حاجة غريبة خلاص !!! محتاجة تفسير !!!

(عدل بواسطة فايزودالقاضي on 01-09-2012, 11:13 AM)
(عدل بواسطة فايزودالقاضي on 01-18-2012, 01:03 PM)

Quote: فصراحة ماقادر اجد تفسير لهذه الانتماءات غير المتسقة ..!!! هل الناس ديل ماعندهم علم بانه حزبهم ده اجرامي ؟!! ولا هم ماشايفين افعاله دي مااجراميه ؟!!

Quote: المصلحة الشخصية عندهم فوق كل شئ

Quote: فصراحة ماقادر اجد تفسير لهذه الانتماءات غير المتسقة ..!!! ..... ممكن بتاعين علم النفس والمنطق وحتى الاجتماع يفسروا لينا الحاجة دي ؟!!

Quote: كل واحد له تقييم يا فايز القضية في الأساس: قناعات، حتى يثبت العكس واحد بيعترف بالأخطاء ويقول: هم أفضل الموجودين واحد مقتنع أنه لا يوجد خطأ من الأساس

Quote: انا غايتو يا ود القاضى أفخار عديل بانو لا فى اسرتى الصغيرة و لا الكبيرة و الاسرة الممتدة من ود عم و ود خال لا يوجد اى شخص يناصر هذه العصابة الاجرامية ولا فى دائرة الاصدقاء بالتأكيد. الاهل موزعين بين الانصار و بين ناس عاديين غير مسيسين لكن على درجة جيدة من الوعي بشرور هذه العصابة و يناهضونها باستمرار. لو معارفك الكيزان ديل فى زول فيهو بركة حقيقية ممكن تخارجوا منهم بالنقاش و الحوار المستمر، زماااان كان عندنا ود عم مباريهم و الله سليناهو منهم بالنقاش و النقد المستمر

Quote: إنت يا ودالقاضي منتمي لشنو؟ .. جوابك سيترتب عليه سؤال حاسم ..

Quote: انت هسع زول كويس.. ورغم كدة مريخابي!!! (*)

Quote: ودي القاضي العارف أية حاجة في أية حاجة بقيت رئيس جمهورية واللا مازلت شعب زينا كدا ؟ تحياتي يا زول كويس .

والله يا طلحة عبد الله .. كتبت كلمة زول وختيت قدامها نجمة فوق
وكنت في اخر المداخلة ناوي اكتب ليهو معني كلامك بتحريف لا يخل بالمعني اللقيتو في بوستي بتاع الثائـر الحايبقى فطيسة بهناك

اها انشغلت ليك بي tab تاني فيهو فردتي وعزيزتي الحبيبة طراجي مصطفي
نسيت ليك باقي النجمة من الهجمة :)

فيا فايز تكلمة مداخلتي الفوق ..

ـــــــــــــــ

* زول دي يعني زول زي ود القاضي دا عامل ليك فيها اي حاجة وعارف اي حاجة في اية حاجة وهو كل حاجة
وهو حتة كوز غواصة مغوصاهو طراجي في جبهة الشرق عسي ولعل يبقي رئيس جمهورية ويُسكت طلحة عبد الله من سؤالوا الفرمالة

Quote: غايتو كويس دا ممكن لكن مريخابي دي قلبت فيها الهوبة عديل ياخ لو في زول واحد في الدنيا دي بكره المريخ وعايز ليهو الكعب والشين فهو الكائن الإسمو ود القاضي دا .. حركات يجىء ينطط هنا ويعمل ليهو بارتي عشان المريخ فاز وفي نفس الوقت يساند أخطاء الادارة في قرارات عشوائية تضر المريخ دي حركة جواسيس قديمة ما فايتا علينا لكن نسبة لأنو سيدا ما عندو تأثير فخليناهو يلعب على راحتو.

