Post: #1
Title: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: الطيب بشير
Date: 04-01-2007, 04:02 PM
الفنان نزار حسين
بعد وجاهتك دي كلها
و دوبيتك السمح دة
و مكانتك في الجالية
و مكانتك عندنا..
برضو؟؟
|
Post: #2
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: الطيب بشير
Date: 04-01-2007, 04:08 PM
Parent: #1
.
و كمان تعلنها على الملأ؟؟
ياخي استتر!
لا..و كمان راية تهبهب!
مريخابي يا نزار؟؟
و مارق ليها؟؟
ما عافي ليك شريط علي السقيد..و لا صحبة بكري حامد..و إياك تاني تجي في ذاكرتي
مريخابي يا نزار حسين؟؟
اللهم إنا لا نسألك رد القضاء..
طيب ياخ عرفنا
شيل الصورة دي كدو لا كدة
صحيح ..الحلو ما يكملش..
انت كنت محيرني..كيف الزول يكون مكمل..من غير عيوب
تراك بي عيبك
أمشي كدة و لا كدة..ما بتعرف تغني ..و لا عنك أوزان بي تعريفة (زاتو)
مريخابي يا نزار حسين؟؟
.
|
Post: #26
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: nazar hussien
Date: 04-02-2007, 02:46 PM
Parent: #2
Quote: كمان تعلنها على الملأ؟؟
ياخي استتر!
لا..و كمان راية تهبهب!
مريخابي يا نزار؟؟
و مارق ليها؟؟
ما عافي ليك شريط علي السقيد..و لا صحبة بكري حامد..و إياك تاني تجي في ذاكرتي
مريخابي يا نزار حسين؟؟
اللهم إنا لا نسألك رد القضاء..
طيب ياخ عرفنا
|
انت بلاي يا الطيب بي سماحتك دي بتعرف تعادي...؟ المريخاب ديل كان ما علقنا ليهم
نحن رأيتهم البعلقها ليهم منو؟ خليك من ناس كيقا...كدي عاين المنبر دا في زول
خاتي علم المريخ. دحين ما تلومني ساكت...وارجع تاني اعفي لي من شريط السقيد
ولا تسقطني من الذاكرة ايها الرجل السمح...اعتبرني في المرحلة دي متطوع لامن
ناس المريخ ديل يشدو حيلهم شوية...ويجو براهم يشيلو رأيتهم دي...
تصور جدي....كان يحتفظ بصورة فيها هلال ومبارك زروق...مكتوب عليها الهلال عقيدة
ومعلقة كبيرة ولا زالت في جدران الصالون القديم...
وعشان ما تزعل كتير المريخ زاتو هسي ما عبارة عن هيثم طمبل وعلاء الدين طيارة
ومجاهد محمد أحمد...
|
Post: #3
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: الطاهر ساتي
Date: 04-01-2007, 04:12 PM
Parent: #1
حيرت الشمولية ذاتا ..!!
حتى فى الكورة ..؟؟
|
Post: #5
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: الطيب بشير
Date: 04-01-2007, 04:16 PM
Parent: #3
لا يا الطاهر ساتي
كل الناس تبقى مريخاب..
نزار لأ
نديكم بدلو اتنين و تلاتين مليون نفر (آخر تعداد رسمي)..
نزار لأ
|
Post: #28
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: nazar hussien
Date: 04-02-2007, 02:51 PM
Parent: #3
Quote: حيرت الشمولية ذاتا ..!!
حتى فى الكورة ..؟؟
|
يا الطاهر ساتي...الشمولية حيروها ناس المريخ...وحيروا الكورة زاتو!
|
Post: #4
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: الطيب بشير
Date: 04-01-2007, 04:13 PM
Parent: #1
  
|
Post: #6
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: Tragie Mustafa
Date: 04-01-2007, 04:16 PM
Parent: #4
يا الطيب بشري
الزول ده يا اخي قال من شدة ماهو ديمقراطي
ومؤمن بالآخر قال هو هلالابي وخاتي علم مريخ في بروفايله!!شفته الديمقراطيه دي كيفنها؟؟؟
تراجي.
