|
Re: مدير جامعة الخرطوم ركع وبلع وهتف الجامعة حرة والعسكر يطلع برة ( في (Re: saif massad ali)
|
الاخ محمد المصطفي وبكرة سوف ياكلوا حنظل الطلبة بكرة عندهم وقفة امام مكتب المدير الساعة تسعة صباحا لتسليم مذكرة شاملة عن وقف الدراسة والامتحانات وغيرها
الاخ امجد الزين شكرا للدعم المتواصل
الاخت رشا بل هذا نتاج للضفط الطلابي متمثلا في المظاهرات اضافة لضغط الاساتذة فالمدير كوز ومشهود له بكثير من المواقف ضد الطلاب لقد فصل الكثير وادخل الامن الي الجامعة اكثر من مرة
| |
|
|
|
|
|
|
Re: مدير جامعة الخرطوم ركع وبلع وهتف الجامعة حرة والعسكر يطلع برة ( في (Re: هشام هباني)
|
اختلف مع اي شخص يقول انه ما يصرح به مدير الجامعة الان يعبر عن حالة فرز وتمايز بين الكيزان هذا الشخص
لم يتولي هذا المنصب الا ولانه كوز ومن يناكف في هذه المعلومة يراجع تاريخ مدراء كل الجامعات في عهد الانقاذ
وطريقة اختيارهم واقول ان ما يقفه من مواقف الان هو الاسلوب الاسهل للسيطرة علي الطلاب وامتصاص غضبهم
لانهم يعلمون ضرورة وجود شخص ما يلعب دور المخبر الذكي الذي يستطيع ان يمتص غضب الكثير من الطلاب البسطاء
وبالتالي يعزلون الطلاب المنظمين من الانفراد باشعال حماس الطلاب طالما ان الكيزان ايضا يمكن ان يلعبوا دور الوطني
والحادب علي مصلحتهم الي ان ينجلي الامر .
وما اظن ان في ذلك خلاص او ان ذلك سيؤدي الي نتيجة لصالحهم لانه من ناحية اخري يعبر عن ان العاصفة
اكبر من المواجهة فهم يجربون الان الانحناء لها لشدتها في جامعة الخرطوم وضربها في مواقع اخري
| |
|
|
|
|
|
|
Re: مدير جامعة الخرطوم ركع وبلع وهتف الجامعة حرة والعسكر يطلع برة ( في (Re: على عجب)
|
أحيك ياعجب ،،،،،،،،،،وهذه هي طبيعة الكيزان ،حينما يقع ضغط كبير عليهم ، الاستراتيجية الاساسية التي يعولون عليها هي تمزيق وحدة الطلاب بالكلام اللين والسهل ، دون ان يخرج من خطه الاصلي ،،،،،،فكون تكون الجامعة حرة ، وكون ان العسكر يطلع برة لا تعني باي حال من الاحوال انه منحاز لقضية الطلاب الاساسية ، وهنا ك قضايا كثيرة متعلقة بالجامعة ان اراد ان يبين علي فرز بتاع كيزان خليهو يتكلم عنها فقط كلام ........ قبل ثلاث ايام سافر نافع علي نافع الي القاهرة وهناك قابلوه ناشطون بهتاف لن يحكمونا عصابة الجبهة او شي من هذه القبيل .......فردد معهم نفس الهتاف مازحاً دون ان يظهر عليه اثار الغضب .......ملوحاً هكذا بيده .......... علي الطلبة اليقظة والتعامل مع الموضوع بحنكة ........نعم عليه تنفيذ مطالب الطلاب الانية مثل فك اسر الطلاب المعتقلين ولكن .......قبل ذلك الانحياز الي قضية التظاهر الاساسية وهي السبب الرئيسي في الاعتقال ........ولو كان مدير الجامعة قد فرز عيشته مع الكيزان، فليحاكم الرابطة والطلاب داخل الجامعة الذين ضربو زملاءهم بالسيخ والعصي وان يوقف مظاهر العنف الكيزاني بالقانون والعقاب لهم .......... والله لو عمل كدا نقدر نقول عليه فعلاً انحاز لقضايا الطلاب ، اما حكاية يرفع يده قائلاً الجامعة جامعة حرة ، هذا كلام عام لا يستحق بموجبه ان نصفه في صف الطلاب وفرز عيشته مع الكيزان مطلقاًQuote: وطريقة اختيارهم واقول ان ما يقفه من مواقف الان هو الاسلوب الاسهل للسيطرة علي الطلاب وامتصاص غضبهم