Quote: الحبيب حيدر الزين لو عندك أدني شك في إنو كلامي في (الأسطورة) ود القاضي دا ما جادي فبالله عليك تابع بوستاتو ومداخلاتو في البوستات الما حقتو .. ياخ دا فتح ليهو بوست مجاور لبوستيهو دا يتحدث فيهو عن التكتيك والخطط العسكرية في الضربات الجوية .. كان على السياسة دي يفلفلا ويفتفتا كما أم فتفت كان على الكورة فهو لا يجاري ولا يباري كان على الفن فالموصلي ومحمد السني القاعدين معانا هنا دا يتواروا خجلا أمامو كان على العرقيات والأثنيات والعنصرية والجندر والوعي الذكوري وماعارف شنو فليهو في المواضيع دي كلام وكلامات . أمسك أي بوست من طرف وأفتحو ح تلقي ود القاضي متحكر فيهو يفتي وينظر بكل ثقة وفخر واعزاز وقزاز .. الزول دا يا حيدر أنا عندي شك كبير أنو عالم نحرير متنكر في شكل ود القاضي ..

Quote: يازول ها اسكت ساي انتا ماعارف شئ والله البشير وجماعته ديل احسن ناس !!!

Quote: زمان كنت بتغيرو كل شهر هسه بقيت تغير كل اسبوع

Quote: بالتأكيد لدى الكثيرين منا علاقات وصداقات شخصية متعددة مع مختلف الميولات سياسية واجتماعية.. ونجد من ضمن هذه العلاقات صداقات مع افراد من منتسبي المؤتمر الوطني .. شخصياً اعرف افراد منهم وتجمعني بهم علاقات عادية وطيبة .. بعض هؤلاء الاشخاص في غاية الادب والاحترام وعلى خلق وتجدهم في الكثير من المواقف الانسانية ويتختو في الجرح يبرا . ولكن في ذات الوقت ينتمون لنظام ليس له خلق وموغل في الفساد والاجرام. فصراحة ماقادر اجد تفسير لهذه الانتماءات غير المتسقة ..!!! هل الناس ديل ماعندهم علم بانه حزبهم ده اجرامي ؟!! ولا هم ماشايفين افعاله دي اجراميه ؟!! ولا عارفين وعندهم فتوى تجيز الانتماء لاى مجموعة اجرامية بس هم مايكونوا مجرمين ؟!! ممكن بتاعين علم النفس والمنطق وحتى الاجتماع يفسروا لينا الحاجة دي ؟!!

Quote: Re: حاجة غريبة خلاص !!! محتاجة تفسير !!!

Quote: هناك كتاب إسمه التخلف الإجتماعي مدخل إلى سيكولوجية الإنسان المقهور تأليف الدكتور مصطفى حجازي المركز الثقافي العربي 2005 إذا قرأت هذا الكتاب ستجد فيه تفسيراً علمياً لتساؤلاتك لولا ظروف العمل لقدمت له شرحا هنا حتى يستفيد الجميع يمكن أن تجد منه نسخة على النت أو إذا راسلتني يمكن أن أرسل لك نسخة منه [email protected]

Quote: والله بالغت يا ود القاضي ...يا اخوي اظنك الناس ديل ما جربتهم كويس ..ديل لو لقو طريقة فيك بيقيمو عليك الحد ..اتخيل ..حتى لو اتربيت معاهم في بيت واحد ... راجع علاقاتك دي بهدؤ شديد ...وح تتعجب في النتيجه ..

Quote: يا ود القاضى باقترح عليك تقوم تلف وزى بوستك دة بيوقع لينا ليه اساسى ادرجك فى اللستة اياها

(عدل بواسطة فايزودالقاضي on 01-09-2012, 10:55 PM)

Quote: اوع ده يكون مقدمة لي انضمامك للناس ديل قبل كم يوم برضو شايفك فاتح بوست قريب من ده ما يكون اتعمل ليك غسيل مخ

Quote: في أول لفة بظهروا على خقيقتهم يقول المتنبي إذا أشتبهت دموع في خدود .... تبين من بكى ممن تباكى

