|
|
 يا جماعة مافي زول عندو دواء للقاوت ده !! والله نجضني نجاض
|
النقرس ،، القاوت ،، داء الملوك
مرض قبيح وثقيل وبايخ ..
جربت اغلب الأمراض الشهيرة بألمها الحاد
لكن زي ده ما لاقاني .. جربت وجع الضروس
ووجع الاضنين والمغص الكلوي والأزمة الحادة ..
والصداع .. والله يا جماعة الخير ده كلو كوم
والقاوت اللعين ده كوم تاني .. والله لمن اكون
ممكون بيهو ما بستحمل حتى حركة زول يجي ماشي
جنبي ..
انا دني ونفسي صغيرة وغلبني اخلي اللحمة والعجب الكمونية
المصيبة انو الفول والعدس برضهم من مسبباتنو .. وفي حاجات كتيرة
مسببة ليهو يعني قصة الأكل دي صعبة عشان كده.....
عليكم الله البعرف وللا السمع بي علاج جذري ونهائي للمرض ده ، كان اعشاب كان
حبوب كان شراب كان اي حاجة يدلني عليهو واكون شاااااااااااااااااااااااااااكر ليهو
ده شنو الثقيل ده ياخ (قال مرض ملوك قال)!!!!!!!!!!!!!!!!!!!!!!!!!!!!1
|
|
 
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: امير عوض الجمري)
|
الاخ ود الجمرى
لا املك الا ان ادعو لك باشفاء العاجل من هذا المرض
وان يمنحك الله الصحه والعافيه
كلن لدى احد الاصدقاء هنا فى جنوب المملكه يعانى من نفش مشكلتك
برضو ماكان قادر يسيب اللحم والكمونيه
الا انه اكتشف احد الشيوخ فى الامارات يظهر فى احدى القنوات التلفزيونيه
ويعالج على ما اعتقد بالاعشاب وقام صديقى هذا بالاتصال عليه ووصف له الحاله
وعلى ما اعتقد كلفه العلاج 1300 ريال وارسله له بال DHL
وصديقى هذا الان على اتم صحه وعافيه
وبناءا على بوستك هذا ساتصل عليه بعد قليل تلفونيا لمذيد من التفاصيل
وساعود لهذا البوست لاحقا انشاء الله .
| |
|
|
|
|
|
|
|
|
 Re: يا جماعة مافي زول عندو دواء للقاوت ده !! والله نجضني نجاض (Re: امير عوض الجمري)
|
Quote: عليكم الله البعرف وللا السمع بي علاج جذري ونهائي للمرض ده ، كان اعشاب كان
حبوب كان شراب كان اي حاجة يدلني عليهو واكون شاااااااااااااااااااااااااااكر ليهو
|
الحِبيِّب صديقي أمير...
سلااااااااااامتك وأبو الحسين وهاشم خلف الله وعادل جبارة ولبورد كلو فداك يا اخوي... إنشاء الله أجر وعافي ليك...
وشريرك مقسم فوق الدقَشَّم!!!
أما العلاج يبقى لي كدي بس تخلي إلتهام اللحم وخوصوصاً السواكْني!!
كميات مودتي... ويا شافي ويا معافي يشفيك وكل مرضى المسلمين ياااااارب...
أبو الحســــــــــين...
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: أبو الحسين)
|
الحبيب ابو الحسين
| Quote: سلااااااااااامتك وأبو الحسين وهاشم خلف الله وعادل جبارة ولبورد كلو فداك |
انا كرامتي دايرة لحم خالي عظم عشان كده بالله طلّع لي منها عادل وهاشم ديل .. ياخ ديل هم المورمني
| Quote: أما العلاج يبقى لي كدي بس تخلي إلتهام اللحم وخوصوصاً السواكْني!! |
ابشرك اللحمة خليتة لي يومين .. وكمان الفول والعدس ..
شغال جرجير وخص
| |
|
|
|
|
|
|
|
|
 Re: يا جماعة مافي زول عندو دواء للقاوت ده !! والله نجضني نجاض (Re: ابو عثمان)
|
سحروك ولا أدوك عين
تسلم يا غالي يا ابو عثمان من كل شر وابو الحسين وعادل جبارة وعجوز وعماد محمود
وكل من في البورد كرامتك .
Quote: انا دني ونفسي صغيرة وغلبني اخلي اللحمة والعجب الكمونية
المصيبة انو الفول والعدس برضهم من مسبباتنو .. وفي حاجات كتيرة
مسببة ليهو يعني قصة الأكل دي صعبة عشان كده.....
عليكم الله البعرف وللا السمع بي علاج جذري ونهائي للمرض ده ، كان اعشاب كان
حبوب كان شراب كان اي حاجة يدلني عليهو واكون شاااااااااااااااااااااااااااكر ليهو
ده شنو الثقيل ده ياخ (قال مرض ملوك قال)!!!!!!!!!!!!!!!!!!!!!!!!!!!!1 |
اها ده يعملوا معاهو شنو ده ؟؟؟؟
العلاج عندي أنا أسمع كويس
1- تخلي الشمارات
2- وتبطل تجري وراء الفارغات
3- وتسمع كلام أم عثمان زين
4- والله مافي زول مضيعك غير عادل جبارة .
يا شافي يا كافي تشفي حبيبي وصديقي آمير الجمري وكل مرضي المسلمين .
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: هاشم أحمد خلف الله)
|
هشومي الحبيب
تشكرات صديقي
Quote: العلاج عندي أنا أسمع كويس
1- تخلي الشمارات
2- وتبطل تجري وراء الفارغات
3- وتسمع كلام أم عثمان زين
4- والله مافي زول مضيعك غير عادل جبارة . |
نمرة واحد انت عارف الشمارات ياخوي ناسه منو ..
نمرة اتنين انا ما لقيت لي مليانات عشان اخلي الفارغات لو في مليانات ورونا محلهن.
نمرة تلاتة ما عليك وكان دايرني انضم للجمعية اياها ما عندي مانع وجبت السلسلة وربطتها في رقبتي وسلمتها ليها .. بس القاوت ده اليفكني .
نمرة اربعة حلوة حلوة حلوة واها ابشّرك خليتو هو ذاتو مع اللحمة .
