|
Re: باركوا لينا الدكتوارة .. (Re: صبري طه)
|
أخي / صبري .. سلامي و إمتناني
Quote: ألف ألف مبروك ... وعُقبال الدكتوراة ... |
تتبارك ما تتشارك و تتعلى ما تتدلى و عقبال نبارك ليك بالعديل و الزين و الذرية الصالحة ..
ـ
قلت لي رجع ( الحنان ) عاود و اللا شنو .. مالك عايز تجيب كسافتنا ؟؟
| |
|
|
|
|
|
|
Re: باركوا لينا الدكتوارة .. (Re: ابو جهينة)
|
أستاذنا الفاضل / أبو جهينة ..
Quote: ألف مبروك يا مولانا و التهنئة موصولة للأمورة |
إن شاء الله عقبال نبارك ليكم كل سمح و جميل .. و تتباركوا ما تتشاركوا و يسعدهم بيكم و يسعدكم بيهم ..
ـ ما قال بجئ .. ( أنتظرناك )
| |
|
|
|
|
|
|
Re: باركوا لينا الدكتوارة .. (Re: tmbis)
|
أخي الفاضل / ود الصائم
سلامي وامتناني ..
Quote: مليون مبروك يا مولانـا .. مبروك تالا الدكتوراة .. |
الله يبارك فيك و في أهل بيتكم كوووولهم .. و يحفظكم بحفظه و يديم عليكم أسباب الخير و السعادة و يفرحكم بعيالكم و يفرحهم بيكم و يسعدكم لما تقتنعو ..
| |
|
|
|
|
|
|
Re: باركوا لينا الدكتوارة .. (Re: ذواليد سليمان مصطفى)
|
أخي الفاضل / ذو اليد .. تحياتي و إمتناني ..
Quote: مليار تهنئة وعقبال الدكتوراة |
و كل الأمنيات الطيبات لكم و لأسرتكم الكريمة بكل الخير و عقبال ما تفرحوا بعيالكم و عيال عيالكم يارب .. و ما تغنجوا لينا بالعرسان باقي ناس الأسبيرات ديل مضمونين و ما بجهجهو ..
| |
|
|
|
|
|
|
Re: باركوا لينا الدكتوارة .. (Re: Alshafea Ibrahim)
|
أخي و أستاذنا الفاضل / الشفيع ..
تحياتي و موفور إحترامي ..
Quote: الف مبروك للأبنة تالة .. مبروك للأسرة ... مزيدا من النجاحات والتقدم في حضرتكم وعزكم ... |
بارك الله فيكم و في ذريتكم و أسرتكم الكريمة .. و كل الأمنيات الطيبات لكم بكل الخير .. و إن شاء الله عقبال ما يتوافدوا عليكم الخلوق دوام فرحين و مهنئين و مباركين ,, يسعدكم و يجعل كل أياكم أفراحا و أفراحا ..
| |
|
|
|
|
|
|
Re: باركوا لينا الدكتوارة .. (Re: عبدالدين سلامه)
|
أستاذنا و ( زولنا ) عبد الدين ..
تحية و سلام ..
Quote: ألف الف بل مليار مبروك لابنتنا لينا وعقبال الدكتوراة لا الدكتواراة ... وربنا يهني بيها والديها ويهنيهم بيها |
تتبارك و الأسرة و ما تتشاركوا يا رب .. و أسال الله تعالى أن يهنيكم و يسعدكم بعيالكم و يهنيهم و يسعدهم بيكم و يديم عليكم كل أسباب الفرح و السعادة ..
ـ
بالمناسبة الزولة دي عندها أولاد عمتها بديرية من ( جعيبات ) شايلين عكاكيزهم و راكزين ..
| |
|
|
|
|
|
|
Re: باركوا لينا الدكتوارة .. (Re: جلال عثمان)
|
فردتنا و غتا قدحنا ( شفت كسير التلج ) أبو الجل ..
Quote: الف الف مبروك يا دهب ... طبعا نحن طلباتنا ليها الاولوية .... وزيتنا في حوشنا ...
