|
|
 فليبق الجنوبيون المسلمون في الشمال إن أرادوا .. أخوة الدين فوق الفصل العنصري ..
|
..
لقد أرادتها الحركة الشعبية إستفتاءً عنصرياً جهوياُ سينتج عنه فصل عنصري قسري ..
ولكن في العٌرف الإسلامي فإن أخوة الإسلام فوق أي جغرافيا وعنصرية ..
.. رغم أنه ظاهر للمتابع تحمس الجنوبيين للإنفصال إلاّ إني أرجح أن مسلمي الجنوب الذين عاشوا في الشمال مع الوحدة ولكنهم يٌساقون للإنفصال قهراَ .. وأعتقد بأنه قد فُرِضت عليهم ظروف إستثنائية لم تكن في حسبانهم تقف وراءها النخب الجنوبية المستلبة التي تنتظر دلع الغرب ونعيمه ..
|
|
  
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Deng)
|
| Quote: جمعتني بعض الظروف بالالتقاء بعدد كبير من الجنوبين المسلمين خرجين بعض الجامعات العربية، ولقد وجدتهم أكثر حماسا للإنفصال من الجنوبين المسيحين. أيه رايك يا منير. وبالمناسبة. لقد كان من ضمنهم بعض الذين أستفادوا من بعثات الجبهة الاسلامية القومية. ولقد أنسلخوا منها بعد أن تخرجوا من الجامعات. |
يادينق .. أنا أتحدث عن مشكلة ستنشأ حال إعلان الإنفصال . وهو مسألة بقاء ملايين الجنوبيين في الشمال .. وصدقني الكلام ليس عمن يده في الماء ممن هيأ الله لهم فرصة الخروج بره السودان وتهيئة أوضاعهم ولا يهمهم الرجوع للجنوب ، وحيث أصبح الإنفصال بالنسبة لهم إشباع لغرورهم فإنهم باقون حيث هم في الخارج .. ولكني أتحدث عن بسطاء الجنوبيين الذين تتقاذفهم الظروف السيئة أثناء الحرب والسلام .. فهؤلاء لا يستطيعون بين ليلة وضحاها الرحيل من الشمال للجنوب في ظرف فرضته عليهم نخب سياسية إنتقالها ميسور لأي بقعة في العالم - من أمريكا لأستراليا - وهؤلاء الميسورين ربما كانوا مسلمين أو مسيحيين - فهم عندهم علي الأقل خيار الرجوع للجنوب أو البقاء خارج السودان ..
ففكرة بقاء المسلمين في الشمال هي لأن العرف الإسلامي يجد مخرجاً لهم يخفف الوضع القانوني الجديد لهم بعد الإنفصال الذي يقضي بترحيلهم كأجانب .. ولن تستطيع قوة في العالم فرض بقائهم في الشمال ..
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Munir)
|
Quote: أنا أتحدث عن مشكلة ستنشأ حال إعلان الإنفصال . وهو مسألة بقاء ملايين الجنوبيين في الشمال .. وصدقني الكلام ليس عمن يده في الماء ممن هيأ الله لهم فرصة الخروج بره السودان وتهيئة أوضاعهم ولا يهمهم الرجوع للجنوب ، وحيث أصبح الإنفصال بالنسبة لهم إشباع لغرورهم فإنهم باقون حيث هم في الخارج .. ولكني أتحدث عن بسطاء الجنوبيين الذين تتقاذفهم الظروف السيئة أثناء الحرب والسلام .. فهؤلاء لا يستطيعون بين ليلة وضحاها الرحيل من الشمال للجنوب في ظرف فرضته عليهم نخب سياسية إنتقالها ميسور لأي بقعة في العالم - من أمريكا لأستراليا - وهؤلاء الميسورين ربما كانوا مسلمين أو مسيحيين - فهم عندهم علي الأقل خيار الرجوع للجنوب أو البقاء خارج السودان ..
|
يا أخ منير سلامات.. أرجوك لا تكون منطقي أكثر من المنطق نفسه. دايماً أعطي الحديث لمن يفهمه ويقدِّره وهو داري بحال من يتحدث عنهم أو يفرض نفسه للحديث نيابة عنهم. وما تنسى الزارعها الله في الحجر بتقوم. الوحدة جاية جاية 110% ودي لعب كبار ناس زعيط ومعيط ونطاط الحيط ما بقدروا عليهو.. خلي أعصابك في تلاجة 16 قدم. تحياتي.
كبـَّـاشي الصــَّافي
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Munir)
|
يا منير ياخى مالك قدر ما نعشم فيك الخير و الانفتاح و النباهة تقوم تشترها تانى.
ياخ مسلمين شنو؟ زى ما قال ليك محجوب الانسانية اعلى.
بعدين كان داير العدل و النصيحة الجنوبيين لم يختاروا الانفصال، لا ناس الحركة و لا غيرهم، الناس ديل سيقوا الى الانفصال بالغصب بعد ان يئسوا او أُيئسوا من وحدة عادلة تطعهم من جوع و تأمنهم من خوف. بلدنا كل ميزانتها العامة تذهب للانفاق و الصرف السياسى من سنين، حتى قبل اٍتفاق السلام ميزانية الدولة تذهب جلها للصرف على راحه و رفاهية الطبقة السياسية الحكامه من النشالين المنضوين تحت لواء حركة الاسلام السياسى، وزراء، مستشارين رئاسيين، ولاة ولايات، وزراء ولائيين، نواب فى مجلس وطنى كروتونى، مجالس تشريعية ولائية اشد كرتونية، معتمدين فى محليات. جوقة من عيال الحرام تعتاش على عرق الفقراء و توظّف موارد الدولة لرفاهيتها. دى دولة يا منير زول عاقل بتوحد معاها مافى.
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: abubakr salih)
|
| Quote: بعدين كان داير العدل و النصيحة الجنوبيين لم يختاروا الانفصال، لا ناس الحركة و لا غيرهم، الناس ديل سيقوا الى الانفصال بالغصب بعد ان يئسوا او أُيئسوا من وحدة عادلة تطعهم من جوع و تأمنهم من خوف |
يا أخ أبو بكر صالح.. العبرة بالنتائج والنتيجة طلعت إنفصال. حديث العواطف لا يجدي فالفات مات والمضى لا يُعاد. نتعامل ونتعاون كدولتين جارتين لهما مصالح مشتركة.
كبـَّـاشي الصــَّافي
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Munir)
|
Quote:
فليبق الجنوبيون المسلمون في الشمال إن أرادوا .. أخوة الدين فوق الفصل العنصري ..
|
خلاس قمنا لتطبيق نظرية تشريح البعوضة .. و التمييز الإنتقائي ...
ده جنوبي وحدوي .. يبقي في الشمال
ده جنوبي مؤتمر وطني ... نديهو الجنسية
ده جنوبي طيب و ود ناس ... يبقي معانا ..
ده جنوبي نسيبنا ... كيف نسيبو يروح بعيد ...
إنتو منو؟؟!!!
الجنوبيين في الشمال سيبقون مواطنين في الشمال غصبا عنكم .....
و ما حتقدروا تهبشوهم .... تتذكروا الإبادة في رواندة بدت كيف؟؟!! .... إنتو الآن يا عنصريي الشمال تحت المجهر الدولي ....
.
.
الجنوبي عموما أحق بالسودان منك يا منير ... لأنه لم يضطر أن يعلن في شهادة الجنسية أن أجدادهم متواجدين في السودان " منذ دخول العرب الي السودان" ...
و غصبا عنك و غن كمال عبيد و علي كرتي لهم حق البقاء بالشمال بعد الغنفصال حتي و لو صوت لصالح الإنفصال .....
و إنت براك تشوف البيحصل شنو لو تحامقت حكومتك رسميا في منعهم حق المواطنة ...
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Tragie Mustafa)
|
Quote: زولك بلع يا منير بطل فصاحه
'البشير يتعهد بحماية الجنوبيين في الشمال' |
والله غايتو يا تراجي إنتو الظاهر عليكم ما فاهمين نفسيات الشعب السوداني ..
يازولة قلنا ليك أصلاً مافي أي تهديد للجنوبيين من الشماليين وزي ما شايفة إنو الجنوبيين وخاصة المتأمركين متجدعين في السوق الأفرنجي وعاملين عصاباتهم علي عينك يا تاجر ومافي زول شغَّال بيهم أو يتحرش بيهم .. ولكن بعد إعلان الإنفصال فإن وضعهم سيختلف ونظرة الناس العاديين لهم ستختلف بإعتبارهم أصبحوا أجانب وفضلوا الإنفصال في وطنهم .. ولذلك أي تصرف منهم غير محسوب سينظر له الناس كإستفزاز لن يمكن السكوت عليه كالسابق .. ولو حصلت تفلتات صدقيني لا عمر البشير ولا أوباما حيقدروا يوقفوها .. وإنت تعرفين أن الناس براها أخلاقها في نخرتها ..
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Mohamed Suleiman)
|
Quote: و غصبا عنك و غن كمال عبيد و علي كرتي لهم حق البقاء بالشمال بعد الغنفصال حتي و لو صوت لصالح الإنفصال .....
و إنت براك تشوف البيحصل شنو لو تحامقت حكومتك رسميا في منعهم حق المواطنة ... |
صدقني يا العنصري المعروف محمدسليمان لن تستطيع قوة في الأرض إبقاء الجنوبيين في الشمال غصباَ عن الشماليين .. إنت دايرها تولِّع حرب شعبية في الشوارع واللاّ شنو؟؟ .. والله إلاّ أمريكا بتاعتك دي تغزو السودان زي ما غزت العراق - وتكون حجتهم هذه المرة حماية الجنوبيين - وصدقني لو دخلت السودان سيكون حالها أسوأ من حالها في للعراق ..
