|
Re: حكاية حقيقية مؤثرة جدا اهداء للمعلمين والمعلمات (Re: عبدالعزيز عثمان)
|
ما سعلت منك شينة يا عبدالعزيز اخوي والله الوالدة بقت في امان الله بفضل الله ثم دعواتكم . . . قصة جدك كرداش قصيتنا لناس حلتنا كلها لانو عندنا واحد اسمو كرداش
النت هنا صعب خلاص في السودان خاستا في صقيعة سلامة كلو واحد شايل تلفوني وفاتح النت وراكب دحيشتو واغني ما الك الا هيفاء ههههههههههههه
| |
|
|
|
|
|
|
Re: حكاية حقيقية مؤثرة جدا اهداء للمعلمين والمعلمات (Re: عبدالله ود البوش)
|
عبدالله ود البوش...
المعلم فى السودآن بيعكس أزمته الخآصة على التلاميذ.. شوف المعلم السودانى والحآصل ليه.. عشآن كدا تتعآلج مشآكل المعلمين أولا.. وبعد دآك برآهو الحآل بينصلح..
وأهدى ليك القصة دى... وهى وآقعية.. كنت فى مصر لّما أخوى طلب يجيبو ليه أولاده فى القآهره.. عشآن يآخدهم معآه بعد ما أتسقرت أوضآعه فى البلد الهآجر ليها..
ولّما جا قآبل أولاده... وفى يوم أخدهم السوق عشآن يشترى ليهم شوية حآجآت.. قآم ولده الصغّير(9 سنوآت)... طلب من أبوه يشترى عبّآية لمّدرسته ويرسلها ليها فى السودان.. الآبو اشترى العبآية.. ولمّا سأله ليه عبآية بالتحديد... الولد قال ليه عبآيتها بقت قديمة وبآهته و(مخّيته) من كل حته..
أها دى مجرد عينة من المدرس السودانى..
| |
|
|
|
|
|
|
Re: حكاية حقيقية مؤثرة جدا اهداء للمعلمين والمعلمات (Re: mohmed khalail)
|
استاذ محمد خليل بعد السلام طبعا واحترام الراي . . عارفا املتي واطا عارفا بل كمان طين عديل والمشجعني شايف العوام امثالي كتار بكتبوا هنا ويوصلو ما عندهم قدر قدرتم لكن المحيرني اتا الجابرك على وجع القلب شنو ؟ بكل بساطة ما تقرأ للناس الاملتن واطا اقرأ للناس الاملتن عشرة من عشرة واترك العولق لي عولقن واللعوج راي والعديل راي
| |
|
|
|
|
|
|
Re: حكاية حقيقية مؤثرة جدا اهداء للمعلمين والمعلمات (Re: مجاهد محمد الهادي)
|
مجاهد يا صديقي العزيز اشكرك لمرورك هنا وسؤالك عن الوالدة . . خم ساهي يا ود اخوي خم وانا اصلا خميتا من تقاة الفيس بوك والبحضر التقا بتعشا . . القصة دي لها وقع خاص في نفسي وعايشت تفاصيلها واقعا معاشا مع ابني حسن فقد توفيت امه بالسرطان وهو طفل صغير لم يتجاوز الحادية عشر من العمر كان المعلم السعودي حيث كان يدرس في السعودية يسأل التلاميذ ماذا تريد ان تكون في المستقبل فاجاب حسن اريد ان ان اكون طبيبا لاقتل السرطان الذي قتل امي بكى المعلم وخرج من الفصل واتصل علي لاحضر حالا حضرت للمدرسة ووجدته يبكي فقال لي اهتم بهذا الحسن حتى يصير طبيبا وانا معاك من المهتمين ولا زال يتابع معي والان حسن ابني في هذه السنة يستعد لامتحانات الشهادة السودانية وكل من يعرفه يتوقع له مستقبلا باهرا بل ادارة المدرسة تهتم به وتتوقع ان يكون من اوائل الشهادة السودانية وهو يخطو خطوات واضحة نحو الهدف المحدد تحديدا دقيقا وواضحا . . الدموع تحجب عني الشاشة تماما
| |
|
|
|
|
|
|
Re: حكاية حقيقية مؤثرة جدا اهداء للمعلمين والمعلمات (Re: عبدالله ود البوش)
|
حبيبنا ود البوش
والله حجبت دموعي الشاشة كما فعلت معك ..
