|
Re: هل كانت المرحومة عوضية عضوة في المؤتمر الوطني الحاكم؟ (Re: Mohamed Abdelmotalib Hassan)
|
ما حدث جريمة قتل في حق المرحومة , أذى جسيم في حق المصابين الآخرين لها إجراءات اللتحقيق محددة وفق قانون الإجراءات الجنائية , يقدم من توفرت في حقه بينات لتقديمه للمحاكمة وفق للأسس المتبعة أما محاولة بعض متسكعي المنابر ومناضلي الكيبورد وبعض أغبياء الحزب الشيوعي التكسب من موقف كهذا فهذا لعمري لهو الهتر بعينه ومدعاة للسخرية والإشمئزاز.
يا مناضلين الكيبورد:
باهو داك السودان أمشوا عديييييييل قاصدنو , مافي داعي تتلبدوا وتتعلقوا في أي قشة نضال عابرة للجعاعير والفنجطة , وعايزين تتصيدوا المواقف بمنتهى السذاجة.
عندكم حاجة غير نشجب وندين قدموها , ما عندكم نقطونا بي سكاتكم.
| |
|
|
|
|
|
|
Re: هل كانت المرحومة عوضية عضوة في المؤتمر الوطني الحاكم؟ (Re: Khalid Kodi)
|
يبقى يا مناضلين الكيبورد مفروض يكون عندكم قليل من مصداقية وقليل من مبدأية , لا يستقيم أن تتم مهاجمة عضوية المؤتمر الوطني في هذا المنبر والتصريح حتى بقتلهم ومسحهم من الوجود , وعندما يحدث الأمر فعلاً وتقتل المرحومة عوضية يتحول الأمر مائة وتمانين درجة وتقام الدنيا ولا تقعد , وكأنكم بالحريصين علي دماء أعضاء الحزب الحاكم أكثر من الحزب الحاكم نفسه وعوضية وأولياء دمها وعشيرتها.
ولا كيف؟
بئس النضال والتناقض , فعلاً : النضال في خطر , كل من هب ركب القطر
Little of consistency ain't hurt
| |
|
|
|
|
|
|
Re: هل كانت المرحومة عوضية عضوة في المؤتمر الوطني الحاكم؟ (Re: Mohamed Abdelmotalib Hassan)
|
Quote: وقد تكررت مثل عمليات القتل هذه بإنتظام فى شوارع الخرطو على من هم أمثال عوضية غض النظر عن إنتماءهم السيايى. |
أيواااااااااااااااا.
ده هنا بيت القصيد.
يبقى يا مناضلين الكيبورد وبعض أغبياء الحزب (الشعوعي) , ختوها بالواضح إنه المرحومة عوضية نوباوية , قتلها تم فقط لهذا السبب لا غيره بدل تقعدوا تتضاروا ورا شعارات فارغة , وأن المسالة مسألة قبلية بحته.
قبيلة النوبة مستهدفه سواء في شخص عوضية أوغيرها , لكن هذا الدفع لا يجب أن (يتشعبط) فيه مناضلي الكيبورد وبعض أغبياء الحزب الشعوعي و(لواكته) وإفراغ القضية من مضمونها.
دعوا المتسبب يتقدم إلى محاكمة ودعونا من المتاجرة السياسية الرخيصة!!!
لقد قرفنا يا مناضلي الكيبورد.
لقد قلنا (الرووووووب)!!!!
| |
|
|
|
|
|
|
Re: هل كانت المرحومة عوضية عضوة في المؤتمر الوطني الحاكم؟ (Re: BousH)
|
الاخ Boush الأخ المناضل محمد عبدالمطلب بيفتكر إنو المرحومة عوضية عضوة في المؤتمر الوطني الحاكم.
خلاص ما دام المناضل محمد عبد المطلب قال كده (حتى لو وضعه في شكل تساؤل) فمعناها المرحومة عضوة مؤتمر وطني.
