|
Re: ديــنق في الدوحــة (Re: بدر الدين الأمير)
|
بدر يا عريس ، ارمى تلفون المتمرد دينق فى الخاص بسرعة
او اسحبو و تعالو على دخان حبابكم الف ، ما تتاخر عليك
الله ، دينق يا حبوب رقمى عندك ، الله جابك بختك معتز
مسافر.
مرحبا بدينق فى دوحة الخير و العز
| |
|
|
|
|
|
|
Re: ديــنق في الدوحــة (Re: بدر الدين الأمير)
|
والله بختكم يا ناس الدوحة بزيارة الأخ العزيز دينق ...
وأكيد الأمير بدر الدين ... وناس الدوحة الرائعين ما حيقصِّروا مع الحبيب دينق ..
يا ريت تعرِّج علينا هنا في دبي يا دينق ...
تعال خلينا نحتفي ونحتفل بمقدمك السعيد ...
يا ريت والله ... شكراً بدر الدين .. وعبرك التحايا لبورداب الدوحة الرائعين ..
| |
|
|
|
|
|
|
Re: ديــنق في الدوحــة (Re: عبد الله كسلا)
|
Quote: يا ريت تعرِّج علينا هنا في دبي يا دينق ...
تعال خلينا نحتفي ونحتفل بمقدمك السعيد ...
يا ريت والله ...
شكراً بدر الدين .. وعبرك التحايا لبورداب الدوحة الرائعين .. |
| |
|
|
|
|
|
|
Re: ديــنق في الدوحــة (Re: saidahmed shami)
|
طبعا يا ناس الدوحة دينق جورج جاييكم لتفقدسير العمل بقاعدة السيلية(هههههههههههههههههه) تحياتي لكم جميعا ولعزيزنا جورج ونتمنى له طيب الأقامة هناك
يلا ياباوقة امسك ليهو في موضع السيلية دا كويس
| |
|
|
|
|
|
|
Re: ديــنق في الدوحــة (Re: ود الباوقة)
|
Quote: الامير.... ماف طريقة بشرفنا حتى لو متقابل في الربع الخالي |
خطفتها من لساني يا ود الباوقة
يا دينق ما جايي الرياض حيث المندي والمظبي
منور الخليج
| |
|
|
|
|
|
|
Re: ديــنق في الدوحــة (Re: ود الباوقة)
|
Quote: الامير.... ماف طريقة بشرفنا حتى لو متقابل في الربع الخالي |
ود الباوقة إختشى
التحية لك الاخ بد الدين الأمير والتحية للأخ دينق
وفى إنتظار الصور على أحر من الجمر .
| |
|
|
|
|
|
|
Re: ديــنق في الدوحــة (Re: بشير أحمد)
|
Quote: يا ريت تعرِّج علينا هنا في دبي يا دينق ...
تعال خلينا نحتفي ونحتفل بمقدمك السعيد ...
يا ريت والله ...
شكراً بدر الدين .. وعبرك التحايا لبورداب الدوحة الرائعين |
| |
|
|
|
|
|
|
Re: ديــنق في الدوحــة (Re: ود الباوقة)
|
يا أمير قول لدينق أوعك تنسى كاميرا الفيديو الخطيرة لمنبر السودان الديمقراطي
أها يا أمير كتروا ليه من النضيف و كمان لو لقيتوا ليه عروس تكونو جد جد ما قصرتو
ود الباوقة أختشي
| |
|
|
|
|
|
|
Re: ديــنق في الدوحــة (Re: moaz elsir)
|
بختك اخونا دينق, و بعدين يا الامير, شهر رمضان دى مش قرب و لا انا غلطان و بلدكم دى سخن جدا? رمضان الفائت داك انا كنت جنبكم بهناك و لاحظت انو ناس الخليج ديل بكونوا زهجانين فى رمضان زهج???
