|
|
 ثلث أدوية الملاريا فاسده
|
دراسة أمريكية كشفت ان ثلث ادوية الملاريا في العالم مغشوش.
الدراسة فحصت حوالي 1500 عينة دواء. فساد العينات كان بيتنوع من ادوية مدتها منتهية تمت اعادة تغليفها او ادوية بها العقار المحارب لطفيل الملاريا قليل جداً.
انتشار الأدوية المغشوشة ساعد علي تحور طفيل الملاريا و زاد مقاومة الطفيل للأدوية المتوفرة.
http://www.bbc.co.uk/news/health-18147085
|
|
 
|
|
|
|
|
|
|
|
Re: ثلث أدوية الملاريا فاسده (Re: smart_ana2001)
|
http://www.aljazeera.net/news/pages/238f8406-...eb-92bf-785fc52045d1
كشفت دراسة أميركية أن نحو ثلث عينات أدوية الملاريا في آسيا وأفريقيا فاسد أو مزور.
ونقل موقع صحيفة نيويورك تايمز عن دراسة أجراها علماء من معاهد الصحة الوطنية الأميركية فحصوا خلالها 27 مجموعة من عينات أدوية مضادة للملاريا يتم شراؤها في منطقة جنوب شرق آسيا وأفريقيا بين عامي 1999 و2010 تبين خلالها أنّ ثلث العينات من القارتين فاسد.
وأفادت أنّ بعضها مهرب وبعضها الآخر منتهي الصلاحية، بالإضافة إلى أنه تمت إعادة تعليب بعض تلك الأدوية، ويتضمن بعضها الآخر كمية صغيرة جداً غير كافية من المادة الفعالة للقضاء على المرض.
وحذر الباحثون من أن طفيليات مقاومة لأحدث أدوية الملاريا المصنوعة من عشب صيني يدعى أرتيميسينين تظهر على الحدود التايلندية الكمبودية هي المسؤولة عن هذه الحالة.
وأفاد الباحثون أنّ مقاومة للأدوية القديمة المصنوعة من مادة الكينين بدأت تظهر في منطقة جنوب شرق آسيا أيضاً قبل أن تنتقل إلى أفريقيا.
ورافقت الدراسة مقالة افتتاحية دعت لإجراء مزيد من الاختبارات والتحاليل بالصين والهند، حيث تصنع معظم الأدوية التي تصدر للدول الفقيرة، كما شجعت على استخدام العلامات اللاصقة للتأكد من صحة الدواء وأجهزة التحليل الضوئي للمواد التي تصنع منها لاختبارها ميدانياً، إضافة لموجات الراديو لرصد شحنها.
ودعت المقالة التي نشرت أمس بمجلة لانسيت المختصة بالأمراض المعدية، إلى وقف الجدل القائم بين الشركات المصنعة للأدوية ومنظمة الصحة العالمية بشأن ماهية مكونات الدواء المهرب كي تتمكن الدول من مصادرة الأدوية غير الشرعية والحفاظ على الشرعية منها.
| |
|
|
|
|
|
|
|
|
|
Re: ثلث أدوية الملاريا فاسده (Re: Amin Salim)
|
سلامات يا امين.
شكرًا علي المقال.
يا ريت لو في صيدلي في السودان يورينا ادوية الملاريا في السودان بتجي من وين.
او اذا كان في السودان لسه في ملاريا. لأني لي زمن ما سمعتا بزول جاته ملاريا في السودان. الحمد لله
------------------------
شكلك بالجد يا امين بتحب الكورة ^_^
هسي مقالك ده ما شفتا فيه الجملة دي؟؟؟
Quote:
Scientists at Imperial College London and the University of Washington, in Seattle, believe they have found a solution.