الرجاء عدم تشتيت جهود المناضل محمد عبد المطلب وتركه يواصل نضاله.
| |
|
|
|
|
|
|
Re: هل كانت المرحومة عوضية عضوة في المؤتمر الوطني الحاكم؟ (Re: BousH)
|
سعادة السيد كبير مناضلي الكيبورد عبر الرقص الإلكتروني وهز الوسط والمؤخرة والجلحات الصغيرة :
أرجو أن تستمر في نضالك عبر الرقص والهشك هشك وجمع النقطة والسهر وكما قال الشاعر :
ما أطال النوم عمراً ............... ولا قصر العمر طول السهر.
Quote: اللقب: الصادق اسماعيل
الهوايات المفضلة: الرقص
الوظيفة: أربي الأمل |
يا مناضل يا فاره : قلت لي بتربي الأمل وعايز تسقط حكومة؟ مناضل , وفارة , وكمان رومانسي؟
إخخخخخخخخخخخخخ!!!
بالله في نهاية الفاصل ده تعال أدينا واحدة : إبرة ودرت.
| |
|
|
|
|
|
|
Re: هل كانت المرحومة عوضية عضوة في المؤتمر الوطني الحاكم؟ (Re: Mohamed Abdelmotalib Hassan)
|
إعتقد أنه ليس من الحصافة بمكان نشر ذلك الشريط في هذا التوقيت لأساب عدة :
أولاً : إعتبارات قانونية :
قد يشكل ذلك الشريط عائقاً وقد يتم إستخدامه في مرحلة المحاكمة من قبل الدفاع في محاولة للتشكيك في مصداقية الشهود بمقارنتها بما ورد في الشريط , خاصة أن كل السوابق القضائية إتفقت على أن أي شهادة تم الإدلاء بها عقب الحادث مباشرة هي الشهادة الأقرب للتصديق من غيرها , ومعلوم أن مثل هذه الإجراءت تأخذ وقتاً طويلاً لأن المتهمين فيها من منسوبي الشرطة ويتطلب الأمر إستصدار الإذن لغرض رفع الحصانة , مما يعني أن ذاكرة بعض أو كل شهود الإتهام قد تتأثر ويطالها التشويش أو النسبان , الأمر الذي يشكل تربة خصبة للدفاع للإستعانة بالشريط للتدليل على التناقض الذي قد يقود في نهاية المطاف إلى ظلال شك قد تطيح بقضية الإتهام , وغني عن البيان أن كل شك يفسر دائماً وأبداً في مصلحة المتهم أو المتهمين.
| |
|
|
|
|
|
|
Re: هل كانت المرحومة عوضية عضوة في المؤتمر الوطني الحاكم؟ (Re: Mohamed Abdelmotalib Hassan)
|
بشأن الوثيقة أعلاه , قمت بالرد عليها في بوست آخر وهي كما زعم رسالة من الشعوعي الكذاب ملفق جدة , وكان الرد كالآتي :
من ناحية كذاب فهو كذاب , أما إذا كان الأمر مجرد غلاط إسفيري مُر , فليس لدي رغبة في الخوض في مثل هذا النوع من الغلاط.
هذه الوثيقة لا جدال أنها وثيقة قديمة من شكلها ومظهرها , كما أن شكلها العام لا يوحي بمطابقتها لأصلها , بالإضافة إلى أن شهادة أحد من تحدثوا حول المرحومة يوم أمس أكد وبعبارات قاطعة ومحددة عضوية المرحومة في المؤتمر الوطني أو كما قال الحزب الحاكم ورددها مراراً وتكراراً.
أما إن كان قصد مناضلو الكيبورد تكذيب ما ورد في ذلك الشريط فليكن الأمر واضاحاً ويجب الدفع بذلك بدل الجعجة والنحيب.