رحم الله أم حسن وحتماً هي سبقتكم لتهيء لكم مكاناً وثيراً هناك ..
كما هيأته قبلاً في الدنيا ...
حكاية الانتقال لدار أخرى هذه تتطلب يقيناً ..
فأحبابنا الذين رحلوا ... استضافهم الكريم في دار أجمل وأفضل ...
وحمداً لله على سلامة الوالدة ...
مداخلتك الأخيرة طفشت من رأسي ما كنت أود الحديث عنه في موضوع البوست ..
دمت جميلاً
| |
|
|
|
|
|
|
Re: حكاية حقيقية مؤثرة جدا اهداء للمعلمين والمعلمات (Re: عبدالله ود البوش)
|
كنت أريد أن أكتب كلامأ بطعم فكاهتك فى البداية إلا أنك نحيت إلى حزن تعمقنى بوفاة زوجتكم رحمها ألله ونسأل الله أن يطرح الذرية فى أولادك وأن يكون حسن كما خطط له والله كفيل بذلك.
عادة لا أنظر لكتاباتك من ناحية لغوية ولا إملائية لأنى موقن بأن أى بوست لك يحمل رسالة ورسالة قيمة..سلمت وربنا يديم الصحة على الوالدة...تحياتى لمن معك من ألأولاد.
| |
|
|
|
|
|
|
Re: حكاية حقيقية مؤثرة جدا اهداء للمعلمين والمعلمات (Re: عبدالله ود البوش)
|
قصة مؤثرة جدا يا عبد الله وتحمل في طياتها قصة نجاح خرجت من الركام.
أخي عبد الله وضع المعلم عندنا في السودان مؤلم جدا وظروفه لا تسمح له حتى أن يفكر في غيره, لي طفلة في مرحلة الأساس بالسودان, قبل فترة زرت السودان وكنت أزورها كثيرا في المدرسة, في مرة من المرات وأثناء كنا ماشين إلي البيت, قالت لي يا بابا أستاذة فلانة قالت ليك ظروفها صعبة وعاملين ليها كشف, ممكن تتبرع ليها؟ ... حقيقة كلام هز وجداني هزة قوية .... كيف لمعلمة تطلب فلوس عن طريقة طالبتها الطفلة؟ المعلم في السودان كان له هيبة وعزة نفس وكرامة وإحترام ما بعده إحترام, لكن الآن حدث ولا حرج.