| |
|
|
|
|
|
|
Re: ديــنق في الدوحــة (Re: بدر الدين الأمير)
|
Quote: يا أمير قول لدينق أوعك تنسى كاميرا الفيديو الخطيرة لمنبر السودان الديمقراطي
أها يا أمير كتروا ليه من النضيف و كمان لو لقيتوا ليه عروس تكونو جد جد ما قصرتو
|
كوستاوى كدى رسل جوالك على الخاص وماحدش يفتكر ان الامر فيهو شمارات حول دينق الامر ومافيهو انو كستاوى جاينا وداير اديهو بعض المحاذير عشان مايبقى لينا زى دينق
| |
|
|
|
|
|
|
Re: ديــنق في الدوحــة (Re: Deng)
|
ترحيب حار بالاخ دينق في الخليج و معروف شباب الدوحة ناس واجب حتى النخاع ، دينق زول حبوب وواجب الاحتفاء به ، عن نفسي احب هذا الرجل جداً
ود الامير يا عريس سلامات و حفظك الباري و جعلك انصاري
| |
|
|
|
|
|
|
Re: ديــنق في الدوحــة (Re: محمد المسلمي)
|
نرحب بالسلطان دينق في دوحة الجميع
بودراب قطر الترتيبات شنو للاحتفاء به اقترح لقاء للجميع اترك تحديد المكان للجميع ليدلو بدلوه دا طبعا بعد اذن الامير بدرالدين
المهم دينق فاضي يوم الجمعة والسبت القادم
تشكرات يا امير علي الاخبار السارة
| |
|
|
|
|
|
|
Re: ديــنق في الدوحــة (Re: أحمد عزالدين)
|
مرحبابالاخ دينق في الدوحه هللت اهلا ونزلت سهلا
__________________________ يا بدر الدين اتصلت علي التلفون الاديتني ليهو رد علي بنغالي وقبل ما برد انا دخلت فيهو شمال لامن حيرتو في راسو في النهايه قال لي دينق مافي معلوم
| |
|
|
|
|
|
|
Re: ديــنق في الدوحــة (Re: أحمد عزالدين)
|
مرحبابالاخ دينق في الدوحه هللت اهلا ونزلت سهلا
__________________________ يا بدر الدين اتصلت علي التلفون الاديتني ليهو رد علي بنغالي وقبل ما برد انا دخلت فيهو شمال لامن حيرتو في راسو في النهايه قال لي دينق مافي معلوم
| |
|
|
|
|
|
|
Re: ديــنق في الدوحــة (Re: هشام هباني)
|
سلطان في عينك دا حنكوش من الخرطوم امس بتكلم مع محمد السنى وكمال سالم عن اماكن في الخرطوم لمن نططو عيونهم سلطنانك الفيهو اتعرفت زى نظارتك ... ام البرمودا والكوارع بالفرن دى حقتنا نحن اولاد المغتربين ... ويش جاب لبجاب قال سلطان وقال ناظر حناكيش اخر زمن
| |
|
|
|
|
|
|
Re: ديــنق في الدوحــة (Re: Kostawi)
|
فى سوق واقف كان اللقاء وكان الضيف إستثنائيا . دينق ! زول عجيب ,,,, وفريد ... ود عز , حنكوش , وشهاده عربيه كمان ,, خرطومى مولدا ونشأة . وفى الخرطوم ( خرطوم 2 ) يعنى جار دينا خالد الهيطه بالهيطه . درس قيها ختى الثانوى ثم هاجر لأمريكا , والده من كبار رجالات الخدمه المدنيه فى عصرها الأول بعد الإستقلال . يفهم فى الأدب والسياسه . حكاى ,, وله مخزون مذهل من المعرفه فى شتى ضروب الحياة السودانيه . عندما أفاض فى الحديث عن التاريخ الإسلامى وذكر بعضا من قصص الحجاج وجدت نفسى مندهشا وأنا أوجه إليه السؤال , يا دينق إنت مسلم ولا مسيحى ؟! وأنفجر الجميع بالضحك . وعلى مائدتى المتواضعه ضرب ( التقليه باللقمه ) زى الماحاصل حاجه , بعهدها إستعدل وقضى على القراصه بالدمعه . وكان قبلها قد عجن الرجله بالكسره . ولم يتوقف حتى قلت له يا دينق ( إختشى ) . الحمد لله لقد تأكدت تماما الآن إن الجنوب والشمال سيتعانقان من جديد قريبا . تمنيت أن لوكنت معنا ياوهبه . دينق بحق يستحق أن يعرفه الجميع .
| |
|
|
|
|
|
|
Re: ديــنق في الدوحــة (Re: كمال سالم)
|
.Quote: وعلى مائدتى المتواضعه ضرب ( التقليه باللقمه ) زى الماحاصل حاجه , بعهدها إستعدل وقضى على القراصه بالدمعه . وكان قبلها قد عجن الرجله بالكسره . ولم يتوقف حتى قلت له يا دينق ( إختشى ) . |
المائدة دي ما مصورة !!