|
| |
|
|
|
|
|
|
|
|
|
Re: ثلث أدوية الملاريا فاسده (Re: smart_ana2001)
|
| Quote: Scientists at Imperial College London and the University of Washington, in Seattle, believe they have found a solution |
والله العظيم يا سمارت ميت من الضحك.....لما كنت بقرا فى المقال قلت سمارت ما حتفوت لى جامعة واشنطن دى
لكن كمحب للكوره بقول imperial college > university of washington..........لو كانت هارفارد ولّا ييل ولّا ام اى تى(ما بدخل ستانفورد فى اللسته) كونت حقول equal collaboration لكن مع واشنطن دى بقول الرياده كانت للامبيريال
انت مش الرئيس بوش منع ولأّ ختا restrictions on cloning and stem cells research?please correct me if i am wrong
| |
|
|
|
|
|
|
|
|
|
Re: ثلث أدوية الملاريا فاسده (Re: Amin Salim)
|
امين يا ابني، المصدر؟؟؟؟؟؟؟؟؟؟؟؟
من الان فصاعدا ما مسموح ليك تكتب شيء من غير المصدر. ~_~
قال ستانفرد ما في اللسته قال!!!!
و الله يا امين انا ما بحب الغلاط. لكن نعمل شنو، حال الدنيا.
طيب، كونك تقول استنافرد ما في اللسته، ده بديل علي انك ما عارف الحاصل شنو في تقييم الجامعات و عاوز تغالطني بس.
كونك تجيب سيرة اللابات بتاعة بيل في موضوع عن الطب، ده بيدل علي انك بالجد بتحب الغلاط.
احتمال تكون ابريال كولج اعلي في التقييم بتاعها من جامعة واشنطن، لكن ده ما معناها انه (أكيد )كانت الامبريال كولج هي الطرف الرئيسي في البحث ده.
ما تخليني هسي ارفع التلفون و اضرب اسألهم ؛)
ده تقييم الجامعات في دراسة الطب في العالم
http://www.topuniversities.com/university-ran...fe-sciences/medicine
استافرد يا حبة رقم 5 قبل ابريال كولج اللي لخمتنا بيها.
انا ما بحب الناس تتمسك بالأرقام و التفاصيل دى، لكن لو اصريت، بتعبك.
انت محظوظ يا امين. انا الايام دى ماعندى كومبيوتر عشان اقتبس و افلفل في مداخلاتك. شغالة بالتلفون بس. الله مرقك. ^_^
| |
|
|
|
|
|
|
|
|
|
Re: ثلث أدوية الملاريا فاسده (Re: smart_ana2001)
|
http://www.guardian.co.uk/news/datablog/2011/...e-biology-psychology
اقرأ المقال و ادعي لي. ؛)
Quote:
One of the factors accredited to Harvard's high medicine ranking has been noted by QS for "pioneering work in stem cell research" which was carried out in collaboration with Massachusetts Institute of Technology. However both Oxford and Cambridge were praised for being "traditional UK research hubs" although it was noted that in the field of biological sciences, research citations fell short of their US counterparts. |
| |
|
|
|
|
|
|
|
|
|
Re: ثلث أدوية الملاريا فاسده (Re: ombadda)
|
مساكين السودانين يا اسمارت الما مات بالحرب والجوع والفقر والغرق مات بالفساد الزي دا ..
السؤال لماذا تستورد الحكومات ادوية فاسدة ؟!!
علما بان وباء الملاريا يوجد في الدول الاكثر فسادا وتخلفا وفقرا
| |
|
|
|
|
|
|
|
|
Re: ثلث أدوية الملاريا فاسده (Re: ombadda)
|
اعترف سجلتى فينى قوون فى حكاية ترتيب الجامعات
انت شنو حكاية ابنى دى.....شهادة ميلادى معاك ولّا شنو......على العموم بفرح لو نقصت كم سنه من عمرى لكن معا موذر ناتشر مافى طريقه
| Quote: كونك تجيب سيرة اللابات بتاعة بيل في موضوع عن الطب، |
ارجعى للموضوع و حتلاقى انى بتكلم عن ال نانو تكنولوجى مش الطب......القولتو شوفى هنرك شون بعلم ناس بل لاب كيف و جبتا ليك اللنك لكن شكلك ما عايزه تشوفيهو
| Quote: انت محظوظ يا امين. انا الايام دى ماعندى كومبيوتر عشان اقتبس و افلفل في مداخلاتك. شغالة بالتلفون بس. الله مرقك. ^_^ |
شغاله ب الايفون what a petty
| Quote: اقرأ المقال و ادعي لي. ؛) |
الله يوفقك انشاء الله....لكن مقال يزعل......ديل نسو اول عملية استنساخ كانت فى ياتو بلد......ليه ما جابو سيرة الكلوننج يعنى اشان ممنوع فى امريكا!
