفاجئة!

...كِكرِش