الشعب السوداني الشمالي بطبعه شعب مسالم وحتي أنه لم يدافع عن نفسه حين مقتل قرنق حتي بلغ السيل الزبي في أيام العنف التالية .. وأنا لا أتوقع أن يمس الجنوبيين سوء - ولكن بعد إعلان الإنفصال ستكون النفسيات غير النفسيات ولن يستطيع أحد أن يضمن نتائج التفلتات هنا وهناك ..
ولذلك غربك المتكل عليهو ده إذا كان قلبه علي الجنوبيين فليسهل لهم الترحيل للجنوب ويساعدهم بالمأوي والعيش هناك بدلاَ عن أن يستفز الشماليين ويقول ليهم حينفصلوا ويقعدوا معاكم غصباً عنكم !!!..
إنت الله ما ليك واللاْ شنو؟
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Munir)
|
يامنير تحياتي
الوزير كمال عبيد أرتكب خطأ كارثي :
| Quote: لكن لو حصل الانفصال بكرة المواطن اللي اخوانا ديل بالقانون هو مواطن زيو زي الاخرين ما ح يكون مواطن ولا ح يتمتع بأي امتيازات لان الدولة ونظمها |
وذلك بالتصريح عن نزع جنسية جنوبي الشمال وسحب حقوق المواطنة منهم والغريب أن هناك من تجاوب مع التصريح وهلل له !!
.....شخصيا لا أعتقد أن هناك تشريعا أو قانونا سيصدر بإسقاط مواطنة جنوبي الشمال أو تهجيرهم بصورة رسمية -هذه فضيحة لن تقوي أي جهة
علي أرتـكابها ولكن وبعيدا عن التشريعات والقرارات - أعتقد أنه وفي المحك العملي سيكون هناك تضييق وسلب للحقوق وقهر وإذلال سيضطر كثر للهجرة والتخلي عن مواطنةالشمال وستحدث مشاحنات وعنف وإتهامات بالعمالة ( ويقيني أن من أختار الإنتماء والأقامة بالشمال يدرك بالضرورة تبعات هذا الإنتماء ( من حقوق واجبات) وبالتالي لن يسمح لأي جهة في الجنوب أن تستخدمه كورقة ضغط أو كرت إبتزاز أو كحصان طروادة ولن يقبل بطبيعة الحال بسلب حقوقه أو التشكيك في وطنيته من قبل أي جهة في الشمال !!) وفي رأي يجب التحسب من الان لحالات الفوضي والإحتقان والانفلاتات والوضع في الأعتبار حقوق من يختار العودة الطوعية ومعالجة تعويضاتهم وكامل حقوقهم وترتيب أوضاعهم بما يصون إنسانيتهم وكرامهتم وحقوقهم .. وفي حال أن تصاعدت الإنتهاكات والتغول علي حقوق الاقليات فإن هذا سيفتح نافذة جديدة للتدخل الدولي في الشأن الداخلي للبلاد وللأسف فإن تصريح الوزير -غير محسوب العواقب- يعطي مدخلا ومسوغا يبرر مشروعية التدخل
الدولي......
.............
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: كمال عباس)
|
سلامات أخي كمال عباس ..
ياعزيزي بالمنطق كده أي زول أدوه حق التصويت للإنفصال وأخذ هذا الحق فعليه أن ينصاع لعواقب رأي الأغلبية - وهو بإرتضائه رهن مستقبله علي هذا الإستفتاء فسيتحمل عواقبه ، فلا يمكنك أكل الكيكة والإحتفاظ بها في نفس الوقت .. وأنا أساساً أري أن هذا الإستفتاء فكرة غير ذكية في بلد محتقن مثل السودان كان يمكن إستبدالها بالإتفاق مسبقاً علي الإنفصال بعد مدة زمنية يٌتفق عليها يتم خلالها ترتيب الأوضاع لتسهيل الإنفصال حتي لا نقع فيما نحن فيه الآن من مغامرة.. ونتيجة قرار مصيري يفرق بين الحياة والموت للكثيرين بين ليلة وضحاها ..
| Quote: وفي رأي يجب التحسب من الان لحالات الفوضي والإحتقان والانفلاتات والوضع في الأعتبار حقوق من يختار العودة الطوعية ومعالجة تعويضاتهم وكامل حقوقهم وترتيب أوضاعهم بما يصون إنسانيتهم وكرامهتم وحقوقهم |
وهو نحن بنكورك خوفاً من هذه التفلتات التي لن يستطيع أحد التحكم فيها .. وأذكر أنني بعد اتفاقية نيفاشا واستقبال قرنق في الخرطوم كتبت بوست - رغم جو التفاؤل - بعنوان "هل تستطيع الحكومة التحكم في جهالة الجاهلين؟". وبعد يومين تلاتة من هذا التساؤل إندلعت أحداث الإثنين بعد مقتل قرنق !!..
وقيس علي كده ..
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: محمود الدقم)
|
الأخ محمود الدقم سلام يازول ..
ياخي أنا كنت قد ذكرت أن المأزق الحقيقي هو عملية الاستفتاء هذه .. فلو كان تم الفصل والحال علي وضعه الحالي بدون استفتاء تبقي مافي مشكلة .. ولكن كان للإتفاق علي إستفتاء والإستفتاء يكون علي أحد خيارين داير تكون مع الدولة الحالية أو في دولتك المنفصلة فإن الإختيار هنا هو الفيصل .. لا أعرف عن إنفصال الدول التي ذكرتها .. فأرجو تنويري : هل كانت تلك الإنفصالات نتيجة استفتاءات؟؟ فإن لم تكن نتيجة استفتاءات إذن يكون الوضع مختلف ..
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: كمال عباس)
|
الأخ منير تحياتي
أخوة الدين هذه لا ينبغي أن تكون معياراً لمؤسسات و سياسات الدولة .. هذا غير أن هذه المعايير الدينية العبثية هي التي فاقمت مشكلة الجنوب حتى أوصلتنا إلى هذا الوضع الذي نتبحث فيه عن ( المخارجات )
ما وضع لا دينيي الشمال و أقباطه في ظل هذا المعيار الأخطل القائم على ( الأخوة الدينية ) ؟؟
هل ستقومون بطردهم من دولتكم الإسلامية الفاشية الفاشلة ؟
هذا ربما تساؤل نظري ، و لكن لنكن أكثر عملية .. منذ متى كان إسلام الجنوبي من الأساس يقيه من الممارسات العنصرية ؟ و هل كانت كل الممارسات العنصرية التي حدثت للجنوبيين تتحرى قبل أن تسأل عن ديانتهم
لم تكن هذه النقطة أبداً مهمة بالنسبة للعنصريين ، و الذين هم في أغلب الأحيان نفسهم المتشددين دينياً
و لن يكون الإسلام كافياً لايقاف العنصرية .. و لا ينبغي له أن يكون معياراً ..
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: amin siddig)
|
Quote: هذا ربما تساؤل نظري ، و لكن لنكن أكثر عملية .. منذ متى كان إسلام الجنوبي من الأساس يقيه من الممارسات العنصرية ؟ و هل كانت كل الممارسات العنصرية التي حدثت للجنوبيين تتحرى قبل أن تسأل عن ديانتهم
لم تكن هذه النقطة أبداً مهمة بالنسبة للعنصريين ، و الذين هم في أغلب الأحيان نفسهم المتشددين دينياً
و لن يكون الإسلام كافياً لايقاف العنصرية .. و لا ينبغي له أن يكون معياراً .. |
الأخ أمين صديق سلامات ..
ياخوي لا تنتزع كلامي من مجراه .. أنا قلت الأخوة الدينية هي مخرج جزئي للعقبة القانونية لبقاء الجنوبيين الذين يجبرهم الإنفصال علي المغادرة وهم يريدون الوحده .. وكتبت أن أخوة الدين أقوي من العنصرية .. فلماذا تستنكر هذه العبارة البديهية وتغض النظر عن طبيعة الإستفتاء القائمة أساساً علي أسس عنصرية جهوية؟؟ هل الفصل العنصري -الإستفتاء الذي تهلل له - والذي سيشرزم البلاد أهون عندك من الأخوة الدينية التي أردت بها رتق جزء من عاقبة الفصل العنصري؟؟ !!!
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Mohamed Suleiman)
|
بي ياتو حق عاوز تدي أجنبي الجنسية لمجرد إنه مسلم؟؟؟؟؟؟؟؟؟؟
طيب ما تجيب مسلمي مصر وليبيا والسعودية وتركيا وتديهم الجنسية لمجرد أنهم مسلمين
المشكلة الكبري في العنصرية، ودي واجهوها مسلو الجنوب أنها لا تفرق: قلت لي شنو؟؟؟ جنوبي مسلم ؟؟؟؟؟ برضو عبد
ودي زي ما شايف ورطة مزدوجة
فإن بعض هؤلاء الجنوبيين دخلوا الاسلام طمعا في مساواة كان قد وعد بها الدين
ولكنهم وجدوا ان القائمين علي الامر ورغم إدعاءهم أنه يسيرون بتعاليم الدين الحنيف إلا أنهم برضو عنصريين
إن كنت حريصا علي مسلمي الجنوب هؤلاء فأعمل علي نظام سياسي وإجتماعي يحترم إنسانيتهم في الأول بغض النظر عن لونهم
وشكلهم ودينهم
وكانت عملت دي مش المسلمين الجنوبيين براهم، مسيحييهم وأتباع الديانات السودانية الأخري حيتوحدوا معاك
كل الطالبو بيهوا الجنوبيين هو دولة مواطنة يتساوون فيها مع باقي سكان ارض السودان في الحقوق والواجبات
صعبة شديد الحكاية دي؟
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Nasr)
|
| Quote: بي ياتو حق عاوز تدي أجنبي الجنسية لمجرد إنه مسلم؟؟؟؟؟؟؟؟؟؟ |
وبأي حق تريد أن تفصل شعب من بلده وتجعله أجنبي لمجرد العنصرية والجهوية ؟؟ .. إنتو بتلعبوا علي روحكم واللاّ شنو ؟؟.. تهللون للتفرقة والإنفصال علي أسس عنصرية وترفضون المعالجة بالأخوة الدينية؟؟ ..