ربنا يحفظكم جميعا ... وجعلها الله من الصالحات المتفوقات دوماً |
الله يبارك فيك و في مدامكم و عيالكم ياخي .. و يحفظكم جميعاً بحفظه و يزيدكم خير و بركة يا أبو الأولوية .. و ما عندك أي عوجة حوشنا في زيتنا و خليكم قريب باقي المصاريف بتاعت دراسة ما بعد الدكتوارة عايزة الفزعة ..
| |
|
|
|
|
|
|
Re: باركوا لينا الدكتوارة .. (Re: محمد عبد الماجد الصايم)
|
أخي و زميل بورضنا العزيز / تمبس .. ثم بعد التحية و جهجهة الباكات .. كيفنكم ياخي ..
Quote: ألف ألف مبروكـ يا تالا .. وعقبال الدكتوراه الجدجد إن شاء الله ألف مبروكـ يا عمكـ دهب |
ياخي إن شاء عقبال ما نبارك ليكم التيمان أولا يا تمبس ..
ثم بعد ذلك نبار ليكم التوائم و كل الحاجات الحلوووووة ..
و نفرح بيكم و بفرسانكم و فارساتكم لما تآمنوا ذاتوو ..
ثم نجهجهكم أنت و ود الصائم لما حمار الوادي يكورك ..
ـ
الدعوات موصولة لود الصائم بما في ذلك حقت التيمان والتوائم دي ..
| |
|
|
|
|
|
|
Re: باركوا لينا الدكتوارة .. (Re: عصام دهب)
|
يحفظها الرحمن بكل ما فى القران شجرة طيبة .. طيبة ثمارهـا ناجحة فالحة تسـر امها وتفرح ابوهــا ليها صولات عزة وفخار من بنات الوطن الصالحات
الاف التبريكات وعقبال ( العريــس )
| |
|
|
|
|
|
|
Re: باركوا لينا الدكتوارة .. (Re: بدر الدين اسحاق احمد)
|
أخي العزيز / بدر الدين ..
سلامي و عظيم إمتناني ..
Quote: يحفظها الرحمن بكل ما فى القران شجرة طيبة .. طيبة ثمارهـا ناجحة فالحة تسـر امها وتفرح ابوهــا ليها صولات عزة وفخار من بنات الوطن الصالحات |
و يحفظكم المنان .. بالتزنيل و البيان .. ثم أساله تعالى أن يبارك فيكم و في أسرتكم وذريتكم .. و أن يغدق عليكم من الخير مدرارا و شلالات من الأفراح و أنهارا .. و يزيدكم خير و بركة و يمن عليكم بغاية المنى و جزيل العطاء..
| |
|
|
|
|
|
|
Re: باركوا لينا الدكتوارة .. (Re: ismeil abbas)
|
أخي الأستاذ الفاضل / إسماعيل سلامي و موفور امتناني ..
Quote: ألف ألف مبروك...فرح فلذات أكبادنا فرحنا..أمنياتنا لهم بالتوفيق والدرجات العليا والصحة والعافية |
و كل الأمنيات الطيبات لكم و أسرتكم الكريمة بالصحة و العافية و دوام السعادة و التوفيق و أسأله تعالى أن يحفظكم جميعاً بحفظه و أن يسعدكم بأنجالكم و يسعدهم بكم و يديم عليكم أسباب الفرح ..
| |
|
|
|
|
|
|
Re: باركوا لينا الدكتوارة .. (Re: سيف النصر محي الدين)
|
أخي و زميلي العزيز / د. سيف
Quote: الرسوم ما مشكلة يا دهب بس ولدنا لسه صغير، رايكم شنو؟ |
يا سيف ياخي ( السوغر ) دة أصلو ما بينا .. ياخي جيبوهو و تعالوا إ.. و لو صغير شديييد ن شاء الله بي ( حفاضاتو ) برضو تعالو عندنا القدرو .. باقي إنتا و عرفة عم و خالة و ما عندنا أي قولة ..
