|
عضو جديد بينكم...هل من مرحب؟؟؟
|
بالحب والأمل نبدأ... أول الكلمات...الي سيد الحوش... الباشمهندس بكري أبوبكر..شكرا ان منحتني عضوية المنبر الان فقط اكتشفت ان الكلمات استعصت علي وتخونني في التعبير عن ما أود ان أبوح به.. أن احل عضوا في هذا البيت وسط كل هؤلاء الناس القيافة.. لعمري هذا شرف ساكون له ممتنا ما بقي لي من عمر.. شكرا ثانيا يا ريس ان جعلت هذا ممكنا.
اخي الفاضل الاستاذ محمدين محمد اسحق... وماذا لي لاقول في شخصك الكريم؟انت وحدك تعرف ما اكنه لك في دواخلي من حب واحترام وتقدير.. شكرا علي الاهتمام الخاص ومتابعتك الدائمة في ان يتحقق ما تحقق.
الاخوين البروف خالد كودي وهاشم نوريت... احترم جدا ما كتبتم من حروف لدعم قبول طلبي بالانضمام لهذا الوطن الفسيح.. شكرا كتيرا علي التثنية وارجو ان اكون عند حسن الظن.
اهل الدار... توقي اليكم من النافذة عبر السنوات اعطاني تأشيرة السفر لابحر معكم سويا الي عوالم الحب والجمال.افاق الحاضر والمستقبل.. الشوق والحنين الي الامس حين كان الزمن الجميل زمنا جميلا.. وحيث كانت الاشياء الحلوة عجوة معطونة في عسل.معكم عشت ولا ازال اعيش تشظي الاوضاع في الوطن السودان وما تمخض منه من كوارث وماسي وكل انواع الدمار الانساني الذي اضحي نعشا يغتال فينا الاحلام والامال والامنيات والطموحات. لن يفوتني هنا ان اعبر عن كامل احترامي للجميع كاخوة/ات في الانسانية. غض النظر عن اللون او العرق او الدين او الانتماء القبلي والسياسي والثقافي.
وكما اسعدني كثيرا ان احل هنا انسانا كريما بينكم..يسعدني واتمني ان اكون نعم الاخ والصديق وان يبقي التواصل بيننا اثراء للمعرفة وتمتين لعلائق الاخوة وزيادة للمخزون الفكري.
بورداب كندا... بقدر ما نعاني من غربة الزمان والمكان والاهل والوطن الام.. وبقدر ما تتقطع اجسادنا من صقيع الثلج ورياح فبراير الغير حميمة. اقدر لكم حجم المصابرة والاجتهاد تحت كل هذه الظروف التي تحيط بكم. لكم مني دائما وافر الامتنان والاحترام.
نساء بلدي السودان... احمل واتقاسم معكن الالم والهم والتهميش وكل اصناف العذاب ما ظهر منها وما بطن. انا معكن جنبا الي جنب في كل القضايا التي تكرس لحقوقكن. ما دمت حيا..امنيتي ان اري في يوم امرأة تتبني ادارة شئون الوطن السوان. هن الحضارة وهن الامل وهن من بدونهن تبقي كل الحياة بلا طعم...ولا رائحة
لكم مني فيض من الحب واكليل عافية والسلام عليكم
عبدالكريم عبدالله
|
|
|
|
|
|
|
|
Re: عضو جديد بينكم...هل من مرحب؟؟؟ (Re: عبدالكريم عبدالله)
|
الف مراحب بالاخ عبد الكريم
وارجو لك اقامة طيبة في هذه الدار الامنة والعامرة بمختلف وجهات النظر وهي افضل مكان للتحاور وتقديم شيء للوطن باضعف الايمان واقل تكلفة وهو جهد بالتاكيد سيكون له اثره الطيب ولو بعد الف عام. دم بخير
| |
|
|
|
|
|
|
Re: عضو جديد بينكم...هل من مرحب؟؟؟ (Re: هشام هباني)
|
Quote: الف مراحب بالاخ عبد الكريم
وارجو لك اقامة طيبة في هذه الدار الامنة والعامرة بمختلف وجهات النظر
|
الأخ هشام هباني شكراً ان تفضلت بترحيبي هنا وأمنيتي أن يضمنا الحوش في أمان وسلام
Quote: وهي افضل مكان للتحاور وتقديم شيء للوطن باضعف الايمان واقل تكلفة وهو جهد بالتاكيد سيكون له اثره الطيب ولو بعد الف عام.
