Post: #1 Title: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-01-2009, 07:53 PM
كلاي بووومي كلاي بووومي كانت هذه الاهزوجة هي الهتافات التي ساند بها الجمهور الكنغولي العنيد الملاكم الاسطوري محمد علي كلاي عندما لاعب الملاكم جورج فورمن في كنشاشا في سنة 1974في اول مباراة من العيار التقيل تقام علي ارض افريقية ليقضي كلاي علي فورمن بعد الجولة السابعة بالضربة القاضية الفنية.. اذن نردد في وجه العنيد مازيمبي ما ردده اسلافهم سابقا عندما ساندو كلاي ضد فورمن ونهتف ياهلال مازيمبي بووومي مازيمبي بووومي.. اي بمعني يا هلال اقضي علي مازيمبي اقضي عليه
Post: #2 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-01-2009, 07:57 PM Parent: #1
الهلال السوداني فريق كبير وله تاريخ طويل في سيرة الابداع وخلفه جمهور عنيد وصبور ويحب هلاله بجنون وهوس ومثل ذلك الجمهور العاتي لا يستحق الا الفوز وسحق مازيمبي باهداف مريحة قادرة علي اشعال المدرجات والفيافي والوديان البعيدة.. وقادرة علي جعل كل جماهيره المنتشرة ان تمارس العناق والبكاء والفرح وهي تعانق وتشهق امام التلفاز وتحتضن الروادي في ابعد الفيافي والربوع السودانية
Post: #3 Title: Re: يا هلال مازيمبي بووومي...مازيمبي بووومي...!!! Author: abdalla osman Date: 10-01-2009, 08:01 PM Parent: #2
يسمع منك اللا نام لا اكل طعام ياخ ..
Post: #5 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-01-2009, 08:07 PM Parent: #3
Quote: يسمع منك اللا نام لا اكل طعام ياخ ..
مرحب يا عبدالله.. وانها الان الطواري واعلان رباط الخيل والترقب ثم القلق الطبيعي الذي يسبق المباريات التاريخية للهلال.. مررنا بهذه الحالة الف مرة ومرة ولكن دوما الهلال سيكون في الموعد وسينشر الفرح باذن الله
Post: #4 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-01-2009, 08:02 PM Parent: #2
هذا الهلال الذي هو الازرق الوهاج يحاكي في خلوده وسريانه في قلوب مشجعيه سيرة النيل ومنحه هذا الشعب الصبور الطيب وعبر مسيرته الطويلة خيرة ابنائه من الذين عطروا سماء السودان وحلقو في تخوم ومجاهل افريقيا بالابداع الكروي... صديق منزول الامير وامين زكي وسليمان فارس السد العالي... ثم جكسا ..الشهير بنصر الدين عباس جاكسون الذي صار علامة فارقة في تاريخ الكورة السودانية مهارة واخلاق وخلود باقي في الوجدان الكروي السوداني ابد الدهر..... بوهج كل هولا الاولين وحرفنتهم التي تراكمت في نجوم اولاد البلد مهند هيثم مصطفي كاريكا
بهذا الوهج نتمني ان يشعل الهلال الارض السودانية بالفرح ويرمي اولي طوباته في طريق حسم ذلك الفريق العنيد الرعديد
Post: #6 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-01-2009, 08:22 PM Parent: #4
بسيرة علي قاقرين وعز الدين عثمان الدحيش وعروة وابو العز والضب... وبسيرة تلك المباراة الشهيرة التي جهزنا فيها الحلة وطبخنا ذلك التيم المصري الرعديد المحلة باربعة اهداف كما السم الرعاف نقف وقفة هلالي واحد في كل كراكير الميدان حتي نمارس البووومي مع ذلك الكنغولي العجيب مازيمبي........ وفرساننا هم عمر بخيت وكاريكا ومساوي
