|
Re: والله الغلط هو الصاح!!! بابكر محمد مصطفى سليمان (ود جابيق) (Re: Abu Eltayeb)
|
الأخ مامون .. العيد مبارك عليك .. افتقدتك وزملاء المنبر .. الظروف لا تتيح لي الجلوس للنت .. آمل أن نتواصل في القريب .. وعبرك التحية لزملاء المنبر ..
واليك إحدى قصائد ود جابيق عندما كان بالثانوية:
الحصة الرابعة رياضة نلعب كوره ونمشي أهلنا معلم مافي قال شهرين ما شاف الحافز وكل شهر بصرف يوم تسعة روح إفتش درب الخاص في الزمن الخاص وكل الباقي ثلاثة شهور ولسع نحنا التاريخ في صفحة سبعة الجغرافيا الباب الأول وليهو أسبوع أستاذ الدين ما شفتو أما العربي دا خليك ساكت وخبر الناظر في الطابور الليله عرفتو مؤجر وساكن الحي الشعبي سيد البيت البارح طردو وعفشو مجدع فوق الشارع ومن الحاصل طلق مرتو
| |
|
|
|
|
|
|
Re: والله الغلط هو الصاح!!! بابكر محمد مصطفى سليمان (ود جابيق) (Re: Abu Eltayeb)
|
الأخ مامون .. الشيء الذي يدهش في السودان .. هو أن تزايد الضغوط وصعوبة الحياة .. التعليم العلاج .. متطلبات الحياة اليومية .. القترة التي تكسو الوجوه .. جعلت الوعي يفيض في أنحاء أكواخ أهل السودان .. لقد تعقدت المسألة وزاد عدد الشعراء صغار السن .. حتى في الأرياف .. ينبغي أن نتمهل لنكتشف أن سوء التوزيع للأشياء هو أفضل وصفة لرفع درجات الوعي العام.
| |
|
|
|
|
|
|
Re: والله الغلط هو الصاح!!! بابكر محمد مصطفى سليمان (ود جابيق) (Re: Mohamed Abdelgaleel)
|
الأخ محمد
سلاماً من الله عليك
أقول دائماً أن أجود الشعر عندما يخرج من المعاناة وهاهي معاناة ود جابيق تطل بيننا في هذا البورد ونمني أنفسنا بأن توثق لهذه القامة والذي بشعره يعبر عن كل المكنونات
وما أبدع هذا التوصيف الممزوج بالدهشة والتسأؤل
Quote: جو مع المطر من فوق؟ والله البحر والسيل! مليون مربع ميل ضاقت عليهم ديل! كلمنا قول الصاح والله الغلط هو الصاح؟! |
خالص الود...
| |
|
|
|
|
|
|
Re: والله الغلط هو الصاح!!! بابكر محمد مصطفى سليمان (ود جابيق) (Re: مجاهد عبدالله)
|
الأخ مجاهد عبدالله .. تحياتي وكل عام وأنتم بخير ود جابيق نموذج لحال الزول العادي الذي يؤرقه الحال .. وقد كتب أيام كان طالبا بالثانوية بالقرية .. وسمع أن مدرسته الأكاديمية ستصبح مدرسة فنية قائلا:
فنية
حيرانه سرحانه والحيرة ليك مقنع في حجرك الراقد مستني مين يرفع وهويتك الضاعت بيها الكريم يجمع شباكك الشارع وبابك المشرع وين ولدك الماجاء لما الصباح يطلع وينو سيدك فات سبورتك التلمع معذورة يا صابره ما عندك القدرة حاتبقي فنية لتجربة فكرة فنية يا خبراء فنية شان نقرأ فنية يا عالم بالطاعة والجبره ومليون سؤال ياناس ما نلقى ليهو جواب ليه تبقى فنية وكيف يفشل التعليم لو قلنا مادياً كيف تبقى فنية فنية رمزية الخطة وهمية والحال حيتكرر لا سجن لا دية يا الجايئ يا مجهور يا جيلنا يا وهمي لا أدبي لا علمي لا حلمو لا حلمي لا قاضي لا ضابط عزمو اللحق عزمي يا قاري يا مسؤول ورينا شان ننجم وتحزم إتلزم شان بكره ما نندم الفات تراهو الفات بس منو نتعلم حاج الامين قال ليَ فنية .. فنية هم البعرفوها فنية .. كلية أولادنا بقروها هم الفكر والراي بس ما يبيعوها حاج الامين مسكين لا بعرف الفني لا بعرف الغيرو الفني والغيرو واحد في تفكيرو دي قضية ما هيلو دي قضية لغيرو حاج الأمين أسمع وبقولك أسمعني الفني ما قاضي والقاضي ما فني الفني ما دكتور وما الفني بغني وما يهمنا الفني الفني زي الناس الفني يبقى مدير بقلمو بالكراس بيهمنا الحاصل مسؤولة كل الناس وإيدي في إيدك نبنيها من الساس بالعزم والإصرار باكر تكون نبراس
| |
|
|
|
|
|
|
|