طلعت القمرة - مسلسل أون لاين

مرحبا Guest
اخر زيارك لك: 05-30-2024, 06:17 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة د.بشري الفاضل(Bushra Elfadil)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
08-31-2010, 08:01 PM

Bushra Elfadil
<aBushra Elfadil
تاريخ التسجيل: 06-05-2002
مجموع المشاركات: 5252

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: طلعت القمرة - مسلسل أون لاين (Re: Bushra Elfadil)

    الحلقة الخامسة والعشرون

    الخيط الرئيسي (داليا واروب), المشهد 85
    داخلي/نهار
    (انصاف ترفع السماعة من داخل فيلتها بالخرطوم وتهاتف زوجها خليل )
    انصاف: ألو؟
    خليل : أوه يا أممية جيتي؟
    انصاف: يا خليل آي جيت لكن إنت شيل شيلتك مع القنبلة الجاياك بيها دي.
    دكتور خليل : قنبلة؟ (يتوجس) اسمعي يا انصاف إنت متصلة من البيت؟ أنا جايي البيت .انا جايي البيت
    انصاف: يس . جست أرايفد فروم ذا اير بورت Yes,just arrived from the airport
    أوكي آم كومينج.O.K . I'm coming يرمي السماعة ويهرع نحو الفيلا وهو محتار يتمتم لنفسه): يا ربي داليا حصل معاها شنو؟واللا يكون مع إنصاف؟
    (قطع)








    الخيط الرئيسي (داليا وأروب), المشهد 86
    داخلي/ نهار
    (الدكتور خليل يتصل بداليا في الزقازيق ويستدعيها للحضور للخرطوم في اجازة العيد)
    داليا: آلو أيوة يا بابا أنا داليا.
    الدكتور خليل والدها: إزيك يا داليدا .إنتي قضيتي عيد رمضان مع خالتك في القاهرة الدورة دي عيد الاضحى تعالي أم درمان.
    داليا: حاضر يا بابا رسل لي التذكرة بجي وعارفا ماما كلمتك بالموضوع .
    د.خليل: طبعا ماما كلمتني لكن الموضوع دا اسه نخلي مناقشتو بالتلفون. التذكرة تلقيها مع كمال خالد ومعاها بوكيت موني . أنا قلت ليك تعالي الخرطوم عشان عارفا معزتك عندي قدر شنو يا داليدا. تعالي وبعدين نتناقش فيهو بي رواقة.
    داليدا حاضر يا بابا سلم على عاصم وماما. وجدو محمد وحبوبة شامة يا بابا .
    د. خليل : حاضر يا روح بابا.سلام
    داليا: مع السلامة.
    (قطع)





    الخيط الرئيسي (داليا واروب) ، المشهد 87
    خارجي - داخلي/نهار
    (الدكتور خليل يستقبل داليا في مطار الخرطوم)
    خليل والد داليا (يسلم على ابنته بالأحضان في المطار) :أهلاً اهلاً داليدا.
    داليا: تسلم عليه (وهي محتارة كيف يمكنها أن تقرأ أفكاره)
    د. (خليل يتجه نحو عربته ويفتح لها الباب ويركبان): شوفي يا داليا حأوصلك البيت بسرعة وأجيكم العصر .عندنا بعد ساعتين كونسورتيوم.
    داليا: بخاطرك يا بابا. أصلي نفسي في نومة بعد السفرة من الزقازيق.
    د.خليل: ما أدس عليك أمك حكت لي على كل حاجة. لكن اسة كدي النوصلك البيت وبعدين نجي نتفاهم أنا وانتي ومامتك.
    داليا: يا بابا أجيك من الآخر زي ما بقولوا أخوانا في الزقازيق.انا جايا من هناك وفي الطايرة فكرت أقول ليك شنو من ما اقابلك: أنا الموضوع دا ما بخليهو ما بخليهو ما تضيعوا زمنكم إنت وماما ساكت.
    (د.خليل يطرق بيده على عجلة القيادة وهو حائر ويقود العربة في صمت)
    (قطع)






