الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: بحري الاميريه "1" شعلة لا تنطفئ (Re: طارق ميرغني)
|
طارق يا أخي جرب ده أنساه.. لم يتغير قيد أنملة!!!
لسه يسلم عليك ويمسك قميصك وجلابيتك ..وكمان جابت ليها موبايل.. وموبايلك..
ده خليه لما ألاقيك برواقة..
تتذكر قصته لما أبو النور رجع من الهند يشيل معاه الفاتحة في وفاة والده الله يرحمه.. قال ليهو: شنو يا أبوالنور ما جيبت لود المرحوم حاجة معاك؟؟؟
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
Quote: صلاح جرب من الشخصيات الفريجة |
والله الاخ صلاح ود حلال انا قصدي انه من الشخصيات الفريده تهكما ولكن... تحولت بقدرة قادر الي الفريجة وهي اما تعني الذين بفرجون عن الناس همومهم او الذين يتفرجون علي الناس وارجح الاخير لان صديقي ذكر انه استمتع بالجلوس معه علي الشارع ....!!
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
الحبيب
طارق
هذه انطباعات واحد من الاميرية 2
كنا في الاميرية 2 لنا نظرة خاصة لطلاب الاميرية 1
مدرستنا كانت تلاتة انهر حيث يحضر الاستاذ ويدرس حصته الفهم فهم والما فهم يشرب من زير المدرسة
يعني بصراحة ما كان في تركيز ومتابعة للطلاب وكان كتير من الاساتذة مستواهم ضعيف
وافتكر انه مرحلة الثانوي العام مهمة جدا وهي التي تحدد للطالب منافسته في طب وهندسة او تسكعه في باقي الكليات.
وطلاب الاميرية 1 كانوا متميزين والاستاذ ممكن يكون بيعرف كل طلاب المدرسة بالاسم الثلاثي ومثل هذا الجو مناسب للتحصيل الاكاديمي الجيّد ويتيح قدر كبير من الفرص للمشاركة في مناشط المدرسة الثقافية والرياضية.
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
صديقي العزيز الدكتور/ عاكف عبدالحميد عوض السيد
هذه دعاية مجانية بمناسبة إفتتاح صديقي العزيز/ عاكف عيادته بإسم "مجمع المنياوي الطبي"... وأنا وإن كنت أبارك لصديقي إفتتاحه العيادة إلا أنني كنت أفضل أن يسميها "مجمع الشنداوي".. لأنو المرحوم عوض السيد جعلي من شندي ولكن يبدو أن عاكف آثر تقديم دمه المصري المنياوي على دمه الجعلي الشنداوي.. عموما أنا مبسوط جدا إنه تم بحمد الله إفتتاح "مجمع المنياوي"... وبالمناسبة دي كل خريجي الأميرية بعد أن ندعو لهم بالسلامة.. سيتم معاينتهم بربع القيمة إذا قالوا للدكتور/ عاكف نحن جايين من طرف كمال السر كرار، وبدون دفع أي أجور أذا قالوا ليهو نحن تخرجنا من الأميرية ( 1 )....
يا عاكف.. مشتاقين كثير .. أتحفنا بإتصال.. من دخل العيادة
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
العزيز كمال اين موقع عيادة دكتور عاكف وبالله هم لي ورا جعليين ؟؟؟ انا قايلهم مسيحيين؟؟؟
لون ابيض و.... عاكف و... طبعا بنتذكر اولاد عاكف في مصر.
Quote: سيتم معاينتهم بربع القيمة إذا قالوا للدكتور/ عاكف نحن جايين من طرف كمال السر كرار، وبدون دفع أي أجور أذا قالوا ليهو نحن تخرجنا من الأميرية ( 1 ).... |
ولو قلت ليهو نحن جايين من بحري طراوه ... يديك دخل العيادة ويمشي البيت.
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
ابو زيد محمد عبد الرحمن
من الشخصيات الفريده في دفعتنا وهو ربنا يديه العافية اينما حل.
كان شايقيا ضخم الجثة في زمننا ذاك يتمتع بنظارات عدساتها دائرية الحلقات ( قصر نظر).فنان عندما يتغني فتجود قريحته شأن كل الشوايقة بالاغاني المحلية . كان في علومه غير مبشر ابدا ويبدو ان لنظره الضعيف هذا السبب كله.الدغ في لسانه جميل في معشره.
يبدو انه من القلائل الذين دخلوا الاميريه (1) ولم يستمروا في الدراسة حيث انه لم يلتحق باي من الثانويات المعروفة حينئذ. رغم انه حسب علمي كان يقيم مع اخيه المعلم بمدارس الخرطوم .له من الطرائف التي يمكن ان يحكيها اخي كمال السر ذو الذاكرة الحديدية. وارجو منه التواصل ان عتر علي هذا البوست....
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
طارق ميرغني
صباحك نور
اعمل شنو مع الشغل لزوم اكل العيش ومع اجتماعات وندوات لجنة رابطة القانونيين بدولة قطر التي اتشرف بعضويتها. ومع ضيق الوقت للاطلاع علي كل ما يرد في سودانيز اونلاين خاصة بوستات المربع الذهبي - الشعبية بحري الثانوية - بحري الاميرية - بحري المدينة .
وبحري طراوة وكمان صفاء.
آخر ندوة لرابطة القانونيين هنا كان مساء امس بمقر جريدة الشرق القطرية عن : انتخابات السودان والتحول الديمقراطي.
منقولة من قناة الجزيرة مباشر وتلفزيون قطر والفضائية السودانية .
نشاط شديد ... ايه رايك؟
اخبار بحري طراوة ... اقصد ود السر شنو ؟؟
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
الأخ/ طارق ميرغني
سلام ..
