|
Re: بالنسبة لي ... شريف الفحيل ( يحلنا الحله بله) (Re: haroon diyab)
|
معقولة بس....؟
ينجح عمنا السر قدور
في اثراء البرنامج بعد
رحيل نادر خضر ( له الرحمة )
باضافة فنان الشباب حسين الصادق
بامكانياته الصوتية العالية وملكة
التطريب الفنانة فهيمة عبد الله
ولايستطيع التخلص من هذا الفحيل...؟
لا امكانيات صوتية
لا اداء تطريبي
لا حتي الحفظ للاغاني
اللهم....
الضحك بدون سبب
وعامل فيها المايسترو
قال يقفل الاغنية....!!!!
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: خالد عبد الله محمود)
|
خالد ابو عبد الله
ياخي اشتقنا لي لونك الازرق ده
سلامات
Quote: أتخيل يا هارون برنامج يبعدو منو محمود عبد العزيز و أحمد الصادق و يستمر شريف الفحيل !!! |
وحاتك قدر ماحاولت اتخيل ماقدرت .... الراجل بالجد خرف....!!!
Quote: بأمانة كده في تلاتة في البرنامج ده فرضتم الواسطة بس على الناس شريف و أفراح و صباح |
اللهم اني صائم
لكن علي الاقل الاتنين ديل ممكن الواحد يعاين ليهم ويسمع الباقين
بس صاحبي ده لاصوت لاصورة ياكافي البلاء...!!!!
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: مازن فيصل هلال)
|
Quote: بقينا اتنين والبقية تأتي |
قول تلاتة يا هــارون .. تلاتة راسه عديل .. لا بخاف ليك من راوية ولا بخاف ليك من راوية .. .. كل الحلقات الاتقدر لي اني احضره وكان فيها شريف دا .. اصبت بي الشلل السمعي .. الشلل السمعي دا حالة بتكون فاتح فيها خشمك ومقهي وما قادر تفهم الزول دا بيعمل في كدا لييه وبيغني في شنو.. وعشان شنو..؟؟!! غايتو الله يدينا الصبر بس .. بعدين خلاص مفروض عمرو الافتراضي انتهى .. الولد دا بيغني مما ظهر في نجوم الغد ولحدت الآن ما وقف .. التكرار بيصيب بالملل لما يكون تكرار غير مستحب البروفيسور محمد الامين قدس الله سره وحفظه ورعاه .. بيغني بتتعلم من الايام من قبل مليون سنة .. وكلما يغنيها بتكتشف انك ما سمعتها قبل كدا زاتو لدرجة انك تجي تسال دينا خالد المعانا في البورد دا تقول ليها يا دينا خالد الاغنية دي بتتعلم من الايام واللا انا مالي ..؟
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: مازن فيصل هلال)
|
مازن يافنان
تصوم وتفطر علي خير
وكدي نجيك من الاخر
Quote: اظنها اول مادخلة لي معك ... و قدّر لها ان تكون عن المدعو حسين الصادق! ,, غايتو رمضان كريم (: |
لا ما اول واحدة انا الناس الحلوين مابنسي مداخلاتهم
والله العظيم احترم رايك في حسين الصادق
والخيل تجقلب زي الشرا في القندول
تحاياي
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: Gamal Abayazid)
|
Quote: معقولة بس....؟ ينجح عمنا السر قدور في اثراء البرنامج بعد رحيل نادر خضر ( له الرحمة ) باضافة فنان الشباب حسين الصادق بامكانياته الصوتية العالية وملكة التطريب الفنانة فهيمة عبد الله ولايستطيع التخلص من هذا الفحيل...؟ |
هرون دياب تحياتي ورمضان كريم I disagree 100% والله لكن ما ليك في الطيب نصيب ...ياخ تهزيء شريف الفحيل عشان خاطر حسين الصادق؟؟ مع احترامي الشديد ، رأيك الشخصي تعبان ..!! حسين الصادق ده مكانه مع أولاد حاج الماحي... يمدح في الرسول الحبيب ..على الأقل امكن يكسب أجر... صوته برجف أكتر من اللازم لدرجة اثارة الاعصاب...صوت ممل جدا ..(ده راي شخصي خاااااااااااالص ) أما فهيمة فالبحة في صوتها أكتر من اللازم وصوتها ضعيف "مبلوع" وبالكاد تفرز الكلمات البتتغنى بيها... في المقابل.. شريف الفحيل صوته حلو وخالي من بحات وترجيف وكمان مهضوم وروحه حلوة... نوافق راوية العباسي تماما في رأيها غايتو أول حفلة عندنا "تستدعي" وجود فنان أكيد اختياري حيكون شريف الفحيل
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: rummana)
|
سلامات يارمانة
والجابك يجيب عقابك
ورمضان كريم
Quote: غايتو أول حفلة عندنا "تستدعي" وجود فنان أكيد اختياري حيكون شريف الفحيل |
معناها قاصدانا مانجي ....!!!!
