|
Re: لغــــة الجســـد... سودانية ميّة الميّة.... (Re: نجوان)
|
عليك الله يا نجوان ديل قعدتي لقطيهم كيف ومتين
عالم فاضيااااااااااااااـ بس حلوة
طيب هاك مساهمتنا إضافة للعيون ديل
Quote: منطّط عيونو....مطيّر عيونو....مبحلق عيونو.. مقوّي عينو (غير مهتم بالعواقب... أو مسنود من آخرين)... وأيضا عينو قوية... عينو مليانة (قنوع).. عينو طايرة.. زايغة (بصباص).. عينو حمرا (مهاب)... عينو حارة ... عينو نجيضة (لمّاح)..
|
عينها بيضاء (ما بتخجل ـ مطلوقة)
أفتح عينك قدر الريال أب عشرة (خلي بالك شديد ـ أعمل حسابك مني)
دي إضافة للضهر
Quote: كاسر ضهرو (تعبان في ناس.. وقد يكونوا النسابة ).. |
قصّت ضهرهم (جابت ليهم العار) خصوصا حال عدم علمهم
| |
|
|
|
|
|
|
Re: لغــــة الجســـد... سودانية ميّة الميّة.... (Re: بدر الدين الأمير)
|
ٍســـلام معتز.. دي مجموعة قديمة.. نفضنا عنها الغبار.. شكرا ليك... بالمناسبة بوستك لحفل محجوب شريف.. معبّر جدّا ويترجم الكثير.. تسلم..
__ ود الأمير.. شكرا على الإضافات.. وعالم الأمثال عموما.. والسودانية خاصة.. مدهش وفيه حكم وخلاصة تجارب..
Quote: بعد ماكانت فى الكرعين تبقى فى الوش
|
دي دايما باقية علينا مع المشغوليات وأمسحها لي في وشّي..
| |
|
|
|
|
|
|
Re: لغــــة الجســـد... سودانية ميّة الميّة.... (Re: Moawia Mohammed)
|
اضافات خطيرة يا معاوية ألف شكر..
وأزيدك من الشعر بضعة أبيات:
Quote: دمو بقري دمو تقيل دمو شربات دم دكاتره |
دمو محروق... دمو فاير.. (ودم دكاترة دي كضبوا فيها على ما أعتقد.. والزعل مرفوع )
Quote: قلبو حجر قلبو ميت قلبو كبير |
قلبو مكسور.. قلبو محروق... قلبو ماكلو... قلبو رهيف... قلبو أسود (عنصرية شديدة)..
| |
|
|
|
|
|
|
Re: لغــــة الجســـد... سودانية ميّة الميّة.... (Re: نجوان)
|
الأخت نجوان ..
لك التحية ..
إضافة لسانية:
Quote: سالّي لسانو... لسانو خفيف (لا يؤتمن على سر)... لسانو فالت (لا يحسب كلماته.. وأيضا لا يؤتمن على سر).. لسانه طويل (لاذع.. أو كثير الإنتقاد) لسانو متبرّي منو (مفرط في طولة اللسان).. لسانو مقطوع (لا يستطيع التعليق.. الفاع.. الهجوم.. لسبب أو لآخر).. |
لسانو فلقة
وإضافة (عينية):
Quote: منطّط عيونو....مطيّر عيونو....مبحلق عيونو.. مقوّي عينو (غير مهتم بالعواقب... أو مسنود من آخرين)... وأيضا عينو قوية... عينو مليانة (قنوع).. وعكسها عينو ناشفة.. عينو طايرة.. زايغة (بصباص).. عينو حمرا (مهاب)... عينو حارة ... عينو نجيضة (لمّاح)..
|
عينو نية عينو مكسورة
وواحدة (إيدية)
Quote: ماسك إيدو (ممتنع عن صرف الفلوس)... وايضا قابض إيدو.. قطع إيدو (منصرفات أو مناسبة فلّست به).. مدّ إيدو (على ممتلكات الغير... أو تعدي بالضرب... أو طلب حسنة)... إيدو بيضا (كريم)..إيدو ناشفة (بخيل.. عنيف).. إيدو سايبة (مسرف)..
|
إيدو طويلة (حرامي)
كان إتذكرت حاجة تانية برجع ليك
بوست (دمه خفيف)
| |
|
|
|
|
|
|
Re: لغــــة الجســـد... سودانية ميّة الميّة.... (Re: نجوان)
|
وعن الولادة والمواليد
أضان الحامل طرشا
ووحمى مقابلو
جنا الوز عوام
وعن الوصايا
ما تتوصى وأبقى 10
وعن الولائم
بليلة مباشر ولا ضبيحة مكاشر
قد عرض الناس
قد(بفتح القاف والدال مع تشديد الأخيره) عرض (بفتح العين وكسر الراء)
أى أكل أكلهم كلو ( حينما يكون معزوم) مما سبب لهم الحرج
وعن البشريات السعيدة
خشمك فوقو السكر
والمريح جدا للفضوليين
بيعفن وينشم
| |
|
|
|
|
|
|
Re: لغــــة الجســـد... سودانية ميّة الميّة.... (Re: نجوان)
|
واحدة تبع (الجوف) قلبو كبير (خواف) بس أنا والله ما عارف العلاقة شنو بين حجم القلب والخوف. والمفارقة أنها برضو بتتقال للإنسان المتسامح.
وواحدة تانية: رافع نخرتو (متكبر)
إيدو طرشا (ضربه موجع)
Quote: عينو مليانة (قنوع).. وعكسها عينو ناشفة..
|
دي يا نجوان أظن عكسها (عينو فارغة) مش؟
| |
|
|
|
|
|
|
Re: لغــــة الجســـد... سودانية ميّة الميّة.... (Re: بدر الدين الأمير)
|
Quote: منطّط عيونو....مطيّر عيونو....مبحلق عيونو.. مقوّي عينو (غير مهتم بالعواقب... أو مسنود من آخرين)... وأيضا عينو قوية... عينو مليانة (قنوع).. عينو طايرة.. زايغة (بصباص).. عينو حمرا (مهاب)... عينو حارة ... عينو نجيضة (لمّاح).. |
الفاضلة نجوان سلام ... مقدر مجهودك في لغة مهمة تعبر دون الإفصاح بالمقصود اعلناً وبياناً
لُغة العيون العين تتكلم وتعرب عن نفس صاحبها أو صاحبتها ... بالومضة والغمزة والإيماء
فالإشارة بمؤخرة العين فهي عن أمر
وغمضها برهة إعلان بالقبول والرضى
إدامة النظر دليل على التوجع والأسف
وكسر النظر دليل على الفرح
رفة العين إعلان رجعة غائب
قلب العين إلى جهة ومن ثم صرمها بسرعة تنبيه
| |
|
|
|
|
|
|
|