|
بالحتة الفيها الحديدة يا (ود اللمين)..شكراً بروف معز عمر بخيت
|
نقلاً عن صحيفة المجهر السياسي...
Quote:
كنت تتعلم تجامل لو فؤادك مرة جرب يا (ود اللمين)؟ د/ المعز عمر بخيت – المجهر السياسي 09/10/2012 14:20:00 حجم الخط: لم أجد في حياتي ولم أتخيل أن هناك شخصاً في هذا الوجود لديه هذه القدرة المتناهية على إحراج الآخرين على مشاهد الأعيان ومسامعهم كما فعل الموسيقار "محمد الأمين" بالبحرين.. ولم أستطع أن أتصور أن يكون هذا الرجل الذي تحتفي به الملايين من محبي الفن والغناء والطرب وهو يدغدغ مشاعرهم بجميل الألحان وعذب الموسيقى وحلو الأداء.. يتصرف هذا التصرف. الفنان كلمة ومعنى والتزام، وليس غير ذلك.. والفنان قدوة يحتذى بها في دروب الإنسانية وحميمية العطاء والإلفة وطيب المعشر وحلو الفعل قبل الكلم واللحن والأداء.. لقد روع الموسيقار "محمد الأمين" دواخلنا وتهاوى من أنظار محبيه قبل أن ينحر أفئدة محبي أعماله في مساء الخميس الرابع من أكتوبر عام 2012م بمسرح مركز المعارض الدولي بالمنامة في ليلة تكريمه من قبل الجالية السودانية بـ (البحرين) ضمن فعاليات (مهرجان البحرين الدولي الـ 21 للموسيقى) الذي تستضيفه المملكة في إطار احتفالاتها بالمنامة عاصمة للثقافة العربية 2012م. الذي حدث يا سادتي أنه قد تم اختيار الموسيقار "محمد الأمين" ليمثل السودان في هذا الحدث الكبير مع كبار وعظماء الموسيقى العربية من قبل اللجنة العليا المنظمة لهذا النشاط، وقد تم ترشيحه بواسطة قامات سودانية بارزة لها وضعها بوزارة الثقافة البحرينية، حيث تقرر أن يقدم نماذج للفن السوداني بآلة العود في القاعة الثقافية مساء الأربعاء 3 أكتوبر 2012م ثم يُحيي حفلاً ساهراً يتم فيه تكريمه في اليوم التالي، وقد احتفى به الجميع في المنامة منذ وصوله رسمياً وشعبياً وإعلامياً، وقد أوردت الصحف البحرينية ذلك وذكرت أنه سيتسنى لجمهور المهرجان الدولي الـ 21 للموسيقى فرصة الاستمتاع بأسلوبه الأخاذ الذي يوظف فيه حسه المرهف وصوته النقي بشكل بديع ليستنطق فيه آلة العود وينتج ألحاناً تتميز ببعدها الرسالي والنضالي.. كما تتاح الفرصة للجمهور في مملكة البحرين بالاستماع إلى الأغاني والألحان الشجية لـ"محمد الأمين" بمصاحبة فرقته الموسيقية في الحفل الساهر يوم الخميس الرابع من أكتوبر بأرض المعارض. لقد تم الاتفاق على ما ورد في الأخبار أعلاه على أن يتقاضى مبلغ (15) ألف دولار أمريكي، كما سيقدم له درع خاص وشهادة تقديرية، وأيضاً قررت إدارة النادي السوداني تحمل كلفة علاجه بأحدث مستشفيات البحرين التخصصية وعلى أيدي أكبر الأطباء الاستشاريين، هذا غير الاستضافة في فنادق (5) نجوم قبل وبعد الفعاليات، مع كامل الخدمات وتذاكر سفر على الدرجة الأولى وسيارة فارهة وسائق ومرافق طوال فترة اقامته بـ(البحرين). ارتأت اللجنة السودانية المنظمة لحفل التكريم توثيق هذا الحدث المهم عبر قناة (النيل الأزرق)، وتم الاتصال بالأستاذ "حسن فضل المولى" وبالموسيقار "محمد الأمين"، وقد علمت اللجنة أن هناك بعض الخلافات السابقة، لكن وافق "محمد الأمين" أن تسجل القناة حفل التكريم وتتم مناقشة الخلافات لاحقاً وحلها قبل بث الحفل، وذلك تقديراً منه كما ذكر لكل هذه المجهودات التي بذلت من أجله ووفاءً لأهل الوفاء. وعليه فقد حضر وفد قناة (النيل الأزرق) وعند حضورهم لـ(البحرين) تم تأكيد ما اتفق عليه. مرت ليلة العود في اليوم الأول بسلام وازدادت تألقاً بمصاحبة فرقة موسيقية رائعة من حوالي عشرين عازفاً، وقد أمها الكثير من الجمهور البحريني والعربي والسوداني وكان على رأس الحضور الشيخة "مي آل خليفة" وزيرة الثقافة البحرينية. في صبيحة اليوم الثاني، وهو يوم حفل التكريم الجماهيري، قدمت لجنة النادي السوداني مبلغاً رمزياً لكل عازف عبارة عن (200) دولار، وفي نفس الوقت تسلم "محمد الأمين" مبلغ (15) ألف دولار، غير ما قررت اللجنة تقديمه له، كتكريم آخر غير المتفق عليه قبل الحفل، وغير تغطية نفقات علاجه واستضافته بعد قضاء المهمة الرسمية ولمدة خمسة أيام بفندق (الريجنسي) أحد أفخم الفنادق بـ(البحرين). عندما علم "محمد الأمين" بأن العازفين تلقوا هذه الإكرامية لم يرضه ذلك واتصل بإدارة النادي مقرراً إلغاء الحفل.. فهل استكثر هذا المبلغ الضئيل عليهم؟ وهنا بدأت حملة (التحنيس) من كل الجهات وعلى أعلى المستويات، وأبلغوه أن هناك مبلغاً آخر كان سيقدم له، وعندما ذهب إليه ممثل النادي وقدم له مبلغ ألف دولار إضافي قال لمندوب النادي دع العازفين يأتون بفنان آخر لكم، وخذ هذا الظرف واذهب.. فترك ممثل النادي الظرف له، وقال بأنه مكلف باعطائه المبلغ وليس الرجوع به. وتواصلت (التحانيس) ومحاولات إقناعه بإقامة الحفل، وأن مبلغاً آخر إضافي سيقدم له قبل الحفل بالمسرح لكن ظل "محمد الأمين" رافضاً الحضور للحفل، إلى أن تم جمع مبلغ جديد له مما تسبب في تأخير الحفل ساعتين من الزمن وسط ضجر الحضور والاحراج الكبير للضيوف غير السودانيين وكبار الشخصيات الذين غادر بعضهم مكان الحفل بعد الملل الشديد وطول الإنتظار. الأدهى في الأمر أنه وبعد حضوره للمسرح لم تكن معه ريشة العود ولم يقبل أي ريشة أخرى مما استدعى تأخير الحفل لنصف ساعة أخرى كي يذهب أحدهم للفندق لإحضار الريشة. لم يكتفِ "محمد الأمين" بذلك، ففجأة وبلا مقدمات والفرقة بدأت تعزف مقدمة أولى أغنياته (زاد الشجون) حمل المايكرفون وقال إنه ليس هناك من اتفاق مسبق مع قناة (النيل الأزرق) في موقف محرج أمام الجمهور والضيوف وعلى الملأ، وهو أمر في غاية الغرابة وعدم تقدير الاتفاقيات حتى ولو كانت شفهية.. خاصة وأن وفد (النيل الأزرق) لم يكن طرفاً في المسألة المادية المتعلقة بالعازفين وردة فعله عليها.. حمل فتية (النيل الأزرق) أدواتهم بصمت وعزة نفس وكبرياء وخرجوا متلفحين بتعاطف الجميع معهم وبصمت القاعة حتى مطلع الأسف على هذا الموقف ممن نعتبرهم أصحاب رسالة.. كان من الأولى برجل في قامته أن يخبر المسؤولين بنقضه للاتفاق وليس على الملأ هكذا، ولعل القناة - وهي ليست طرفاً في ما حدث - كانت ستفي بوعدها وتحل معه أي إشكال مادي أو إداري قبل بث الحفل وهو الذي يكرم فيه وفي أول زيارة له لمملكة البحرين ووسط كل هذا الزخم الإعلامي في مهرجان الموسيقى العربية و(المنامة) عاصمة الثقافة وهو لا يعلم أنه الخاسر الأوحد إعلامياً وانسانياً ومادياً. والله لو كنت مسؤولاً عن هذا الحفل لأنزلته من على المسرح وألغيت الحفل لأن من يقوم بمثل هذه الأفعال لا يستحق التكريم ولا يستحق جليل الألقاب التي أطلقت عليه، لأن الفن أفعال إنسانية وحضارية وليس استرزاقاً وجرحاً للمشاعر وأذى للآخرين.. وقد انتظر الحضور بالأيام والليالي والساعات والدقائق والثواني وقدموا لك خلجات قلوبهم محبة وعرفاناً، وتبرعوا لك بمالهم ووقتهم وجهدهم لتظهر بديع أعمالك ثم تأتي في لحظة تحبط بمشاعرهم وتبعثر طيب خواطرهم بين ردهات الأسى والحزن المعتق بالندم على كل خطوة مشوها إليك، وبنفس اللحظة وإحساسها تقدم غناءً عاطفياً تستنطق به الهوى في نفوس متعبة وتائقة للخلاص من رهق الحياة المقيت، وأن تؤدي دون إحساس يذكر أرق الكلمات وأكثرها شجناً مما حدى بالبحرينية التي كانت بقربي أن تقول لي بالحرف الواحد: لم أعرف أن أبكي لإحراجه للناس أم لشجن كلماته؟!! وقد كان يردد في تلك اللحظات: ماهو باين في العيون وين حنهرب منو وين؟ الهوى البعث الليالي العامرة بي زاد الشجون يفتح قلوبنا ديار محبة ديار حياة للعائدين ما بنقاوم وكيف حنقدر وين حنهرب منو وين؟ ما إفتكرت الحظ يساعد عمري ويورد من جديد من بعد فرقتنا ديك مين كان بيفتكرك تعود كنت بحتاج ليك بشدة وانت عني بعيد مافي عيشة بلاك بتبقى مافي نشوى ومافي ريد والهوى الجمبك عرفتو عاطفة ملتهبة وعهود وين حنهرب منو وين؟ إدعينا وقلنا تاني ما حنشتاق في عمرنا وقبل ما تمر ليلة واحدة بي حرارة الشوق غمرنا كم لهينا وقلنا إمكن ندفن الحب في سهرنا الحياة صعبت علينا وبأثر فقدك شعرنا شفت كيف حبك حياتنا؟؟ أنت يالحبك حياتنا كيف بدون حبك نكون؟ شفت كيف حبك بيعمل؟ بشغل الوجدان بيعذب وبرضو بتقول عني خادع وإني بتلاعب وبكذب ليك حق دنياك خالية لا بتشيل هم لابتتعب كنت تتعلم تجامل لو فؤادك مرة جرب إنو ما يدق دقة واحدة إلاّ ويتفجر حنين يفتح قلوبنا ديار محبة ديار حياة للعائدين ما بنقاوم كيف حنقدر وين حنهرب منو وين؟ وأذكر هنا موقفاً قديماً حين كنت طالباً بكلية الطب جامعة الخرطوم عام 1982م وقد كنت المسؤول الثقافي عن أسبوع لإحتفال باليوبيل الفضي لكلية الطب الذي نظمته الرابطة، وكان "محمد الأمين" فنان حفل الختام، ويا سبحان الله ابتدر الحفل بنفس الأغنية (زاد الشجون) وعندما كان يؤدي الأغنية حضر مصور الثقافة والاعلام بكاميرا سينما وهو يوثق لحفل الختام كما وثق لكل فعاليات اليوبيل، فقطع "محمد الأمين" الأغنية ونزل من المسرح وذهب لعربته المازدا 80 رافضاً مواصلة الحفل ورافضاً توثيق إحدى فعاليات اليوبيل حتى ولو لدقائق معدودة ضارباً بتوسلات كبار مسؤولي وأساتذة الجامعة وطلابها عرض الحائط. { مدخل للخروج: أقابلك وكلي حنية.. وأخاف من نظرتك ليا.. وأخاف شوق العمر كلو يفاجئك يوم في عينيا.. ورا البسمات كتمت دموع بكيت من غير تحس بيا..
|
ديشااااااك...
بروف معز يا حبيب..الله يخضر يراعك وضراعك..
..
.
|
|
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Bushra Elfadil)
|
الأخ الأكبر الدكتور بشرى الفاضل...
أرجو أن تكون بخير..
آخر مرة قابلتك كانت في حفلة عركي وأخذتك "هزينا وبشرنا" فوق عركي..
عركي الجميل.."طبع" قبلته الحنييييييييييينة ديك على عنقك..
وهمست أنا في أذنك ما همست..