    الخيط الرئيسي ( داليا واروب)، المشهد 88
    داخلي /نهار
    (والد داليا يحكي لوالدتها ما قالته داليا وهما في الطريق إلى البيت ويفكر الزوجان معاً في كيفية الخروج من الازمة)
    انصاف (داخل الحجرة مع زوجها وهو يغير ملابسه استعداداً للذهاب لاجتماع الكونسورتيوم الطبي): ترا جيتو بدري. الظاعر الطيارة جات في مواعيدها.
    د.خليل : أيوة لكن داليا فجرت قنبلتها معاي أنا كمان ونحن في الطريق. الظاهر البت دي راكبا راسها.
    انصاف: يا خليل بس بالله عليك اتعامل معاها بالهداوة.تعال نحاول سوا يمكن نقنعها.
    خليل : تفتكري حأضربها ما خلاص هي بقت شابة راشدة لو ما اقنعتها ما بتحل بينا مصيبة!
    إنصاف : ( يسمعان صوت داليا وهي تنادي عليهما فتقول لخليل ): كدي اسة ما نوتر عليها الجو النخلي الموضوع دا لي بعدين لما ترجع من عملك.
    (قطع)










    البحث عن طه ، مشهد 44
    خارجي/ليل
    في حوش بيت سيدأحمد/ بعد الغروب
    ( حاجة عاشة تلاقي ترحيب حار من رقية أم بدور وبدور وزوجها ياسر عوض الجيد، بدور وزوجها أصبحا محاميين شابين يعملان في مكتب الأستاذ نصر الدين المحامي وموثق العقود. )
    ياسر : اتصلتوا يا خالتو رقية بناس تمري ؟
    رقية : انا يا داب جيت داخلا لقيت أمل معاها.
    بدور : أمل تكون ما انتبهت
    (تنادي امل التي توجد بالداخل في غرفتها) : يا أمل اتصلتي بي ناس تمري قلت ليهم الحاجة وصلت عندنا؟
    أمل : لا .
    بدور : ما قلت ليك يا ياسر؟ ( تدخل لتحضر الهاتف تتصل ب أهل حاجة عاشة في تمري )
    ياسر: كلامك صاح.
    بدور: هالو دكان حاج حسن؟ منو معاي . إزيك يا عم عثمان . أنا بدور بت سيد احمد ود طيفور
    صوت عبر الهاتف : أهلاً أهلاً يا بنتي أهلاً بالأستاذة المحامية.
    بدور: الله يبارك فيك.عليك الله لوسمحت نادي لي حاج محمد خير النقول ليهو حاجة عاشة وصلت الخرطوم.
    صوت عثمان عبر الهاتف: الحمد لله . الحمد لله الوصلت بيت ولدها . والله هني شفقتنا بالحيل وإن كان لي حاج حومد خير بقى رقيق زي القشا الهوا دا يرميه.تقفلي السماعة واللا أناديهو ليك هوا.
    بدور : حأتصل تاني
    عتمان عبر الهاتف : خلاس خمسة دقايق ويكون جا الدكان. بكورك ليهو بي فوق الحيطة.
    ( قطع)







    البحث عن طه – مشهد 45 متصل
    داخلي/ليل
    بعد الغروب
    ( ياسر وهو يؤرجح مفاتيح سيارته مخاطباً بدور ): ما لقيتي عم محمد خير واللا شنو؟
    بدور: لا حينادوهو.
    رقية : يمكن راح الصلاة في المسيد . الحاجة قالت قاعد يصلي في المسيد الفي فريقن.
    حاجة عاشة: يا منو ؟
    رقية : عمي محمد خير.
    حاجة عاشة : مالو دان؟
    بدور : يا حاجة دايرين نكلمو بالتلفون ونخليك تتكلمي معاهو.
    حاجة عاشة : بالتلفون؟ مع محمد خير؟
    ياسر : أيوة :
    حاجة عاشة : اسع تلفونكن دا قاعد ينضم مع ناس تمري؟
    بدور : أيوة يا حاجة
    حاجة عاشة : حكمتو قادرة .والله الحكومة دي ما خلت شي .زمان التلفونات دي ما نسمع بيها إلا في الأمدان وناس القطارات. واقوللو شنو؟
    رقية : سلمي عليهو يا خالتي عاشة وقولي ليهو وصلتي هنا بالسلامة.
    حاجة عاشة : سمح .
    (بدور تتصل بتمري ): هالو إزيك يا جدي محمد خير أنا بدور بت سيد احمد . أي بت رقية .الله يسلمك الله يعافيك .حاجة عاشة وصلت عندنا هنا في الخرطوم بالسلامة ها النديك ليها تكلما.
    محمد خير : (عبر الهاتف ) إزيك يا بدور يا بنتي . والدتك إزيها وأخياتك وراجلك؟
    حاجة عاشة : (بصوت عالٍ هالو !هالو! هالو !هالو! هالو! (تسمع صوت زوجها محمد خير) يا كا تراكا صوتك صوت حومد خير الخالق الناطق.السلام عليكم سلموا لي على ناس البلد . في الباظات الليلة قالوا لي ولدك دا يمكن مرق في الحبشة .انا إن بقى مرق في فاس الما وراها ناس تراني ماشة في دربوا .لالا ما بعقد أرجاك هني وما ني جاية يا راجل لي قشري ديك ان كان ما لميت في جناي. والله الفاشر طاري أمشيلا وحتى إن كان بقى في بارا ذاتا بمشي افتشلو طب ما بخلي دربو.
    صوت محمد خير : يا مرة إنت مافيك عقل؟ والله صحي كلام القال المرة ان بقت فاس ما تشق الراس .أسع الاهل كلهن غلغلتيهن وجننتيهن الولد خلاس راح في حق الله اسكتي تعالي امسكي واطاتك وريحينا في عقاب عمرنا دا.
    عاشة : لا لا ما بجي وما بقعد أرجاك في الخرتوم .
    (تقطع المحادثة وتضع السماعة بالمقلوب مخاطبة بدور) هاكي اتكلمي مع الراجل المصيوب دا.
    (قطع)










