نزار يا صديقي..حبابك يا اخوي زولك جميل الله ده منفعل ساكت..و ده ياهو شغل الطابور الخامس ذاتو..!!! الناس الدايرة تدخل الخرطوم لا بتشاور ولا ح تنتظر تنظير فطير بالشكل ده..!
اما صديقي العزيز عبد العزيز حسين.. الخرطوم يا قريبي حقة كل ناس السودان..و اذا قبلت بدبابة عمر البشير صدقني بتقبل دبابة الآخر..ما يغرك النفيخ.. اهو ده قدامك و اسمع تعليقات البسطاء (البلد دي حاكمها قرد..و ديل الناس البيجيبولنا حقنا ذاتهم..الخ)..!!! ولا عمك عبد الكريم الكابلي البقول ليك ده السودان الجديد..!!.. اها الكابلي ده يا عبد العزيز يعني ح تودوهو محكمة نظام و عام و تجلدوهو مثلا؟!!! الخرطوم يا قريبي مشكلتها انها اي زول داير ينط في الحيكومة لازم يغشاها..فوفر عليك التبريرات التي تريد ان تقنعنا انو الخرطوم دي حقة ناس..و و ماها حقة ناس تانيين..!!! اخير تسمع كلام عبود.. المتحزم بالشعب السوداني عريان..!!!! غايتو بيني بينك.. سنة 2008 كانن خمساية و اطناشر عربية..لكن اليوم فاتن التلاتة الاف..و الليلة دي لو هفت على ناس العربات دي .زبكرة بتلقاها في امدرمان.. لكن دي ما البصيرة.. البصيرة مباصرة تانية..و مين يعرف يمكن تفيد ناس السودان..! و منه تنساب المنا نحو سودان جديد (ده ما كلامي..ده كلام الكابلي)..! و ياجميل الله..حركة العدل و المساواة لم ترتكب اي اخطاء..و العملية نفذت بنسبة 93 % (و لم تقتل مدنيا واحد..و لي قدام ناس العلوم العسكرية ح يدرسوا الشغلانة دي في مقرراتهم)..و لو انتا عسكري و بتعرف علوم عسكرية دي نسبة عالية للغاية..و عشان اطمئنك اكتر العالم دي قفلت تلفوناتها من مسافة بعيدة من امدرمان..و جوه امدرمان الإتصال كان بوسائل اخرى..و لسع الناس ممكن تبتدع وسائل انجع في الإتصال..!!!
لست عدل و مساواة..ولا اقر طريق العنف في التغيير..و لكن الحقيقة يجب ان تقال..! و في نفس الوقت اؤمن بان اي تغيير لازم يبدأ من الخرطوم..!!! كبر
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
فيس بوك
تويتر
انستقرام
يوتيوب
بنتيريست