نرجع لموضوعنا:
Quote: هذا التشهير بمحمد الامين بهذه الكيفية من معز عمر بخيت في مقاله وهذا البوست أيضاً لا يليق. |
التشهير؟؟
غايتو "بالحتة الفيها الحديدة" دي تعبير ساي..لكن ما لا "يليق" فعلاً يا دكتور هو استخدام كلمة "تشهير" هنا...
لو سألتني لماذا؟؟ أقول ليك: التشهير بشخص "داسيها"...وأبو اللمين حسب تواتر الروايات ما كان "داسيها" ولا حاجة..
عملها ظاااااااااااهرة...برغم ما أغدقه عليه القائمون على تنظيم تلك الفعالية... بعدين عملها "لايف" ومن على خشبة المسرح
والخلوق دي كلها والدنيا والعالمين شهود....وبعد دا كله تجي تقول لي تشهير؟؟ والله كان تشهير ما عارف..
أما "يليق" دي نخليها شوية..بعد نتفق في حتة تشهير دي.. أوكي؟؟
Quote: محمد الأمين قامة فنية كبيرة ومن المؤكد أن له حججه في كل ما جرى. فلو ان كاتب المقال أوضح وجهة نظره من جانب واحد فما حجة صاحب البوست؟ |
من غير حجة... لم أشأ متابعة البوستات المشابهة كلها وذات الصلة والمجاورة..شأني في ذلك شأن كل المحبين لفن وعبقرية أبو اللمين...
لكن ..ولما كان البروف بالنسبة لي على الأقل ..أهل للثقة إن لم يكن أحد مصادرها..
ولما كان الأمر قد انتقل إلى صفحات يطالعها جميع الناس
في الحافلات والبصات السياحية ودواوين المصالح الحكومية بما فيها وزارة الثقافة والموظفين والمعاشيين وكاااااااااااااااااافة الناس..
لا وشنو..بيدفعوا قروش كمان عشان يقرأو الجرايد...
فقلنا ندفقها ليهم هنا "نقلاً عن"...و"بجان" ساااااااااي..
..
Quote: هل سال محمد الامين؟ |
لا لا والله...أكضب عاد؟؟
أمنح نفسي حق "النقل" والنقاش..وبالكتير خالص الاستنكار ثم الحسرة..
ولكني لن أمنحها "إن طارت" حق سؤال الأستاذ أصحيح فعلت كذا وكذا وكذا...عيب ياخ..
......
Quote: ليس لدي هاتف مباشر مع الفنان محمد الامين لكن سابحث عنه وآتيكم بوجهة نظره في كل ما جرى واتمنى أن أجد صوت ورأي بعض العازفين أيضاً ووجهة نظر أخرى من بورداب البحرين. |
ننتظرك على أحر من الجمر يا دكتور...وإن شاء الله ربنا يكضب الشينة...
لأنها فعلاً شينة شديد والله..
ما لم يثبت العكس..
هذا مع أكيد تقديري ومحبتي لك
..
.
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: محمد البشرى الخضر)
|
Quote: لا حول ولا قوّة إلاّ بالله نحب محمد الأمين ونحب فنه بل ونعشقه عديل كدا وما بنرضى فيه وفي نفس الوقت ما بنرضى ليه اللوم لكن الذكره دكتور معز ومن قبل الأخوان بدري و حمد ما يديك فرصة حتى تلقى عذر |
علي مسئوليتي الشخصية يا ود البشري حب محمد الأمين وحب فنه وأعشقه وقف حيثما أنت من عدم رضاك لومه...
فما كتبه البروف معز ومع كامل تقديرنا له...فيه تحامل واضح علي ود الامين فحتي ريشة أبواللمين لم تسلم من النقد...(حينما أشار إلي أنه لن يصعد المسرح الا لما يجيبوا ليه ريشته من الفندق؟) وشاهدناه وسمعناه غني بدون ريشته...(وسجلناه كمان)
يشهد الله أنا لي مدة بفتش عن موقع أرفع فيه جانبامن الحفل لأثبت عكس ما أشار اليه الاخوة بدري وحمد والبروف...دون أن أتحدث أو أكتب شيئا...وتكون تلك الصور والفيديوهات هي وجهة نظري المناوئة لسلخ بدري والبروف لأبي الامين...
هناك قطعا أخطاء في الحفل لا ينكرها الا مكابر ولكن لا يتحملها محمد الامين وحده...وقد إعتذر عنها الاستاذ عبدالله عباس نيابة عن اللجنة المنظمة في بوست بدري...
محمد الامين في هذا الحفل أثبت أنه مغني محترف وقد جاملنا كثيرا حينما غني بجهاز صوت رديء...ولو كان فعلا كما وصفوه لما غني أصلا....فأجهزة الصوت والمسئولون عنها ليس بينهم محمد الأمين...
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: nazar hussien)
|
قل من مبدعي السودان من يتصرف بتواضع و السبب التضخيم و التاليه ...
احب فن و ابداع ود اللمين لدرجة الجنون ... لكن ما قام به في هذا الحفل حسب ما ورد من بعض الحضور و في حفل اخر عندما رفض التقاط صور له مع بعض المعجبين بطريقة فظة ادوني صورة كاملة عن ابو اللمين الانسان .... كنت اتمنى ابو اللمين الانسان هو ابو اللمين الفنان لكن للاسف خاب املي
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: nazar hussien)
|
الأخ الفنان الجميل نزار حسين..ياخ مشتاقين والله..
Quote: يشهد الله أنا لي مدة بفتش عن موقع أرفع فيه جانبامن الحفل لأثبت عكس ما أشار اليه الاخوة بدري وحمد والبروف...دون أن أتحدث أو أكتب شيئا...وتكون تلك الصور والفيديوهات هي وجهة نظري المناوئة لسلخ بدري والبروف لأبي الامين... |
لا أقدح في مصداقيتك..ولا أضاهيها بمصداقية أي من الثقاة..
ولكني لم أستغرب رؤيتك بعيون "الفنان" العايز "يلطش" ليهو تكنيك من أصابع محمد اللمين..
وما "خساك" بمنظومة الأخطاء والحاجات المستفزة التي أخرجت من شخص زي بروف معز كل هذه الزفرات الحرى...سنة يا الانتباهة؟؟
كدي "ألحقنا" بالمواد العندك..
وليك علينا...نستمتع بيها زي الما حاصلة حاجة..
وأبو اللمين دا من يومو كبير...لكن مو كبير آآجنا على السلخ إن بقى سوى في الناس جنس الكلام الـــ"سمعناهو" دا...
كن بخير يا زول يا رائع..
..
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Rawia)
|
قصه شبيهه بما حدث فى البحرين حدثت معنا فى الدوحه عندما كان أيضا الفنان محمد الأمين مدعوا لأسبوع السودان إبان كانت الدوحه عاصمه للثقافه العربيه 2010 . فقد تم الإتفاق معه غلى إحياء حفل خاص بعد إنتهاء فترة دعوته الرسميه وبالفعل قام مشكورا الأخ لؤئ عازف الكمان القدير بفرقته بإتمام عملية الإتفاق والتى كان أسهل منها عمل إنقلاب عسكرى على حكومة المؤتمر الوطنى ! فقد كانت مفاوضات شاقه وربما كانت مفاوضات نيفاشا وأديس أرحم منها . لكنى والأخ عمر سعد كنا صبورين غاية الصبر وتحملنا كثيرا من الإستفزاز والمهانه فى سبيل أن نصنع أمسيه من الطرب الجميل للجاليه فى الدوحه . وكان لوقوف العازفين فى صفنا أيضا دافع لنا لتحمل كل الأذى والعنت الذى وجدناه من الأستاذ , بالتأكيد الأستاذ محمد الأمين فنان كبير وناجح ولكنه راسب بجداره فى موضوع الفلوس .
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: كمال سالم)
|
العزيز كمال سالم...
حبابك..
Quote: قصه شبيهه بما حدث فى البحرين حدثت معنا فى الدوحه عندما كان أيضا الفنان محمد الأمين مدعوا لأسبوع السودان إبان كانت الدوحه عاصمه للثقافه العربيه 2010 . فقد تم الإتفاق معه غلى إحياء حفل خاص بعد إنتهاء فترة دعوته الرسميه وبالفعل قام مشكورا الأخ لؤئ عازف الكمان القدير بفرقته بإتمام عملية الإتفاق والتى كان أسهل منها عمل إنقلاب عسكرى على حكومة المؤتمر الوطنى ! فقد كانت مفاوضات شاقه وربما كانت مفاوضات نيفاشا وأديس أرحم منها . لكنى والأخ عمر سعد كنا صبورين غاية الصبر وتحملنا كثيرا من الإستفزاز والمهانه فى سبيل أن نصنع أمسيه من الطرب الجميل للجاليه فى الدوحه . وكان لوقوف العازفين فى صفنا أيضا دافع لنا لتحمل كل الأذى والعنت الذى وجدناه من الأستاذ , بالتأكيد الأستاذ محمد الأمين فنان كبير وناجح ولكنه راسب بجداره فى موضوع الفلوس .
|
قلبي على لؤي ذلك الفنان الرقيق وزملائه المهرة..
لكن الأستاذ صعب شديد والله...
وهو في النهاية "أستاذ" لا جدال البتة في الحتة دي..
..
إلى متى تظل ثقافة "مدير الأعمال" غائبة حتى عند
كبار مبدعينا... بغض النظر عن "وهمات" جماعة ناذر ديلاك...
شكراً ليك يا كمال ياخي..
..
.
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Rawia)
|
التحيه ليك محمود مصطفي
في البدايه اقول ، ودالامين فنان يحترم نفسه وفنه
لا اقدح في مصداقيه كاتب المقال و المشاركين ولكن تبقي للحقيقه اوجه مختلفه. اعطاء كل عازف مبلغ 200 دولار يزيد الشكوك في الموضوع ككل. هنا تظهر المشكله ، عدم الايفاء بمبلغ الحفل كاملا للاستاذ ود الامين، ومحاوله ترضيه العازفين لقيام الحفل.
لذلك اقول كما قال ناصر
Quote: سلامات محمود وضيوفه لا تحكموا من زاوية واحدة ما حتوضح الصورة حتى نسمع دفاع الأستاذ محمد الأمين |
وشكرا
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Azhari Nurelhuda)
|
Quote: حولت البنت لمرأة .. فتأمل! |
لمن أتكتبت الحكاية الزولة كانت بنت و الآن ممكن تكون بقت مرأة.. ياخ عالم ساكة الفارغه بس .....
-------------------------------------------------------------------------------------------------------------------------------------------------------------
خلينا فى موضوع البوست:
بى أمانة مسألة تصوير الحفل و من ثم الذهاب للخرطوم لأجل الأتفاق، فكرة فاقدة للمهنية و تلائم (حكاية المواسير المالية البلد)..
فى مليون طريقة لعمل العقد و التفاوض حول تفاصيل التصوير. أعنى تفويض أحد أفراد بعثة التصوير، التلفون، الإسكايب، الفاكس... و غيرها
القناة موغلة فى السبهللية. و مهنية الأستاذ لا تسمح بالنزول لهذه الدرجة المتواضعة..
بعدين أنتوا التصوير ده مافيه جوانب فنية كثيرة و تفاصيل يجب الأتفاق عليها..
أعتقد أنوا القناة لم تحترم الأستاذ و تعاملت مع الموضوع بصورة أقل ما يقال عنها (متخلفة)..
من هنا أدعوا لوقف هذه البوستات ذات الغرض (الغرض مرض). وافر احترامى لمحمد الأمين و معجبيه..
تحياتى يا حوته و كلوا إلا الأستاذ، و بنبه لى الناس الداير تظهر على أكتاف الآخرين ( و ليست النخب و غيرها من العوة عنكم ببعيد)...
مودتى للجميع و بلا حدود
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Azhari Nurelhuda)
|
Quote: قصه شبيهه بما حدث فى البحرين حدثت معنا فى الدوحه عندما كان أيضا الفنان محمد الأمين مدعوا لأسبوع السودان إبان كانت الدوحه عاصمه للثقافه العربيه 2010 . فقد تم الإتفاق معه غلى إحياء حفل خاص بعد إنتهاء فترة دعوته الرسميه وبالفعل قام مشكورا الأخ لؤئ عازف الكمان القدير بفرقته بإتمام عملية الإتفاق والتى كان أسهل منها عمل إنقلاب عسكرى على حكومة المؤتمر الوطنى ! فقد كانت مفاوضات شاقه وربما كانت مفاوضات نيفاشا وأديس أرحم منها . لكنى والأخ عمر سعد كنا صبورين غاية الصبر وتحملنا كثيرا من الإستفزاز والمهانه فى سبيل أن نصنع أمسيه من الطرب الجميل للجاليه فى الدوحه . وكان لوقوف العازفين فى صفنا أيضا دافع لنا لتحمل كل الأذى والعنت الذى وجدناه من الأستاذ , بالتأكيد الأستاذ محمد الأمين فنان كبير وناجح ولكنه راسب بجداره فى موضوع الفلوس . |
حدث فى نفس الحفل أيضا أن توقف الحفل مرتين:
ألأولى كانت بسبب عدم رضا الأستاذ محمد الأمين عن أداء مهندس الصوت وقد تفهمت شخصيا ذلك فالشاب الذى كان يجلس وراء جهاز الساوند فيما يبدو لم يفرق ما بين أن يكون الفنان موسيقار كبير كالأستاذ محمد الأمين وأى ركشة أخرى لا يفرق معه الموضوع كثيرا وقام أحد الشباب العازفين وهو عازف كمان بإفهام الرجل الطريقة التى يفضلها الإستاذ فى ضبط الصوت ولكن كان التوتر قد أفسد الكثير ونفس هذا العازف ذهب مباشرة لغرفته بعد هيجان مصرانه العصبى وأظنه لم يأتى للحفل مرة أخرى!!!!!
