|
بدر الدين الأمير عريساً !! .. و أنقروا العروس زميلة المنبر منو ؟؟
|
هذا و الله لشيء عجب !! حين فاجئني أحدهم بـ ( بدر الدين الأمير عقدو يوم الجمعة ) .. قلت بلا تفكير : يا يابا كضب الجبال . أظنني أعرف الرجل ، لذلك قلت بما قلت .. لكن بدر : هو أنا بكتف نفسي بالهين ؟؟ أنا : عامل فيها واقع علي قدومك ؟ بدر : ما وقوع يا ضونقلاوي يا حلاب التيس ، ده إستغراق . أنا : بالله !!! بدر : إنت شِن خبرك ؟ أنا : و الربنا قال بي قولا دي منو دي ؟ بدر : مفاجئة .. و مافي ليك معلومة إلا العقد يتم . أنا ( في سري ) : هسه ده يسووا ليهو شنو مثلاً ؟
اليوم تم عقد القران .. في الخرطوم . الحضور النوعي كان هناك ، و كان مصطفى سيدأحمد هناك أيضاً و أيضاً .. شعراء مصطفى التفوا حول العروسة في حين صاحبنا العريس ( الخواجة المظلل ) بقي في الدوحة “ مدوِّراً لقلقه العجيب و .. السيغار . حضر أهل أربجي .. سمحين و سادين عين الشمس .. و حضر هاشم صديق ، و حضر أزهري محمد علي ، و حضر قاسم أبو زيد ، و حضر محمد طه القدال ، و حضر عبدالله علي ابراهيم ، و مصطفى أحمد الخليفة المسرحي الجميل حضر ..
أنا : يا بدر مبروك .. طلعت من حق هجم النمر بدر : أها .. و تاني ؟؟ أنا : مافي شي .. لكن الفيك إنعرفت . بدر : شيل أهلك يا عماد .. مش باركت ؟؟ .. تاني شنو ؟
فشلت أهلي فرحاناً .. و جيت كتبت هذا . ........ مبروك للعريس : بدر الدين الأمير مبروك للعروسة : زميلة هذا المنبر الدكتورة منال السر مصطفى / رئيس شعبة الحاسوب بجامعة الزعيم الأزهري و المعروفة هنا باسم : نجمه NAJMA
|
|
|
|
|
|
|
|
Re: بدر الدين الأمير عريساً !! .. و أنقروا العروس زميلة المنبر منو ؟؟ (Re: Balla Musa)
|
مثل هذه الأخبار تجعل الزول يتحسس مقدرته على العرس هههه.
عمدة ... يا بدرا مفتقد ويا زول إفتح النفس العنت ويا قلم فواح مسكا مدد
مالك طولت الغياب كده, يعني ما إجيبك إلا العرس القوي.
نجمة ... كم أنت محظوظة بهذا الإنسان النبيل الكريم السمح, لكنه ولا شك سوف يتعبك كثيرا, فليس في ذهن بدر الدين خانة لليقين والثبات والجمود. فكل غرف عقله مفتوحة للمتغير, وكل فكرة في معرض أحواله قابلة للتأمل والشك حتى تثبت صلاحيتها أو لا. فقد عرف بدرالدين باكرا كيف يكون إنسانا متحققا بذاته ومتصالحا مع مختاراته.
مبروك للعروسين ... وكل حبانهما
يتم على خير ويرفد بالجمال والعيال
| |
|
|
|
|
|
|
Re: بدر الدين الأمير عريساً !! .. و أنقروا العروس زميلة المنبر منو ؟؟ (Re: Nazik Eltayeb)
|
سلام عماد
جاني الخبر من أزهرى و القدال
قلت الزولة دا ما جمع النفريم ديل بكون واحد من الاتنين
يا الزولة دى دايرة اقناع با الناس ديل مقتنعين بالماشين ليها .. قال لى ازهرى معانا هاشم صديق كمان ..
و كل ناس اربجي
اتصلت بالأمير
قال لى الاوامر الوصلتو من النجمة الضواية
"البوست بعد العقد .."
أها أنا أخرت البوست ليوم تجي و تنضم النجمة لرابطة المهندسين ..
نشوف نسبك لينا دا حدو وبن ...؟
| |
|
|
|
|
|
|
|