|
القوات الامريكية في جنوب السودان... سيف جاهز للتدخل في الشمال ....
|
حركت واشنطن بعض وحداتها المطعمة بعدد كبير من السودانيين إلى جيبوتي ويوغندا ومدينة جوبا استعدادا لتنفيذ خطة لأحتلال منابع النفط والتدخل في كل من منطقة جبال النوبا وأبيي تحت مظلة قرار يجري الترتيب له من مجلس الأمن لحماية المدنيين.... الملفت للنظر هو حرص قيادة المنطقة الوسطى وقيادتها الميدانية في جيبوتي على الحاق عدد كبير من السودانيين ... ننشر صورة بعضهم للتوثيق والتحري...
مبارك أنجلو من منطقة جبال النوبا... فرقة المشاة الرابعة (القوات الخاصة) يؤدي قسم الولاء للجيش الامريكي....
----------- خليك حريص... خليك سوداني
|
|
|
|
|
|
|
|
Re: القوات الامريكية في جنوب السودان... سيف جاهز للتدخل في الشمال .... (Re: Dr Salah Al Bander)
|
د.صلاح بندر
تحياتي
معقول هذا يا صديقي…..كل دماء الجنوبين…. التي سالت….ولا يهمك يا اخي الا التدخل شمالا؟!
يطير الشمال و تطير عيشته…..لو كل همنا…..حماية انفسنا و التحدث عن الجنوبين و كانهم…..مجرد ارقام
و ليسوا بشر ودم و بيننا و بينهم رحم!
بعدين يا صديقي
اي جندي امريكي عليه تنفيذ الاوامر….وطبيعي ان ينتقي من يعرف العربيه……او اللغات المحليه لاي بقعه متجهين لها.
لماذا انت مستغرب؟!
اكثر من 20 الف جنوبي قتلوا يا د.صلاح…..ولم يجدوا منك مجرد تعزيه او دعوه لحقن الدماء فهل هذا كل ما نملك لهم؟!
اتمني دخول اي قوات ستوقف هذا الموت المجاني لشعب الجنوب
والذي هو كل صنعية المؤتمر الوطني.
انت لم تسمتع معنا لتعبان دينق لتعرف مدي تورط المؤتمر الوطني الواضح بدعمه.
فقد قال كلام خطيرا……يمجد البشير فكان كلاما واضحا لمن له عقل انه تلقي دعما خرافيا!! من السفاح.
وقد حللنا وعوده و تعهداته التي بزلها بكل كرم عن مشاريعهم لو وصولا للسلطه.فعرفنا لاي مدي هم مسبحين بحمد الانقاذ و فضلها!
يا د.صلاح بندر
الجنوب يستسحق منا افضل من هذا
خليك من الامريكان لو سالونا كلنا كشمالين معارضين ماذا يمكننا تقديمه لهم بهذه المذابح؟!
ولا سياسي و احد شمالي ما قال امشي اساعد بالحل او كيف يجب تن نوقف نزيف الدم؟!
ايعقل ان نستنكر تدخل الامريكان لحمايتهم؟!