الثانية عندما طلب الأستاذ من الحضور عدم التصوير والتسجيل!!!! وحضر طفل صغير حاملا كاميرا موبايل!!!وبصراحة كان رد الفعل غير مناسب ابدا خاصة أن الموضوع عادى والطفل فوجئ بغضب الأستاذ..
واحد أخونا ولا داع لذكر الأسماء الأستاذ صرف ليهو كاش دون ذنب جناه غير إنو دقس دقسة سغيرونة وليوم الليلة مخلوع ...
الأستاذ محمد الأمين معروف بإنو مزاجو(Fragile )جدا ولا يقبل الأخطاء والخرمجة ويتعامل معها بغلظة أو مبالغة وليس لأحد أن نلومه فى تثبيت حقوقه المادية لأن كثيرا من الحوادث وعمليات نصب كان ضحيتها الفنانين خاصة من وكلاء أو منظمى الحفلات فى الخليج خصوصا..
إحراجه لجالية كاملة وضيوف كرام ومعجبين جاؤوا خصيصا ليمتعوا أنفسهم بحضور حفل مميز إذا حدث فعلا فهو شئ مخجل و محرج ويخصم من رصيد الفنان ولكن حسب ما قيل أن الصالة كانت غير مشرفة وأجهزة الصوت دون المستوى أو الحضور كان كثير الحديث وبصوت عال والتكييف ضعيف والعدد الكبير من الحضور الذين لم يستطيعو أن يحصلوا على كراسيهم التى حجزوها ودفعوا ثمنها كاملا دليل على وجود قصور وسوء فى التنظيم وهنا يصعب لوم الفنان وحده..
عبقرية محمد الأمين وتاريخه يحتم علينا البحث عن أسباب حقيقية أدت لهذا الحرج البالغ!!!!
ياخ إنتو قولو الحمد لله الأستاذ ما صرف ليكم على الهواء مباشرة زى أخوكم المذكور أعلاه دا ...
تحياتى..
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Azhari Nurelhuda)
|
الأخوان أزهري ودكتور ياسر عبد القادر..
حبابكم الاتنين..
Quote: هذا الرجل لا يسئ إلا إلى اللذين يحترمونه ويقدرون إبداعاته وجليل أعماله.... والمسألة لا فيها حقوق ولا واجبات ولا يحزنون المسألة هي إنه الزول ده هو كده وبس... ويقبل بذلك على علاته....كبني آدم في مسألة المادة دي (الفلوس) صعب جداً جداً...
|
يعني عشان الناس تتفادى الإساءة - مثلاً - تقوم تتحول إلى فئة من "لا" يحترمونه ويقدرون إبداعاته
وجليل أعماله ولا كيف؟؟
Never Too Late
الناس يقولوا ليهو بالواضح أخطأت يا أستاذ..
وإن أصاب يقولوا ليهو أصبت يا أستاذ..
أما إبداعه وعبقريته ولاااا كتر خيرنا نعترف بيها..
وبس..
..
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Rawia)
|
Quote: النبي دا كلام تخاطب بيهو صاحب المرأة التي طارت عصافيرها
____ لم أت لحوار بالقطع |
طبعاً عارفين مستويات اللغة ونحسب أنفسنا أقرب (على الأقل جغرافياً) لصاحب
"البنت" التي طارت عصافيرها..مروراً بـ"نفسي في داخلك أعاين"..والطفابيع..
والمقامات محفوظة وكل حاجة...ونحسب أن الدكتور عارفنا نحترمه ونقدره
بل ونسعد به بيننا هنا في جدة الجميلة بوجوده..
________
قلت ليك يا راوية...الزول الما جايي لحوار ظااااهر الزمن دا..
..
.
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Mahmoud Mustafa Mahmoud)
|
سلام يا محمود مصطفى محمود
أنا ما عارف ليه نحنا دائما بنفترض إنو كل الأشياء تمشي بالنية الطيبة وبالمجاملة
محمد الأمين فنان محترف والفن مهنته التي يتكسب منها وهو ملتزم تجاهها
واحدة من أتنين يا نقول ليهو يا محمد الأمين نحن ما عندنا قروش ونطلب انسانيتك عشان تعمل لينا حفلة بلاش وعايزين نصورها وكل الحاجات بلاش ونتحصل على موافقتو المسبقة
أو لما المسألة تبدأ باتفاقيات وحقوق على كل طرف أن يلتزم بما عليه من التزامات وإلا من حق الطرف الثاني الرفض وهو غير ملام ولا يفرق المكان سواء كان الخرطوم او المنامة أو لندن
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: حمد عبد الغفار عمر)
|
حمد يا فنان.. إزيك..
Quote: محمد الأمين فنان محترف والفن مهنته التي يتكسب منها وهو ملتزم تجاهها
واحدة من أتنين يا نقول ليهو يا محمد الأمين نحن ما عندنا قروش ونطلب انسانيتك عشان تعمل لينا حفلة بلاش وعايزين نصورها وكل الحاجات بلاش ونتحصل على موافقتو المسبقة |
كلامك يا حمد وجيه إذا تمت قراءته فقط على خلفية إن المشكلة في عدم دفع الإلتزام المالي للأستاذ..وإنه تم "استكرات" الأستاذ
في حقوق التصوير والبث وما يسبقها ويعقبها من ترتيبات ...
ما فهمته أنا من مقال البروف وبعض القراءات المتفرقة..إنه الأمور كلها كانت عال العال..
والأستاذ فجأة كدا جاط الدنيا كلها..ولخاها ليهم لخ من لا يخشى اللوم والعتاب..
كن بخير.. ومعاً ضد العجرفة الزائدة...
ومعاً من أجل ترسيخ مفهوم المهنية والتخصصية وإرساء ثقافة "مدير الأعمال"..
على الأقل يشيل وش القباحة بدل يخلي المبدع "يخلصها" من الركاب ويشتبك معاهم
في "الفكة"...هذا كل ما هنالك..
..
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Mahmoud Mustafa Mahmoud)
|
تحياتى للجميع
Quote: (2) لفائدة برامج النادي و الجالية تم الإتفاق مع القناة على تأخير البعثة لتتزامن مع مجيء الأستاذ/محمد الأمين و حينها ذكر لنا الأستاذ/ حسن فضل المولى ضرورة الإتفاق مع الفنان لتصوير الحفل على أن يقوموا هم بالإتفاق معه على حقوقه في البث بعد العودة إلى السودان مع التأكيد على أنهم لن يبثوا الحفلة إلا بعد الإتفاق معه. |
هذه الفقرة التى جاء بها كاتب المقال د. معز غريبة جدا كيف ترضى قناة محترمة لنفسها مثل هذه الاتفاقات الشفهية الفطيرة ؟؟ كيف يتم التصوير اصلا من غير اتفاق على كل التفاصيل بما فيها القيمة المادية ؟؟ وكيف يتم الاتفاق من غير توقيعات من الطرفين ؟؟ وكلنا يعرف شروط التعاقد وما فيها من حفظ حقوق للطرفين .. هنا قبل ان نسوق اللوم على الاستاذ ود الامين كان على القناة ان تنجض شغلها قبل احضار الكاميرات طالما ان كل شى تم شفاهة وها هو الاستاذ يلغى الامر شفاهة حتى وان كان محرجا للقناة.. لوموا انفسكم قبل ان تلوموا غيركم حتى وان اخطأ ود الامين بطريقة رفض التصوير من على خشبة المسرح .. وسؤال اخير ماذا يعنى ان يتم التصوير ثم يتم الاتفاق لاحقا على البث او عدمه؟؟
تخريمة .. كان لنا صديق فنان وكنا كثيرا ما نساله عن عدادات الفنانين ولماذا بعض الفنانين يصرون على ان يقبضوا اجرهم مقدما .. فبين لنا ان الغناء ليس بضاعة تؤخذ ثم يتم استردادها اذا لم تنفع .. هذا الغناء لحظى فاما ان تنال حقه مقدما او لن تناله ابدا لانه ليس من الممكن ان تطالب ممن تغنيت لهم باسترجاع الغناء لك .. فود الامين معه حق فى ان يضمن حقوقه مقدما.. والخطأ هنا تتحمله القناة وطريقتها الفطيرة فى ابرام الاتفاقيات ..
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: أيمن الطيب)
|
محمود سلام عليك وعلى ضيوفك لا اعتقد ان هناك تشهيراً بالموسيقار المبدع ود الامين وانا متيم بغناه للغاية... وبروف معز كتب عن حقيقة وموقف عايشه ومن كشف حال امام جمهور سوداني وبحريني واحتمال جاليات اخري يعني الغتغته لا تنفي انه حصل وفي النهاية الامر كله بيرجع لسبهلليتنا وعدم احترافيتنا (ود الامين وافق شفهياً بان تصور القناة الحفل وبعدين يتفاوضوا على المقابل المادي وناس قناة النيل الازرق اعتبروا الموضوع منتهي وخلاص ) يعني عشوائية من الاستاذ قابلتها عشوائية من ناس القناة ) ولا اجد تعبيرا افضل مما ذكره الاخ ايمن الطيب في الاقتباس :
Quote: عزيزى محمود
رغم كل شئ لكن الموضوع فى مجمله ولا يتعدى كونه (خرمجة) سودانية أصيلة أوصلت كل الأطراف لهذا الحرج والموقف السخيف!!!! طريقة تنظيم وظروف الحفل ثم تفاصيل الإتفاق مع الأستاذ محمد الأمين ثم طريقته فى التعامل كانت بعض الأسباب,, ,, |
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: إسماعيل حسن)
|
الأخ الأستاذ محمود مصطفى والمتداخلون الكرام
والله قرأت كل مداخلة هنا وقرأت مداخلة الإخوة بالرابط الذي أتى به عزيزنا د. معز. قرأتها لأن ود الأمين يحتل ركنا مميزا في بيت الفن السوداني ويهمنا أن نتابع كل صغيرة وكبيرة في حدث مثل هذا الحدث الذي أغضب محبيه بالوطن وبالمهجر.
كثيرون هم من إستغربوا هذه التصرفات من قامة فنية.
بعد قراءة كل هذا الزخم من التعليقات التي أحترمها كلها وأحترم كاتبيها، هناك سؤال حيوي يبرز :
هل هناك سبيل لفض الإشتباك بين شخصية الفنان وبين فنه ؟ بمعنى : هل يمكن أن أعشق فن الفنان بينما تكون شخصيته غير محبذة عندي ؟ هل يبقى فن الفنان من جهة وتصرفاته الشخصية من جهة أخرى كقضبان السكة حديد لا يلتقيان عند عشاق فنه ؟ أم أنهما ( فنه وشخصيته ) قطبين يولِّدان جملة موسيقية وبطاقة شخصية في آن واحد ؟
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: ابو جهينة)
|
أوووووووووهـــ....
أمانة عاد البوست لما يجيب ليهو عُمد..قصتنا بتكون صعبة خالص..
خاصة في ظل طرح العمدة أبو جهينة لتساؤلات من فئة:
Quote: هل هناك سبيل لفض الإشتباك بين شخصية الفنان وبين فنه ؟ بمعنى : هل يمكن أن أعشق فن الفنان بينما تكون شخصيته غير محبذة عندي ؟ هل يبقى فن الفنان من جهة وتصرفاته الشخصية من جهة أخرى كقضبان السكة حديد لا يلتقيان عند عشاق فنه ؟ أم أنهما ( فنه وشخصيته ) قطبين يولِّدان جملة موسيقية وبطاقة شخصية في آن واحد ؟ |
حبابك يا عمدة وحباب ريحة الناس الفاهمة ..
معك نتساءل..
فهل من مجيب؟؟
..
.
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: إسماعيل حسن)
|
الحبيب إسماعيل حسن..
Quote: لا اعتقد ان هناك تشهيراً بالموسيقار المبدع ود الامين وانا متيم بغناه للغاية... وبروف معز كتب عن حقيقة وموقف عايشه ومن كشف حال امام جمهور سوداني وبحريني واحتمال جاليات اخري يعني الغتغته لا تنفي انه حصل وفي النهاية الامر كله بيرجع لسبهلليتنا وعدم احترافيتنا (ود الامين وافق شفهياً بان تصور القناة الحفل وبعدين يتفاوضوا على المقابل المادي وناس قناة النيل الازرق اعتبروا الموضوع منتهي وخلاص ) |
يا سيدي .. لا فُض فوك..وصح لسانك..
