|
Re: واجــــــب.. (Re: Raja)
|
قريبتي ذلك الأمل والرجاء المنتظر ذلك القلم الواعي والهادف وأناأقول عيني بترفني مالها مرحبا ياشوق نوربيتنا أتطلع لذلك اليراع والبيان الرقيم سؤالي عن الأهل وراوية خيتك وعاصم الحزين أشواقي حين تسعي إليك تشتاق أخوك د.متوكل
| |
![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: Mutwakil Mahmoud)
|
قريبي الحبيب د. متوكل..
سلام وتحية وتقدير..
أسعدتني كلمات ترحيبك الجميلة يا أصيل..
عاصم بخير.. وغرقان في دوامة الحياة في البلد..
أهلي كلهم بيسألوا عليك.. وحملوني أمانة توصيل السلام ليك
ودي
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: Elkhawad)
|
نزار يا حبيب..
سلام وشوق كتيير كده..
تعرف شنو؟ الحلوة هي العيون البتشوف الناس التانيين حلوين..
والله ده ما غزل ..
تسلم يا نبيل،،
دمت
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
تـسـلـمــي يــا حــبــيــبــة (Re: Raja)
|
الواجب يقول أن أحيي الحبيبة نادية..
أختي الحبيبة نادية..
فقدك الجلل يا عزيزة لهو فاجعة لكل من عرف "محمد" الخلوق رحمه الله.. أعرف أن إبنتنا "إيمان" ستفقد الكثير، لأن الأب هو العمود الفقري لأي إبن.. ولكن، أعرف ايضا أن بوجود أم مثلك سيشتد ظهرها، لأن أساسها طيب..
وأعلمي أن لك من الأخوات اللائي لم تلدهن أمك الكثيرات، وأولهم شخصي وشقيقاتي..
بيننا إتصال ولقاء قريب يا حبيبة..
ولك من الود والشكر الكثير الكثير..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: ALGARADABI)
|
مــرة أخــري مــرحــب بيــك .. وســاغني لــك
أبشر بفاتحة الزمان الروح وأصعد هامة الزمن الغناء لا تساوم إذا ما روحك اشتعلت بوادي الحزن حينا أو تواري خلف ضباب التية حينا اصمد.... وأمتشق دفة الحلم الربيعي البكر ... وأحمل فى الصغار صوتك الغناء كل عاشق (المنبر) تغمصوك وأنت تؤمي للقصائد .. أن تحدد موضع إمراة البنفسج.. فوق الحجاب الحاجز أصمد.... وأشهد أن (المنبر) لن يخون .. وإن وجودك لن تصادره الكأبة ..
محمد عبدالله ـ الزنجي
| |
![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: الزنجي)
|
الصديق الغالي محمد عبدالله..
فرحت شديييد بالغنية وبي ترحيبك الوفي يا وفي..
سؤالي عن كل الأحباب.. وأشتاق للقياكم في ذلك المكان الساحر..
دمت صديق عزيز وأخ فاضل..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: Raja)
|
العـزيزة الأخت رجاء، أهـلا بكي من جـديد وسعـيد أنا بعودتك التي انتظرتها م الكتيرين طويلا، وأعتذر عن تأخري في التعبير عن سعادتي بذلك بسبب غيابي عن البورد والكمبيوتر في الفترة الماضية، وكان وجودك هنا هو أجمل ما قرأت الآن،، أردو لكي كل التوفيق وتحياتي عيسى
| |
![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: Isa)
|
رجاء العباسي حتة واحدة !؟ يا ألف خبر ابيض ..... اولا الف مرحب بمقدمك الجميل واسف جدا علي التأخير في الترحيب بسبب بعض المشغوليات لمحت بوست عودتك ولم استطع الرد حينهاواسمحي لي بان ارحب بك الان
حقيقي عودتك عودة الروح والموضوعية والحوار العميق والجمال... وقبل كل ذلك هي تذكرنا بزمن البورد الجميل الذي لن يعود !!!