|
صدقت ووفيت...ومن أجل الوطن تهون الحياة
ولك مني وافر الإحترام
كريمو
| |
|
|
|
|
|
|
Re: عضو جديد بينكم...هل من مرحب؟؟؟ (Re: امير طمبل)
|
الحبيب امير طمبل اول حاجة شكرا علي كلماتك النيرة ويا هلا بي ناس العنابي وبعد دا لو ربك مد في العمر ولساكم بهناك.........شوفو لي جحر كاس العالم وانا جاييكم تووووووووش
وعشان لقدام نكون حبايب في الحساب تعال لينا انا عزمتك شية تحت ظلال جبال الروكي وما في كلمة...لحمتنا في البراري عينة لكن
ودي واحترامي
كريمو
| |
|
|
|
|
|
|
Re: عضو جديد بينكم...هل من مرحب؟؟؟ (Re: manal eltahir)
|
Quote: مرحباً بك اخ عبدالكريم وشكراً للكلمات الجميله في حق نساء بلادي الصابرات ....واقامه طيبه بين اهلك وناسك...... |
manal eltahir شكرا لترحيبك بي...ولجمال ما خطت اناملك نعم...ان نعطي نساء بلادي الصابرات ما يستحقن من حقوق...دون قيد او شرط ونعم ان نسعي جادين للقضاء علي القهر والقسوة والوحشية التي يمارسها ضدهن عديمي الإنسانية
شكرا ثانيا اختي منال
ومعكن الي ما بعد نهاية الطريق
كريمو
| |
|
|
|
|
|
|
Re: عضو جديد بينكم...هل من مرحب؟؟؟ (Re: عبدالعزيز الفاضلابى)
|
يازول مرحب بيك وسط ناسك كان ماشالك حوش بكري نفتح ليك حوش مخسوس وكان بقيت مريخابي كمان يبقي خريف امسعن زاتو.
---------------------------------------------------------
شكرا اخي عبدالعزيز الفاضلابي وفي كل الديار... بكم يحلو المقام
لا لا لا ما بحب اللون الأحمر لكن قبل لحظات كنت بتابع لي في برنامج تلفزيوني تناول مخاطر العوم في مياه تحتضن أسماك القرش يااااااااااااااه لو بس شفت الموج الأزرق...جمال وتفاؤل.!
ولك ودي
كريمو
| |
|
|
|
|
|
|
Re: عضو جديد بينكم...هل من مرحب؟؟؟ (Re: Abdlaziz Eisa)
|
Quote: الاخ كريم
سلام
مرحبا بك.. أهلا وسهلا.. شرفت الديار
|
يشرفني حضورك هنا يا جميل وشكرا علي باقة الورد يا ريتها كانت ناصع البياض...كـ لون زهرة النسرين
Quote: وكلام صفوينا الفاضلابي ده ياهو النجيض تب.. وحتنزل في صالة كبار الزوار..
|
لا لا لا انا قروشكم كلها ما بتجيبني وموعدنا يوم 8 حضروا الصيوان
ودي لك
كريمو
| |
|
|
|
|
|
|
Re: عضو جديد بينكم...هل من مرحب؟؟؟ (Re: ياسر السر)
|
الاخ العزيز عبد الكريم عبد الله لك التحية و التقدير
مرحبأ بك بيننا و في دارك ..فأنت مكسب لاقلام الهامش و اضافة حقيقية لانصار السودان الجديد ..
و التحية للاخوة خالد كودي هاشم نوريت و بكري ابو بكر..
و لي قدام ..
| |
|
|
|
|
|
|
Re: عضو جديد بينكم...هل من مرحب؟؟؟ (Re: محمدين محمد اسحق)
|
Quote: الاخ العزيز عبد الكريم عبد الله لك التحية و التقدير
مرحبأ بك بيننا و في دارك ..فأنت مكسب لاقلام الهامش و اضافة حقيقية لانصار السودان الجديد ..
و التحية للاخوة خالد كودي هاشم نوريت و بكري ابو بكر..
و لي قدام .. |
أهلاً بك كثيراً أخي محمدين اسحق ومن أجل إنسان الهامش نحن في النضال سائرون الأمل في سُودان جديد...وطناً يسعنا جميعاً
ولك حبي واحترامي الذي تعرف
كريمو
| |
|
|
|
|
|
|
Re: عضو جديد بينكم...هل من مرحب؟؟؟ (Re: مهيرة)
|
Quote: حبابك عشرة ياعبد الكريم
منور حوش بكرى
وشكرا على كلماتك الجميلة
وربنا يحقق الامانى ويعم السلام ارجاء الوطن السودان
تحياتى |
مهيرة شكرا اختي علي ترحيبك بي وان شاء الله ما يطول فينا الشقا والحزن والعذاب
احترامي لك
كريمو
| |
|
|
|
|
|
|
Re: عضو جديد بينكم...هل من مرحب؟؟؟ (Re: معاوية عبيد الصائم)
|
Quote: ياخ مرحب واهلا بيك ومعا من اجل وطن يسع الجميع امنيات صادقة باقامة مناسبة ..
وودى وتحياتى...لقدام |
معاوية عبيد الصائم الف شكر علي ترحيبك بي... ومعا من اجل وطن خالي من الاستعلاء القبلي والثقافي والديني والحكم الاحادي والتمايزات الطبقية.
ولك حبي
كريمو
| |
|
|
|
|
|
|
|