والله الغلط هو الصاح!!! بابكر محمد مصطفى سليمان (ود جابيق)
العيد مبارك عليكم .. زملاء المنبر من كل جنس ودين ولون ورؤية أبتعدت عن المنبر لشهرين إلا عشرة .. وانا بالسودان .. وطبعاً عاوزين تسمعوا من من رأى .. ما حا قول السكات أحسن .. والى قصيدة الإبن بابكر محمد المصطفى سليمان (ود جابيق) .. شاب ترك الدراسة بعد الثانوية والتحق بالزراعة مع أهله بكف تخمش من يلامسها..ولم يعد لديه وقت للقراءة والكتابة .. ويتعاطى الشعر .. ونبدأ بقصيدته التي خرجت من وحي هذا الواقع البسيط إحتجاجاً على قرار حكومي بنزع أراضي ريفي الخرطوم واليكم القصيدة: أناماشي بالشارع لاقاني حاج أحمد شايلو طوريه سايق وليداتو شان يبني واطاتو خايف يشيلوها وب إيدن إبنوها إبنوها كم دكان وسامع كلام الناس جايين لهن سكان (يا والي يا غالي) هي الفينا ما حاقت داير تشيلا كمان داير تجيب سكان؟ الدار تجيبن ديل ما لقولن أي مكان؟ ما عندهن أرياف؟ ومن الله ما بتخاف؟ جايبنهن من وين؟ هم وين أراضيهم؟ جو مع المطر من فوق؟ والله البحر والسيل! مليون مربع ميل ضاقت عليهم ديل! كلمنا قول الصاح والله الغلط هو الصاح؟! قلبك عليهم جد قسم لهم بيتك أقصد عماراتك أيش معنى حق الناس! الشلتو ما كفاك ما كلو بـي إيدك وإن ما قدرنا عليك بقدر عليك سيدك زمن البحر والسيل كان جانا ودعمك الدمو زي دمك! كضب علينا وفات بس نحنا عارفنو حداث وما سواي كان جانا من بعد النهار حظو النعيم الدنيا غيم والجو بيشبه طلعتو ولمن نزل خلق الله كلها بارتو "مادارتو" لاكنو كان واجب الزيارة العرفتو شاف الخراب بعينو لامن ملتو شاف الحرق شاف الغرق المويه كيفن خلتو! لا أنهز خاطرو ولا أنكسر في بسمتو قلنالو يا عز الرجال هون عليك ماكانوا متكولين عليها ولا عليك والله البعِوض كل زول شن عندك إنتا بلا الكلام ترفع إيد وتنزل إيد وتدينا خاطرك والسلام (عدل بواسطة Mohamed Abdelgaleel on 01-03-2007, 11:33 AM)

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]