اهلا بك بيننا رجاء من جديد ونتمني ان يطيب لك المقام ولك كل الود ...
| |
![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: hanadi yousif)
|
رجاء الرجاء...
سلام مني اليك حتى مطلع الفجر..
كم غيابك اثر علينا وفقدنا الأمل في قلم يحل محل قلمك الوثاب....
ويئسنا ردحا من الزمن... ..وها أنت تطلين وفي محياك بسمة المنتصر غير الهياب المتماسك!
السرور يملأ بيتنا وتنطلق زغاريد الصبايا وتضمخ هذا المكان!
مبروك الرجعة يا رجاء...
ع زمراوي
| |
![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: جمال ادريس)
|
الصديق العزيز جمال..
سلامات ومراحب وشوق..
فقدت رقم هواتفك جميعا.. أنا موجودة في القاهرة لغاية آخر الشهر بإذن الله.. أتمنى نتلاقى..
وتشكر كتير على ترحيبك الحلو..
تخريمة: بجد ناس القاهرة ليهم وحشة..
ودي..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: Isa)
|
الفاضل عيسى..
سلام ومحبة..
أتذكر جيدا كلاما كتبته قبل مغادرتي.. عرفت من خلاله أننا تعارفنا قبل دخولك المنبر.. مما أعطاني شعورا جميلا..
أتمنى أن تعود إلى كتاباتك لتعود لنا تلك الأيام الجميلة.. ولتزداد تلك المعرفة الكنز..
تسلم لترحيبك ولتلك الكلمات في حقي..
ودي..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: kofi)
|
الفاضل كوفي..
سلام ومودة..
تكرم كتير على كلامك وترحيبك الذي أسعدني لدرجة كبيرة..
لك الود والإحترام..
دمت
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: Raja)
|
ألف ألف مرحب بعودتك يا رجاء
المنبر يستعيد كل عافيته بك واعزرينا فقد كنت مشغولا باستقبال بنتي التي شرفت الدنيا يوم 15 الفائت فالف الف مرحب بك ولك مودتي عزالدين
| |
![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: عزالدين محمد عثمان)
|
رجــاء التحية والتقدير والشوق كيف الحال والأحوال كيف الأهل أتمنى ان يكونوا في العافية وتامين ولامين ومبروك العودة ياسلام على الذكريات والأيام الجميلة رجاء التحية والتقدير ومودتي لمن نتلاقا بالمهله
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: Raja)
|
مرحبتين حبابك واليوم السعيد الليلة جابك يا رجووووووووووووووووووية ونحن فى انتظار بنات العباسى وبقية الجندريات ,,,,,,,,, ولكن التحايا,,,,,,,,,,,,, ام وضاح
| |
![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: essam&amal)
|
العزيزة اختنا رجاء العباسي سلامات واهلا بالطلة وعودة القلم الوقف ما نام! واهلا بعودة الصوت الصدح ودقش قدام! واهلا بالكلمة لمن تقد عين العدو وتشلع صدق في نص الضلام اهلا بيك رجاء وتحياتنا الي كل العبابسة في كل الدنيا!
هشام هباني
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: هشام هباني)
|
إبن العم الحبيب من طرف الأحباب.. هشام هباني
غايتو بعد الكلام القلتو في حقي ده.. اي تعليق حيكون باااهت..
تكرم يا أصيل..
ودي وتحاياي لأسرتك.. الكبيرة والصغيرة
دمت
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: مروة احمد مكى)
|
العزيزة مروة..
ألف مرحب بيك في المنبر وفي بوست الترحيب..
أسعدتني كلماتك الجميلة.. وأتمنى أن أكون عند حسن ظنك.. مع وعد بعدم الهجر مرة تانية..
لك وافر الود
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: Raja)
|
مرحبا رجاء العباسي لعلها لعمري سابقة أن يرحب العائدون، من بعد غياب طال أو قصر، بالجميع شاملين حتى من ولج الدار في غيابهم. شكرا لك
| |
![AIM](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: Raja)
|
oooops who is here too! what a pretty day !...