الأخ نزار عتيق حقيقة يساوي أكثر من إثنين ، بنفسك لاحظته حينما شارك معنا في هذا البوست من خلف الكواليس في حين أكتفى الآخرون بالفرجة
هناك غلطة مطبعية في الإسم تم تعديلها والشخص المقصود هو الأخ العزيز نزار عبد الحليم له التحية والتقدير .
لك أنت فائق تحياتي ،،
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
اخي كمال السر يا اخي ناس عم حسن شريره والعم فتح الرحمن قبل ناس عصام المجمر بكتير يعني في الخمسينيات وكده...
Quote: عصام الدين حسين سليمان (دو سحين) |
والله يا اخي عزام قدر ما حاولت اقرا اللقب غلبني ،،
اقول يمكن الراجل بتاع كنكان عشان كده اسمو دو زي دو الديناري ودو الهارت لكن الزمن داك ما كان في دو سحين يمكن جاء بعد داك ؟؟
واقول يمكن المقصود ذو سحين بعد سقوط النقطة سهوا وفي هذه الحاله هل هو من الاسماء الخمسه او السته ...ذو كفل وغيرها.ولا شنو؟
او يكون الراجل توم عشان كده يقال له دو deux بالفرنساوي.يعني ثاني اثنين.
نتوقع منك تفسير اخي عزام.
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
يا طارق أحسب
يوميا من 7صباحا الي 2 ظهرا في المدرسة - دراسة
وأحيانا من 5 صباحا لزوم حجز تربيزة البينق
يوميا من 4 عصرا الي 7 مساءا في المدرسة - جمعية ادبية- منزل رياضة - درس عصر - بينق بونق .....الخ
يعني الساعات البنقضيها في المدرسة كانت اكتر من الساعات البنقضيها في البيت
المدرسة كانت البيت الاول والبيت البيت التاني
صاح ولا ما غلط ؟
وعاشت الاميرية رغم كيد الأعداء!!!!!!!!!!!!!!!!!
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
بالفعل اخي حسن كلامك صحيح ميه بالميه وكانت علاقتنا كتلاميذ بالاساتذة لا ادري هل دفعتن ابس ولا كل الناس البعدينا .
لو يذكر كمال السر كان كثير من الجمع يكون الغداء بمنزل الاستاذ عبد الله عمر او متوكل التوم او ابراهيم عبد الله !!! لم تكن هنالك اي
حواجز او عقد وخلافه؟
لا ادري اخي حسن هل الوضع هذا الآن كما كان من قبل؟؟؟
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
طارق ..
الأميرية بكل ما فيها من شخوص ورموز وأجواء في سويداء الفؤاد.. ولن ننسي أياما مضت لن ننسى ذكراها..لن ننسى أياما مضت مرحا قضيناها..من أجل أيام خلت من أجل ذكراها.. الى آخر القصيدة أو الأرجوزة
شخصية في الخاطر:
محمد عبد الكريم (ناكريم).. الولد الأسمر الهادي.. قريب (عمر رجب).. وأذكر جيدا أنه كان كثير الأبتسام. وفي مرة من المرات أبتسم إبتسامة فوق العادة.. سألها على أثرها الأستاذ وأظنه الأستاذ/ احمد خوجلي .. فكان رده أنه أبتسم لأن الهواء جميل.. وليته قال: عليل أو طراوة.. ولكن ما الفرق فقد سبق السيف العذل وأكل أخونا محمد ناكريم (علقة).. كانت وجبة جاهزة يستحقها كل من تحدثه نفسه في أن يغترف كل ما من شأنه أن يعد خروجا على الأدب واللياقة..
أين أنت يا محمد عبد الكريم؟؟؟
| |
|
|
|
|
|
|
Re: بحري الاميريه "1" شعلة لا تنطفئ (Re: Kamal Karrar)
|
يا كمال يا حبيبي
صورتك دي بالابيض والاسود
ذكرت طارق التلفزيون اول ما بدا كان بهاجر ليه في جنينة عبود
تاني حاجة ياخي مالك جادي كدي في الصورة ومصرر
منو اليوم داك كان مزعلك من اولاد الدفعة عشان أحرش عليه طارق وعاشت حلة كوكو!!
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
Quote: تاني حاجة ياخي مالك جادي كدي في الصورة ومصرر ] |
حسن طه.. يا قريبي.. أنت أسأل ود موسى عن أيام الفتونة.. وهو يحدثك.. وتعال فتو هنا.. بس بتصرف... يا زول خليها ساكت.. كدي أسأل ود موسى (بالجد) أو أسأل طارق ذاتو.. منو الكان بيقدر يزعلني؟؟؟ يازول.. أها أنا راجي .. إفادة ود موسى.. أكان قال ليك: كان يقعقع لي بالشنان ويغمز جانبي كتغماز التين... تعال قول لي..وإن قال ليك: كنت إبن جلا وطلاّع الثنايا من دون عمامة برضو كلمني
يا أبو علي ألا ليت أيام الأميرية تعود..
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
الحق لله يا حسن طه انا لمن شفت صورة كمال قلت متين الملا عمر قرا معانا في الاميريه واحد بس قمت ركزت لقيت الزول الما بغباني وكان بيشتري لينا كيلو طحنيه عشان نذاكر بيهو!!!!!
بعدين يا حسن طه الدنقلاوي ده احسن تختوا ... كمال ده مما كان صغير بينكر انو دنقلاوي وبيقول انا جعلي علي اهل امو يعني الواد ولا العباس ذاتو.....!!
بعدين علي حس جعلي دي كان عامل نظام عينو حمرا وشراره ومن زمان اصلو كان قاصد الباشمهندس ود موسي عشان يطلع بيهو تستاtesta اصلو طبعا ود موسي وزن الريشه وكدا ... فعايز طريقه يمزمز بيه . وود موسي لحدت دلوقتي خايف عشان كدا ما عايز عضوية المنبر... عرفت!!
