|
تجارة رق في السودان بطريقة مقننة ( استيراد الحبشيات بواسطة شركات )
|
رق ولكنه بطريقة مقننة
شركات بصورة رسمية تعمل بالاتجار بالبشر
بيع وشراء وكمان تختار وتعزل علي كيفك
دي ضعيفة ما بتنفع معاي
ودي عملتو ليها فحص ولا لا ؟؟ مالها شكلها زي العندها ايدز
دي كويسة تنفع معاي دايرين فيها كم ؟؟
هكذا يتم في وضع النهار وعينك يا تاجر في السودان
بواسطة شركات تقوم بأستيراد حبشيات من ارتريا واثيوبيا
وتقوم الشركات بالبيع والشراء في الخرطوم للعمل كخادمات
في البيوت علي ان تقوم الشركة المستوردة بأخذ مرتب
6 شهور مقدما لصالح الشركة المستوردة مقابل لا شي
للحبشية وبعد انقضاء المدة تترك بحريتها لتعمل ما تريد
|
|
![ICQ](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: تجارة رق في السودان بطريقة مقننة ( استيراد الحبشيات بواسطة شركات ) (Re: عبداللطيف خليل محمد على)
|
Quote: انت مش قالوا انك في ( شهر عسل ) يا زول ؟ خليك في العسل دا ياخي .. و انا بحرس ليك البوست دا الى حين العودة الميمونة يا بقال ياخي ..
خليك في العسل خليك في العسل خليك في العسل |
الحمد لله قضيت شهر العسل 35 يوما
ما بين مدينة كسلا ومنها الي اسمرا والعودة مرة اخري لكسلا
ومنها لبورتسودان ومنها للقاهرة ثم الاسكندرية ثم عدت
الي القاهرة ومنها الي المملكة العربية السعودية جدة
وعدت الي الخرطوم الحمد لله قضيتها تب والله
| |
![ICQ](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: تجارة رق في السودان بطريقة مقننة ( استيراد الحبشيات بواسطة شركات ) (Re: Hatim Elmaki)
|
!!!
Quote: بواسطة شركات تقوم بأستيراد حبشيات من ارتريا واثيوبيا
وتقوم الشركات بالبيع والشراء في الخرطوم للعمل كخادمات
في البيوت علي ان تقوم الشركة المستوردة بأخذ مرتب
6 شهور مقدما لصالح الشركة المستوردة مقابل لا شي
للحبشية وبعد انقضاء المدة تترك بحريتها لتعمل ما تريد |
دا كان زمان أو إتخايلي ما كان في حاجة زي دي من أصلو ..
البيحصل لا في شركة مستوردة لا يحزنون .. زول زيي زيك بيختف رجلو لي كسلا أو القضارف .. طبعا بيكون عندو معلومة من الخرطوم .. بيمشي هناك بيقابل واحد تاني .. بيعرفو على كم واحدة من الكاسرات إقامة أو الما موجودات في البلد بي طريقة رسمية .. مثلا يختار أربعة وهو يكون سايق بوكسي دبل قبينة .. يركبو معاهو في بوكسي شرط يتحركو بعد المغرب .. لمن صادفم تفتيش البنات ديل بيتغطوا بي بطانية أو توب زي الكأنهم تعبانات من السفر .. الزول بيقول أنا جاييي من بورتسودان ودي أمي وبت عمتا واختها نايمين وتعبانين .. بالطريقة دي لحدي ما يخشوا الخرطوم ..
تقول لي شركة مستوردة وشركة مصدرة .. !!
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![Yahoo](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: تجارة رق في السودان بطريقة مقننة ( استيراد الحبشيات بواسطة شركات ) (Re: Elawad Eltayeb)
|
فعلا حاجة مؤسفة انو السودان يحصل فيهو الكلام ده وبالصورة دي.. الاثيوبيين والارتريين .. منذ بواكير نضالهم ضد نظام الراحل منقستو .. ومطالبة الارتريين باستقلالهم كانو يتعرضون للاذلال من قبل السودانيين وهذه والله عن مشاهدات ووقائع شاهدتها بام عيني وكل ذلك في فترة الثمانينيات .. وبعد الاطاحة بمنقستو واعلان دولة اريتريا .. بدأ شكل جديد من الاسترقاق وعلي عينك يا تاجر .. وطبعا المسائل دي لا يمكن ان تتمم بكل هذه البساطة كما يقول الاستاذ/ ناذر , فلابد من وجود متنفذين يسهلون هذه العمليات وطبعا مثل هذه الاعمال تقع طائلة القانون اذا كان هنالك قانون يطبق .. وطبعا الافلام دي شغالة وشباكها ايراده عالي..بداية من تهريب البشر في شرق السودان ومطالبات المهربين بفدية ومرورا بتهريبهم عبر الحدود المصرية الي اسرائيل..ودا كله والحكومة في سبات عميييييق .. او دي بطينة ودي بعجينة...
اقترا ح..
يا جماعة الواحد في رقبتو فبلاهي ما تخلونا نسرح بعيد...
| |
![Edit](https://sudaneseonline.com/db/icon_edit.gif)
|
|
|
|
|
|
Re: تجارة رق في السودان بطريقة مقننة ( استيراد الحبشيات بواسطة شركات ) (Re: ناذر محمد الخليفة)
|
Quote: الاستاذ ناذر بيقول إنها بتتم بالبساطة دي ..! |
والله أبسط من البساطة ذاتا ..
يا أخوانا نحنا قاعدين في الخرطوم وشايفين وعارفين الحاصل كووولو .. والله قصة الاحباش دي قصة وقصص ..والموضوع اكبر مما يقوله الاخ ابراهيم ..
- خلال الثلاثة سنوات الماضية بدأت اعداد الاثيوبيين تحديدا في زيادة ملحوظة اولادا وبناتا ولا اقول نساء ورجالا لان جميعهم تقريبا اعمارهم صغيرة .. وكلام ناذر حقيقي ووما قاله جزء من عمليات تهريب منظمة وتجارة رائجة يمارسها بعض ضعاف النفوس والاغرب ان الاحباش نفسهم اصبحوا يتاجرون في بعضهم وهم من يسهلون عمليات تهريب الفتيات والفتيان من شرق السودان الى العاصمة بالاتفاق مع سودانيين وفي الخرطوم هناك سماسرة معروفين ( أحباش ) مهمتهم توفير العامل او العاملة مقابل مبلغ يتراوح من 40 الى 100 جنيها حسب النضافة والخبرة وهو امر منتشر في العاصمة وضواحيها واظن ان احد الاخوان فتح بوستا بهذا الخصوص قبل اقل من شهر. ساعود لقصص اخرى
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
|