Post: #7 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-01-2009, 08:27 PM Parent: #6
من الشرق الذي اتي.. سيلاعب الزمن وتتداخل حرفنة وحرفنات ستطل فنيات محمد حسين كسلا...ونبيل الطيب ومجدي كسلا وكبري والطاهر حسيب ذلك الوهج الذي قيل بانه عبر الارض الهلالية كالشهب واورثها بعضا من حرفنته التاريخية ثم التاريخي الاسطوري البلدوز اسامة الثغر
Post: #8 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-01-2009, 08:29 PM Parent: #7
ومن الغرب الذي سياتي,,, ستعانقنا بعضا من فنيات تنقا وانس وجلال كادوقلي واقجي وعبد الباقي الطاهر بقو.. وسيرقص كندورة رقصة الكامبلا
Post: #9 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-01-2009, 08:32 PM Parent: #8
ومن مدني السني.. ستعود الي المدرجات ذكريات حمد والديبة حاجة عجيبة وحداثة وعصام غانا ثم ابوزعبل وقلة ذلك الشهير الذي فرتق الشلة ومالي اري بين الامواج الزرقاء عصام باسطة
Post: #10 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-01-2009, 08:45 PM Parent: #9
ستاتي الفيافي والمناطق تباعا.. ولكن نقول دوما الجمهور الكنغولي اشتهر بالعناد والرعددة في مساندة فرقه الرياضية واللعب في ملاعبهم كالمرجل بالنسبة لكل فريق زائر.. لذا نتمني ان تتحول المدرجات الي مباراة اخري ما بين جمهور الهلال الرهيب وذلك الجمهور الكنغولي.. وفليكون جمهور الهلال هو السلاح واللاعب رقم (1) ونتمني ان تصل الهتافات الي السوق الشعبي في العاصمة الكنغولية عشااان ياااااامنو..
Post: #11 Title: Re: يا هلال مازيمبي بووومي...مازيمبي بووومي...!!! Author: عبدالوهاب علي الحاج Date: 10-01-2009, 08:52 PM Parent: #10
كيكي يارهط بوووومي ولا اندوووومي جماعتك ديل مرشوشين مرشوشين
____ الجماعة في عطبرة مفروض يخلوهم هناك قبلم يشتغلوا محولجية كاااااااااااااااااااك
Post: #12 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-01-2009, 08:59 PM Parent: #11
Quote: الجماعة في عطبرة مفروض يخلوهم هناك قبلم يشتغلوا محولجية
بالله من الجريف نشقو صوب عطبرة جماعتنا الزمان ديلك والله ما عجبني للمرقوت ههههههه..
غايتو وراغو ده محولنجي جاهز وما داير درش كثير في ورش عطبرة دي
............................... ومادام جيتنا يا وهبة وجاتنا معاك بحري ح اديها لفة وح اجي اخلد سيرة اولاد بحري الفنانين في كل شي... والجابو لينا في الهلال ابراهومة الديسكو وجعفر عبدالرازق وسيدا والكثيرين من سياد البلد كرويا
Post: #13 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-02-2009, 06:21 AM Parent: #12
هلا يا محمد حيدر وتحياتي الحارة ياخي والبوست اتعمل نسختين وقلنا ننقل مداخلتك هنا حتي نستمرف محل واحد.. وفعلا ابو الهل لازم يعمل ليهم بومايي وبوماييي تقيل حتي نادي ماتش الاياب بارتياح.. الطيشاب حالهم اصبح لا يسر عدو ولا يسر صديق.. ومتجوليين في كراكير الدوري المحلي بارتياح يوم ضاحية الجريف واليوم التاني عطبرة وسمعنا تحت تحت انهم ماشين القضارف ... وابو الهل كورتو مولعة نار منقد ويمارس البوماييييي والبووومي بمزااااااج
