|
Re: آآآآآآى شكلو فى مؤامرة !! (Re: نعمات عماد)
|
يا نعمات يا بتي سلام مربع نحن شعب (مخسوس) عشان كدا حاجاتنا كلها (مخسوسة). الجو 11 شهر صيف وشهر واحد رمضان. عندنا أطول وأنقي نهر والمي في الخرتوم ومدني قاطع. عندنا السد والكهرباء قاطعة 25 ساعة في اليوم عندنا 124 مليون حيوان وكيلو اللحم أغلى من كل دول العالم. واللبن أغلى من سعره في لندن. عندنا 200 مليون فدان أراضي زراعية ونيلين وأمطار 6 شهور في العام ونستورد البصل من الأردن!! كفاك ولا أزيدك؟ مش قلت ليك نحن شعب (مخسوس)؟ تحياتي
كبـّاشي الصـّـافي .
| |
|
|
|
|
|
|
Re: آآآآآآى شكلو فى مؤامرة !! (Re: نعمات عماد)
|
شفتى عندنا هنا في نيويورك...
الجو ربيـع والصباح كانت في مطـرة خفيفـة.. رزاز.. توقفت ولكن السحاب ما زالت مرابطـة.. ودرجة الحرارة حوالى 22، الجو برة نضيف، والنسيـــم البارد يملأ الرئـة غصبا عن الزول ويطرح الوجـه وينشط العينين..
| |
|
|
|
|
|
|
Re: آآآآآآى شكلو فى مؤامرة !! (Re: نعمات عماد)
|
سلام يا نعمات و مرحب بيك....
Quote: سلام يا كانتونا يا ابنى
مساك الله بالخير
|
ضحكت لما بكيت... أصلو جات في بالي قبل شوية و أنا بقرأ بوست هشام آدم قربت أرد و أقول ليه يا إبني دي بس إنشغلت و نسيت ... أها لما قريت كلامك ده ضحكني شديد خصوصاً الفارق العمري بين المنادي و المنادى ... بركة الله جوكم يتصلح على طول و أسراريكم تنفرج على طول. جوّنا صاري وشو (مطرة و برد ) تحياتي
| |
|
|
|
|
|
|
Re: آآآآآآى شكلو فى مؤامرة !! (Re: فردوس جامع)
|
اهليين با فردوس يا بنتى
انشالله ترحب بيك السعادة
الله لا يجيب فوارق و لا فوارغ و كلهم ابنائى و بناتى
آآميييييين و شكرا لدعواتك الطيبة
الجو المكفهر ده انجليزى و لا ايه ؟
يا ريت لو الشمس بتتعبأ فى قزايز و تترسل .
كونى بخير
| |
|
|
|
|
|
|
Re: آآآآآآى شكلو فى مؤامرة !! (Re: فردوس جامع)
|
Quote: خصوصاً الفارق العمري بين المنادي و المنادى ... |
سلام مربع يا فردوس جامع يا بتي طبعاً عمِّك شاب 32 سنة غير العطلات والجُمع.. بس العطلات والجُمع بتساوي كم سنة .. دي متروكة لحصافتك. وكما قلت نحن شعب (مخسوس) ومن خاسياتنا خسوسية العُمر. أطال الله عمرك ومتعك بالصحة والعافية. تحياتي
كبـّاشي الصـّـافي .
| |
|
|
|
|
|
|
Re: آآآآآآى شكلو فى مؤامرة !! (Re: نعمات عماد)
|
هن الانكليزييين ديل زاتن ماهن المغلب... لا خلونا لي ابونا الخليفة ندلي راتبنا ونكسر عناقريبنا وله صبرو معانا شوية لمن نتعلم صبرن... لكلكوها وفكوها وطارو خلونا شقين ضلفة وحرابتنا واحدين ايمانن ضعيف قالو الا عيسي ارح يا كانتونا اخوي الليلة زانده البعوض انونني الكرشي حمانا النوم ارح قبال الشمش تمرق تجي وردية الضبان..
| |
|
|
|
|
|
|
Re: آآآآآآى شكلو فى مؤامرة !! (Re: عبدالعزيز عثمان)
|
سلام يا عبد العزيز با ابنى
الانجليز اعتبروا أفريقبا أضخم حديقة حيوانات فى العالم
استولوا عليها و ختو الذئب جنب الشاة وو الأسد جنب التور
والكدايس جنب ال هوهو ......الخ
ولن تنتهى الفوضى الخلاقة بالهين .