| |
|
|
|
|
|
|
|
|
|
Re: ثلث أدوية الملاريا فاسده (Re: Amin Salim)
|
شكرًا د. امبده علي الرد الوافي.
ما اظن ( و الله اعلم) مصنع في السودان يكون بيغش في ادوية الملاريا i hope. الدواء الايطالي برضو مضمون بنسبة كبيرة. بتبقي المشكلة في الدواء الصيني.
قبل فترة في دكتور في كلية العلوم قال لي بانه قبل زمن( اكتر من 10 سنوات، احتمال 20 سنة) جاء فريق طبي من الجيش الامريكي و فحصوا عينات دم من مرضي الملاريا في السودان. النتيجة كانت ان اغلب المصنفين مرضي ملاريا كانت في الحقيقة عندهم حميات اخري غير ملاريا. ما عندي اي فكرة عن فحص الملاريا بيتك كيف في السودان، لكن أتمني انه يكون أتطور من زمن زيارة معمل الجيش الامريكي.
و قبل ما تسألوني الجيش الامريكي شن فهمه في الملاريا؟ لازم اقول انه عندهم معهد أبحاث كبير و الملاريا احد اكبر مجالات بحثهم
http://wrair-www.army.mil/AboutWRAIR.aspx
سلامات ود العمدة.
حقيقي احنا لسه ما عارفين ( متأكدين) اذا كانت الأدوية في السودان فاسدة. لكن اذا كانت تلت الأدوية في العالم فاسده و ان اغلب الأدوية الفاسدة في اسيا و افريقيا جنوب الصحراء، فأظن صعب السودان يطلع ما فيه ادوية فاسده.
انا برضو ما عارفه الأدوية بتستورد كيف لداخل السودان. اظن انها شركات خاصة. و ما اظن الحكومة بتستورد ادوية. الله اعلم.
امين
| Quote: الله يوفقك انشاء الله....لكن مقال يزعل......ديل نسو اول عملية استنساخ كانت فى ياتو بلد......ليه ما جابو سيرة الكلوننج يعنى اشان ممنوع فى امريكا! |
ما تزعل ساي، و ما تتهم المقال بالمحابة. لان المقال من جريدة القادرين. ^_^. اها ممكن نحسب ده قون؟؟؟
| |
|
|
|
|
|
|
|
|
|
Re: ثلث أدوية الملاريا فاسده (Re: smart_ana2001)
|
ب صراحه قوون تانى لكن فى ميدانك(يعنى بوستك).......لكن برضو عندى اقوان فى البوست داك(neutral ground) اشان البوست بتاع الاخ معتصم .......ما مشكله فى الايامات الجايه نلعب فى ميدانى اشان نشوف منو حيشيل الكاس
سمارت ممكن طلب؟........ احضرى الدوكيومنترى الفى اللنك داك و ادينى فيدباك
| |
|
|
|
|
|
|
|
|
|
Re: ثلث أدوية الملاريا فاسده (Re: Amin Salim)
|
| Quote: سمارت ممكن طلب؟........ احضرى الدوكيومنترى الفى اللنك داك و ادينى فيدباك |
ان شاء الله. انا بس الايام دى مشغووووووووولة. انا بكتب و الأولاد بيطنططوا. و مستحيل يخلوني اعمل حاجه بتاخد اكتر من 3 دقايق.