| |
|
|
|
|
|
|
Re: القوات الامريكية في جنوب السودان... سيف جاهز للتدخل في الشمال .... (Re: Tragie Mustafa)
|
ده معناه يا نيفاشا والقرار 2046 والتفكيك الذاتي الحقيقي يا.... الفصل السابع والكلام ده بنقولو لهيم من توقيع نيفاشا والدستور 2005-الارشيف موجود ولكن لا حياء لمن تنادي السودان القديم تاني ما برجع ابدا واخر وجوه القبيحة هي المؤتمر الوطني ولن تجدي اعادة التدوير لنخب المركز او اختلاق كيانات جديدة هلامية في الهامش القصة سودان جديد× سودان قديم عبر الفصل السابع وتحرير السودان على طريقة افغانستان وقوات تحالف الشمال وفعلاالامر ده ماشي باستمرار وعندك رماة الحدق في الفرقة التاسعة والعاشرة والثامنة كمان "ابيي."..يعني مقاتلين سودانيين بدعم دولي واقليمي ولوجستي ويبدو انه فعلا ستذهب الانقاذ بابشع ما يكون الذهاب ...كما تنبا لهم الراحل محمود محمد طه وننتظر نهاية محادثات اديس ابابا واستهتار المؤتمر الوطني بها وما راي الوساطة الافريقية وتقريرها الى مجلس الامن
| |
|
|
|
|
|
|
Re: القوات الامريكية في جنوب السودان... سيف جاهز للتدخل في الشمال .... (Re: باسط المكي)
|
الأخ صلاح .. سلام لا أعتقد أن الجيش الامريكي يمكن ينشئ كتيبة يكون قوامها من منطقة معينة من العالم !!!! الجندي الامريكي جندي محترف يمكن أن يطلب منه أن يذهب الي أي مكان ... يمكن للجيش الاستعانه بمترجمين لهم معرفة باللغات المحليه يعني القصه دي لم تحدث في أفغانستان أو العراق....هل هي إستراتيجيه جديده مثلا ؟ بعدين السودان أو جنوبه ليس من إهتمامات صناع القرار في العالم.....دي دول بيجربو فيها الحاجات الغريبه... فئران تجارب..... مثلا كيزان يحكمو و يشوفو النتيجه شنو... مدي إمكانيه البني أدم علي الصبر و التحمل..... زول عاضهو نعجه يحكم و يقتل زي ما عاوز و يشوفو النتيجه شنو. الموضوع كله .. ما في زول شغال بيكم.....إنتو للعبره .. و ضرب مثل بس الامريكان ما فاضيين ليكم... عندهم قضايا أكبر...أوكرانيا ...سوريا..... فبالله ما تفكوها في روحكم ساكت. الشهر الفات قدونا قد... السفير الامريكي أسلم و ما أدراك !!!! هسع ..في واحد نوباوي دخل الجيش الامريكي... فياخي نحنا بالنسبه ليهم (شعب أو حكومه) ناس زرق و شينين و نكرات ياخي أنا في واحد قلت ليهو أنا من السودان... بدأ يتكلم لي عن أندونيسيا....!!!!
يا تراجي... الجنوب ده لو نصو كمل بعض... لو في زول إشتغل بيهم تعالي قولي لي إنتا غلطان
| |
|
|
|
|
|
|
Re: القوات الامريكية في جنوب السودان... سيف جاهز للتدخل في الشمال .... (Re: Mohamad Shamseldin)
|
Quote: حركت واشنطن بعض وحداتها المطعمة بعدد كبير من السودانيين إلى جيبوتي ويوغندا ومدينة جوبا استعدادا لتنفيذ خطة لأحتلال منابع النفط والتدخل في كل من منطقة جبال النوبا وأبيي تحت مظلة قرار يجري الترتيب له من مجلس الأمن لحماية المدنيين.... الملفت للنظر هو حرص قيادة المنطقة الوسطى وقيادتها الميدانية في جيبوتي على الحاق عدد كبير من السودانيين ... ننشر صورة بعضهم للتوثيق والتحري... |
الاخ الدكتور صلاح البندر.
سلام وتحية.