هم مش الجنوبيين ديل أصلاً أصرّوا علي الإنفصال لأسباب دينية ولأنهم هاربين من الإسلام والمسلمين؟؟ .. طيب ياخ في جنوبيين مسلمين دايرين بلاد المسلمين .. ألا يجب أن تتاح له الفرصة علي أسس الأخوة الإسلامية؟؟
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Mohamed Suleiman)
|
| Quote: فالجنوبي في الشمال أحق منكم في المواطنة من و من عبدالرحيم حمدي .... |
أها جابت ليها حق في البلد ومن هو الأقدم ومن الوافد ؟؟.. هل تعلم -أيها الما معروف سوداني أم تشادي - أن كثير من قبائل الجنوب مهاجرة من البحيرات؟؟ .. الجنوبي أحق مني بالجنوب ولكنه في الشمال سيصير أجنبي بإختياره ..
ويا زول أنا عربي-زنجي .. يعني عربي وزنجي وهي هوية السودان ال100% .. لو كنت عربي فقط كنت أكون 50% ولو زنجي فقط أكون برضو50% .. ولو للجهوية أنا أهلي 100% داخل أرض السودان مش نصهم سودانيين والنص التاني في تشاد .. ولا نصهم في السودان والنص التاني في الكونغو وأوغندا .. وقع ليك كلامي يا عنصري ..
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Munir)
|
| Quote: والله إلاّ أمريكا بتاعتك دي تغزو السودان زي ما غزت العراق - وتكون حجتهم هذه المرة حماية الجنوبيين - وصدقني لو دخلت السودان سيكون حالها أسوأ من حالها في للعراق .. |
أمال حلف الناتو غزا يوغسلافيا ليهّ! مش عشان يحمي مسلمين البوسنه!
ولا ما بتتذكر!
حالها حا يكون اسواء ليه!
هو الحا يقاوم امريكا منو!
ناسك ناس المؤتمر الوطني اول من سيرحب
بالجيش الغازي... مش قاعدين يتبادوا معاهم المعلومات الاستخباراتيه
ويتعاونوا معاهم. شفت ليك اصحاب قاعدين يشاكلوا
خليك من الاوهام الفي راسك دي!
خرطومك دي راسمالها سام كروز واحد!
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Mohamed Suleiman)
|
Quote: الجنوبيين في الشمال سيبقون مواطنين في الشمال غصبا عنكم .....
و ما حتقدروا تهبشوهم .... تتذكروا الإبادة في رواندة بدت كيف؟؟!! .... إنتو الآن يا عنصريي الشمال تحت المجهر الدولي .... |
يا محمد سليمان بما أنني لا أعرف معنى كلمة عنصري التي يتمشدق بها كثيرون من عناتر المنبر ولكن أُطبِّق عليهم القول المأثور: (وكل إناءِ بما فيه ينضح). وبما أنهم لا يعرفون معنى الكلمة وأبعادها فهم يطلقونها كيفما شاؤوا ومتى ما شاؤوا دون أن يعرفوا مدى ضررها في القريب والبعيد.
السؤال الطبيعي هو: من أنت حتى تقرر أن الجنوبيين يبقون بالشمال رغم عن ( من وجهت له مداخلتك وشملت معه الشماليين كلهم دون فرز). هل أنت شمالي؟ أم جنوبي؟ فإن كنت جنوبي فلا يحق لك أن تقول ما تقول مجبراً الشماليين على أمر لا يردونه .. هنا تبدأ حرية غيرك عندما تنتهي حريتك. أما إن كنت شمالي فعليك أن تصبر لتعرف رأي الشماليين الجمعي! هل يريدون بقاء الجنوبيين في الشمال أم سيطلبون من الحكومة ترحيلهم إلى الدولة الجديدة؟
من أين أتيت بأن الجنوبيين سيُبادون بعد الإستفتاء؟ هل هو تفكيرك أم فكرة أدّاك ليها زول مختل عقلياً وجامح نفسياً وله عقد لا سبيل لحلِّها إلا بالتشفي في الآخرين؟
لو الحكاية بقت على المجهر الدولي دي هينة.. تطلب منهم حكومة السودان ترحيل الجنوبيين الغير مرغوب فيهم إلى دولتهم الجديدة التي إختاروها وصوّتوا للإنفصال من أجلها. الكلام دا بجيب زعل؟
رأيي لك أن تصبر حتى نتيجة الإستفتاء فربما تأتي بالوحدة وعندها تشتيت الكلام بكون ما عنده فائدة. ما تزعل وتشيل نفسك ساكت.. شيل الصبر .. كل مشكلة عندها حل. تحياتي.
كبـَّـاشي الصــَّافي
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Tragie Mustafa)
|
قال منير
| Quote: وبأي حق تريد أن تفصل شعب من بلده وتجعله أجنبي لمجرد العنصرية والجهوية ؟؟ |
يا منير
الجنوبيين ديل شالوا السلاح وإتمردوا مش عشان هم عنصريين وجهويين
شالوه عشان العنصرية والإضطهاد اللقوه في بلدهم
الاضطهاد الاتمارس عليهم من سودانيين وزنوج زيهم كدا
حتي بعد إسلام بعضهم العنصرية والاضطهاد ما وقفوا
ولحدي هسع بيقولوا ليكم تبطلوا عنصرية وإستعلاء عرقي وقومي وتعملوا دولة مواطنة تساوي بيننا وبينكم بنقعد معاكم في بلد واحدة
أها قلت شنو؟؟؟؟
تبطلوا إستعلاء ولا ينفصلوا إنفصالهم؟؟؟؟؟؟؟؟؟
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Nasr)
|
Quote: ولحدي هسع بيقولوا ليكم تبطلوا عنصرية وإستعلاء عرقي وقومي وتعملوا دولة مواطنة تساوي بيننا وبينكم بنقعد معاكم في بلد واحدة
أها قلت شنو؟؟؟؟
تبطلوا إستعلاء ولا ينفصلوا إنفصالهم؟؟؟؟؟؟؟؟؟ |
والله غايتو حجوة إستعلاء دي بقت زي حجوة أم ضبيبينة !!! .. تعرف قصة الديك والحبة؟؟ أها الزول اقتنع إنه هو ما ديك لكين قال البيقنع الديك منو ؟؟ ..
جيب لي نص قانوني واحد أو دستوري ينص علي تفرقة عنصرية حسب اللون أو العرق أو الدين !!! ..
وإنت المسلم ده العائش خانع خاضع في أمريكا دي أبقي راجل وحاول تزوج إمرأتين أباحهما لك دينك الإسلامي وخليهم يقبضوك متلبس بالزواج مثني - خلينا نشوف الحرية الدينية التي تتمتع بها ..
أو فقط كلمنا عن القيامة القايمة لأنهم عاوزين يطلِّعوا أوباما مسلم غصباً عنه !!! ..
الواحد لو اتواضعوا معاهو واتفرجخوا معاهو في واطاة الله دي يقول ليك إنت لو ما الإستعلاء بتاعك ما كنت فعدت معاي !! ..
أها قول إستعلاء وإسلام وأي وهم شايله في راسك .. طيب طالما أدوك الفرصة وبإختيارك قررت مصيرك .. وهو الخلاص النهائي من هذا الإستعلاء والإسلام والمسلمين تاني المقعدك شنو للقراية أم دق؟؟ ..
أم أن الشغلانة لا بدورك لا بحمل بلاك ؟؟.. مفروض كل زول يمشي يحمل من الزول البيدورو ياخ !!! ..
شابككنا إستعلاء وما إستعلاء؟؟ إستعلاء الأفراد علي الأفراد ده وسط القبيلة الواحدة موجود وهو فطرة بدأها إبليس وستظل موجودة إلي قيام الساعة .. ولكن العبرة بالقانون والدستور .. والشاهد يقول أن سلفاكير الجنوبي يقبع علي قمة هرم السلطة ومافي زول معترض .. وإذا تم إنتخاب ديمقراطي حسب الأغلبية لن ينالها - ولكنه الآن الآن الآن يحكم ثلاثين مليون مسلم .. فأين الإضطهاد؟؟
بالله بعد الإنفصال تعال كلمنا عن إستعلاء بعض قبائل الجنوب علي البعض الآخر .. أو هسه أمشي شوف هذه الاستعلاءات في منابر أخري زي سودان.نت .. !!!
سيبونا بالله من الكلام الميت الذي تبذلونه للإستهلاك ليس إلاّ ..
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: cantona_1)
|
يا كانتونا سلامات ياخي ..
ياخي العالم ديل نحن عاوزين نخلق لينا نفَّاج للمشكلة العنصرية التي أدخلنا فيها هذا الإستفتاء القائم علي أساس الفصل العنصري الجهوي .. فهم متكيفين جداً لهذا الفصل العنصري الذي سيكون ضحيته بسطاء الجنوب الذين سيكون الرحيل بالنسبة لهم زي السم .. ومن ضمن هؤلاء البسطاء بعض الجنوبين المسلمين المقهورين الذين يريدون الوحدة والبقاء في ديار المسلمين ومع المسلمين .. ولكنهم غصباً عنهم سيجبرهم الإنفصال ليكونوا أجانب بسبب سطوة العناصر المتأمركة المؤتمرة بأمر أمريكا .. وهؤلاء المتأمركون حجتهم الرئيسية في الإنفصال هو الإبتعاد عن دولة المسلمين .. أها بناءً عليه يحرمون الجنوبيين المسلمين من البقاء في بلاد المسلمين .. وهذه البوست هو معالجة جزئية لهذا الإشكال ..
هؤلاء القوم جن جنونهم عشان كلمة مسلمين دي ولا يسفتزهم هذا الإستفتاء العنصري في نخاعه ..