وباللبناني: يسلم تمك..
خاصة في الحتة بتاعة عدم الاحترافية دي..
..
.
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: أيمن الطيب)
|
الأخ أيمن الطيب..حبابك تاني وتالت..
Quote: رغم كل شئ لكن الموضوع فى مجمله ولا يتعدى كونه (خرمجة) سودانية أصيلة أوصلت كل الأطراف لهذا الحرج والموقف السخيف!!!! طريقة تنظيم وظروف الحفل ثم تفاصيل الإتفاق مع الأستاذ محمد الأمين ثم طريقته فى التعامل كانت بعض الأسباب,,
|
تلخيص معلمين والله...
لكن الكلام دا تقولوا لزول ما عندو "حديدة" يا حبيب..
ما يُستفاد من مقال البروف معز والبوست:
1) لا كبير فوق "اللوم" 2) توصيل رسالة للمبدعين مفادها إنه الجمهور حاجة مهمة خالص وجديرة بالإحترام.. 3) الحق حق والفضل فضل..
تسلم يا أمير..
..
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Mahmoud Mustafa Mahmoud)
|
Quote: ما فهمته أنا من مقال البروف وبعض القراءات المتفرقة..إنه الأمور كلها كانت عال العال..
والأستاذ فجأة كدا جاط الدنيا كلها..ولخاها ليهم لخ من لا يخشى اللوم والعتاب..
|
بإختصار شديد يا محمود...قومة النفس دي كلها عشان محمد الأمين وهو بنقرش وبعد أن حيا الحضور...قال الأخوة في النيل الازرق (معليش ما بينا إتفاق)... طوالي شالوا كاميراتهم وطلعوا...وهم جايين معاه في الطيارة...
طيب قناة النيل الأزرق دي قناة خيرية؟؟ مش قناة تجارية تكد إعلانات بالملايين...هل كان يعجزها أن تتفق مع محمد الأمين علي التصوير والبث قبل أن ترسل وفدها...ولها تجارب سابقة مع محمد الأمين...حكاها لنا بنفسه...ومقلبوه فيها
قال بالحرف الواحد أتفق معاهم علي التسجيل والبث والاعادة فقط...يقوموا يتلاعبوا في حتة الاعادة دي ويعيدو الحلقة ستمية مرة...بي سبعمية إعلان ولما أسألهم يقولوا لا نحن ما قلنا حا نعيد كم مرة...
ما سرده الاخ سعيد عن النادي ومن أنهم وبحضور السفير طلبوا من محمد الامين أن يسمح لقناة النيل الأزرق بالتسجيل ووافق...وناس النيل الأزرق لابدين منتظرين أتفاق اللجنة دي مع محمد الامين للتسجيل....(نظام أها يا جماعة الراجل دا قال ليكم شنو؟؟؟ قال لينا ما في مانع... وذلك عندي منتهي عدم الاحترافية...أما كان الأولي من هذه اللجنة ...ان تكون قناة النيل الازرق هي الطرف المفاوض للتسجيل...لا السفير ولا سعيد...لأن القناة لن تبث هذه الحلقة مجاملة للنادي السوداني وهي ليست قناة خيرية...
هناك تناتيش أخري تحرق الروح حا أجيها راجع...
ولا زلت أوكد أن محمد الامين فنان محترف يريد أن يحفظ حقوقه ولا ضير في ذلك
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: nazar hussien)
|
نزار يا صاحب...
عارفك رافض فكرة التناول الذي يبدو سلبياً في مظهره لحفل الأستاذ محمد الأمين..
لكن صدقني يا نزار...الأمر لا سلبي لا حاجة...بل صحي وإيجابي إن شئت الدقة..
Quote: هناك تناتيش أخري تحرق الروح حا أجيها راجع... |
ما تراه أنت مجرد "تناتيش" قد يكون هو الحلقة المفقودة في هذه المرافعة..
وأرجو أن تكسب المرافعة بالأدلة والقرائن التي أثق في أنها لن تصعب على شخص
مثلك لا من حيث إيجادها أو الربط بينها أو قراءتها بما يتسق وواقع الحال..
أنا أصلاً ما مستعجل..
لكن بي تحت تحت كدا..عارفك حا تتفق معاي في حتة "مدير الأعمال" دي..
يا نزار ياخ أبو اللمين محتاج مدير أعمال بدرجة "وزير" عديل..
أبو اللمين شوية؟؟؟
..
عليك الله أرجع لينا للتناتيش دي سرييييييييييع...
..
محبتي يا فنان..
.
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Mahmoud Mustafa Mahmoud)
|
يا محمود مشكور الشاب إيهاب محمد عبالله الذي لأهله صلة جوار سكن سابقاً مع أسرة محمد الأمين هاتفني متحدثاً باسم رابطة عشاق الموسيقار محمد الامين بالفيس بوك هاتفني من جة بينما كان يتكلم مع محمد الأمين في الجانب الآخر من الخط ومنه نقل لي إن محمد الامين يحيي عضوية ومشاركي سودانيزاون لاين ويفيدهم بما يلي: أولاً فيما يخص قناة النيل الأزرق لم يكن هناك أي اتفاق لنقل حفلتي ابحرين .وله تجربتين في التعامل سابقاً مع هذه القناة الأولى كانت في حفة صالة سبارك سيتي ايام العيد سجلت فيها القناة ثماني اغنيات سجلتها النيل الأزرق دون إتفاق معه وفي بداية الحفل ذكر محمد الأمين انه ليس هناك إتفاق مع القناة لتسجيل الحفل وقد وضعته امام الأمر الواقع لكنه سيغني من اجل جمهوره وغنى. وهذا مسجل في يوتيوب ثانياً سافر محمد الأمين لأديس ابابا لغقامة حفلات في ذكرى وردي فسافر مصور من قناة النيل الازرق وسجل الحفلات هناك وقد ذكر محمد الأمين أنه في الغناء من اجل وردي ( ما بشيل قروش) صوروا الحلقات ومنعهم محمد الأمين من بثها في حفل البحرين فوجيء محمد الأمين بان مندوبي القناة موجودين وقالوا له نسجل وبعدين نتفاهم. فرفض محمد الأمين. بالنسبة لل15 الف دولار كان هذا هو المبلغ الذي دفعته وزارة الثقافة البحرينية للحفلين ومحمد الأمين لم يتكلم أبداً عن اي مبالغ مالية وهو المبلغ الذي استلمه عن الحفلين. بخصوص المائتي دولار التي دفعت للعازفين كل واحد على انفراد اعتراض محمد الأمين كان أنه لايجب دفع القروش بهذه الطريقة المهينة للعازفين بل يجب ان تسلم لرئيس الفرقة الموسيقية وقد ذكر محمد الأمين لهم ذلك ولا اعتراض عليه في أن تسلم للعازفين أي مبالغ بهذه الكيفية لا بطريقة مناداة كل عازف على حدة ودفع الأموال له هذه الطريقة رآها محمد الأمين مهينة له وللعازفين.علاقة محمد الامين بفرقته الموسيقية يمكن معرفتها من كون هذه الفرقة تعمل معه منذ 19 عاماً فيما يقول إيهاب.. بالنسبة للريشة يقول محمد الأمين إنه غنى ثلاث أغنيات قبل وصولها واصلاً كان قد نسيها في الفندق ولم تشكل تعطيلاً للحفل.بعض الأغنيات لا يحتاج فيها للعزف المنفرد. الساوند في الصالة كان سيئاً ولم تكن هذه مسئولية الفنان وقد بلغ محمد الامين القائمين على تنظيم الحفل بأن هناك مشكلة في الصوت . هذه ما قاله محمد الأمين عبر هاتف إيهاب محمد عبدالله.وقد ذكر إيهاب أن رئيس الجاية بالبحرين قال الحفلة كانت ممتعة ويعترف محمد الأمين بان هناك تأخير في بداية الحفل.وعن هذا سنساله شخصياً عن الأسباب. الصورة لم تتضح بعد فربما ينسف كلام محمد الأمين هذا رواية العازفين ومشاركين ومشاهدين ومستمعين آخرين لما جرى وفي النهاية لا يصح إلا الصحيح.
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Balla Musa)
|
سلام جاك يا محمود العربي و تحياتي للجميع صراحة بوستات قصة حفل البحرين دي تابعتها متابعة دقيقة بس كل ما اكتب رد و ارسلو يروح سااكت مني و اظن السبب هو البروكسي و ضعف الشبكه . شخصياً ومنذ اول بوست بدوي كنت اقول في نفسي لابد من سماع الطرف الاخر . لازلت مع هذا الراي مع العلم اني في قرارة نفسي موقن بان ود الامين سيكون معه الف حق في ما قاله واجد نفسي متفق تمام الاتفاق مع الاخ نزار و الدكتور الصديق بشرى الفاضل .
يا حوت خليك محايد اوعك تغرق ود الامين دا عووااام و ملتزم و بعرف حققو كوويس . مع تقديري و احترامي لصديقي دكتور معز لكن اقول له يا دكتور هل تسرعت فيما كتبت !!؟ ام انك كنت من الناس المسؤلين من هذا الحفل لذا تكتب بقوة ؟!.
ختاماً تحيات طيبة .
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Bushra Elfadil)
|
دكتور بشرى الفاضل....أيها النبيل
Quote: الصورة لم تتضح بعد فربما ينسف كلام محمد الأمين هذا رواية العازفين ومشاركين ومشاهدين ومستمعين آخرين لما جرى وفي النهاية لا يصح إلا الصحيح. |
حتى تكتمل الصورة - على قول الطاهر حسن التوم - ما أتيت به عبر مصدرك الشاب إيهاب محمد عبد الله ، كلام في غاية الأهمية...
الحكاية كدا شكلها بقى ما واضح نهاااااااااااائي...
في الآخر خالص: يا يكون الأستاذ غلطان....
يا كمان ناس البحرين شهود العيان غلطانين ومتحاملين على الأستاذ ساي بلا شغلة...
..
أنا حريص بل ويهمني جداً أن يكون الأستاذ براءة...
والله العظيم صحي..
..
.
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: سيف النصر محي الدين)
|
وهكذا اتضحت الأمور تماماً وزال الغبش وذهب الزبد جفاء محمد اللمين فنان محترف ومن حقه المطالبه بحقوقه وهذا ليس فيه عيب أبداً يعني د. معز لو فاتح عيادة وجيت تتعالج عنده لا يمكن تشوف وجهه الا بعد دفع الاتعاب وهذا حقه هناك الكثير من الفنانين لو ما قبضوا العدادات ما بغنوا ليك وهذا حقهم بالطبـــع ولا يستطيع أحد أن يلومهم في ذلك يبدو أن تجارب الفنان محمد الأمين السابقة مع قناة النيل الأزرق قد ألقت بظلالها على تعامله معها وهذا حقه بالطبع ثم كيف يستقيم أن تبث القناة الحفل ثم بعد ذلك يتم التسوية مفروض القناة تحاول حل الأمور العالقه بينهم أولاً ثم بعد ذلك ممكن الامور تمشــي .. ..
__ د. معز هذا المقال يخصم من رصيدك أكثر مما يضيف اليه المقال انطباعي ولا تدعمه الحقائق بل أن مداخلات د. بشـــرى قد اوضحت بعض التلفيق فيه (قصة الريشه) مسألة دفع العدادات للعازفين فيه تجاوز للفنان محمد الامين ومنذ متى نعتد بمداخلات الاعضاء في منتدى معين كقرآن منزل؟ وحتى مداخلاتهم ليس فيها سرد لما حدث وبعدين دا ود اللمين انت فاكرينوا طه سليمان ولا شنو؟
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: الامين موسى البشاري)
|
اللمين البشاري..إزيك ياخ..
Quote: يبدو أن تجارب الفنان محمد الأمين السابقة مع قناة النيل الأزرق قد ألقت بظلالها على تعامله معها وهذا حقه بالطبع ثم كيف يستقيم أن تبث القناة الحفل ثم بعد ذلك يتم التسوية مفروض القناة تحاول حل الأمور العالقه بينهم أولاً ثم بعد ذلك ممكن الامور تمشــي |
يبدو؟؟؟
دي تقريباً عين الحقيقة بل هو اليقين بعينه...
نحن طلاب حقيقة يا جماعة...
ولكني أجد نفسي متمسكاً وبإصرار شديد بالآتي:...
كان منظر الأستاذ حا يكون محترم خالص لو أن "مدير أعماله"
مسك المايك...وأعلن للناس إنه الأستاذ ما حا يطلع المسرح إلا بعد إنصراف ناس قناة النيل الأزرق
لعدم وجود اتفاق معهم...وبعد إلتزام الجميع بالــ(استاندرد) بتاع الأستاذ قبل الإنطلاق...
كن بخير يا زول يا جميل..
..
.
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Mahmoud Mustafa Mahmoud)
|
Quote: اللمين البشاري..إزيك ياخ.. |
اهلين يا محمود وآسفين على عدم القاء التحية في البداية لأنو الموضوع دا يزعل ويجيب الضغط والسكري ياخ
Quote: ولكني أجد نفسي متمسكاً وبإصرار شديد بالآتي:...