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
مسرح الاميريه:
بنيناه طوبه طوبه زمن الناظر الاستاذ احمد عباس حيث صدرت تعليمات لكل تلميذ ان يحضر الصباح وهو آت للمدرسة قالب طوب احمر واحد فقط . وقد كان وتم بناء المسرح وقدمنا فيه مسرحية العباسه اخت الرشيد.
وقد مثلت انا دور الديك.
كنت حينها اجيد تقليد الاصوات فكان دوري حين ينبلج نور الصباح اصيح انا محاكيا صوت الديك في الدولة العباسية وكان هذا بالنسبة لي اول وآخر دور اقوم به في مسرحيه.
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
[U]العباسة:
مثل الدور أخونا الحبيب الظريف المهندس/ عادل الباقر خليفة...وقد أجاد.. وكان الرشيد أخونا الشايقي الظريف/ أبوزيد محمد عبد الرحمن وأجاد هو الآخر.. وطارق كان الديك أما أنا والباقيين فكنا جمهور المشاهدين.. وبالقوة.. يعني لازم تجي تحضر العرض ... حكم ديجانقو علينا.. يعني كل مسارح الدنيا إختيارية إلا مسرح الأميرية فحق له أن يسمى بأول مسرح إجباري
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
عارف اخي طارق الجمعية الادبية في بحري الثانوية دائما تذكرني موضوع الشاعر ابو العتاهية دا موضوع قدمة اخونا الفاتح عروة اعتقد استمرة حوالي 3 جمعيات كلهاكانت حكرا للفاتج وكله كان عن سيرة وشعر ابو العتاهية. طبعا كثيرين منا لم يسمعوا بيه (في ذلك الوقت) دي طلبة ذلك العصر وثقافتهم ترى هل الان في جمعية ادبية وياتري ماذا يطرح فيها.. لكم الود. انا
| |
|
|
|
|
|
|
Re: بحري الاميريه "1" شعلة لا تنطفئ (Re: حسن عبدالله)
|
Quote: الجمعية الادبية في بحري الثانوية دائما تذكرني موضوع الشاعر ابو العتاهية دا |
أبو علي سلامات...
الجمعية في الأميرية تقصد..
أنا بتذكرني واحد كان الدفعة الوراكم من الشعبية أسمه بانقا..لأنو قرأ لينا قصيدة بشر والأسد بحماسة شديدة .. ولذلك سموه الهزبر..
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
Quote: اتذكر الجمعية الادبية حين شارك اخ زميانا مجدي الفونس لا اذكر اسمه بموضوع في تلك العصريه!! ] |
أسمه (مراد الفونس)...
لما أنتهي من الموضوع...قال: البقية في العدد الماضي... بدل ما يقول البقية في الحلقة القادمة..
لاحظ قال: العدد وقال الماضي
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
Quote: حتي الآن تتمتع بذاكرة شباب.
|
يا طارق تقصد شنو
كمال اخوي دا ما لسه في " عز الشباب " ولسه طراوة.
وأزيدك من الشعر بيت
طارق ود ميرغني دا زاتو شباب الشباب يعني لسه في بداية الشباب. بس ما تتعذر بالشغل الكتير
بعدين يا طارق انا اتقطع
اعمل شنو مع المربع الذهبي.
آخر نكتة سمعتها من الابن محمد ( قبل 3 أيام احتفلنا بعيد ميلاده العاشر )
وكان كل كلامي عن حلة الدناقلة .
دا لزوم يعرفو شوية من تاريخ ابوهم.
النكته’ واحد عشان ما يقولو مرته خاتاه بين اربعة حيطان بني بيته مدور.
هههههههههههه
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
الأخوان الأعزاء/ طارق ميرغني ، كمال كرار
أطيب تحياتي
الشكر لكما على مواصلة المداخلات في هذا البوست دون توقف رغم المشغوليات الكثيرة و تعدد البوستات . طارق .. كنت متوقع منك تكون أديت دور الخليفة هارون الرشيد في مسرحية العباسة أخت الرشيد أو على الأقل زوج العباسة ألقاك أديت دور الديك ، بطريقتك دي تكون أزعجت ديوك عمنا صباح الخير خفير المدرسة وربما أثرت فيهم الرعب .
لقد طال غياب الزملاء محمد شمس الدين ونزار عتيق عن البوست ، ولو إفترضنا أن محمد قد اصابه التعب من جراء المشاركات السابقة وأختار أن يأخذ قسطاً من الراحة فما هو عذر نزار عتيق القادم من معسكر إعدادي ، برضو نقول الغائب عذرو معاه .
تقبلوا وافر التقدير
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
فعلا يا ابو رزقه انا اديت دور الديك لانو لا اجيد التمثيل بقدر اجادتي العزف علي الكثير من الآلات وقد وجد المخرج الذي لا ادري من كان
ان اؤدي دور الديك الاقرب للعزف ولكن اجدته بالفعل فلم ازعج عمك صباح الخير ولكن قام كل الدجاج الكان قريب من المسرح يكتكت...
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
بــــادي
من الشخصيات البارزة في زمننا الاخ بادي وحتي الآن لا اذكر الاسم بالكامل وهو ربما دفعة حسن طه وكان رئيس للجمعية الادبية .
كان يمتاز بطول فارع او ربما ذلك الزمان كنا نراه كذلك بحكم اعمارنا حينذاك ولكنه كان يدير الجمعية الادبية ادارة مجلس الشعب او
ربما اكثر انضباطا لا ادري اين هو الآن وتحيه له اينما كان.