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Munir)
|
| Quote: جيب لي نص قانوني واحد أو دستوري ينص علي تفرقة عنصرية حسب اللون أو العرق أو الدين !!! |
أعيش في أمريكا، والدستور ليس فيه نص واحد يفرق بين شخص وشخص، واظنك تعرف كم العنصرية التى يعاني منها الكثيرين رغم حماية القانون.
المشكلة الثانية هي التفرقة على أساس ديني، يعنى في السودان الحالي لن يسمح لمسيحي بتولي رئاسة الجمهورية إذا كانت الدولة تتبنى الشريعة الإسلامية، وبالتالي لا أنت ولا أي شخص يقبل أن يعيش في بلد تنتقص حقوقه وعنده خيار آخر.
المسلمون في با كستان طالبوا بالإنفصال عن الهند، وكل مسلمي العالم وقفوا معهم.
البوسنة والهرسك طالبت بالإنفصال بعد إنهيار يوغسلافيا وكلنا وقفنا معها.
الجنوبيين من حقهم أن يختاروا الإنفصال وعلينا أن نقف مع إختيارهم وبعد الإنفصال يمكن أن ينالوا الإقامة مثلهم مثل الملايين من السودانيين الذين يقيمون في بلاد أجنبية ويعاملون بإحترام.
عارف يا منير، الفرصة الكبرى للوحدة مرة أخري ولقيام دولة حديثة وقوية هي في أن نتعامل مع الإنفصال بطريقة حضارية، وأن نعطى الحق للمواطن السوداني الشمالى والجنوبي إمتيازات خاصة في الدولتين، هذا سيؤدي لتعاون إقتصادى وسياسي ويجعل البلدين في مصاف الدول.
ياخي إنجلترا إستعمرتنا وعلاقتنا معاها فل الفل، وأي إنجليزي داير تأشيرة ولا داير يعرس مننا بنديهو.
مع مودتي
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: الصادق اسماعيل)
|
يا الصادق أفتكر أنه حسب نيفاشا فإن الحقوق تُنال حسب المواطنة وليس الدين - لو غلطان صححني - غير كده مافي أي نص قانوني بيفرق بين المواطنين علي أسس الدين إلاّ قوانين الأحوال الشخصية .. وأظنك تعرف أنك كمسلم فإن قوانين الأحوال الشخصية المفروضة عليك في أمريكا لا تعطيك حريتك الشخصية بالكامل وضربت للأخ نصر مثل الزواج، وأضيف لك قضايا الطلاق والميراث وخلافهما .. اللهم إلاْ أن تكون غير مؤمن بأحكام الإسلام أو تكون بتطبق أحكامه سراُ وهو ما يعتبر مخالفة لقانون أمريكا .. والشئ نفسه ينطبق علي ناس اوروبا وغيرها .. والذي يرضي أيضاً أن يعيش في الصين فحرام عليه إنجاب أكثر من طفلين .. وهكذا .. حرية شخصية نهي .. مافي ..
وبهذه المناسبة أنا لو لقيت زمن حأمشي أبحث عن شروط أهلية الرئاسة للدول الغربية دي ونشوف علاقتها شنو بالديانة ولماذا الناس دي قايمة علي أوباما ودايرين يطلعوه مسلم غصباً عنه تمهيداَ لسحله ..
وأنا زي ما قلت للأخ محمود الدقم أني لم أطلع علي حالات إنفصال باكستان والبوسنة و.و غيرهما - ولكن علي كل حال تفرق كتير لو كان الإنفصال حدث بعد إستفتاء أو بقرار سياسي فوقي ..
إذا حدث إنفصال فمن المستحيل العودة للوحدة بعد رفع علم الإنفصال علي الدولة الجديدة ..
| Quote: ياخي إنجلترا إستعمرتنا وعلاقتنا معاها فل الفل، وأي إنجليزي داير تأشيرة ولا داير يعرس مننا بنديهو |
أيوة تأشيرة بنديها ليهو ولكين هو بيدينا ليها بكسر رقبة .. أما لو داير يعرس مننا دي اللهم إلاّ حسب شريعة أحوالنا الشخصية ..
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Munir)
|
..
..
أو فليجعلوا التصويت مكشوف وأي زول صوَّت للوحدة يكون معروف ويحق له المواطنة الكاملة في الشمال ومن يصوِّت للإنفصال برضو يكون معروف وإسمه مكشوف .. وإذا طلعت النتيجة بعد ذلك إنفصال يبقي الوحدويون في الشمال ويرحل الإنفصاليون للجنوب ..
طبعاً إذا طلعت النتيجة وحدة يبقي مكسب للسودان، ولو بقت إنفصال يبقي يا دار ما دخلك شر .. بس كل شئ يكون علي المكشوف ولابد من إختراع آلية شفافة ضد التزييف ..
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Munir)
|
Quote: وبهذه المناسبة أنا لو لقيت زمن حأمشي أبحث عن شروط أهلية الرئاسة للدول الغربية دي ونشوف علاقتها شنو بالديانة ولماذا الناس دي قايمة علي أوباما ودايرين يطلعوه مسلم غصباً عنه تمهيداَ لسحله ..
|
هذا هو النص في الدستور الامريكي
Quote: المادة الثانية
الفقرة الأولى
الفرع التنفيذي
1- تناط السلطة التنفيذية برئيس للولايات المتحدة الأمريكية ويشغل الرئيس منصبه مدة أربع سنوات، ويتم انتخابه مع نائب الرئيس، الذي يختار لنفس المدة، على النحو التالي:
2- تعين كل ولاية، بالكيفية التي تحددها هيئتها التشريعية، عدداً من الناخبين مساوياً لمجموع عدد الشيوخ والنواب الذين يحق للولاية أن يمثلوها في الكونغرس. ولكن لا يجوز لأي عضو في مجلس الشيوخ أو في مجلس النواب، أو لأي شخص يشغل لدى الولايات المتحدة منصباً يقتضي ثقة أو يدر ربحاً، أن يعين ناخباً.
3- (يجتمع الناخبون كل منهم في ولايته ويصوتون بالاقتراع السري لشخصين، يكون أحدهما على الأقل من غير سكان الولاية نفسها. ويضعون لائحة بأسماء جميع الأشخاص الذين اقترع لهم، وبعدد الأصوات التي نالها كل منهم، ويوقعون اللائحة ويصادقون على صحتها ويحيلونها مختومة إلى مقر حكومة الولايات المتحدة، موجهة إلى رئيس مجلس الشيوخ. ويقوم رئيس مجلس الشيوخ، بحضور أعضاء مجلسي الشيوخ والنواب، بفض جميع مظاريف اللوائح ثم تحصى الأصوات، والشخص الذي ينال أكبر عدد من الأصوات هو الرئيس، إذا كان هذا العدد أكثرية مجموع عدد الناخبين المعينين. وإذا كان نال أكثر من شخص مثل هذه الأكثرية، وكان عدد الأصوات التي نالوها متساوياً، عندها يقوم مجلس النواب فوراً، وعن طريق الاقتراع السري، باختيار واحد منهم رئيساً. وإذا لم يحصل أي شخص على أكثرية، عندها يقوم مجلس النواب، بالكيفية عينها، باختيار الرئيس من بين الخمسة الفائزين بأكبر عدد من الأصوات في اللائحة. ولكن عند اختيار الرئيس، تحسب الأصوات على أساس الولايات بحيث يكون لممثلي كل ولاية صوت واحد، ويتشكل النصاب لهذا الغرض من عضو أو أعضاء من ثلثي الولايات، وتكون أكثرية جميع الولايات ضرورية ليتم الاختيار. وفي كل حالة، بعد اختيار الرئيس، يصبح الشخص الحائز على أكبر عدد من أصوات الناخبين نائب الرئيس. وإذا بقى، شخصان أو أكثر لديهما عدد متساو من الأصوات، تعين على مجلس الشيوخ أن يختار من بينهما أو من بينهم بالاقتراع السري نائب الرئيس).
4- يجوز للكونغرس أن يحدد موعد اختيار الناخبين واليوم الذي يدلون فيه بأصواتهم، وهو يوم يجب أن يكون واحداً في جميع أنحاء الولايات المتحدة.
5- لا يكون أي شخص سوى المواطن بالولادة أو من يكون من مواطني الولايات المتحدة وقت إقرار هذا الدستور، مؤهلاً لمنصب الرئيس، كما لا يكون مؤهلاً لذلك المنصب أي شخص لم يبلغ سن الخامسة والثلاثين ولم يكن مقيماً في الولايات المتحدة مدة أربعة عشر عاماً.
6- في حال عزل الرئيس من منصبه، أو وفاته، أو استقالته، أو عجزه عن القيام بسلطات ومهام المنصب المذكور، يؤول المنصب إلى نائب الرئيس، ويمكن للكونغرس أن يحدد بقانون أحكام حالات عزل أو وفاة أو استقالة أو عجز الرئيس ونائب الرئيس كليهما، معلناً من هو المسئول الذي يتولى عند ذلك مهام الرئاسة ويبقى مثل ذلك المسئول إلى أن تزول حالة العجز أو يتم انتخاب رئيس.
7- يتقاضى الرئيس، في مواعيد محددة، تعويضاً عن خدماته لا يزاد ولا ينقص خلال الفترة التي ينتخب لها، ولا يجوز له أن يتلقى خلال تلك الفترة أية مرتبات أخرى من الولايات المتحدة أو من أية ولاية منها.
8- على الرئيس قبل أن يشرع في تنفيذ مهام منصبه، أن يؤدي القسم أو التوكيد التالي: "أقسم جازماً (أو أؤكد) بأنني سأقوم بإخلاص بمهام منصب رئيس الولايات المتحدة وبأنني سأبذل أقصى ما في وسعي لأصون وأحمي وأدافع عن دستور الولايات المتحدة."
|
وموضوع أوباما الجمهوريين دايرين يقولوا لأنه مسلم فهو ما داير يحارب ناس القاعدة بجدية. دي المشكلة كلها.