كان منظر الأستاذ حا يكون محترم خالص لو أن "مدير أعماله"
مسك المايك...وأعلن للناس إنه الأستاذ ما حا يطلع المسرح إلا بعد إنصراف ناس قناة النيل الأزرق
لعدم وجود اتفاق معهم...وبعد إلتزام الجميع بالــ(استاندرد) بتاع الأستاذ قبل الإنطلاق...
|
عارف لو كان عمل كدا كان يا دوب علقوا ليهو المشانق يا حبيب بالعكس الزول اتعامل معاهم مباشــرة وبدون حرج ودا منتهى الشفافية والوضوح عارف لو قعدنا نحكي عن مواقف واحتكاكات طبيعية بين الجمهور والفنانين صفحات المنبر دي كلها سوف لن تكفي لســـرد مثل هذه القصص والله صحي الزول دا قال لناس الازرق انتم غير مرغوب فيكم هنا وخلاص وبعدها طلع غنا واطرب جمهوره ولا شنو؟ وديل مؤسسة ربحية تتحصل على اموال مقابل بث اغاني الفنانين وبعدين ناس قناة النيل الازرق ديل مالهم بقوا ملطشة كدا قبل كم اسبوع طاردين ابو عبيدة بتاع افراح افراح من صالة عرس في الرياض
كن بخير
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: الامين موسى البشاري)
|
حبابك تاني يا اللمين أخوي..
Quote: عارف لو كان عمل كدا كان يا دوب علقوا ليهو المشانق يا حبيب بالعكس الزول اتعامل معاهم مباشــرة وبدون حرج ودا منتهى الشفافية والوضوح |
كيف الكلام دا؟؟
مدير أعمال يحافظ على استاندرد معين ..وCheck List موضوعة بصرامة الأستاذ
أفضل أم الاحتكاك مباشرة للدرجة التي تظهر الأستاذ "فظاً غليظ القلب"؟؟؟
والله كان شفافية ما عارف..
غايتو بعد دا ما يلمني معاك إلا المريخ..
..
.
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Mahmoud Mustafa Mahmoud)
|
Quote: غايتو بعد دا ما يلمني معاك إلا المريخ.. |
كويس جدا وجميل أن يجمعنا حب المريخ فنحن في المريخ اخوة نحن السودانين ديل كلنا عندنا جين خطير اسمه جين الزعل ولما الجين دا يتملكنا خلاص تاني لا بنشوف ولا بنسمع ومحمد اللمين ليس استثناء من هذا الطبع بالاضافة لدا كلو فهو مغبون من ناس قناة النيل الأزرق انا غايتو ما شايف فيها حاجة هي في النهاية مجرد حفلة لجالية سودانية في البحرين يعني تقدر تقول حفلة سودانية في احدى استراحات ابحــر في النهاية الجمهور هو الخســـران جمهور د. معز وجمهور محمد اللمين ... والله صحي
كن بخير
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: الامين موسى البشاري)
|
اللمين ياخوي ما تخلينا ناخد لينا نومة...
ياخ عذبتني عذاب القبورة...
يعني مستكتر "مدير أعمال" على أبو اللمين؟؟
ياخ إذا كان وارغو السجمان دا عنده مدير اعمال..
والله أبو اللمين مفروض يكون عنده مدير أعمال يتقاضى راتبه من وزارة الثقافة لو ما كان من اليونيسكو..
Quote: انا غايتو ما شايف فيها حاجة هي في النهاية مجرد حفلة لجالية سودانية في البحرين يعني تقدر تقول حفلة سودانية في احدى استراحات ابحــر في النهاية الجمهور هو الخســـران جمهور د. معز وجمهور محمد اللمين ... والله صحي |
1) صاحب مصطلح "الزمكانية" حضورا في هذا البوست علماً وأدباً وشعراً...د. بشرى الفاضل له التحية 2) مجرد حفلة سودانية؟؟؟ ما ليك حق يا اللمين في التحقير دا. (يحول اللمين البشاري لبشاشة).... 3) نحن أقل من اللبنانيين والمصريين والخليجيين في شنو؟؟ 4) الحفلات الجماهيرية دي بقت Industry فيها معينات سمعية وبصرية وإضاءة وإخراج غاية في الروعة..يعني "احترافية ومهنية" 5) بروف معز وجمهوره وأنا وأنت وغيرنا لا نعدو أن نكون جمهور (لفن) العملاق محمد الأمين..
هذا مع جزيل تقديري...
..
.
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: الامين موسى البشاري)
|
.اخيراً اتصلت بمحمد الامين كنت أعتقد اأه لا يعرفني لكنه فاجاني بانه يعرفني .حقيقة كنت قد زرته في بيته بصحبة بولامرة في منتصف السبعينات ، لكنه لم ينس تلك الزيارة (تعرفت هناك على تماضر شيخ الدين لأول مرة لو كانت تذكر وغنى لنا محمد الأمين في عيد ميلاد ولده معز(عقبال مية شمعة وشمعة) .لم ينس محمد الأمين زيارتي له إذ دعاني لبيته الجديد في شمبات الأراضي بواسطة سيف الجامعة وعندما جئته فاجاني بطلب شعر .اعتذرت كنت أخبيء شعري بسبب ترددي في جودته ليتني لم أتردد. المهم اليوم اتصلت وقلت له يا محمد لعلك لا تذكرني وعرفته بنفسي . فقال لي كيف لا أعرفك . نحن بلا الذاكرة عندنا شنو؟ وذكر لي لقاءه ذاك وطلبه .(بعيداً عن نرجسيتي هذه نرجع لموضوعنا): حولت المحادثة لموضوع البوست أكد لي ان كل ما ذكره لإيهاب محمد عبدالله عبر الهاتف صحيح .ويمكنك اعتماد كلام إيهاب. قلت له هناك موضوع يهمني أن توضحه لقراء البوست وهو مسألة تأخيرك عن الوصول لمكان الحفل .قال لي التأخير كيف أكون انا مسئول عنه وهم ينقلوني لمكان الحفل من الفندق بسيارة؟ قلت له العازفين وصلوا لمكان الحفل قبلك فرد : العازفين اصلاً كانوا ينتقلون بحافلة من الفندق وانا ياتون لي بسيارة وعندما جاءوا بها ذهبت لمكان الحفل . هناك تأخير وهذا حدث وأنا غير مسئول عنه.أسألوا عنه منظمي الحفل .
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Bushra Elfadil)
|
Quote: حولت المحادثة لموضوع البوست أكد لي ان كل ما ذكره لإيهاب محمد عبدالله عبر الهاتف صحيح .ويمكنك اعتماد كلام إيهاب. قلت له هناك موضوع يهمني أن توضحه لقراء البوست وهو مسألة تأخيرك عن الوصول لمكان الحفل .قال لي التأخير كيف أكون انا مسئول عنه وهم ينقلوني لمكان الحفل من الفندق بسيارة؟ قلت له العازفين وصلوا لمكان الحفل قبلك فرد : العازفين اصلاً كانوا ينتقلون بحافلة من الفندق وانا ياتون لي بسيارة وعندما جاءوا بها ذهبت لمكان الحفل . هناك تأخير وهذا حدث وأنا غير مسئول عنه.أسألوا عنه منظمي الحفل . |
مااااااااا قصرت يا دكتور...تسلم ايدك إن شاء الله...
غطيت "جزئية" معتبرة من المسألة متعددة الجوانب..
الدور على بروف معز عمر بخيت... إنا ههنا قاعدون..
ولو في زول من ناس البحرين ويا حبذا المنظمين يكون أفضل
عشان عايزين نقفل البوست دا.... ..
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: سيف النصر محي الدين)
|
العزيز دكتور سيف النصر ذا سوورد اوف فيكتوري..
Quote: في ظني انو المسألة ظاهرة ، ناس عايزين يسلفقوا الراجل و يمشوه على مزاجهم و يستعملوا الاسلوب السوداني بتاع باركوها يا جماعة و لكنهم اصطدموا بفنان محترم لا يرضى بالهرجلة فكان ما كان. لو كلنا بقينا محمد الآمين كان امور البلد اتصلحت من زمان. |
والله كلام زي الدهب... لا فض فوك يا حبيب..
وأرجو أن يكون الأمر كذلك..
كن بخير يا صديق..
..
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Mahmoud Mustafa Mahmoud)
|
تحياتي مبدعنا الجميل بشرى الفاضل
وليتك كنت حضوراً بيننا في ذلك اليوم لكلفتني عناء الصدق النبيل..
أعظم ما قاله لك محمد الأمين جاء في هذا الاقتباس
Quote: هناك تأخير وهذا حدث وأنا غير مسئول عنه.أسألوا عنه منظمي الحفل |
وأنا سألت المنظمين وجاء ردهم بالتالي وهو ما أوردته في مقالي الأول:
Quote: في صبيحة اليوم الثاني، وهو يوم حفل التكريم الجماهيري، قدمت لجنة النادي السوداني مبلغاً رمزياً لكل عازف عبارة عن (200) دولار، وفي نفس الوقت تسلم "محمد الأمين" مبلغ (15) ألف دولار، غير ما قررت اللجنة تقديمه له، كتكريم آخر غير المتفق عليه قبل الحفل، وغير تغطية نفقات علاجه واستضافته بعد قضاء المهمة الرسمية ولمدة خمسة أيام بفندق (الريجنسي) أحد أفخم الفنادق بـ(البحرين). عندما علم "محمد الأمين" بأن العازفين تلقوا هذه الإكرامية لم يرضه ذلك واتصل بإدارة النادي مقرراً إلغاء الحفل.. فهل استكثر هذا المبلغ الضئيل عليهم؟ وهنا بدأت حملة (التحنيس) من كل الجهات وعلى أعلى المستويات، وأبلغوه أن هناك مبلغاً آخر كان سيقدم له، وعندما ذهب إليه ممثل النادي وقدم له مبلغ ألف دولار إضافي قال لمندوب النادي دع العازفين يأتون بفنان آخر لكم، وخذ هذا الظرف واذهب.. فترك ممثل النادي الظرف له، وقال بأنه مكلف باعطائه المبلغ وليس الرجوع به. وتواصلت (التحانيس) ومحاولات إقناعه بإقامة الحفل، وأن مبلغاً آخر إضافي سيقدم له قبل الحفل بالمسرح لكن ظل "محمد الأمين" رافضاً الحضور للحفل، إلى أن تم جمع مبلغ جديد له مما تسبب في تأخير الحفل ساعتين من الزمن وسط ضجر الحضور والاحراج الكبير للضيوف غير السودانيين وكبار الشخصيات الذين غادر بعضهم مكان الحفل بعد الملل الشديد وطول الإنتظار. |
ويمكنك الرجوع للجنة المنظمة برئاسة السيد السفير ولرئيس النادي وأمينه العام والتحقق من سبب التأخير وإذا كان خلاف ما أوردت أعلاه فلومني يا حبيب..
أما مسألة إنو فوجيء بقناة النيل الأزرق في الحفل فيؤسفني أن أقول لك بأنه لم يقل الحقيقة لأنني رأيته بأم عيني في منزل السفير قبل الحفل بيومين في عشاء جمعه وفرقته ووفد النيل الأزرق ثم كانوا جميعاً في فندق واحد.. ثم أن رئيس اللجنة ذكر لنا بالنص في حفل العشاء هذا أن محمد الأمين وافق مشكوراً على تصوير الحفل بواسطة قناة النيل الأزرق على أن يتم البث لاحقاً.. ويمكنك سؤال رئيس اللجنة عن ذلك خاصة وأنك كنت أميناً في محاولة معرفة الحقيقة..
لك احترامي ومحبتي التي تعرف
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Dr. Moiz Bakhiet)
|
Quote: ويمكنك الرجوع للجنة المنظمة برئاسة السيد السفير ولرئيس النادي وأمينه العام والتحقق من سبب التأخير وإذا كان خلاف ما أوردت أعلاه فلومني يا حبيب..
أما مسألة إنو فوجيء بقناة النيل الأزرق في الحفل فيؤسفني أن أقول لك بأنه لم يقل الحقيقة لأنني رأيته بأم عيني في منزل السفير قبل الحفل بيومين في عشاء جمعه وفرقته ووفد النيل الأزرق ثم كانوا جميعاً في فندق واحد.. ثم أن رئيس اللجنة ذكر لنا بالنص في حفل العشاء هذا أن محمد الأمين وافق مشكوراً على تصوير الحفل بواسطة قناة النيل الأزرق على أن يتم البث لاحقاً.. ويمكنك سؤال رئيس اللجنة عن ذلك خاصة وأنك كنت أميناً في محاولة معرفة الحقيقة.. |
لم تخيب ظني بالاستجابة الفورية والمنضبطة يا بروف...لك التقدير على تفانيك ووقتك الثمين..
شكراً لدكتور بشرى الفاضل..
شكراً سودانيز اونلاين..
..
.