لانهم يعلمون ضرورة وجود شخص ما يلعب دور المخبر الذكي الذي يستطيع ان يمتص غضب الكثير من الطلاب البسطاء
وبالتالي يعزلون الطلاب المنظمين من الانفراد باشعال حماس الطلاب طالما ان الكيزان ايضا يمكن ان يلعبوا دور الوطني
والحادب علي مصلحتهم الي ان ينجلي الامر . |
| |
|
|
|
|
|
|
Re: مدير جامعة الخرطوم ركع وبلع وهتف الجامعة حرة والعسكر يطلع برة ( في (Re: SAIF MUstafa)
|
الاخ دكتور سيف
قم للمعلم وفه التبجيلا كاد المعلم ان يكون رسولا
اخي سيف لئن عايشت بروفيسور صديق وهو طالب فهذا لا يعطيك الحق في ان تخاطبه بهذه الطريقة0 كفى بالبرفيسور انه قال حديثه هذا امام الطلاب والعالم اجمع0 اما الحديث عن انتمائه ومواقفه السابقة في وظائف اخرى فهذا ليس محل النقاش0 ان ما قام به برفيسور صديق حدث تاريخي يتمثل في وقوف مدير الجامعة امام طلابه والعالم وترديده للشعارات التي رفعوها ومساندته الصريحة لمبادئ وجوب مراعاة حرمة منابر العلم0 اما سيرته الذاتية فانت ادرى بها مني وحسبه انه استاذ عالم في مجاله0 وسلوكه هذا ليس بمستغرب من شمباتي اولا وعالم ثانيا وفقيه ثالثا حتف انفك يا صديقي0
| |
|
|
|
|
|
|
Re: مدير جامعة الخرطوم ركع وبلع وهتف الجامعة حرة والعسكر يطلع برة ( في (Re: Mohamed Eltayeb)
|
سلام للجميع ..المعروف ان منصب مدير جامعة الخرطوم منذ مجئ الانقاذ اصبح منصب سياسي لا يوضع فيه الا كوز او متكوز او انتهازي او من تتوفر فيه كل هذه الصفات ...........
رغما عن ذلك فهتاف المدير الحالي بحرية الجامعة يشكر عليه واي كان الهدف من ذلك فهذا لن يخذّل الانتفاضة بل سيدفعها
لقد عاصرت مديرين في جامعة الخرطوم
الاول مامون حميده وهو من دمر سمعة جامعة الخرطوم الاكاديمية بقيادته للتعريب ... وسكوته علي اغتيال الطلاب في بداية عهد الانقاذ ..وتحول بعدها لرجل اعمال اكاديمي بافتتاحه لجا معته الخاصة والتي لاتدرس الا باللغة الانجليزية التي رفضها باسم المشروع الحضاري وهو كوز وانتهازي معا. اما الثاني فهو مدثر التنقاري وهو شخص بلا مواقف رفض ان يقف مع الطلاب في كل المعارك ومنها اول اعتداء علي الحرم الجامعي بواسطة امن الانقاذ وايضا معركة مقاطعة الامتحانات الشهيرة والتي تضرر منها الطلاب اكاديميا نتيجة لتجاهل ادارة الجامعة لمطالبهم . والحساب يجمع
| |
|
|
|
|
|
|
Re: مدير جامعة الخرطوم ركع وبلع وهتف الجامعة حرة والعسكر يطلع برة ( في (Re: Elham abdelkhalig)
|
ودي اقوال المدير ::
Quote: مدير الجامعة : الجامعة ليست ميدان التحرير ومن اراد حمل السيخ فعليه الخروج الي الشارع ، سيتم فصل اي طالب يثير الشغب وسنمنع دخول اي شخص لا ينتمي الي الجامعة . |
Quote: مدير الجامعة : الجامعة ليست مكان للعنف والتظاهر والاشتباك مع الشرطة ، سيتحمل الطلاب وحدهم نتيجة هذا ولن اسمح بتأجيل يوم واحد ، الدراسة والامتحانات بمن حضر ولن نستثني احد .