|
Post: #9
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: الطيب بشير
Date: 04-01-2007, 04:19 PM
Parent: #6
| Quote: قال هو هلالابي وخاتي علم مريخ في بروفايله!! |
Nice one
|
Post: #20
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: خالد الطيب أحمد
Date: 04-01-2007, 05:21 PM
Parent: #6
اللهم إنا لا نسألك رد القضاء
|
Post: #30
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: nazar hussien
Date: 04-03-2007, 09:26 AM
Parent: #6
Quote: يا الطيب بشري
الزول ده يا اخي قال من شدة ماهو ديمقراطي
ومؤمن بالآخر قال هو هلالابي وخاتي علم مريخ في بروفايله!!شفته الديمقراطيه دي كيفنها؟؟؟
تراجي. |
أنا أؤمن بالآخر والظاهر...الحي...القيوم...
وأبحث عن شهرة ما...وطالما انتي جيتي هنا جيد لينا
|
Post: #7
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: doma
Date: 04-01-2007, 04:17 PM
Parent: #4
لالا يا ابو بشير معقول ولدي يكون مريخابي ؟؟؟كلنا هلالاب علي السكين
|
Post: #10
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: الطيب بشير
Date: 04-01-2007, 04:22 PM
Parent: #7
.
و الله يا دومة ..نزار دة ما حصل سألتو (في الخسوس دة)
لكن لو طلع مريخابي عدييييل كدة و خاتيها في البروفايل..أصبح عندو في المنامة بكرة..أشاكلو في وش الباب و أرجع..موية (زرقا) ما أشربها
 مريخابي يا دومة..نزار حسين (نصف ملاك) و يفلت من ايدينا يا دومة؟؟
.
|
Post: #8
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: اساسي
Date: 04-01-2007, 04:18 PM
Parent: #4
نزار حسين من الرجال الذين صدقوا واكتملوا ملائكا بين الناس بحسن بمريخيته
لو كان مريخابيا فقط لكفته
|
Post: #11
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: nazar hussien
Date: 04-01-2007, 04:24 PM
Parent: #8
يا الطيب...أخوي...البوست دا شفتو هسي دي...
ولقيت تراجي مصطفي والله تقول لقيت القطن التشادي
وانا متابعك بي غادي في ندوتكم ام ناسا نضاف دي
وعفارم عليك...
اما حكاية المريخ معاي دي حكاية تانية
|
Post: #13
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: الطيب بشير
Date: 04-01-2007, 04:28 PM
Parent: #11
.
حبابك يا نزار بي هنا و بي هناك
و شكرآ ليك كتير
لكن سئيلك الله انت مريخابي؟ يعني بالجد كدة؟ أحمر و أصفر؟
المؤمن مصاب يا عزيز
.
|
Post: #12
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: الطيب بشير
Date: 04-01-2007, 04:25 PM
Parent: #8
.
| Quote: نزار حسين من الرجال الذين صدقوا واكتملوا ملائكا بين الناس بحسن ..... |
أكمل ليك النقاط
بحسن أخلاقه
أدبه
شعره
غنائه
إتفاق الناس حوله
محبة الخلق له
.
.
.
و لكن
.
.
الليلة عرفنا حاجة
مريخابي يا نزار؟
.
|
Post: #14
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: عصام دهب
Date: 04-01-2007, 04:39 PM
Parent: #12
الطيب / نزار
تحياتي ..
حبيت أسلم عليكم و أسالكم من صديقنا و د المأذون .. أ / بكري
الزول دا مالو ؟؟ عرسو ليهو !! و لَ الحاصل ليهو شنو ؟؟
طمنونا ..
الله يطمنكم ..
و يا نزار ..
نعشق النجم و نهوى ..
|
Post: #15
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: الطيب بشير
Date: 04-01-2007, 04:45 PM
Parent: #14
.
مرحب بتحياتك يا عصام..و لك مثلها..