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: ابو عثمان)
|
العزيز ابو عثمان
تحياتي
| Quote: والقاوت فعلا مرض سخيف بالذات في حالة اهماله |
دي مشكلتي الأساسية معاهو .. اهمال شديد في اخد العلاج وافراط ااشد في تناول المسببات
Quote: اوصيك وصية مجرب
بكثرة شرب الماء وخاصة الصباح علي الريق |
بديت في الشغلانية منذ قراية المداخلة وانشاء الله الوصفة تنجح واظنها آثارها بدت تظهر
| Quote: هناك حبوب جيده اسمها NO URIC - |
نعم دي ادوني ليها عشان استعملها باستمرار في حال عدم وجود التهاب لكن المشكلة اني ما ادر اواظب
| Quote: وين صاحبك ود قسم الله ( الشقله) |
فريج قسم الله في السودان وشغال شغل خاص بعد ما ساب الاسواق الحرة وهو بخير وتمام التمام
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: صديق حمدتو)
|
عزيزي أمير
تحياتي
قبال أقول ليك الدوا الناجع هاك القصة دي :
باشا مصري أيام الخديوية أصيب بهذا المرض بدرجة عالية و نصحه الأطباء بالإبتعاد عن كل أنواع اللحوم.
و بما أنه يموت في اللحم ( ني و نجيض ) فقد تفتقتْ عبقريته بفكرة حتى يرضي بطنه الأمارة باللحمة.
كان كل يوم يقعد في الجنينة و يخلي الطباخ يشوي و هو يقعد في إتجاه دخان الشية و الشغالين في القصر يضربو في الشية و هو يُشْبع نهمه بالريحة 
***
نخش في علاج الأعشاب :
حوالي 93% من مرضى النقرس هم من
حوالي 93% من مرضى النقرس هم من الرجال وأغلبهم فوق سن 45 سنة .. اما النسبة الباقية فمن النساء وأغلبهم ممن تجاوز " سن اليأس " والنقرس داء تمثيلي بمعنى أنه يرتبط بعدم مقدرة الجسم على تمثيل نوع من المغذيات يسمى بيورينات ( PURINES ) .. وتبعاً لذلك فإن البيورينات تؤدي لتكون كميات زائدة من حمض البوليك كناتج عن تكسيرها .. وهذا الحمض هو المسئول عن الألم ، ومتاعب النقرس ، لأن بللوراته تترسب بالمفاصل وتثير بها التهاباً وآلاماً ، وخاصة مفصل الإصبع الأكبر من القدم ( الأخمص ) .
ولذا من الضروري في حالات النقرس تناول الأغذية الغنية بالبيورينات لتجنب الألم والمعاناة أو الحد من تناولها .
الزنجبيل :
عالج المفاصل المسببة للألم بكمادة .
عندما تصاب بنوبة نقرس حادة ، أغل لترين من الماء وأنزل قدر الماء من على النار وابشر قطعة بطول 5 سم من الزنجبيل الطازج الطازج فوق الماء . غطِ المقدار واترك الزنجبيل منقوعاً لمدة 5 - 10 دقائق . وبينما لا يزال السائل ساخناً ، ولكن ليس إلى حد الذي يمنعك من وضع يدك بداخله ، اغمس قطعة من القماش بداخله ، ثم اعصرها وضعها فوق المفضل المسبب للألم .
اترك قطعة القماش في موضعها إلى أن تتوزع الحرارة ، ثم ضع قطعة قماش أخرى وراءها فوراً بعد أن تبردها بالماء المثلج . اترك قطعة القماش الباردة في موضعها لمدة 3 - 4 د3قائق ، ثم أعد قطعة القماش الساخنة استمر في وضع قطعتي القماش بالتبادل لمدة 20 دقيقة وأثناء إتباعك لهذا العلاج ضع الغطاء فوق القدر حتى يضل شاي الزنجبيل ساخناً أطول فترة ممكنة ، استعمل هذا العلاج بالحرارة والبرودة يومياً إلى أن يزول التورم ، ابدأ دوماً بوضع الكمادة الساخنه وأنتهي بوضع الكمادة الباردة .
الحزنبل :
بعض الأعشاب تساعد في تخفيف حمض البوليك وطرده من الجسم لتأثيرها المحفز على إدرار البول مثل الحزنبل ، سن الأسد ، فتناول شاي ( منقوع ) أحد هذه الأعشاب أو مزيجاً منها .
الكريز :
لا يزال الكريز هو أفضل غذاء مضاد للنقرس حيث يعمل على معادلة ( حمض البوليك ) وتخفيفه . وإذا شئت تناول غذاء آخر أقل ثمناً فتناول ( الفراولة ) حيث تعمل أيضاً على معادلة حمض البوليك .
طريقة أخرى : تناول ملعقة كبيرة من العصير ثلاث مرات يومياً ( عصير الكريز الأسود ) والجرعة المذكورة ينبغي تناولها لعلاج نوبات النقرس الحادة إلى أن يزول الألم بإذن الله . وللوقاية يتناول الناس عادةً ملعقة كبيرة يومياً .
الكونباث :
تناول 60 قطرة من الصبغة يومياً أو ثلاث كبسولات كلاً منها 400 - 500 ملليجرام ثلاث أو أربع مرات يومياً أو أشرب ثلاث فناجين من الشاي العشبي يومياً ، هذا المشروب اللطيف المدر للبول يساعد أيضاً في التخلص البيورينات الزائدة ولتحضير مشروب الكنباث ، استعمل ملعقة كبيرة من العشب المجفف السائب لكل فنجان واحد من الماء الساخن ، أنقعه لمدة تتراوح بين 10 - 20 دقيقة وصفه قبل شربه .
بذر الكرفس :
اشرب فنجان من المشروب مرة واحدة يومياً إلى أن يزول الألم والتورم بإذن الله .
بذور الكرفس أيضاً عشب ينظف الدم من المواد الإخراجية ومنها حمض البوليك الزائد ، أضف ملء ملعقة صغيرة من بذر الكرافس المجفف إلى 8 أوقيات من الماء وأرفع المقدار على النار حتى يغلي ، أغليه لمدة 3 - 5 دقائق ثم أنقعه لمدة 5 دقائق أخرى .
