|
Re: التومة: قريت ليك الجرايد ياخ (اخبار)..!! (Re: Kabar)
|
افريكا كونفيدنيشيال:
يوغندا: حرب الخلافة الرئاسية..
اها يا التومة.. ناس يوغندا منافسة شديدة لمنو يكون الرئيس الجاي..و عندهم مرشحين اتنين: رئيس الوزراء..و وزير العدل..لكن دخل طرف تالت في الترشح لرئاسة يوغندا..و هي المحامية ربيكا كاداقا..و ربيكا دي يا التومة زولة مهمة خلاص.. ووظيفتها الحالية انها رئيسة البرلمان اليوغندي طبعا عارفك ح تقولي لي ما هو برضك رئيس البرلمان عندنا محامي..!!..و هي اصلا خريجة قانون..و عندها دبلوم عالي في مهنة القانون من مركز تنمية القانون (أي و الله) في كمبالا..و دبلوم تاني في قانون المرأة من جامعة زمبابوي..و ماجستير في الأداب تخصص قانون المرأة من جامعة زمبابوي..غايتو يا التومة رئيس البرلمان بتاعنا صحي هو محامي.. لكن غير اجتياز امتحان المعادلة (و يتخيل لي الزول ده سابق للإمتحان ذاتو)..و البكالوريس بتاع القانون..تب ما عارف ليهو شهادة الإ كن شهادة تقدير السن (تسنين يا التومة)..و ما تسألين متين تومة من عندنا تصل رئيس برلمان..و تقوم تتفاصح و تنافس في انها تكون رئيس..!!!
الكنغو كينشاسا: رواندا تنتشر في كيفو..
اها يا التومة.. عشان تفهمي ليه رواند متجدعة قدر ده في يوغندا.. نقوم نوضح ليك.. اصلا ناس عمك كابيلا زمان لمن كانو ثوار في الغابة (متمردين بكلام الحكومة بتاعتهم) كانوا بيعتمدوا على جيوش كتيرة اصولها من رواندا..و الروانديين شكلهم عجيب خلاص.. يعني بعضهم بيكاتل عشان يسيطر على رواندا..و في نفس الوكت بعضهم بيساعد في ناس الكنغو عشان يقتلعوا نظام موبوتو من جذورو.. اوعك تقولي لي يا التومة الخالق الناطق زي الحركة الشعبية في السودان..اها قام قائد من اصول رواندية دق جرس للكنغوليين (متذكرة البدلة الكنغولية؟)..و اتمرد بوشو..و اها حكومة الكنغو لمن اتعصرت.. قالت يا ابو مروة الحقونا رواندا دخلت بلدنا.. يعني فكرة انو الموضوع فيهو دعم خارجي و تدخل اجنبي.. زي ما حكومة الخرطوم بتقول في دواسها مع ناس الجبهة الثورية..!!!
كبر
|
|
|
|
|
|
|
العنوان |
الكاتب |
Date |
التومة: قريت ليك الجرايد ياخ (اخبار)..!! | Kabar | 05-26-12, 07:45 AM |
Re: التومة: قريت ليك الجرايد ياخ (اخبار)..!! | Kabar | 05-26-12, 07:47 AM |
Re: التومة: قريت ليك الجرايد ياخ (اخبار)..!! | Kabar | 05-26-12, 07:49 AM |
Re: التومة: قريت ليك الجرايد ياخ (اخبار)..!! | Kabar | 05-26-12, 07:52 AM |
Re: التومة: قريت ليك الجرايد ياخ (اخبار)..!! | Kabar | 05-26-12, 07:55 AM |
Re: التومة: قريت ليك الجرايد ياخ (اخبار)..!! | Kabar | 05-26-12, 07:59 AM |
Re: التومة: قريت ليك الجرايد ياخ (اخبار)..!! | Kabar | 05-26-12, 08:08 AM |
Re: التومة: قريت ليك الجرايد ياخ (اخبار)..!! | Kabar | 05-26-12, 08:15 AM |
Re: التومة: قريت ليك الجرايد ياخ (اخبار)..!! | Kabar | 05-26-12, 08:20 AM |
Re: التومة: قريت ليك الجرايد ياخ (اخبار)..!! | Kabar | 05-26-12, 08:26 AM |
Re: التومة: قريت ليك الجرايد ياخ (اخبار)..!! | Kabar | 05-26-12, 08:30 AM |
Re: التومة: قريت ليك الجرايد ياخ (اخبار)..!! | Kabar | 05-26-12, 08:33 AM |
Re: التومة: قريت ليك الجرايد ياخ (اخبار)..!! | Kabar | 05-26-12, 08:41 AM |
|
|
|