دينق استثنائي في كل شئ حتى لمة زي دي ما فيها توثيق ليه
تستاهل يا ابن الجنوب معجون و معطون بثقافة الشمال
| |
|
|
|
|
|
|
Re: ديــنق في الدوحــة (Re: كمال سالم)
|
كمال سالم اختشى حنكوش في عينك دا في الغداء بمنزلك طلب عصيدة بملاح تقلية وقراصة بملاح اخضر وشفقن الاتنين مع العصيدة تقول عربى جزيرة قاعد في راس الترعة ومع القراصة تقول شايقى بعزق في نخلة نحن دايرين بشاشة يجى يفتى لنا في هذا الاستلاب
| |
|
|
|
|
|
|
Re: ديــنق في الدوحــة (Re: بدر الدين الأمير)
|
Quote: بيتزا يا ود الأمير! قراصة يا ود الأمير!
أنا مش قلت ليك يا دينق أبعد من الجلابة ديل? |
يا كوستا.
وبعد ده كلو عاوزين كمان يصورو البيتزا والقراصة.
شفت البقت علي.
أنا أحسن أمشي أشرب شاي بلبن مع السني وأحلام.
| |
|
|
|
|
|
|
Re: ديــنق في الدوحــة (Re: Deng)
|
Quote: وبعد ده كلو عاوزين كمان يصورو البيتزا والقراصة. |
بابا كوستا ماتسمع الكضب دا زولك منعنا تصوير القوارير حتى السنى قالينا دينق بختشى
| |
|
|
|
|
|
|
Re: ديــنق في الدوحــة (Re: بدر الدين الأمير)
|
Quote: وبعد ده كلو عاوزين كمان يصورو البيتزا والقراصة |
أها شوف البقت عليك في آخر عمرك يا دينق دايرين يصوروك مع البتزا....الناس ديل عرب جزيرة ساكت أرجع يا زول لناس معزة و الأنجيرا و محمد سليمان أحسن ليك من العرابة ديل و العقالات الحايمة دي.
يا دينق لو لاقاك زول متخلف إسمو ود القريش شايل ليه عضم بكد فيه أديه بنية في نخرتو.
| |
|
|
|
|
|
|
Re: ديــنق في الدوحــة (Re: بدر الدين الأمير)
|
Quote: دينق بحق يستحق أن يعرفه الجميع . |
بعد جولة طويلة بدأت ببعض دول شرق آسيا ذات الأجواء الرذاذية وانتهت بالسودان الملتهب.. وبعد غياب طويل جداً عن هذا الحوش الجميل.. عدت للدوحة، لأجدها وقد أشرقت بها شمس جورج، فهي في الحق جنة الإشراق.. لم يعز اللقاء بل فاتني قطار الإلفة والمحبة الذي جمع شباب الدوحة بدينق نهاية الأسبوع المنصرم.. وخرجت من مولد شوق اللقيا بحفنة دقائق معدودة من الحديث الهاتفي على أمل اللقيا.. شكراً لهذا الحوش الذي أشعل في دواخلنا قناديل الود الاجتماعي الأصيل وكل هذه المعاني الراقية للتواصل الإنساني الدفاق.. وشكراً لفارس الحوبة ود الأمير ولأمير الشرق كمال سالم ولكل حبة من حبات عقد الدوحة الفريد.. ومرحباً بك أيها الرجل الجميل دينق وطبت بالدوحة مقاماً وطابت بك كرماً وإكراما.. فأنت بحق: هدية من الله.. والله بدي الجنة.
لكم جميعاً شوقي وعميق احترامي
| |
|
|
|
|
|
|
Re: ديــنق في الدوحــة (Re: أيمن الطيب)
|
يا كوستاوي.
أحد شروطي مع بورداب الدوحة ديل كان من المفترض يسلموني الظلامي ود القريش مكتف الأيدي والأرجل، وهو الذبيحة التي من المفترض أن تقدم لي كعربون صداقة ومحبة. ولكن الأتفاق لم يتم تنفيذه، يبدو أن هنالك من سرب هذه الخبر وأبلغ الظلامي الذي هرب عن طريق البر الى السودان وهو الأن متواجدا بمدينة الدويم القريبة من الخرطوم.