تشرفنا يا ابو القصاصين
تحياتى
| |
|
|
|
|
|
|
Re: آآآآآآى شكلو فى مؤامرة !! (Re: نعمات عماد)
|
سلام لجميع المتداخلين. نكورك في السوق مع الغرباء من غلاء الأسعار، وننصح جيراننا وأصدقائنا بتخزين البضاعة لحدي مالسوق يرتفع!!!!!!!! يعني: كل واحد بكورك في واحد، وكل واحد بكورك فيهو واحد! كأنها كما تدن تدان!!!!!!!!!!!!!!!!!!!!!! نسال الله سترة الحال للجميع
| |
|
|
|
|
|
|
Re: آآآآآآى شكلو فى مؤامرة !! (Re: قصي محمد عبدالله)
|
ابنى قصى
سلام واحترام
بيوت كتيرة فى السودان يتعايش فيها المتكاسل عن الصلاة مع المداوم
على المسجد يتناصحو بالحسنى ساترين حالهم برا بوالديهم .
باختلافتنا الكتيرة ممكن بهدوء نتفاعل ونتبادل النصائح الى يوم الدين .
كلامى لنفسى ولكل هن همه سودانى
احى نشاطك ما شاءالله
تقديرى
| |
|
|
|
|
|
|
Re: آآآآآآى شكلو فى مؤامرة !! (Re: نعمات عماد)
|
الأخت نعمات،
طيب خلينا في الجــد.. وأكيـد تابعتى بوستات كوستاوى الكان يشتكى من الجليد وملا المنبر بالصور.. ونحن ما قصرنا برضو.. يا دوب طلعنا من شتاء جهنم طويل الواحد مما تصبح يلبس كل حاجة عنده في الدولاب. ولو مرق يمشى زى السكران عشان ما يتزحلق ويقع.. خصوصا كبار السن الزينا ما يكسروا ترقوة واللا مخروقـة.. عشان كدا لما نسمع عدم شكركم دا بعد الله ادانا في السودان الشمس المشرقـة.. وبرضو محتجين..
أعجب لناس.. الطاقـة الشمسيـة تسيح العضام بعد تسوى الجلد باربكيو.. ورغم دا يشتروا البنزين من السوق الأسود عشان يشغلوا بيه جنريتر..
ياخ لوح واحد من الخلايا الشمسيـة يولع البيت اليوم كله ولعشرين سنة.. كهرباء مجانية ونظيفـة.. إتحركوا ياخ.. إتلحلحـوا
| |
|
|
|
|
|
|
Re: آآآآآآى شكلو فى مؤامرة !! (Re: Abureesh)
|
الحظ والمؤامرة ولا عجز الانسان الخشب مالئ البلد سوو دخان وشاف وطلح الامريكان سوو بيوت انهار تفيض وتتدفق وانبوب لابيض ود سعد ولا الشرق ما مدينا ليبيا سوتو نهر صناعي اخضر حرقنا الجنوب وعمرنا ماليزيا ثورتين (اكتوبر وابريل ) وهبه وحاكمنا فكر حسن البنا مصر سنه واحدة وفلعتهم لمن عرفو حاجة والله المتأمرين يانا نحنا
| |
|
|
|
|
|
|
Re: آآآآآآى شكلو فى مؤامرة !! (Re: نعمات عماد)
|
الاخت نعمات لك التحية واحي الاخت اخلاص علي هذه المداخلة الاوسكار
Quote: الحظ والمؤامرة ولا عجز الانسان الخشب مالئ البلد سوو دخان وشاف وطلح الامريكان سوو بيوت انهار تفيض وتتدفق وانبوب لابيض ود سعد ولا الشرق ما مدينا ليبيا سوتو نهر صناعي اخضر حرقنا الجنوب وعمرنا ماليزيا |
| |
|
|
|
|
|
|
Re: آآآآآآى شكلو فى مؤامرة !! (Re: صلاح جادات)
|
سلام مربع لكم ..... نعمات وضيوفها الكرام
ياخي دا بوست روعة لم أنتبه له إلا الآن
قلتي يا نعمات: الناس كلهم عندهم حكومة ومعارضة
ونحنا عندنا شعب هنا .. وحكومة ومعارضة بهناك
يعني التغريد عندنا خارج السرب
نحنا من ما لخبطنا موسيقانا وبقينا نسمع سلم سباعي من خلال الثقافة المتسللة عبر شاشات التلفاز والمواقع الإلكترونية
صارت الآذان لا تفهم السلم الخماسي !