Quote: الزول دا مالو ؟؟ عرسو ليهو !! و لَ الحاصل ليهو شنو ؟؟
|
ود المأذون تزوج بحمد الله و مشى مدني و جا راجع
لكن ..عامل تقيل بعد العرس
.
|
Post: #16
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: nazar hussien
Date: 04-01-2007, 04:46 PM
Parent: #12
الزول الراقي ابو بشير..
يا اخي انت دائما صاحب فضل يخجّل...وفايت الناس مسافات بعيدة...ربنا يحفظك
وشكرا علي الاطراء الذي لا استحق عشرو...
أما عن مريخيتي او هلاليتي فدونكم كلام شيخنا الحاردلو
في عاقب نهار سوّن لهن مرحال
وعينيهن خلقهن زرقا بلا كحّال
من ريح الحويل بقين دحين في حال
وديل ليمن علي الناس ال متلنا محال
|
Post: #17
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: Muna Khugali
Date: 04-01-2007, 04:55 PM
Parent: #16
لا لا يانزار!
معقول بس?
نزار ياآخي مكانتك عندنا هلاليه..
كـدي استغفر..وشيل مني الورده دي ياخال آيه
|
Post: #18
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: bushra suleiman
Date: 04-01-2007, 04:56 PM
Parent: #1
صحى يا نزار..
غايتو كنت بسمع لى فى أغنية بتقول:
والله ما رضيناها ليك..تغمر الدمعات عينيك
اها كيف مع الشوتات الضفارية دى يا الطيب...!!
|
Post: #21
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: الطيب بشير
Date: 04-01-2007, 05:26 PM
Parent: #18
دة يا بشرى الخايف منو أنا ذاااتو
الناس اللابسين حمر حمر ديل مااااا بيشبهوا نزارنا
زولك دة شايت وين يا بشرى ..(أمك قداو)
.
|
Post: #19
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: lana mahdi
Date: 04-01-2007, 05:15 PM
Parent: #1
لا حول ولا قوة إلا بالله!!!!!!!
صدمة العدو عاد في نزار
صحي
لكل شيء إذا ما تم نقصــــــــــــــان
المريخ يا نزار.. المريخ؟!!!!!!
غايتو يا الطيب أخبارك عينة
|
Post: #22
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: الطيب بشير
Date: 04-01-2007, 05:31 PM
Parent: #19
.
| Quote: غايتو يا الطيب أخبارك عينة |
بت الملوك..الشمشرة حال عدوك..قولي كلامك ترترترترتر....زي دة
أفو ..إنت نسيتي ..
أنا الزول النفض حنتو يوم عرسو لمن المرحوم بادي جاب سيرة أهلك
(في وش المكن رقدوا التقول نايمين)؟
رحل بادي يا لنا و في عنقي له جلابية و عمة (بدل الخربتهن بالحنة ديل)..
خليك من مريخية نزار..
قلت لي أخباري كيف؟
.
|
Post: #23
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: سمية الحسن طلحة
Date: 04-01-2007, 10:33 PM
Parent: #22
Quote: مريخابي يا نزار حسين؟؟
|
الطيب بشير
والله العنوان دخل فىي خلعة !
قلت أكيد طقوكم عين فى كلا مكم السمح داك لما كنا سوا
وكمان ياالطيب بى بدلتك العسكرية ديك ونضمى المؤتمرات
بقيت تخوف عديل ....
لكن نزار مريخابى !؟ حايدانى حارة ولومة مابتبقى .
|
Post: #24
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: الطيب بشير
Date: 04-01-2007, 11:09 PM
Parent: #23
.
بت الملوك الرايقة سمية الحسن طلحة
كيف حالك و أحوالك
| Quote: والله العنوان دخل فىي خلعة ! |
سلامتك..أنا قلت أشاغل حبايب نزار شوية بالعنوان دة..و كلمة (عيب) عندها رنة شديدة
يبرا نزار من النقاص..
لكن...
| Quote: حايدانى حارة ولومة مابتبقى . |
بالله موش؟؟
يتخيل نزار دة من غير ما تسألو تفترض انو هلالابي..شكلو كدة
لكن و الله حايدانى حارة ولومة مابتبقى ..دي بالبوست كلو..أنا بمووووت في الدارجي دة
أما البدلة و كلام المؤتمرات فماااااا هو بعيد منك ..إنتو السلطان بيقلع جزمتو في حوش الإبل حتى يدخل مضاربكم..موش بوليص متقاعد..