ياخي زولة زيك مامقبول منها ابدا هذا الاختيار
كدي نعمل استفتاء ... صاحبك ده الا يبقي بتاع بنقز من النطيط...هههههه
تحياتي
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: haroon diyab)
|
تامبا ياحريف
Quote: قول تلاتة يا هــارون .. تلاتة راسه عديل .. لا بخاف ليك من راوية ولا بخاف ليك من راوية .. .. كل الحلقات الاتقدر لي اني احضره وكان فيها شريف دا .. اصبت بي الشلل السمعي .. الشلل السمعي دا حالة بتكون فاتح فيها خشمك ومقهي وما قادر تفهم الزول دا بيعمل في كدا لييه وبيغني في شنو.. وعشان شنو..؟؟!! غايتو الله يدينا الصبر بس ..
|
ويمين اتحاسب عليهو يوم الدين ... الحالة دي بتجيني كل يوم
الشافع ده التقول قاصدني عديييييييييل خاصة لامن يرفع يدو للعازفين
ويقفل الاغنية .... خلاص يا محمد ادم المنصوري
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: haroon diyab)
|
هارون رمضان كريم ياخ ...
تعرف احمد الصادق فقد كبير للبرنامج دا ..اتخيل احمد دا غناى رسمى ...اخوهو مابطال...لكن احمد الصادق عجيب رسمى ..رمضان الفات قلت كدا انسى قصة انو هو فنان اى فئة من الفئات واسمع ليهو بحياد ....والله لقيتو ليك عجيب ...عموما مستحيل الشباب ديل كلهم يجمعوا على فنان ويكون عادى ..الجميل جميل ...
شريف الفحيل ماقادر اقرر بشانو لسه ...شوف خالك خليل ...
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: نادر النور آدم)
|
اها انا جبته حاجة من عندي
اها الشباب ظهروا....
Quote: يا عمك المصيبة انو ما في البرنامج دا براه .. في قنوات كتيرة في رمضان دا معطنا معط الصح .. والمصيبة الأكبر انو الزول دا صوته ضعيف شديد ياخ . . . . . . . انا خايف يجي يوم يختنق اثناء ما بغني |
شكرا يانادر ......
والزول ده ربنا يحفقظو لي شبابو من الخنق
ويحلنا منو الحله بله
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: ALazhary2)
|
الازهري
سلامات ورمضان كريم
Quote: الأخ الكريم المفضال هرون كل عام وأنتم بخير وتقبل الله أعمالكم
شريف الفحيل صوته جميل ويطربني، وشايف إنه من أفضل الأصوات الشبابية في الساحة الفنية ، بل هو أفضلهم (رأي شخصي) .
شريف فنان متميز جداً أتمنى له التوفيق والمزيد من الإبداع . |
وهذا راي نحترمه ونقدره
لكنه...
لن يغير من قناعاتي بخصوص هذا الفحيل
وبالمناسبة انا قبل كده كتبت في المكان ده
في احد البوستات واشدت بشريف الفحيل
لكن .....
