|
Re: بورداب الخرطوم اكلة اللحوم (Re: osman righeem)
|
Quote: عزومة اخونا المسلمي استثناء لكن كل مواسم الاجازات يكون بورداب الخرطوم في استقبال واكرام ضيوفهم من بورداب المهاجر |
عزيزي عثمان وضيوف بورداب الخرطوم الكرام يسعدنا ويشرفنا
ان نكون في خدمتكم .,,
وما احلاها من لحظات نتمني ان تدوم وتتواصل ,,,
وحبابكم في حدقات العيون ,,,
| |
|
|
|
|
|
|
Re: بورداب الخرطوم اكلة اللحوم (Re: osman righeem)
|
رغيم ياعمك
Quote: لابد من وضع اسس للمشاركه |
ياخ اسس شنو عليك الله الموضوع دا غير اللوم مابجيب ليك حاجة وبرضو سيبقى الوضع على ما هو عليه والحكاية بسيطة ياخ ما محتاجة المناهدة البتسوي فيها دي
| |
|
|
|
|
|
|
Re: بورداب الخرطوم اكلة اللحوم (Re: osman righeem)
|
اخو الخير
والله قايلاك جبت خبر حقت امس عشان كدة نزلت البوست ...
امس القريبة دي ..
بورداب الخرطوم ديل احساس الاسرة الواحدة شوية ياخ ..
الشباب قالوا جابين خروف نسبة لتعرض طارق المكي والضيفة علينا الروسية (ألا) لحادث حركة والحمد لله على نجاتهم ...
ضربوا لي قالوا لي انتي اقرب زول ..
خميت ليك الصاج والشواية والحلل والصحانة والصواني ..
وجاء الضباح قلت ليه عايزنو بس شية جمر وشية صاج ..
وانا وحسين محي الدين مسكنا شية الجمر ..
واميرة الشيخ ونعيم وصاحبو مسكوا شية الصاج ..
التلفونات دورت في دقائق بس ..
الا الروسية المحتفى بها مع طارق المكي
اميرة الشيخ واسمهان الشيخ ونهى الشيخ
نعيم علي وصاحبه
وديدي
عصام عبد الحفيظ
انعام عبد الحفيظ
كابو
الجريفاوي
خالد ماسا
معروف حمدين
نادية السر
ازهري هاشم
تيسير النوراني
ابو ساندرا
د. امجد
د. شذى بلة
ولد خالة طارق المكي واخته
زهرة تمبس
طارق مصطفى
ماجد حسون
العوض المسلمي
ناذر الخليفة
معتصم محمد صالح
السمؤال بدر الدين
عمرو كمال
زينب الشفيع
ريهان الريح الشاذلي
الام الحبيبة البوردابية القادمة من الدوحة والدة طارق المكي ناجية مصطفى
واخير المايسترو (دي بالنسبة للشية ) انعام حيمورة
رايك شنو يا رغيم ؟؟!! ما آكلة لحوم بالجد !!
| |
|
|
|
|
|
|
Re: بورداب الخرطوم اكلة اللحوم (Re: osman righeem)
|
Quote: اخت الخير حكاية التصوير دي خليها لي زول تاني |
اخ الخير
زعلتك الصور ولا شنو ياخ دي بالموبايل بس !! هسى اقول ليك جيب لي كاميرا دقيتل وتقوم تجيبها .. لالالالا.. كفاية الموبايل الضاع
قلنا نديكم ليها على الطاير كدة ؟؟
احذفهم ؟
مودة
| |
|
|
|
|
|
|
Re: بورداب الخرطوم اكلة اللحوم (Re: عبدالوهاب علي الحاج)
|
يا وهبة ..
والحق يقال ..
العوض المسلمي
وناذر الخليفة
ومعتصم محمد صالح
هههههههههههه والله جوا كفروا ومشوا قبل الشية ما تتخت في النار لانو كان عندنا مشكلة كانون (منقد) العوض حلاها لينا ب (اللديات)
ههههههههههههه
وكمان نادية السر وازهري هاشم جوا لقوا الناس في حالة تانية (هههههههههه) القصة جابت ليها زرزرة أخير النفرز مين اكل ومين ما اكل
| |
|
|
|
|
|
|
Re: بورداب الخرطوم اكلة اللحوم (Re: osman righeem)
|
Quote: اخو الخير
والله قايلاك جبت خبر حقت امس عشان كدة نزلت البوست ...