تسلمي
.
|
Post: #25
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: سمية الحسن طلحة
Date: 04-02-2007, 08:35 AM
Parent: #24
Quote: أنا بمووووت في الدارجي دة
|
الطيب !
برى يايابا تبرا
انت إنشاء الله فى الفريعات الخدر
لاتموت لاتفوت
إنشاء الله عمرك طويل
وخيرك كتير
عشمانك يشيل
ووليداتك يملوا السرير .
قول آمين .
( طبعا التفسير دا مخالف لفهم قولة بموت فى الشى يعنى بحبو )
ودا بالضبط حاصل معانا فى بوستات الدوبيت وشرح الطيب شيقوق المشاتر
بقصد المزاح وبث روح الدعابة فى هذا الجو المتوتر .
ودمت ياود الطيبين .
|
Post: #27
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: lana mahdi
Date: 04-02-2007, 02:50 PM
Parent: #1
Quote: | Quote: Quote: غايتو يا الطيب أخبارك عينة |
بت الملوك..الشمشرة حال عدوك..قولي كلامك ترترترترتر....زي دة
أفو ..إنت نسيتي ..
أنا الزول النفض حنتو يوم عرسو لمن المرحوم بادي جاب سيرة أهلك
(في وش المكن رقدوا التقول نايمين)؟
رحل بادي يا لنا و في عنقي له جلابية و عمة (بدل الخربتهن بالحنة ديل)..
خليك من مريخية نزار..
قلت لي أخباري كيف؟ |
لسة ما فقت من صدمة إنو نزار مريخابي
أخبارك صادمة
|
Post: #29
Title: تأثيرات صحية ضارة لعلم المريخ
Author: lana mahdi
Date: 04-02-2007, 06:37 PM
Parent: #1
اللون الأصفر الفاقع يسبب التوتر العصبي
يذكر بالإيرقان
اللون الأحمر لون العنف والدماء
ال(كومبنيشن) بين اللونين أو بالأصح وجودهما متجاورين كما في علم المريخ يسبب الإكتئاب النفسي!
لو ما سببو اكتئاب نفسي بيسببو زغللة بصرية
هامش
مافي مرجع للكلام دة بس عليكم الله عاينو للعلم و أكتبو النتيجة
هامش2
مافي أي مريخابي يجي يغالطني في الكلام دة
|
Post: #31
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: صديق الموج
Date: 04-03-2007, 09:34 AM
Parent: #1
نزار ود عمى سلام... سوى سواتك وحاتك الله خالق مطائب الدنيا دى كلها حمراء وصفراء
البطيخ ،المنقة، التفاح،الموز، العنب، اللحم،البرتقال ،الرمان،الشمام
الجوافة،الكمثرى،المشمش،الخوخ،الكرز،الليمون،الطماطم،
لكن عليك اله الوانهم دى شفتها غير فى عربات البوليس والكلينكس والظهرةز
غايتو جنس مكابرة..
بعدين شوف الطف ناس المنبر ديل المريخاب...
هسع بالله تاج السر ده ما بكرهك الهلال والبورد،،،
|
Post: #32
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: على محمد على بشير
Date: 04-03-2007, 09:59 AM
Parent: #31
من غيرنا قد لون التاريخ بالذهب
من غيرنا قد وهب الأفراح وما هب
نحن بين الناس صفوة
نحن في الإحساس قدوة
نحن في المريخ إخوة
نعشق النجم ونهوى
ــــــــــــــــــــــــــــــــــــــــــ
كنت أعلم.. أنك سوف تأتي طلقاً عن عميق الوحل
زهرة ... ومن كهوف الصمت جهراً
كنت أعلم أنك سوف تسرقني من بين أطفالي وأسرتي
فأعدو نحو العرضة كهاجر .. تهرول بين الصفاء والمروة
ولات ثمة زمزم يروي عطش السنين
ولكن عندما رأيت أبراجك شامخة .. سامقة
إنبجس زمزم حبك من بين قدمي فارتويت حتى الثمالة
بيني وبينك يا صفى العمر قصة الولاء
قصة الحب الكبير والإنتماء وقصة الصبابة والهيام والرجاء كيف لا
وأنت تقتحم المحافل .. تحمل السودان في عينيك وروحك
في كفيك كأنك في جفن الردى وهو نائم
يأمن فطمت على الجسارة ورضعت الصبر والإقدام من ثدي الوطن
وجئت من عبر القرون فكرة ومنارة فرحة وشجن.. روعة وإثارة.