    القريتان (ام جداول ) ، المشهد 39
    داخلي /ليل
    محادثة تتلقاها هناء الطيب في بيتهم بأم درمان.
    (محادثة هاتفية بين الرياض وأم درمان . طارق يخطب هناء بواسطة أمه وهناء لا تعرف ويسبق الخطوبة فيتحدث مع هناء مباشرة قبل وصول أمه للتفاكر حول الخطوبه مع أختها زهراء والدة هناء .)
    طارق: الو السلام عليكم دا بيت ناس الطيب ؟ معاي منو؟
    هناء: أيوه دا بيت الطيب عدبالكريم .
    طارق : (لهناء) إزيك يا أمورة
    هناء: منو معاي؟ طارق ( يضحك ) الله ما عرفتيني انا طارق.
    هناء: طارق منو؟
    طارق: الله جرى ايه .طارق ود خالتك ( يصمت لحظة) العريس
    هناء: اهلاً.إزيك يا طارق
    طارق: (يضحك ) أيوة كدا من قبيل مالك يا أمورة
    هناء : شنو حكاية أمورة دي . لينا منك زمن يا طارق والله .إنت قلت عرست؟
    طارق: الله الله الله هم الجماعة ما كلموك واللا شنو؟
    هناء : الجماعة يا تم ؟
    طارق : ناس أمي.
    هناء : يكلموني بي شنو؟
    طارق: أنا خلاص جايي الإجازة بعد شهر .جهزت الشبكة وكل حاجة وجايب معاي عربية ومن الضمن جايب ليك في الشبكة دهب وقلته اسألك من الألوان والمقاسات
    هناء :جايب لي أنا؟
    طارق : الله الله إنتي شنو حكايتك؟
    هناء : حكايتي إنو ما بعرفك وانت كمان ما بتعرفني ومن المفترض انك تسألني بالأول موافقة واللا لا قبل ما تكلم أهلك وأهلي.
    طارق: أسة انا بسألك رأيك شنو؟ ولو إني عارف الإجابة
    هناء: عايز تعرف رأيي انا ما موافقة لأني مرتبطة وأتمنى تكون فهمت كلامي وينتهي الموضوع دا هنا. وعشان المحادثة ماتطول وما عندي أي كلام اقوله من فضلك انهي المحادثة دي ومع السلامة.
    طارق (قبل قطع المحادثة يقول وهو في حالة دهشة كاملة ): الله الله الله الغنم دي جنت واللا شنو؟ البت دي ما خليتا شافعة؟ دايرة تقفل السماعة في وشي؟ هم الجماعة ما فهموها واللا شنو؟هناء يا هناء
    (تقفل هناء الخط).
    ( قطع)