الظاهر والله اعلم كنت ( بيض ) عدييييييييييييل
ولا كنت راكب غلط ماعارف
لاني وبعد متابعة هذا البرنامج العام الماضي
وهذا العام تـاكد لي بانه في جيهة والغناء في جيهة تانيىة
هذا مع احترامي لرايك وذوقك ياجميل
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: ismeil abbas)
|
سمعه ياحبيب
تصوم وتفطر علي خير
Quote: يا هارون يا جميل كل عام وأنت وألأسرة بخير.
البرنامج ده البركة فى فهيمة تحس بيها بتغنى بفهم وإحساس نابع من ألأعماق..
شريف ما بتاع برامج..بتاع حفلات جماهيرية عشان الموسيقى والجمهور يغطوا على صوته..صوته عادى. |
بالنسبة لي فهيمة 100%
بس بخصوص الحفلات الجماهيرية دعني اختلف معاك
يعني الناس ديل ذنبهم شنو........؟
الواحد يجي معبي الطاسة وصارف علي راسو الشي الفلاني
في ظل الظروف الاقتصادية دي
نجي نورطو بي شريف كمان
ياخي اتصلح مع اخوانا بتاعين الحفلات الجماهيرية
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: haroon diyab)
|
يا صفوة والله شريف مرااااااااااات ما كعب بس اهتمامو بالسبسبة والتلمع بقى اكتر من اهتمامو باداء الاغاني بشكل مرضي.... الموسم الفات والله كان نجم وكان ماشي كويس لكن يبدو الاضواء والشهرة والحاجات دي بدت تأثر عليهو سلبا ... غايتو شخصيا كنت داير يختو في مكانو عمر جعفر ود مدني الود الغاااااي ومنقطا وجد انا سعيد جدا جدا جدا لرؤية فضل ايوب ووجود فضل ايوب كنت بتمناهو يكون مع الكوكبة الشبابية دي ما مع العجايز..... شريف يا زول هوووووووي فتح عويناتك دي وما تحرجنا مع اختنا راوية دي النبي فيك
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: haroon diyab)
|
Quote: حتي اسالوا الدكتورة داليا الكباشي |
لازم (تفظحنا) وتوري الناس أني بحضر سبونج بوب يعني ؟ مششششم .. أمرنا لله
بالنسبه لي شريف الفحيل , فـ الولد غناي وعندو صوتو و(استايلو) وجمهورو , بس الحاجه اللي ضرتو شديد هي (التكرار) وكترت الطله الحاتمسخوا عند خلق الله ! وبالمناسبه أنتوا تحمدوا ربكم أنكم بتشوفوهو في أغاني وأغاني من رمضان لي رمضان .. نحن في السودان (نعشق أوطاننا) مفروض علينا شريف الفحيل في كل عرس , وكل (فرح) وكل عيد ميلاد وكل فطور عريس زاتو !