| |
|
|
|
|
|
|
Re: باركوا لينا الدكتوارة .. (Re: تولوس)
|
أخي ـ الشامخ شموخ ـ تولوسQuote: مشاء الله وتبارك الله ... ربنا يحفظها ويجعلها قرة اعين لوالديها واهلها ... ويجعلها من قادة وطن العزة والشموخ
الف مبروك لها ولوالديها |
بارك الله فيكم و أهلكم وذريتكم ، و ربنا يحفظكم و عيالكم لبعض و يزيدكم من خيره و فضله ..
| |
|
|
|
|
|
|
Re: باركوا لينا الدكتوارة .. (Re: ناصر البطل)
|
الرفيق عصام دهب
تحياتي ومليون مبروك لهذا النجاح المستحق من كل جانب وعقبال تجاوز كافة محطات الدراسة حتى الأستاذية.
ولكافة أفراد الأسرة الذين صنعوا البيئة المناسبة للنجاح .
بحيراوي
| |
|
|
|
|
|
|
Re: باركوا لينا الدكتوارة .. (Re: البحيراوي)
|
أخي و رفيقي و أستاذي / بحيراوي إزيككم و عساكم طيبين ؟؟ Quote: تحياتي ومليون مبروك لهذا النجاح المستحق من كل جانب وعقبال تجاوز كافة محطات الدراسة حتى الأستاذية.
ولكافة أفراد الأسرة الذين صنعوا البيئة المناسبة للنجاح . |
تتباركوا ما تتشاركوا يا بحيراوي و أسال الله تعالى أن يوفقكم لما فيه الخير دوماً و أن يغدق عليكم من فيوض رزقه عطاءاً سخاءاً رخاءا و أن يسعدكم و يفرحكم و يسدد على سبل التوفيق خطاكم ..
| |
|
|
|
|
|
|
Re: باركوا لينا الدكتوارة .. (Re: عبد الدائم سيد أحمد)
|
Quote: الف الف مبروك لبتنا تالة |
تتباركوا ما تتشاركوا يا نضيف ، يحفظكموالمدام و عناب و عذاري و أخوانهم الجايين كمان .. و يسعدكم شديييييد يا رب ..
Quote: طلعت شاطرة زى امها |
يعني زي عناب شطوووورة و ظريفونة ..
و يحفظكم و كل من تحبون بحفظه ..
Quote: كدى ورينا هى فى سنة كم والباقى كم عشان نضربها |
طيب : تلاتة معانا الواحد زايد أربعة على أتنين يساوي !! ياخي ما بينا كفاية علينا ذوقكم .. ( دي مكنة سااااي )
| |
|
|
|
|
|
|
Re: باركوا لينا الدكتوارة .. (Re: ناصر البطل)
|
الدكتوراه المفروض تتشرف بانها حيرتبط اسمها باسم تالا
فالف مبروك يا بنتنا و انشاء الله من المتفوقات دوما يا
ست الحسان و عقبال من اوائل السودان و العالم .
التهاني موصولة عبرك يا السعادة لوالدتها الكريمة .
| |
|
|
|
|
|
|
Re: باركوا لينا الدكتوارة .. (Re: موسي عيسي)
|
Quote: الله يبارك فيك و في أهل بيتكم كوووولهم .. و يحفظكم بحفظه و يديم عليكم أسباب الخير و السعادة و يفرحكم بعيالكم و يفرحهم بيكم و يسعدكم لما تقتنعو .. |
أمين يا رب العالمين .. ياخ ود الصايم دا عامل لي ارضي في اي مكان ..
| |
|
|
|
|
|
|
Re: باركوا لينا الدكتوارة .. (Re: tmbis)
|
Quote: أمين يا رب العالمين .. ياخ ود الصايم دا عامل لي ارضي في اي مكان |
نعيما ياخ! ياخ حيّرت حنان حناني زاتو! باللاي ألاقي نفسي داخل في حتات أصلوا ما قاعد أخش فيها! وزي ما قالوا أغالط نفسي بي إصرار .. وأقول أكيد دا تمبس!!
| |
|
|
|
|
|
|
Re: باركوا لينا الدكتوارة .. (Re: ساميه حامد)
|
حبيبنا دهب ....سلامات ..والف مليون مبروك لبتنا تالة النجاح وعقبال الدكتوارة ..