القراص :
اشرب من 3 - 4 فناجين من المشروب يومياً . يمكن تحضير شاي ساخن منه وهي ذي نكهة لطيفة ، أضف ملء ملعقة صغيرة من العشب المجفف إلى ثمان أوقيات من الماء المغلي ، أنقعه لمدة ساعة ثم صفه واشربه . ينبغي على الناس دوماً استعمال العلاج لمدة شهر واحد بعد الشعور بالتحسن .
الأرقطيون :
تناول من 20 - 30 قطرة من الصبغة ممزوجة بمقدار من الماء يتراوح بين 1 - 8 وقيات ثلاث أو أربع مرات يومياً . يعمل هذا العشب على تنقية الجسم بلطف بتنقية الدم ، وعليك الاستمرار بتناول هذا العشب لمدة قصيرة بعد أن تشعر بالتحسن .
***
علاج تاني :
من علاجات النقرس و المفاصل :
عصير الكراث ، يضاف 15غ من العصير إلى القدح من الماء ، و يشرب قدحان في اليوم . يغلى خمس غرامات من ورق الغار 15غ من قشر البرتقال النظيف في 200غ من الماء ، و يشرب طوال النهار .
سراجية ، ينفع قدر ملعقة صغيرة من النبتة في قدر فنجان من الماء الساخن مدة خمس دقائق يصفى و يشرب فنجان في اليوم .
لتقنية الدم و إدرار البول و تجمع السوائل في معالجة النقرس يتناول :
بعض عصير أوراق البتولا البيضاء الغضة .
بعض عصير الكرفس .
بعض عصير القراص الغض أو يتناول مع السلطة.
الخوخ 200غ في اليوم .
عصير التفاح المغلي 125غ في اليوم.
عصير العنب 125غ في اليوم .
عصير البندوره 200غ في اليوم .
خسة في اليوم .
للنقرس و المفاصل :
حمام النخالة . ينقع كيلو من نخالة القمح في خمس ليترات من الماء المفلي نصف ساعة يصفى و يضاف إلى ماء الحمام .
***
أو خليك زي الباشا دة يا أمير
شفاءا عاجلا صديقي
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: ابو جهينة)
|
Quote: - وتسمع كلام أم عثمان زين
4- والله مافي زول مضيعك غير عادل جبارة |
هاشم أخوي
عليك الله هسه في داعي لي رقم 4 دي ؟ الزول قال ليك عيان .. يعني عادل جبارة يسوي بيهو شنو أكان هو ما قادر حتى يمشي !!!
الحبيب أمير الجمري
والله فاقدك شديد .. واتصلت عليك عشرين مرة وما لاقيك ألف كفارة وسلامتك وياخي بعد الشر عليك ..
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: احمد العمار)
|
الحبيب احمد العمار
| Quote: يا امير يا ملك ( دا من حسنات المرض دا بيصنفك ملك طوالى ) |
هي يا يابا ملوكيتو طايرة عليهو اللخليني في امارتي دي ويفارقني ..
| Quote: والله ادعو لك بالشفاء التام من كل داء |
تسلم يا راقي وربنا يسمع منك (آميييييييييين)
Quote: و زكرتنى قريبنا عندو نفس المرض قالوا ليهو علاجك تخلى اكل اللحوم قال
( والله القاوت دا كان يكتلنى كلو كلو ما بخلى اكل اللحم هو فى احلى من اكل اللحم ) |
هههههههههها.. ده زي فتحي اخوي برضو قال لو قطعوها كراعو دي اللحمة والكمونية ما بخليهن.
الله يديك العافية
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: عادل جبارة)
|
الف الف لا بأس عليك يا حبيبنا الجمري
عليك بالحرجل
واكل السلطات الخضراء وخاصة الجرجير
انسى حكاية الزيوت والبقوليات
واذا لزم انقع شوية بلح زي نص قيراط من البركاوي القديم بماء ساخن في زير محكم الاغلاق واتركه لمدة اسبوع واشربه كل صباح.
(بس ما تذكر اسمه انه دكاي)
عليك بالحرجل وان لم تجد فاسارسله لك مع عبدالغفار محمد سعيد قريبنا
وبعدين لاتنسي توصية قريبنا ابو جيهنة
لاول مرة اعرف انه ابو جهينة تربية حبوبة ونعم الحبوبات ووالله خلطك امور العلاج العشبي مع الفزلكة العلمية خلتني احتار يا ابوجهينة.
يا خوانا نسينا حبيبنا الجمري - الكلام دا كلو ما داخل دماغو مع الالم الاليم ما علينا سوى ان نقول لك الف الف كفارة ياامير وبعدين انت ما سمين .. الجاب الشي دا ليك شنو؟
وتحياتي وكفارة يا صديق الكل
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: محمد زمراوي عبدالعزيز)
|
يا زمراوي يا حبيب
كيف اخبارك ووين الغيبات
Quote: واذا لزم انقع شوية بلح زي نص قيراط من البركاوي القديم بماء ساخن في زير محكم الاغلاق واتركه لمدة اسبوع واشربه كل صباح.
(بس ما تذكر اسمه انه دكاي) |
معقول بعد العمر ده كلو !!! بركاوي وقديم وموية حارة وزير مقفول ولي مدة اسبوع وتقول لي اشربو الصباح امّال بالليل اشرب شنو يعني !!!!!
| Quote: عليك بالحرجل وان لم تجد فاسارسله لك مع عبدالغفار محمد سعيد قريبنا |
راقد بالكوم وبديت فيهو فعلاً وانشاء الله ربنا يجعل فيهو الشفاء
سلمت يا الحبيب
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: عادل جبارة)
|
صديقي الدود
عادل جبارة
Quote: هاشم أخوي
عليك الله هسه في داعي لي رقم 4 دي ؟ الزول قال ليك عيان .. يعني عادل جبارة يسوي بيهو شنو أكان هو ما قادر حتى يمشي !!! |
يا زول هاشم ده عينو نجيضة وبعرفه وهي طايرة .. وكلامو كلو صاح وما بقع واطة
Quote: الحبيب أمير الجمري
والله فاقدك شديد .. |
هي نان انت فاضي لي يا عادل !!!
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: ابو جهينة)
|
الريّس ابوجهينة
سلمت يا استاذ
Quote: باشا مصري أيام الخديوية أصيب بهذا المرض بدرجة عالية و نصحه الأطباء بالإبتعاد عن كل أنواع اللحوم.
