|
Re: يا ملاسي علييك الله أشرح لي حمزة سليمان قال شنو؟؟ (Re: مرتضى احمد عبد القادر)
|
Quote:
دائما تتحداني النهايات
في البداية تندس النهاية كما في كتلة الشمع يختبئ التمثال مثلما قال أحد المبدعين يوما... ومثلما أشعر كلما استقبلني صباحي أو استقبلته.... هل هذا هو التشاؤم.... ربما..... هل هذه هي الحقيقة؟!..... ربما أيضا..... لكن ما يترسخ في خاطري كل مساء هو أن النهاية أقوى من البداية لأن النهاية قادمة... أما البداية فراحلة راحلة كأيام المراهقة الأولى... وهجرة اللون الأخضر في نهارات الشتاء الباردة.... وسفر الطيور مع أوجاع الأفق إلى حيث أشجار جديدة.... وجبال أخرى وأعشاش تموت فيها الفراخ ويسكنها الهواء وبقايا الريش.... النهاية ترفع في وجهي عناوينها....تتحداني دائما.... إنها موجودة تعلن عن نفسها بطرق شتى....أحسها أحيانا في تنفسي تتشبث في كل شهيق وزفير.... وتعبث في ملامحي وترسمها كما تشاء هي... فتجعل التجاعيد مكان النضارة ... إنها تتسلى بانتظاري... وأنا أتمزق بانتظارها.... تعرف النهايات كيف تحزنني.... خاصة عندما تظهر شراستها على بقايا أكواب شاي الساهرين الذين رحلوا..... البقايا في كؤوس قهوتهم .... وعلى مقاعدهم تفترس الزمن وتحيل الحاضر إلى ذكرى.... والورود بألوانها إلى ذبول ينتظر الدفن..... النهايات تسكن في آخر كل حكاية.... أراها منذ البداية.... منذ العبارة الحزينة (كان ياما كان) أرى النهاية.... عندما تنتهي أدوار الأبطال.....ويتزوجون أو يتفرقون..... دائما تنتصر النهاية.... وتبقى البداية تنهيدة في صدري وصدر الوقت.... تتربص بنا النهايات منذ ولادتنا...... تتنوع أشكال النهايات لكنها بطعم واحد..... ووجع واحد.... ألم واحد.... نهاياتنا لا تختلف عن نهايات الفصول.... والتواريخ.... والحكايات...... جميل هو الإنسان الذي يهزم في داخله سطوة النهايات... ويسكت صراخها..... انه فيلسوف يعرف كيف يبادر بالكشف والبحث. والمعرفة.... النهايات حقائق..... لكن متى أحب الإنسان الحقائق أو اعترف بها....
|
أساسي والكتابة الطاعمة
علي ان اعترف ان الكتابة أعلاه جميلة جداً وتشي (حلوة تشي) بمقدرة أساسي الكتابية، ولكن أساسي من نوع الكتاب الذين لا يعرفون أنهم كتاب، وما ان وجد شهرته في سودانيزاونلاين من خلال (الهتيفة) الذين نصبوه أميرا للظلام حتي انحرف (أي نعم انحرف ) عن قدره ككاتب، واستكان لدوره المرسوم من قبل الآخرين واصبح يعيش في برزخه السودانيزاونلايني. ولان نزوعه الدائم نحو الكتابة ما زال يؤرقه تجده دائماً ما يدلي بدلوه في كتابات الآخرين والتي تفضح هويته كفاقد كتابي.
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: مرتضى احمد عبد القادر)
|
لن أكون منتفشا ديكيا ولا مستعرضا طاوءوسيا اذا أعلنت أنني أكاد اجزم ان مورتا لم يأتي هو وحيدر الزين من اجل حوار
مورتا محاولاتك لإثارة حفيظة (يا حفيظ يارب) أساسي تجاه ما اكتبه من نقد لتجربته (البائسة) في سودانيزاونلاين ومحاولتي إعادته لجادة الطريق، أقول ان محاولاتك تلك لن توغر صدر أساسي ضدنا، فدع لي فاقدي الكتابي وأمسك في ود الفاروق فهو فاقد غناءي كبير لو تعلم (تخيل عمر الفاروق مطربا برينسيا أو فكاك حيرة وحميدة احد بعاماته)، غايتو أنا عندي فكرة بوست سنينة بعنوان (أخير لينا الخازوق من غنا عمر الفاروق)، والبوست سيتابع مسيرة عمر الفاروق منذ تلحينه لنشيد (دجاجي يلقط الحب) ومحاولاته ان يغنيه ولكن الأستاذ اختار طالبا آخر ليغنيه، مرورا بشاكوشه الأول والذي انتهي به كمغني ( فكاك حيرة) في الحلة، انتهاءا بهجرته لأرض (تحريم الغنا).