    باسباريبحث عن عمل، مشهد 54
    ليل / داخلي
    ( في بيت أوشيك)
    اوشيك با خينا طول بالك شوية. كدي اقعد اسع على العنقريب.الفورمان دا ما بإيدو حاجة. بكرة انا بمشي معاك للمهندسين
    باسبار: لكن رئيس العمال دا قال شغل مافي السنة دي قال لي بالواضح تعال السنة الجاية.قال الناس المعاهم كفاية وعارفين الشغل.
    أوشيك: ياخي سيبك منو. دا هن عرفوا بي قولة شغل في واللا مافي؟ المهندسين هم العليهم الرك.
    باسبار: والمدير ؟
    أوشيك : المدير دا خليهو .انا لي سنتين مكتبوا ما خابر بكانوا خليك انت.
    باسبار: اوف . شكراً لقايت بكرة يا ..... (لم ينسى الاسم لكن تباطأ في نطقه بسبب انشغال البال وكانا قد تعارفا صباح ذلك اليوم )
    أوشيك: اوشيك .
    باسبار : يا اوشيك مع السلامة يحمل مخلايتو
    أوشيك : تعال ماشي وين ؟ الجبل دا كلو دبايب. إنت قيل دا جبل هوميقر ماشي تبيت في الخلا.استريح هدا عنقريب محمد أخوي ماشا البلد. ارقد فيهو للصباح .
    باسبار : قلت كدي؟ سمح يا خوي.
    ( يهيء نفسه لأخذ اتكاءة في العنقريب بينما ينظر إليه اوشيك بإشفاق)
    (قطع)






    إبراهيم بطيخ، مشهد 36
    داخلي /نهار
    والدة هناء: مسكينة هناء كانت تحن على إبراهيم بطيخ شديد.تلقاهو اتفجعت بي موتو
    جارتها: ابراهيم مسكين مات بعيد من أهلو يا حليلا أمو منو البوصل ليها الخبر؟
    أم هناء : يا يمة حليل أبوي أمو وأبوهو ماتوا الليلة واللا أمس قبل عشرة سنين جماعتوا الجو من بلدن في الغرب جابوا ليهو خبر موت أمه. وابوه مات يمكن قبل عشرين سنة وابراهيم كان هنا. يا حليلو وحليل أهلو.
    (قطع)







    ابراهيم بطيخ مشهد37
    خارجي/نهار
    (ماتم فراش بسيط في كمبو الترعة .بروش واشخاص جالسون .سكان الكمبو يتوافدون ويجلسون ويأتيهم بعض سكان القريتين المجاورتين ليرفعوا الفاتحة).
    من بعيد يجيء حاج عبدالكريم على ظهر حمار يصل إلى الكمبو وينزل كيلتين دقيق من حماره ويقول لي ناس الفراش دخلوا الدقيق دا جوى يا أولاد. يأتي ويجلس مع ناس الفراش
    أحد الداخلين للعزاء : الفاتحة
    ينهض داود وحاج عبدالكريم وآخرون : الفاتحة
    (قطع