| |
|
|
|
|
|
|
Re: ديــنق في الدوحــة (Re: Deng)
|
Quote: الدوحة دي صيفها ده بنتهي متن؟ |
دينق لكن بالغتا ياخ.. الدوحة صيفها بيبدا من خمصطاشر سبعة وإنتا طالع، وبينتهي يوم عشرة شهر حداشر.. إنتا عشان شايف ود الأمير حايم بالبرمودة مفتكر إنو الصيف بدا في الدوحة؟.. الشتا الفات وفي إحدى الليالي القارسة.. ونحنا قاعدين قدام مطعم ليالي الخرطوم جوا العربية ومردفين هدوم الصقط ومشغلين الهيتر وبنكتكت من البرد وما قادرين ننزل عشان نتعشى.. شايفين ليك ود الأمير برشاقته المعهودة نازل من العربية لابس البرمودة والتي شيرت تيوب ليس وخاشي المطعم.. أها، هسا دي ما هايبر حنكشة؟؟
| |
|
|
|
|
|
|
Re: ديــنق في الدوحــة (Re: Deng)
|
Quote: يا كوستا
يقولو لك سوق واقف تقول كاميرا! |
الكاميرات كانت قاعدة، مالك ما شفتها؟ لكن قالوا بتخاف من التصوير. عندك صورة واحدة حايمة هنا في البورد والجماعة ما مريحينك فيها .... نقوم نزيدها ليهم؟
Quote: طيب وداني المطعم اللبناني ليه؟ |
سيبك منو ...... ده شيخ الإستلاب زاتو .... ما سمعت العريبي وهو بيقول (هيك)؟
| |
|
|
|
|
|
|
Re: ديــنق في الدوحــة (Re: Deng)
|
Quote: يا علاء الدين.
هو بدر الدين بيأكل في مطاعم سودانية؟؟
طيب وداني المطعم اللبناني ليه؟ |
يا دينق ياخ أنحنا لحدي قريباااات دي كنا بنشوف بدر الدين الأمير في المطاعم السودانية أكتر مما بنشوف قناة النيل الأزرق.. (أنحنا) دي أنا طبعاً قاصد بيها رواد مطعم ليالي الخرطوم، أنا وأخوي الكاشف عمر سعد، بهاء بكري، كمال علي الزين، الباشمهندس كيكي والقائمة طويلة.. حتى لو في زحمة في المطعم وما شفناهو فيس تو فيس، بنسمع صوتو الما بيغبانا وهو يتحدث في الموبايل: هلاّ خبرني لك شو صار مع الزلمي؟ حكيلو أنا عم أنطرو من الصُبوووح.. لكن بصراااحة كدة، ود الأمير وداك المطعم اللبناني بالتأكيد لأنك ضيف عزيز جداً جداً وجاي من اليو إس وكدة وبدر بيهمو شديد جداً إنو يعكس لضيوف الدوحة (وجهها) المُشرق.. لأنو للأسف مطاعمنا السودانية الإتنين (ليالي الخرطوم والفيتامينات) لا تليق بضيوف الدوحة من حيث الشكل ولا المضمون ولا حتى من حيث الجغرافيا ورحيق الأمكنة.. فلا مطعم ليالي الخرطوم يقدم لك ما يفتح أبواب شهيتك الحبيسة على مصراعيها فيجعلها تنطلق بجناحين من الريح فوق سماء الخرطوم بالليل.. ولا مطعم الفيتامينات يمد معدتك الخاوية بما تحتاج من فيتامينات.. إذ أن أصحاب هذه المطاعم السودانية ليس لديهم هم سوى المتاجرة باسم السودان في طرقات الدوحة..
عميق احترامي
| |
|
|
|
|
|
|
Re: ديــنق في الدوحــة (Re: علاء الدين صالح)
|
Quote: لكن بصراااحة كدة، ود الأمير وداك المطعم اللبناني بالتأكيد لأنك ضيف عزيز جداً جداً وجاي من اليو إس وكدة وبدر بيهمو شديد جداً إنو يعكس لضيوف الدوحة (وجهها) المُشرق.. |
ياعلاء ياخى صاحبك المستلب هذا غلبنا فيهو حيلة جبناليهو البيتزا شال حالنا وديناهو مطعم الساحة نقنق جبناليهو الشيفاز قال انا بقوم مبكر وبرضو يجى يقول انو من الخرطوم ونمرة وكبرى المسلمية لمن تجيب سيرة امريكا يشبكك مريلاند مش عرف شنو كدا فعلا الزول دا كان مفروض امشى لود الباوقة في الربع الخالى وياكلو لحم الضب هههههههههه
| |
|
|
|
|
|
|
Re: ديــنق في الدوحــة (Re: بدر الدين الأمير)
|
إزيك يا دينق وان شاء ناس الدوحة يكونوا ما قصروا معاك وعزموك في مطعم في منطقة اللؤلؤة جنب البحر.. وعليك الله احكي لينا شوية عن مشاهداتك هناك وانطباعاتك عن الناس الكنت بتقرأ ليهم وما شفتهم قبل كده.. وعليك الله يا ود الأمير اديني تلفون دينق في الخاص عندي كلام مهم عاوزة اقولو ليه.. والله يديكم العافية
| |
|
|
|
|
|
|
| |