رجاء زدتينا بهجة....
مراحب كثر...
وحديقة بابونج...
دمتي...
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: Safa Fagiri)
|
الحبيبة صفاء..
يااااااااااااه.. زمن..
وليك وحشة كبيرة بشكل..
كيفك إنتي وياسر وبنياتك..؟ يا رب تكونوا تمام التمام..
افتقدت حماماتك الجميلة دي.. وورودك المحل ما تمشي تنثريها مع أحرفك يا رائعة..
تسلمي على تحيتك يا غالية..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: Raja)
|
مرحب بالعزيزة الاستاذة رجاء العباسي ، مرحب بعودة هذا القلم الجريء ، ومرحبتين حبابك ، اجتمعنا في دائرة ( الزمن والجغرافية) ، واختلفت بنا وعليناسبل الحياة وتفرقنا في دائرة الايام والسنين والاقدار والتوجهات ، مرحب بعودتك المجيدة .
| |
![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: علي محمد علي)
|
العزيز علي..
سلام وتقدير..
اولا تسلم على كلماتك وترحيبك..
حيرتني شديييد يا علي.. ارجو أن تقول لي إختلفنا وين وليه..؟
وأتمنى إننا ما نختلف تاني..
ودي
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: Raja)
|
رجاء العباسي ...
Quote: مجموع المشاركات: 9999 |
دي حقو تعملي ليها إحتفائية ![](http://www.sudaneseonline.com/db/smilies/biggrin.gif) ![](http://www.sudaneseonline.com/db/smilies/biggrin.gif) ![](http://www.sudaneseonline.com/db/smilies/biggrin.gif)
شنكل:
الأربعة تسعات دي مالا عاملة زي رقم النجدة والعمليات !!
| |
![ICQ](https://sudaneseonline.com/db/blank.gif) ![AIM](https://sudaneseonline.com/db/blank.gif) ![Yahoo](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: Raja)
|
الصديقة العزيزة رجاء التحيات والاشوق واللاذي منو كيفك واحوالك ما عارف بلقي الناس البسلمو عليك في تاريخ قديم يعني شهر 2 وردك في شهر 3 بل بتاريخ اليوم بدي افهم هل هي مشكلة فنية ام ما زال الناس مواصلة الترحاب وانت وصلت البلد دي قبل شهر مو كدي ارسلي عنوانك البريدي في الماسنجر اذا سمحت لاني عندي كلام خاص وليك الود
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: مصطفي سري)
|
الأحباب الفوق سلام..
أسمحوا لي بالترحيب بصديقي الغالي مصطفى سري الإنضم لينا الأسبوع ده..
مصطفى سلامات ومراحب
البوست ده ليه شهر.. وكل يوم برد على الحبايب لغاية يوم الليلة..
رسلت ليك ايميلي..
وفي إنتظارك..
مرحب بيك تاني في المنبر يا سري..
ودي
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: Raja)
|
مرحبا رجاء العباسى , وشكراً كتييييييير لانك هنا تانى
وشكراً تانى لانك كنتى هنالك فى دارفور ومنتظرين قلمك للحكى الما قدرنا عليهو نحنا
وياااااااااامراحب
| |
![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: اسلام عبد الرحمن عمر)
|
الاخت رجاء ..الف مرحب وطبعا انتم اهل الدار واصحابها ..ونحن جئنا بعدكم .. والله ماتتخيلي سعادتي قدر شنو بطلتك هنا ..وعلي فكره كنت في نيالا وعرفت من اسامه انك كنت هناك ورجعت .. اميرة
| |
![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: اميرة الحبر ادريس)
|
رجاء العباسى اسم يأخذك الى بطون الكتب والعرب تقول ولك من اسمك نصيب يقول العلامة الراحل عبدالله الطيب فى سفره (كلمات من فاس)على لسان ابوتمام (لايستقى من حفير الكتب رونقها لكنها تستقى من بحرها الكتب ثم يشرح بقوله:تأمل استعارة الحفير للكتب والحفير مستقى أهل لبدو، وهذايقوى عندك مازعمناه آنفا من أن الشاعرنا لماوجد البداوة الصحراوية قد انفصمت عن الحواضر العباسية التمس الوصل الذى لاينفصم بين البداوة المستفادة من أصالة التراث والحضارة المستفادة من وقائع العصر). نعم ياسيدتى لقد حضرنا هنافى غيابك وفى ترحيبك ادركنا ان حضورك غياب وغيابك حضور
تنهدات: الكلام للراحل الهادى آدم والغنا لام لثوم من قصيدة الغد يارجائى أنا وحدى أدنى منك الرجاء أنالولا انت لم أحفل بمن راح وجاء
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: اسلام عبد الرحمن عمر)
|
صديقي الغالي إسلام..