|
وهل يعقل ان يكون مدير هذا الصرح غير كوز ؟ يا نحن جنينا يا الكيزان جنو واذا وجدنا وقت سوف ننزل بعض مواقفه
| |
|
|
|
|
|
|
Re: مدير جامعة الخرطوم ركع وبلع وهتف الجامعة حرة والعسكر يطلع برة ( في (Re: Omer Abdalla Omer)
|
الاخ سيف سلام كدي شوف الادب في مداخلتك دي فات الحد كيف وبرضو جاي تكلمني عن الادب ؟ كدي ورينا حتة واحدة تحدثت فيها عن المدير بقلة ادب اما انت فحدث ولا حرج : وصفت المدير بالاتي في هذه المداخلة : 1- ساذج 2- من الطامعين بالمناصب 3- سجم خشمك 4- اعمي البصيرة 5- انحرف عن طريق الحق 6- أما مواقفه فهى إساءة ومؤلمة لنا ولأهله قبل أن تكون مدانة من أى زول تانى.. وطيب والكوزنة شنو ؟ وفضل ليهو شنو من صفات الكيزان ؟ وهل يعقل ان يكون مدير لهذا الصرح العملاق وهو بهذه الصفات ؟ ( ساذج وحدها تكفي ) والمصيبة انك بتطالبني باني اعارض باخلاق المدير .. انت خليت ليهو اخلاق ( عجبي ) يا اخ انت مسحت بيهو الارض وجاي تطلب مني اتحدث عنو باخلاق ( اغرب شيء ) طلعتنا مجانين ونحن لم نسيء اليه . وطيب انت باساءتك الكثيرة له تطلع شنو ؟ والمعارضة دخلها شنو في البوست ده عشان تحشرها بغير مناسبة ؟ ( الا ان تكون صاحب غرض )
Quote: كدة أحسن يا صديق حياتى ورطة تعدل ليك راسك المدوقس دا وأنت أصلا مالك ومال الكيزان والمناصب كان طمعك بالمناصب غلبك، أولى بيك مسيد جدك بالصقيعه خليناك مع أخوك تلم وتطبع فى علوم العرفان ألت جدك ، سمعنا بيك أفندى وكمان مدير... سجم خشمك وكان لا بد من الخربانة أرجع معامل قسم التربة (ألطف بنا من لم تزول ... من الوباء الماخلى زول..) لك الود وربنا يفتح بصيرتك
...... يا أستاذ عجب الزول دا ما كوز وأشهد الله أنه عانى منهم داخل السودان وخارجه، ولكن سيطر عليه حب المناصب ووجد الكيزان فيه من السذاجة ما يكفى لإخراجهم من ورطات أدارية محددة.. ما قام به فى الشؤون العلمية وأخيرا فى الأدارة لايشرف أحد. وعانى منه أصدقائه قبل الآخرين وسيدفع ثمنه لا محالةوبقدر ما أرتكب، ولكن من الإجحاف مساواته بمن سرق أو قتل...
أمثال صديق يمكن بسهولة ضمهم لجانب الثوار وهو أول الطريق لخلخلة تحالفات المصالح داخل النظام..
