|
Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل! (Re: الطيب بشير)
|
.
و كمان تعلنها على الملأ؟؟ ياخي استتر! لا..و كمان راية تهبهب! مريخابي يا نزار؟؟ و مارق ليها؟؟ ما عافي ليك شريط علي السقيد..و لا صحبة بكري حامد..و إياك تاني تجي في ذاكرتي مريخابي يا نزار حسين؟؟ اللهم إنا لا نسألك رد القضاء.. طيب ياخ عرفنا شيل الصورة دي كدو لا كدة صحيح ..الحلو ما يكملش.. انت كنت محيرني..كيف الزول يكون مكمل..من غير عيوب تراك بي عيبك أمشي كدة و لا كدة..ما بتعرف تغني ..و لا عنك أوزان بي تعريفة (زاتو) مريخابي يا نزار حسين؟؟
.
| |
|
|
|
|
|
|
Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل! (Re: الطيب بشير)
|
Quote: كمان تعلنها على الملأ؟؟ ياخي استتر! لا..و كمان راية تهبهب! مريخابي يا نزار؟؟ و مارق ليها؟؟ ما عافي ليك شريط علي السقيد..و لا صحبة بكري حامد..و إياك تاني تجي في ذاكرتي مريخابي يا نزار حسين؟؟ اللهم إنا لا نسألك رد القضاء.. طيب ياخ عرفنا
|
انت بلاي يا الطيب بي سماحتك دي بتعرف تعادي...؟ المريخاب ديل كان ما علقنا ليهم نحن رأيتهم البعلقها ليهم منو؟ خليك من ناس كيقا...كدي عاين المنبر دا في زول خاتي علم المريخ. دحين ما تلومني ساكت...وارجع تاني اعفي لي من شريط السقيد
ولا تسقطني من الذاكرة ايها الرجل السمح...اعتبرني في المرحلة دي متطوع لامن ناس المريخ ديل يشدو حيلهم شوية...ويجو براهم يشيلو رأيتهم دي...
تصور جدي....كان يحتفظ بصورة فيها هلال ومبارك زروق...مكتوب عليها الهلال عقيدة ومعلقة كبيرة ولا زالت في جدران الصالون القديم...
وعشان ما تزعل كتير المريخ زاتو هسي ما عبارة عن هيثم طمبل وعلاء الدين طيارة ومجاهد محمد أحمد...
| |
|
|
|
|
|
|
Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل! (Re: سمية الحسن طلحة)
|
. بت الملوك الرايقة سمية الحسن طلحة كيف حالك و أحوالك
Quote: والله العنوان دخل فىي خلعة ! |
سلامتك..أنا قلت أشاغل حبايب نزار شوية بالعنوان دة..و كلمة (عيب) عندها رنة شديدة يبرا نزار من النقاص.. لكن...
Quote: حايدانى حارة ولومة مابتبقى . |
بالله موش؟؟ يتخيل نزار دة من غير ما تسألو تفترض انو هلالابي..شكلو كدة لكن و الله حايدانى حارة ولومة مابتبقى ..دي بالبوست كلو..أنا بمووووت في الدارجي دة أما البدلة و كلام المؤتمرات فماااااا هو بعيد منك ..إنتو السلطان بيقلع جزمتو في حوش الإبل حتى يدخل مضاربكم..موش بوليص متقاعد..
تسلمي
.
| |
|
|
|
|
|
|
Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل! (Re: الطيب بشير)
|
Quote: أنا بمووووت في الدارجي دة
|
الطيب !
برى يايابا تبرا انت إنشاء الله فى الفريعات الخدر لاتموت لاتفوت إنشاء الله عمرك طويل وخيرك كتير عشمانك يشيل ووليداتك يملوا السرير .
قول آمين . ( طبعا التفسير دا مخالف لفهم قولة بموت فى الشى يعنى بحبو ) ودا بالضبط حاصل معانا فى بوستات الدوبيت وشرح الطيب شيقوق المشاتر بقصد المزاح وبث روح الدعابة فى هذا الجو المتوتر . ودمت ياود الطيبين .
