|
نجاة معاوية عبيد من حادث حركة بجدة
|
تعرض الاخ والصديق معاوية عبيد الصايم لحادث حركة حيث اصطدمت سيارته بدورية للشرطة كانت متوقفة على جانب الطريق نقل على إثرها فرد الدورية للمستشفى والحمد لله لم يتعرض الأخ معاوية للاذى وهو بموفور الصحة والعافية . بينما تضررت سيارته ضررا بليغا .وتحولت إلى كومة حديد .
نتمنى لفرد الدورية الصحة والعافية وان تكون إصابته خفيفة ،،،،
|
|
|
|
|
|
|
|
Re: نجاة معاوية عبيد من حادث حركة بجدة (Re: العوض المسلمي)
|
معاوية اخوى السمح الشجاع ,
شرك مقسم عليى الدقشم ,
ومليون سلامة , وان شاء الله العدو يفداك .
والعربيى بتجى , قاسى انت يا الزيك معدوم ,
والله يخليك لوليداتك وشبابك واخيانك ,
ويخليك للكلمة الموزونة وللغبش .
وطمننا عليك .
ست البنات.
| |
|
|
|
|
|
|
Re: نجاة معاوية عبيد من حادث حركة بجدة (Re: يوسف محمد يوسف)
|
سعادتو يا اخي والله الحبيبة دي مع سبلوقة شوقنا المحلوجة دي يغرقو دولة بي حالا لا وكمان تطمر في الدول المجاورة زاتو إن فضلت دول
ها ما تحتل لينا بالرفاعي دا قبلو ان شاء الله بالسري يمكن يطرانا ليهو شوق ههههه
المهم طمنا عليك يا اخي وأدينا سلك
| |
|
|
|
|
|
|
Re: نجاة معاوية عبيد من حادث حركة بجدة (Re: منال)
|
الاخ الحبيب معاوية الصائم ، تحياتى ، والف حمدا لسلامتك ، وربنا يجيب العواقب سليمة ويشفى عسكرى المرور تماما، لتفادى الضرر وتقليله ماأمكن، أنت أنسان جميل ووطنى جسور ولن يصيبك شر بأذن الله، خالص الامنيات لك بتجاوز آثار الحادث ، وكله مكتوب ومقدر ، خالص الود.
| |
|
|
|
|
|
|
Re: نجاة معاوية عبيد من حادث حركة بجدة (Re: امير طمبل)
|
ألف ألف سلامة يا زول , والجاتك في مالك سامحتك وإن شاء الله الشرطي يكون بخير , ربنا يعوضك الحديد صحة وعافية وعمر مديد
يا زول تاني اشتريلك اي هكرة متل هكرات ود القاضي لووووولز العربات البتجيب العين دي اختاها تب ربنا يحفظك ووليداتك إن شاء الله
متاوقة ود القاضي قالوا هكرتك إلا تكبلها موية كل يوم حتى ترضى تدور لوووولز عربية عطشانة ديمة والله صحي
| |
|
|
|
|
|
|
Re: نجاة معاوية عبيد من حادث حركة بجدة (Re: امير طمبل)
|
الأخ معاوية عبيد صحته تمام التمام والشرطي المصاب صحته ماشية في تحسن والأخ معاوية الآن معه في المستشفى في زيارة وهو بيطمنكم انه الأمور ماشية كويس وسيدخل على هذا البوست عند رجوعه إلى منزله بعد قليل .
وألف حمدا لله على السلامة يا معاوية .
أبو قصي
| |
|
|
|
|
|
|
Re: نجاة معاوية عبيد من حادث حركة بجدة (Re: Mohamed Abdelgaleel)
|
الف حمد لله على السلامة معاويةعبيد وعاجل الشفاء لجندى المرور بقدر ما احزننى الحادث .افرحنى تكاتفنا كسودانين وسمؤنا فوق خلافاتنافى وقت الاحن.دعونا نؤسس من هذا التميز قاعدة انطلاق لى افاق انسانية ارحب واختلاف تحكمه الاخلاق والمبادئ ويحتكم لصوت الحكمة والعقل ويدعمه الدليل.الاختلاف شئ حتمى فى الحياة واساس لتطورها فلنجعل منه عنصر محبة لا بغض وعنصر وحدة لا شتات...... وكان ما جيت من ناس ديل كان اسفاى وا ماساتى واذلى
| |
|
|
|
|
|
|
Re: نجاة معاوية عبيد من حادث حركة بجدة (Re: Mohamed Abdelgaleel)
|
ألف سلامة للعزيز جداً معاوية وربنا يحفظك للعيال ولينا وزي ما قالو الجاتك في حديدك بتفيدك ....لكن عربية دورية؟ وعسكري؟ ياخي أصلو ما بسألك أمنياتي للمصاب بعاجل التعافي
شكراً صاحب البوست على الإخطار وكمحاولة لرد الجميل أفيدك بأن قميصك الأنيق بطرف صادم الدوريات
| |
|
|
|
|
|
|
|