وفعلا دايرين ضربة صاعقة خطافية هلالية ثلاثية وياريت لو متعنا سادومبا والبرنس والود امبيلي باحرازها عشان كمان نودي مازيمبي الدوري المحلي بتاع الكنغو
Post: #14 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-02-2009, 08:09 AM Parent: #13
في ماتش رهيب ككورة مازيمبي هنالك عدة شروط موضوعية لو توفرت لابوالهل فانه لامحال فائز وبقدر كافي من الاهداف.. 1- اللياقة العالية والمتكملة 2- التكتيك وخطة اللعب المرنة والصارمة في نفس اللحظة 3-الحضور الذهني والميداني العالي عند لاعيبة الهلال وتسخيرهم لمهاراتهم وقدراتهم ولياقتهم من اجل خدمة الهدف بكل مثابرة وصبر وحماس 4- القراية السليمة لمجريات اللعب من قبل المدرب واحباط تكتيكات خطة مازيبمي 5- المساند الجماهيرية الشرشة وعدم الياس وحتي ان تاخر الهلال في النتيجة فالقوون في الكورة او المبارة ياتي في اي جزء من الماتش وفي جزء من الثانية
Post: #15 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-02-2009, 08:36 AM Parent: #14
كورة القدم مليئة بالاسرار والاشياء الغير مرئية واهمها بالنسبة لي اراها في الحوار الداخلي الذي يدور في دواخل لعيبة الهلال...(ما بين اللاعب وذاته).. وهذه الجزئية هي الاهم والجزء الفاصل في تحقيق النصر... فلاعب الكورة في مباريات صعبة المراس كتلك سبقته ضجة اعلامية وهناك جماهير تقدر بالملايين في انتظارها وهناك مرحلة اكبر يجب علي التيم ان يصعد اليها.. الية صناعة النصر والفوز تحتم عليه امتصاص كل هذه الهيلمانة وتحويلها الي طاق ايجابية الي 1- حماس 2- تركيز 3- صبر ومثابرة ميدانية 4-تجويد التمرير واتقان الجملة التكتيكة والمهام الاساسية والتغطية السليمة والتصرف الذكي في اللحظة المطلوبة
فمازيمبي ليس بالفريق الذي لايقهر طالما وفرنا كل الشروط الخارجية والشروط الداخلية في ذات اللاعب ودواخله..
Post: #16 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-02-2009, 08:45 AM Parent: #15
الهجوم.. وهو الخط وراس الرمح الذي تضع التكاليف وخطة اللعب في امام مهمة حسم هذا اللقاء واحراز الاهداف.. لذا نتمني ان نري خطة هجومية استاندر وحقيقية..وتجعل الطريق الي مرمي مازيمبي العديد يقع في اسهل الطرق.. عبر 1- الاطراف عبر العكسات المركزة ومعالجتها من الهدافين بطريقة نموذجية (التهديف بالراس..استعمال القدم الصحيحة في الاتجاه السليم للكورة) ثم الوقوف الصحيح في منطقة الصندوق,,, ونتمني ان يفعلها سادومبا لما يمتاز به من مقدرات علي اللعب من هذا الطرف الخطير من الملعب 2- الهجوم من العمق الدفاعي لمازيمبي عبر التقارب ما بين المهاجمين واستغلال مهاراتهم في المراوغة والاختراق 3- التهديف من خارج خط 18 بتركيز وقوي ... 4- اتقان اسكان الكور الثابتة وايداعها الشباك بتركيز ومهارة وتصميم...