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
الأخ الفاضل / طارق ميرغني
أطيب تحياتي
الصورة جميلة ومعبرة وطريقة الجلسة تؤكد أنك كنت حريف في الكورة ، تاريخ الصورة من شكل المباني خلف الصورة ربما يعود إلى بداية الستينات أو قبل ذلك بقليل يعني ب.ط. م .
الأخ حسن طه كتب في بوست الشعبية عن رابطة الشعبية وأنهم أسسوا فريق في منتصف الستينـات ، بالطريقة دي حا نغير صيغة التاريخ لتحديد الدفعات من ط.م إلى ح .ط ..
أما بالنسبة للشخصية البارزة التي أشرت إليها في مداخلتك "بادي" لا أستبعد أن يكون المقصود "بادي أبو شلوخ " وهو معروف للجميع ، وبناءاً على ما ذكر فقد توصلنا إلى ما يلي :-
حسن طه < طارق ميرغني > بادي أبو شلوخ
ودمتم ،،
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
انتى عارف يا ابو رزقه البيوت الظاهره في الخلف هذه البيوت الواقعه غارب ميدان الاميريه .
الشي التاني ما كنت حريف في الكوره بس لزوم الصوره وبس بعدين انا كنت في الفريق العاملو براي كنت عامل سكرتير العاب لانو كنت فنان رسم والخطين الفي الفنله عاملهم انا بي طباشير زائد صمغ.
ما سالت لينا عن محمد شمس الدين؟؟؟؟؟؟؟؟؟؟؟؟؟؟
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
نداء حار
صديقي العزيز الدكتور/ عبد الرازق مصطفى صالح زكي (أبورزقة)... بلغنا أنكم وبفضل ونعمة من الله تسمنتم أعلى مراتب النطاسين البارعين.. وقد تخصصتم تخصصا نادرا لا يقدر عليه إلا ذو حظ ومقدرة عظيمين.. ولكنكم ورغم ما بلغني عنكم من علو شأن لا زلت أذكركم برسمك وشحمكم ودمكم ونحن لم نزل زغبا بعد في منتصف الستينات وحتى أوائل السبعينات وبعدها بقليل..
وحيث أن أثركم قد أنقطع عنا.. وحيث أننا في شوق إليكم.. وحيث أننا نقدر ربما أنكم تختلسون النظر لهذا البوست إن أصلا وجدتم وقتا من وقتكم الثمين.. فإننا نهيب بكم يا أبورزقة (أبويمن).. أن تردوا علينا ولو بأيميل.. لنقف عما فعل بكم الزمان... خاصة وأننا دافننو سوى
لك التحايا أين ما كنت ...
أيميلي: [email protected]
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
الاخ طارق
علي ما أعتقد ان الاخ بادي فعلا كان في الاميرية وهوقدامنا . بكم لا أذكر
ثم بحري الثانوية وأيضا علي ما أعتقد التحق بالجيش واصبح ضابط.
عزيزي عبد الرازق
لا مجال لتغيير الدفعات
فعندما أسسنا فريق نجوم الشعبية كنا آنذاك أشبال
مع تحياتي
| |
|
|
|
|
|
|
Re: بحري الاميريه "1" شعلة لا تنطفئ (Re: حسن طه محمد)
|
عزيزي طارق
يا قائد الأسطول
من طلبة الأميرية أيضا النطاسي البارع الدكتور عمر ابراهيم عبود.
كان طالبا بالاميرية عندما كان والده رئيسا للبلاد
ومع ذلك كان عنوانا للتواضع وابن بلد أصيل
كان مبرزا في دراسته وفي نفس الوقت كان من المبرزين في كرة القدم والسلة والبينق بونق.
عمل لفترة في دولة قطر
والآن رجع نهائيا للسودان وعيادته بعمارة دكتور سليمان فضيل.
له التجلة.
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
اخي حسن طه ابناء الفريق عبود رحمة الله عليه اولاد بلد واولاد عز وما مهجومين بالرئاسه او العز.
اخ الدكتور عمر ابراهيم عبود الصغير ختم كما كنا نسميه دفعتنا وصديقنا وكان يسكن معنا في داخلية كردفان رجل بمعني الكلمة واخو
اخوان تخرج من هندسة الخرطوم ولكن فرقت بيننا السبل ولا ادري اين هو الآن.
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
أعزائي
الي حين استرجاع الذاكرة هاكم:
من دفعتنابالاميرية 1 :
علي مختار ضابط الفاتح عروة ضابط عبد الرحيم محمد علي ضابط عبد اللطيف قسم الله طبيب طارق محمد المشرف طبيب مقبول محمد علي طبيب محمد عثمان عبد الرحمن طبيب الامين محمد يوسف استاذ جامعي احمد حسين رستم مهندس سفيان الطاهر اقتصادي كمال شريف اقتصادي عبد العظيم بشير التازي اقتصادي محجوب محمد الحسن اقتصادي عبد الفتاح محمد الحسن اقتصادي سيف الدين سيداحمد قانوني
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
قرن شطه:
من شخصيات الاميريه البارزه وقد كان علم في راسه نار وكان مثال الطالب النشط وفي مجالات الرياضه حيث كان من ابرع لاعبي الجمباز تخصص
حصان وكان مبرزا في كرة القدم وفي الباسكت .
اما في مجال الموسيق فكان عازفا ماهرا علي آلة الساكسوفون وعل السبب الرئيسي لالتحاقه بمدرسة الخرطوم الثانويه عكس رغبة كل طلاب
بحري ان بالخرطوم الثانويه كانت هناك فرقة مكتمله علي ما اذكر قادها الفنان سموءل.
لكن لسوء حظه وفقنا نحن في زمننا وبمساعدة المغفور له محمد التوم التجاني من تاسيس فرقة مكتمله الآلات تبرع لنا به سيادته رحمه الله.
