|
حكاية الحاج ودبشير - اصلو العروس ابت العريس
|
بسم الله الرحمن الرحيم (1) حكاية الحاج ودبشير حكاية الزمن الانين والآهة في الحوش الكبير في عام كبييس وعقاب شهير والليل مغادر الناس نيام وناس سهرانة في العرس الشهير تلب فجر حاج ودبشير وصبح الصباح الكانو نايمين صحصحوا يارب حلم؟! جانا من وين حاج ودبشير؟! صرصر وشيه حمر عينيه نهر النسوان ادخلن خل العيال قلبن يطير ناسن تنطط بالفرح ناسن من الحصل عقلن سرح ( من هسة ياناس السجم ادوا الفرض ما في البيوت فوق االجوامع والحرم مافيش سهر مافيش سكر مافيش اكل مافيش شراب مافيش قروش ما فيش .... ناس اتملت من الشحم كبرت كروش فرحانة بالحاج ودبشير وباقي العيال لما النفوس اتضايقت والحوش صغر رغم الوساع ومنه اتمسح صافي الضمير. الاغترب صوت المغني المكتئب ( لا سراب الصحرا موية...) لا من نشف منه الغنا والفي المجاهيل انضرب المزارعين والدكاترة الصيادلة البياطرة والايادي الماهرة عاملة وجوك يالحاج ود بشير الصعاليق المطاليق والعطالة وغنو ليك امشي سير ديل ما شوية عمالة خانو دينهم بالعمالة كاسوا للمال الوفير يا حاجنا سير والحول في طيز الحول يصير والحول قصير والحال يمحن للبصير وفي يوم صباح حاج ود بشير نادى الوليد المستشار قال ليه يا فهم الدكاترة عايزك تشير يتبع
|
|
|
|
|
|
|
|
Re: حكاية الحاج ودبشير - اصلو العروس ابت العريس (Re: د.محمد حسن)
|
(2) انا داير الم ناس الفريق البعيدين والقراب واعزم كمان حتى الخواجات االعواجيز والشباب عيزومة جد. رايك شنو يا زين شباب البيت و يا اب رايا خبير اتنحنح الدوك وابتسم ( نعم الفهم يا راسنا يا حاج ودبشير) جوهو القلوبهم فيها شي من حس ومن صاحي الضمير قالولوا بي صوت مستحي وخجلان شديد: كيفن بتعزم يا الكبير والبيت قديم سقفه البخر من المطر نوافذه والباب المخلع صفاية لي ريح الشتا في الزيفة والبرد الشديد والادبخانات والملاريا الساكنه في لحم الوليد يا شيخنا خليها العزومة جوهو ابين جلودا ناعمة والدقن المسبسبة بانتظام نهرو البقولو الحق بلعنوا في الضلام وضحكوا للحاج ودبشير ( خليك من ناسا فقر نضمن كتر ما بعرفو غير شين الكلام... نبني في الصالون طوابق ونجيه الحوش ناحية الباب والشوارع الجوة سيبه ، ما هو فارق ونسكن الريسان فنادق. ونفسحهم في نيلنا قبال المشارق) ضحك الكبير طلقوا المداعي وجوهو من كل الفريق الا بس جارو القريب والكان عليه الرك والامل القريب قال ما بجي منزول وعيان متمدي فوق العنقريب والشارع الكان متكسي بي تراب سنين وسخ سنين بقوه بالنور منكسي وآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآخ من قايد الاسطول ومن طعم الحلا ويا سيدة لا انت ماشبه التكل والبهدلا ولا بتسكني في الخلا والله لا ما الحنة والاصبع مقمع باسطة من دكان سلا
| |
|
|
|
|
|
|
Re: حكاية الحاج ودبشير - اصلو العروس ابت العريس (Re: د.محمد حسن)
|
بسم الله الرحمن الرحيم (1) حكاية الحاج ودبشير حكاية الزمن الانين والآهة في الحوش الكبير في عام كبييس وعقاب شهير والليل مغادر الناس نيام وناس سهرانة في العرس الشهير تلب فجر حاج ودبشير وصبح الصباح الكانو نايمين صحصحوا يارب حلم؟! جانا من وين حاج ودبشير؟! صرصر وشيه حمر عينيه نهر النسوان ادخلن خل العيال قلبن يطير ناسن تنطط بالفرح ناسن من الحصل عقلن سرح ( من هسة ياناس السجم ادوا الفرض ما في البيوت فوق االجوامع والحرم مافيش سهر مافيش سكر مافيش اكل مافيش شراب مافيش قروش ما فيش .... ناس اتملت من الشحم كبرت كروش فرحانة بالحاج ودبشير وباقي العيال لما النفوس اتضايقت والحوش صغر رغم الوساع ومنه اتمسح صافي الضمير. الاغترب صوت المغني المكتئب ( لا سراب الصحرا موية...) لا من نشف منه الغنا والفي المجاهيل انضرب المزارعين والدكاترة الصيادلة البياطرة والايادي الماهرة عاملة وجوك يالحاج ود بشير الصعاليق المطاليق والعطالة وغنو ليك امشي سير ديل ما شوية عمالة خانو دينهم بالعمالة كاسوا للمال الوفير يا حاجنا سير والحول في طيز الحول يصير والحول قصير والحال يمحن للبصير وفي يوم صباح حاج ود بشير نادى الوليد المستشار قال ليه يا فهم الدكاترة عايزك تشير