كل الاربعة منافذ اعلاه ان جودت اي منها فهي قادرة في كل جملها التكتيكية من احراز هدف لابو الهل
Post: #17 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-02-2009, 08:54 AM Parent: #16
الوسط,,, هذا الخط الهلالي هو من عليه التعويل وحسم هارموني المباراة (لذا حذاري).. وان وجد خط وسط حقق الاشياء الاتية لوجد النصر بالتاكيد 1- صناعة الهجمات عبر كل مداخل الهجوم 2- الاهتمام بمركز صناعة الهجمات المرتدة عند مازيمبي وهي الخطة التي في الغالب سيلعب بها 3- دعم الهجوم عدديا بالاطراف والعمق 4- مساندة الدفاع مع الاحتفاظ علي التفوق العددي فيه لصالح الهلال في كل لحظة من لحظات الهجمات عند مازيمبي 5- تحويل خط الوسط باكلمه كخط هجومي في التصويب صوب المرمي بتركيز وقوي من كل زوايا المسافات المشارفة لخط 18
.. وان وجدنا خطا بهذه المواصفات فحتما سيكون البووومي نهار وعيانا وبكورة تمتع الجماهير
Post: #18 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-02-2009, 09:12 AM Parent: #17
الدفاع.. ولان ماريمبي فريق ذو مقدرات هجومية بنت لذينة ومهاجمين من النوع الذي يمكننا ان نطلق ليه (قف وتامل) لذا نطعم في دفاع يحقق الاتي.. 1-التركيز العالي والقراية السليمة للهجمة ومنذ بدايتها 2- تغطية واعية لمنطقة الدفاع تقيها شرور الهجمات المرتدة المفاجئة 3-اللعب مان تو مان مع المفاتيح الهجومية ذات الخطورة دلتا عند مازيمبي ولاباس من ممارسات بعض الحركات البركاتية التي برع فيها الديبة وصلاح دوشكا سابقا في تشتيت كورة المهاجمين (وده طبعا شغل غمت قانوني لا خوف عليه من قوانين الفيفا) 3-هرمنته تغطية الصندوق مع الوسط ثم التحول السريع الي مساندة الوسط دون اهمال الواجبات الدفاعية.. 4- الاطراف والتغطية الصارمة الحاسمة والعنيفة
Post: #19 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-02-2009, 09:17 AM Parent: #18
ستهبط الالحان الشجية وترفرف في فضاء الملعب يا ابو الهل الوازا والمردوم والجراري والطنبور.. وكل الاغاني الخالدة التي تتوق الي الفرح... فافعلها يا هلال
Post: #20 Title: Re: يا هلال مازيمبي بووومي...مازيمبي بووومي...!!! Author: Yassir Tayfour Date: 10-02-2009, 09:49 AM Parent: #19
يا كيكي! أنا أخشى على أولادنا من الضغط النفسي.. ___ دايرين تلاتّة أهداف، وشباك نضيفة..
Post: #21 Title: Re: يا هلال مازيمبي بووومي...مازيمبي بووومي...!!! Author: صديق الموج Date: 10-02-2009, 10:45 AM Parent: #20
عبد الكريم اللمين....كيف حال عليك الله سودت الصفحات دى كلها وكاس مشاركة خارجية واحد مافى... انا هسه بقلب لى ساعة لقيت البوست كله صديق منزول وجكسا ياخى ديل على عينا وراسنا لكن كان تطعمهم وقد احرز الهلال كاس شنو ما عارف وفى سنه الف وطرشمية وطرشين فقد احرز فريق الصفر الدولى كاس القارات .. غاينو عدم الخجلة وقوة العين بتسوى كتير... الله لا حوجنا لمباراة الرد... ان شاء الله الموضوع يتحسم من هنا ونرتاح. وان شاء كالعادة دورى الاربعة احسن واخر انجازاتكم،،،
Post: #23 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-02-2009, 10:56 AM Parent: #21
Quote: عليك الله سودت الصفحات دى كلها وكاس مشاركة خارجية واحد مافى...
هلا يا الموج والكاس الخارجي جاااي ولو يا طيشاب راجين حاجة غير كده احسن من حسع تشوفو ليكم كركور من كراكير الجبال السودانية دي وتلبدو فيهو... ناس منزول وجكسا والنجوم البتقول يا ليل ديل هم اساس ابو الهل وامطار ابداعية هطلت ذات يوم في نيل الهلال الدفاق ..
طبعا يا خال انا مستغرب من فصاحتكم دي ياخي انتو جيتو الطيش عديلللل كده مافي زول هبب ليكم مالكم متعبين روحكم كده.. وخليكم في المحلي عطبرة والجريف والقضارف
Post: #22 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-02-2009, 10:51 AM Parent: #20
Quote: أنا أخشى على أولادنا من الضغط النفسي.. ___ دايرين تلاتّة أهداف، وشباك نضيفة..
