|
توضيح هام بخصوص (( شلوخ )) الجنيه السوداني الجديد.
|
تم طبع العملة السودانية الجديدة بطريقة بارزة حتى يتمكن المكفوفين و فاقدي نعمة البصر من التعرف على العملة عن طريق تحسسها كما في طريقة (( برايل )). كما أنها طريقة مميزة للحفاظ على العملة من التزوير..
و قد تم - حتى الآن - طرح العملات فئة الجنيه و العشرة جنيه فقط.. و لم تُطرح - حتى الآن - العملات فئة العشرين و الخمسين جنيه.
أرجو التأكد من أن.. الجنيه......يحتوي على..... ثلاثة خطوط بارزة. العشرة جنيه ..تحتوي على... ثلاثة خطوط بارزة + دائرة صغيرة. للمزيد من المعلومات ..تعالوا هنا...
http://www.cbos.gov.sd/currency/ar/currencies.html
|
|
|
|
|
|
|
|
Re: توضيح هام بخصوص (( شلوخ )) الجنيه السوداني الجديد. (Re: عمر الفاروق)
|
Quote: تم طبع العملة السودانية الجديدة بطريقة بارزة حتى يتمكن المكفوفين وفاقدي نعمة البصر من التعرف على العملة عن طريق تحسسها كما في طريقة (برايل) |
هذا تطور كبير في فهمنا كسودانيين لأهمية تهيئة السبل للمعاقين حتى يتمكنوا من ممارسة أنشطتهم اليومية دون إحساس منهم بالعجز.
http://www.usdoj.gov/crt/ada هذا الرابط ينقلكم للموقع الحكومي ل Americans with Disabilities Act وهو أنموذج يحتذي في تدعيم مبدأ المساواة بين المعاقين وغيرهم. شكراً للتوضيح يا mamkouna. _________________________________ تحية من هذا المنبر لصديقي العزيز حسن صلاح الدين حسن الذي تحدى ضعف بصره فكان أن استحق بجدارة الترتيب الرابع عشر ضمن أوائل الشهادة السودانية لعام 1995.
| |
|
|
|
|
|
|
Re: توضيح هام بخصوص (( شلوخ )) الجنيه السوداني الجديد. (Re: saadeldin abdelrahman)
|
سلام يا جماعة شفته صور الجنيه وما شفتا اي شلوخ.
التفسير المقدم من ممكونه معقول جدا اكتر من فكرة الشلوخ دي
واعتقد غير جازم ان العودة الي الجنيه بديلا للدينار هو من ضمن متطلبات الايفاء باتفاقية نيفاشا. ودا سياسيا مقبول وايجابي
وهو الجنيه دا لو مشلخ والا ساده ما هو قاعد في جيوب مجموعة التمكين دون بقية شعب السودان، مع سبق الاصرار والترصد، ودا الموضوع البيستحق التمحيص والفلفلة
والله اعلم
| |
|
|
|
|
|
|
Re: توضيح هام بخصوص (( شلوخ )) الجنيه السوداني الجديد. (Re: mamkouna)
|
سلامات ممكونة
الذ إحتاج سمعتو على العملة الجديدة وبالذات الجنيه أبو جنحين دا كان كالأتي :
- هو بلا كدي ماقاعد يرك (في الجيوب) يجي يسولو جناحات كمان
حكاية الجنيه مشلخ شايقي قلتها لواحد زميلي شايقي فجأة انفجر :
- والله عملتنا دي مافاضل إلا يصورو فيها أسامة
(أسامة صديقنا اللدود الغرابي )
ويجو ناس بقال يقولو ليك
| |
|
|
|
|
|
|
Re: توضيح هام بخصوص (( شلوخ )) الجنيه السوداني الجديد. (Re: mamkouna)
|
حامد الصاوي:
Quote: عقبال الخمسين قرش , الطرادة, الريال القرش , التعريفة و صديقي الفرييني و كفاية ّّذل أمام مصطلح دينار الذي لم يجد أي احترام بيننا لفترة طويلة من الزمن. |
يظهر إنو جيبك مقدود .... الشلن وقع منو!!!!
الغريبة إنو ونحن صغار كنا بيرسلونا عشان ندفع فاتورة الكهرباء (كانت في عربات بتجي في الأحياء للتحصيل) وكنا بندفع الفاتورة وبيدونا الباقي معاهو (ملاليم) رغم إني ما حضرت تداول المليم ... لكن هي دي الحالة الوحيدة ... وعلى فكرة، بيسري في إتجاه واحد، يعني موظف (شركة الكهرباء) بيرجعوا ليك باقي، لكن مافي أي جهة بتقبلوا...!!! طبعاً ده قبل صقر الجديان، ولما كان فيهو جمالي البريد!!
| |
|
|
|
|
|
|
Re: توضيح هام بخصوص (( شلوخ )) الجنيه السوداني الجديد. (Re: mamkouna)
|
Quote: تم طبع العملة السودانية الجديدة بطريقة بارزة حتى يتمكن المكفوفين و فاقدي نعمة البصر من التعرف على العملة عن طريق تحسسها كما في طريقة (( برايل )). كما أنها طريقة مميزة للحفاظ على العملة من التزوير.. |
الغالية ممكونة والله خبراً مو زين، وانتي ماعارفة الممكون منو ؟؟
يعني إحنا قاعدين لينا كم يوم كدا نضرب في شلوخ الوالد والوالدة ، تلاتة بهنا وتلاتة بهنا× 2 = ستة مليون جنيه جديد × جنيه قديم = 6 ملايات ورق حائط ، هذا هو نصيبنا من قسمة الثروة تجي تطلعي لينا شلوخنا دي أي كلام؟؟
عنصرية بغيضة وإنحياز أعمى لفاقدي نعمة البصر وتجاهل عحيب لقاقدي البصيرة(أحنا)،، ويعني هسي ناس الحكومة ديل ماتعلموا الحاجات الخاصة الراقية دي إلا في الجنيه ود أعمي دا؟؟ فلاحتهم دي مايسوها في الدولار!!!
تحياتي،،
| |
|
|
|
|
|
|
|