أنا مسلم ولكنى أري أن تقوم الحقوق في السودان على المواطنة، ولا أؤمن بتطبيق الشريعة الإسلامية وأعتقد أن الدين شئ شخصي وعلى كل شخص الإلتزام به بنفسه. وواحدة من الأشياء التى أري أنها كانت سبباً أساسياً في الوصول لهذه النقطة والتى سوف تجعل الجنوبيين يقررون الإستقلال، وهى إحساس عدد كبير من الجنوبيين وخصوصاً المتعلمين منهم أن موضوع الشريعة سيجعلهم مواطنين ناقصي الحقوق. وهذه النقطة بالذات هي المشكلة، فمثلاً الدستور الأمريكي شرطه أن تكون مواطناً وملوداً في أمريكا، يعنى حتى لو أبويك ما أمريكان ممكن تترشح للرئاسة، وأنا مثلاً عارف في السودان من الصعب أن يحكم رئيس غير مسلم لمسائل (الديموفرافيا والأغلبية)، لكن أن نحرم مجموعة من مواطني السودان حقهم في الترشح فهذا في حد ذاتو مشكلة كبيرة.
يعنى إنت يا منير (عايش في السويد على ما أظن)، فإذا السويد أعلنت نفسها دولة مسيحية، حيكون من الصعب عليك الإحساس بالمساواة في السويد، لأن إعلان أنها دولة مسيحية، يعنى أنها للمسيحيين وأنت ليس مسيحي فلذلك ستحس بأن حقوق منتقصة وأنك لست مواطناً كاملاً. أنا أعتقد أن السودان دولة للسودانيين بصرف النظر عن أعراقهم دينهم ثقافتهم إلخن وبالتالي محاولة أي مجموعة من فرض دينها على الآخرين سأحاربها محاربة شديدةز يعنى لو المسيحين أصبحوا أغلبية في السودانية وأرادوا أن يعلنوا السودان دولة مسيحية، فأنا سأقف معارضاص بكل ما أوتيت من قوة من أجل أن يكون السودان للسودانيين.
الدول يا منير تنفصل وتتحد، وحدث ذلك في اليمن في ألمانيا في الإتحاد السوفيتي، في أوربا الآن التى تريد أن تتوحد, ما يحكم هو المصالح المشتركة لهذا الإتحاد، وأنا أؤمن وأجزم أن المصالح المشتركة للوحدة في السودان قائمة الآن وستظل في المستقبل، والتأثير سيكون متبادلاً، وسيتوحد السودان مجدداً وعلى أيدي السودانيين الجنوبيين والشماليين والذين أُتيح لهم للمرة الأولى أن يعيشوا مع بعض لفترات طويلة بسسب الحرب، وبسبب الإغتراب الطوعى أو القسري خارج السودان.
نحتاج أن تكون رؤيتنا أوسع عندما نفكر في الوحدة والإنفصال والإستفتاء، القراءة الخاطئة والإستعجال وردود الفعل اللحظية يمكن أن تقود لمشاكل (عرقية أو دينية) تؤدي لقتل أبرياء ليس لهم ذنب، وسيكونون ضحية للحملات الإعلامية من الإتجاهات المختلفة لتحقيق مصالحهم.
الإنفصال قادم ولا شك، دعونا ننفصل في هدؤ، ويمكن أن تكون هناك علاقات مميزة بين البلدين، أو قل علاقات عادية، ومواطني الدولتين الذين يعيشون في الجانب الآخر، علينا معاملتهم بإحترام، والتساهل معهم في مواضيع مثل الإقامة والعمل والإستثمار.
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: الصادق اسماعيل)
|
Quote: الدول يا منير تنفصل وتتحد، وحدث ذلك في اليمن في ألمانيا في الإتحاد السوفيتي، في أوربا الآن التى تريد أن تتوحد, ما يحكم هو المصالح المشتركة لهذا الإتحاد، وأنا أؤمن وأجزم أن المصالح المشتركة للوحدة في السودان قائمة الآن وستظل في المستقبل، والتأثير سيكون متبادلاً، وسيتوحد السودان مجدداً وعلى أيدي السودانيين الجنوبيين والشماليين والذين أُتيح لهم للمرة الأولى أن يعيشوا مع بعض لفترات طويلة بسسب الحرب، وبسبب الإغتراب الطوعى أو القسري خارج السودان.
نحتاج أن تكون رؤيتنا أوسع عندما نفكر في الوحدة والإنفصال والإستفتاء، القراءة الخاطئة والإستعجال وردود الفعل اللحظية يمكن أن تقود لمشاكل (عرقية أو دينية) تؤدي لقتل أبرياء ليس لهم ذنب، وسيكونون ضحية للحملات الإعلامية من الإتجاهات المختلفة لتحقيق مصالحهم.
الإنفصال قادم ولا شك، دعونا ننفصل في هدؤ، ويمكن أن تكون هناك علاقات مميزة بين البلدين، أو قل علاقات عادية، ومواطني الدولتين الذين يعيشون في الجانب الآخر، علينا معاملتهم بإحترام، والتساهل معهم في مواضيع مثل الإقامة والعمل والإستثمار. |
يا أخي الصادق .. ياخي أنا شخصياً أحبذ الوحدة وأتمني أن تكون جوبا ومريدي جزء من بلدي وأريد أن أفتخر حين أري أخ جنوبي في أيي مكان في العالم وأعاين ليهو كسوداني يحمل نفس الجواز بتاعي ومصيرنا مشترك .. وعاوز عندما أشوف خضرة الجنوب وشبابه أحس بأن دي بلدي والشباب ديل أخواني والأطفال الأبنوسيين ديل أخوان أولادي .. وعاوز الجنوبي برضو يحس نفس الأحاسيس .. والأحاسيس دي ممكنة مع الجنوبيين لأن العلاقة بين شعب الشمال وشعب الجنوب علاقة خام لم تتعرض للإحتقانات العنصرية لأن الجنوبيين أصلاً لم يعيشوا في الشمال .. ولذلك حتي تلاحظ أن الأخوان الجنوبيين في هذا المنبر في غاية الإلتزام والاحترام ولا تراهم ينجرفون للشتم العنصري زي ناس محمدسليمان ومن لف لفه مثلاً حيث تنضح مشاركاتهم كلها كراهية وعنصرية .. أنا ألاحظ أن كل الأخوان الجنوبيين هنا - ناس شول وألبينو وزكريا وغيرهم - أبداً ما بيكتبوا مداخلات كراهية ضد الشماليين بالجملة رغم سنين الحرب الطويلة .. بل حتي أخونا دينق الذي تكثر مشاحناته في هذا المنبر فإنه دائماً يركز هجومه علي الكيزان الكيزان الكيزان .. يعني ما أذكر أنه هاجم الشعب الشمالي أو استعمل مفردة جلابة بالطريقة العدائية السافرة التي يستغلها بها شلة محمدسليمان وتراجي العنصرية .. وهسه تلاحظ بأن الأخوة الجنوبيين في هذا المنبر لا يكثرون الحديث إلاّ عن حقهم في الإنفصال غير متبوع بأي أذي لفظي للآخرين .. قارن ذلك بنافخي العنصرية أمثال تراجي ومحمدسليمان الشايلين كل وجوه القباحة وإزكاء النعرات العنصرية وصب الزيت فوق النار والكلام من شاكلة غصباً عنكم وأيامكم قربت وما أدراك ما إجتماع زنوج السودان وشنو وشنو ماعارف !!! ..
ولذلك إذا حاولنا التفاؤل فالأبواب مفتوحة والخير موفور .. ولكن أمواج السياسة الداخلية والخارجية ونافخي الكير أعتي من النوايا الحسنة .. ومع هذه الأمواج العاتية نحاول أن نتلمس بعض الحلول لتخفيف الضرر من عواقب عملية الإستفتاء التي شحنت النفوس بعدائيات لم يكن هناك داع لها .. وذلك لأن السودان أساساً محتقن وداير يطرشق .
.
.
وحأرجع بإذن الله لمشكلة الدين دي..
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Munir)
|
| Quote: ياخوي لا تنتزع كلامي من مجراه .. أنا قلت الأخوة الدينية هي مخرج جزئي للعقبة القانونية لبقاء الجنوبيين الذين يجبرهم الإنفصال علي المغادرة وهم يريدون الوحده .. وكتبت أن أخوة الدين أقوي من العنصرية .. فلماذا تستنكر هذه العبارة البديهية وتغض النظر عن طبيعة الإستفتاء القائمة أساساً علي أسس عنصرية جهوية؟؟ هل الفصل العنصري -الإستفتاء الذي تهلل له - والذي سيشرزم البلاد أهون عندك من الأخوة الدينية التي أردت بها رتق جزء من عاقبة الفصل العنصري؟؟ !!! |
الأخوة الدينية ليست مخرج و لا حتى جزئي ، فالمشكلة ستظل قائمة حتى إذا إستثنيت نسبة الجنوبيين المسلمين . و لا أظن أن هذا الإستثناء عملياً ستكون له نتيجة ، هذا من ناحية ، و من الناحية الأخرى دعوة الأخوة الدينية كأساس للمواطنة أرفضها بشدة لعدة أسباب :
1- لأنها تنزع حقوق المواطنة عن أشخاص يستحقونها و يشمل هذا الشماليين و الجنوبيين على السواء .
2- لأن هذه الدعاوى الدينية هي السبب الأساسي في ما وصلنا إليه الان ، و من الحماقة تجربة هذه الوصفة الإسلامية الفاشلة مرة أخرى ـ خاصة في لحظات إحتضار السودان بشكله المألوف التي نعيشها الان .