أيهما أولى بالتكذيب , شاهد أدلى بشهادته أمس وهو شاهد عيان لكل الوقائع وهو على صلة قريبة بالمرحومة؟ أما ذلك الشعوعي الملفق الكذاب الذي يقبع في السعودية ويخشى حتى من إعلان إنتماءه للحزب الشيوعي خشية إملاق؟
مالكم كيف تحكمون؟؟؟؟؟؟؟؟؟؟؟؟؟
| |
|
|
|
|
|
|
Re: هل كانت المرحومة عوضية عضوة في المؤتمر الوطني الحاكم؟ (Re: سيف النصر محي الدين)
|
Quote: ناحية كذاب فهو كذاب , أما إذا كان الأمر مجرد غلاط إسفيري مُر , فليس لدي رغبة في الخوض في مثل هذا النوع من الغلاط.
|
يا جماعة المناضل محمد عبد المطلب ليس لديه أي وقت للغلاط، الرجاء تركه ليواصل نضاله.
الأخ المناضل الكبير محمد عبد المطلب
الرجاء مواصلة النضال وعدم الخوض في مواضيع جانبية تعيق نضالكم المستمر من خلال الكيبورد
| |
|
|
|
|
|
|
Re: هل كانت المرحومة عوضية عضوة في المؤتمر الوطني الحاكم؟ (Re: Mohamed Abdelmotalib Hassan)
|
Quote: ما حدث جريمة قتل في حق المرحومة , أذى جسيم في حق المصابين الآخرين لها إجراءات اللتحقيق محددة وفق قانون الإجراءات الجنائية , يقدم من توفرت في حقه بينات لتقديمه للمحاكمة وفق للأسس المتبعة أما محاولة بعض متسكعي المنابر ومناضلي الكيبورد وبعض أغبياء الحزب الشيوعي التكسب من موقف كهذا فهذا لعمري لهو الهتر بعينه ومدعاة للسخرية والإشمئزاز. |
اسقف على كدا ..
| |
|
|
|
|
|
|
Re: هل كانت المرحومة عوضية عضوة في المؤتمر الوطني الحاكم؟ (Re: Mohamed Abdelmotalib Hassan)
|
Quote: وانت تعرفهم جيدا يا سعادة المحامي (الامنجي) |
Quote: كما تفعل يا سعادة المحامي الامنجي الهمام بهدا الموقف السلبي الدي يبعث (الطمام) ويؤكد انك للاسف بكل علمك ادنى وعيا بل اضل سبيلا من هده الانعام التى تعرف معنى الظلم ولا تنام |
سعادة السيد عميل اللجان الثورية الليبية الإنبطاحي الكبير :
إنت كده غلظت علي , وإتجاوزت حدودك , ودي إعتبرها دقسة كبيرة منك.
بعد شوية يا لجنجي حتقعد تبلبط , ولما الكلام يسخن بيك حتقعد تبكي وتشرد لي من البوست ده وأقعد أفتش فيك بالفتاشة , أول حاجة تعال هنا وإلتزم إنك ما تشرد من البوست ده زي ما شردت من هنا :
طيب وين الزاني!؟
| |
|
|
|
|
|
|
Re: هل كانت المرحومة عوضية عضوة في المؤتمر الوطني الحاكم؟ (Re: الصادق اسماعيل)
|
طبعاً يا بتاع اللجان الثورية الناس هنا كلها عرفت الجرسة الضربتها وإنك بقيت تبكي من مداخلاتي في بوستاتك بعدما أجبرتك على الهرب منها , لكن المرة دي مافي ليك طريقة لأنه البوست ده حقي أنا , ,إنت البديت قلة الأدب والإساءة , وأنا بوصلها ليك حدها.
أنا إبن جلا وطلاع الثنايا , متى أضع العمامة تعرفوني , إني أرى رؤوساً قد أينعت وحان قطافها وإني لصاحبها , يا أهل اللجان الثورية الرعاع , أهل السفه والنفاق. فأنتظرني يا أيها اللجنجي.