|
Post: #33
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: على محمد على بشير
Date: 04-03-2007, 10:04 AM
Parent: #32
الكمندان
انتا الطلعت فيك عيوب الدنيا كلها
هلالابى يا الطيب بشير ؟؟؟؟؟؟؟؟؟؟
اللهم لا تمحنا ولا تبلينا
والعزاء فقط
انو الهلالاب كلهم مريخاب زعلانيين
الم ياتى الهلال من ضلع المريخ ؟؟
|
Post: #34
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: الطيب بشير
Date: 04-03-2007, 01:26 PM
Parent: #33
.
يا صديق الموج..
الألوان الحمر ما قلتها كلها..برسل ليك في الماسنجر الباقي!!
يا حبيبنا على محمد على بشير
دكتور عمر خالد دة خالي..و شعرو في المريخ دة عيبو الوحيد
هسع بالله انت برضو من الاخوة الأعداء؟
لا تمحنا و لا تبلينا..
انتو الهلالاب زعلانين
عكست المودوع
تسلم ياخ..
أسمع..
فكوا لينا تسجيل نزار دة بنديكم بدلوا .......
.
|
Post: #35
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: نوسة
Date: 04-03-2007, 01:34 PM
Parent: #34
سلامات يا أهل الدار
أخى على
| Quote: الم ياتى الهلال من ضلع المريخ |
هو بالله إنتو أبونا أدم زاتو ؟؟؟؟ ههههههههههههههههههههههههيييييييا
أتاريني بقول هممممممممممم
سلامات أخى الطيب بشير
نزار حسين دة موش فى البحرين؟؟؟؟
|
Post: #37
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: الطيب بشير
Date: 04-03-2007, 02:26 PM
Parent: #35
.
و الله يا نوسة دة الكلام
بحرين أزرقين جميلين سيغرقان نزار بالأهداف
.
|
Post: #36
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: الجندرية
Date: 04-03-2007, 02:03 PM
Parent: #1
تصدق يا ود ابواتي
اني كنت حاعمل بوست زي دا الليلة لمن اكتشفت انه تمبس هلالابي ؟!!
يا نزار عاااااااااااافية منك ورضيانة عليك
عفواً يهنيك ويمنيك ويطرح البركة فيك
|
Post: #38
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: الطيب بشير
Date: 04-03-2007, 02:27 PM
Parent: #36
.
الجندرية بت طابت
لا لا ..إنت برضو?
سنسحب منك الجنسية..
مريخابية يا جندرية!
بكل (تراث) العز و رفاعة و محمود و قضايا الجندر
و...
مريخابية يا جندرية!
.
|
Post: #39
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: نوسة
Date: 04-03-2007, 02:35 PM
Parent: #38
سلامات يا ود بشير
إنت عارف أنا ما كنت شغالة بالكورة كتير، بس مع متابعة زوجى لكل مباريات المنتخب و الأندية التى تقام خارج حدود الوطن ، تعلمت حب الكورة و بالتحديد الهلال ،،
مرة سألت زوجى عن أكثرية السودانيين هلالاب و لا مريخاب ،، إستغرب سؤالى و قال لى الهلال دة هو نادى المثقفين و العظماء
بس برضو يوم السبت المشهود كنا بنتفرج فى المباريتين مع بعض ، الزمالك و القطن ، لأنو دة إسم السودان البيهمنا فى النهاية..