و بما أنه يموت في اللحم ( ني و نجيض ) فقد تفتقتْ عبقريته بفكرة حتى يرضي بطنه الأمارة باللحمة.
كان كل يوم يقعد في الجنينة و يخلي الطباخ يشوي و هو يقعد في إتجاه دخان الشية و الشغالين في القصر يضربو في الشية و هو يُشْبع نهمه بالريحة |
كتلتني بالضحك يا ريس والله ..
لكن لو حصل لي الحصل للباشا ده صدقني الآية حا تنعكس والشغالين حا يشمّوا بس ما ظنيت لي فيهم واحد بضوقه.. ياخي انا ضعيييييييييييييف جداً امام هذه (الغانية) المدعوة اللحمة
الزنجبيل الحزنبل الكريز الكونباث بذر الكرفس القراص الأرقطيرون الخوخ التفاح العنب البندورة .. انشاء الله البيت ما حا يخلى منهم (طبعاً في حاجات ما عرفتها لكن البسأل ما بتوه)
شكراً يا ريس على هذه المادة الدسمة و(المعهودة فيك)
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: امير عوض الجمري)
|
الاخ الجمرى
تحية تخفف الام مفاصلك.
لتقليل افراز حامض اليوريا فى الجسم يجب تقليل الاطعمة التى تزيد من افراز هذه الحامض وهو طبعآ مسئول عن نوبات النقرس المتكررة والمؤلمة. وهذه الاطعمة هى:
1 المخ والكبدة والكلاوى
2 الساردين والسمك المملح والقواقع والصير
3 السبانخ والخدرة والورق والسلج
4 البيرة وخميرة البيرة
5 البسكويت ..
على سبيل المثال..
ويجب كذلك تناول الاطعمة التى تساعد على التخلص من اليوريا الزائدة فى الجسم. ومن هذه الاطعمة:
1 الكرز وبالذات الكرز الاسود
2 نبات السالارى celery
3 الكركم، وهو بهار هندى يستخدم فى تبهير اللحمة فى الطبق الهندى المشهور الكرى curry
4 ورق الزيتون والزيتون نفسه
5 الاناناس
6 كبسولات مستخلصة من نبات اسمه مخلب الشيطان! devil's claws
اتمنى لك عاجل الشفاء.
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: Adil Osman)
|
الأخ العزيز عادل عثمان
تحية تغطيك بتوب العافية
لتقليل افراز حامض اليوريا فى الجسم يجب تقليل الاطعمة التى تزيد من افراز هذه الحامض وهو طبعآ مسئول عن نوبات النقرس المتكررة والمؤلمة. وهذه الاطعمة هى:
1 المخ والكبدة والكلاوى
2 الساردين والسمك المملح والقواقع والصير
3 السبانخ والخدرة والورق والسلج
4 البيرة وخميرة البيرة
5 البسكويت ..
احييييييييييّ انا .. يعني يا جماعة انا آكل شنو؟
على كل حال يا دولي ديل خليناهن يللا النشوف البنفعن معاي شنو:
Quote: ويجب كذلك تناول الاطعمة التى تساعد على التخلص من اليوريا الزائدة فى الجسم. ومن هذه الاطعمة:
1 الكرز وبالذات الكرز الاسود
2 نبات السالارى celery
3 الكركم، وهو بهار هندى يستخدم فى تبهير اللحمة فى الطبق الهندى المشهور الكرى curry
4 ورق الزيتون والزيتون نفسه
5 الاناناس |
تمام يا زول .. لكن السالاري ده اجيبو من وين!! انت وابو جهينة بتجيبو الاسامي دي منين!
| Quote: 6 كبسولات مستخلصة من نبات اسمه مخلب الشيطان! devil's claws |
هوووووووووي يا عادل ده شنو ده!!
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: امير عوض الجمري)
|
Quote: 1 المخ والكبدة والكلاوى
2 الساردين والسمك المملح والقواقع والصير
3 السبانخ والخدرة والورق والسلج
4 البيرة وخميرة البيرة
5 البسكويت ..
احييييييييييّ انا .. يعني يا جماعة انا آكل شنو؟
على كل حال يا دولي ديل خليناهن يللا النشوف البنفعن معاي شنو:
Quote: ويجب كذلك تناول الاطعمة التى تساعد على التخلص من اليوريا الزائدة فى الجسم. ومن هذه الاطعمة:
1 الكرز وبالذات الكرز الاسود
2 نبات السالارى celery
3 الكركم، وهو بهار هندى يستخدم فى تبهير اللحمة فى الطبق الهندى المشهور الكرى curry
4 ورق الزيتون والزيتون نفسه
5 الاناناس
تمام يا زول .. لكن السالاري ده اجيبو من وين!! انت وابو جهينة بتجيبو الاسامي دي منين
Quote: 6 كبسولات مستخلصة من نبات اسمه مخلب الشيطان! devil's claws
هوووووووووي يا عادل ده شنو ده!! |
اخوي امير يا رائع
اكيد ردودك لكل محبيك وهم كثر اكيد بكون خفف ليك من الالام لان وقوف الناس معك في محنتك القاووتية دي بخفف الالام وخلاك تفرفش وتنسى امر القاوت وايضا خوفك من عدم التخلي اطايب اللحوم البيضاء منها والحمراء خلانا نعمل الف حساب حتى لو جاتنا طعنات حنقول والله دا ما قاوت وحنضرب الحاجات الفوق دي ضرب مبرح متى ما توفر ذلك وانتفخ الجيب انتفاخا.
انا زاتي خفت من كبسولة مخلب الشيطان دا..
وبعدين الواحد ياكل ورق الزيتون دا كيفن .. دا زي القات اليمني مر مرارة غير عادية وهو نجيض ما بتاكل.. وطالما نصيحتي ليك بالبلح المنقوع ما حتقدر تشربو في الصباح لا بأس بالليل بس ما تبيت القوى.