3 - لأن إستباحة الأراضي السودانية ل( إخوة الإسلام ) من ( الأجانب ) حتى كمبدأ أو ( مخارجة ) هي دعوة غير مسؤولة ، خاصة أن هذه التجربة مررنا بها من قبل عند إستباحة البلاد لكل إرهابيي العالم و ندفع ثمن ذلك التصرف الأرعن حتى الان.
بالطبع أنا لا أرى أن الجنوبيين المقيمين في الشمال و الذين هم جزء من النسيج الإجتماعي الشمالي أجانب .
أنا لا أهلل للإستفتاء ، و يبدوا أنه إلتبس عليك من هم مسؤوليين عن الإنفصال .. الإنفصال نتيجة طبيعية لسياسات و خطابات الإسلاميين و القوميين العرب ، و نتيجة طبيعية لممارسات و ثقافة عنصرية في الشمال ، و نتيجة طبيعية لعقل جمعي ظل مستسلماً للفاشيين و منقاداً للمهرجين السياسيين قصيري النظر و الخيال . ... البلاد ستتشرذم بفعايل أهلها .... و أي دعوة بإسم الإسلام خارج نطاق التدين الشخصي و العلاقات الشخصية و الإجتماعية العادية تثير إمتعاضي الشديد ، فقد نلنا كفايتنا من الكوارث الإسلامية . أعترف أنني لو كنت مكان الجنوبيين لأخترت الإنفصال ... و إن كنت تسمي هذا تهليلاً للإنفصال فليكن ... فالعدالة كمبدأ أهم من السودان نفسه
سنواجه سنوات عصيبة في المستقبل القريب لجمهورية شمال السودان ، و أفضل تكفير عن ذنب إيصالنا إلى هذه الحالة يمكن أن يقدمه الإسلاميون و العروبيون و العنصريون هو التنحي عن الساحة السياسية ، و ليتركوا وجوه جديدة و عقليات جديدة لتقود الشمال إلى بر الأمان
و إلا فهم مواجهون بنهاية كنهاية النازيين أو قادة يوغوسلافيا
و الشماليون إن إستمروا في الإنقياد معهم إلى الهاوية موعودين بدولة فقيرة جداً ، متغول عليها ، و تعم فيها الفوضى الشاملة ...
الخيار الان ليس بين السودان الموحد أو المنفصل ، الخيار الأن بين دولة الشمال المتزنة التي تضمن مستقبلها ، و بين دولة الشمال التي تسعى بإرادتها و بإستسلامها إلى الإنهيار التام
و ليس لدينا زمن طويل لحسم أي من الخيارين نريد
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: amin siddig)
|
| Quote: لأن هذه الدعاوى الدينية هي السبب الأساسي في ما وصلنا إليه الان ، و من الحماقة تجربة هذه الوصفة الإسلامية الفاشلة مرة أخرى ـ خاصة في لحظات إحتضار السودان بشكله المألوف التي نعيشها الان |
دعني حالياً أقتبس هذه الجزئية ..
.جدلية الإسلام والسياسة حقو نتفق أنها يجب أن تُحسم ديمقراطياً .. يعني بقيام ديمقراطية حقيقة تتيح للشعب إختيار نظام حكمه سواء إسلامي صرف أم علماني صرف .. وأعتقد أنه لا يجب علي العلمانيين إقصاء الرأي الذي يريدها دولة إسلامية بأي نكهة إسلامية كانت .. وأعتقد أن تغول الملحدين والعلمانيين علي مشكلة الجنوب هو ما زاد تأجيجها .. لأنهم أرادوا إقصاء الخيار الإسلامي عنوة بواسطة الجنوب المدعوم بالعالم المسيحي ..
ربما كانت أيدلوجيتك وفكرتك الحياتية تعتمد علي حصر دينك فوق برش صلاتك ولكن يجدر بك أن تعلم أن ثلثي جماهير الشعب السوداني الوسيط كان مؤيداً للأحزاب الكبري في آخر ديمقراطية وذلك لأن تلك الأحزاب طرحت برامج إسلامية صراحة في مسمياتها .. حتي أن رئيس الوزراء الصادق المهدي لم يجرؤ علي إلغاء قوانين سبتمبر رغم إنتقاده لها .. وذلك لأنه يعلم بأن جماهيره لا تعبأ بالمسميات وبأنها حتي لو ألغاها فسيتوقعون منه إستبدالها ببرنامج نهج الصحوة الاسلامية التي وعد بها .. إذن لو جئنا لخيار الجماهير فإنها تدعم حزباها الكبيران ذوي النهج الإسلامي .. فإن كنت ترفض ذلك وترفض خيار الجماهير وتظن بأنها جماهير غير ناضجة وما عارفة الصاح من الغلط ، وتريد أن تفرض عليها نظامك وفكرتك العلمانية بالقوة بإنقلاب أو بتدخل أجنبي فأنت إذن دكتاتور آخر ، ولا تتوقع أن لا تجد من يجاهد لدق عنقك ..
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Mohamed Suleiman)
|
محمدسليمان .. كلامك ده خارم بارم .. أنت ابتدرت الكلام عن أحقية منو ومنو علي منو ومنو وأنا جبت ليك نسب مئوية للهوية عشان تروق في علبك وتعرف إنك بتتكلم مع زول جذوره عربية وفي نفس الوكت زنجية يشهد عليها جبل البركل ..
وجبنا ليك نسبة الفيفتي فيفتي عشان نقرِّب ليك الصورة . ولكن شايف الحقيقة بقت بيك حارة أيها النازي .
مافي زول نازع ليهو زول عايش داخل حدود السودان في سودانيته سواءً كان بجاوي متمدد في الحبشة أو زغاوي متمدد في تشاد أو زاندي فروعه في الكونغو .. الكل سودانيين لم أنف عنهم سودنتهم .. لكين مثلاً عندما يجيني واحد زيك أو زي ود برقو ويقعد يوزع ويفصِّل في أهلية السودان وخريطة السودان علي مزاجه وهواه الجهوي فبيقوم يجيب لنفسه الهواء لأننا سننتبه له ونبحث عن أهليته هو ..
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Munir)
|
تخبط منقطع النظير في الخطاب الرسمي للإنقاذ :
البشير :
| Quote: وقال الرئيس السوداني، في خطاب لافت يوم أمس، على خلفية مطالبات وزراء ومسؤولين جنوبيين بمغادرة الشمال فور حصول الانفصال العام المقبل: «إن الحكومة تتحمل مسؤولياتها تجاه المواطنين الجنوبيين في حالة خيار الانفصال، مؤكدا أن القانون لا يقبل المساس بأي مواطن سوداني». وشدد على أن «أبناء الجنوب أنفسهم، بممتلكاتهم وعقائدهم واحترام مللهم، لا مساس لهم». كان البشير يتحدث أمام مجموعة من الشباب تطلق مبادرة من أجل الوحدة والتنمية. |
......... المصدر الدبابين وميليشيا حزب البشير يرفضون الدعوة للمشاركة في ...تي أطلقها إسماعيل...
تلاحظ أنه يسميهم مواطنين سودانين حتي عقب الأنفصال !!
نافع علي نافع:
Quote: اكد دكتور نافع علي نافع مساعد رئيس الجمهورية ان الشمال سيحفظ الحقوق الكاملة لأبناء الجنوب في حال تصويت الجنوبيين للانفصال وذلك حتى يتم ترتيب أوضاعهم مطالبا خلال مخاطبته احتفالات ولاية نهر النيل باليوم العالمي للسياحة بمدينة شندي اليوم الحركة الشعبية لمعاملة الشماليين بالمثل
وقال ان حديث الحركة الشعبية للجنوبيين بالشمال بأنهم سيتمتعون بكامل الحقوق والمواطنة حتى في حالة تصويتهم للانفصال مجاف للواقع والمنطق |
المصدر
وهنا يقول نافع وبصراحة بإسقاط المواطنة عن جنوبي الشمال في حال حدوث
الإنفصال ويقول أن تمتعهم بحقوق المواطنة عقب الإنفصال مجاف للمنطق والواقع
نافع: الحديث عن ان الجنوبيين بالشمال سيتمتعون بكامل الح...انفصال مجاف للواقع!!
..... أما فريد عصره كمال عبيد فيقول:
| Quote: نتحدث عن انفصال نتحدث عن انفصال الأرض والشعب لانو ده ببقى مواطن لبلد تانية اخوانا ديل بقولوا الوحدة ما جاذبة لانو مواطن الجنوب في الشمال درجة تانية . ده ما صحيح لانو ما في قانون بفرق المواطنين لمستويات، لكن لو حصل الانفصال بكرة المواطن اللي اخوانا ديل بالقانون هو مواطن زيو زي الاخرين ما ح يكون مواطن ولا ح يتمتع بأي امتيازات لان الدولة ونظمها الان عندنا عدد كبير من غير السودانيين الموجودين على الارض السودانية هم ما مواطنين ما عندهم حق الحقنة في المستشفى ولاعندهم حق المقعد في المدرسة ولا عندهم حق الوظيفة في المؤسسة العسكرية والمدنية ولا عندهم حق البيع والشراء في اسواق الخرطوم وبجي داخل باجراءات معينة : |
(الوزير يسلب وبلغة واضحة المواطن المنحدر من جذور جنوبية والمقيم بالشمال حق المواطنة والجنسية . - ويضيف الوزير أنه سيسلب حقه في إمتيازات المواطنة ويشير بوضوح أن وضعهم سيكون كغيرالسودانين الذين يفتقدون الحق في الحقنة ومقعد الدراسة والوظيفة والحق الحر في الحركة والتجول وحتي حق البيع والشراء ))
................ خطاب الأنقاذ السياسي بائس ومتناقض ومتعدد الالسن !!
كمال عباس
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: كمال عباس)
|
كمال عباس:
Quote:
خطاب الأنقاذ السياسي بائس ومتناقض ومتعدد الالسن !!
|
و زنقته حتزداد مع مرور الأيام ...