| |
|
|
|
|
|
|
Re: آآآآآآى شكلو فى مؤامرة !! (Re: نعمات عماد)
|
نعمات وكل الشباب سلام رايك شنو فينا نحن الحبش الجو جميل والناس جميلة و روحها جميلة نصفنا مسيحين والنصف الاخر مسلمين الداير يمشي الكنسية يمشي والداير المسجد يمشي وحكومتنا فيدرالية حقيقية اي حكومة تعمل الشي الدايروه دون تدخل المركز وليالي اديس عالم تاني وسكة حديد من اديس لجيبوتي وبالمناسبة دي بداية السنة نفتتح ميترو اديس زي ميترو دبي ومافي حد احسن من حد ولو حابة تسمعي اغاني سودانية علي قفا من يشيل كل المقاهي فيها حبش يغنوا سوداني واي زول عندو مشكلة بنحلها ليهو كان ناس المنطقتين وناس دارفور لو فشلتوا في موضوع الوثبة ما عليك برضو بنعمل ليكم منبر هنا بالله دايرين شنو وبالمناسبة كل الفنادق العالمية موجودة هنا لزوم الاجتماعات والمؤتمرات والسياحة ولو حابة تجي زيارة سياحيةعندنا منتجعات كروفتو وشاشامني وبابولية واوس وكمان معظم مدننا مربوطة بمطارات وكمان بنعمل سد النهضة ونبيع ليكم كهرباء كل دة ومواردنا شحيخة بس ما عندنا فساد واي زول يلعب بنقطع ليهو راسو ومافي كبير علي القانون
| |
|
|
|
|
|
|
Re: آآآآآآى شكلو فى مؤامرة !! (Re: حسن ادم محمد العالم)
|
يا نعمات يا بتِّي الخسوسيات كتيرة.. مش عندنا الزول الأسود بقولوا عليهو أخضر؟ وملاح الأسود بسموه البراطيش يا ناس داخليات الثانويات في وبعد زمن الإستعمار؟ عندنا تمن دستة المنقة في خرتوم أحمد يساوي تمن كرتونة سعة 10 دست في حلتنا أم طرقاً عراض. عندنا تمن صحن الفول في الخرتوم يعادل تمن ربع الفول في حلفا الجديدة. عندنا تمن كيلو السمك في الخرتوم يساوي تمن القفة في كوستي. ما عندنا (تختيت) شوال البصل في الصيف ب50 جنيه وفي الشتاء ب500 جنيه. عندنا ترزية من زمن المهدية وبنستورد الجلاليب من الصين. لبسنا الطاقية من زمن الطاقية أم قرنين وبنستورد الطواقي من الشرق الأقصى. الحاجات المخسوسة كتيرة ... من تطلع من جبل أولياء وحتى ربك بتقابلك كم شجرة ظليلة؟ ماء البحر في متناول اليد ولا تشجير، وتقولوا الدنيا سخانة. الشجر يصنع ثاني أوكسيد الكربون الذي يمتص الحرارة من الجو ويلطِّفه. البحر على مرمى حجر من استاد الخرطوم والنجيلة في الإستاد صناعية!!! تحياتي
كبـّاشي الصـّـافي .