وعلي ذكر الفرقه كان لي حديث مطول مع اخينا عادل عوض عازف الجيتار في زمننا ببحري الثانويه وهذه ميزة البوستات .
ما زلت اسال عن اخينا محمد شمس الدين" اظهر وبان عليك الامان"
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
الأخ/ طارق ميرغني
التحية لك وأن تصارع في أكثر من بوست وتجتهد من أجل أن يظل هذا البوست فاعلاً على الدوام وأن تظل الأميرية (1) إلى الأبد شعلة لا تنطفيء ..
الأخ محمد شمس الدين ما زال مشغولاً ببعض الأمور ومجرد إنهائها سوف يعاود الكتابة ، ويا محمد وصل الإميل وفعلاً الأخ/ العزيز محمود أحمد عبد النعيم ربنا يديه الصحة والعافية ما زال ينضح شباب وحيوية ولا تنسى أن للفترة التي قضاها في القوات المسلحة أثر على ذلك بالإضافة إلى شخصيته المرحة فمحمود منذ أن عرفاناه في الأميرية كان هاشا باشا ، خفيف الظل ، نقي السريرة لذا كان محبوباً من الجميع ، تحياتي إليه من البعد ..
نزار عتيق .. عاشق الأميرية ما زلنا في إنتظار مساهماتك القيمة في هذا البوست حتى نستمتع بقلمك الجميل وإسلوبك البديع ..
الهميم .. محمد عبد الله الشيخ ، بطريقتك دي سوف يتم إصدار مذكرة توقيف دولي بشأنك لذا أرجو منك الكتابة حتى تتجنب تبعات ذلك .
مع فائق تقديري ؛؛
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
الأخ العزيز طارق !!!
يسعد مساك ...
ما بعرف أي طالب من بحري الأميرية ولكن كلما أمر بكبري بحري من جامعة الخرطوم وبالعكس أشعر بهدوء
وسكينة لم أجد لها حتى هذه اللحظة أي تفسير ... سبحان الله لله في خلقه شئون !!!
التحية لناس بحري بدون فرز ...
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
Quote: كلما أمر بكبري بحري من جامعة الخرطوم وبالعكس أشعر بهدوء
وسكينة لم أجد لها حتى هذه اللحظة أي تفسير ... سبحان الله لله في خلقه شئون !!! |
اختنا العزيزه عواطف فعلا كل الناس متفقه علي هذا الشعور لانه بحري اهدأ منطقه في العاصمة المثلثة لا تعتريها الاهواء طبيعية كانت ام
سياسيه ومن ناحية المناخ فهي الي الشمال يعني نشم بالاول حتي يشموا ناس الخرطوم وامدرمان خاصة نسمات الشمال كما قال فنان بحري الاول
المرحوم عبد العزيز محمد داؤود.
لك الف تحيه لك علي المرور ويمكنك المرور علي بوست بحري طراوه عشان فعلا تشعري بالهدوء والسكينه.
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
عون الشريف قاسم
من ابرز الدارسين في الاميريه واحد تبوأ ارفع المناصب علي المستوي الاكاديمي في الجامعات السودانية والبريطانية وعلي المستوي السياسي
كوزير للشئون الدينية والاوقاف.
من اشهر الكتاب والموثقين بالسودان حيث قام بتاليف العديد من الكتب ملات شهرتها الآفاق وباحثا في العديد من المجالات اللغوية والادبية
والاجتماعية.
توفي في العام 2006 م بحلفاية الملوك التي احبها واحبته .
الا رحم الله الفقيد وانزله منزل صدق مع الصديقين والشهداء وحسن اولئك رفيقا.
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
الأخ/ طارق ميرغني
تحياتي ؛؛
أول دفعة درست في مدرسة الأميرية (1) متى كان ذلك ؟ ، لا أعتقد أنه تم التطرق لهذا الموضوع خلال هذا البوست . من المؤكد أنك لم تكن ضمن هذه الدفعة ولكن أرجو الإجابة !!!
رحم الله العلامة البروفسير عون الشريف قاسم بقدر ما قدم لوطنه وأمته ، قابلته مصادفة في مكة المكرمة خلال موسم الحج قبل ثلاثة سنوات تقريباً ، إنسان متفرد ، قمة في التواضع والذوق والأخلاق ..
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
اخي ابو رزقه غير متأكد من تاريخ اول دفعه لكن عندي ابن عمتي رحمة الله عليه عبد الوهاب تميم درسوا
في الاميريه ودخلوها ممكن في نهاية الثلاثينيات .
ومن قبله اذكر البروفسيرات احمد عبد الرحمن العاقب والبروف خطاب عميد كلية الزراعة السابق.
لكن ح اجيب ليك اترها ان شاء الله.
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
يا محمد شمس الدين كدي اول بالتبادي رسائلنا دي كلها ما جاتك ؟ جاي خاشي توش زي الكنت معانا امبارح؟
وينك يا راجل سائلين عليك وابو رزقه ادانا خبرك قال انت حايم في بوستات حنتوب والحتات المرطبه دي .
بالله عليك ما تنقطع تخلينا نشفق عليك ...........اليومين دي القصه مكركبه اوكامبو وغيرو!!!!
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
طارق ود ( الميرغني )
لك عاطر الود وبصراحة المنبر العام اليومين ديل مليان وأخوك قراية ساكت
بالاضافة لبعض المشغوليات العامة والخاصة.
نكتة قالها لنا أستاذنا الجليل خليفة عبد القادر في الاميرية في الطابور الصباحي .
يعني أساتذة زمان يخلوك تدخل الفصل وانت ضاحك.