لكن اوعدك احضرها في اول فرصة و افتح ليها بوست جديد كمان. بإذن الله.
| |
|
|
|
|
|
|
|
|
|
Re: ثلث أدوية الملاريا فاسده (Re: smart_ana2001)
|
سلامات سمارت
قبل ايام تابعت تحقيقا مصورا في قناة Nat Geoعن نفس الموضوع ولكن ليس ادوية الملاريا بل كل الادوية المتداولة في العالم الثالث والغش يتم في الهند تحديدا حيث عرض التحقيق لقاءات مع ممارسي الغش انفسهم وعرضوا كمية مهولة من الادوية والمستحضرات الطبية المغشوشة وطريقة الغش وحتى كيفية طباعة المغلفات ولو بحثت ستجدين الحلقة وساحاول من جانبي ايرادها لو وجدت وقتا
والامر جد خطير ومقلق حيث يتناول المريض الادوية بانتظام ولا يشفى وقد يكتسب المرض مقاومة كما ذكرت لضعف المادة الفعالة في الدواء
كان الله في عون المرضى
| |
|
|
|
|
|
|
|
|
|
Re: ثلث أدوية الملاريا فاسده (Re: معتصم محمد صالح)
|
| Quote: انتشار الأدوية المغشوشة ساعد علي تحور طفيل الملاريا و زاد مقاومة الطفيل للأدوية المتوفرة |
سلام اسمارات...
الملاريا موجودة فى السودان وبقت مستوطنة فى الدم يعنى بتجي من غير بعوضة ماعارفة دى بتحصل كيف فى بلد العجائب المليون ....
الأدوية مغشوشة وفى الشارع مفروشة والله صحى...
الهند دخلت لينا محاليل وبنج مضروب راح ضحيتوا 28 سيدة وطفله اللسة فى البطن وعشنا هذه الماسأة ومافى اى كلام مقنع عن سبب الوفاة الابعد مرور سنين وطلع التقرير وعفا الله عما سلف
الحبوبة الموجودة ومن ضمنها الراجمات بترجمك كم يوم وبتقوم يومواحد وبتقع تانى ... بعد الفحص لسة النتيجة سيم....
انا طبعا قعدتة فترة فى السودان وشفتة العجب!!!!!
موضوع حيوي ومهم .
| |
|
|
|
|
|
|
|
|
|
Re: ثلث أدوية الملاريا فاسده (Re: Nagat Sid Ahmed Elshiekh)
|
شكرًا امين. تسلم.
سلامات معتصم. ح أحاول القي الحلقة و أحضرها. شكرا لتنبيهنا ليها.
الغش في الأدوية ده ابشع انواع الجشع.
غش للمريض، أضرار بالبشرية كلها، و سرق مجهود الشركة المصنعة للدواء.
سلامات يا نجاة. الأدوية مفروشه في الارض؟؟؟ لا حول و لا قوة الا بالله. غايتو كل ما ادعي بسال ربنا ما يحوج أهلي في السودان للعلاج.
شكلو الناس بتستورد الأدوية من غير رقابة.
ربنا يلطف بالجميع
| |
|
|
|
|
|
|
|
|
|
Re: ثلث أدوية الملاريا فاسده (Re: Nagat Sid Ahmed Elshiekh)
|
نجاة سيداحمد الشيخ
سلام
وصراحة مداخلتك تثير الحنق لما حوته من معلومات مغلوطة وترهات.
| Quote: الملاريا موجودة فى السودان وبقت مستوطنة فى الدم يعنى بتجي من غير بعوضة |
انا أوردت مصطلح (أمراض متوطنة) ومتوطنة لا تعنى بانها متوطنة فى الدم
| Quote: الأدوية مغشوشة وفى الشارع مفروشة والله صحى... |
وتحلف بالله كمان .؟؟؟ وين الكلام دة؟
فقط بعض الدقة والموضوعية.
| |
|
|
|
|
|
|
|
|
|
Re: ثلث أدوية الملاريا فاسده (Re: ombadda)
|
سلامات د. امبده.
شكرًا لتوضيحك كيفية فحص الملاريا.
