|
هؤلاء المناضلون المحترمون مطلوب حضورهم فورا لأسباب وطنية!
|
ولانكم من صناع هذا المنبر فانه هذه الايام يفتقد اقلامكم النيرة والصادعة بالحق وهذه (حوبتكم) الان حيث لا بد من حضوركم للاسهام مع اخوتكم في دعم انتفاضة شعبنا بالداخل وهو الواجب الوطني بأضعف الايمان.
هاشم بدر الدين مهدي محمد خير فاروق حامد ابوناصر كمال عباس دكتور مصطفي محمود عواطف ادريس عبد المنعم سليمان شذي بلة واصل علي اسامة الخواض عبد اللطيف علي الفكي سارة عيسي عثمان تراث محمد محمود ( وسام) احمد ابنعوف زينب بدر الدين ريهان الشاذلي محمد يوسف ابوحريرة معاوية الزبير محسن عبد القادر نادوس ابنوسة صديق عبد الهادي عدلان عبد العزيز محمد القاضي كمال قسم الله الطاهر ساتي رجاء العباسي عصام الدين عبد الرحمن برير اسماعيل ناصر قدورة شهيد قدورة امل قدورة محجوب حسين دكتورة صفية دومة محسن خالد كمال سالم ماما سعاد ابراهيم احمد .................... وكثيرون لم تسعفني الذاكرة لتذكرهم
|
|
|
|
|
|
|
|
Re: هؤلاء المناضلون المحترمون مطلوب حضورهم فورا لأسباب وطنية! (Re: هشام هباني)
|
Quote: أنا هسه قايلك قررت إنك تسافر السودان لأسباب وطنية وناديت الناس دي عشان تشوف منو حيرافقك , تقوم تطلع بتاع كلام إنشاء وإسفير عاضي ساكت؟
مانعك شنو تمشي السودان؟ بصراحة كده. |
يا كاتب المداخلة اعلاه نوع الحنك ده قالوه الامنجيه لكل من يكتب حرف معارض او ضد النظام عشان يثبطوا الهمم والمعروف لكل مناضلى الخارج مدى القلق الذى يسببونه لهم باقلامهم لا يحتاج هبانى وغيره ان يعودوا الى الوطن ليناضلو من الداخل لان ما يقومون به من الخارج من نضال هو ما سيزعزع عرش الطغاة وبالبسيط كده معروف لدي الجميع انه امثال هشام هبانى اذا ارادوا العوده فمن المطار ح يغطسوه وين ما بيتعرف وكل شىء ممكن يتوقع من الامن مهما كانت الجنسيات التى يحملها مناضلى الخارج فهم مستهدفون من امن النظام اذا عادو الى الوطن وده المانع الناس بصراحة كده وده طبعاً رد الاسلوب المهذب لكن ممكن فى ناس ترد باسلوب تانى غاضب فبالله خلونا من فرمالة ناضلو من الداخل دى وانحنا كلنا عارفين الحاصل والبير وغطاها
======== تحياتى لصاحب البوست وضيوفه
| |
|
|
|
|
|
|
Re: هؤلاء المناضلون المحترمون مطلوب حضورهم فورا لأسباب وطنية! (Re: محمد زكريا)
|
سلامات يا ود هباني، و الله دعوتك دي حفزتني أرجع للمنبر,, و أهو بكري مشكور رسل المفتاح سريع. أها,,, بسم الله الرحمن الرحيم,,, خلينا نبدأ ,,,, ياهو دا...
أحمد الطيب ود بدرالدين/
| |
|
|
|
|
|
|
Re: هؤلاء المناضلون المحترمون مطلوب حضورهم فورا لأسباب وطنية! (Re: هشام هباني)
|
سلامات الجسور هشام هباني ..... شكرا لحسن الظن .. غايتو انا ما بارحت سودانيزاونلاين بدخل بقرا الخبارت والامور ومرة ومرة بتداخل او بنجر ...