امس القريبة دي ..
بورداب الخرطوم ديل احساس الاسرة الواحدة شوية ياخ ..
الشباب قالوا جابين خروف نسبة لتعرض طارق المكي والضيفة علينا الروسية (ألا) لحادث حركة والحمد لله على نجاتهم ...
ضربوا لي قالوا لي انتي اقرب زول ..
خميت ليك الصاج والشواية والحلل والصحانة والصواني ..
وجاء الضباح قلت ليه عايزنو بس شية جمر وشية صاج ..
وانا وحسين محي الدين مسكنا شية الجمر ..
واميرة الشيخ ونعيم وصاحبو مسكوا شية الصاج ..
التلفونات دورت في دقائق بس ..
الا الروسية المحتفى بها مع طارق المكي
اميرة الشيخ واسمهان الشيخ ونهى الشيخ
نعيم علي وصاحبه
وديدي
عصام عبد الحفيظ
انعام عبد الحفيظ
كابو
الجريفاوي
خالد ماسا
معروف حمدين
نادية السر
ازهري هاشم
تيسير النوراني
ابو ساندرا
د. امجد
د. شذى بلة
ولد خالة طارق المكي واخته
زهرة تمبس
طارق مصطفى
ماجد حسون
العوض المسلمي
ناذر الخليفة
معتصم محمد صالح
السمؤال بدر الدين
عمرو كمال
زينب الشفيع
ريهان الريح الشاذلي
الام الحبيبة البوردابية القادمة من الدوحة والدة طارق المكي ناجية مصطفى
واخير المايسترو (دي بالنسبة للشية ) انعام حيمورة |
يا خسارة ... ولا واحد فيهم إتذكرنا؟!؟!؟!؟! مش عشان اللحم ... عشان نكفر للجماعة ... وبث؟!
عموماً .... مافى مشكلة.
شول اشوانق دينق الخرطوم يا جماعة
| |
|
|
|
|
|
|
Re: بورداب الخرطوم اكلة اللحوم (Re: osman righeem)
|
يا رغيم ....
في يناير الماضي، كنت في السودان.
تجمّع عدد من بورداب الخرطوم الجميلين، (وقضيناليلة ساهرة، تضمنت محاسن)، وكان معي نفر من بورداب الخارج. على جنب كده أثرت نفس الموضوع مع المايسترو إنعام حيمورة، وفي ذهني إنو الناس ديل لى مدار السنة بيحتفلوا بالقادمين، وشواءات وباسطات ومطايب. بس بصراحة ما وصلت معاهم لأي نتيجة.
المسألة محتاجة مقترح سريع .. صندوق إجتماعي مثلاً ... ما عارف.
الناس ديل بصراحة بيحرجونا كل يوم
| |
|
|
|
|
|
|
Re: بورداب الخرطوم اكلة اللحوم (Re: osman righeem)
|
رغيم يا عمك
بقال اتصل تليفونيا وبصفته رئيس بورداب الخرطوم بيقول ليك لو مصرين على المشاركة خلاص الهينيكان عليكم
__________________________________ بقال اهو كلامك نزلتو زي ما قلتو تعال بعد يومين قول انا ما قلت انت ياخوي ما مضمون
| |
|
|
|
|
|
|
Re: بورداب الخرطوم اكلة اللحوم (Re: عبدالوهاب علي الحاج)
|
الأخ رغيم والمتداخلون: كنت في السودان الأيام الماضية من العيد وبعده بأيام مأثرته حقيقي ويحتاج التأمل وايجاد مباصرة وطريقة بعيدا عن حساسية السوداني تجاه هذه المسائل ناهيك عن بنزين وترك أسر لمتابعة تحركات البورداب الوافدين حتى موعد رجوعهم لمنافيهم أقترح ايجاد صندوق ضيافة للزوار أول ما تصل تتصل بمعتصم أو حيمورة والباقين وتدفع ما تستيطيع ويظل الصندوق مدور بس مافي ختة أولى أو تانية ويمكن يفيد الناس في بعض الموضوعات التي تطرأ من آن لآخر ومعروفة هي أحوال الناس ومعاناتهم على نفسي شكري عاجز عن إيفاء جميع بورداب الخرطوم حقكم يكفيهم أن يقابلوك بهذه البشاشة والطلاقة والترحاب كأنك تعرف لسنين عددا لهم شكري وانحناءاتي العاجزة عن ايفائهم حقهم لهم ودي المقيم بالمناسبة ألحظ هذه الأيام نشاط زائد وجميل لبورداب الخرطوم بالمنبر بهاء /طوكيو
| |
|
|
|
|
|
|
Re: بورداب الخرطوم اكلة اللحوم (Re: osman righeem)
|
بورداب الخرطـــوم نور ونـــوار حفظكم الله .. كفاره لالوشكـــا و الزميل طارق المكي ..
