|
|
 Re: القوات الدولية في دارفور ....رائك مهم جدا (Re: Tragie Mustafa)
|
Quote: خليهم يجربوا وبعدها نشوف...غايتو الضامنا ليك...ناس الامم المتحدة ديل حا يغلوا
علينا الصعوط...ومن هسي العايز يدكن ...صعوط ناشف فليفعل اليوم قبل الغد. |
الغالي /نزار
ماياهو ده المخوفنا انهم يجربوا والحكاية تعجبم وبعدين نبقي في اليحلنا الحلا بله , المهم عندي رطلين تمباك ناشف ماحاانساك ياقريبك .
Quote: كما انني ارى ان البعض يريدون استغلال مشكلة دارفور لتغير النظام
دون وضع بدائل..
الاستعداد للانتخابات والتغير السلمي الى الديمقراطية افضل كثير
من الانقلابات او الاراجيز الذي يضعهم النظام الدولي
عند دخوله البلاد...
الديمقراطية والتنمية المتوزاية واحترام حق المواطنة
والحرية هي المطلب وهذا لن ياتي ابدا عن طريق قوات دولية... |
الاستاذة / بيان
ونعم الرأي , لكن ذي مابقولوا ( نحن قبيل شن قلنا ....!)الخوف ما من الطير لكن من القادم والقادم الله يستر منو....!
الاستاذة / تراجي
كدي نمسكك واحدة واحدة
| Quote: اولا مرحب بك برلوم ومسخن وكمان من بورتسودان ومقيم في الدوحه!!وعايز تفتي في دارفور?? |
اولا برلوم دي حلوه لكن من بورسودان دي واقامتي في الدوحه مااظن تمنعني اني افتي في دارفور..!
| Quote: هل يمثل هذا المنبر نسب حقيقيه للعشب السوداني؟؟؟الاجابه لا. |
المنتدي لا يمثل نسب حقيقة للسودالنيين لكن اعتقد انوا اصبح منبر مهم واعتقد عندما تقوم المؤسسات المتخصصة في كندا بعمل استبيان فانه تعتمد علي عينات عشوائية وهذا ماقصدته .
Quote: هذا المنبر غالبيته من اهل الوسط و الشمال.
اذن:
اولا هم غير متضررين بشكل مباشر مما يحدث في دارفور.
اذن لا يحق لهم من اساه التصويت حول هذا الشأن.
خلينا لو عايز ننقل المعركه للخطرطوم بعدين نسألهم يصوتوا |
والله اهل الشمال والوسط مكتوين بنار مايحدث لاهلهم في دارفور .
وبعدين الله مايسمع منك ...! وباذن الله المعركة ماتصل الخرطوم وتنتهي ازمة دارفور بدون اي تفتيت لهذا الوطن الجميل وتعود دارفور سيرتها الاولي واحسن ويظل السودان بالف خير ... قولي آميييييييييييييييييين.
Quote: عشان تشوف فعلا يعني ايه لما الناس بتقول اليده في المويه مش زي اليده في النار.
وانت يدك في المويه.
نعم لدخول القوات الدوليه اليوم قبل غدا لحماية المدنين. |
صدقيني نحن ايدنا مافي المويه .. نحن ايدينا بقوا حطب النار القائمة كل يوم في ركن من اركان بلدنا الحبيبة .. كفاية علينا غربة ومرمطه .. الحاصل في البلد خله نصها مهاجرين والنص التاني في قائمة انتظار الهجرة ... كفاية انوا الواحد ينزل السودان عشان يدفن اخوه ويرجع مرة اخري عشان يدفن ابوه ويرجع مرة اخري ليدفن امه والخوف انوا المره الجايه يمشي في صندوق عشان يدفنوه في السودان وتبقي يااستاذتي العزيزة ميته وخراب ديار ... وده كله بسبب الحروب والمشاكل والفقر والظلم الحاصل في البلد وهذا غيض من فيض ... برضو تجي تقولي يدنا في الموية .
وانا معك مرحبا بالقوات الدولية اذا كانت هي الحل ...!
لكي عاطر تحياتي
|
|
 
|
|
|
|
|
| العنوان |
الكاتب |
Date |
| القوات الدولية في دارفور ....رائك مهم جدا | haroon diyab | 06-26-07, 03:21 PM |
| Re: القوات الدولية في دارفور ....رائك مهم جدا | nazar hussien | 06-26-07, 03:46 PM |
| Re: القوات الدولية في دارفور ....رائك مهم جدا | bayan | 06-26-07, 04:02 PM |
| Re: القوات الدولية في دارفور ....رائك مهم جدا | Tragie Mustafa | 06-26-07, 04:13 PM |
| Re: القوات الدولية في دارفور ....رائك مهم جدا | haroon diyab | 06-26-07, 06:34 PM |
| Re: القوات الدولية في دارفور ....رائك مهم جدا | Mohamed Suleiman | 06-26-07, 07:08 PM |
| Re: القوات الدولية في دارفور ....رائك مهم جدا | ابوالقاسم ابراهيم الحاج | 06-26-07, 07:02 PM |
| Re: القوات الدولية في دارفور ....رائك مهم جدا | Khalid Kodi | 06-26-07, 07:04 PM |
| Re: القوات الدولية في دارفور ....رائك مهم جدا | Atif Makkawi | 06-26-07, 07:19 PM |
| Re: القوات الدولية في دارفور ....رائك مهم جدا | kamalabas | 06-26-07, 07:25 PM |
| Re: القوات الدولية في دارفور ....رائك مهم جدا | Haitham Elsiddiq | 06-26-07, 08:22 PM |
| Re: القوات الدولية في دارفور ....رائك مهم جدا | يحي ابن عوف | 06-26-07, 08:36 PM |
 Re: القوات الدولية في دارفور مسألة ضرورية لهذه الأسباب.... | Yasir Elsharif | 06-26-07, 09:10 PM |
| Re: القوات الدولية في دارفور ....رائك مهم جدا | kamalabas | 06-27-07, 12:38 PM |
|
| |
haroon diyab
فيس بوك
تويتر
انستقرام
يوتيوب
بنتيريست