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: حيدر حسن ميرغني)
|
يا الصادق لو سمحت دقيقة ياخ, مصطلحي فاقد كتابي و غنائي ما وقعن لي مية مية, حاولت اقايسن بي فاقد تربوي فا القصة جاطت أكتر الفاقد التربوي بدون فذلكة كدا ومن الآخر هو من فقده التعليم المفروض يكون الزامي للناس كلها, فا هل الفاقد الغنائي هو من فقده الغناء و الكتابي هو من فقدته الكتابة مثلا, ولا الفهم شنو ؟ وهل هما أساسيان أو الزاميان للناس كلها؟
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: مرتضى احمد عبد القادر)
|
ود البشري
القول ما قاله مورتا، الفاقد الكتابي والغنائي وصف من (اجتراحي) كمثقف ضليع في وصف ظاهرة ممارسي النقد في المجالين سالفي الذكر دون كتاب منير يهديهم، وفي الحالة الدراسية موضوع البوست فانا اعتقد ان عمر الفاروق لن يكون مغني البتة، ولكنه ناقد فني شاء ام أبي، أما أساسي فهو كاتب ولكنه اختار ان يكون مجرد كاتب سودانيزاونلايني، لا ذكر له خارج هذا المنبر، وأنا أريد ان أرجعه مرة أخري لسوح الكتابة (شفت كلمة سوح دي بالله رأيك فيها شنو) ، واني قمين بذلك.
في دراسة لي غير منشورة بعنوان ( أساسي والتاسي بملاسي)، وجدت ان أساسي في ضياعه البرزخي اعتبر حسين ملاسي كاتبه المفضل ذات ربع ما، ومن عادة الفاقد الكتابي ان يتبع أسلوب غيره في فترة كونه فاقد كتابي، وهذا ما حدث لاساسي. وقد أوضحت الدراسة آنفة الذكر ان الهجوم الغير موضوعي الذي شنه أساسي في هذا البوست على المشرف هو حذوك المركوب بالمركوب ما قاله ويقوله ملاسي عن كمال عباس، وأساسي إذ يستصحب أسلوب كاتبه المفضل سابقا إنما يفعل ذلك دون وعي منه وهذا ديدن الفاقد الكتابي دوما، راجع ما يقوله ملاسي عن الملل في كتابة كمال عباس وما يقوله أساسي عن الملل في كتابة المشرف. فالفاقد التربوي تجده دائم التأسي بأستاذ مفضل ويستشهد به دون وعي منه كمدخل ليوضح انه كان طالب يرجى منه ذات يوم.
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: الصادق اسماعيل)
|
يا الصادق من اجتراحك من اجتراحك أوكي ما قلنا شي, عايزك توقّعوا لينا تمام وتضبط المصطلح وفي رواية تأصله :) عشان نكون معاك على ذات الصفحة مورتا اجتهد وقالQuote: ود البشرى الفاقد التربوي هو الزول الما اكمل مشوار تعليمو في وقت مبكر لسبب ما ومن ثم اصبح مصدر مشاكل كتيره في المجتمع بسبب عدم تلقيهو لتعليمو .. وجه المقارنة الفهمتو انو الفاقد الكتابي او الغنائي القصدو الصادق إسماعيل شخص ما اكمل مشوارو الكتابي او الغنائي لسبب ما واصبح بسبب ذلك مصدر مشاكل للكتاب او المغنيين الفي محيطهم |
يا مورتا المقاربة فيها شوية سلفقة وخم كدا:), الفاقد التربوي سبب مشاكل للمجتمع دي عامة هنا و شاملة التعليم و الغناء و الكتابة و سائر افراد وفصائل المجتمع, في حين خصصت في الفاقدين الآخرين - مجترحي الصادق - في نوعية المتضررين من المشاكل عموما طالما الصادق تعلّق بقشة اجتهادك دا فما لينا غير نعتمده, حنغالط الزول في قصدو كمان :) بالنسبة لـ Quote: .. كدي يا ود البشرى انت اقتنعته انو اسئس وعمر بدو في مشاوير الكتابه والغناء بشكل جاد و وقفو في البدايات بغض النظر اسباب وقفتهم؟؟ |
الإجابة لأ
نعود للصادق.. بامانة كدا يا الصادق, كخبير أسسمنت و إيفالويشن وبعد الأوديشن المرتبك القدمتو دا بشوف ترجع للمتابعة دي الخانة الأنسب ليك وبتجوّد الأداء فيها :)
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: حمد عبد الغفار عمر)
|
Quote: مورتا أتخيل الشيطان قبل رمضان بوز فيني ارشك انت وحيدر الزين في بوست واحد، لكن حظك من السما الشيطان الأيام دي في (الرج)، غايتو حنكمل رمضان بي أساسي، لكن لحدي هسه حق العيد ما عندنا فاحتمال كبير نعيد بيك أو ندوعلك لحدي الضحية |
الضحية بعيد يا الصادق عيد بينا انا وحسبو اخوي (عيد بينا العيد الجاي احرق الجازلين البابور جاز) اساساً عايزين نعود لجادة الطريق بس ما لاقين البوجهنا،، حيدر الزين دا خليهو برجع براهو،، ما وريتني لكن عمر الفاروق دا من اولاد جادة طريق وين !!