ماساتنا في سودانيزاونلاين يا هشام انو تفتح المنبر العام وتعاين بوست بوست واسم الكاتب وتستمتع بالعناوين وتفتح البتعجبك -في نيو ويندو عشان تكمل كل العناوين وتجي تقرا الفتحتو بمزاج، وفي نص هذه المتعة تلقي (صلاح غريبة جدا ) كاتب ليهو وهمة ومن وهماتو من نوع صلينا في الحسين وضربنا سمك عوضية وحبيبنا ومتصور معانا وغريبة جاااااااااااااااااكم ... عموما القصة دي كفيلة بانها تطفش كل اصحاب النفوس النقية وسريعي الزهج .... والعجب العجاب لمن تلقي ليك بوست مكتوب عليهو عاجل وجديد ومهم ونار منقد وتلقي سيدو ينظر وينظر في انو فلان ده كضاب لانو الصورة بتاعة الثورة بايتة او المحروق ده ما لستك .... وتلقي نوعية من القاعدة وخاتة روحها في خانة حكماء المدينة تدخل تكابس وتشبكك ما دايرين كضب والمصداقية والمصداقية وكلمات من الكبار القابل للكسر داك .... يا عجبي يا هشام هباني كمان من ناس الاحزاب والتطبيل للاحزاب ايام الثورة .. وقوي الاجماع والمؤتمرات الصحفية والمنصة والكرفتات وتعالو الندوة الفلانية وهاك يا بديل ديمقراطي وهاك يا حكومة انتقالية ووزارة التجارة ....غايتو لو في زول ناصح يكلمهم يعطلو الامانات الاعلامية الحزبية قليلا وينشغلو بامر سواها ..خلو الثورة تمش ياخ....
قاعدة يا هشام هباني ... وحاضرين حتي النصر ...
عاش نضال الشعب السوداني
| |
|
|
|
|
|
|
Re: هؤلاء المناضلون المحترمون مطلوب حضورهم فورا لأسباب وطنية! (Re: ريهان الريح الشاذلي)
|
Quote: يا كاتب المداخلة اعلاه نوع الحنك ده قالوه الامنجيه لكل من يكتب حرف معارض او ضد النظام عشان يثبطوا الهمم والمعروف لكل مناضلى الخارج مدى القلق الذى يسببونه لهم باقلامهم لا يحتاج هبانى وغيره ان يعودوا الى الوطن ليناضلو من الداخل لان ما يقومون به من الخارج من نضال هو ما سيزعزع عرش الطغاة وبالبسيط كده معروف لدي الجميع انه امثال هشام هبانى اذا ارادوا العوده فمن المطار ح يغطسوه وين ما بيتعرف وكل شىء ممكن يتوقع من الامن مهما كانت الجنسيات التى يحملها مناضلى الخارج فهم مستهدفون من امن النظام اذا عادو الى الوطن وده المانع الناس بصراحة كده وده طبعاً رد الاسلوب المهذب لكن ممكن فى ناس ترد باسلوب تانى غاضب فبالله خلونا من فرمالة ناضلو من الداخل دى وانحنا كلنا عارفين الحاصل والبير وغطاها
|
يا كاتب المداخلة أعلاه :
أولاً : الحنك بتاع أمنجي وكوز و......إلخ , ده حنك عاضي وما جايب حق مريسة تامزينه.
ثانيا : وبالنسبة لكلامك أدناه :
Quote: وبالبسيط كده معروف لدي الجميع انه امثال هشام هبانى اذا ارادوا العوده فمن المطار ح يغطسوه وين ما بيتعرف وكل شىء ممكن يتوقع من الامن |
هنا مربط الفرس ياكاتب هذه المداخلة , فكيف لك ولهذا المناضل الكيبوردي المزيف أن يخشى على نفسه من بطش الأمن وفي نفس الوقت تطلب من الشباب في السودان الخروج والتظاهر دون أن تهتم من نفس المصير الذي قد يقضي على شبابهم ومستقبلهم؟ (قمة الجبن والأنانية وحب النفس) ومن ناحية آخرى , فإن عميل اللجان الثورية ظرباني قد قضى عشرين عاماً منبطحاً لأطول نظام شمولي في المنطقة العربية وهو نظام القذافي , فهو بالتالي يعتبر متمرساً في الإنبطاح للتك الأنظمة وعلى دراية بخبايا الأضابير فيها , لذلك يمكنه أن يعود للسودان ليكون قدوة لهؤلاء الشباب , من ناحية , ومن ناحية أخرى فهو قد بلغ من العمر ستين عاماً وبالتالي لن يخسر شيئاً فقد فات العمر ولم تعد لحياته قيمة طالما أنه قضى ثلث عمره عميلاً لللقذافي.
