|
Re: تعالوا شوفوا الفرق بين اطفال البندر وشفع الضهاري ( فيديوهات) (Re: ombadda)
|
Quote: هههههه الفيديو الأول روعة. اتوقع مشاهداته تصل إلى أكثر من مليون مشاهد مثل فيديو. Charlie bit my finger. . لكن عفارم عليهو، الشافع مسك ال-ك-ل-ب من نص راسه وهاك يا عض. دة النوع البياكل النار وقت الحارة. |
شكرا يا امبدتنا
يا اخوى انا من ناس امبدة ولازم الاجازة الجاية في العشرة الاواخر من رمضان نتلاقى
هات بس تلفونك في السودان
محبتي .
| |
|
|
|
|
|
|
Re: تعالوا شوفوا الفرق بين اطفال البندر وشفع الضهاري ( فيديوهات) (Re: ombadda)
|
Quote: سيكون لينا الشرف بمقابلتك والسلام عليك. تلفونى فى البروفأيل. |
شكرا امبدينا نلتقى في شارع العاشرة محطة خمسة جوار مخبز المدينة طوالي
واحتياطيا ممكن تذهب لزيارة لابنائي في محلاتهم التجارية
عبد الله الطيب شيقوق في عمارة علام شرق نادي الخريجين مباشرة واسم المحل (مركز شيقوق لبيع وشراء وصيانة الحاسب الالي)
او محل مرتضى الطيب شيقوق باسم (عالياء كمبيوتر سيرفسيس ) مجمع حكيم التجاري
خالص ودي
| |
|
|
|
|
|
|
Re: تعالوا شوفوا الفرق بين اطفال البندر وشفع الضهاري ( فيديوهات) (Re: الطيب شيقوق)
|
الوادي الجانا مترقن مدد جناحو الطايل شرقا وغربا القبلي بروقو على القلعات اضربن الدكن البعدن قربن فوق صنقور المحله الطالت كبن قول للمحله بيوتك خربن قول ما دله.. الحلق الجاف اتبلا بالحيل آ جني إيي والله مرحاتنا شرابهن يوت ماغبن شبعانات في الشقل أب شوك ما شبن الحمل ولدن وربن حلماتن تقلن.. جرن.. فوق سيقانن كبن اللبن العاتم في ضرعاتن جبن المغصة إن كان ضرعاتن خربن القرعة آ وليد .. السعن آ بنيه القربة كمان... كبوها المية المغصة إن كان ضرعاتن خربن
شوفو النعمة السالت فوق قيزان الرمله ناس البندر لبن الشاي بالعمله
سمح الخمج الفوق أسيادو سمح العز المن أجدادو
دا في الضهاري فنجري بس داير يعرف السخلة دي بتسوي في شنو تحت أمها
============================== المسنوح عينك ماتقع في دكة الكبريت
| |
|
|
|
|
|
|
Re: تعالوا شوفوا الفرق بين اطفال البندر وشفع الضهاري ( فيديوهات) (Re: الطيب شيقوق)
|
جاييكم تعليق على الفيس بوك من اخينا اسحاق ود بلة ود اللمين هاكم ليهو
Quote: هلا هلا يا ود شيقوق أخوي " عفارم "على شفع " البردانة" الوارثين الشطارة والفراسة من أجدادهم القبيل. ديل ترباية لبن وسمن ولحم وشحم وسربان بالليل مع الحلال في الخلاء مع الأسود والنمور والأفاعي والدواهي ، "أسود "زي ديل بخوفهم "كليب". |
انت فاكرهم بجروا ليهم من سويسيو ؟
| |
|
|
|
|
|
|
Re: تعالوا شوفوا الفرق بين اطفال البندر وشفع الضهاري ( فيديوهات) (Re: الطيب شيقوق)
|
يا منسي عليك الله انتم الكلام الفوق القالو ود بادي دا بتعرفوهو ؟
بتعرفوا بالتحديد الشقل
شكيتك على الله يا ود بادي امانة ما نطرت في دنادرنا
=====================================
دا طلامك وشن فايدة نضكينا كان ما بنعرف الشقل
الشدر ... الشقل ... البروس .. النال .. الخزام ... والحريب .. والديس .. والحلفا .. والطرفة جنب البحر ÷ا كفاك ولا أزيد يا خريف السعن
| |
|
|
|
|
|
|
Re: تعالوا شوفوا الفرق بين اطفال البندر وشفع الضهاري ( فيديوهات) (Re: خالد علي محجوب المنسي)
|
Quote: الشقلة هي الشدرة الصغيرة وزي الجاهل الولود في سبة ما بتكبر أصلو ويقوم نعم في اطراف الحلة والماعز بشب فيها ويأكل لقصرها
واظنو لسان الماعز دا الهو قصر طولها ومنعها النمو |
والله يا المنسي نجضتها نجاض ما خليت ليها حتة يطول عمرك يطول عمرك يطول عمرك
انت عارف ناس شندي وما جاورها امتداد طبيعي لناس البطانة
ياخ ود بادي دا بقول كلام وكانو عايش جوووووووووة البردانة
| |
|
|
|
|
|
|
Re: تعالوا شوفوا الفرق بين اطفال البندر وشفع الضهاري ( فيديوهات) (Re: الطيب شيقوق)
|
الاخت الصديقة والجميلة خلقة وطبع - سلمى بت الشيخ سلامة
Quote: الصديق الجميل الطيب ن الشوق ليك ولونستك ، غايتو لو صورونى حاجيب مليارات المشاهدين من تالا خوفى من الكلاب والجداد وكل انواع الحيوانات ، يوم يال الطيب كنت فى الشغل "شغالة مع ذوى الاحتياجات الخاصة " واحدة من المدرسات المعاى جات زيارة ما كانت شغالة ، وجات مع ######ها الله يكرمك ، وال###### "جريو صغيرونى ما عليك منه " اول ما نزل من ايدها جانى تارس ، وعينك ما تشوف الا النور ، اتكرفست فى الكنبة زى الكورة ، والضحك بقى يجيب الرايح ، واحدة من البنات الفى البيت من ذوات الاحتياجات الخاصة بقت تضحك بهستيريا لمن حنيت عليها ، ومن اليوم داك بقى سؤالها الاساسى لسه بتخافى من الكلاب يا سلمى ؟ وحاتك يا ابو الطيب كان لقيت ال###### فى الشارع بخليهو ليهو ، والعجب كلاب النسوان البفسحوهم هنا ، الواحدة تقول لى " ما بعمل ليك حاجة " بالله ؟ اخر احصائية اوضحت انه فى اكتر من مليون شخص يموتون من جارء العض من جهة الكلاب "بت ال###### " تعرف قدمت لشغل رفضو يشيلونى لانى قلت ليهم ما عندى علاقة بالكلاب والحويانات |
افو افو افو فاكرك بت ضهاري سااااااااااى لكن للاسف لقيتك شهادة عربية عديل
| |
|
|
|
|
|
|
|