انشاء راح الالم يا حبيبنا.... ومرة اخرى عليك بالحرجل وعصير القونقوليز gonglaiz
وسلامتك يا عزيزنا
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: خالد علي محجوب المنسي)
|
خالد (ريكا) المنسي
سلامات يا ابن عمي
| Quote: يا اخوي ماظنيت دا قاوت دا كُبر... أظنك انت فاكر نحن لسع في سنة 1990 لما كنت بتلعب كورة |
والله بيني وبينك اظنو الكبر يا خالد .. وحليل زمن الكورة الملح كلو مطلعنو عرق وان كان انا ما كنت بعرق في الكورة اخوك طبعا حريف بخلي الطلب يشتغلو ويجيبوها لي مرّة احمد محمد بين الشوطين قال لي يامير ياخ ما ممكن انا عرقان اكتر منك طبعا هو المدرب.
| Quote: بس يا اخوي مرض الكبر دا تقع ... بول النمل تتمس بي بعد المغارب |
الله يجازي محنك يا خالد .. دي زي المعاينة حقت المليون شهيد.
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: EMU إيمو)
|
العزيز إيمو
تحياتي
Quote: ربنا يديك العافية ولو وصفات الأطباء والخبراء ما نجعت
ربما يكون العلاج في القات اليمني وإلاّ الزواج هو الخيار اللي ما بعده عجور |
غايتو الزواج جربناهو يا ايمو والمشكلة انو القاوت جاء بعدو.. يعني باقي القات والله معانا يمني في الشغل وبيني بينك ما بختى يكون مخزّن القات في غرفتو قبل ما يخزّنو في كضومو .
سلمت يا غالي
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: ahmed agooz)
|
رفيق الدرب احمد عوض (عجوز)
الممارضني دائماً ايام الزنقة الشديدة
والله يا جماعة احمد عوض ده لمن يجي يمارضني لمّن يحنني علي نفسي
زولاً حبوب بالحيل والله بتألم اكتر مني
الله يديك العافية يا حمادة
Quote: يا امير بجمالك سحروك والا مالك
تام يااميري نورك وفاتن زي عيونك
مولاي لي منية تشفي الجمري ضمة
والقاوت يفارقو والم الراس يبارحو |
انشاء الله يا احمد والله اكتر حاجتين تاعبني ومزهجني القاوت ووجع الراس
Quote: ونازر يوم يطيب الطلي ليك اجيب
والشية ومرارة ونفرح بالكرامة
والدعوة موصولة حرومنة ورجولة |
شية ومرارة تاني يا احمد عوض !!
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: صديق الموج)
|
صديق يا موووج
سلامات يا الحبيب
| Quote: امير الف سلامة عليك لكن اقع لحم البقر بعالجكهاهاهاهاهاهاها |
والله ياخوي البقر والخرفان ديل تاني الا اتصوّر معاهم
| Quote: بعدين وصية هاشم ما ترميها واطة خصوصا الفقرة اربعة دى خلى بالك منها كويس،، |
لا ليك علي شغااااال بيها كويس وصية هاشم وبالذات الرابعة وشايف تحسّن ملحوظ وشكلي حا ارجع للحمة اظنو السبب هو نمرة اربعة
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: امير عوض الجمري)
|
يا ود الجمري
الزول الرهيف ...الخفيف ... الحريف
ســـلامات والف ســـلامة
المثل قال الما بعرفك يجهلك
نحنا عرفناك رهيف ... والقاوت ناسو مدوورين واغلبهم 4x4
هل؟ والسؤال بكل براءة , هل كورتك ربطت وتكورت في بيت الداء والدواء؟
ما داير ازكي كلام الحبيب الدبلوماسي صديق ... لكن بيني بينك الزول اخير ..ينجّم شويه
ويفقد روحو
ويازول قالو النفس زاملة سييدة... المطايب الزمن ...اللهم لاتحرمنا
نفسك برها ... وروحك ماتلعب فيها ..
صحـــتك راسمالك
لك تحياتي
المرة الجاية لازم تمرنا عند زيارتك الامارات
معتصم العربي
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: عثمان سيد أحمد)
|
الفنان الجميل عثمان سيد احمد
| Quote: سلامات وكفارة البيك يازول |
تسلم من كل بلاء يا عثمان يا اصيل
Quote: وأبعد يا خوي من الفول ومشتقاته واللحم الأحمر ومشتقاته
وعليك باللحم الأبيض ومشتقاته !!!!
وستكون بخير وعافية إن شاء الله 000 |
والله يا عثمان الفول ده مقدور عليهو لكن اللحم وغايتو صعب وان كان المحاولات جارية للابتعاد نوعا ما عنه واليومين ديل قاعد آكل عن طريق وليداتي يعني اشيل اللحمة وامطّق وادخلها في خشم ولدي .. يعني ماشي في اتجاه قصة الباشا بتاع ابو جهينة .
سلمت يا حبيب
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: معتصم عبدالرحيم)
|
العربي المعتصم
كيفنك يا سيد الناس
| Quote: الزول الرهيف ...الخفيف ... الحريف |
امير التمانينات ده راااااح زمااااااااااان يا معتصم
| Quote: نحنا عرفناك رهيف ... والقاوت ناسو مدوورين واغلبهم 4x4 |
والله يا معتصم يا حليل زمن الرهفة ياخوي انا بقيت 6 في 4 (صالون عديييييل)
| Quote: هل؟ والسؤال بكل براءة , هل كورتك ربطت وتكورت في بيت الداء والدواء؟ |
بالظبط يا معتصم ده الحاصل .. وتعرف يا معتصم اكتر حتة بكربني فيها كراعي الشمال ، يعني
مفروض بي كمية الشوت والشليت العملتم الكراع دي ما تحصل فيها اي حاجة.
| Quote: المرة الجاية لازم تمرنا عند زيارتك الامارات |
انشاء الله والله يا معتصم والنية قرييييب
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: عبدالكريم الامين احمد)
|
انا قايل روحي دنئ
ودناوتي بتخليني أضارب الاولاد الصغار في دناو
وأختف اللحمة من الصاج وانشل لحمة الملاح
لمن زارني القاوت
اطمنك ما ليه علاج
حبيتني قدر شنو ؟
يازول أيام الألم تترك كل جاجة فيها ملح
وتاكل كل ما له علاقة بالحشيش
لالالالالا الحشيش فصيلة البرسيم
مش الحشيش فصيلة البنقوووو
يعنى تقع الجريجير والخس بدون ملح
ومعاهم الخيار وصدقني حنكون من خيار الناس
( قديمة ) ده من أثر القاوت
اسمعني هنا انا من زارني القاوت
يطلة اكل الفسيخ والكمونية والكبدة
وعلى فكرة انا جني والأكل النيئ
وبعد ده زارني القاوت
اتمنى ليك تقل وحوحتك
واقل صراخك
وتلزم السرير بدون الطازج والدسم
وتبطل الجرسة وتبقى راجل
وفي النهاية ليك الشفاء بإذن الله
مودتي ومحبتي
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: Emad Abdulla)
|
العمدة (الديامي)
كيفك يا جميل
وحشتنا ايامك في الرياض مع الجميل ازهري صالح
Quote: عندنا أخونا ضرسو ( نجضو ) كده ..