لا يعنى هذا عدم المحاسبة فهو مثله ومثل كل من شارك فى أجندة هذا النظام فأنا أول من يطالب بمحاسبته فقط علينا تسمية الأشياء بمسمياتها...وأتمنى منه ومن أمثاله الرجوع إلى الحق قبل فوات الآن.... |
Quote: أما مواقفه فهى إساءة ومؤلمة لنا ولأهله قبل أن تكون مدانة من أى زول تانى..
|
Quote: أخ صلاح سلام
من ناحية الجن دى أنتو والكيزان كلكم جنيتو..
وأقول ليك وأنت بس ما تزعل، الطريقة والأخلاق اللى أنت بتكتب بيها هنا بتخليك أقرب للكيزان من صديق حياتى، بغض النظر عن المحتوى والهدف وبغض النظر عن أنو صديق بيخدم النظام وأنت بتخدم المعارضة كما يبدو...
بس نسوى شنو المعارضين مبتلين بالزيك والنظام نجح أنو يتحوي فى زول زى صديق...
عارض بس بى أخلاق زى أخلا ق الزول اللى هو بمثابة مدير أكبر مؤسسة تعليمية دا وهتف بما يؤمن بيه قدام الدنيا رغم أنه محسوب على النظام، وأنا برفض شكره عليها لأنى متوقع منو أكتر منها، لكن أنت بطريقتك دى حقو تعمل ليه تمثال.. وقع ليك.؟؟؟ ...
وزى ما صديق مفروض يتحاسب المعارضين اللى بيستخدموا أخلاق الكيزان مفروض يتحاسبو برضو..
أصلو مافى زول بيقول ما تحاسبو المدير على مواقفه، قلنا أنو ما كوز ويمكن تحييده أو ضمه للمعارضة، بس أنتو اللى بيخليكم تفهموا أدوات المعارضة الصحيحة ،ومنها كلامنا دا، شنو؟؟؟
وكان الله فى عون الناس اللى ما عارفين يلقوها من منو...
تحياتى سيف مصطفى |
| |
|
|
|
|
|
|
Re: مدير جامعة الخرطوم ركع وبلع وهتف الجامعة حرة والعسكر يطلع برة ( في (Re: صلاح جادات)
|
الأخ صلاح سلام 1Quote: - ساذج 2- من الطامعين بالمناصب 3- سجم خشمك 4- اعمي البصيرة 5- انحرف عن طريق الحق 6- أما مواقفه فهى إساءة ومؤلمة لنا ولأهله قبل أن تكون مدانة من أى زول تانى.. |
دى اللستة اللى حسب فهمك بتبقى الزول كوز.؟؟؟؟؟..
كان كدة الكيزان بختهم السودان كله كيزان...
التجريد ما عندكم لكين...
يازول دا رأى فى المواقف اللأدارية المحددة لصديق أو أسبابها وما فيها أى إساءة لأخلاقه، وأؤكد لك أنه لم يكسب وراءها ما يطعن فى عفته .. وهى لا تعنى أن الرجل كوز زيو زى أى قاتل وسارق...
وما تنسى دى مؤسسة أكاديمية حتى التطلع للمناصب فيها هدفه وآثاره ما زى المناصب الأخرى.. مشكلتك أى نقد أو راى فى حاجة جزئية محددة للزول بتعتبره أساءة للبنى آدم بحاله وأى منصب طالما فى الزمن لازم يشغله كوز، فيا صلاح ما فيش حاجة بتجيب كلامى دا لكلمة كوز اللى بيقيتو تطلقوها على أى زول دى... ودا عدم الأخلاق اللى وصفتك بيه ولا أنفى أعتمادى على الفكرة العامة السلبية اللى تكونت عندى من نقاشاتك وحواراتك السابق هنا... بعدين ياخى أنا وريت أسباب معاييرى دى...