(2) انا داير الم ناس الفريق البعيدين والقراب واعزم كمان حتى الخواجات االعواجيز والشباب عيزومة جد. رايك شنو يا زين شباب البيت و يا اب رايا خبير اتنحنح الدوك وابتسم ( نعم الفهم يا راسنا يا حاج ودبشير) جوهو القلوبهم فيها شي من حس ومن صاحي الضمير قالولوا بي صوت مستحي وخجلان شديد: كيفن بتعزم يا الكبير والبيت قديم سقفه البخر من المطر نوافذه والباب المخلع صفاية لي ريح الشتا في الزيفة والبرد الشديد والادبخانات والملاريا الساكنه في لحم الوليد يا شيخنا خليها العزومة جوهو ابين جلودا ناعمة والدقن المسبسبة بانتظام نهرو البقولو الحق بلعنوا في الضلام وضحكوا للحاج ودبشير ( خليك من ناسا فقر نضمن كتر ما بعرفو غير شين الكلام... نبني في الصالون طوابق ونجيه الحوش ناحية الباب والشوارع الجوة سيبه ، ما هو فارق ونسكن الريسان فنادق. ونفسحهم في نيلنا قبال المشارق) ضحك الكبير طلقوا المداعي وجوهو من كل الفريق الا بس جارو القريب والكان عليه الرك والامل القريب قال ما بجي منزول وعيان متمدي فوق العنقريب والشارع الكان متكسي بي تراب سنين وسخ سنين بقوه بالنور منكسي وآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآخ من قايد الاسطول ومن طعم الحلا ويا سيدة لا انت ماشبه التكل والبهدلا ولا بتسكني في الخلا والله لا ما الحنة والاصبع مقمع باسطة من دكان سلا
| |
|
|
|
|
|
|
Re: حكاية الحاج ودبشير - اصلو العروس ابت العريس (Re: رأفت ميلاد)
|
(3)
يوم العزوما الماخمج اتقيف الحاج ودبشير صبغ الشعر المصفف ودقنه والشنب المحفف وكل الضيوف قاعدين حضور وقال كلمته عن السلام ونضافة الحوش الكبير والقول رصين مليان بلاغة وابتداع -بس بي تحت ما فعله شين- وبالمختصر ياضييوفنا كايس قربكم داير العروس بعض الضيوف من الخجل صوتهم كتم والباقي بالقول الجهير قالولو خلينا نمشي ونستشير وجوك يا لبنية البشتهوك قبلانة بالحاج ودبشير؟؟ نفخت.. وحدجت بالنظر عينيها كا ن شر مستطير اقبلوا به كيف؟! مازبل البيت للخريف ما بملى تيبار وما بشوف كان في الطبق كسرة ورغيف زولكم بدور المنجهة ولبس البدل والدنيا صيف شوف حال عيله وشكلتهم عيال صباح عيال غرب وعيال صعيد لابعرفو خيلا لا جويد لا بشيلو سيف السافل المهدود نزيف اقبل بو كيف؟! وانا بي وراي اعوج رهيف.
وجوهو الضيوف والله يا حاج ودبشير شكرا كتير للضيفة والخير الوفير علا العروس ابت العريس والكلمة واحدة ومافي غير نطلب الله وانشاء الله عامر وانفض سامر الناس وزولنا الكان مامل صار كسير جاهو الوليد المستشار قال ليه بس .. لقيتها ليك خلي العروس الشينة ام انفا كبير عشان رضاك اقطع بحر امشي الحجاز ازور امارات الخليج مصر الكنانة جبال الارز والشام والمغرب المليان هجيج واجيبها ليك احسن عروس فصيحة ما بتعرف رطانة وحنينة زي ناعم الحرير و...... و......و........ وآخ يازمن والساقية ملت من قصة الحاج ودبشير
| |
|
|
|
|
|
|
Re: حكاية الحاج ودبشير - اصلو العروس ابت العريس (Re: د.محمد حسن)
|
Quote: حكاية الحاج ودبشير حكاية الزمن الانين والآهة في الحوش الكبير في عام كبييس وعقاب شهير والليل مغادر الناس نيام وناس سهرانة في العرس الشهير تلب فجر حاج ودبشير وصبح الصباح الكانو نايمين صحصحوا يارب حلم؟! جانا من وين حاج ودبشير؟! |
أخوي دكتور محمدحسن أيه الروعة والجمال ؟ توثيق في غاية الأناقة والبهجة بس ذكرتني في الحتة بتاعت( الناس سهرنافي العرس الشهير تلب فجر حاج ودبشير ...سألت أدروب قلت ليه تلب قال لي هيع هو ما تلب هو تلبوه الجماعة ...هو ما عندو مخآ يتلب بو ... هو ما زولآ زي التلفزيون تقلبو وانت راقد في سريرك هو بالظبط ده الحاج ودبشير... والله ما تلب تلبوا لكن ...أخير النسكت النضمي كملناهو.
| |
|
|
|
|
|
|
|