أنا شخصياً بأرتاح للنظر لى الأزرق
المريخاب هووووووى ما دايرة معاكم عشكبة دى وجهة نظر لا بتجرح و لا بتكتل..
سودانا فوق
|
Post: #40
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: nazar hussien
Date: 04-03-2007, 02:49 PM
Parent: #39
الطيب أخوي...انا أرد علي البوست دا والله ارد علي التلفونات...
البيقرأ عنوان البوست كلو...يضرب تلفون...شي من السعودية..
واليمن...وكندا...ناس ما سمعت اصواتها من سنين...
وكفارة دي ما تديك الدرب...
وواحد عديل كدي قال لي...يا زول كفارة...الغربة دي اصلها بتعلم البخل...
لكن كويس بوستك وراني انو صديق الموج والجندرية...وعلي مريخاب...
بعدين حكاية هلال مريخ دي حدها قريب يا الطيب...
شوف المريخ حا يلاقي الشلف...والهلال...حا يلاقي اسم كدة زي الناسور حمانا الله
والاتنين حا يجو راجعين...بتمنيات ان يصلحوا اخطاءهم بامدرمان...وما يصلحوها ويطلعوا
وحا يتلاقو في شهر خمسة بطنهم طامة وتطلع النتيجة واحد واحد
هيثم طمبل 1 ...وعلاء الدين يوسف 1...ونحن برضو تاني نجي نتحاجج...
يا زول القصة كلها ميتة ساكت...
وقبل ما افوت شكرا لكل الرائعين في هذا البوست...
|
Post: #41
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: نوسة
Date: 04-03-2007, 04:20 PM
Parent: #40
نزار إزيك
| Quote: شوف المريخ حا يلاقي الشلف...والهلال...حا يلاقي اسم كدة زي الناسور حمانا الله |
هههههههههههههههههههههههه
|
Post: #42
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: nazar hussien
Date: 04-04-2007, 07:02 AM
Parent: #41
اهلا وسهلا يا نوسة...
بس حبيت أقول لي الطيب أخوي دا كورتنا فارغة ...ما يتنتح فيها شديد كان هلال كان مريخ...
وانا حاليا بشجع...رونالدينو وصامويل ايتو...والوليد الصغيّر داك من برشلونة...
ومن ريال مدريد بشجع روبينو بس...وبشجع تشيلسي...والبرازيل كلها...ديل البجيبهم
لي ناس العجب ...وعمار مرق شنو؟
نحن وقت الله ادانا الهواء قنوات فضائيات برضو عايزننا نشجع...داريوكان وأمير دامر؟
|
Post: #43
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: الجندرية
Date: 04-04-2007, 03:47 PM
Parent: #1
اها يا نزار رأيك شنو
اني ما بشوف كورة خالص لا كورتنا ولا حتى ريال مدريد
لكن بشجع المريخ
|
Post: #44
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: nazar hussien
Date: 04-04-2007, 04:14 PM
Parent: #43
Quote: اها يا نزار رأيك شنو
اني ما بشوف كورة خالص لا كورتنا ولا حتى ريال مدريد
لكن بشجع المريخ
|
دا اسمو اعتقاد يا جندرية ما اسمو تشجيع...واول تشجيعة ليك حا تكفري بي حاجة اسمها كورتنا
فرأي بس تشوفي كورة للمريخ او الهلال...وتاني يوم حا تغيري رأيك علي طول...
|
Post: #45
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: nazar hussien
Date: 04-04-2007, 04:17 PM
Parent: #44
نسيت اقول ليك يا جندرية...
هناك مقطع في اغنية سنتر الخرطوم بقول فيه...
شينة كورتنا...
شوفو ناس كاكا
وشوفو ناس بيكهام...وانا من الزمن داك بشوف في ناس كاكا...
|
Post: #46
Title: Re: كدة برضو يا نزار حسين؟؟...البركة العرفنا فيك عيب..لأني قايلك ملاك مكمل!
Author: الطيب بشير
Date: 04-04-2007, 04:25 PM
Parent: #1
.
طيب يا نزار الراية التهبهب في بروفايلك دي تبع ياتو (كاكا)..
.
|
|