| |
|
|
|
|
|
|
Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل! (Re: الطيب بشير)
|
Quote: Quote: Quote: غايتو يا الطيب أخبارك عينة |
بت الملوك..الشمشرة حال عدوك..قولي كلامك ترترترترتر....زي دة أفو ..إنت نسيتي .. أنا الزول النفض حنتو يوم عرسو لمن المرحوم بادي جاب سيرة أهلك (في وش المكن رقدوا التقول نايمين)؟ رحل بادي يا لنا و في عنقي له جلابية و عمة (بدل الخربتهن بالحنة ديل).. خليك من مريخية نزار.. قلت لي أخباري كيف؟ |
لسة ما فقت من صدمة إنو نزار مريخابي أخبارك صادمة
| |
|
|
|
|
|
|
تأثيرات صحية ضارة لعلم المريخ (Re: الطيب بشير)
|
اللون الأصفر الفاقع يسبب التوتر العصبي يذكر بالإيرقان اللون الأحمر لون العنف والدماء ال(كومبنيشن) بين اللونين أو بالأصح وجودهما متجاورين كما في علم المريخ يسبب الإكتئاب النفسي! لو ما سببو اكتئاب نفسي بيسببو زغللة بصرية هامش مافي مرجع للكلام دة بس عليكم الله عاينو للعلم و أكتبو النتيجة هامش2 مافي أي مريخابي يجي يغالطني في الكلام دة
| |
|
|
|
|
|
|
Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل! (Re: الطيب بشير)
|
نزار ود عمى سلام... سوى سواتك وحاتك الله خالق مطائب الدنيا دى كلها حمراء وصفراء البطيخ ،المنقة، التفاح،الموز، العنب، اللحم،البرتقال ،الرمان،الشمام الجوافة،الكمثرى،المشمش،الخوخ،الكرز،الليمون،الطماطم،
لكن عليك اله الوانهم دى شفتها غير فى عربات البوليس والكلينكس والظهرةز غايتو جنس مكابرة.. بعدين شوف الطف ناس المنبر ديل المريخاب... هسع بالله تاج السر ده ما بكرهك الهلال والبورد،،،
| |
|
|
|
|
|
|
Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل! (Re: صديق الموج)
|
من غيرنا قد لون التاريخ بالذهب من غيرنا قد وهب الأفراح وما هب نحن بين الناس صفوة نحن في الإحساس قدوة نحن في المريخ إخوة نعشق النجم ونهوى
ــــــــــــــــــــــــــــــــــــــــــ
كنت أعلم.. أنك سوف تأتي طلقاً عن عميق الوحل زهرة ... ومن كهوف الصمت جهراً كنت أعلم أنك سوف تسرقني من بين أطفالي وأسرتي فأعدو نحو العرضة كهاجر .. تهرول بين الصفاء والمروة ولات ثمة زمزم يروي عطش السنين ولكن عندما رأيت أبراجك شامخة .. سامقة إنبجس زمزم حبك من بين قدمي فارتويت حتى الثمالة بيني وبينك يا صفى العمر قصة الولاء قصة الحب الكبير والإنتماء وقصة الصبابة والهيام والرجاء كيف لا وأنت تقتحم المحافل .. تحمل السودان في عينيك وروحك في كفيك كأنك في جفن الردى وهو نائم يأمن فطمت على الجسارة ورضعت الصبر والإقدام من ثدي الوطن وجئت من عبر القرون فكرة ومنارة فرحة وشجن.. روعة وإثارة.
| |
|
|
|
|
|
|
Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل! (Re: الطيب بشير)
|
سلامات يا ود بشير
إنت عارف أنا ما كنت شغالة بالكورة كتير، بس مع متابعة زوجى لكل مباريات المنتخب و الأندية التى تقام خارج حدود الوطن ، تعلمت حب الكورة و بالتحديد الهلال ،،
مرة سألت زوجى عن أكثرية السودانيين هلالاب و لا مريخاب ،، إستغرب سؤالى و قال لى الهلال دة هو نادى المثقفين و العظماء
بس برضو يوم السبت المشهود كنا بنتفرج فى المباريتين مع بعض ، الزمالك و القطن ، لأنو دة إسم السودان البيهمنا فى النهاية..
أنا شخصياً بأرتاح للنظر لى الأزرق
المريخاب هووووووى ما دايرة معاكم عشكبة دى وجهة نظر لا بتجرح و لا بتكتل..
سودانا فوق
| |
|
|
|
|
|
|
Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل! (Re: نوسة)
|
الطيب أخوي...انا أرد علي البوست دا والله ارد علي التلفونات...
البيقرأ عنوان البوست كلو...يضرب تلفون...شي من السعودية.. واليمن...وكندا...ناس ما سمعت اصواتها من سنين...
وكفارة دي ما تديك الدرب...
وواحد عديل كدي قال لي...يا زول كفارة...الغربة دي اصلها بتعلم البخل...
لكن كويس بوستك وراني انو صديق الموج والجندرية...وعلي مريخاب...
بعدين حكاية هلال مريخ دي حدها قريب يا الطيب...
شوف المريخ حا يلاقي الشلف...والهلال...حا يلاقي اسم كدة زي الناسور حمانا الله
والاتنين حا يجو راجعين...بتمنيات ان يصلحوا اخطاءهم بامدرمان...وما يصلحوها ويطلعوا
وحا يتلاقو في شهر خمسة بطنهم طامة وتطلع النتيجة واحد واحد
هيثم طمبل 1 ...وعلاء الدين يوسف 1...ونحن برضو تاني نجي نتحاجج...
يا زول القصة كلها ميتة ساكت...
وقبل ما افوت شكرا لكل الرائعين في هذا البوست...
| |
|
|
|
|
|
|
Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل! (Re: نوسة)
|
اهلا وسهلا يا نوسة...
بس حبيت أقول لي الطيب أخوي دا كورتنا فارغة ...ما يتنتح فيها شديد كان هلال كان مريخ...
وانا حاليا بشجع...رونالدينو وصامويل ايتو...والوليد الصغيّر داك من برشلونة...
ومن ريال مدريد بشجع روبينو بس...وبشجع تشيلسي...والبرازيل كلها...ديل البجيبهم لي ناس العجب ...وعمار مرق شنو؟
نحن وقت الله ادانا الهواء قنوات فضائيات برضو عايزننا نشجع...داريوكان وأمير دامر؟
| |
|
|
|
|
|
|
|