حأخليك على كده عشان كلما مرة تجي منطط عيونك من المفاجأة الراجياك.
دبور وزن على خراب عشه!!!
| |
|
|
|
|
|
|
Re: هل كانت المرحومة عوضية عضوة في المؤتمر الوطني الحاكم؟ (Re: Mohamed Abdelmotalib Hassan)
|
النجيضة يا وراق ؟؟
( اكد حزب العمل ان القتيلة عوضية عجبنا من اعضائه ، وتقلدت منصب نائبة امين امانة المرأة فى الحزب ، وادان بشدة حادثة اغتيالها من قبل الشرطة ، وقال ان القتيلة كانت ناشطة فى الحزب ومرشحة فى قائمة المرأة للبرلمان فى الانتخابات الاخيرة وكشف الامين العام للحزب عبد الكريم اسماعيل عن تشكيل هيئة مستقلة للدفاع عن القضية تتالف من (5 ـ 6 ) من المستشارين القانونيين ، وطالب بمراجعة قوانين النظام العام ، وكشف عن لجنة شكلتها وزارة الداخلية برشاسة مدير عام الشرطة للتحقيق فى القضية ، وقال ان القتيلة لاعلاقة لها بحزب المؤتمر الوطنى كما اثير ، انما نائبة امينة المرأة بحزب العمل ، بينما طالب العقيد شرطة معاش فيصل ابراهيم ادم الشرطة بتحرى الدقة والصدق فى معلوماتها، وان تكون مسئولة عن المواطنين بدلا من قتلهم ) انتهى الخبر يا ابراهيم النعمة انا نقلت ليك الخبر دا بى ضبانتو من جريدة الصحافة الصادرة صباح اليوم .. عندما نقلت المخاطبات التى تمت من القيادات فى تأبين عوضية وواضح انو حديث الرجل كان قدام ناس الديم كلهم وقدام قيادات الوطنى وناس المحلية فى التأبين وسكتو تممممممممم مافى زول قال بغم . الدغمسة دى بتم هنا بعيد من الناس البعرفوا عوضية !
| |
|
|
|
|
|
|
Re: هل كانت المرحومة عوضية عضوة في المؤتمر الوطني الحاكم؟ (Re: دينا خالد)
|
Quote: من ناحية كذاب فهو كذاب , أما إذا كان الأمر مجرد غلاط إسفيري مُر , فليس لدي رغبة في الخوض في مثل هذا النوع من الغلاط. هذه الوثيقة لا جدال أنها وثيقة قديمة من شكلها ومظهرها , كما أن شكلها العام لا يوحي بمطابقتها لأصلها , بالإضافة إلى أن شهادة أحد من تحدثوا حول المرحومة يوم أمس أكد وبعبارات قاطعة ومحددة عضوية المرحومة في المؤتمر الوطني أو كما قال الحزب الحاكم ورددها مراراً وتكراراً. |
Quote: اكد حزب العمل ان القتيلة عوضية عجبنا من اعضائه ، وتقلدت منصب نائبة امين امانة المرأة فى الحزب ، وادان بشدة حادثة اغتيالها من قبل الشرطة ، وقال ان القتيلة كانت ناشطة فى الحزب ومرشحة فى قائمة المرأة للبرلمان فى الانتخابات الاخيرة وكشف الامين العام للحزب عبد الكريم اسماعيل عن تشكيل هيئة مستقلة للدفاع عن القضية تتالف من (5 ـ 6 ) من المستشارين القانونيين ، وطالب بمراجعة قوانين النظام العام ، وكشف عن لجنة شكلتها وزارة الداخلية برشاسة مدير عام الشرطة للتحقيق فى القضية ، وقال ان القتيلة لاعلاقة لها بحزب المؤتمر الوطنى كما اثير ، انما نائبة امينة المرأة بحزب العمل ، بينما طالب