قام قلعو .. |
عاد يا عماد كراعي ما بتتقلع .. الا اسوي معاها زي الملك مع العسكري القصيّر .. يعني كراعي توجعني اقوم امشي اقلع ضرسي..
ما قالوا الملك جاء يحضر ليهو اعدام بتاع واحد في مملكتو اها الجماعة بتاعين المقصلة قالوا ليهو يا مولانا الزول ده طويل علة المقصلة دي قام اتلفت كده وكده قال ليهم خلاص اشنقوا العسكري القصير ده.
Quote: أوعك تستعمل الإسبيرات القال ليك أساميها أبوجهينة ديك ..
تقوم كمان تخليك تقلب جلب ولا حاجة |
هو انا لاقيها يا عماد ما خليت لي منطقة صناعية .. اقصد (عطارة) ما مشيت ليها ..
Quote: تسلم من كل شر يا صاحبي ..
لكن الزوجة البتعمل الكمونية و اللحمة البيجيبو القاوت ديل .. غيّرها ياخ |
الله يسلمك يا عمده .. (الكلام ده بجيب ليك الهواء مع فيصل عبد اللطيف) .
وبيني وبينك الشيء ده جيته بيهو من اهلي ياخي انا فتحي اخوي لو شمّ ليهو ريحة شية في الحلة يمشي يجيب خروف ويجي .. والله نحن المصارين الأكلناها في الكمونيات تعمل ليها مليون عنقريب هبابة.
شكراً يا عمده يا طااااااااااااااعم
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: محمد سنى دفع الله)
|
Quote: انا قايل روحي دنئ
ودناوتي بتخليني أضارب الاولاد الصغار في دناو
وأختف اللحمة من الصاج وانشل لحمة الملاح |
والله دي دناوة مصفّحة يا السني ..
وبعدين ياخوي الدناوة ما وااااااااااضحة فيك ..
Quote: لمن زارني القاوت
اطمنك ما ليه علاج
حبيتني قدر شنو ؟ |
هاااااااااااااااا؟! هي نان نسوي شنو يا السني؟
والله لكن كتر خيرك بالله ده القدرت عليهو!! ياخي غشّني
انشاء الله تقول لي انقع عشبة الكرفريتوك في زيت الدربنيل
وامسحوا الساعة تلاتة صباحاً بالظبط يعني تلاتة ودقيقة ما بنفع
والله ده كلو كان احسن من (قنبلتك) دي .. قال ما عندو علاج قال!! شوف ده بالله!
Quote: وتاكل كل ما له علاقة بالحشيش
لالالالالا الحشيش فصيلة البرسيم
مش الحشيش فصيلة البنقوووو
يعنى تقع الجريجير والخس بدون ملح
ومعاهم الخيار وصدقني حنكون من خيار |
والله اليومين ديل يا السني انا عايش لي معادلة عجيبة جداً .. شغال أرنب وثعلب عليك الله ديل بتلمو
يعني حشائش ودواجن بس .. والله الخص والجرجير ديل بقيف ليهم على اربعة والهطم لهط الجن ..
Quote: وبعد ده زارني القاوت
اتمنى ليك تقل وحوحتك
واقل صراخك |
هم اريتم يا السني كان وحوحة وصراخ .. والله انا بطق الكوراك عدييييييييل
مرة أيمن ولدي الصغير سمعني بالليل جاني جاري مالك يا ابوي قلت ليهو يا ايمن
عندي حيّة في كراعي قال لي جيبة النبوسة ليك .. تقول لي وحوحة والله صوتي يجيب الضهبان.
Quote: وتلزم السرير بدون الطازج والدسم
وتبطل الجرسة وتبقى راجل |
ياخي الرجالة تطير والله القاوت ده ما معاهو اي رجالة وللا نسونة (كلنا في الهواء سواء)
تحياتي يا رائع وشكراً كتير .. ومرورك فيهو الشفاء
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: ALGARADABI)
|
ابن عمي الحبييييييييب
عمر محمد الحسن (القردابي)
| Quote: دي خرفان فتحي يادوووب تأثيراتا ظهرت |
والله صاح يا عمر .. وطبعا المسكين ظهرت فيهو هو اول زول .. لكن برضو مرات تلقاهو ما قادر يمشي
نكون بناكل وهو يكون مركّز مع السلطات وآخر حاجة يقطع ليهو عيشة كبيييرة ويخم نص المونية ويقول ليك كدي النمرق نفيستي.. الله يطراهو بالخير والله يا عمر بيني وبينك خلّ الحاجات دي كلها الله يواليهو بالعافية.
| Quote: والله انتو يا أولاد بت محمود الواحد كان شما ليهو ريحة شيه فى الحلة يشترى خروف!!!! |
هههههههههههها الله يجازي محنك يا عمر ذكرتنا ايام عجيبة ..
تحياتي يا ابن عمي وسلامات للعيال وامهم
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: Sidig Rahama Elnour)
|
صديق ود رحمة
سلامات واشواق
| Quote: قلت لي ما قدرت تشارك قروش الملوك قلت تشاركهم المرض ؟؟؟ |
انا تطير عيشتي يا صديق يعني الإمارة اسم ساكت والملوكية مرض بس ..
Quote: والله مرضك دا أنا ماعندي ليهو علاج غير سفرة للأمارات بالفورد بتاعتك ديك ، وتبيت في الغويفات في الشارع برة عشان يكون همك في المخارجة مش القاوت
جرب وأحصل على الدواء مجاناً |
والله كانت اجمل رحلة يا صديق وانشاء الله تتكرر .