ولنقل أن الأمن سيفعل به الأفاعيل , لماذ لا يكون مثل البوعزيزي ويضحي بنفسه فداء لثورة يؤمن بها ليكون قرباناً ومكفراً عن ذنب عمالته للنظام الليبي.
مالكم كيف تحكمون؟؟؟
| |
|
|
|
|
|
|
Re: هؤلاء المناضلون المحترمون مطلوب حضورهم فورا لأسباب وطنية! (Re: Mohamed Abdelmotalib Hassan)
|
الناظر هباني سلام وشكرا لوصفنا بأصحاب النضال المحترمين وآمل أن أستحق هذا الوصف وأنت تعرفني منذ أيام القاهرة أحاول أن أشكل موقفا نقديا في مجمل حاجات بلادنا السمحة والكويسة. وهكذا أنشط في فسيفساء السياسة والفكر والصحافة وفن التشكيل والندوات والاعلام والترجمة والمشاركة وتأسيس مراكز الاستنارة، لعلك تذكر تجربة مركز الثقافات ومركز الدراسات السودانية وربما تابعت صور إفتتاحنا لمركز الأبنوس (للتعدد الثقافي والسلام) في واشنطن وهو قد أقام أربع فاعليات ثقافية. وقبلها وجدتنا من مؤسسي جماعة 2124 في واشنطن فضلا عن قيامي الآن بوظيفة الامين العام لنقابة الصحافيين السودانيين في الولايات المتحدة حيث حتما قرأت بيانات الاستنكار والشجب التي ندفع بها. أما على مستوى الوظيفة فيا أخي أخوك محرر في راديو سوا قسم عافية دارفور وأعد برنامجا ثقافيا يوميا عن ثقافة دارفور وأنشط في محاورة كل ناس الحركات ولو دخلت موقع الراديو لوجدت الآن حوار من جزئين مع السيد مناوي. تصدق يا صديق الآن أمامي خمسة مقالات فيها السياسي والثقافي وتحتاج للتشطيب وهناك حوار لمدة ثلاثة ساعات مع هادية طلسم أحتاج أن أفرغه لكتابة سيرة ذاتية عن تجربة البلابل. بعد كل هذا تقف خلف الشاشة الآن أم العيال التي تعرفا وتطالبني بان أمشي أجيب ليها شمارمن الجاينت. وبكرة أنا شغال واللاوندري وعايز ارسل قروش وارد على ثلاثة تلفونات لم اتمكن من الرد عليها حالا. يا صديق نحن في وسط المشهد ومتفاعلين معه ولنا هنا وهناك رميات غير منظورة وعندنا المفاوض الخفي كما قال مونا غفر الله له وللسيد علي.. ولكن المشكلة يا السيد الناظر حيلتنا ضعيفة والله غالب.. أثمن حقيقة نضالك ضد الاستبداد منذ أيام القاهرة التي تعارفنا فيها وأمتدت العلاقة لتكون أسرية.ولا أنسى وقفتك معي وزوجكم في مأساة فقداني تلك الطفلة الجميلة التي إنطبعت نظرتها في وجهي وآمل أن نصل إلى مستوى هذا النضال الذي عرفت به وسجلت أنت إسمك كأقوى وأشرس الأصوات ضد الإستبداد. تحياتي وللمدام ولإبنتنا الصحفية.
| |
|
|
|
|
|
|
|