|
يا هلال مازيمبي بووومي...مازيمبي بووومي...!!!
|
كلاي بووومي كلاي بووومي كانت هذه الاهزوجة هي الهتافات التي ساند بها الجمهور الكنغولي العنيد الملاكم الاسطوري محمد علي كلاي عندما لاعب الملاكم جورج فورمن في كنشاشا في سنة 1974في اول مباراة من العيار التقيل تقام علي ارض افريقية ليقضي كلاي علي فورمن بعد الجولة السابعة بالضربة القاضية الفنية.. اذن نردد في وجه العنيد مازيمبي ما ردده اسلافهم سابقا عندما ساندو كلاي ضد فورمن ونهتف ياهلال مازيمبي بووومي مازيمبي بووومي.. اي بمعني يا هلال اقضي علي مازيمبي اقضي عليه
|
|
|
|
|
|
|
|
Re: يا هلال مازيمبي بووومي...مازيمبي بووومي...!!! (Re: عبدالكريم الامين احمد)
|
الهلال السوداني فريق كبير وله تاريخ طويل في سيرة الابداع وخلفه جمهور عنيد وصبور ويحب هلاله بجنون وهوس ومثل ذلك الجمهور العاتي لا يستحق الا الفوز وسحق مازيمبي باهداف مريحة قادرة علي اشعال المدرجات والفيافي والوديان البعيدة.. وقادرة علي جعل كل جماهيره المنتشرة ان تمارس العناق والبكاء والفرح وهي تعانق وتشهق امام التلفاز وتحتضن الروادي في ابعد الفيافي والربوع السودانية
| |
|
|
|
|
|
|
Re: يا هلال مازيمبي بووومي...مازيمبي بووومي...!!! (Re: عبدالكريم الامين احمد)
|
هذا الهلال الذي هو الازرق الوهاج يحاكي في خلوده وسريانه في قلوب مشجعيه سيرة النيل ومنحه هذا الشعب الصبور الطيب وعبر مسيرته الطويلة خيرة ابنائه من الذين عطروا سماء السودان وحلقو في تخوم ومجاهل افريقيا بالابداع الكروي... صديق منزول الامير وامين زكي وسليمان فارس السد العالي... ثم جكسا ..الشهير بنصر الدين عباس جاكسون الذي صار علامة فارقة في تاريخ الكورة السودانية مهارة واخلاق وخلود باقي في الوجدان الكروي السوداني ابد الدهر..... بوهج كل هولا الاولين وحرفنتهم التي تراكمت في نجوم اولاد البلد مهند هيثم مصطفي كاريكا
بهذا الوهج نتمني ان يشعل الهلال الارض السودانية بالفرح ويرمي اولي طوباته في طريق حسم ذلك الفريق العنيد الرعديد
| |
|
|
|
|
|
|
Re: يا هلال مازيمبي بووومي...مازيمبي بووومي...!!! (Re: عبدالكريم الامين احمد)
|
بسيرة علي قاقرين وعز الدين عثمان الدحيش وعروة وابو العز والضب... وبسيرة تلك المباراة الشهيرة التي جهزنا فيها الحلة وطبخنا ذلك التيم المصري الرعديد المحلة باربعة اهداف كما السم الرعاف نقف وقفة هلالي واحد في كل كراكير الميدان حتي نمارس البووومي مع ذلك الكنغولي العجيب مازيمبي........ وفرساننا هم عمر بخيت وكاريكا ومساوي
| |
|
|
|
|
|
|
Re: يا هلال مازيمبي بووومي...مازيمبي بووومي...!!! (Re: عبدالكريم الامين احمد)
|
ستاتي الفيافي والمناطق تباعا.. ولكن نقول دوما الجمهور الكنغولي اشتهر بالعناد والرعددة في مساندة فرقه الرياضية واللعب في ملاعبهم كالمرجل بالنسبة لكل فريق زائر.. لذا نتمني ان تتحول المدرجات الي مباراة اخري ما بين جمهور الهلال الرهيب وذلك الجمهور الكنغولي.. وفليكون جمهور الهلال هو السلاح واللاعب رقم (1) ونتمني ان تصل الهتافات الي السوق الشعبي في العاصمة الكنغولية عشااان ياااااامنو..