الصراحه كدا أنا بتكيف من حلقات أغاني وأغاني الخاليه (البنات) , يعني ياسر تمتام وشندي وسميره دنيا وحسين الصادق وفرفور عاصم البنا وقررررط على كدا
اضافه من سبونج بوب : أفراح صوتها ماشي في تدهور شديد جدا .. والصراحه كدا ظهورها السنه دي في اغاني واغاني أضر بيها أكتر مما نفعها .. في رأيي كدا حقو تركز في موضوع الاعلانات وتنسى موضوع الغنا دا
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: أسامة البيتى)
|
ياقريبي ياخ دي حاله عامه اصابة السودان عشان كدا انا عملت نظريه اسمها ( الخيال السمعي ) يظهر ما وصلك الشمار دا مضمونها بقول تخلي اي زول يهنق او يصرخ ولكن تسرح بخيالك في حالة تسامى مع روح الفنان الاصل وتشبع حاجاتك وتكتفي بذلك من كلام دا مافنان ودا مابنفع هسه في زمتك النافع شنو الان في السودان كله بقت على الفحيل بس مالك ياقريبي عايز تبقى زي جمال السنوسي برضو شابكنا بهناك عقد الجلاد دي حمى اصابة السودان في كل نواحي الابداع كان كورة قدم كان فنانين كان رسامين . . . هارون انا مع راويه وضد حبيب نوره الولد دا مرات مرات بلبس جميل ونضيف كمان
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: Hisham Ibrahim)
|
Quote: معقولة بس....؟ ينجح عمنا السر قدور في اثراء البرنامج بعد رحيل نادر خضر ( له الرحمة ) باضافة فنان الشباب حسين الصادق بامكانياته الصوتية العالية وملكة التطريب الفنانة فهيمة عبد الله ولايستطيع التخلص من هذا الفحيل...؟ |
هارون دياب سلام وتحيه ياخ معقول الهجوم الفظيع دة على الموهبة , شريف الفحيل وفى نفس الوقت اطراء واشادة بحسين الصادق !!! ادعوك لسماع اغنية اوراق الخريف بصوت شريف الفحيل واميمة , بتلقاها فى اليوتيوب ومؤكد بتغير رائك فيه , اما اعجابك بحسين الصادق دى ما عارفين دواها شنو
لكن باتفق معاك فى حركته للعازفين لقفل الاغنيه , غياظه جدا
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: Hisham Ibrahim)
|
Quote: العزاء الوحيد انوا شريف ده
اول مايفتح خشموا...
اغير القناة وامشي اسمع ده....!!!! |
من زمان كنت عايز واحد يؤكد لى المعلومه دى ومتفق معاك فى الرأى
ولكن إنت ماقدرت الا على شريف
هسع صباح وافراح الشعب ديل لازمتهم شنو فى البرنامج الله يرحم ايام اسرار بابكر فن اصيل واداء رائع يادياب المسئله بقت سماحه وميك اب ومجامله
شكراً دياب
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: إبراهيم عبد الحليم)
|
Quote: و كمان النطيط و الحركة المستمرة المملة لجسمه اثناء الغناء |
فرحان غنى اريتو بعرف ..
ماما قالت لي سلم علي عمو حمد وخلي يغني الوصية اخخخخخخخخخخخخ ...
بعدين يا هارون انا السنة الفاتت ختيت راي فيهو واااضح في بوست بتاع سفيان نابري ..
الواصطة ابوهو عمك الفحيل ..
يحلنا الحلة ابو ايمان بلة ..
اها ياراوية .. سجن سجن غرامة غرامة ..
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: محمد ميرغني شاطر)
|
Quote: شريف الفحيل صوته جميل ويطربني، وشايف إنه من أفضل الأصوات الشبابية في الساحة الفنية ، بل هو أفضلهم (رأي شخصي) .
شريف فنان متميز جداً أتمنى له التوفيق والمزيد من الإبداع . |
يا سلام عليك ياخ... أهو الناس الذويقة ومنصفين.. وشايفه القصة فيها تبلدينا كمان..:) قال صوته عادي!! بالله منو من الشباب "المؤديين" كلهم الفي الساحة الفنية صوته أحسن من عادي؟
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: rummana)
|
حبيبنا هارون دياب تحياتي
وأراك كل مرة تتباعد عننا شيء مريخ وشيء برشا والآن جيت لولدنا شريف:
جميل اختلاف الاذواق ولولاه لماتت العديد من المواهب،،