| |
|
|
|
|
|
|
Re: آآآآآآى شكلو فى مؤامرة !! (Re: cantona_1)
|
أها دي فردوس بت جامع قالت: ضحكت لمن بكيت!! مش دي خاسية خاسة بالشعب السوداني؟ قول لواحد عنقليزي: I laughed until I cried خليهو يفهمك قلت شنو؟ يعني فردوس بتتكلم ساكت .. بالله شفتوا ليكم زول بتكلم ساكت؟ ينوم ساكت. يمشي ساكت. يدخل ساكت . ياكل ساكت. يصلي ساكت. لكن بتكلم ساكت؟؟؟ دي مش مخسوسة للشعب السوداني؟ الناس كلها بتاكل بفمها إلا نحن السودانيين بناكل بخشومنا. تحياتي
كبـّاشي الصـّـافي .
| |
|
|
|
|
|
|
Re: آآآآآآى شكلو فى مؤامرة !! (Re: cantona_1)
|
والله يا كباش الصافي سربعت بالبوست دا جنس سربعة يظهر إنه وقع ليك في جرح
أها يا كباشي يجيك زول يقول ليك: أنا قاعد أمشي
تخيل إنه (قاعد) وماشي كمان بتتفهم إنه على كرسي مدولب
غايتو يا كباشي الإهداء ليك: (رب بوست لك لم تكتبه يدك)
| |
|
|
|
|
|
|
Re: آآآآآآى شكلو فى مؤامرة !! (Re: د.محمد حسن)
|
Quote: سلام با ابنى ابوريش قبل ما نتحركو على الصناعات التقيلة... موش نعالجو سييح العظام و عطرابة الجلد ؟
|
كالتى نيمات.. إنتـا من كردفان والله سنـو؟
هو تاقـة بتاع سمس دا ما سناءة تقيل.. الواه كفيف جدا.. قدر أنقريب بس..
بتلتمية دولار تشترى لوه وماهو بتاريـة وكمان ماهو تانى هاجة قدر رادى يتكلم دا.. اشان يانى يهول كهربا بتاء شمس لكهربا بتاء بيت.. بالنهار لوه يشتقل بالليل بتارية يشتقل... سفتى كيف؟ تانى كلاس مافى كهربا قتــأ، مافى أداد زاتو..
| |
|
|
|
|
|
|
Re: آآآآآآى شكلو فى مؤامرة !! (Re: نعمات عماد)
|
اينتى العزيزة اخلاص
سلام واحترام
اعود ثانية لمداخلتك الاوسكار ,هناك نقطتين :
1 _ الدخان الذى تتعصب له بعض الاخوات و ازواجهن
الموضوع يستاهل بوست واذا فى الارشيف بوست هاتوه !!
2 _ أخطاء حدثت فى تاريخنا ادت لتخلفنا اغلبها حدثت فى
فترة الحكم الحالى .اتمنى ان تشاركى والجميع فى اقتراح
الحلول ولا اقصد البرامج الحزبية المفصلة ولكن نقاط
مركزة و مختصرة .
تقديرى
| |
|
|
|
|
|
|
Re: آآآآآآى شكلو فى مؤامرة !! (Re: نعمات عماد)
|
من حقنا كسودانيين ان نحلم
تذكروا أوبريت الحلم العربى ترا ترلالالا
سمعنا بالحلم الامريكى الذى لم يوقفه تضخم دفتر
الجرورة الامريكى فى دكان الصينى الشاطر
الحلم السودانى ما هو ؟
السلام اولا و العيش بكرامة
| |
|
|
|
|
|
|
Re: آآآآآآى شكلو فى مؤامرة !! (Re: نعمات عماد)
|
من حقنا كسودانيين ان نحلم
تذكروا أوبريت الحلم العربى ترا ترلالالا
سمعنا بالحلم الامريكى الذى لم يوقفه تضخم دفتر
الجرورة الامريكى فى دكان الصينى الشاطر
الحلم السودانى ما هو ؟
السلام اولا و العيش بكرامة
| |
|
|
|
|
|
|
Re: آآآآآآى شكلو فى مؤامرة !! (Re: نعمات عماد)
|
مرات أظن ان انقلاب الانقاذ ما خططه الترابى الا عشان يخرب على الصادق
وها قد عاد ليحفر مرة اخرى للبشير و عبد الرحمن الصادق
اقول للترابى : احفر اسرع ! ووسع حوافيها عشان تقع فيها !!
و اقول للصادق : عاين وراك !
| |
|
|
|
|
|
|
| |