| |
|
|
|
|
|
|
Re: يا هلال مازيمبي بووومي...مازيمبي بووومي...!!! (Re: عبدالكريم الامين احمد)
|
Quote: ديل قبل مازيمبي لازم نعمل ليهم بومايي (الذبح باللغه الزائيريه) الطابور الطيش
|
هلا يا محمد حيدر وتحياتي الحارة ياخي والبوست اتعمل نسختين وقلنا ننقل مداخلتك هنا حتي نستمرف محل واحد.. وفعلا ابو الهل لازم يعمل ليهم بومايي وبوماييي تقيل حتي نادي ماتش الاياب بارتياح.. الطيشاب حالهم اصبح لا يسر عدو ولا يسر صديق.. ومتجوليين في كراكير الدوري المحلي بارتياح يوم ضاحية الجريف واليوم التاني عطبرة وسمعنا تحت تحت انهم ماشين القضارف ... وابو الهل كورتو مولعة نار منقد ويمارس البوماييييي والبووومي بمزااااااج
وفعلا دايرين ضربة صاعقة خطافية هلالية ثلاثية وياريت لو متعنا سادومبا والبرنس والود امبيلي باحرازها عشان كمان نودي مازيمبي الدوري المحلي بتاع الكنغو
..................يا هلال مازيمبي بووومي...مازيمبي بووومي...!!!
| |
|
|
|
|
|
|
Re: يا هلال مازيمبي بووومي...مازيمبي بووومي...!!! (Re: عبدالكريم الامين احمد)
|
كورة القدم مليئة بالاسرار والاشياء الغير مرئية واهمها بالنسبة لي اراها في الحوار الداخلي الذي يدور في دواخل لعيبة الهلال...(ما بين اللاعب وذاته).. وهذه الجزئية هي الاهم والجزء الفاصل في تحقيق النصر... فلاعب الكورة في مباريات صعبة المراس كتلك سبقته ضجة اعلامية وهناك جماهير تقدر بالملايين في انتظارها وهناك مرحلة اكبر يجب علي التيم ان يصعد اليها.. الية صناعة النصر والفوز تحتم عليه امتصاص كل هذه الهيلمانة وتحويلها الي طاق ايجابية الي 1- حماس 2- تركيز 3- صبر ومثابرة ميدانية 4-تجويد التمرير واتقان الجملة التكتيكة والمهام الاساسية والتغطية السليمة والتصرف الذكي في اللحظة المطلوبة
فمازيمبي ليس بالفريق الذي لايقهر طالما وفرنا كل الشروط الخارجية والشروط الداخلية في ذات اللاعب ودواخله..
| |
|
|
|
|
|
|
Re: يا هلال مازيمبي بووومي...مازيمبي بووومي...!!! (Re: عبدالكريم الامين احمد)
|
الهجوم.. وهو الخط وراس الرمح الذي تضع التكاليف وخطة اللعب في امام مهمة حسم هذا اللقاء واحراز الاهداف.. لذا نتمني ان نري خطة هجومية استاندر وحقيقية..وتجعل الطريق الي مرمي مازيمبي العديد يقع في اسهل الطرق.. عبر 1- الاطراف عبر العكسات المركزة ومعالجتها من الهدافين بطريقة نموذجية (التهديف بالراس..استعمال القدم الصحيحة في الاتجاه السليم للكورة) ثم الوقوف الصحيح في منطقة الصندوق,,, ونتمني ان يفعلها سادومبا لما يمتاز به من مقدرات علي اللعب من هذا الطرف الخطير من الملعب 2- الهجوم من العمق الدفاعي لمازيمبي عبر التقارب ما بين المهاجمين واستغلال مهاراتهم في المراوغة والاختراق 3- التهديف من خارج خط 18 بتركيز وقوي ... 4- اتقان اسكان الكور الثابتة وايداعها الشباك بتركيز ومهارة وتصميم...