تالة بالرطانة عندنا معناها (تَبِعَ) لذلك حانتبعها ابننا عمار فالعلاقة بين البجا والنوبة قديمة كمال قال الفنان محمد وردي عندما ساله حسين خوجلي عن علاقة البجا بالنوبة فقال بسخريته المعروفة علاقتنا بيهم من زمااااان الوكت داك انتو ماكنتوا موجودين في إشارة للعرب لذلك ام زقدي دي دخل فيها اشقاءنا العرب ..واحصر الامر بين النوبة والبجا ..
ترانا منتظرين الذبيحة ...
تحياتي ..
| |
|
|
|
|
|
|
Re: باركوا لينا الدكتوارة .. (Re: طارق جبريل)
|
الاخ عصام دهب
تحياتي
ألف ألف مبروك للإبنة تالة وعقبال الدكتوراة لنفخر جميعاً جميعا بأبنتنا
بالمناسبة يا عصام دهب الاسماء الجميلة المشحونة بالمزازيك تالة ولانا دي ما أعتقد بأنها من تأليفك بصراحة كده وين جبتها
| |
|
|
|
|
|
|
Re: باركوا لينا الدكتوارة .. (Re: عبد الله كسلا)
|
** سعادة المُستشار ود دهب.. ** صباحك خير.. ## مبروووك نجاح الأموره ,, وإنت شايف الدكتوراه بعيده عليها ,, وأنا شايفا قريبه مع السنه البقت أسبوع والشهر البقى 12 ساعه ,, والزمن الذى أصبح متلاشياً ,, تغمد وتفتح بعد خمسه سته سنيين وتلقاها حامله الدكتوراه إن شاء الله.. (ودام الود بين الجميع)
| |
|
|
|
|
|
|
Re: باركوا لينا الدكتوارة .. (Re: الصادق صديق سلمان)
|
بسم الله ما شاء الله تبارك الله
(وعين الصبي جِناًغبي)
وبعد............... نحنا آل عربي وود القريش( وهلموا جرا)
ماعندنا بنات تطلع صورها المزوقة قبل سن الرُشد..داك ولدك انت حُر فيه
ولا قام عليك حق اهلك المصريين.. شايفة العالم شابكاك مولانا مولانا؛ نسيت؟
نسامحكم لأن البورتريية رائعة!
لهن ولأمهن والباشا الحب والتحية.
| |
|
|
|
|
|
|
Re: باركوا لينا الدكتوارة .. (Re: عائشة موسي السعيد)
|
دقيقة بالله يا شباب ..
و نظام ناس البيت و أسياد الحارة و كدة خلوني أرحب كتير و بإنبساطة كبيرة بتشريف أختي و عمة الآنسة د./ تالة ( لزم) أستاذتنا الفاضلة / عشة موسى ..Quote: بسم الله ما شاء الله تبارك الله (وعين الصبي جِناًغبي)
وبعد............... نحنا آل عربي وود القريش( وهلموا جرا)
ماعندنا بنات تطلع صورها المزوقة قبل سن الرُشد..داك ولدك انت حُر فيه
ولا قام عليك حق اهلك المصريين.. شايفة العالم شابكاك مولانا مولانا؛ نسيت؟
نسامحكم لأن البورتريية رائعة!
لهن ولأمهن والباشا الحب والتحية. |
و في وجود عمتها ـ الأستاذة الفاضلة / عشة موسى ـ ما عندنا أي كلمة.. أي كلام تقولو صاح و صاحين كمان .. و خوالنا ال عربي و آل القريش و عموم الجلابة الهوارة ديل تاج رأسنا .. فلك الشورة والقرار يا أختنا الكبيرة مقاما و ياكي ست الجلد و الراس .. ثم سلامي و تحايا مروة والبنات و أحمد ( حارس كلية المعلمات )ليكم و ناس البيت كووولهم .. ـ
| |
|
|
|
|
|
|
|