أريد أن أقول لك بأن هذا المعلومات التي كتبته أنت في هذا البوست عارية من الصحة تماما و الصورة التي نقلتها هنا هي صورة لأحدا المراسم التي بتتم حوالي مرتين في العام في أحتفالات الحصول على الجنسية الأمريكية بالجيش الأمريكي.
| |
|
|
|
|
|
|
Re: القوات الامريكية في جنوب السودان... سيف جاهز للتدخل في الشمال .... (Re: Dr Salah Al Bander)
|
يا تراجي مرحلة الصدمة إنتهت.... و أي زول بقي يعمل حسابو ... لانو الموضوع ممكن يجيب هواء... ......... يا جماعة الموضوع من شده ما مخستك . الفايل ماسكو رئيس يوغنده... يعني ده لو عارف إنو البيعمل فيهو بيزعل الغرب ..بيعملو؟ خليهو يمشي يعالج الكوكا العندو بعدين يحل مشاكل الجنوب. الموضوع و ما فيهو ممكن يكون تجربه عشان يشوفو الناس دي بكملها الباعوض و لا الجوع و لا الرصاص... أو في إطار دراسات لمعرفه سلوكيات المحارب و هو جعان أو ضارباهو ملاريا
يا دكتور أوع تكون دي الصور المن داخل مقر الكتيبة السري التي تم تصويرها بالاقمار الصناعية و تم تسريبها للميديا بعدين ده جيش أمريكي و لا جنجويد ؟ يجيبوهم حسب القبائل .نوبا و بعد شويه نوير و دينكا...!!! بعدين أمريكا لا تتدخل عسكريا الا بقوانيين محدده ملزمه الرئيس و الكونغرس... يعني أفغانستان مشو بسبب ... و العراق كضب عليهم بوش...جنوب السودان يمشو بياتو مبرر.... أمانة في ذمتكم .....هسع لو في واحد من القوات الخاصة الامريكيه .. الفرقه الرابعه ....مشي الجنوب ...لم فيهو واحد طقا كتلو بالغلط ..... يعني أوباما يقول لاهلو ولدكم الكتلو منو؟ و في شان شنو..... علما باننا شعوب بتتصرف ساكت.... هسع حادثه طعن القنصل الروسي في الخرطوم قبل شهر دي مش حقو تتم دراستها في كليات علم النفس.....زول طعن ليهو واحد روسي لان فرنسا تدخلت في أفريقيا الوسطي !!!!! يعني قرر ينتقم من فرنسا في روسيا !!!!!... أول واحد أبيض لاقاهو في الشارع طعنو يا جماعة.. نحنا شعوب منسيه... و فاكاها في روحها......خليكم في موضوع الراعي أحسن....
| |
|
|
|
|
|
|
Re: القوات الامريكية في جنوب السودان... سيف جاهز للتدخل في الشمال .... (Re: Mohamed Suleiman)
|
Quote: Nazir Hejazi · University of North Carolina at Charlotte
Spc. Mubarak Angalo, 36, a linguist from Sudan, proudly raises his right hand as he recites the oath of citizenship during a naturalization ceremony at Camp Victory's Al Faw palace, April 12. Angalo, who serves with the 4th Infantry Division's Special Troops Battalion, was one of four Soldiers with STB, 4th Inf. Div., to earn their citizenship during the ceremony. (U.S. Army photo/Sgt. Jason Thompson)
|
Read more: http://www.dvidshub.net/image/85103/4th-inf-div-soldiers-ear...RUo7IU#ixzz2uj2kP200
الأخ النذير حجازي
شكرا لك على نقل موضوع أصل الصورة وعلى نشرك للنك.
ما نقله الأخ النذير حجازي يؤكد ما كتبته انا، وهو أن الصورة المنشورة هي لجندي أمريكي من أصل سوداني يرفع يديه وهو يحلف بالقسم، ضمن إجرائات منح الجنسية الأمريكية. وهذا القسم ليس لأفراد الجيوش الأمريكية فقط ولكنه لأي شخص يريد الحصول على الجنسية الأمريكية.