هلا يا ابو اليا.. وفعلا الضغط النفسي والشد وااحدة من الحاجات الممكن تبوظ اي حاجة ولكن ثقتنا في الاولاد كبيرة وخبرتهم الطويلة في المباريات الزي دي ممكن تجيب لينا مريسة تام زينو باذن الله...
ويارب ثلاثة اهداف سمان عشان نسفسف بيها الرعديد مازيمبي ده
Post: #24 Title: Re: يا هلال مازيمبي بووومي...مازيمبي بووومي...!!! Author: صديق الموج Date: 10-02-2009, 11:00 AM Parent: #22
Quote: أنا أخشى على أولادنا من الضغط النفسي.. ___ دايرين تلاتّة أهداف، وشباك نضيفة..
عليكم الله تانى لما تنوموا اتغطوا كويس... سمح؟؟؟؟؟؟؟؟؟؟؟؟
Post: #25 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-02-2009, 11:04 AM Parent: #24
Quote: عليكم الله تانى لما تنوموا اتغطوا كويس... سمح؟؟؟؟؟؟؟؟؟؟؟؟
يا صديق.. عندنا بالمناسبة خلايا هلالية مهمتها التوثيق لجنس كلامك ده.. وبعدين بعد الكورة حيجي زول اسمو طارق الكوتش حيدق الصفائح.. فحذاري
Post: #26 Title: Re: يا هلال مازيمبي بووومي...مازيمبي بووومي...!!! Author: khaleel Date: 10-02-2009, 11:28 AM Parent: #25
هلا بالسيد رئيس مجلس خيراء القيادة الاسفيري كريم الامين
والله لا افكر في مباراة امدرمان علي الاطلاق شفتها وعرفت نتيجتها تماما وساشاهدها كانها مسجلة
ولكن افكر في مباراة العودة يوم 18 اكتوبر
مازيمبي داخل ارضه لا يرحم ولا يضيع الاهداف والحساب كاش علي طول
وعليه لحين ان تاتيني مباراة يوم 18 اكتوبر من المصدر (انا راجف)
Post: #27 Title: Re: يا هلال مازيمبي بووومي...مازيمبي بووومي...!!! Author: محمد حيدر Date: 10-02-2009, 11:36 AM Parent: #26
باشمهندس
ديل كم؟؟؟؟؟
أقابلك بعد الكوره
Post: #29 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-02-2009, 11:44 AM Parent: #27
Quote: ديل كم؟؟؟؟؟
ثلاثة وياريت ايامنا تكون ثلاثات ... وكده ياخي اخوانا بتاعين العرضة قصتهم حتكون بايظة
وفي انتظارك ونقول من حسع يارب
Post: #28 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-02-2009, 11:40 AM Parent: #26
Quote: وعليه لحين ان تاتيني مباراة يوم 18 اكتوبر من المصدر (انا راجف)
هلا ياخلي يا رائد الاركلوجية الاسفيرية ومعول هلالي نشط في ساحات الهلال سيد البلد..
وياخي قسطا ده كشكشو واديهو حوافز او اي حاجة كده عشان يريحنا من ملف مازيمبي ده الخلانا من الليلة راجفين زي صحن الكاسترد؟؟
انا يا ابو خليل متنمي الصعود يتحسم في استاد الهلال.. ونفسي اشوف اكبر كمية من الاهداف تقينا شرور الناس الشرشين ديل لمن ينفردو بينا في بلدهم ام دق ديك
Post: #33 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-02-2009, 04:19 PM Parent: #30
Quote: انا واى انا ياى مازمبى فى الباى باى
هههههههه تخيل يا كوتش شفتو وكنت مزتوق ساعتها في الشغل والمشاغل عشان .. ولكن من عنوانو ذكرني اهزوجات تشجيع الكلية المدنكلة ديييييييي.. وفعلا انا وااااي انا ياااااي ما زيمبي في الباي باي..