    نهاية الحلقة الخامسة والعشرين
                  

العنوان الكاتب Date
طلعت القمرة - مسلسل أون لاين Bushra Elfadil08-12-10, 03:13 PM
  Re: طلعت القمرة - مسلسل أون لاين محمد المرتضى حامد08-12-10, 03:21 PM
    Re: طلعت القمرة - مسلسل أون لاين Bushra Elfadil08-12-10, 03:30 PM
      Re: طلعت القمرة - مسلسل أون لاين سلمى الشيخ سلامة08-12-10, 09:24 PM
        Re: طلعت القمرة - مسلسل أون لاين هشام كمال08-12-10, 09:53 PM
          Re: طلعت القمرة - مسلسل أون لاين Bushra Elfadil08-13-10, 00:37 AM
        Re: طلعت القمرة - مسلسل أون لاين Bushra Elfadil08-13-10, 00:23 AM
          Re: طلعت القمرة - مسلسل أون لاين سلمى الشيخ سلامة08-13-10, 00:42 AM
            Re: طلعت القمرة - مسلسل أون لاين Bushra Elfadil08-13-10, 05:44 AM
              Re: طلعت القمرة - مسلسل أون لاين سلمى الشيخ سلامة08-13-10, 05:58 AM
                Re: طلعت القمرة - مسلسل أون لاين هشام كمال08-13-10, 07:45 AM
                  Re: طلعت القمرة - مسلسل أون لاين فيصل محمد خليل08-13-10, 08:15 AM
                    Re: طلعت القمرة - مسلسل أون لاين Bushra Elfadil08-13-10, 09:13 AM
                      Re: طلعت القمرة - مسلسل أون لاين Bushra Elfadil08-13-10, 09:19 AM
                        Re: طلعت القمرة - مسلسل أون لاين Abdlaziz Eisa08-13-10, 11:04 AM
                          Re: طلعت القمرة - مسلسل أون لاين Bushra Elfadil08-13-10, 12:50 PM
                            Re: طلعت القمرة - مسلسل أون لاين Bushra Elfadil08-13-10, 01:05 PM
                              Re: طلعت القمرة - مسلسل أون لاين Bushra Elfadil08-13-10, 01:27 PM
                                Re: طلعت القمرة - مسلسل أون لاين Bushra Elfadil08-13-10, 01:53 PM
                                  Re: طلعت القمرة - مسلسل أون لاين Bushra Elfadil08-13-10, 02:27 PM
                                  Re: طلعت القمرة - مسلسل أون لاين Bushra Elfadil08-13-10, 02:27 PM
                                    Re: طلعت القمرة - مسلسل أون لاين Abdlaziz Eisa08-13-10, 03:29 PM
                                      Re: طلعت القمرة - مسلسل أون لاين خدر08-13-10, 05:00 PM
                                        Re: طلعت القمرة - مسلسل أون لاين Bushra Elfadil08-13-10, 07:47 PM
                                          Re: طلعت القمرة - مسلسل أون لاين Bushra Elfadil08-13-10, 07:50 PM
                                            Re: طلعت القمرة - مسلسل أون لاين Bushra Elfadil08-13-10, 07:55 PM
                                              Re: طلعت القمرة - مسلسل أون لاين Bushra Elfadil08-14-10, 09:53 AM
                                                Re: طلعت القمرة - مسلسل أون لاين Bushra Elfadil08-14-10, 10:12 AM
                                                  Re: طلعت القمرة - مسلسل أون لاين محمد المرتضى حامد08-14-10, 11:16 AM
                                                    Re: طلعت القمرة - مسلسل أون لاين Bushra Elfadil08-14-10, 11:54 AM
                                                      Re: طلعت القمرة - مسلسل أون لاين محمد المرتضى حامد08-14-10, 12:06 PM
                                                        Re: طلعت القمرة - مسلسل أون لاين Bushra Elfadil08-14-10, 08:32 PM
                                                          Re: طلعت القمرة - مسلسل أون لاين محمد المرتضى حامد08-14-10, 11:11 PM
                                                            Re: طلعت القمرة - مسلسل أون لاين Bushra Elfadil08-15-10, 08:10 AM
                                                              Re: طلعت القمرة - مسلسل أون لاين Bushra Elfadil08-15-10, 02:39 PM
                                                                Re: طلعت القمرة - مسلسل أون لاين Bushra Elfadil08-15-10, 02:42 PM
                                                                  Re: طلعت القمرة - مسلسل أون لاين Bushra Elfadil08-15-10, 02:51 PM
                                                                    Re: طلعت القمرة - مسلسل أون لاين Bushra Elfadil08-16-10, 08:16 AM
                                                                      Re: طلعت القمرة - مسلسل أون لاين Bushra Elfadil08-16-10, 08:18 AM
                                                                        Re: طلعت القمرة - مسلسل أون لاين Bushra Elfadil08-16-10, 04:48 PM
                                                                          Re: طلعت القمرة - مسلسل أون لاين Safa Fagiri08-16-10, 05:53 PM
                                                                            Re: طلعت القمرة - مسلسل أون لاين Bushra Elfadil08-16-10, 11:37 PM
                                                                              Re: طلعت القمرة - مسلسل أون لاين Bushra Elfadil08-17-10, 11:35 AM