يا طارق دي تدخل في التربية النفسية .والوزارة كانت اسمها وزارة التربية والتعليم. لاحظ التربية جاية قبل التعليم.
ما أروعهم أساتذة زمان.
النكتة ( لا أدري ان سبق لي ذكرها أم لا - بدون تعليق يا طارق ) .
واحد يهودي جا لصاحبه:
يا كوهين انت صاحي ولا نايم؟
آلو ( قالو ) صاحي
هات ارش ( قرش ).
آلو نايم !!
| |
|
|
|
|
|
|
Re: بحري الاميريه "1" شعلة لا تنطفئ (Re: حسن طه محمد)
|
Quote: ...........اليومين دي القصه مكركبه اوكامبو وغيرو |
سلام يا طارق ... عدنا لنيلنا...
.. أوكامبو ده مفكرين نديهو أسماء الهميم و نزار بالشفرة إذا ما شفناهم بجاى... ...ما دام أصلوا داير يكلبش ليهو زول ...خليهو كان بقدر يبدا لينا بديل ..و بعد داك كان داير يتفسح الله معاهو.
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
يا حسن طه النكته دي بقت ماركه مسجله باسم استاذ خليفه والتي يتحف بها اي دفعه وانا ما قايلا شغالا من الوكت داك!!!
والله حمد الله علي سلامة الطله اخي محمد شمس الدين . لو كنت قايلك بتظهر بعد ما نجيب سيرة اوكامبو كان زمان خوفناك بيه.
والله يا كمال فعلا ذكرتني غرفة ناس عزيز الخارجيه والتي لنا فيها ذكريات لا تنسي... كلنا شوق للحلبي.
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
يا ابو علي امبو وبمبو شخصيات كرتونيه وهما عباره عن طفلين سمينين علي ما اظن يمثلان ما كان يمثله ميكي وسمير علي عهدنا.....
نذكرهما في صغرنا لكن لا ادري اذا كانت هاتان الشخصيتان موجودتان الي الآن في اي من مجلات الاطفال؟
بخصوص الاسبلينق لن انسي اول عهدنا في الاميريه وكان الاستاذ خليفه عبد القادر هو مدرس الانجليزي وعاني الكثير من جمع بنسلز ( كما
ذكرها الاخ كمال كرار) وكان صديقنا صلاح الطيب الصافي وخالد ميرغني الياس لا يستطيعان نطق حرف البي في اول الكلمه .بعد ان انتهينا من
حرف البي في اول الكلمة بوضع قطعة ورقة صغيرة علي الكف فتطير ذهبنا الي حرف الاس في اخر الكلمة . لم يستطع صلاح نطقه وبعد عدة محاولات
منه وتكرار من الاستاذ احمر وجه الاستاذ خليفه واذ به يهوي بكف علي وجه صلاح ... فكانت اول مره اشوف عمه تطير في الهواء كثعابين نهر
الامازون الطائره حيث القبض عليها وهي في طريقها الي الباب.
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
الأستاذ/ أحمد خوجلي..
هذا الأستاذ/ الحازم في تعامله مع الطلاب.. الأنيق في مظهره.. وساعته الجوفيال الذهبية تزين معصم يده.. رغم أنه كان قليل الضحك والمزاح ولكنه علمنا تجنب أخطاء شائعة لا تزال تشنف آذاننا حتى في ارقى وسائل الإعلام.. وللفائدة أسوق معلومتين لما يغادرا ذهني أبدا..
قال: يقولون: تأتي الرياح بما لا تشتهي السفن. (بضم السين والفاء) والصحيح كما قال أستاذنا الجليل السَفِنُ ( بتشديد السين مع فتحهاوكسر الفاء).. والشاهد في ذلك أن السفن ليست أسم عاقل.. ولا تعقل ولا يمكنها أن تشتهي.. أما السَفِنُ فهو الربان..
والمعلومة الثانية:-
قال: يقولون: رد الله غربته.. وذلك عندما يطول غياب شخص ما.. والصحيح كما قال أستاذنا الجليل أن هذه العبارة يجب ألا تقال في ذلك الشأن .. إنما تقال للمجنون وسؤال الشفاء له.. وكأن جنونه هو إغتراب عن العالم الواقع...
والله أعلم..
شكرا لك استاذنا الجليل أحمد خوجلي.. صاحب الكف الشهير.. الذي ما أنفك يلامس خد صلاح طايوقة ردا من الزمن...
سلام لك ولنسيبك زميلنا الصادق الطاهر (أبوحديد)
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
Quote: قال: يقولون: رد الله غربته.. وذلك عندما يطول غياب شخص ما.. والصحيح كما قال أستاذنا الجليل أن هذه العبارة يجب ألا تقال في ذلك الشأن .. إنما تقال للمجنون وسؤال الشفاء له.. وكأن جنونه هو إغتراب عن العالم الواقع |
فعلا والله استقراء للمستقبل بصوره فريده لاستاذ فريد. دحين البنسوي فيه ده شغل نصاح ..والنحن فيه ده ما الجنون بي ذاتو!!
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
في اولي وسطي وفي الاميرية 1 تحديدا
كان الاسبيلينق علي أشده ويا ويل من يخطئ في كلمة واحدة.
من الكلمات الصعبة او الفيها ترك:
knife والمقلب دايما كان في حرف الكي . composition mosque teacher pupil football private
وهكذا دي عينة ولاحظوا الكلمات دي كانت في اولي وسطي
انا متاكد انو كنت بجيبها زمان كلها صاح
هسه اشك.
يا طارق وكمال الكلمات أعلاه مكتوبة صاح ام لا . شخصيا غير متأكد.