ملهمة يا كوتش وموزنة يعلم الله بثيودلاين t2
Post: #34 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-03-2009, 07:01 AM Parent: #33
والكجور ده يا خلي ماسك الكورة الثانية في الكنغو اذن اين المفر يا ما زيمبي
Post: #35 Title: Re: يا هلال مازيمبي بووومي...مازيمبي بووومي...!!! Author: abuguta Date: 10-03-2009, 09:12 AM Parent: #34
كيكى سلام
قالو خليل لمامشى يستلم قسطنتين من السجن الرمضانى بادره باول سوال,,,قال ليه ابو الهل بشيل كاس افريقيا؟؟؟ رد قستطنتين عام 2010 الهلال سيحصد4 كاسات ولو لا برشلونه لحصد الخامس,,,فرفض خليل استلام القستنطين على انه تبدل مع قسطنتين كتلونى لكن حرس السجن قال ليه دا يازول جنييييك ودى نمرة الحبس دحين ادفع واستلم ساى
اها ناس صديق الموج ديل بمشو وين تانى... شابكننا المحلى داخل عطبرة اسى المحلى خارج من عطبرة
نتيجة المبارة 3/1
Post: #36 Title: Re: يا هلال مازيمبي بووومي...مازيمبي بووومي...!!! Author: الصادق صديق سلمان Date: 10-03-2009, 11:19 AM Parent: #35
يا معتصم عليك الله تف من خشمك ما تقول
Quote: نتيجة المبارة 3/1
إنشاء الله تعالى 4/0 إنشاء الله هلالنا هلال الملايين سوف ينتصر 4/0 ومازيمبي لن يسجل في مقبرة الأبطال لو هم في بلدهم صعبين نحن في بلدنا شرسين لوهم في بلدهم جمهورهم صعب فجمهور الهلال شرس
أتمناها من الله وإنشاء الله 4/0 يارب
Post: #37 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-03-2009, 02:55 PM Parent: #35
Quote: نتيجة المبارة 3/1
هلا يا ابوقوتة ومنصوريين باذن الله وببركة شيخي التور الضالع ودهاشم... وناس صديق الموج شابفهم مسكتهم (ام هلا هلا).. ولكن بكرة باذن الله سنقصي علي اخر مسمار في نعشهم المتهالك
يا هندسة الهلال غالب غالب في استاده لكن عايزين الحسم من هنا .. ومتابعين معاك ، وبكره إنشاء الله في بوست كارب عن كواليس هلال مازيمبي ... لنعيد ذكري بوستات كواليس مباريات 2007 ...
Post: #45 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-04-2009, 01:39 PM Parent: #41
Quote: يا هندسة الهلال غالب غالب في استاده لكن عايزين الحسم من هنا ..
هلا يا زهير وغالبين باذن الله .. والصوت الداخلي بتاع تحسس المخاطر حسم القصة دي قبيل وقال الهلال غالب دون شك
Post: #42 Title: Re: يا هلال مازيمبي بووومي...مازيمبي بووومي...!!! Author: عبدالكريم الامين احمد Date: 10-03-2009, 06:40 PM Parent: #40
Quote: والله انت كويس قائلو تمبس
انا قلت دا ميكافيلي الهكر
جهز التمباك ياخلي وبكرة موعدنا بيت الهلالابي الكبير عمر بوب..
Post: #43 Title: Re: يا هلال مازيمبي بووومي...مازيمبي بووومي...!!! Author: abuguta Date: 10-04-2009, 05:55 AM Parent: #42
الولد معتصم دفع الله رمز هلالى لا مثيل له,,,عشان كدا استعرنا منه الوجه الى حين
على الطلاق كيكى مركز زى عمر بخيت وهيثم مصطفى وسادمومباوالمعز لكنى خلى والصادق مدهوشين زى امبيلى وكاريكا,وسيف مساوى,, كمان امبيلى جاب ليها تصريحات,,انه اقصى مازمبى مرتين من البطولة وزودها حبتين قال اجمل هدف ليه فى مانشستر ,,والله لكن جنس تصريح