سلام ومودة..
لم أصدق أن الدنيا صغيرة إلا لما مشيت دارفور والظروف جمعت بيننا..
تسلم كتير على كل شئ.. مع أمنية أن نلتقي تاني مدة أطول.. لأن الحكى لسة ما إنتهى..
ودي الوافر
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: الفاتح يسن)
|
مساء الخير يا سيدتي ..
و يقال ليس من رأى كمن سمع .. سمعت عنك و قرأت : لك و عنك . فتمنيت لو أنني صاحب حظوة في رفقتك كالآخرين .. و ها يتحقق المنى ..
يا صاحبة الدار .. مرحبا بنا عندك ..
تحياتي .
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: nourelhadi awad)
|
الزول المليان محنة وحروفه محظوظة نور الهادي العزيز..
والله ما تقل، ولا كعوبية إني ما أرد على الكلام السمح ده من يومو..
ما عندي اي تعليق أو إضافة.. لأنه حيبوظ.. وأنا حأشيله بي حاله وأبروزه في واجهة روحي.. لمن أموت..
أسعدتني، وأعدت لي الأمل في الحاجات الجميلة..
ودي الجزيل
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: Raja)
|
مرة اخري يا مراحب بـ رجاء العباسي
بالمناسبة قبل سنة تقريبآ كان نزل بوست بانك طلعت الاولي في امتحان المتقدمين للعمل بــ BBC بالقاهرة.. الف مبروك للنجاح الباهر وكيف وجدت تجربة العمل باذاعة عالمية مثل هذه.
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: omar ali)
|
الاخت رجاء
الف مرحب بيك بين اهلك واحبابك فلم اكن اعرف بان لك محبة واحباب كُثر فى هذا البيت السودانى
فحقا انت تستحقين اكثر من ترحاب ....فانت الاصيلة بنت الاصيــل.
أصيــل
| |
![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: omar ali)
|
الصديق الغالي عمر علي..
سلام ومراحب..
نعم إلتحقت بالعمل في بي بي سي ورلد.. وقد أرسلوني مع فريق (كنا 4، 2 مصريين و2 سودانيين) إلى دارفور.. قمنا بإنتاج برنامج إنساني إسمه "سلام إلى دارفور"، 4 مرات في الأسبوع، وبرنامج أطفال "أرسم على الأرض مكانك" مرتين في الأسبوع.. قمت بإنتاج برنامج الأطفال بمفردي لمدة 4 أشهر.
تجربتي في التحول من الصحافة المكتوبة إلى الصحافة المسموعة تستحق الكتابة عنها.. وبالفعل بدات، سأحاول نشرها هنا.
تحياتي وتقديري لكل أحرفك.. وتكرم على تحيتك الجميلة..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: Raja)
|
الأخت رجاء
ألف مرحب بيك في بيتك بعد انقطاع طال واستطال0 لا يرد اسمك إلا أجد نفسي استعيد ذكريات تجرية جريدة الخرطوم أيام القاهرة وكيف كان قلمك مترعا بالجميل المثير في مختلف ضروب الكتابة بما في ذلك الرياضة0 ورغم وقوفي خلف كواليس البورد إلا أنني متابع لما يدور دون مشاركة تذكر0 آمل أن تكون عودتك حافزا لكل الغائبين للمشاركة0
صلاح يوسف
| |
![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: Salah Yousif)
|
الصديق الغالي صلاح يوسف..