العقيد شرطة معاش فيصل ابراهيم ادم الشرطة بتحرى الدقة والصدق فى معلوماتها، وان تكون مسئولة عن المواطنين بدلا من قتلهم ) انتهى الخبر يا ابراهيم النعمة انا نقلت ليك الخبر دا بى ضبانتو من جريدة الصحافة الصادرة صباح اليوم .. عندما نقلت المخاطبات التى تمت من القيادات فى تأبين عوضية وواضح انو حديث الرجل كان قدام ناس الديم كلهم وقدام قيادات الوطنى وناس المحلية فى التأبين وسكتو تممممممممم مافى زول قال بغم . الدغمسة دى بتم هنا بعيد من الناس البعرفوا عوضية ! |
اه رياك يا سعادتو
| |
|
|
|
|
|
|
Re: هل كانت المرحومة عوضية عضوة في المؤتمر الوطني الحاكم؟ (Re: ناصر المحسى)
|
Quote: وقبل ما تواصل في محاورك شوف لينا الشهيدة بيتمني لحزوب الحرامية القتلة ؟؟؟ |
قبلما أشوف ليك القصة دي , كدي في الأول نشوف قصة وراق الفوق دي , حتين بعد داك أجي أورقها ليكم الخضرة دي وأفركها ليكم ظااااطو!!!
بمناسبة قصة وراق الفوق دي , مرات بجيني إحساس الناس بتجي خاشة بوستاتي دي (لاطه) , ده مجرد إحساس ساي , إن شاء الله بس ما يكون حقيقي!!
نتفرجخ هنا وننتظر قصة الخدرة والوريق دي!!!!
ماتبصليش بي عين رضيه , وبص للي إندفع فيا!!
ويييييييييييييو!!!
| |
|
|
|
|
|
|
Re: هل كانت المرحومة عوضية عضوة في المؤتمر الوطني الحاكم؟ (Re: Mohamed Abdelmotalib Hassan)
|
أووووو
الأحداث إلتهبت وبسرعة شديدة , عشان كده حأتجاوز المحورين الأول والتالت الأصلاً ما وريتكم ليه , ونمشي مباشرة للمحور القانوني , ونشوف مع بعض السناريو المتوقع , وحأقدم ليكم كيف إنه هيئة الإتهام لو (تفتيحة) إنها ممكن تتشيطن على الإجراءات وتطالب بوضع جميع أفراد الشرطة الكانوا بمسرح الجريمة كمتهمين في البلاغ عشان يحرموا الدفاع من فرصة الإستعانة بيهم كشهود دفاع والكلام ده ليه آثار خطيرة ومهمة ولو فاتت على الإتهام النقظة دي حيدفع ثمن باهظ بعدين في مرحلة المحاكمة , وحأتناول المادة 130 من القانون الجنائي لسنة 1991 (القتل العمد) والإستثناءات التي سيتمسك بها الملازم وهيئة الدفاع لتخفيف الجريمة إلى القتل شبه العمد أو حتى الدفاع عن النفس بإعتباره خط دفاع متوقع الدفع به مع خطوط أخرى , وسأدلي بي خط دفاع الملازم الذهبي الذي يمكن أن يخفف عليه كثيراً , فأبقوا معنا :
بالله ناس الخدرة والكمونية الفوق ديل : أنزلو من مراية أفكاري هسه عشان ما عندي ليكم جاز هسة , تعالوا لي بعد يومين تلاتة كده , عشان ناخد وندي مع بعض.
تمام؟
حنتمحور , والممحورنا غير الله اللي يجي يمروحنا!!!!
| |
|
|
|
|
|
|
Re: هل كانت المرحومة عوضية عضوة في المؤتمر الوطني الحاكم؟ (Re: Mohamed Abdelmotalib Hassan)
|
المادة 130 من القانون الجنائي , وتقرأ كالآتي :
Quote:
الباب الرابع عشر الجرائم الواقعة على النفس والجسم
القتل وأنواعه.
