طلعت القمرة - مسلسل أون لاين

مرحبا Guest
اخر زيارك لك: 05-29-2024, 03:23 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة د.بشري الفاضل(Bushra Elfadil)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
08-31-2010, 08:21 AM

Bushra Elfadil
<aBushra Elfadil
تاريخ التسجيل: 06-05-2002
مجموع المشاركات: 5252

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: طلعت القمرة - مسلسل أون لاين (Re: Bushra Elfadil)

    الحلقة الثالثة والعشرون
    الخيط الرئيسي(أروب وداليا) ، المشهد 77
    خارجي/نهار
    (أروى تقابل أروب )
    في حرم الجامعة قرب الكليات
    أروى : إزيك يا أروب .
    أروب: أهلاً أهلين يا أروى .
    أورى: داليا أسة كانت هنا بتفتش عليك قالت تمشي تشوفك في الكلية تاني .
    أروب : إن شا الله خير .حأشوفا يمكن عايزة حاجة من السوق.
    أروى: ما أظنوا لأنوا لما كانت بتفتش كان معاي سليمان ويوسف لو دايرا حاجة فيها صعوبة تحصلها لوحدها كان كلفتم.
    أروب : طيب حأمشي وراها. لو صادفتيها تاني قولي ليها اروب بيدور عليك.
    أروى: أهي ديك طالعة من كلية الطب. حصلها ما تزوغ جاي واللا جاي.
    أورب: شكراً يا أروى النجري أحصلها.(يهرول)
    أروب: (يصيح) داليا ..داليا!
    داليا: (تلتفت وتقبل عليه وهي تبتسم باشراق وفي عينيها نظرة جديدة): وصلت متين يا أروب؟
    أروب: قبل تلات أربع ساعات.
    داليا: قايلاك زي ما قلت بتجي الكلية من الصباح.أنا امبارح مانمت.
    أروب: مالك بتحسي بي حاجة؟ ألم شي؟
    داليا: (تصمت).
    (يسيران جنباً إلى جنب مسافة ثم تقول داليا)
    داليا: شوف يا أروب السنة الفاتت قلت ليك علاقتنا تكون صداقة وبعدها فل ستوب.واسة من ما جيت من الإجازة بقيت أعاين لي الشباب الشفتهم في السودان وفي جامعة الزقازيق هنا. عاينت شرق وغرب من أول السنة ما لقيت شاب زيك.الباقي اخليهو ليك تتموا إنت.
    أورب: والله دا أسعد إعلان منك لي. أنا كنت سنة كاملة بحجم في مشاعري تجاهك من فضاء الحب الواسع إلى سقف الصداقة.قلت ما أحرجك واكرر المحاولة خصوصاً وانتي كنت صارمة.لو سالتيني هل كنت بحبك طول المدة دي كنت حارد ليك أيوة .حب شديد .كبت الحب بالداخل بخلي الجسم زي البركان الداير ينفجر لذلك كنت بتعذب في الأيام الأولى بعد صدودك.أسة خايف أوري مشاعري نصطدم بي صخرة جديدة.
    داليا: صخرة واحدة وبس ؟ حنصطدم أنا وانت بي صخور .علاقتنا دي ما طبيعية أنا اترددت كتير مما جيت من الإجازة مرة أقول بحبك ومرات كتيرة أقول لا. لكن أمس بي الليل خلاص حسمت أمري .عرفت إني بحبك بي جد بعد دا ما بهمني أي زول غير إني أقول ليك إنت بالأول اشوف رأيك وبعد داك أحاول أقنع أمي وابوي ولو هم وافقوا ثق يا أروب إنو مافي زول في الدنيا تاني بقيف في طريقنا وانا ذاتي ما حا بهمني شي.
    (قطع)















    الخيط الرئيسي( داليا واورب )، المشهد 78
    خارجي/ليل
    (داليا واروب يذهبان لمشاهدة مسرحية مسافر ليل لصلاح عبدالصبور. يقدمها طلبة جمعية المسرح بالجامعة في مسرح قصر الثقافة بشارع المحافظة)
    يعودان راجلين لقرب قصر الثقافة من شارع القومية وفي الطريق يقول أروب : الليلة الاربعاء نسمي دا أربعاء الوعد.
    داليا: أربعاء الوعد الصخرة.وعدي ليك صخرة يا آروب حتشوف .رغم إنو لو مشينا في الطريق دا حنكون مقبلين على معركة كبيرة.
    اروب : كبيرة وبس؟ من ما قلتي كلامك أمس وأنا بفكر قلت يا أروب بت الناس دي ما تدخلها في متاهات ساكت حاول تقنعها بأنو الحب دا مستحيل .مرات أقول لي نفسي عشان متعة إنك بتحب انسانة زي دي تبقى اناني وما تفكر إلا في نفسك؟ مشاعر كتيرة من أمس ماليا يا داليا على راسي.
    داليا: يا أروب أنا خلاص قررت. مسألة الشك دي تاني ما تدخلني فيها.أمشي بعيد مني مع شكوكك.
    (يسيران جنباً إلى جنب من السينما للبيت وهما يتحادثان ولا نسمعهما لكن الكاميرا تتابعهما وهما يتحدثان بشغف)
    ( قطع )