سلام ومحبة..
نعم لاحظت إختفاء قلمك الجميل عن المنبر.. أتمنى أن يعود، لأن المكان في أمس الحاجة لمثله.. ألا تستطيع رؤية ذلك..؟
أيام "الخرطوم" القاهرية الجميلة كانت أساسا لعملي في الصحافة.. واساسا لمعرفتي بخيرة الناس من أمثالك..
أنتظر حضورك الباهي..
ولك من الحب الكثير..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: Raja)
|
ازيك ما كنتى مرتاحة و بالك رايق ... الرجعك شنو لل...؟؟
انا في حالة تقهقر و انحسار انترنتى.. جزء من حالة اكبر ممكن تسميها "وجع دنيا", خلطة من حراق الروح والقرف والزهج والحيرة و احساس بلاجدوى و عبثية كتير من الاشياء، تضيفي على الخلطة شوية اعباء اسرية و وظيفية و دراسية تخلطيها جيدا بحبة شتاء و وجع ضهر و الام في الساقين و جيوب انفية مزمنة ..
كفاية و لا ازيدك؟
اتذكرت القصة دى: واحد قابل جاره سلم عليه: كيف احوالك؟ الجار: اوه، فقدت وظيفتى هذا الشهر و سرقت سيارتى الاسبوع الماضى، زوجتى فى المستشفى مصابة بالسرطان و ابنى.... هنا قاطعه "الواحد" داك: انا لم اسالك لتحكى لى كل هذا، بل لتقل لى 'انا بخير' و تمضي فى حالك"!!!
اها يا رجة انا بخير، كيف احوالك؟
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: esam gabralla)
|
صديقي الحبيب عصام جبرالله..
الحمد لله إنك بخير..
أنا زاتو "بخير"..
تجربة السنة المافي مصر دي جعلت العودة للحياة في مدينة.. صعبة للغاية.. كما إنها سلًطت الضوء على شئ ما كان ظاهر في حياتي.. وهو "أنا بنتمي لوين..؟"
تحياتي وحبي
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: خالدة البدوي)
|
الحبيبة خالدة..
النضار في حروفك وترحيبك البيعكس كم جميل ما تحملينه يا غالية..
أتمنى أن يكون الأبناء بخير.. مع ضرورة تعليق خرزة زرقاء في البيت تحميكم من العين..
وألف حمد لله على سلامتكم
حبي وتقديري
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: أبو ساندرا)
|
الغالي أبو ساندرا وأخواتها الجميلات..
تكرم يا حبيب على كل شئ..
وأهو هدى وصلت يوم عيد المرأة.. وعندها موضوع حلو شديد..
ودي
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: بهاء بكري)
|
الاستاذة رجاء...نعم كما ذكر الاحباب قبلي...عاد الي المنبر كثير من رونقه برجوعك ورجوع بقية الحباب...فلا تحرمينا من قلمك الوهاج اخوك د. ياسر
| |
![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: yasir Abdelgadir)
|
العزيز د. ياسر..
سلام ومحبة..
مرة أخرى البركة فيكم في الوالد الجليل، جعلها الله آخر الأحزان إن شا الله..
تكرم يا عزيز على كلامك الجميل وترحيبك بعودتي.. ومرحبا بك انت ايضا..
دمت
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: Raja)
|
سلاااااامات ربما حين دخلت انا للبوست غادرت انت (ودة من سوء حظي) بس الارشيف كان يحكي الكثير عموما الف الف الف الف مرحب
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: واجــــــب.. (Re: طارق جبريل)
|
العزيز الراقي طارق..
سلام ومحبة..
ربما دخولك في وقت غيابي كان لحكمة وهي أن هذا المكان يستحق أن يظل فيه الجمال..
صادق ودي لترحيبك وتحيتك يا نبيل..
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
|