ظهور شريف بسرعة الصاروخ كان من خلال بروز موهبته وصوته الجميل في نجوم الغد
وصل لدرجة النجومية باقل مجهود بل ونجم شباك في كثير من حفلاته التي يقيمها واذكر كيف ضاقت بنا صالة افراح بالرياض عندما جاءنا داعما مشاريع خيرية لمرضى الكلى،،
واجبنا تجاه أبنائنا ان نتعهدهم بالنقد البناء ، وخصوصاً عند توفر الموهبة كالتي حبى الله بها شريف،،
علينا أن نهمس في أذنه ان يتجه نحو إنتاجه الخاص وفرض شخصيته بأعماله بعد أن أشتهر بأعمال الغير،،
شريف من اسرة فنية رائعة فوالده الاخ خالد الفحيل عازف الاورق المصاحب لكابلي وحمد الريح والعديد منةالفنانين
عمه احد اجمل الاصوات في مدينة الابيض عمر الفحيل اخذته الوظيفة بعيدا عن الغناء بعد ان ابدعوفي بواكيره
عمه عثمان عازف مجيد للاوكورديون ، والجميل في هذه الاسرة أنها جمعت بين العلم والهواية
والله لا اقول قولي فيه تحيزاً لاصدقائي بل العكس فالشاب شريف موهبة جديرة بالرعاية وشخصيته جيدة ومايراه البعض عيباً فيه اهتمامه بمظهره قد اراه انا او غيري بأنها ميزة يفتقر إليها الكثيرون
هارون رمضان كريم ، واختلافنا قيمة كبيرة نتمنى ان تدفع بشريف نحو صقل موهبته بالعلم والعمل
مثلما حصل تجاه الطفل محمد بدوي ابوصلاح بعد ان انتقده الناس كثيراً وكنت انا منهم هاهو الآن يفصح عن نجمٍ قادم بقوة في العزف والتلحين والاداء فانتظروهم
شريف شخصية قوية ولبنة طيبة لنجم قادم اسرع مما يجب
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: khaleel)
|
هدف البرنامج صار الإعلانات من أجل المال، الهدف موش الفن!! بالله شوفو فى كم إعلان فى البرنامج وماخدة كم من زمن المشاهد!!! الموضوع بقى تجارى خالص!! الشكل صار أهم من المحتوى .. وده هو أس البلاء وسبب الفشل للبرنامج! وعشان كدا شريف و أفراح قاعدين!! حقو يغيروا الإسم لإعلانات و إعلانات.. بدل أغانى وأغانى..
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: Salah Abdulla)
|
صلاح يا ابو جدو وابو شنب كمان
سلامات ياقريبي
عارف ياصلاح حكاية تسمع غنا دي الناس مستسهلنها
خااااااااالص وده يمكن مردوده عدم المبالاة التي
ضربت باطنابها ( حلوة اطنابها دي ) كل مناحي الحياة
يعني الواحد بقي عندو احساس بانو اي زول ممكن يغني.....
لو تتذكر قبال سنين لما جانا في الدوحة
( عصام محمد نور )( وياسر بورسودان ) وعملنا
اللمة الجمييييييييييلة ديك انت غنيت كما لم تغني من قبل
والشباب اصروا عليك تردد ( كيف لا اعشق جمالك ) ... اها عصام
وياسر شقوا طريقهم ....انت ابيت ليه ......؟
انا عارف جوابك ... واذا اي زول فهم ماهية الغناء زيك
ماكان انفتح زي البوست ده .
تحياتي ياحبيب ... وعازم نفسي افطار معاك
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: haroon diyab)
|
سلامات ياعباس
وعلك بخير
Quote: هرون .....رمضان كريم
غايتو اغاني واغاني ( رمينا طوبته ) ......تعال معانا بهناك واستمتع في زورق الالحان ...موسيقي ....شعر جميل ....اداء راقي ....وحوار شيق
اول مداخلة لي معاك كان مفروض تكون عن الزعيم ...لكن كله باوانه
لك التحية |
وياخي منور اللبوست ومرحبتين بلدنا حبابه
حباب الصفوة وحباب احبابه
باذن الله نهديك بوست التأهل المبكر
يوم الوقفة... يعني يبقي عيدك عيدين.
بعيدا عن اغاني واغاني
بالنسبة لزورق الالحان..... تمتلك هذه السلمي سيد
قبول مفقود في كثير من المذيعات ومقدمات البرامج
في كوتة تلفزيوناتنا التي لم تعد تقدم سوي الغث .
لكن...
احبطتني باستضافتها ابنة الشاعر الكبير ابو امنة حامد
والتي كانت خصما علي البرنامج وعلي مسيرة والده .
عموما.......