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Dr. Moiz Bakhiet)
|
يا دكتور بشرى صدقني محمد الأمين استفز مشاعر جمهوره وما ورد في مقال بروف معز كله كنا شهود عليه وكنت قد فتحت بوست بدافع من الحرقة والألم جراء تصرفات محمد الامين تلك الليلة قبل مقال بروف معز، وسأتصل بك غداً لأشرح لك ما حدث بالتفصيل. وأعتقد أنه محمد الأمين ومهما كان ملتزم تلك الليلة جافاه الالتزام على أقل تقدير تجاه رسالته الانسانية التي يحملها في فنه. أعتقد انه في كتير من الناس ما قادرة تفهم الرسالة الحاول البروف معز وكذلك أنا توصيلها كمحبين لمحمد الامين وفنه ولا يسرنا أنا نرى ما يسيء اليه أو الى أي فنان من كبار فنانينا.
كتبت البوست بتاعي قبل مقال بروف معز وكان في مداخلات غير مسئولة تماماً وكلها من منطلق عاطفي ولما قريت مقال معز والله توقعت أن هناك من سيتظاهر بالذكاء ويقول أنه معز كتب المقال دا لأنه محمد الأمين رفض يغني ليه وفعلا دا ما حصل في كتير من الردود في المنتديات، لكن في ظني أن التعاطي مع ما كتبه بروف معز بهذه السطحية لا يمثل الا سطحية من كتب ذلك. ما كتبناه عن محمد الأمين من واقع التزامنا نحنوه كجمهور محب ليس الا.
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Dr. Moiz Bakhiet)
|
ما رأي دكتور معز في توضيح الاستاذ محمد الامين التالي:
Quote: بالنسبة لل15 الف دولار كان هذا هو المبلغ الذي دفعته وزارة الثقافة البحرينية للحفلين ومحمد الأمين لم يتكلم أبداً عن اي مبالغ مالية وهو المبلغ الذي استلمه عن الحفلين. بخصوص المائتي دولار التي دفعت للعازفين كل واحد على انفراد اعتراض محمد الأمين كان أنه لايجب دفع القروش بهذه الطريقة المهينة للعازفين بل يجب ان تسلم لرئيس الفرقة الموسيقية وقد ذكر محمد الأمين لهم ذلك ولا اعتراض عليه في أن تسلم للعازفين أي مبالغ بهذه الكيفية لا بطريقة مناداة كل عازف على حدة ودفع الأموال له هذه الطريقة رآها محمد الأمين مهينة له وللعازفين.علاقة محمد الامين بفرقته الموسيقية يمكن معرفتها من كون هذه الفرقة تعمل معه منذ 19 عاماً |
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Dr. Moiz Bakhiet)
|
سلام يا د. معز, و مثله للأستاذ بشرى,
رويدا رويدا بدأت الحقيقة تتضح لي خاصة في جانب موضوع القناة و نقل حفل, و بثه, بعد الإتفاق (في الخرطوم) (فيما بعد)!.. واضح أنه المسألة دي كان قد تناولوها الأستاذ و طاقم القناة بحديث مبدئي كإ(علان حسن نوايا) تبادلوه (على الطريقة السودانية) أي بلغة (غير دقيقة) و دون أن يصل الطرفين لمرحلة تنجيض إتفاق أخير و قاطع وربما (مقنن)! عدم الدقة مسألة تكلف لاحقا طبعا, و هي سمة للكثير من (شمطاتنا) نحن السودانيين و أظني لا أحتاج لمزيد من التوضيح , لاحظ كذلك أنه بشرى الفاضل ذكر هنا نقلا عن إيهاب و الباشكاتب أنه (لم يحدث إتفاق) مع القناة و ليس (قد فجئ بطاقم القناة) كما افتهمت أنت قبل أن توضح لنا ما جرى في دعوة عشاء بيت السفير! بالنسبة لي واضح أنه الشمطة مصدرها (الكلام الميت) و يا زول خير إن شاء الله, و لا لا لا مافي مشكلة, و جدا مافي عوجة, و (بنتفق), و ما ما بنتلوم إلخ!! قروش العازفين, فعلا عدم الخبرة قاد إلي طريقة الدفع بصورة يغلب عليها حسن النوايا بدلا عن الأتوكيت و النظام! الصوت كعب دي بنصدقها طبعا مش لأنها أتت من الباشكاتب فحسب بل لأنها سمة ملازمة لقنواتنا (الصوت لحظة فوق و لحظة تحت!) (آلات موسيقية عالية و أخرى واطية!) (بنقز في السما و كمنجة تئن بالكاد!)إلح! هل أحتاج للحديث عن (التأخير)!!
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Dr. Moiz Bakhiet)
|
Quote: ويفيدهم بما يلي: أولاً فيما يخص قناة النيل الأزرق لم يكن هناك أي اتفاق لنقل حفلتي ابحرين .وله تجربتين في التعامل سابقاً مع هذه القناة الأولى كانت في حفة صالة سبارك سيتي ايام العيد سجلت فيها القناة ثماني اغنيات سجلتها النيل الأزرق دون إتفاق معه وفي بداية الحفل ذكر محمد الأمين انه ليس هناك إتفاق مع القناة لتسجيل الحفل وقد وضعته امام الأمر الواقع لكنه سيغني من اجل جمهوره وغنى. وهذا مسجل في يوتيوب ثانياً سافر محمد الأمين لأديس ابابا لغقامة حفلات في ذكرى وردي فسافر مصور من قناة النيل الازرق وسجل الحفلات هناك وقد ذكر محمد الأمين أنه في الغناء من اجل وردي ( ما بشيل قروش) صوروا الحلقات ومنعهم محمد الأمين من بثها في حفل البحرين فوجيء محمد الأمين بان مندوبي القناة موجودين وقالوا له نسجل وبعدين نتفاهم. فرفض محمد الأمين. بالنسبة لل15 الف دولار كان هذا هو المبلغ الذي دفعته وزارة الثقافة البحرينية للحفلين ومحمد الأمين لم يتكلم أبداً عن اي مبالغ مالية وهو المبلغ الذي استلمه عن الحفلين. بخصوص المائتي دولار التي دفعت للعازفين كل واحد على انفراد اعتراض محمد الأمين كان أنه لايجب دفع القروش بهذه الطريقة المهينة للعازفين بل يجب ان تسلم لرئيس الفرقة الموسيقية وقد ذكر محمد الأمين لهم ذلك ولا اعتراض عليه في أن تسلم للعازفين أي مبالغ بهذه الكيفية لا بطريقة مناداة كل عازف على حدة ودفع الأموال له هذه الطريقة رآها محمد الأمين مهينة له وللعازفين.علاقة محمد الامين بفرقته الموسيقية يمكن معرفتها من كون هذه الفرقة تعمل معه منذ 19 عاماً فيما يقول إيهاب.. بالنسبة للريشة يقول محمد الأمين إنه غنى ثلاث أغنيات قبل وصولها واصلاً كان قد نسيها في الفندق ولم تشكل تعطيلاً للحفل.بعض الأغنيات لا يحتاج فيها للعزف المنفرد. الساوند في الصالة كان سيئاً ولم تكن هذه مسئولية الفنان وقد بلغ محمد الامين القائمين على تنظيم الحفل بأن هناك مشكلة في الصوت . هذه ما قاله محمد الأمين عبر هاتف إيهاب محمد عبدالله.وقد ذكر إيهاب أن رئيس الجاية بالبحرين قال الحفلة كانت ممتعة ويعترف محمد الأمين بان هناك تأخير في بداية الحفل.وعن هذا سنساله شخصياً عن الأسباب. الصورة لم تتضح بعد فربما ينسف كلام محمد الأمين هذا رواية العازفين ومشاركين ومشاهدين ومستمعين آخرين لما جرى وفي النهاية لا يصح إلا الصحيح.
|
انا أشهد علي صدق كل كلمة وردت في رواية إيهاب...بإعتباري شاهدا علي الوقائع...فيما عدا موضوع تسليم قروش للعازفين وهي رواية نقلت لي من صاحبها ...ومتوافقة مع ما نقله إيهاب
تأخير حضور محمد الامين للحفل...ليس تأخيرا يذكر أو يمكن أن ينتقد فيه ولا يسأل عنه...وهو لا يعرف مكان الحفل أصلا ولديه مرافق لنقله لمكان الحفل...كما نقله لمكان الحفل الأول.. فقد حضرت الي الصالة في تمام التاسعة والربع وإلتقيت بدري محمد بدري وحمد واسرتهم خارجها...وكان محمد الأمين موجودا وفرقته علي المسرح ومجرد وصولنا وبعد ربع ساعة طلع المسرح وغني...
صحيح أن الحفل معلن حسب ما ورد بالتذاكر الساعة 8...وقد إلتزم الكثيرون بالمواعيد أسوة بمواعيد الحفل الرسمي الأول ...(حفل وزارة الثقافة) كبرنامج موضوع أصلا منذ مدة...وهي كما تعلمون مواعيد لا يمكن تبديلها...لرسمية الحضور ومن بينهم وزيرة الثقافة والحفل الثاني هو حفل خاص بالجالية السودانية...ولم يسبق للجالية أن أقامت حفلا غنائيا أو مسرحيا وألتزمت فيه بالمواعيد كعادة حفلاتنا في السودان...(ايش معني دا؟؟)
أها يا محمود نجي للتسجيل العندي....(انت عايز محمد الامين يغرمني؟)
يا دكتور بشري: خلي أبواللمين يديني الاذن وسيفي مطرق أرفع ليكم بعضا من الحفل هنا دا...يمين الناس كانوا مستمتعين متعة غير عادية...(حتي أنهم صفقوا له) حينما قال ( معليش يا قناة النيل الأزرق...ما بينا إتفاق) ورت رت رت رت رت رت رت رت (يمين الصفقة زاتا مسجلة) تاني في شنو؟
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: د. ياسر عبد القادر)
|
سلام وتحية للجميع ,,,, الإخوة,,,, صاحب البوست دكتور معز وكل الأحباب متفقين ام مختلفين عن ما حدث على حسب الروايات المذكورة اعلاه وأقول روايات حتى وإن كانت على لسان شاهد عيان ، لكن الخلاصة الطرف واحد ، ايضا الحجة السودانية هي سيدة الموقف هنا بالسوداني الدارجي اقول للجميع بكل صراحة , نحن دائما نتكلم بمنطق الهاشمية ,, يعني بصريح العبارة أكثر دايرين نعمل زي حكاية ناس فلان المشوا يخطبوا بت فلان وفجعتن كده حلف جارهم التاسع عشر إنه يعقدوا في ليلهم ده لا بهمو فترة الخطوبة والتفاهم ولا بعرف العقد المفاجيء ده ممكن يلوم اهل العروسين نسبة لأنه ما بكونوا عزموا كل الناس القراب
النجيضة للحظة دي ورغم إني زي وزي كل القرآء والمعجبين بفن محمد الأمين ما سمعنا وجهة نظره كاملة رغم ما ذكره الأستاذ الشاعر بشرى الله يديه العافية بقولها بالفم الملان للحظة ما شفت سبب واحد يلوم الأستاذ ويشيلوا كل الشينة الإتبرع بيها بعض الإخوة المتداخلين والأسباب مختصرة في الآتي :