                                                                                Re: طلعت القمرة - مسلسل أون لاين Bushra Elfadil08-17-10, 12:07 PM
                                                                                Re: طلعت القمرة - مسلسل أون لاين Bushra Elfadil08-17-10, 12:09 PM
                                                                                  Re: طلعت القمرة - مسلسل أون لاين Bushra Elfadil08-18-10, 11:53 AM
                                                                                    Re: طلعت القمرة - مسلسل أون لاين Bushra Elfadil08-18-10, 11:59 AM
                                                                                      Re: طلعت القمرة - مسلسل أون لاين Bushra Elfadil08-18-10, 12:04 PM
                                                                                        Re: طلعت القمرة - مسلسل أون لاين Bushra Elfadil08-19-10, 09:44 PM
  Re: طلعت القمرة - مسلسل أون لاين Bushra Elfadil08-20-10, 12:27 PM
    Re: طلعت القمرة - مسلسل أون لاين Sidgi Kaballo08-20-10, 02:34 PM
      Re: طلعت القمرة - مسلسل أون لاين Bushra Elfadil08-20-10, 03:00 PM
        Re: طلعت القمرة - مسلسل أون لاين Bushra Elfadil08-21-10, 08:24 PM
    Re: طلعت القمرة - مسلسل أون لاين Bushra Elfadil08-22-10, 02:06 PM
      Re: طلعت القمرة - مسلسل أون لاين Bushra Elfadil08-22-10, 02:13 PM
        Re: طلعت القمرة - مسلسل أون لاين Bushra Elfadil08-22-10, 02:22 PM
          Re: طلعت القمرة - مسلسل أون لاين Bushra Elfadil08-22-10, 09:52 PM
            Re: طلعت القمرة - مسلسل أون لاين Bushra Elfadil08-23-10, 07:52 AM
              Re: طلعت القمرة - مسلسل أون لاين dardiri satti08-23-10, 10:24 AM
                Re: طلعت القمرة - مسلسل أون لاين Bushra Elfadil08-23-10, 01:00 PM
                  Re: طلعت القمرة - مسلسل أون لاين Bushra Elfadil08-24-10, 01:15 AM
            Re: طلعت القمرة - مسلسل أون لاين طيفور08-26-10, 11:16 PM
  Re: طلعت القمرة - مسلسل أون لاين محمد الكامل عبد الحليم08-24-10, 01:02 PM
    Re: طلعت القمرة - مسلسل أون لاين Bushra Elfadil08-24-10, 02:06 PM
      Re: طلعت القمرة - مسلسل أون لاين Bushra Elfadil08-24-10, 11:35 PM
        Re: طلعت القمرة - مسلسل أون لاين Abdlaziz Eisa08-24-10, 11:47 PM
          Re: طلعت القمرة - مسلسل أون لاين Bushra Elfadil08-26-10, 01:07 AM
            Re: طلعت القمرة - مسلسل أون لاين Bushra Elfadil08-27-10, 04:35 AM
              Re: طلعت القمرة - مسلسل أون لاين عصام دهب08-27-10, 03:20 PM
                Re: طلعت القمرة - مسلسل أون لاين Bushra Elfadil08-27-10, 04:20 PM
                  Re: طلعت القمرة - مسلسل أون لاين عصام دهب08-27-10, 04:33 PM
                Re: طلعت القمرة - مسلسل أون لاين Abdlaziz Eisa08-27-10, 05:47 PM
                  Re: طلعت القمرة - مسلسل أون لاين Bushra Elfadil08-27-10, 07:32 PM
                    Re: طلعت القمرة - مسلسل أون لاين Bushra Elfadil08-28-10, 09:20 PM
                      Re: طلعت القمرة - مسلسل أون لاين Bushra Elfadil08-29-10, 09:31 AM
                        Re: طلعت القمرة - مسلسل أون لاين Bushra Elfadil08-29-10, 07:50 PM
                          Re: طلعت القمرة - مسلسل أون لاين Bushra Elfadil08-29-10, 08:01 PM
                            Re: طلعت القمرة - مسلسل أون لاين Bushra Elfadil08-30-10, 01:57 PM
                              Re: طلعت القمرة - مسلسل أون لاين Bushra Elfadil08-31-10, 08:21 AM
                                Re: طلعت القمرة - مسلسل أون لاين Bushra Elfadil08-31-10, 10:23 AM
                                  Re: طلعت القمرة - مسلسل أون لاين Bushra Elfadil08-31-10, 08:01 PM
                                    Re: طلعت القمرة - مسلسل أون لاين Bushra Elfadil09-01-10, 11:19 AM
                                      Re: طلعت القمرة - مسلسل أون لاين Bushra Elfadil09-01-10, 11:26 AM
                                        Re: طلعت القمرة - مسلسل أون لاين Bushra Elfadil09-01-10, 02:46 PM
                                          Re: طلعت القمرة - مسلسل أون لاين Bushra Elfadil09-02-10, 01:33 AM
                                            Re: طلعت القمرة - مسلسل أون لاين Bushra Elfadil09-02-10, 01:48 AM
                                              Re: طلعت القمرة - مسلسل أون لاين Mohamed Abdelgaleel09-02-10, 12:50 PM
                                                Re: طلعت القمرة - مسلسل أون لاين Bushra Elfadil09-02-10, 02:22 PM
                                                  Re: طلعت القمرة - مسلسل أون لاين Bushra Elfadil09-03-10, 01:06 PM
                                                    Re: طلعت القمرة - مسلسل أون لاين Bushra Elfadil09-05-10, 02:45 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de