تخيل إنهم هم السبب في فرتيق السودان ... و آخر حكومة إستلمت السودان موحدا و ستسلمه للأجيال القادمة مقسما!!!
من تصريحاتهم أنا يدوب فهمت كلام أهلنا لزول زيهم: ده بتكلم برّة راسو !!
و فعلا ... في اليوم الواحد ... الشعب السوداني يقرأ تصريحات متضاربة متناقضة .. و من اعلي المسؤولين درجة ..
كمال عبيد يقول ما حنديهم حقنة ..
البشير يقول لا .. لا .. الجنوبيين (حتي بعد الإنفصال) مواطنين سودانيين و ستحميهم الدولة ( طبعا مع مراعاة فروق المصداقية) ..
و مساعده نافع يصرح من عطبرة بكلام أشتر ...
الناس ديل شوتنوا ...
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: كمال عباس)
|
عقلية عنصرية تساهم في تاجيج الحريق
كان المسلم الجنوبي والمسلمه الجنوبية افضل من اهل الجنوب نصاري او اصحاب ديانات افريقية
حاده عجيبه لكن هي فعلا ذهنية الهوس والتطرف
فاهل حماس بالنسبة لمنير اقرب من اهل توريت لان حماس ميلمه وغالبية اهل توريت نصاري
واهل الشام والحجاز افضل من باقي نصاري وزنج السودان بحكم اخوة الاسلام يا للضرر ويا للاسف
لكن منير صادق في قوله وهذا هو منهاج من لم يصرح
اخوة الدين لبعض اصحاب المشروع الاسلاموي افضل من اخوة الوطن لذا شب الحريق
تحياتي يا منير ولعن الله الدولة الدينية التي فرقتنا ومزقت وطننا
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: amin siddig)
|
للذين استفزتهم كلمة 'مسلمين' فانبروا يسكبون المحاضرات عن الدولة الدينية والهوس الديني مثل أخوننا المهووس المحترم صبري الشريف .. تذكروا أن للعملة وجهين .. فعندما حارب الجنوبيون من أجل مطلب تقرير المصير كان الخطاب الرئيسي لهم هو معاناتهم من الإسلام والمسلمين وهو الهدف الذي حشد في صفهم الشيوعيين والعلمانيين والجمهوريين .. وقد ظل هذا المطلب هو العقبة الكأداء ضد تحقيق السلام حيث أفشل كوكادام لأن الصادق المهدي رفض إلغاء قوانين سبتمبر، ثم جاءت إتفاقية الميرغني للسلام والتي غيرت كلمة 'إلغاء قوانين سبتمبر' لكلمة 'تجميد قوانين سبتمبر' وهي خطوة وسط كانت ستوقف الحرب حتي تفتي الجماهير في خيار الدولة الإسلامية .. وتلك الإتفاقية أيضاُ عنقد فيها الصادق المهدي فجاءت الجبهة الاسلامية لتحسم الجدال حتي لا يتم التراجع عن التوجه نحو قوانين الشريعة .. ثم استمرت الحرب حتي تم التوصل لنيفاشا والتي أيضاَ كانت حلاً وسيطاً لم تتنازل فيها حكومة الإنقاذ عن الشريعة - حتي لو كانت صورية - ولم تلح الحركة الشعبية علي إلغائها ، وذلك مقابل حق تقرير المصير ..
الأسئلة البارزة هي:
هل قوانين الشريعة هي الدافع الرئيسي للإنفصال، حتي لو تم استثناء الجنوب من تطبيقها، وحتي لو ظل نيل الحقوق الدستورية مستنداً علي المواطنة - ولا شئ غير المواطنة - ؟؟ أم أن إلغاء الأحكام الإسلامية هو فقط قميص عثمان الذي يلوح به مساندو الحركة الشعبية من الشماليين الذين اجتهدوا بكل ما اوتوا من قوة لإلغائها وخذلتهم الجماهير ؟؟ ..
والسؤال الثاني هو : إذا تنحَّت الجبهة الاسلامية عن السلطة وتم إلغاء الشريعة - الصورية - فهل سيؤدي ذلك بالجنوبيين للعدول عن الإنفصال؟؟ .. أم أن هناك إنفصاليين هارد كور لا يريدون سوي الإنفصال ولا شئ غير الإنفصال مهما تغيرت طبيعة الدولة .. ؟؟ ..
وإذا تم إلغاء الشريعة واختار الجنوبيون الوحدة وأصر الإنفصاليون علي الإنفصال فهل ستحاربهم الدولة وتحاربهم حكومة الجنوب الوحدوية لتفرض عليهم الوحدة؟؟
ثم السؤال الثالث هو: ماذا عن الجنوبيين المسلمين - موضوع البوست - الذين يودون العيش في ظل دولة إسلامية ولن يضيرهم ذلك شيئاَ ؟؟ ألا يحق لهم وضع خيارهم في الإعتبار؟؟ أم أنهم غصباَ عنهم عليهم الإنقياد للآخرين ..
نجي لكلام المهووس العزيز صبري الشريف الذي أقحم حماس ومسلمي الشام بطريقة هستيرية تدعو للرثاء وأقول له لماذا قفزت لحماس والعرب بينما المسلمين المقصودين هم جنوبيين سودانيين سيروحوا بين الرجلين؟.. أم أن هؤلاء لا وزن لهم بالنسبة لك؟؟ ..
أما كلام الأخ أمين صديق فيوضح بجلاء الإستعلاء الاجوف لبعض النخب القرأت الجامعة والتي تظن أن تعليمها جعلها أكثر نضجاً ووعياً من العوام الذين يعتبرهم قٌصَّر لا يفرزون الصاح من الغلط ..ولذلك فإن مثل هذه الذهنية الإستعلائية لن تتورع عن الإنقلاب علي الخيار الديمقراطي الذي ستأتي به جماهير العوام ، لأنه وأمثاله يعتقدون أن هؤلاء العوام جهلاء وما عارفين البينفعهم من البيضرهم ..
وإذا وصلنا الأمر حده ومحَّصنا درجة الوعي حسب الدرجة الأكاديمية التي يظن أمين وأمثاله أنهم نالوا بها الوعي السياسي المتفوِّق علي العوام، لن نجده في قمة الهرم التعليمي وستنهدم كل ذهنيته الإستعلائية إذا ظهر من هؤلاء العوام من هو أرفع منه في السلم التعليمي ..
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Mohammed Awad)
|
حقو يا دينق إنت تركز علي صلب المشكلة وتترك الهجوم الشخصي لأنو أنا عبارة عن قطرة في محيط ، هسه لو بقيت ليك شيوعي أو جمهوري أو مسيحي فلن يغير ذلك من الوضع القائم الذي لم أدخر جهداً لتنويركم به .. وهذا الوضع الذي سيقابلك سواءَ أنا كنت كوز أو شيوعي هو أن عموم أهل السودان الوسيط هم أتباع لثلاث أحزاب كبري يعتمد تكوينها الرئيسي علي الروح الدينية الإسلامية .. وهذه الأحزاب إنت عارفها كويس وهي الأمة والإتحادي والجبهة الإسلامية بكل فروعها .. زيد عليهم انصار السنة وغيرهم وغيرهم .. وهذه الجموع تمثل أكثر من تلاتة أرباع السودان الشمالي ناهيك عن جزء معتبر موجود في الجنوب .. أها التلاتة أرباع السكان ديل بيعتبروا ولاءهم لأحزابهم سببه الخطاب الديني .. إنت مشكلتك حتكون مع هؤلاء الجموع ما معاي أنا.. ناس صبري الشريف وجماعته ديل يعتبروا لأغلبية هذه الجموع فرقة ضالة ولا يسوون شيئاَ لأنهم ببساطة ممكن يسألوا صبري ده ويقولوا ليهو شيخكم كان بيصلي؟ وصبري ما حيجاوب .. والجموع دي مؤمنة بأنهم دايرين حكومة إسلامية ولو عملوا ليهم استفتاء بكرة حيقولوا شريعة .. والصادق المهدي بجلالة قدره ما قدر يلغي قوانين سبتمبر رغم أنه قال أنها لا تساوي الحبر الذي كتبت به .. لم يجرؤ علي إلغائها لأن أنصاره يعتبرونه شيخ طريقة وينتظرون منه إذا ألغاها أن يأتي بالشريعة برضو .. ففضَّل الصادق الإبقاء عليها كما هي ، لربما حتي لا يعتبر في نظر الغرب مؤسس دولة دينية جديدة زيه وزي نميري .. وخلاها معلقة .. وإنت عارف عند أنصاره التمباك زاته حرام ، وهم من طهروا سلاطين باشا .. وعشان كده كلمة 'إلغاء' هذه كانت كلمة حساسة ، فابتدعت كلمة 'تجميد' . وهكذا .. والجموع دي ممكن في سبيل عدم 'إلغاء' دي يعلنوا جهاد عديل .. وخت في بالك إنهم برضو عندهم نفس الحماس يدافعوا عن نظامهم ومعتقداتهم زي ما إنت وبوش برضو مشيتوا غزيتوا بلاد الناس الآمنين بحجة نشر الدعوة الدينية الديمقراطية الغربية وقتلتوا خلال جهادكم المقدس ملايين الأنفس بينهم نساء وأطفال شاركت أنت في قتلهم بدم بارد ..
إذن يازول إنت مشكلتك ما معاي أنا .. أنا هين .. مستنير ومنير وفليكسبل .. لكين أمشي شوف حتعمل شنو لتلاتين مليون سيوفهم مع الصادق الميرغني والترابي .. جني خايف منهم موت ومسميهم أهل القبلة وعشان كدي متضاري فيكم وخايف من الإنفصال ..