تسلم يا حبيب
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: omer abdelsalam)
|
ابو انس الصحافابي
عمر عبد السلام
التحيات الكبار
| Quote: أخوى / ودالجمري سلامات .انا ياخوي اول مرة اسمع باللقاوات ده |
كيف الكلام ده !! يا عمر النقرس وداء الملوك ده كلو ما سمعت بيهو؟ لكن احسن ليك وبركة الما سمعت بيهو وانشاء الله ما يجيك ووالله يحفظك من كل بلاء.
| Quote: ( الرطوبة ) عملت عمايلة في رجلينا في المغرب بس نقول ليك ربنا يعطيك الصحة وتسلم ياود الجمري |
الله يحفظكم يا عمر .. وطبعا الرطوبة وىلامها لا تذكر امام الم هذا اللعين المدعو القاوت .. والله لو كان راجل كنت فرمتو عديييييل كده..
تشكرات يا رائع وقول لي طارق جبريل .. قاوتي ده ما عاجبك وللا شنو؟
| |
|
|
|
|
|
|
|
|
 Re: يا جماعة مافي زول عندو دواء للقاوت ده !! والله نجضني نجاض (Re: تيسير عووضة)
|
القاوت ده .. مرض الناس المرتاحين .. الناس المرطبة ..
انا غايتو ما عندي ليك اي حاجة غير انو أقول ليك ( سوسته ) يا امير .اكعب سوسة بتاعت العضم دي ..نصيحتي ليك لما تمشي لي اسكراب في مطعم ريم ما تطلب ( اقاشي ) الباسطة كويسه مع حالتك دي ..
ياكمان خليك ( ثعلب ) .. اضرب الجكن المشوي وعندنا ليك وصفه تانية كدا إذا بتريد بس جيب ليك ( بستله) كبيرة وتعال لينا بي هناك ..
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: tmbis)
|
الحبيب أمير الجمري ..
سلامات يازول .. القاوت ماغلطان القال ليك أبقى ملك منـــوا ..
بعدين قالوا في واحد جنو طشمه .. يوم جاره جه لقاهو نايم في الكوشـــه ..
صحاهو وقال ليه ياراجل الكلام ده عيب .. صاحبنا قال ليه إنته مجنون .. والله أنا 30 سنة بفتش لي طشمه ذي دي ...
أسع الخروف والكمونية والمطايب السوا ليك القاود ديل .. نحنا لينا 16 سنة في السعودية نفتش لي خروف ذي ده .. تصدق من بعد ماكنا في بيت جزازير اللحمه كل يوم من 5 كيلو ولي فوق دي لحمة محمرة .. تصدق بقينا الشهر كله نباصروا بي 3 كيلوا لحمة .. شفته القاود ده حقار كيف .
لك المحبة والود .. وإنشاء الله القاود يودوده البير ..
عليك بي وصفت أبو جهينة ( ده لو رسل ليك الترجمة بالماسنجر ) ..
وكمان كان مافهمته الحاجات القاله دي ( أقع وصفت الحرجل .. بيني وبينك دي مفهومه ) ..
ذكرني برنامج طبق اليوم في تلفزيون السودان ( المذيعة .. تجيبي 2 كرفس + مارتديلا + زيت جبنة شدر + ..........) تعرف بعد البرنامج ده أأكد ليك نصف ناس السودان يكون الغده مفروك بيك كسره .
تحياتي لك ولأهل الصحافة الحلوين ..
خالد الأرباب
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: Khalid Saeed)
|
الله يديك العافية .. بيني وبينك صاحبك معاهو حق الكمونية ما بتتخلى لكن الوجع حار وانا
اسي لي يومين خليت اللحمة ووالله واحشاني وحشة ..
والكمونية دي بالذات ساهل تخليها..
في زول ياكل أحشاء?
عاين كلمة احشاء دي تخوف كيف!
اتذكر غرفة العمليات وعمليات الفتاك والسرطانات والإستئصـالات وانت تهجرها..
ياساتر عليك يا أمير..كمونية? وكمان تحبها?!
سـلامتك وبس التزم وانت تبقي كويس..
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: Muna Khugali)
|
الغالية منى خوجلي
تحيات وكمونيات
يالله يا منى في زول ما بحب الكمونية والله بالغتي عديل كده
Quote: والكمونية دي بالذات ساهل تخليها..
في زول ياكل أحشاء?
عاين كلمة احشاء دي تخوف كيف! |
والله يا منى انا خليت الكمونية مجبووووووووووور وشكلي حا ارتد .
وبعدين مش احسن اكل الأحشاء من حرقها في نا بحرقوا الحشاء.
ونحن يا منوية كلامنا كله احشي لي بي طحنية .. انت الليلة حاشي بي شنو..
والله امبارح امي حشت لي فول مدنكل خلاص .. شفتي الحشي ده لذيذ كيف
| Quote: ياساتر عليك يا أمير..كمونية? وكمان تحبها?! |
هههههههههها .. ذكرتيني قصة لذيذة عندي اختي الصغيرة قبل كده اتعشت معانا بي كوارع
تاني يوم جاها مغص شديد جدا وديناها مستشفى الأطباء في دكتورة حنكوشة كده قالت ليها انتي اكلتي
شنو؟! قالت ليها اكلت شوربة .. نطيت انا قلت ليها اكلت كوارع .. قالت ليها .. يا سااااتر. اللذيذة اختي زعلت مني قالت لي كيف تقول ليها اكلت كوارع قلت ليها ما عشان تديك العلاج الصاح .
سلمتي يا ام آية يا حبوبة منى
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: Khalid Saeed)
|
الأرباب أخوي
ازيك يا ود القبائل
| Quote: القاوت ماغلطان القال ليك أبقى ملك منـــوا .. |
تسلم يا خالد والله انا ما بصدق اسمي ده الا لمن اكون جنبكم وفي حواكم
لكن يا خالد الملوكية دي بس ما تجي الا في القاوت ده .. ما عندها حاجات
تانية كتيييييييرة .
| Quote: أسع الخروف والكمونية والمطايب السوا ليك القاود ديل .. نحنا لينا 16 سنة في السعودية نفتش لي خروف ذي ده |
لالالا يا خالد الشغلانية دي مترسبة من زمان،، ده ما شغل خرفان السعودية .. خرفان هنا دي الشبع في تلتلة خلي كمان لمن تجيب ليك قاوت .. هو عليك الله خروف يجيبوهو في كرتونة ده فيهو فائدة؟
Quote: عليك بي وصفت أبو جهينة ( ده لو رسل ليك الترجمة بالماسنجر ) ..