    الخيط الرئيسي (داليا وأروب) ، المشهد 79
    خارجي/ليل
    أروب: من هنا ورايح تاني شكوكي دي بخليها احاديث داخلية لكن لابد من أن نخطط لنمو العلاقة دي سوا ونرعاها ونعترف بأنو علاقة ما طبيعية .نحن الفرق بينا كبير يا داليا. سيبك من المسألة العرقية دي أنا عارف انتي ما حاسة بيها ولاحاجة . انت ما بتحسي بالألوان والأعراق وثقي يا دالية انا ما بحس بيها زيك وواحد ولو ربنا خلقني من جديد وأدوني فرصة اختيار لوني وقبيلتي كان اخترت لوني الحالي وخلقتي الحالية بس تكون عندي صحة وعافية.وأكون بدون قبيلة زي اولاد رقيق الشمال النسوهم قبايلهم. أنا راضي بي خلقي يا دالية.
    داليا: دا كلام كبير يا أروب وبتأكدوا كل الأديان.. وانت كمان ثق إنو حأمشي معاك خطوة خطوة لما نحقق أمنياتنا. ما تهم من ناحية أهلي وموافقتهم من عدمها ماما وبابا في النهاية حيوافقوا .لكن نحن لسة بندرس وفي سنة رابعة لما نتخرج ونجي نعمل حاجات رسمية ساعتها بتعرف أنا منو.
    أروب: أوكي مع السلامة يا دال تصبحي على خير.
    داليا: مع السلامة يا آر أشوفك بكرة بعافية.
    (قطع)







    الخيط الرئيسي (داليا وأروب)، المشهد 80
    خارجي /ليل
    داليا مع أروب يجلسان في كنبة بدار الإتحاد
    أحد الطبة السودانيين: الجنوبي دا طالع نازل مع البت دي مكوجنا واللا شنو(مكوجنها تنطق مكوجنا مصطلح لدى الطلبة السودانيين بالزقازيق يعني :يحبها يعادل "مكيسها" عند طلبة الداخل الجامعيين)
    زميله: إنت ما عارف؟ زملاهم الطبة القدام من زمان قالوا عليه مش مكوجنها بس كمان ناوي يتزوجها.
    (تظهر الكاميرا أروب وهو يتحدث وداليا تستمع إليه مبتسمة).
    (قطع)







    الخيط الرئيسي (داليا وأروب) ، المشهد 81
    داخلي / ليل
    (سليمان وأروى وأروب وداليا ويوسف يذهبون للعشاء في مطعم بمدينة الزقازيق)
    يوسف : حقيقة الليلة يا أروب وداليا أنا عازمكم ، عارفك يا أروب مدعوم في بإعانات وعارفك يا داليا بت اخصائي ومن بيت رأسمالية وطنية لكن اسمحوا لي أنا ود المزارع الفقران دا اعزمكم على شرف الإحتفال بي خطوبة سليمان وأروى.
    داليا: مبروك دي مفاجأة والله إمتى حصل الكلام دا؟
    داليا: مبروك يا أروى. مبروك يا سليمان.دا خبر سعيد.
    أروى الله يبارك فيك
    سليمان: الله يبارك فيك.الله يخليك يا داليا.عقبالك.
    اروب: مبروك يا أروى.
    اروى : الله يبارك فيك.
    أروب: حقيقة سليمان كلمني أمس وقال نخلي الكلام دا مفاجاة ليك يا داليا. ما تنسي نحن ساكنين في شقة سوا لو ما كلمني وعرفت اسة كنت زعلت.
    سليمان: الله يبارك فيكم يا شباب.نحن قلنا نستعجل الخطوبة عشان بعد التخرج انا ناوي أسافر أمريكا واللا كندا واللا استراليا . البسويها الله في الهجرة بتبقى وقلنا أنا وأروى نوثق علاقتنا وكدا.
    أروى:أهلي ما كانوا موافقين نعمل الخطوبة بالمراسلة لكن في النهاية أهو تمت.
    يوسف : الف الف مبروك. حصل خير
    أروى : الله يبارك فيك عقبالك يا يوسف .
    (الشباب يتناولون العشاء بهذه المناسبة وهم في حالة أنس. يرفع أروب ويوسف هدايا تذكارية نشاهد من خلالها إهدائها من الطرفين لكل من سليمان وأورى.)
    (قطع)












    البحث عن طه ، مشهد 36
    خارجي/نهار
    الصباح
    ( بعد مرور سنوات وصمت حاجة عاشة يعاودها الحنين لولدها المفقود وتقرر الخروج للبحث عنه في هذه المرة في كل البلاد شرقاً وغرباً)
    أحدهم في تمري : يا حاج محمد خير المرة دي قالوا قطعت بالغرب تاني مشت على موقف الباظات الليلات أم درمان.أصلو إنت ماك عارفا مسافري؟
    محمد خير : أمس الليل كلو يا محمد يا خوي ما ادتني النوم قالت لالا على تسافر قت لها روحي محل ما طايري .فترنا منها ومن حجتا الكتيري ومسيخي دي طه ...طه... طه عمرنا كلو ودرتو في درب الولد المسخوت دا أريتو ما جمع.
    محمد: لا لا ما تقول كدي يا حاج. إن شا الله بكرة يرجعلكم بعد الحال. محمد خير : إن شاء الله يا رب.
    (قطع)