| |
|
|
|
|
|
|
Re: حكاية حقيقية مؤثرة جدا اهداء للمعلمين والمعلمات (Re: مني عمسيب)
|
Quote: القصة دي لها وقع خاص في نفسي وعايشت تفاصيلها واقعا معاشا مع ابني حسن فقد توفيت امه بالسرطان وهو طفل صغير لم يتجاوز الحادية عشر من العمر كان المعلم السعودي حيث كان يدرس في السعودية يسأل التلاميذ ماذا تريد ان تكون في المستقبل فاجاب حسن اريد ان ان اكون طبيبا لاقتل السرطان الذي قتل امي بكى المعلم وخرج من الفصل واتصل علي لاحضر حالا حضرت للمدرسة ووجدته يبكي فقال لي اهتم بهذا الحسن حتى يصير طبيبا وانا معاك من المهتمين ولا زال يتابع معي والان حسن ابني في هذه السنة يستعد لامتحانات الشهادة السودانية وكل من يعرفه يتوقع له مستقبلا باهرا بل ادارة المدرسة تهتم به وتتوقع ان يكون من اوائل الشهادة السودانية وهو يخطو خطوات واضحة نحو الهدف المحدد تحديدا دقيقا وواضحا |
والله العظيم جرت دموعى من كلا القصتين وزادت جرياناً من القصة الثانية ،
حتماً سيكون إبنك طبيباً وسترى ذلك بنفسك يا عبدالله
كن أنت وهو بألف خير
| |
|
|
|
|
|
|
Re: حكاية حقيقية مؤثرة جدا اهداء للمعلمين والمعلمات (Re: يازولyazoalيازول)
|
Quote: القصة دي لها وقع خاص في نفسي وعايشت تفاصيلها واقعا معاشا مع ابني حسن فقد توفيت امه بالسرطان وهو طفل صغير لم يتجاوز الحادية عشر من العمر كان المعلم السعودي حيث كان يدرس في السعودية يسأل التلاميذ ماذا تريد ان تكون في المستقبل فاجاب حسن اريد ان ان اكون طبيبا لاقتل السرطان الذي قتل امي بكى المعلم وخرج من الفصل واتصل علي لاحضر حالا حضرت للمدرسة ووجدته يبكي فقال لي اهتم بهذا الحسن حتى يصير طبيبا وانا معاك من المهتمين ولا زال يتابع معي والان حسن ابني في هذه السنة يستعد لامتحانات الشهادة السودانية وكل من يعرفه يتوقع له مستقبلا باهرا بل ادارة المدرسة تهتم به وتتوقع ان يكون من اوائل الشهادة السودانية وهو يخطو خطوات واضحة نحو الهدف المحدد تحديدا دقيقا وواضحا . . الدموع تحجب عني الشاشة تماما |
حبيبنا ود البوش فاتت علي المداخله المؤثرة منك عليك الله مداخلتي بتاعت الهظار اعمل منها نايم ربنا اوفقو ويحقق امانيك يا حبيبنا والمغفرة والرحمة لوالدته... بترجع متين عايز اوصيك تجيب لي معاك تمباك تحياتي وتقديري
| |
|
|
|
|
|
|
Re: حكاية حقيقية مؤثرة جدا اهداء للمعلمين والمعلمات (Re: عباس الدسيس)
|
Quote: Sayed Abd Albagi · الأكثر تعليقا · Awad alhasan عباس الدسيس أضحك الله سنك ولو ماضغطت لايك على التعليق بتاعي ده شوف البيحصل ليك شنو خلال (10) دقائق |
حبيبنا سيد سلام وتحية يا خوي لحقته قوام قوام قبل ما تمر العشرة دقائق خاصة السعودية بتخلي الزول مهجس. اقول ليك حكاية قبل فترة حصلت ليك
مشينا عمرة مكة بعد العمرة عايز اقص لي شعيرات من راسي عشان اكمل عمرتي لقيت لي واحد سعودي واقف شايل ليهو مقص قلت ليهو لو تسمح بالله المسألة ما اخذت ليها ثواني ((كجك قصيت )) ورجعتو ليهو. الراجل قال لي جيب عشرين ريال !! قلت ليهو يا زول انت عاقل مقصك كلو بي ريالين تقول عايز عشرين ريال فرتق بلا لمة معاك كان تفرفر هنا ما بديك ريال. قال لي طيب امشي شوف يحصل ليك شنو !!! قلت ليهو لو تتفرطق لساتك العربية ما بديك ريال ومشيت منو. عليك امان الله العربية جديدة من مشيت من الطائف ضربن لستكين الواحد بي 800 ريال. غايتو البلد دي وهمتنا وهمة......