129- القتل هو تسبيب موت إنسان حي عن عمد أو شبه عمد أو خطأ.
القتل العمد. 130-(1) يعد القتل قتلا عمداً إذا قصده الجاني أو إذا قصد الفعل وكان الموت نتيجة راجحة لفعله. (2) من يرتكب جريمة القتل العمد، يعاقب بالإعدام قصاصاً، فإذا سقط القصاص، يعاقب بالسجن مدة لا تجاوز عشر سنوات دون مساس بالحق في الدية.
|
| |
|
|
|
|
|
|
Re: هل كانت المرحومة عوضية عضوة في المؤتمر الوطني الحاكم؟ (Re: Mohamed Abdelmotalib Hassan)
|
إلى مناضلي الكيبورد , وبعض الأغبياء من الشيوعين المواهيم :
المادة الفوق دي هي المادة اللي حتتم محاكمة الملازم بيها , شعاراتكم الفاغة والحنك العاضي بتاعكم ده , تبلوهوا وتشربوا مويته , لأنو لو مشيتوا قدام القاضي وقلتوا ليه نشجب وندين ونستنكر وماشين في السكة نمد ونتش عين الضلام بالضو , القاضي حيزعل منكم , عشان كده بحذركم ما تعملوا كده.
أنا بأولوكو أهو وإنطو حورييين بأ!!!
| |
|
|
|
|
|
|
Re: هل كانت المرحومة عوضية عضوة في المؤتمر الوطني الحاكم؟ (Re: Mohamed Abdelmotalib Hassan)
|
القتل شيه العمد :
ودي المادة اللي حيركز عليها محامي الملازم المتهم كثيراً , لأنها هي خط دفاعه الثاني , وغالباً (وفي رأي المتواضع ) ماستنقذه هذه المادة من حبل المشنقة (إتذكروا الكلام ده لما يصدر قرارا المحكمة) : -
Quote: القتل شبه العمد. 131-(1) يعد القتل قتلاً شبه عمد إذا تسبب فيه الجاني بفعل جنائي على جسم الإنسان ولم يقصد الجاني القتل، ولم يكن الموت نتيجة راجحة لفعله.
|
| |
|
|
|
|
|
|
Re: هل كانت المرحومة عوضية عضوة في المؤتمر الوطني الحاكم؟ (Re: Mohamed Abdelmotalib Hassan)
|
Quote: رفع الحصانة عن أفراد الدورية في قضية «عوضية»
الخرطوم:سلمى ادم: كشفت مصادر عدلية لـ«الصحافة» ،ان اللجنة المكلفة من وزارة العدل للتحقيق في قضية مقتل عوضية عجبنا يوم الثلاثاء الماضي برصاص الشرطة بمنطقة الديم جنوبي الخرطوم، قد أكملت التحريات أمس مع «18» شاهد اتهام، وطالبت اللجنة فى تقريرها رفع الحصانة عن طاقم الدورية المكون من «10» من افراد شرطة النظام العام .