هذا الهرم ود الليمن يستحق الاحتفاء والاصطفاء .
مودتي التي تعرف
وتقديري الذي تستحق
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: أسامة البيتى)
|
صباح الخير
يا اسامة
Quote: هدف البرنامج صار الإعلانات من أجل المال، الهدف موش الفن!! بالله شوفو فى كم إعلان فى البرنامج وماخدة كم من زمن المشاهد!!! الموضوع بقى تجارى خالص!! الشكل صار أهم من المحتوى .. وده هو أس البلاء وسبب الفشل للبرنامج! وعشان كدا شريف و أفراح قاعدين!! حقو يغيروا الإسم لإعلانات و إعلانات.. بدل أغانى وأغانى.. |
لاننكر ان البرنامج وفي سابق سنواته
قدم الكثير ووثق للاغاني السودانية
ولكن....
ان يتم استغلال البرنامج بهذه الطريقة
للدعاية والاعلانات فهذا مايفرغه من مضونه
هذا اضافة الي ( شريف الفحيل ....!!!)
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: عبد اللطيف بكري أحمد)
|
حبيب الكل عبد اللطيف
افطار شهئ
وياخي هذا العشق الابدي المسمي مجازا الاحمر الوهاج
لم ولن يمكننا الابتعاد عن عالمه......!!!!
عارف ليه....؟ لانو عالم جميل
بالنسبة لولدكم شريف.....
كما قلت في البداية هي وجهة نظر شخصية
وقد توقعت التاييد من القليلين ولكن اتضح بان هناك
استفتاء لعدم جودة صوته او امكانياته او اداؤه التطريبي....!!!!
بل واتفق الكثيرين بانه خصم وليس داعم ......!!!
المهم.....
هي اذواق ووجهات نظر نتفق او نختلف عليها ولكن يبقي الود ياجميل
في حته هنا ماقادر اخليها ليك
Quote: شريف من اسرة فنية رائعة فوالده الاخ خالد الفحيل عازف الاورق المصاحب لكابلي وحمد الريح والعديد منةالفنانين
عمه احد اجمل الاصوات في مدينة الابيض عمر الفحيل اخذته الوظيفة بعيدا عن الغناء بعد ان ابدعوفي بواكيره
عمه عثمان عازف مجيد للاوكورديون ، والجميل في هذه الاسرة أنها جمعت بين العلم والهواية |
اها في الحتة دي يجب ان يفهم بان الفن ليس بوراثي
ودونك ولد سيد خليفة.... ياخي ده اخير منو شريف بمئة مرة...............!!!!!
بما انوا شريف لايمتلك شي حسب وجهات نظر الكثيرين
فتك بعافية
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: خضر الطيب)
|
خضر الطيب
جمل الله يومك
واضحك سنك
Quote: سلام ياهارون
ورمضان كريم
انا غايتو قدرتا اصنفك .. والله صحى
انت مازول بتاع شربه كلو كلو
تعرف فى نوع من المغنيين كدا لو ما اديتا كاس مابتقدر تطرب
النوع دا كثير جدا بالمناسبه
يعنى تكون لاطى وانت بتسمع فيهم كانك بتسمع فى ود الامين قدامك شخصيا |
اها شايف اخوك اكان شمه الفلة يفرتق الحفلة....
بس حكاية محمد الامين شخصيا دي خلتني افكر في الموضوع بجد
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: Mudather Kunna)
|
مدثر سلامات
بصراحة كلامك عين العقل
Quote: هسع صباح وافراح الشعب ديل لازمتهم شنو فى البرنامج الله يرحم ايام اسرار بابكر فن اصيل واداء رائع يادياب المسئله بقت سماحه وميك اب ومجامله |
لكن نعمل شنو مع نايلسات السجم دي
اي واحد عندو اربعمائة دولار يعمل ليهو قناة
والله العظيم اناحضرت تقديم طلبات
ومعاينات لمذيعات لقناة
قوون يمين بطنك تطم ....!!!!!
| |
|
|
|
|
|
|
|