كتير من الأسباب اللف حوالينها الناس هي المادة !! يقول ليك الأستاذ بحب القروش ؟؟؟ عليكم الله وبصراحة منو الفاتح عيادته ببلاش ومنو البدرس ببلاش ومنو الفاتح ليه دكان بدين الناس مثلا ؟؟؟ الراجل ده ياهو مصدر رزقه ومع حال البلد الوصل لخط الفقر وما عارفين ظروفه شنو ؟ ورغم سنه برضو لايمنو إنه بحب القروش ؟ يعني العالم دي دايرة الفنان ده يسهر ويلحن ويطرب حد الثمالة وببلوشي مثلا ؟؟؟ لمتين المجاملات المخجلة دي؟؟ كلنااا نحمد الله ما بنبقى برا القرش ودي غريزة في البني آدم منذ الأزل .. اهلنا الكبار تعاملهم مع الأصغر منهم فيه حدة كبيرة وده بعامل السن .. هل إنت بتبشع بوالدك مثلا لو رفع صوتو ولا احرجك قدام صاحبك الضيف ؟؟ ولا حتى جاركم كبير السن ولا ابو صاحبك ؟؟؟ اكييييد ما بكون داير يحرجك ، وأكيد في سبب قوي خلاه يتصرف كده واكيييد بنحترم كبيرنا وبنوقره وبنلقى ليه العذر حتى لو في ملامة وعتاب بتكون بي طريقة مافيها تشهير ولا تجريح كما ذكر استاذ بشرى .. تجريح لمشاعر محبي الفنان وفنه العتيق المعتق خاصة رجل في قامة مبدعنا ود الأمين.. واهي الأسباب جاتكم حسب المحادثة الدارت بين جار استاذنا ود الأمين واستاذ بشرى الفاضل إنه حس بي حرج ومهانة لي فرقته إنه ما عوملت بي إحترام !!! وحتى المبلغ سلم لهم بي طريقة لا ترضي اي إنسان ( الناس كلها عرفت فرقة ود الأمين أدوها 200 دولار بسسسس لكل عازف يا كافي البلا وحايد المحن ويا رخصة مبدعينا وبرة بلدهم وفضيحتهم !!!! ) فما ممكن نقول إنه إستكتر عليهم المبلغ وهو مستلم 15 ألف !!!! وهي زاتها ما كتيرة ال 15 ألف دي,, ياما فنانيين بتعاقدوا في بلدهم جوة بي اضعاف المبلغ ده,, اصلا ما مبلوعة والله يا دكتور معز وإنت الشاعر المرهف المفروض تقدر الأشياء قبل الإندفاع في الكتابة عامل السن ليه اثر , استاذ ود الأمين اثبت وبدون ما يثبت اثبتت لنا الأمثلة تهاون قناة النيل الأزرق رغم حجمها الإعلامي تهاونت في عملها واعتمدت على طريقة ( امسك لي واقطع ليك) وشغل النفير والجربندية ,,, وين العقود ؟ في مثل هذه المواقف؟ لمتين نحن عشوائيين ومرتجلين حتى في إمورنا المهمة ؟ وبرة البلد ؟؟؟ حكاية صوروا ولا اتفقوا مع الفنان وبعدين نجي نتفاهم في السودان ! دي بالجد مخجلة وكبوة كبيرة في حق القناة !!!! طيب إنت ليه ترسل ليك طاقم ناقص كاميرات لتصوير حفل وقبل ما تتفق مع الفنان واللجنة المنظمة ؟؟؟ لو الفنان قال لا لو اديتوني تراب القروش ما داير ,! اها القروش الدفعتوها تذاكر دي حصل ليها شنو ؟ مش دي برضو خسارة ؟؟ الشيء التاني قناة كبيرة ترسل طاقم ناقص معدات دي ما سمعت بيها إلا في السودان !!!! الشيء المهم الحاجات العددتها يا دكتور معز إنه قامت بيها مملكة البحرين في حق قامة زي محمد الأمين زي الفندق 5 نجوم وسيارة وتذاكر درجة اولى و و ... الخ ده حقوووووو واكتر من كده كمان , نحن ليه دائما بنمتن على مبدعينا وبنحاول نظهرهم بمظهر إنه الناس ادتهم اكتر من حقهم ؟؟ لاحظ لي اي فنان عربي ولا مذيع ولا مقدم برنامج ، شوفوا كيف بتشرط وبتتعامل معاه الجهات المنظمة بحذر كبير جدا .. كونه الأستاذ محمد الأمين يجي وتكرموا الجالية ولا الجهة المنظمة ـ بشوف ده واجب وحق هو بستحقوا بجدارة ’ يعني ما كتيرة عليهو والحاجات دي متفق عليها مسبقا مقابل زيارة الأستاذ ومشاركته وسفره وتعبه وإسمو الكبير ,, بستحق التكريم بجدارة لأنه شكل وجدان الشعب السوداني واثرى الساحة الفنية وما زال بجميل فنه وإحساسه العالي وعبقريته التي لا ينكرها إلا مكابر في الختام ارجو ان نتقبل النقد بدون تشدد وان لا نخلط بين الصراحة والوضوح والحق الواجب ,وبين المجاملات وشغل الإهمال من جهات مسؤولة وان لا نقلل من قيمة مبدعينا ونكون قاعدين في طرف العنقريب ليهم بالمرصاد اي حركة نشب لا فوق وعلى الأقل نعمل بالمثل انا وأخي على إبن عمي وانا وإبن عمي على الغريب,, حتى لو شفتو استاذ ود الأمين إتلوم ما تظهره لومو للأغراب يا دكتور , خاصة البحرينية الكانت شاركتك القطيعة في رجل بقامة ود الأمين ومن بلدك كانت تشيلك هاشمية المقال الكتبت بيه ده وتدافع عنو بغيرة وتلقى ليه العذر ولو لحين
متاوقة نحن لي هسه بندخل شغل ده في ده وطاقية ده بنغطي بيها داك وبنوسط المعلم لي الجزار والنجار لي سيد الدكان وكل زول ما فاهم الحاصل شنو ؟ فقط بنحب نحرج الطرف التاني ونفرض عليهو اشياء دون مراعاة لأي ظروف ولا دايرين نفهم الحاصل شنو ؟ بس همنا المصلحة الوقتية!! ناس القناة ديل مرسلين ليهم سفير لزومو شنو عشان يحرجوا الأستاذ؟ وهم عندهم سوابق معاه ؟ ما يخلوا شغلهم نجيض من البداية ؟؟؟ والسفير زاتو لزومو شنو يقلل من مكانته الدبلوماسية ويقبل تحشروه في حاجات ما معروفة عواقبها شنو ؟ استاذ ود الأمين عداه العيب إنت طالب بي حقو وعداه العيب إن خت النقط في الحروف , وإن لقن قناة درس لن تنساه عشان يكون عبرة للغير
الأخ الأستاذ محمود مصطفى صاحب البوست اعتب عليك في إسم البوست ,, (( الحتة الفيها الحديده عديـــــــــل)) كتيرة والله منك وعهدناك رجل فنان والراجل مبدع بحق وكبير قامة وسنا,, الإحترام واجب يابا
الشكر للجميع مرة اخرى اعتذر بشدة على الإطالة وتأكدوا يا حبايب إختلاف الرأي لا يفسد للود قضية ...
عذرا التعديل لإضافة كلمة
(عدل بواسطة اسماء الجنيد on 10-17-2012, 11:52 PM) (عدل بواسطة اسماء الجنيد on 10-18-2012, 01:09 AM)
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: اسماء الجنيد)
|
الأستاذة الشاعرة المبدعة أسماء الجنيد...
كفيتي ووفيتي والله...أفكار واضحة وقراءة عميقة ..
أصلاً اللمين البشاري كان مساهر بي... لكن بعد كلامك دا:
Quote: عتب عليك في إسم البوست ,, (( الحتة الفيها الحديده عديـــــــــل)) كتيرة والله منك وعهدناك رجل فنان والراجل مبدع بحق وكبير قامة وسنا,, الإحترام واجب يابا |
أنا قايل ياني المصلي الصبح في محلي دا...
أتفق معاك...التعبير الدارج في العنوان "خشن" وغير موفق..
كل الإحترام لإبداع القامة محمد الأمين..
..
..
.
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Mahmoud Mustafa Mahmoud)
|
ما رأي دكتور معز في توضيح الاستاذ محمد الامين التالي:
Quote: بالنسبة لل15 الف دولار كان هذا هو المبلغ الذي دفعته وزارة الثقافة البحرينية للحفلين ومحمد الأمين لم يتكلم أبداً عن اي مبالغ مالية وهو المبلغ الذي استلمه عن الحفلين. بخصوص المائتي دولار التي دفعت للعازفين كل واحد على انفراد اعتراض محمد الأمين كان أنه لايجب دفع القروش بهذه الطريقة المهينة للعازفين بل يجب ان تسلم لرئيس الفرقة الموسيقية وقد ذكر محمد الأمين لهم ذلك ولا اعتراض عليه في أن تسلم للعازفين أي مبالغ بهذه الكيفية لا بطريقة مناداة كل عازف على حدة ودفع الأموال له هذه الطريقة رآها محمد الأمين مهينة له وللعازفين.علاقة محمد الامين بفرقته الموسيقية يمكن معرفتها من كون هذه الفرقة تعمل معه منذ 19 عاماً |
تحياتي أحي الحبيب عادل عثمان، أرجو سؤال محمد الأمين إن كان صادقاً في توضيحه لماذا طالب بزيادة المبلغ الخاص به بعد دفع 200 دولار للعازفين ولم يخرج للغناء الا بعد أن تسلم مبلغ 2000 دولار إضافي غير المتفق عليه؟ المبلغ الكلي أصبح 17 ألف دولار فهل ينكر هذا ايضاً؟
والأهم في الموضوع اسأل العازفين ان كان هناك مهانة؟ ما استلموه كان اكرامية لهم لأنهم كانوا سيغادرون صباح اليوم الثاني للحفل فتم منحهم هذا المبلغ الرمزي كي يستطيعون الذهاب للسوق لشراء أشياء بسيطة لأسرهم فما هي المهانة في ذلك ؟ هذا تكريم صغير للعازفين كان يجب أن يسعد به خاصة بعد الـ 17 ألف دولار نصيبه هو.
يا حبيب محمد الأمين ذكر بالنص لأمين عام النادي إذا أصلو عندكم اكراميات فالأولى بها الفنان ثم أكمل: وخلو العازفين يجيبوا ليكم فنان..
بصراحة أنا أجد أن هذه التفاصيل تعقد موقف الفنان وتحرج معجبيه - وأنا أحدهم - اكثر فأكثر لكن طالما لابد من ذكر الحقائق فهذه هي الحقائق.
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: اسماء الجنيد)
|
Quote: لقد تم الاتفاق على ما ورد في الأخبار أعلاه على أن يتقاضى مبلغ (15) ألف دولار أمريكي، كما سيقدم له درع خاص وشهادة تقديرية، وأيضاً قررت إدارة النادي السوداني تحمل كلفة علاجه بأحدث مستشفيات البحرين التخصصية وعلى أيدي أكبر الأطباء الاستشاريين، هذا غير الاستضافة في فنادق (5) نجوم قبل وبعد الفعاليات، مع كامل الخدمات وتذاكر سفر على الدرجة الأولى وسيارة فارهة وسائق ومرافق طوال فترة اقامته بـ(البحرين |
جيتكم تاني اعفوا لي على الإطالة
غايتو الكلام الفوق ده كونو ترصوه كده شين في حقكم بالجد طالما هو اصلا إتفاق
لكن بالجد الوجعني الحتة التحت دي والخاصة بعلاجه والمفروض تكون إنسانية بحتة خاصة منك إنت يا دكتور معز
Quote: وأيضاً قررت إدارة النادي السوداني تحمل كلفة علاجه بأحدث مستشفيات البحرين التخصصية وعلى أيدي أكبر الأطباء الاستشاريين، |
ده واجب إنساني من ابناء بلد لي ابن البلد حتى لو لم يكن مبدع العلاج دخلوا شنو في صفقتكم الفوق دي ؟ هل حضر استاذ ود الأمين فقط للعلاج ؟ اصلا مافي داعي تشيروا للجانب ده لامن قريب ولا من بعيد طالما دي بادرة إنسانية كريمة من الجالية حسب ما إتوقعت هل إشترط عليكم النقطة دي الأستاذ ولا ده إحساس إنساني من الجالية الكبيرة ؟ ولعمري ياها حال السوداني الشهامة والكرم والأيادي البيضاء . وإنتو فضلكم على البلد العايشين فيها كبير (اقصد البحرين ) واهل البحرين معروفين ناس كرم وجود دايرين يردوا ليكم الجميل ,, النقطة دي لم يحالفك فيها الحظ يا دكتور معز خاصة إنك طبيب ومافي داعي نجرح مريض بي إننا قررنا نعالجك وإنت عملت كدا ,,, وكدا وتخلطوا الكيمان . أحد القرآء اشار إن الأستاذ ذكر لقناة النيل عدم الإتفاق المسبق لو هو ما على حق ما بتجرأ وبقولا قدام الملأ (و ناس القناة لو على حق لو الحفل يتفرتق ما بمشوا ) نقطة مهمة ’’ واصل الأستاذ في غناه رغم الخلل الفني في بعض الأجهزة الصوتية وده بنعكس على اداء المبدع طبعا, وممكن جدا يتوقف حفاظا على سمعة مسيرته الطويلة وده من حقو ,, وكتير غيره عملها
مافي زول كبير على النقد ولا العتاب لكن فقط بي دوافع وثوابت و منهجية وفهم ومنطق يقنع القاريء ولا يدع له مجال للشك ايضا بي إحترام وإسلوب يعكس مدى ثقافتنا وحضارتنا ومبدأنا في النقد والنقاش قبل الآخرين يعني بصراحة الواحد يخت نفسو محل الطرف النازلين فيه بالطول والعرض لا موجود وسطنا عشان يدافع ولا يوضح , ولا متابع الأسافير عشان يشوف روحو معلقينو بي خلاف. ولا ناقشناه في الحصل عشان نعرف وجهة نظره ودوافعه قبل ان نقول وجهة نظرنا من حاجات بنيت على مشاهدتنا للأشياء الظاهر فقط... بجيكم صادة تاني اتحملوني بس ,,,, فتكم بي عافية
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: اسماء الجنيد)
|
Quote: الأستاذة الشاعرة المبدعة أسماء الجنيد...
كفيتي ووفيتي والله...أفكار واضحة وقراءة عميقة ..
أصلاً اللمين البشاري كان مساهر بي... لكن بعد كلامك دا:
.
|
حبابك يابا ربي يعلي مقامك ويديك قدر يرضيك يا ود القبائل
بعدين ود البشاري ده صحي مسنوح وسقد لكن فيه باقي خيرة وريحة صوفية جايهاو من تالا الحبيبة ست بيتو عشان كدي تــــــــــب آ بتجيك عوجة يا استاذ محمود
Quote:
أنا قايل ياني المصلي الصبح في محلي دا...