وأكدت المصادر ذات، رفع البلاغ امس الى وكيل النيابة الأعلى للتصديق على تعديل مادة الاتهام من «51» اجراءات، والقبض على الجناة للتحقيق معهم حول حادثة القتل لمواصلة سير الاجراءات. وكان وزير الداخلية ابراهيم محمود حامد، اعلن رفع الحصانة عن المتهمين وتعهد بتقديمهم للمحاكمة. |
| |
|
|
|
|
|
|
Re: هل كانت المرحومة عوضية عضوة في المؤتمر الوطني الحاكم؟ (Re: Mohamed Abdelmotalib Hassan)
|
Quote: مسئول عدلي لرماة الحدق : أفراد الشرطة نجوا من موت محقق و أربعة منهم جرحي 2012-03-12 07:26:18 تعليقاً علي أحداث حي الديم و الذي راحت ضحيتها المرحومة عوضية عجبنا أفاد مسئول عدلي مطلع رماة الحدق أن أفراد دورية شرطة النظام العام قد نجوا من الموت بإعجوبة حيث هاجمهم الأهالي بأسلحة بيضاء و عصي إثر إستغاثة أحد إثنين أوقفتهما دورية شرطة النظام العام و التي كانت في مهمة روتينية حيث إشتبهت في تعاطيهما الخمر و أجرت إختبارها للتأكد من ذلك علي الاول الذي أمتثل لها و رفض الثاني مبدياً مقاومة و إستغاثة خرج علي إثرها سكان المنازل المجاورة مسلحين بالعصي و الاسلحة البيضاء و بدأوا في مهاجمة أفراد الشرطة و الاعتداء عليهم بعد إنزالهم بالقوة من عربة الدورية بل قام بعضهم بمحاولة إلاستيلاء علي سلاح أحد أفراد الدورية و كادوا أن ينجحوا في ذلك لولا تدخل الضابط و و إستيلائه علي السلاح الذي خرج منه الرصاص دون إرادته في ظل الهرج و الفوضي . الضابط المتهم بقتل عوضية عجبنا يعد من أفضل ضباط النظام العام و الذي عمل به منذ أربعة سنوات دون أن تتلقي رئاسة الشرطة او الأجهزة العدلية أي شكوي ضده .المسئول تمني لو أن الاعلام توقف عن تناول القضية و إصدار أحكام مسبقة ستكون لها عواقب و خيمة بلا شك و ترك الأمر للقضاء فهو الأقدر علي إستجلاء الحقيقة و تفاصيلها و إصدار الاحكام و تنفيذها. |
| |
|
|
|
|
|
|
Re: هل كانت المرحومة عوضية عضوة في المؤتمر الوطني الحاكم؟ (Re: Mohamed Abdelmotalib Hassan)
|
Quote: لكن متى ترتقي انت يا سعادة المحامي الكبير بوعيك وحسك الوطني لتكون بحجم تحديات الوطن منحازا لشعبك في قضيته العادلة والناصعة مستمدا دلكم الوعي من دراسة القانون |
أحب الشعارات الزي دي وأموت فيها أنا!!
طيب يا عميل اللجان الثورية :
إنت مش قلت عندك ماجستير في اللغة العبرية؟ أها عملت بيها شنو يا شالوم زمانك؟ ولا إحتمال مسخر نفسك لخدمة السياح الصهاينة الزائرين لتكساس؟
وييييييييييييييييو!!
بعدين تعال يا بتاع اللجان الثورية اللأحدثك كان ما حدثوك :
أنا (واعوذ بالله من كلمة أنا) زي ما قال الغواصة الجعَْارة خالد أبو أحمد , انا لما كنت بدافع عن بتاعين الورنيش والمسحوقين في جغمة , وخور برنقة , ودنقر شوف , وكرتون كسلا , وزقلونا , إنت يا بتاع اللجان الثورية كنت مباري البيرة أم جمل , والعرقي أبو حصان , ومتسكع في حانات أديس وأسمرا والقاهرة , وساكي عاهراتها , وبعد داك مشيت مرقتها في ليبيا وبقيت عميل لجان ثورية وأمنجي كبير ومنبطح , ومفنقـ..........., لمدة خمصطططططاشر سنة , لا كليت , لا مليت , لا قحيت , لا إتنحنحت , لا إتزحزحت.
وين كان حسك الوطني وباقي الحنك العاضي الفوق ده؟
جاوب يا ضب!!
هههههههههه.