لكن انا و صغيرة كانت بتجيني ضربة شمس كتير و شكلي كنت بفقد سوائل و بيكون عندي أعراض ذي الملاريا: طمام، صداع، و تعب شديد. أمي كم مرة أصرت أني امشي الدكتور. و اول شيء الدكتور بيقولوا أني افحص الملاريا. و طبعا ما بتظهر في الفحص. لكن الدكتور - في كتير من المرات- كان بيقول أني مفروض أخد علاج الملاريا anyway. و لأني كنت طفلة ( صعبة جداً) ما كنت برضي أخد علاج الملاريا. و غالبا كنت ببقي كويسه بعد كم يوم. و بسبب القصص دي انا خاته في بالي ان فحص الملاريا معقد و ما دقيق.
عن تعليق اختنا نجاة. كلنا حقيقي عندنا فكرة ان الملاريا ما بتطلع من الجسم بالساهل و انها ممكن تكون في دم الانسان و تكون ما في أعراض.
انا عارفه الاطباء السودانيين بيعانوا جداً، لكن ما تأخذوا الموضوع بحساسية. ^_^
| |
|
|
|
|
|
|
|
|
|
Re: ثلث أدوية الملاريا فاسده (Re: smart_ana2001)
|
Quote: وتحلف بالله كمان .؟؟؟ وين الكلام دة؟
|
الكلام دا فى سوق كرور ام بدة امشى وشوفو لو قاعد فى السودان عشان ما تتهمنى بعدم الدقة او الكذب انا شفتة بندول وكبسولات مفروشة وسألت الشاب قلت ليه جبتها من وين قال اشتراها من تاجر شنطة...
وبعدين مخلوع كدا مالك ... خلى حبوب الملاريا فى مخدرات بتباع داخل الجامعات ما يا هو موت موت.....
والغريبة شنو فى ميدان جاكسون اى شئ مفروش فى الشارع من غير اى رقابة المعلبات منتهية ليها سنين ومفروشة برضو ......
بعدين حكاية الملاريا مافى دا حلم جميل جدآ انا قعدتة سنتين فى السودن كل يوم والتانى فى المعمل الناس قاعدة بالكوم منتظرة فحص الملاريا......
| |
|
|
|
|
|
|
|
|
|
Re: ثلث أدوية الملاريا فاسده (Re: ombadda)
|
Quote: لكن انا و صغيرة كانت بتجيني ضربة شمس كتير و شكلي كنت بفقد سوائل و بيكون عندي أعراض ذي الملاريا: طمام، صداع، و تعب شديد. أمي كم مرة أصرت أني امشي الدكتور. و اول شيء الدكتور بيقولوا أني افحص الملاريا. و طبعا ما بتظهر في الفحص. لكن الدكتور - في كتير من المرات- كان بيقول أني مفروض أخد علاج الملاريا anyway. و لأني كنت طفلة ( صعبة جداً) ما كنت برضي أخد علاج الملاريا. و غالبا كنت ببقي كويسه بعد كم يوم. و بسبب القصص دي انا خاته في بالي ان فحص الملاريا معقد و ما دقيق.
عن تعليق اختنا نجاة. كلنا حقيقي عندنا فكرة ان الملاريا ما بتطلع من الجسم بالساهل و انها ممكن تكون في دم الانسان و تكون ما في أعراض.
انا عارفه الاطباء السودانيين بيعانوا جداً، لكن ما تأخذوا الموضوع بحساسية. ^_^ |
تحياتي الأخت إسمارت..
طفيل الملاريا (البلازموديوم) يقسم إلى أربعة أنواع (species) هي:
بلازموديوم فالسيبارم (Falciparum)، بلازموديوم فيفاكس (Vivax)، بلازموديوم أوفالي (Ovale) و بلازموديوم مالاري (Malariae).
بلازموديوم فيفاكس وأوفالي لديهما المقدرة على العيش في خلايا الكبد لفترة طويلة مما يؤدي إلى الأصابة المتكررة بالملاريا (الإنتكاس)
(relapses) أو الملاريا المزمنة. فيفاكس وأوفالي ينتشران في شرق وجنوب آسيا وعادة يسببان ملاريا خفيفة نوعاً ما ويسهل علاجها مقارنة بفالسيبارم!