وسفر ديسمبريه , هنيه ومريه .
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح ـ كـوالالمبور
| |
|
|
|
|
|
|
Re: بورداب الخرطوم اكلة اللحوم (Re: osman righeem)
|
حمـدالله على السلامه يا استاذه نادية لك تحيات اختك د نجــلاء وبقيه الزملاء بماليزيا..
شا يفك ماشاءالله من اكله لحوم ماليزيه الي سودانيه .. و القاسم المشترك الشطه..واللمه.. في تطـور والله.. _______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح ـ كـوالالمبور
| |
|
|
|
|
|
|
Re: بورداب الخرطوم اكلة اللحوم (Re: شهاب الفاتح عثمان)
|
عثمان رغيم صباح الخير ياعمكـ
Quote: ياخ انا عارف الموضوع يمكن يؤخذ بشوية خجله أو عدم تعود لكن عشان تستمر هذه العاده الحميده لابد من وضع اسس للمشاركه وكلنا في الهم شرق |
شنو ياجميل....؟ اخوك مظبط حالوا للاجازة وخاتينا بالنا في عزومة كاااااااربة في قندهار ...اصلوا طولنا من لحمة الرواكيب وضبيحة الكيري. كل الود
| |
|
|
|
|
|
|
Re: بورداب الخرطوم اكلة اللحوم (Re: osman righeem)
|
رغيم امبارح في قندهار كان في واحدة خطرة حضور عجيب وشية عجيبة والعجب السكساكة كان فيها ماس خفيف كدا بخليك ظريف ظرافة اي حاجة بتضحكك واهم من دا كلو ذو اليد كان هناك
__________________________ بس النت كعب وتقيل ما قادرين نرفع الصور
| |
|
|
|
|
|
|
Re: بورداب الخرطوم اكلة اللحوم (Re: osman righeem)
|
ياعثمان
Quote: ذو اليد شخصيا!!! طيب وين سعادة السيد الرئيس؟ |
وحاتكـ...ذو اليد ده خلي الرئيس قاعد في السهلة .....سااااااكت حليلك يابقال الدخلت فوقك لاتدخل في عدو ولا حبيب ....!!! ونقترح بوجودك تكوين لجنة جديدة لاختيار رئيس جديد لبورداب الخرطوم فرع قندهار برئاسة الاخ وهبه ونائبه الحاج المسلمي بس ابعدوه من الشربوت.....!!! وانا بشرب ليكم نصيبه .....!!!!!
| |
|
|
|
|
|
|
Re: بورداب الخرطوم اكلة اللحوم (Re: haroon diyab)
|
اخزنا هارون
بورداب الخرطوم خليهم يكونو فرعيتهم وخلينا ندخل في الموضوع
ايه رأيك في صندوق التواصل
ممكن اشتراك سنوي للبره عشره دولار ولي ناس الداخل يقرروا براهم
بس مش كل واحد يشترك كل شهر ينط في الخرطوم يعني ممكن في الاعياد واجازات الصيف والتواصل يكون مفتوح للكل مشترك وغير مشترك و القصد التواصل
وقندهار حسب الظروف
| |
|
|
|
|
|
|
|