|
Re: أضغاث السانسميليا (2) رؤية من مجرة موازية (Re: Tagelsir Elmelik)
|
والله دي مش مجرة موازية ، دي مجرة موازيه عندها تتدخلات كمان . اعاده النظرالي التاريخ في اي مستوي هي اعادة صياغة واعادة خلق ، في هذه الكتابة الممسوسة باضغاث السنسميليا والهم السياسي المرجوج (رج الزجاجة جيدا قبل الاستعمال) ببراعة عجيبة واحباط كمان. امتعنتي وضحكتني وقريت تاني وتنشنت بي وحيرتني واخذت عقل قلبي في الحال العام والحال الخاص وال:
Quote: قسم مثل قسم ( كرومة ) بالمحيا البدرى , الحق اقول لكم , ان العم سام , سيقف على ابواب نيالا , طال الزمن ام قصر , و قبل ذلك , سيبنى ( معاوية) بيارة فى السوكى , تضخ الماء من اسفل الى عل , لا تدخل زمرة عجائب الدنيا , حتى يدركها حتف الجاذبية , فتنهار بددا , و جاءتنا من سنار نبوءة حكيمها , ان السفر سوف يكون بالبيوت و ان الكلام ( بالخيوت) , الحق اقول لكم , ان الكلام فى زمانكم بالكروت , و السفر بالفيزا , و عقود العمل و انقطاع الأمل , سفر الفقر و الفاقة , و سفر الأرتزاق و سفر الأنشقاق و سفر الأتفاق , حتى و لو سالت انهاركم بالبترول , حفظكم الله من ( سنتر الخرطوم) , و الكيزان ابان جضوم. انتهى. |
تاج السر الملك إنتهى في قفلة النص ، الكتابة ،الرؤية دي صدمتني "طرااااج "بطريقة مجلة ميكي ، مثل هذا الشوف لا يحتمل عبارة كإنتهي ، لانو ببساطة م بنتهي ؟ ؟ في نهاية القراية والتصور وكده ، ماكان الا تقفل كده ! ، لانو شوف زي ده ما بنتهي .ولا فلسفتك شنو في الاضغاث دي ؟!
قل لي يا تاج ؟ ده الاستايل ياتو ؟ بعدين " الجريفابي" ده منو العايز يعرس ملكة بريطانيا؟ هل في نسل؟ غايتو انا ولا بسيب هواي ولا باضغاث السانسميليا ..
|
|
|
|
|
|