بلازموديوم فالسيبارم ينتشر في السودان وفي كل أفريقيا ويسبب أخطر أنواع الملاريا وعادة ما يؤدي إلى مضاعفات حادة مثل الملاريا الدماغية
(cereberal malaria). لكن في الجانب الآخر ليست لديه خاصية العيش في خلايا الكبد ولايسبب إنتكاسات أو ملاريا مزمنة حيث يختفي الطفيل تماماً بعد العلاج من جسم الإنسان!
هذا يعني أن أغلب حالات الملاريا في السودان لايمكن أن تبقى في الدم بعد العلاج كما يقول البعض!
فحص الملاريا كما قال الأخ د.أمبده سهل وهناك نوعان من التحاليل الأول بالمايكروسوب وفيه يتم رؤية الطفيل مباشرة والآخر مايسمى بالفحص السريع (Rapid Paracheck) وهو عبارة عن تفاعلات أنتيجينات وأجسام مضادة.
في بعض الحالات المحددة وإعتماداً على الأعراض والعلامات، يمكن للطبيب أن يشخص الملاريا ويبدأ العلاج حتى لو كانت نتيجة التحاليل سالبة وهو مايسمى Clinical malaria. لكن في هذه الحالة يجب أن تجرى تحاليل أخرى حتى يتأكد الطبيب تماماً أن المريض غير مصاب بمرض آخر من الأمراض التي تتشابه أعراضها مع أعراض الملاريا.
تحياتي
| |
|
|
|
|
|
|
|
|
|
Re: ثلث أدوية الملاريا فاسده (Re: smart_ana2001)
|
| Quote: انا اقيم بامبدة وعلى مرمى حجر من شأرع كرور المكتظ بالعيادات والمعامل والصيدليات. |
سلام يا دكتور انا برضو كنت ساكنة فى مدينة النخيل وبمشى السوق دا راجلة عشان كدا انا صادقة فى ما اقول ومافى سبب بخلينى اجيب لى كلام ذى دا من غير ما أكون انا المصدر والدليل......
بعدين المعلبات الفاسدة دى كنت عاوزة أصوره وانزله فى البوست دا لما كنت فى السودان فايقة وماعندى شغلة وياريت لو كان صورتها ...
المهم الاعتراف بالأخطاء مهم عشان ما تتعالج ...
يعنى فى سوق كرور فى لحم بتاع كلاب مفروش وقريب دا قبضوا جزار ضابح ###### فى مايو وخيرآ جابو الخبر فى الجرايد !!!!!
نصل فى النهاية مافى رقابة على اى شئ فساد فى كل الخدمات الصحية والتعلمية...و........عييييييك
سلام اسمارات ياخ انا شفت شوف عين يعنى مصدرى انا والله صحى....
ابن النخيل تسلم ياخ انا مشيت السودان لمدة سنتين وشفت العجب والله حقو اكتب لى كتاب عدييييل كدا.
| |
|
|
|
|
|
|
|
|
|
Re: ثلث أدوية الملاريا فاسده (Re: Nagat Sid Ahmed Elshiekh)
|
نجاة
Quote: المهم الاعتراف بالأخطاء مهم عشان ما تتعالج ...
يعنى فى سوق كرور فى لحم بتاع كلاب مفروش |
هههه
لا خلاص اعترف بوجود ادوية فاسدة مفروشة فى سوق كرور
غايتو شايف اتهام الادوية المفروشة اخف شوية من حكاية الكلاب والمخدرات.
لو ما اعترفت ما عارف المرة الجاية ح تقولى شنو فى ناس كرورالمساكين؟
سمارت
اسف لحرف البوست عن موضوعه الاساسى.
خروج
Exit
| |
|
|
|
|
|
|
| |
smart_ana2001
Amin Salim
ombadda
معتصم محمد صالح
Nagat Sid Ahmed Elshiekh
حاتم محمد حاج المهدي
ابن النخيل
فيس بوك
تويتر
انستقرام
يوتيوب
بنتيريست