Quote: انا ما قاعد يحيرني الا الزول* البيقول ليك انا انضميت للمؤتمر الوطني عشان مصلحة البلد وانو الناس ديل احسن يستمرو في السلطة وقاعدين ينجزو بدل يجونا احزاب عمرها ما انجزت ولا قدمت شئ للبلد تقول ليهو يا زول مصلحة البلد وين ؟ والناس ديل خربو البلد واتدهورت في عهدهم في كل المجالات واي شئ تمسكها بدءاً من المواطن في ذات نفسه وانتهاءاً بخريطة الوطن زاتها اتدهورت واتخلفنا لدرجة اصبحنا لا نقرن الا بدول كالصومال .. يقول ليك يازول ها اسكت ساي انتا ماعارف شئ والله البشير وجماعته ديل احسن ناس !!! والاعجب منهم كلهم اليقول ليك انا بؤيد عممر البشير بس وضد المؤتمر الوطني كحزب :)

Quote: اولاً شكراً على الكتاب القيم ..فعلاً لقيتو في النت وحملته وان شاء الله بقراه ويبدو الفصل الثاني فيهو الاجابات البتقصدها ..لكن انتهيت من الجماعة ديل .ههههه

Quote: السؤال الاخلاقي هو لماذا تؤيد بعض الفئات سئ الذكر المؤتمر الوطني رغم تاريخة الحافل بكل ما هو لا أخلاقي. السؤال موجه لكيزان المنبر!! حزب اغتصب كوادره في دارفور عشرات النساء و قلب حياتهم جحيما لا يطاق حزب مارست كوارده الامنية اقسي انواع التعذيب للمعارضين في بيوت الاشباح و ادخل في مؤاخرات بعضهم الزجاج الفارغ و الاشياء الحادة. حزب قتل العشرات من منظمي المسيرات السلمية في كجبار و بورتسودان و غيرها و ادخل الفجيعة لامهات و اباء القتلي. حزب فصل المئات من منسوبي الخدمة العامة بدعوي الصالح العام و دمر مستقلبهم الوظيفي و قطع سبل عيشهم و اورث اهليهم الفقر و الفاقة. حزب سرق منتسبيه مليارات من مال الشعب مما ادي الي تدمير مشاريع التنمية في فيافي و ربوع السودان، و رفع من معدلات الفقر و الموت البطئ!. حزب طوال بقائه في السلطة مارست كوادره تزوير ارادة المواطنين في الجامعات و النقابات و الاتحادات المهنية و الانتخابات الولائية! حزب سحب الدعم من الصحة، و اصبح اي مرض هو الموت بعينه، لارتفاع تكاليف الفحص و الدواء، خاصة للفئات الفقيرة و متوسطة الدخل! حزب قامت كوادره بقتل الالاف من المواطنين بغرب السودان، و حرق قراهم و شرد الاخر و اسكنتهم في الخيام و اخرين بلا ماوئ، يستجدون الطعام و الماء من منظمات خارجية. هذا غيض من فيض من سيئات سئ الذكر المؤتمر الوطني. و السؤال ايضا، هل تعي كوادر المؤتمر الوطني كل هذه الفواجع الماحقة، و لماذا يؤيدون حزبا بهذه المواصفات القياسية في الاجرام و سوء الاخلاق؟؟! اعتقد جازما، ان علي كيزان المنبر مراجعة توزانهم النفسي و العقلي و الاجتماعي و ارجاع البصر كرتين هل من سبب للدفاع عن هذا الحزب الفاسشتي!!

(عدل بواسطة سعد مدني on 01-11-2012, 00:00 AM)

Quote: هل الناس ديل ماعندهم علم بانه حزبهم ده اجرامي ؟!! ولا هم ماشايفين افعاله دي اجراميه ؟!! ولا عارفين وعندهم فتوى تجيز الانتماء لاى مجموعة اجرامية بس هم مايكونوا مجرمين ؟!!