أتفق معاك...التعبير الدارج في العنوان "خشن" وغير موفق..
كل الإحترام لإبداع القامة محمد الأمين..
|
ربنا يتقبل منك يابا وامانة عليك تنفحنا معاك بي حبة دعوات تنفع خيتك القاعدة في البلد البعيدة وسط الخواجات والدنيا مطر وصي وسقط عدوووك يا ود امي
الإعتذار شيمة الكبار ,, كبار فهم وعلم وشيمة الإنسان المتواضع ومن تواضع لله رفعه ,, ربي يعليك فوق للمابيك
شكرا يابا مااااااااااارقة من الجوف
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: اسماء الجنيد)
|
شاعرتنا الغالية سوما..
كلامك على العين والراس والله..
لكن الجمرة بتحرق الواطبها..
كل الود والتقدير لكل معجبي فن محمد الأمين وكل معجبي شخص محمد الأمين
فالإثنان ليس واحداً..
وكما طالبتيني عزيزتي أن امارس انسانيتي كطبيب أو كشاعر في كتابتي، فهو أيضاً ما طالبت به الفنان محمد الأمين أن يخلق التوازن بين ابداعه وبين انسانيته في فعله فالإثنان يكملان بعضهما البعض.
ولك أجمل المنى ست الناس..
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: Dr. Moiz Bakhiet)
|
فى السودان رأس الدوله داير إبقى ( راس ) مدى الحياة ... رئيس الحزب داير إبقى الزعيم و الإمام و الراعى و السكرتير العام لمن إضربو ألزهيمر .. الفنان داير إغنى و عدادو إمشى لمن حُبالو و بلابيطو إقعن ... يا جماعه لمتين نقعد نسمع فى نفس الغنا القديم و مكرر لاكثر من نصف قرن ؟؟؟ و شنو يعنى أمشى مسرح و أقطع تذكره و أقعد أسمع فى ذات الشجون أو الجريده و غيرها بصوت فنان ثمانينى فى عام 2012 ؟؟؟ و هل يمكن لهذا الفنان أن يؤدى نفس الأغانى بنفس ال DYNAMICS الذى كان عليه هذا الموسيقار قبل ثلاثين أو أربعين أو قل خمسين سنه مضت ؟؟؟ مش أفضل للواحد إشغل ليو mp3 أو dvd أو youTube, و إستمتع بتلك الأغانى فى نسختها الأصليه و بصوت نفس هذا الفنان و هو فى ربيع عمره بدلاٍ من الذهاب للحفل و التملطش و الإزدراء و التاذى بصوت نشاذ متحشرج بلغ به من العمر أرزله ؟؟؟؟ لماذا لا يحترم هؤلاء و هم فى هذا العمر قدرهم و فنهم و ماضيهم و ينأوا بأنفسهم عن تلك الإنفلاتات والإحتكاكات و الإنفعالات ( و التى ربما لتقدم العمر دورٌ فى أغلبها ) تفادياً للحرج , ليحتفظوا بهيبتهم و صورتهم و سمعتهم الزاهيه و الجميلة التى إنطبعت فى أزهان محبيهم و عشاقهم قبلاً ؟؟؟؟
Quote: الأدهى في الأمر أنه وبعد حضوره للمسرح لم تكن معه ريشة العود |
قمة الإستهتار و الإستنكاح و الإستكرات و عدم الإعتبار للحضور .... الواحد متخيل الفلم و المنظر ! ياهو زاتو TYPICAL سلوك ( فنانين السودان ! ) غطرسه و غرور , وش متجهم و لامبالاة و كأنو إنت صاحب المناسبة زى الشاحدو وجايبو ملح ! مسرحيه متوارثه و مكرره و بايخه بايخه لأبعد الحدود ! إتخيل ! ( ريشة العود ! ) ! نفس السيناريو البعملوه فى حفلات الأفراح و التأخير ! مره ( لستك العربيه ضرب ! ) وووو شنو ما عارف ! ( الحافله قطعت نورأو بنزين أو ضابط الإيقاع عندو فاتحه ! ) مع إنو الوقت البشرف فيو ( سعادتو ! ) تكون الساعه حوالى تسعه أو 9 و نص مساء مضاف ليا حكاية ( الساعه 11 ! ) و هيههههه ما عارف ( النظام العام ! ) !!! و بعد داك الود إطلع المسرح ( داك يا مسوح ! ) و ( صوت مبحوح ! ) , عشره دقائق بالكتير و بعدين فاصل للعشا ! ( لمدة ساعه أو نص ساعه ) و للوقت داك تكون الساعه بقت 10 و نص أو حداشر إلا ! و داك يا آخر ( فاصل ! ) و ياكلفته وسباق مع الزمن و ( الما بقوم منو ! ) ما ( الساعه حداشر قربت ! ) , و ديك يا هيصه و زمبليطه ! و ردحى فى شنو ما عارف ! ( الأعمى إشيل المكسر ! ) و أى زول داير ( إظهر ! ) قبّال الحكم ( إصفر ! ) و تجى الساعه ( إداشر ! ) و صاحبنا ( رب الفن ! ) ما إصدق ! إجدع المايك ( و لاحتى مع السلامه أو مبروك للعريس ما إجن على خشمو ! ) و إطبق عدادو على داير ( الدينار ! ) ! كان 9 أو 10 مليون ( بالقديم ! ) مقابل ( نص ساعه نخنخه و عطيس و حشرجه و سعال و نبيح !زايد فلهمه و إزدراء فى الفاضى و المليان ! ) ! I LOVE THEIR JOB ! ضيعنا عمرنا ساى IT`S LOTTERY ... و ده كلو كان ناس ( النظام العام ! ) عفوك من ( النظام الخاص ! ) و الحق ( المعلوم ! ) فى الزمن الضايع و المخسوم ! 3 أو 5 دقائق INJURY TIME فوق (الساعه إداشر ! ) و مال إيه ! قايلنا فوضى !!!! ما علينا ! و معليش طلعنا شويه من موضوع البوست , لكن الموضوع لبعضيه و أعتقد أن حبايبنا ( الفنانين ! ) و إتحادهم الهميم و ( مافيا الصالات ! ) حكاية ( الساعه إداشر ! ) دى معاهم ( حلى بس ! ) IT`S EASY MONEY ( MILLIONS ! ) FOR JUST HALF AN HOUR SHIFT ( سنه ! ) يا وتر ( أبو ريشه ! ) يا ( الكفر زاتو بقى مافى ! ) ... تقول لى جاى و جاى ! إنتا ما حدثوك و لا شنو ؟؟؟ الفنان بقى فى السودان إذكرك الطاؤوس ! إجى على كيفو و اتأمّر على كيفو و إمشى ( وكت ! ) ما عايز و كمان جيبو مليان و لا جميلتك ! و الما عاجبو ( .... ) عقد شنو و إرتباط شنو و بتيخ شنو ... ........................ عشان كدى بنتباكى على أغانى ( زمان ! ) و البحث عن محمد اللمين ( و لو فى المنامه ! ) ................................................................................... ( زمان ! ) ! بقيت بتعقد من ها الكلمه ( زمان ) ليه كانت القصيده معبره و عفويه بدون تكلف و تحكى عن جمال اللحظه و التى غالباً ما تكون حفلة فرح غير محددة الثوانى و الدقائق عشان كدى طلعت الغنيه حلوه و جميله و قويه و خالده , لا ( نظام عام ! ) لا ( والى ! ) و لا ( مشروع حضارى ! ) .. الناس تهجج و تهيص طول ما ( الليل لا زال طفلاً يحبو ! ) لا دوله فلست لا إنتاج إتعطل و لا إقتصاد إتهاوى و لا جنوب إتفصل و لا رئيساً بحلف بحرم ( التلاته ! ) و الرابعه ( المشاطه ! ) ... و لا زول فى الفريق أو الحى إشتكى و قال الحفله دى ( البارح ! ) أزعجتو , الحكايه كلها فرح و بحصل ( فنا فى الدهر ! ) ... ............... يا جماعه لهسع نحن مع محمد اللمين , وردى , إبراهيم عوض , زيدان , عركى , كابلى ... إلخ مع إحترامى لللأحياء و ترحمى على الراحلين لقد أدوا رسالتهم , وين الجديد ياإتحاد الفنانين ؟ الواحد بقى إقرف لما إفتح قنوات السودان يا ( حفل تأبين ! ) أو حديث ( عن الراحل المقيم ! ) أو فنان مكرر و قديم ! هرمنا ! ما فى أى جديد سوى التباكى و الحسرة على القديم البقى ممل و مكرر ... ......... سلامات استاذ محمود مصطفى محمود و أعذرنى كان أطلت أو خرجت عن الموضوع لأنو الموضوع متداخل و متشابك و ليس فقط تلك الحادثة ... معليش الواحد ( ممغوس ! ) منهم ( الفنانين !) و ضايق عضتم ! ( قال نسيت ريشتى قال ! ) .... نقول إيه ياهم فنانين السودان كان جوه البلد كان بره , كبيرهم أو صغيرهم الحال من بعضو ... ........... كسرة : إنتو يا جماعه كان سعلناكم ( ريشتو ! ) دى ريشة ( نعام ! ) و لا ( طاؤوس ! ) ؟؟؟ لأنو الواحد بخرمج كتير بالعود ( للطرب الشخصى فقط ! ) و فى حدود ( الأوضه ! ) ! لكن كل ما أهبش جيب قميص أو جلابيه أو عراقى أو بنطلون قبل الغسيل بلقى فى كل واحد بلاستيكة ( ريشة ! ) عود !! حالتى و لا ( محمد اللمين ! ) حتى !!!! عبدالماجد
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: nazar hussien)
|
من الواضح بأن الجميع هنا يدافعون عن النيل الأزرق وهي قناة تجارية بكامل شخصيتها الاعتبارية...
فلو خيروني بين قناة النيل الازرق ومحمد الامين قطعا سأختار محمد الامين وأنصره ظالما أو مظلوما لأنو محمد أمين واحد بينما للهواء قنوات فضائيات.. وليس للهوي الا محمد الامين...(نهواه ما زلنا...نهواه رغم الجور...رغم الصدود عنا)
والله يا محمود إنت شخصيا يدوني الإذن أنزل ليك من شوفتو طولنا ومن الحفل...وبهجة الناس الا الحتة الفيها الحديدة دي...تشيلا تدق بيها رأسك....وتبكي لامن تتخنق..
يا جماعة مالكم علينا....
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: nazar hussien)
|
نزار يا صديقي يا فنان..
يسعد صباحك..
Quote: والله يا محمود إنت شخصيا يدوني الإذن أنزل ليك من شوفتو طولنا ومن الحفل...وبهجة الناس الا الحتة الفيها الحديدة دي...تشيلا تدق بيها رأسك....وتبكي لامن تتخنق.. |
هو أنا "رويسي" غير الحتة الفيها الحديدة دي بيستاهل شنو عليك النبي؟؟؟
أكان بقت على البكا...أبشرك..ممكن أبدا ليك الحركة دي من هسي...
أمانة عاد أخوك ما بكااااااااااااااااااااي...
يمكن البكاء على حاجات كتيرة يريحنا زاتو ياخ طالما ما بنعرف نفرح..
..
.
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: nazar hussien)
|
يا نزار...
Quote: والله يا محمود إنت شخصيا يدوني الإذن أنزل ليك من شوفتو طولنا ومن الحفل. |
ياخي أنا عندي إيميل "عتيق" يعتبر من أوائل الإيميلات الإمتلكوها السودانيين..والله صحي..
يعني إيميل شغال من سنة 1996 - 1997 زي الورد..أرسله ليك في "الخاس"؟؟
ترسل فيهو حاجة ولا تخليهو لناس نهال خروبي وعامر العظم وعربي بن عربي..والله ملوني فقر شديد خلاس..
..
رسل ياخي
..
.
| |
|
|
|
|
|
|
Re: بالحتة الفيها الحديدة يا (ود اللمين)..شكراً بروف معز عمر بخيت (Re: ABDELMAGID ABDELMAGID)
|
الأخ العزيز عبد الماجد..
معاك في دي:
Quote: و ينأوا بأنفسهم عن تلك الإنفلاتات والإحتكاكات و الإنفعالات |
بس دي..
باقي مداخلتك التي بلا شك أثرت البوست ، تبقى وجهة نظر نحترمها ونحتفظ بحقنا في التحفظ والاختلاف والاتفاق معها..
_______
بالمناسبة.. حتة الريشة دي أنا زاتي عاجـــــبــاني والله...
وممكن تكون سبب وجيه خالص لإنهاء خدمات "مدير الأعمال"..
الباشكاتب "منضبط" شديد في حتة الوفاء لحاجاته وتفاصيلها الدقيقة..
والله أنا شايف إنه من حقه علينا إننا "نثمن" هذه الأشياء..
ودونك المصريين ديل ... حاجات أم كلثوم عاملين ليها "متحف" عديل..
أطال الله عمر الأستاذ..لكن "ريشة المنامة" دي مفروض تكون مادة تدرس في الجامعات..
..
.
| |
|
|
|
|
|
|
| |