نجاض قبورة ليك يا بتاع نعيمه!!!!
| |
|
|
|
|
|
|
Re: هل كانت المرحومة عوضية عضوة في المؤتمر الوطني الحاكم؟ (Re: Mohamed Abdelmotalib Hassan)
|
Quote: حيث العبرة هنا بالافعال وليس الشعارات |
ايوااااااااااا : يا بتاع اللجان الثورية :
ومال أنا من الصباح بأذن في مالطا؟
مش قلت ليك بطل الشعارات الفارغة وأمشي السودان وورينا شجاعتك.
بعدين تعال اللأحدثك كان ما حدثوك :
إنت يا هشام طشماني مش قلعوا منك جنسيتك في ليبيا وضربوك وتفوا في وشك ورموك خارج أسوار السفارة السودانية زيك وزي قطعة زبالة؟ وين الأفعال بتاعتك في الموقف داك؟
بعدين تعال اللأحدثك تاني :
كويس إنك جبت السيرة دي , إنت مش قبل فترة كنت خاتي صورة بوعزيزي مولع في نفسه؟ ياخي بوعزيزي ده شالو منه عجورتين وفجلة وتلاتة طماطمايات وخيرااااراية واحدة , قام حرق نفسه , إنت يا بتاع الجان الثورية يا خانع شالوا منك جوازك و جنسيتك هويتك عديييل كده حمرة عين , ما قدرت تقول بغم , مشيت مدنقر زي بت الطهور خشمك ما فتحتوا , ولي هسه ما قدرت تحرك ساكن في الموضوع ده , لو بتقدر تولع في نفسك ليك علي جالون بنزين كاااارب مني ليك , مع إنه خسارة فيك لكن ضر كده بس بجيبوا ليك , أها قلت شنو؟
أزيدك ولا كفاية كده؟
| |
|
|
|
|
|
|
Re: هل كانت المرحومة عوضية عضوة في المؤتمر الوطني الحاكم؟ (Re: الصادق اسماعيل)
|
Quote: ومادا يهم ان كانت الشهيدة عوضية عضو مؤتمر وطني او غيره...فالظلم هو الظلم |
أيواااااااا :
عاين يا أمنجي اللجان الثورية المدعو هشام طشماني :
يعني ما مهم الزول يكون مؤتمر وطني ولا غير مؤتمر وطني؟ المهم الزول يكون مظلوم؟
هههههههه!!
وتييييييييييييب؟
فضيحة إنت والله , والكلام مع واحد مسطح ومشوش زيك فعلاً مضيعة للوقت , لكن أقول ليك حاجة؟ شكلك لما كتبت الكلام الفوق ده كنت في حالة لا تدرك كنه أفعالك وماهية أقوالك , لأنه يا ضب يا وهم بي فهمك ده , إنت مفروض ما تتكلم في المنبر ده عن الكيزان وشايل بوزك وتسئ بمنتهى البذاءة وقلة الأدب والسخف , والليلة عضوية المؤتمر الوطني بقت مامشكلة بالنسبة ليك , والله واضح إنه عقلك عقل شفع صغار وما عارف بتقول في شنو.
طيب يا ضب بكرة لو أي عضو مؤتمر وطني كتلوهوا المفروض ما يكون عندك حل غير تدافع عنه؟ صح؟
لكن إتخيل لي أنا فهمت قصدك يا أمنجي , إنت عايز تقول : لابد من تقسيم عضوية المؤتمر الوطني لي قسمين :
القسم الأول : عضوية مؤتمر وطني أحياء منهم ويرزقون , وهؤلاء هم المغضوبين عليهم وضالين.
القسم الثاني : عضوية مؤتمر وطني ممن قضى نحبه وما بدلوا تبديلاً , وهؤلاء هم أصحاب اليمين.
أو كمان تعال ختها واضحة وخليك زي الشيوعي بتاع بوسطن وقول القصة دي موضوعها قبيلة وخلاص!!!
الغتغتة والجقلبة لزوما شنو؟
| |
|
|
|
|
|
|
|