بعدين ياخي شنو حكاية قاعد في الغرب وما قاعد دي .. ياخوي أنا خليني هسه مستقبلاً حأوريك الحاصل شنو .. لكين الأسعلك .. إنت الغرب ده داقي فيهو حجر دغش واللاّ ساهمت في نهضته وعلمانيته وتقدمه؟ مش جيته زيك وزي أي مقطَّع وقعدت غصباً عنك بأدبك وتخليت عن عاداتك القبلية بتاعة تعدد الزوجات ووراثة زوجات الأب وووو.. عامل بتباهي بالحرية العلمانية !!.. كدي أبقي راجل أمشي فوق العجين ولخبطه هناك عشان يرجعوك الغابة ..
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Munir)
|
منير.
أنا فاهم الاحزاب السودانية جيدا ولكن ما تقوم به أنت هنا هو النفاق بيعنه. نفاق جماعة الاسلام السياسي الذي تمارسه هنا يا منير ده فضيحة وهي مردودة اليك أنت. أنت تعيش في دولة مسيحية ولجأت اليها بكامل رغبتك ولقد أحتضنتك وقدمت اليك كل المساعدة التي ترغب بها، وبعد كل ذلك تأتي وتنقل الينا رأي المهبب هذا؟ ماذا سيكون رد فعل مواطني الدولة التي أوتك عندما يجدونك تفكر بمثل هذه الطريقة المتخلفة والرجعية؟
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: Deng)
|
دينق .. إنت مادام ما بتفهم من أول مرة حأعيد ليك الكلام لآخر مرة ..
الفكرة الأساسية للبوست كالآتي - حأجيبها ليك بالقطَّارة:
أولاَ الحركة الشعبية أرادت الإنفصال علي أسس عنصرية .. كويس معاك؟ .. ثانياَ :الحجة بتاعتكم للإنفصال هي إنكم لا تريدون العيش في دولة عربية إسلامية .. "عربية" دي طبعاً ذكرناها في "أولاً" أعلاه .. نجي ل"إسلامية" .. عبارة إسلامية هذه إنتو عاملنها السبب الرئيسي للإنفصال بعد السبب العنصري أعلاه - بتاع "عربية" - .وطبعاً الغرب بيشجعكم علي الإنفصال الديني مثلما شجع ناس تيمور الشرقية ..
.
طيب أنا عاوز أقول شنو؟:
عاوز أقول ليكم أن هناك جنوبيين ما مقتنعين بأسبابكم العنصرية والدينية للإنفصال .. يعني أنهم يفضلون العيش في بيئة ومجتمع مسلم بدلاً عن مجتمع لاديني .. ولكنهم يساقون غصباً عنهم وضد رغبتهم.. للعيش في الجنوب .. أها أنا هنا اقترحت أن هؤلاء الجنوبيين الذين يفضلون العيش في مجتمع مسلم يجب الترحيب بهم والسماح لهم بالبقاء في الشمال وبالجنسية الشمالية .. وذلك لأن الأخوة الإسلامية رابط بينهم وبين الشمال أقوي من الرابط العرقي .. وقع ليك كلامي ده؟؟
الكلام ده برضو موجه للمهووس بالشريعة أخونا صبري الشريف - والذي أراه لا يستنكر الإنفصال علي أسس إثنية بينما يستنكر دعوتي لإتاحة فرصة لأخوان جنوبيين للبقاء بين أخوانهم الذين يريدون وحدتهم علي أسس الدين .. حتي ولو كان نفر واحد ..
الجنوبي الماعاوز يعيش في الشمال مافي زول جابره علي القعاد في الشمال بل ستسقط عنه الجنسية ويبقي أجنبي ويتم ترحيله .. لكين الشايفين أنهم ماعندهم مشكلة مع العرب والإسلام حبابهم ألف ..
| |
|
|
|
|
|
|
|
|
|
Re: فليبق الجنوبيون المسلمون في الشمال إن أرادوا .. أخوة الدين فوق الفصل العنصري .. (Re: JOK BIONG)
|
الأخ منير
فرضيتي بسيطة جداً وتقول "أي دولة دينية هي دولة ظالمة"/ وبالتالي أنا ضد الدولة الدينية مهما كان الدين الذي تستند عليه، لأن النص الديني نص مقدس في حد ذاته، ولكن تطبيق النص ليس مقدس لأنه يعتمد على تفسير من بشر ناقصين، لذلك الذي يحدث في السودان الآن من إدعاء بإسلامية الدولة، كلنا نعرف أن هذا "إسلام الكيزان" ويوجد في السودان أيضاً "إسلام الأنصار والختمية والشيعة والبعثيين والشيوعيين"، وبالتالي أنا كمسلم لي رؤيتي الخاصة للإسلام والت سأحاسب عليها ولن ينفعني أن أقول أنا إتبعت فلان أو المذهب الفلاني
طيب بالنسبة لموضوع الوحدة والإنفصال، واحدة من الأسباب الأساسية لإستمرار الحرب هي الإعلان عن قيام دولة إسلامية في السودان، نعم عندما قامت الحركة الشعبية بكفاحها المسلح لم يكن السودان يطبق الشريعة، ولكن الظلم الواقع على الجنوب من النخب الحاكمة والذي توج بنقض النميري لإتفاقية أديس أبابا هو الشرارة التى اطلقت الحرب، وموضوع الشريعة أدي لإستمرار الحرب، ورأينا بأم عيننا كيف تحول الجيش والذي يضم في صفوفه سودانيين مسيحيين وهو يقوم بالجهاد.
ومرة ثانية أقول لك يا منير وأنت تعيش في دولة أوربية (السويد)، لو قررت هذه الدولة فجأة أن تتبني دستور مسيحي وقررت خوض حرب ضد المسلمين السويديين، بل ووجهت إعلامها الممول من الأموال التى يدفعها المواطن السويدي المسلم والمسيحي كضرائب، أقول لو وجهت إعلامها لشتم وتحريض المسيحيين ضد المسلمين إخوانهم في الوطن، كيف سيكون موقفك.
أنا شخص عشت مع الجنوبيين في الخنادق ورأيتهم يحاربون، ولم أسمع في يوم من الأيام أنهم يحاربون من أجل الدين، بل حاربوا من أجل أن يكونوا مواطنين على درجة المساواة مع إخوانهم الآخرين، طيب في حال إصرار الدولة السودانية أن تكون دولة للمسلمين وتُعَبٍّر عن المسلمين أولاً وعن الأعراق العربية ثانياً، فما الذي يجعلني أعيش في مثل هذه الدولة، ربنا سبحانه وتعالى يقول (أذُن للذين يقاتلون بأنهم ظُلموا) ويقول أيضاً {إِنَّ الَّذِينَ تَوَفَّاهُمُ الْمَلآئِكَةُ ظَالِمِي أَنْفُسِهِمْ قَالُواْ فِيمَ كُنتُمْ قَالُواْ كُنَّا مُسْتَضْعَفِينَ فِي الأَرْضِ قَالْوَاْ أَلَمْ تَكُنْ أَرْضُ اللّهِ وَاسِعَةً فَتُهَاجِرُواْ فِيهَا فَأُوْلَـئِكَ مَأْوَاهُمْ جَهَنَّمُ وَسَاءتْ مَصِيرًا}، يعنى مافي زول بيرضى بالظلم.
وكلمة أخيرة يا منير، السودان دا عاشوا فيهو أغاريق وشوام وفلسطينيين وخواجات ناس جوهو ما لقوا فيهو إلا كل حب وأحترام، وقبل ما أنسي الهنود برضو، ما أظن طردنا زول، الأرتريين والأثيوبيين عاشوا في السودان دا وما زالوا بيذكروهو بالخير، فلمن يكونوا ناس ساهموا في بناء السودان دا وأسهموا في التطور بتاعوا وصاغوا الوجدان بتاعوا زيهم زي باقي الشعوب السودانية الأخري، لكن بسبب الظلم الوقع عليهم عبر التاريخ بتاع الدولة السودانية طالبوا بحق تقرير مصيرهم ونالوهو بدماء عزيزة عليهم، وهسة دايرين يكشوا يعملوا دولتم/ حقو نبارك ليهم الدولة الجديدة، ونحن كشعب سوداني نطالب بإنو يكون ليهم حق الدخول للدولة السودانية الشمالية بدون تأشيرة مسبقة (زي ما السوريين بيتعاملوا معانا) وزي ما عاملنا (الأغاريق)، ويكون ليهم حق التملك وحق العمل.
عارف يا منير، جواهر لال نهرو قال إنو قلبو كان بيتقطع لمن باكستان طالبت بالإنفصال من الهند، لكن الشاهد الدولة الهندية عاملت المسلمين بكل إحترام، وأقصد المسلمين البقعدوا في الهند، بل وواحد منهم (مولانا أبو الكلام أزاد) أصبح رئيس للهند، ودى العظمة الجد جد.
سيبك من كلام الإنفعالات دي، الجنوبيين ديل أهلنا ويجو لينا ونشيلم فوق رأسنا، وزي ما قلت ليك في النهاية الناس دي كلها ماشة في طريق إعلاء القيم الإنسانية، الدين ظل طول التاريخ عامل تفرقة وحروب وظلم (كل الأديان بلا إستثناء) ولغت في الدماء، وطوال التاريخ ظلت القيم الإنسانية التى يؤمن بها المتدين والملحد كقيم التسامح والتعايش السلمي هي القيم التى حفظت للمتدين وللملحد حقوقه، ورأينا كيف يعيش الناس بسلام، كما حدث في سوداننا بعد الإستقلال.
الصادق
| |
|
|
|
|
|
|
| |
Munir
وليد عبد اللطيف
Deng
Khalid Kodi
cantona_1
Mahjob Abdalla
M A Muhagir
abubakr salih
Mohamed Suleiman
Tragie Mustafa
كمال عباس
محمود الدقم
amin siddig
Nasr
جلال نعمان
الصادق اسماعيل
عمار عبدالله عبدالرحمن
Mohammed Awad
النذير حجازي
JOK BIONG
فيس بوك
تويتر
انستقرام
يوتيوب
بنتيريست