مرة أخرى شكرا اخي النذير حجازي.
| |
|
|
|
|
|
|
Re: القوات الامريكية في جنوب السودان... سيف جاهز للتدخل في الشمال .... (Re: Deng)
|
الوجود الأمريكي -لو في- في الجنوب ما بِخَوِف.. لأن أمريكا موجودة في السودان وفي دول الجوار وطوال عمر الإنقاذ ( 25 سنة) وجود أمريكا (جيش) في الجنوب بسبِب للجنوبِيين عدم إسْتقرار، لأن بترول الجنوب، صيني، والصين ما بتقبل حماية أمريكا للبترول ولا أمريكا بتكون حريصة على تأمينو.. وأمريكا ما حريصة برضو على إحلال السلام في دارفور ولا في الجنوب لأن السلام حيخلي البترول الصيني ينساب وده ما بنْساب! أخير ليها تعطِلو لغاية ما يتغَير المشهد وتمرُق اللصين مِن اللعبه، الحيحصل -لو صدق خبر د. البندر- إنو بوجود أمريكا (الجيش) حيكون الجنوب في وضع الوصاية على أفضل الأحوال، وبرضو وجود أمريكا ممكِن جِدًا يِسرِع لنيفاشا2 (إنفِصال دارفور) والنيل الأزرق، يلا زي بعضو خلينا نخلص بلا لمه.. الجنوب ده حيبقى تُقابا الصين × أمريكا - الدينكا × الشُلُك - الجنوب × الشمال.. البركه
| |
|
|
|
|
|
|
Re: القوات الامريكية في جنوب السودان... سيف جاهز للتدخل في الشمال .... (Re: Dr Salah Al Bander)
|
وبعدين يا شطار تعيين اختصاصي لغات نوباوية في الجيش الأمريكية (القوات الخاصة)... عشان يعلم الجنود والضباط الامريكان أحاجي جبال النوبا... يعني ولا شنو؟ التجنيد والتركيز على عرقيات معينة هو المهم هنا.... شفتو تجنيد لاختصاصي في لغة الدناقلة مثلاً ... فهمونا ....؟ هذا مستوى من الجهل والاستهانة بمصير الوطن لا يستحق الرد عليه.... .... ..... هزيمة الإنقاذ المريرة خلت ناس من أمثال زكريا وأشباهو لا يفرقون بين النظام ... نظام الإنقاذ... والسودان ... الوطن ..... بعدين لماذا ينشط الجيش الأمريكي لتجنيد سودانيين ... وأشتراط منح الجنسية الآمريكية بالعمل في صفوفه .... ..... ..... الموضوع ما عاوز "درس عصر".... .....
__________ خليك حريص... خليك سوداني
| |
|
|
|
|
|
|
Re: القوات الامريكية في جنوب السودان... سيف جاهز للتدخل في الشمال .... (Re: Deng)
|
Salih Hamid
هذه طريقه بسيطه للتاكد من مصدر الصور المنشوره على الانترنت فى متصفح كروم مثلا انقر على الصوره بمفتاح الفاره اليمين واختار search google for this image سوف ترى كل المواقع التى نشرت بها الصوره ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الأخ حامد صالح من الفيس بوك.
شكرا لك على المعلومة.
| |
|
|
|
|
|
|
Re: القوات الامريكية في جنوب السودان... سيف جاهز للتدخل في الشمال .... (Re: Deng)
|
عزيزي الدكتور صلاح البندر... تحياتي الخالصة
هذة الصورة فعلاً لجندي مترجم بالجيش الأمريكي في أثناء حلفانه القسم لنيل الجنسية الأمريكية والصورة من بغداد وقديمة كما ذكر الأخوان. وفي الحقيقة الجيش الأمريكي كمخدم لا يشترط الجنسية إلا في الوظائف التابعة لجهازه الأمني، وهذا المترجم، وهو ممن عملوا في العراق، إنضم للجيش كمترجم في اللغة العربية وليس النوباوية... والجيش الأمريكي لم يجند في برنامج لغاته الشرق أوسطية غير مترجمين للغات: العربية، الفارسية والدارية. وهناك أقسام للغات عالمية أخرى النوبية ليست منها.