كل الاربعة منافذ اعلاه ان جودت اي منها فهي قادرة في كل جملها التكتيكية من احراز هدف لابو الهل
| |
|
|
|
|
|
|
Re: يا هلال مازيمبي بووومي...مازيمبي بووومي...!!! (Re: عبدالكريم الامين احمد)
|
الوسط,,, هذا الخط الهلالي هو من عليه التعويل وحسم هارموني المباراة (لذا حذاري).. وان وجد خط وسط حقق الاشياء الاتية لوجد النصر بالتاكيد 1- صناعة الهجمات عبر كل مداخل الهجوم 2- الاهتمام بمركز صناعة الهجمات المرتدة عند مازيمبي وهي الخطة التي في الغالب سيلعب بها 3- دعم الهجوم عدديا بالاطراف والعمق 4- مساندة الدفاع مع الاحتفاظ علي التفوق العددي فيه لصالح الهلال في كل لحظة من لحظات الهجمات عند مازيمبي 5- تحويل خط الوسط باكلمه كخط هجومي في التصويب صوب المرمي بتركيز وقوي من كل زوايا المسافات المشارفة لخط 18
.. وان وجدنا خطا بهذه المواصفات فحتما سيكون البووومي نهار وعيانا وبكورة تمتع الجماهير
| |
|
|
|
|
|
|
Re: يا هلال مازيمبي بووومي...مازيمبي بووومي...!!! (Re: عبدالكريم الامين احمد)
|
الدفاع.. ولان ماريمبي فريق ذو مقدرات هجومية بنت لذينة ومهاجمين من النوع الذي يمكننا ان نطلق ليه (قف وتامل) لذا نطعم في دفاع يحقق الاتي.. 1-التركيز العالي والقراية السليمة للهجمة ومنذ بدايتها 2- تغطية واعية لمنطقة الدفاع تقيها شرور الهجمات المرتدة المفاجئة 3-اللعب مان تو مان مع المفاتيح الهجومية ذات الخطورة دلتا عند مازيمبي ولاباس من ممارسات بعض الحركات البركاتية التي برع فيها الديبة وصلاح دوشكا سابقا في تشتيت كورة المهاجمين (وده طبعا شغل غمت قانوني لا خوف عليه من قوانين الفيفا) 3-هرمنته تغطية الصندوق مع الوسط ثم التحول السريع الي مساندة الوسط دون اهمال الواجبات الدفاعية.. 4- الاطراف والتغطية الصارمة الحاسمة والعنيفة
| |
|
|
|
|
|
|
Re: يا هلال مازيمبي بووومي...مازيمبي بووومي...!!! (Re: Yassir Tayfour)
|
عبد الكريم اللمين....كيف حال عليك الله سودت الصفحات دى كلها وكاس مشاركة خارجية واحد مافى... انا هسه بقلب لى ساعة لقيت البوست كله صديق منزول وجكسا ياخى ديل على عينا وراسنا لكن كان تطعمهم وقد احرز الهلال كاس شنو ما عارف وفى سنه الف وطرشمية وطرشين فقد احرز فريق الصفر الدولى كاس القارات .. غاينو عدم الخجلة وقوة العين بتسوى كتير... الله لا حوجنا لمباراة الرد... ان شاء الله الموضوع يتحسم من هنا ونرتاح. وان شاء كالعادة دورى الاربعة احسن واخر انجازاتكم،،،
| |
|
|
|
|
|
|
Re: يا هلال مازيمبي بووومي...مازيمبي بووومي...!!! (Re: صديق الموج)
|
Quote: عليك الله سودت الصفحات دى كلها وكاس مشاركة خارجية واحد مافى... |
هلا يا الموج والكاس الخارجي جاااي ولو يا طيشاب راجين حاجة غير كده احسن من حسع تشوفو ليكم كركور من كراكير الجبال السودانية دي وتلبدو فيهو... ناس منزول وجكسا والنجوم البتقول يا ليل ديل هم اساس ابو الهل وامطار ابداعية هطلت ذات يوم في نيل الهلال الدفاق ..
طبعا يا خال انا مستغرب من فصاحتكم دي ياخي انتو جيتو الطيش عديلللل كده مافي زول هبب ليكم مالكم متعبين روحكم كده.. وخليكم في المحلي عطبرة والجريف والقضارف
| |
|
|
|
|
|
|
Re: يا هلال مازيمبي بووومي...مازيمبي بووومي...!!! (Re: Yassir Tayfour)
|
Quote: أنا أخشى على أولادنا من الضغط النفسي.. ___ دايرين تلاتّة أهداف، وشباك نضيفة.. |
هلا يا ابو اليا.. وفعلا الضغط النفسي والشد وااحدة من الحاجات الممكن تبوظ اي حاجة ولكن ثقتنا في الاولاد كبيرة وخبرتهم الطويلة في المباريات الزي دي ممكن تجيب لينا مريسة تام زينو باذن الله...