وكمان كان مافهمته الحاجات القاله دي ( أقع وصفت الحرجل .. بيني وبينك دي مفهومه ) .. |
غايتو قاعد افتش عند العطارين .. لكن في واحد قلت ليهو داير حزنبل قال لي (والله البلد دي تعمل اكتر من كده)
ذكرني برنامج طبق اليوم في تلفزيون السودان ( المذيعة .. تجيبي 2 كرفس + مارتديلا + زيت جبنة شدر + ..........) تعرف بعد البرنامج ده أأكد ليك نصف ناس السودان يكون الغده مفروك بيك كسره .
ههههههههههههههها .. والنص التاني مقيلين وقاعدين بلا غداء وفاتحين خشومن مع الكرفس والشدر وطبعا في ناس بقولوا للشجر (شدر) يعني القصة بتكون اتلختت عليهم خالص (جبنة شجر) دي كيف دي .!!!!
تسلم يا ارباب
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: tmbis)
|
تامبا
سلامات وليك وحشة
| Quote: القاوت ده .. مرض الناس المرتاحين .. الناس المرطبة .. |
تعال يا تمبس شيلو بي راحتو وترطيبتو .. وبعدين غير اللحمة الفول والعدس بجيبوهو (تقول لي مرطبين)
| Quote: انا غايتو ما عندي ليك اي حاجة غير انو أقول ليك ( سوسته ) يا امير |
ههههههههههها .. والله ياهو (السوس) نخر العظم ومصّ الدم ونحن برضو متشبثين بالصغرة وبنقابض كده للطيش ما شايفني عامل فيها دفعتكم انت ومعتصم.
| Quote: نصيحتي ليك لما تمشي لي اسكراب في مطعم ريم ما تطلب ( اقاشي ) الباسطة كويسه مع حالتك دي .. |
كمان داير تجيب لي سكري يا تمبس ياهو ده الفضل اصلو.
| Quote: ياكمان خليك ( ثعلب ) .. اضرب الجكن المشوي |
لا .. اطمنك والله اليومين ديل لو شفت لي ديك اخجل من شدة ما ركزت مع الجداد..
| Quote: وعندنا ليك وصفه تانية كدا إذا بتريد بس جيب ليك ( بستله) كبيرة وتعال لينا بي هناك .. |
ههههههها جايييييكم .. وبي جردل عدييييييييييل.
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: تيسير عووضة)
|
تيسير
تحياتي وتقديري
Quote: أديك النصيحة ؟
أبعد من حرف الكاف ومشتقاتو .. |
Quote: كبدة
كلاوي
كمونية
كوارع
كفتة |
والله اسي ريقي جرى يا تيسير .. غايتو جنس طفاسة..
لكن مافي حل وفعلاً لازم نبعد من الحاجات دي
دي برضو معاهم .. ههههها
وعندي ناس اسماؤهم برضو بتبدأ بي حرف الكاف وبرضو حا ابعد منهم زي عندك مثلاً (كادل جبارة)
شكرا شكرا كتير
| |
|
|
|
|
|
|
|
|
|
Re: يا جماعة مافي زول عندو دواء للقاوت ده !! والله نجضني نجاض (Re: امير عوض الجمري)
|
ود الجمرى
سلام يا جميل
اولا لازم تبعد من اللحوم والفول والكمونية ولازم تعرف ان القاوت يمكن ان يقود الى الفشل الكلوى ولازم تعرف انك يجب ان تعيش لأطفالك لان الحياة ستكون قاسية لهم بدونك ولان ال الجمرى كفاهم احزان ولا مستوجب لمزيد من الاحزان!
اولا يتوجب عليك تخفيف وزنك
ثانيا عليك بشرب ثمانية اكواب ماء على الاقل يوميا عطشت ام لم تعطش
ثالث تناول الكريز معلب او طازج 200 جرام يوميا
تناول العنب الازرق يوميا
عمل مكمدات تلج لمدة عشرة دقائق يوميا على المنطقة الملتهبة وغالبا ما تكون اصبع الرجل الكبير
انصحك بزيارة محل اعشاب امريكى وكيله الموزع الحصرى شركة ارمال والمحل اسمه GNC وتوجد فيه اعشاب ممتازة ومجربة
تمنياتى لك بالشفاء ةالذى يعتمد على عزيمتك وعون الله
جنى
| |
|
|
|
|
|
|
|
|
 Re: يا جماعة مافي زول عندو دواء للقاوت ده !! والله نجضني نجاض (Re: ahmed agooz)
|
عزيزي أبو عثمان
صباح الخير
سلامات يا جميل ، طبعاً إنت عارف ده مرض الطبقة البرجوازية ( ما شاء الله ) كبرت معاك ، العلاج هو إرسال فاكس على الرقم التالي :ـ 4871070 ، فهنالك علاجين بالآعشاب أو الأدوية العادية وسيوافوك بما هو مناسب لك بعد إرسالك لهم المشكلة منذ بدايتها وأن تكتب لهم أسم المرض وأعراضه ومعاناتك منه بالضبط والفاكس معنون إلى عيادة الرياض " طب " وسيوافونك بالعلاج إن شاء الله ، ولا بأس كفارة يا مرمر . تحياتي .
| |
|
|
|
|
|
|
| |
امير عوض الجمري
على محمد على بشير
أبو الحسين
ابو عثمان
هاشم أحمد خلف الله
صديق حمدتو
ابو جهينة
محمد زمراوي عبدالعزيز
Adil Osman
عواطف ادريس اسماعيل
رأفت ميلاد
عبد المنعم سليمان
ناذر محمد الخليفة
خالد علي محجوب المنسي
EMU إيمو
صديق الموج
معتصم عبدالرحيم
عثمان سيد أحمد
عبدالكريم الامين احمد
محمد سنى دفع الله
Emad Abdulla
ALGARADABI
omer abdelsalam
Sidig Rahama Elnour
تيسير عووضة
tmbis
Khalid Saeed
Muna Khugali
jini
فيس بوك
تويتر
انستقرام
يوتيوب
بنتيريست