أما عمله، فهو أحد أفراد المشاة، من كتيبة الدعم والرسناد الخاصة... وليست القوات الخاصة كما ذكرت حسب ترجمتك للخبر فالفرق بين الـ STB والـ SF شاسع. وهي كتيبة في نيوجيرسي وقريبة من نيويورك عمل بها عدد من الأصدقاء.
وطبعاً هذا الجندي، والذي خدم بلاده، كان قد إلتحق بالجيش قبل آن يتمتع بإجراء منح الجنسية داخل معسكرات التدريب وعقب تخرج الفرد من مدرسة الترجمة العسكرية... ومنحهم الجنسية في العراق كان عرفاناً من الشعب الأمريكي ورئيسه وبموجب قانون قديم يمنح من يلتحق بالقوات المسلحة الأمريكية الجنسية أثناء خدمته.
أما عن كلامك بتشكيل لواء أو كتيبة بتوجه عرقي، فهذا الأمر ممنوع بقانون قديم صدر بعد أن تم تسريح تلك الكتيبة التى كان جنودها من الأفروأمريكان قبل سنوات طويلة. .
أخيراً، وبخصوص ما قلته عن إستعدادات للتدخل في شمال أو جنوب السودان... فهذا يعتبر قرار سياسي لم تتم مناقشته حتى اليوم.. ولربما كان هناك بعض المستشارين العاملين بدولة جنوب السودان،،، وبعض المراقبين في الحدود في السابق، ولكن وبعد النزاع الجنوبي الجنوبي تم إيقاف كل المساعدات العسكرية المقدمة لدولة الجنوب وتم سحب جميع المستشارين العسكريين منها... وتم تداول هذا الخبر في الإعلام!
مع كامل الود والتقدير....
| |
|
|
|
|
|
|
Re: القوات الامريكية في جنوب السودان... سيف جاهز للتدخل في الشمال .... (Re: Deng)
|
معقول يادكتور عبقري مثلك ينضم لجوقة مروجي نظرية العداء بين الإنقاذ والدولة العظمى التي انخدع بها البسطاء في السودان والمتطرفين الدينيين الإرهابيين! ياخي الانترنت اتملت من سنين طويلة بتفاصيل التعاون السري بين الطرفين، وبقى واضح جدا أن الطرفين يظهران العداء الشديد لبعضهما البعض علنا فيما بينهما أشد التعاون والوئام سرا، هسع شنو الجد عشان فجأة تصبح الإنقاذ مهددة من جانب صديقتها؟
| |
|
|
|
|
|
|
Re: القوات الامريكية في جنوب السودان... سيف جاهز للتدخل في الشمال .... (Re: زياد جعفر عبدالله)
|
Quote: وعندك رماة الحدق في الفرقة التاسعة والعاشرة والثامنة كمان "ابيي."..يعني مقاتلين سودانيين بدعم دولي واقليمي ولوجستي ويبدو انه فعلا ستذهب الانقاذ بابشع ما يكون الذهاب ...كما تنبا لهم الراحل محمود محمد طه وننتظر نهاية محادثات اديس ابابا واستهتار المؤتمر الوطني بها وما راي الوساطة الافريقية وتقريرها الى مجلس الامن
|
السودان ما في كوكب زحل هو جزء من المجتمع الدولي والتغيير قادم عبر مجلس الامن والفصل السابع لكن بالواقعية بعيد عن شطحات صلاح البندر هو اذا انهارت المحادثات الاخيرة في اديس ابابا ولم يقكك المؤتمر الوطني الدول الشمولية اما ينهار ذاتيا على فراغ عدمي بسبب التردي لاقتصادي-انتفاضة جماهيرية عفوية-فوضى خلاقة - او يتم التغيير بواسطة رماة الحدق-الفرقة 9و10 بعد الدعم اللوجستي الاقليمى والدولي كما حدث في افغانستان تحت الفصل السابع
| |
|
|
|
|
|
|
|