اساسي اظهر وبان ليك الأمان واهم شي (أرخي جسمك يا قريبك،، وأبقى راجع لحروفك،، ولي دروب جادة طريقك) والنبي فيك كان تعفينا من تبرير الغياب ومن الدخله بالآيباد
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: مرتضى احمد عبد القادر)
|
Quote: النبي فيك كان تعفينا من تبرير الغياب ومن الدخله بالآيباد |
بس دي النجيضة .. لانه مسالة كله واحد يجي يحكي برنامج الويك اند حقه وقميصه التركواز اللابسه العامل ماتش مع الايفون تحت المخدة والايباد الفي رف المطبخ مسالة زعاااااطة جدا و " مملة " بحق وحقيقة ..
يا الصادق اسماعيل ..من ناحية اني ما جايبني حوار فما جايبني حوار البتة..انا جايبني الخبار والفرجة .. وقيــل جاي للإستماع واللنطراب بهيـــك ابداع من ولاد قلبها :)
ثم الشباب اغلبهم بيكون نهاية الاسبوع والرمضان دخل العضم وكدة فمرطبييين ..اما عمر الفاروق فعندي احساس كدة انه عاوز يفاجئنا ليك بتسجيل اول اغنية ليهو من اداءه والحانه وانتاجه الخاص.. والشكر كل الشكر لهذا البوست الذي جعل عُمر يعيد اكتشاف نفسه كغناي وناقد فني ولاعب كروي وظريـــف
ــــــــــــــــــــ الرسول فيك يا عُمر الفارووغ كان تسجل ليك اغنية ان شاء الله اغنية " واقف براك والهم عصف " وتنزلها في اليوتيوب .. او البس نضارات الناقد الفني السوداء ونزل ليك واحد زي فيديوهات تراجي مصطفي التحليلية ديك عندما كانت تظن في نفسها مناضلة من طراز فريد ومتقدم وحداثي .. ( طبعاً قلنا تراجي ماعاوزين نرفعك درجات اعلى ونضعك في مصاف انوركينج عندما كان معارضاً ) ....:)
سجل يآخي ومتع الخلق المابيعرفو للغناء ولا بيعرفو يغنوا ويبدعوا وينقدوا ويحللوا ديل ..وريهم الشغل يا حبيب ..
| |
|
|
|
|
|
|
Re: يا ملاسي علييك الله أشرح لي حمزة سليمان قال شنو؟؟ (Re: محمد البشرى الخضر)
|
للأسف ..كذا اتصال عبر الموبايل والاسكايبي والفايبر والواتس اب والفيسبوك وعبر الماسنجر والاقمار الصناعية .. كل الشباب زعلانين في انه تسببنا في حردان المبدع والناقد الاريب عُمر الفاروق.. وهم يعتقدون بان الاستاذ الناقد الفني والمبدع والمطرب الجهبذ عُمر الفاروق كان ليمتعهم بقية المتبقي من شهر رمضان بظرافته وخفته المعهودة و " كالعادة " لكن وللاسف مرة اخرى وصفونا بهيثم الخلاء الذي لا يطيقه عتود زريبة..
من هنا وعبر هذا البوست نعتذر للاخوة المراسلين ونعتذر للاخوة الذين توقعوا بوستاً طروباً متمسخراً بظرافة الفاروووغ وخفة دمه ...
ونعيد النداء للظريف الطروب الفارووغ ان يكسب زمنه ويفاجئ "جماعـيـره " ومعجبيه بشئ مدهش على وزن القرموطي في البيت الابيض ..
كله منك يا طلحة تنظيــر هسع دا بوست يعزموا عليهو زول :)
وشكراً..
ــــــــــــــــــــــــ العندو سفنجة شائعـة يكلم مورتا شايفو لملم كل السفنجات ونضف قدام الباب ..:)
| |
|
|
|
|
|
|
|