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
Quote: يا ابو علي امبو وبمبو شخصيات كرتونيه وهما عباره عن طفلين سمينين |
شخصية أمبو وبمبو ، كانتا ضمن كتاب الإنجليزي المعروف بـ (أل أن بي) والذي كان مقرراً بالنسبة للصفين الأول والثاني في المرحلة المتوسطة في في زماننا بوك 1 وبوك 2 على ما أعتقد حيث كان يدور حوار ممتع وشيق بين هذه الشخصيتين المتناقضتين في كل شيء ، حيث كان أحدهما طويل نحيف يتسم بالجدية والصرامة والآخر قصير سمين وخفيف الظل ، أذكر إثنان من زملائنا كانا يجلسان متجاورين في الفصل وتنطبق عليهما نفس ملامح وصفات هاتين الشخصيتين والإثنين من أظرف وأنبل الشخصيات في دفعتنا ، التحية لهما أين ما كانا ..
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
اخي كمال السر كرار كنا نختاره دائما الالفه بالطبع تحت ضمانة الا يكتبنا في قائمة المهرجلين مع انه ونحن كنا قمة المهرجلين وسرعان
مايوافق الاستاذ ليامن شره وشرورنا.
في حصص المذاكرة المسائية كان كمال يمارس بعض السادية عندما يحين وقت انتهاء المذاكرة فهو جالس علي الطاولة وبجانبه الجرس فيقوم
برفع الجرس ويهزه هزه خفيفة دون ان تصدر اي صوت فيتحرك الجميع في شكل قيام استعداد ولكن سرعان ما يترك الجرس مكانه " غلاسه يعني".
فتهبط الموجه ويعود الجميع كما كانوا .
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
يا طارق بقصة الالفة دي ذكرتني بعض الذي مضي وهو جميل
ولارتباط مدرسة الدناقلة شمال الأولية ( وليس الابتدائية ) بالأميرية ، دعني اكتب عن ذكريات الأولية .
أخوك كان الألفة في فصل تالتة .
وعامل فيها ابو عرام
وكنت انط من درج لدرج ( يعني من فوق الأدراج ).
وبالتاكيد تذكر محابر الحبر البيضاء التي كانت توضع في الجانب الأعلي من الدرج وتملأ يوميابالحبر .
في يوم أغر وفي نطة من نطاتي اياها أصبت احدي هذه المحابر بشوتة ( غير مقصودة ) كما لوكانت شوتت لاعب الهلال عبد المحمود ( وليس عزيزنا دكتور محمود ) المشهورة التي كسر بها العراضة .
طارت المحبرة بحبرها ولونت جلاليب كل من قابلته في الطريق باللون الأزرق .
أتي الأستاذ وشاهد المنظر
اولا فصلت من الوظيفة المحترمة ( انت قايل نفسك براك تفصل من الوظيفة ؟)
والباقي خلوها مستورة.
ذكريات مهداة للألفة كمال السر
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
تعرف يا حسن طه علي ذكر المحبرة مره اخونا صلاح الطيب الصافي وكان جاري وهوعلي الشباك جات طيره طايره فالقي عليها القبض وذلك اثناء
الحصه دون تنبه الاستاذ فادخلها بسرعه في الدرج( بس شقاوه لا غير) فصار الطائر المسجون يصيح ويصيح وفي لحظة انتباه الاستاذ خرج من
فتحة المحبرة التي كانت فاضيه لان الحصه علي ما اذكر كانت تاريخ مع الاستاذ عبد السلام محمد خير الذي ترك التدريس واتجه علي ما اظن
الي التلفزيون.
يا حسن طه كمال بقي لا يلتفت الينا وانشده بي الطراوه لحدت ما نقوم نقطع منو الهوا ونخلي يتلفت ..شابكنا حبنا للاميريه و و و وووو
وانا الفه وجعلي وووووووووووو.!!!
| |
|
|
|
|
|
|
Re: بحري الاميريه "1" شعلة لا تنطفئ (Re: حسن طه محمد)
|
تعرفوا قصة الألفة دى .. تذكرنى دائما بالصديق ياسر النضيف ... كانت هذه الوظيفة دائما من نصيبه ... لكن لأمانته الفايتة الحدود كتب نفسه فى إحدى المرات فى قائمة المهرجلين...
طارق : أمس كنت فى محادثة مع الأخ أبوبكر الصديق ... فقال لى "طارق ده ما اخو عادل ميرغنى"... لم أكن اعرف هذه المعلومة...و تذكرنا حضور والدكم عليه الرحمة الدائم لنشاطات المدرسة .... واضح من الصلعة غنو عادل اخوك الكبير فالتحية له..
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
اخي حسن طه فعلا كمال ذاهب للسودان لكن لا يستعد كما نستعد نحن فهو يذهب كل شهر عشان يمضي في دفتر حضور الجعليه اخت امجد كرار شفت
كيف؟؟؟؟ بيقدر؟ قال جعلي قال!!
اخي محمد شمس الدين كيفك فعلا عادل ميرغني شقيقي بس هو مظلل!! واما الوالد رحمة الله عليه فما كان يسجل غياب في جميع انشطتنا وفي كل
المجالات رحمه الله ... دعواتكم.