| |
|
|
|
|
|
|
Re: حكاية حقيقية مؤثرة جدا اهداء للمعلمين والمعلمات (Re: عباس الدسيس)
|
Quote: بل ادارة المدرسة تهتم به وتتوقع ان يكون من اوائل الشهادة السودانية وهو يخطو خطوات واضحة نحو الهدف المحدد تحديدا دقيقا وواضحا |
حيا الله ودالبوش، وأسأل الله عز وجلّ أن يوفق حسن إلى تحقيق طموحه الإنساني الكبير! والله خيرٌ حافظاً ومعيناً! والله القصتين كلو واحدة أروع من الثانية، أقصد قصة الخواجة وقصة الأستاذة نور تاور! وفي غاية التأثير، والمدرسين قليل منهم العندو اهتمام بالجانب الإنساني ده! أما المدرس السعودي فربنا يجزيه كل خير على مشاعره العالية! وبإذن الله قصة حسن حتكون هي الأروع!
| |
|
|
|
|
|
|
Re: حكاية حقيقية مؤثرة جدا اهداء للمعلمين والمعلمات (Re: mohmed khalail)
|
أستميحكم عذرا ضيوفي الاعزاء لأرد على الاخ العزيز محمد خليل بكل صراحة ظننت ان المداخلة جادة ورديت عليها بكل جدية الوش اللخدر شفتو ولكنه زاد الطين بلة قايلك بتضحك على سجم رمادي هههههههههه وقسما ما محمد لم اكن ـ ابوالزفت بالله شفت حذف حرف العلة دا كيف ــ غاضبا ولا زعلان عليك بس رديت زي ما قلت ليك ردا جادا بافتراض ان المداخلة جادة ومعروف معظم اللغوين يرغون ويزبدون حين يرون الاخطاء اللغوية بينهم ولذلك طلبت منك ان تريح نفسك ولاتتعب قلبك بالوجع اللغوي الحائم وفي نفس الوقت اجد لنفسي العذر لانني اكتب بالدارجة القحة . . وعلى كل حال سؤ فهم وحصل وقبل ان اعتذارك اللطيف ارجو منك يا عزيزي ان تقبل اعتذاري لسؤ الفهم واللبس الذي حصل وكما اعتذرت انت وبالتأكيد عذرك مقبول ارجو المعذرة والمسامحة ويدوم الود بيننا اخي الفاضل الكريم محمد خليل تحياتي
| |
|
|
|
|
|
|
Re: حكاية حقيقية مؤثرة جدا اهداء للمعلمين والمعلمات (Re: عبدالله ود البوش)
|
قصة مؤثرة يا عبدالله .ابداً لا يجب الحكم على الأطفال بمظهرهم ولا بممستواهم في السنوات الاولى إن تعثروا.لنا في اديسون وانيشتين عبرة. في السودان هناك معلمون أفذاذ لديهم حكايات وحكاياتمع تلاميذ نبغوا فيما بعد أو استعدلوا للدراسة بجدية او طوروا قدراتهم. وهناك حالات فقر لدى التلاميذ في السودان ومآسي تقصر دونها ما حكيت. شقيقي الأكبر معلم . ذكر لي من حكاياته العديدة أنه في بداية عمله بالتعليم نقل لمنطقة رفاعة .ووجد بالمدرسة تلميذ لا يذهب لحصة الفطور كبقية التلاميذ فاقترب منه ليحل مشكلته فقال له التلميذ ضمن ما قال : - والله لو عندي مال وداب سن؟ فقال له أخي عبدالله : أها تسوي بيهوشنو ؟ فاجاب التلميذ اشتري كل يوم بي قرش تمر ! قال عبدالله ظللت في كل يوم اشتري لذلك التلميذ تمراً بقرش إلى وقت طويل إلا ما انسى. نحن أهلنا من شمال السودان وأذكر أني قلت لعبدالله كان تجيب ليه من سبيقة جدنا شوال تمر وتوصلو لي عند بيتهم. انظر مثال التلميذ من المنطقة (مال ود أب سن).
| |
|
|
|
|
|
|
|