|
التحرش,.,.,.,
|
كلمه مرفوضه فى المجتمع زى الاغتصاب بنستنكر حتى التفكير فيها وبنعتبر اى زول بينطقها انه عديم اخلاق وقليل ادب خصوصا لو انثى القالتها او كتبتها زى الجنس برضو من المصطلحات المعيوبه فى مجتمعنا والبتخلى الزول يقشعر لمن يسمعها وكإنها شتيمه الغريبه ان فى الفاظ فعليا بتستحق تكون معيوبه ومرفوضه وللاسف تداولها اكثر شيوعا من هذه المصطلحات فى مجتمعنا وفى عبارات للاسف تم اعتبارها معيوبه عشان المجتمع الصقها بمعنى معيوب وهى لغويا ما بتعنى كده ودا شى اكتشفته فى حواراتى اوائل ايام جيتى للوطن حتى لمن مشيت من الخليج لمصر كان فى الشى دا برضو لانى كنت بقول كلام وفجئه بلقى استنكار ودهشه غريبه فى عيون الحوالينى ويقولوا لى عيب ما تقولى كده دى معناها كده هل فعليا هى غلط ولا الغلط هو مسايرتنا للمعانى التم الصاقها فيها عموما دا ما موضوعى لكن النقطه دى جات براها فى نص الحوار ولفتت نظرى ان تفسير معانى الكلمات بقى نابع من المجتمع ومن الاغلبيه وفهم الاغلبيه برغم المفروض يكون نابع من المعجم اللغوى فقط ,.,., سبب موضوع اليوم فيلم مصرى حضرته امس بيناقش مشكله التحرش البتعانى منو مصر شديد وبصوره واضحه وتسائلت هل نحنا بنعانى من نفس المشكله ومتسترين عليها زى باقى مشاكلنا ولا لا لمن خلص الفيلم اول شى حمدته ربى عليه انى سايقه عربيه وما بركب مواصلات عشان اتعرض لشى دا لكن دا ما بيمنعه لانى بتذكر لمن مرات بنمشى فى سوق وحته زحمه بتحصل تصرفات وما بكون عارفه فعلا مقصوده ولا عفويه لمن يجى زول داخل فيك شمال بلا مقدمات سمعت من مقربات لى ان فى المواصلات بتحصل امووووووووووور صعب حتى البوح بيها من سلوكيات نظريه ما شرط لمسيه من رجال وشباب وفى مره صديقه لى بطلت الشغل عشان زهجت من المضايقات وخصوصا فى الصيدليات لانها صيدلانيه وبتعدى فترات بتكون براها مع رب العمل وبتنصدم لمن تلقاه بيحاول يتعدى عليها ويتحرش ولمعلوميه فى تحرشات بتكون من اولاد الاهل والجيران المقربين والتحرشات بين الطلاب والطالبات ربنا سبحانه وتعالى لمن اوصانا وفى شرعه وصانا بفصل الجبهتين ما عشان يقيدنا ويحرمنا من التواصل ولا المقصود انكم تعتبروا المرأه فعلا عوره وما مسموح ليها تمارس اى شى فى الحياه لكن عشان عارف دواخلنا ونقاط ضعفنا ممكن انسان يكون كويس وتبدر منو تصرفات فى لحظات زى دى يندم عليها يبقى ليه ما نتوخى الحذر عشان نتجنبها فصل الجامعات فى نظرى ما شى سيىء بما ان حاليا مافى احترام لمعنى الاختلاط فى حدود والحاصل وشوف العين اكبر دليل حتى فى المواصلات مفروض بكون فى اتجاه خاص بالنساء واتجاه خاص بالرجال المسئولين مفروض يحرصوا على قدر الامكان فى توفير الحمايه لكل انسان والراعى مفروض بقدر الامكان يحمى قواريره وما بمعنى يحرمها ولكن يحميها وكل انسان مفروض يحاول يكون سوى ويصلح ذاته ويجنب غيره ضرره وشره الحياه ما حقت زول واحد ومن حقنا كلنا نستمتع بيها ونعيشها
لى عوده ,.,.
|
|
|
|
|
|
|
العنوان |
الكاتب |
Date |
التحرش,.,.,., | رانيه محمد الشيخ | 05-09-13, 10:32 AM |
Re: التحرش,.,.,., | رانيه محمد الشيخ | 05-09-13, 10:39 AM |
Re: التحرش,.,.,., | رانيه محمد الشيخ | 05-09-13, 10:48 AM |
Re: التحرش,.,.,., | علي محمد الفكي | 05-09-13, 11:36 AM |
Re: التحرش,.,.,., | رانيه محمد الشيخ | 05-09-13, 12:05 PM |
Re: التحرش,.,.,., | ASHRAF MUSTAFA | 05-09-13, 12:06 PM |
Re: التحرش,.,.,., | رانيه محمد الشيخ | 05-09-13, 12:10 PM |
Re: التحرش,.,.,., | رانيه محمد الشيخ | 05-09-13, 12:17 PM |
Re: التحرش,.,.,., | رانيه محمد الشيخ | 05-09-13, 12:21 PM |
Re: التحرش,.,.,., | رانيه محمد الشيخ | 05-09-13, 12:33 PM |
Re: التحرش,.,.,., | ASHRAF MUSTAFA | 05-09-13, 12:27 PM |
Re: التحرش,.,.,., | رانيه محمد الشيخ | 05-09-13, 12:39 PM |
Re: التحرش,.,.,., | طه جعفر | 05-09-13, 12:35 PM |
Re: التحرش,.,.,., | رانيه محمد الشيخ | 05-09-13, 12:49 PM |
Re: التحرش,.,.,., | رانيه محمد الشيخ | 05-09-13, 01:08 PM |
Re: التحرش,.,.,., | رانيه محمد الشيخ | 05-09-13, 01:21 PM |
Re: التحرش,.,.,., | على عبدالله بشير | 05-09-13, 01:27 PM |
Re: التحرش,.,.,., | رانيه محمد الشيخ | 05-09-13, 02:30 PM |
|
|