صراحة ما عندى رغبة فى اللت والعجن فمن الآخر كدة الزول دا ما كوز ووصمه بأنو كوز وأن القالوا دا بلع وركوع دا عدم أخلاق زيادة على أنو كلامى حسب ما ذكرت من معايير نسبية ما فيه أى طعن فى أخلاق الرجل اللى بينى وبينه ملح وملاح..
وأنت بعد كدة ربنا يفهمك قدر بصيرتك أصلو العقل الفيه أتعرفت.
فتك بى عافية
| |
|
|
|
|
|
|
Re: مدير جامعة الخرطوم ركع وبلع وهتف الجامعة حرة والعسكر يطلع برة ( في (Re: Omer Abdalla Omer)
|
الاخ سيف سلام لم نتحدث عن اخلاقه ابدا بل عن مواقفه وانت نفسك قلت مواقفه فهي اساءة ومؤلمة لك وللاهله ومن العادة ان الانسان عندما يغير مواقفه يقال فلان بلع وركع وهل كانت هذه اول مرة يدخل فيها الامن للجامعة ؟ فماذا كان موقفه قبل الان ؟ الطلاب يقولون انه متعود علي ادخال الامن للجامعة كلما برزت مشكلة فلماذا لم يهتف من قبل بطلوع العسكر من الجامعة ولماذا لم يتخذ موقف من دخولهم المتعدد للجامعة انت المدير ما خليت ليهو حاجة وتجي تقول نقد جزئي ( وشايفك جبت ليها زيادة + درويش ) مواقف المدير هي الصنفتو كوز وانت نفسك قلت انها مواقف غير سليمة وشايفك بتقول يضغطوا عليه للانضمام للثوار .. يا اخ زول في عمر وعلم المدير وبعد ده يضغطوا عليهو ؟ زول زي ده ما بنفع في اي مكان يمشي ليهو والكلام ده مبني علي شهادتك فيهو
Quote:
الأخ صلاح سلام 1 Quote: - ساذج 2- من الطامعين بالمناصب 3- سجم خشمك 4- اعمي البصيرة 5- انحرف عن طريق الحق 6- أما مواقفه فهى إساءة ومؤلمة لنا ولأهله قبل أن تكون مدانة من أى زول تانى..
دى اللستة اللى حسب فهمك بتبقى الزول كوز.؟؟؟؟؟..
كان كدة الكيزان بختهم السودان كله كيزان...
التجريد ما عندكم لكين...
يازول دا رأى فى المواقف اللأدارية المحددة لصديق أو أسبابها وما فيها أى إساءة لأخلاقه، وأؤكد لك أنه لم يكسب وراءها ما يطعن فى عفته .. وهى لا تعنى أن الرجل كوز زيو زى أى قاتل وسارق...
وما تنسى دى مؤسسة أكاديمية حتى التطلع للمناصب فيها هدفه وآثاره ما زى المناصب الأخرى..
مشكلتك أى نقد أو راى فى حاجة جزئية محددة للزول بتعتبره أساءة للبنى آدم بحاله وأى منصب طالما فى الزمن لازم يشغله كوز، فيا صلاح ما فيش حاجة بتجيب كلامى دا لكلمة كوز اللى بيقيتو تطلقوها على أى زول دى... ودا عدم الأخلاق اللى وصفتك بيه ولا أنفى أعتمادى على الفكرة العامة السلبية اللى تكونت عندى من نقاشاتك وحواراتك السابق هنا... بعدين ياخى أنا وريت أسباب معاييرى دى...
صراحة ما عندى رغبة فى اللت والعجن فمن الآخر كدة الزول دا ما كوز ووصمه بأنو كوز وأن القالوا دا بلع وركوع دا عدم أخلاق زيادة على أنو كلامى حسب ما ذكرت من معايير نسبية ما فيه أى طعن فى أخلاق الرجل اللى بينى وبينه ملح وملاح..
وأنت بعد كدة ربنا يفهمك قدر بصيرتك أصلو العقل الفيه أتعرفت.
فتك بى عافية |
| |
|
|
|
|
|
|
|