ويارب ثلاثة اهداف سمان عشان نسفسف بيها الرعديد مازيمبي ده
| |
|
|
|
|
|
|
Re: يا هلال مازيمبي بووومي...مازيمبي بووومي...!!! (Re: عبدالكريم الامين احمد)
|
هلا بالسيد رئيس مجلس خيراء القيادة الاسفيري كريم الامين
والله لا افكر في مباراة امدرمان علي الاطلاق شفتها وعرفت نتيجتها تماما وساشاهدها كانها مسجلة
ولكن افكر في مباراة العودة يوم 18 اكتوبر
مازيمبي داخل ارضه لا يرحم ولا يضيع الاهداف والحساب كاش علي طول
وعليه لحين ان تاتيني مباراة يوم 18 اكتوبر من المصدر (انا راجف)
| |
|
|
|
|
|
|
Re: يا هلال مازيمبي بووومي...مازيمبي بووومي...!!! (Re: khaleel)
|
Quote: وعليه لحين ان تاتيني مباراة يوم 18 اكتوبر من المصدر (انا راجف) |
هلا ياخلي يا رائد الاركلوجية الاسفيرية ومعول هلالي نشط في ساحات الهلال سيد البلد..
وياخي قسطا ده كشكشو واديهو حوافز او اي حاجة كده عشان يريحنا من ملف مازيمبي ده الخلانا من الليلة راجفين زي صحن الكاسترد؟؟
انا يا ابو خليل متنمي الصعود يتحسم في استاد الهلال.. ونفسي اشوف اكبر كمية من الاهداف تقينا شرور الناس الشرشين ديل لمن ينفردو بينا في بلدهم ام دق ديك
| |
|
|
|
|
|
|
Re: يا هلال مازيمبي بووومي...مازيمبي بووومي...!!! (Re: طارق الكوتش)
|
Quote: انا واى انا ياى مازمبى فى الباى باى |
هههههههه تخيل يا كوتش شفتو وكنت مزتوق ساعتها في الشغل والمشاغل عشان .. ولكن من عنوانو ذكرني اهزوجات تشجيع الكلية المدنكلة ديييييييي.. وفعلا انا وااااي انا ياااااي ما زيمبي في الباي باي..
ملهمة يا كوتش وموزنة يعلم الله بثيودلاين t2
| |
|
|
|
|
|
|
Re: يا هلال مازيمبي بووومي...مازيمبي بووومي...!!! (Re: abuguta)
|
يا معتصم عليك الله تف من خشمك ما تقول
إنشاء الله تعالى 4/0 إنشاء الله هلالنا هلال الملايين سوف ينتصر 4/0 ومازيمبي لن يسجل في مقبرة الأبطال لو هم في بلدهم صعبين نحن في بلدنا شرسين لوهم في بلدهم جمهورهم صعب فجمهور الهلال شرس
أتمناها من الله وإنشاء الله 4/0 يارب
| |
|
|
|
|
|
|
Re: يا هلال مازيمبي بووومي...مازيمبي بووومي...!!! (Re: عبدالكريم الامين احمد)
|
الولد معتصم دفع الله رمز هلالى لا مثيل له,,,عشان كدا استعرنا منه الوجه الى حين
على الطلاق كيكى مركز زى عمر بخيت وهيثم مصطفى وسادمومباوالمعز لكنى خلى والصادق مدهوشين زى امبيلى وكاريكا,وسيف مساوى,, كمان امبيلى جاب ليها تصريحات,,انه اقصى مازمبى مرتين من البطولة وزودها حبتين قال اجمل هدف ليه فى مانشستر ,,والله لكن جنس تصريح
عموما الرجفة حاصلة لكن انا جبل ثبات ,,
رجعت للارشيف لقبت ناس مازمبى اهدافهم كلها بالاطراف ركز ياخليفة جبهتك مستهدفة
| |
|
|
|
|
|
|
|