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
آخر تحديث لقائمة أسماء الدفعة بمساعدة الصديق الدكتور الامين محمد يوسف :
1- طارق محمد المشرف - حلة خوجلي 2- سفيان الطاهر - حلة خوجلي 3- مقبول محمد علي - حلة حمد 4- محمد عثمان عبد الرحمن - حلة خوجلي 5- وقيع الله عثمان- حلة خوجلي 6- حسن طه محمد- حلة الدناقلة 7- عبد اللطيف قسم الله - حلة خوجلي 8- احمد حسين رستم- حلة الأملاك 9- عبد الفتاح اسماعيل- الختمية 10- كمال شريف - حلة الدناقلة 11- عبد الفتاح محمد الحسن - حلة الدناقلة 12- فتحي محمد احمد - حلة الدناقلة 13- عثمان حسن علي- حلة الأملاك 14- محمد سيداحمد - حلة الأملاك 15- عبد العظيم التازي - حلة الأملاك 16- عبد الرحيم محمد علي - حلة خوجلي 17- عبد الله محمود- حلة خوجلي 18- محمد سعيد بشير - حلة الختمية 19- صلاح محمد لبيب - حلة حمد 20- الفاتح عروة - الصافية 21- محجوب محمد الحسن - حلة خوجلي 22- الأمين محمد يوسف - الكدرو 23- طارق اسماعيل - حلة حمد 24- سيف الدين سيد احمد- حلة الدناقلة 25- عثيمين- ؟ 26- سمير الاحمراني - ؟ 27- عجيمي حلة حمد 28- أحمد المبارك - حلة خوجلي 29- عبد المنعم غبوش - حلة خوجلي 30- احمد عبد الغفار ( الالفة ) 31- كمال محمد ابراهيم - المزاد 32- عثمان فضل - حلة خوجلي 33- محمد صديق - خلة الدناقلة 34- كمال عباس - المزاد 35-
يا طارق ميرغني
الانفيزيبل مان وقف في ال 35
بجيكم راجع لو لقيت صديق.
يا
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
اخي العزيز حسن طه والله باقي لي كلام الباشمهندس ود موسي صاح نحن ما حضرناكم في الاميريه طالما انك دفعة طارق المشرف؟ اخي ود موسي كلمني هذا الصباح زهاء الساعة والنصف كتر خيره ذكر الكثير من الذكريات.
تذكر بيوم السبت هذا انه عمك صباح الخير رحمه الله في مثل هذا اليوم من كل اسبوع يردم كميه من مطارق النيم علي الطاوله في انتظار
المخالفين . يوم السبت يوم التفتيش ويوم الاسبلينق spelling ويتذكر صعوبة نطق كلمة picture والامتحان الشفهي verbal عندما يختلي بك
استاذ خليفه ويمطرك ب: sit on the chair, stand by the chair,stand by the cupboard ونحن نعاين بالشباك تسمع الكف زي صفقة الحقيبه
والباشمهندس معترض علي العقوبه في الامتحان يعني الاستاذ من حقه يعطيك صفر لكن ليه يعاقبك في امتحان؟
ولا ننسي احمد عيسي ونطق كلمة this is بدون مد اللسان .هذه كانت مشكله.
الشيء المهم :
المشهد اول يوم في الاميريه .الاطفال اللي هم نحن نلعب بكل براءة .محمد سعد,كمال السر،طارق ميرغني،ود موسي والتاج خضر ندخل الفصل
والهزار ما زال مستمرا.
يدخل الاستاذ خليفه للانجليزي ويكتفي بالنظر فقط ثم يقبل علي السبوره ويكتب بخط واضح:
اذا رأيت نيوب الليث بارزة فلا تظنن ان الليث يبتسم
وبعد داك عينك ما تشوف الا النور؟؟؟؟
باشمهندس ود موسي قال:
نحن آخر دفعه لبست جلاليب.
آخر دفعه قرأت المدرسة الوسطي.
آخر دفعه قرأت بنظام 4-4-4 اربعة سنوات لكل مرحلة
الف شكر لصديقي ود موسي ونتمني عضويته
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
حبوبه زينب رحمه الله ست الفطور ومنذ اول يوم تم التعرف عليها لانها ستكون لاحقا من الشخصيات المهمه لسببين اولهما انها جدة زميلنا صلاح
الدين الطيب الصافي وعمنا الطيب الصافي رحمة الله عليه ابنها كان من اشهر التشاشه في سوق بحري .وثانيا انها سلة غذاء العالم.
صداقتي مع صلاح منذ المدارس الابتدائية كانت لها دور ايضا في التعرف علي حبوبه زينب وبالتالي الحصول علي ساندويتش معتبر بنفس
القيمة " قرش ونص" ولا زال في فمي طعم سلطة الاسود مع الطعميه.. يا الهي؟؟؟
الاسبوع الماضي ذهبت للدكتور ايمن دبلوك بمستوصف المروج بالرياض وبعد تفحص نتيجة الفحص قال لي :
احذر اي شيء يبدأ بحرف الكاف؟
- يعني شنو؟
- يعني الكوارع، الكبده، الكستليته، الكلاوي الكمونيه. تصور يا حسن طه انا هسع عايزك تكلم اخونا الدكتور محمد عثمان الجعلي بالعملو
في ابن اخته.
طيب قلت ليهو الفضل شنو؟
قال لي الكوتشينه وحاجه تانيه..... جيب اضانك.... وس وس وس. فهمت؟ ربنا يديك العافيه.
ويييييييييييييين صاحبك كمال السر؟
| |
|
|
|
|
|
|
Re: بحري الاميريه "1" شعلة لا تنطفئ (Re: طارق ميرغني)
|
يا اخي حسن طه المشكله ما دي وبس .
الدكتور عايزني امشي كل يوم نص ساعه وآكل كل يوم ثلاثه وعشرين حبه لوز( ليه تلاته وعشرين ؟ ما عارف ) قال يعني قبضة يد وده غير زيت
السمك. يعني اخلي السمك وابلعه حبوب!!
بعدين اركز علي الصويا صوص والخل!! شفت كيف وبعد داك اجي اقابله بعد ميه وعشرين يوم . اظن الدكتور بيتفائل بالرقم عشرين.
بعد داك لازم الترايجليسرايد ينزل .وانت عارف البيزيدو شنو؟؟ اسال ود موسي!
| |
|
|
|
|
|
|
|