    البحث عن طه ، مشهد 37
    خارجي / نهار
    (حاجة عاشة تنزل من البص في أم درمان وتسال عن طريق باصات مدني ويوصفون لها السوق الشعبي الخرطوم)
    (حاجة عاشة تركب باص مدني في الطريق إلى مدني تنزل مع الركاب للاستراحة في الكاملين ولا تشتري شيئاً من الكافتيريا .تقترب من صاحب الكافتيريا): با وليدي بلدكن دي اسما شنو؟
    صاحب الكافتيريا: دي الكاملين
    حاجة عاشة : إن شا الله تتباركو وتبقوا كاملين وسالمين.نان يا ولدي ما شفتولكن وليدن طويل ورقيق أخدركدي اسمو طه هنا في فجتكن دي يمكن جابنو العربات واللا شي؟
    صاحب الكافتيريا: ولدك واللا ولد ولدك ؟
    حاجة عاشة : ولدي.
    صاحب الكافتيريا : مالو راح؟
    حاجة عاشة : أيي.
    صاحب الكنتين : هنا في الكاملين دي ما جانا غريب . من متين ولدك راح؟
    حاجة عاشة : من سنين ودنين. يمكن راحت لها لي خمسة واللا ستة سنة
    صاحب الكافتيريا: ستة سنة لا خبر لا أتر ؟ وليه ما فتشتوا ليهو من أول؟
    حاجة عاشة: فتشنا ما خلينا بلد.إلا الصعيد دا ما جينالو.
    صاحب الكافتيريا: والله دي حكاية صعبة .أن شا الله ربنا يسوي الفيهو الخير .(ينادي الجرسون): أعملكلك كباية شاي للحاجة دي يا على.
    حاجة عاشة : لا لا كتر خيرك .جنسو حاجة ما بسويها في خشمي دا والله .(تتحرك نحو البص)
    (قطع)











    البحث عن طه ، المشهد 38
    خارجي/نهار
    عصر
    ( حاجة عاشة في مدني تذهب الى محلات الصاغة في السوق الكبير بالوصف لتسال عن بيت ناس الطيب بلال أحد ابناء تمري الذين يعملون مع الصاغة)
    أحد اصحاب محلات الصاغة: الطيب بنعرفه يا حاجة لكن من كم شهر سافر فتح محل في الخرطوم.
    حاجة عاشة : في الخرطوم؟
    صاحب المحل: أيوة هنا كان عندو شريك أرح النوديك ليهو بيديك تلفون الطيب .(يذهب معها).
    الشريك: حبابك يا حاجة .كان جيتي في درب الطيب وصلتي تب.( يناول مفتاح عربيته لأحد صبيته لتوصيل الحاجة لبيته)
    الشريك : (مواصلاً الحديث مع الحاجة) خبارك جيتيهو في السوق نعلو مافي عوجة.
    حاجة عاشة : لالا قت يساعدني ما بعرف بكانات مدني دي يفتش معاي ولدي طه.
    الشريك: طه؟
    حاجة عاشة : تحكي في تمثيل صامت بينما تبتعد الكاميرا بعيداً عن المكان شيئاً فشيئاً)
    (قطع)








    البحث عن طه ، المشهد 39
    خارجي /نهار
    اليوم التالي تخرج حاجة عاشة صباحاً باكراً من بيت شريك الطيب بلال وتذهب إلى موقف باصات قرى الجزيرة وتسأل أصحاب الباصات.. بص.. بص : ما شفتو وليدي طه؟ عددها أكثر من خمسين بصاً.حافلات (يصور المخرج شتى مشاعر التضامن معها من نساء قرى الجزيرة المسافرات في تلك الحافلات فنساء الجزيرة حنيناتبعبارات من نوع: كر عليك يا بت أمي.)
    تذهب إلى شارع النيل .تجيء إلى السوق ناحية حديقة سليمان وقيع الله.
    (في نهاية المشهد نرى الحاجة عاشة في أحد الباصات المتجهة لسنار
    (قطع )















    البحث عن طه ، المشهد40
    خارجي / نهار
    (هنالك سفر ليلي بالقطار وآخر بالبصات وآخر بالشاحنات نهاري تظهر فيه كله حاجة عاشة في غاية التعب
    الحاجة عاشة تبحث عن طه في سنار .هنا يتحول التصوير لرسم معالم المدن.دون حوار من حاجة عاشة مع أشخاص كثيرين . في كل مدينة نختار مشهداً واحداً . حاجة عاشة في سنار. حاجة عاشة في كوستي. حاجة عاشة في الأبيض . حاجة عاشة في كادقلي . حاجة عاشة تعود إلى شندي وعطبرة وبورتسودان وسواكن وقد ذهبت بالقطار كما بالعربات والبصات على كل هذه الاماكن. حاجة عاشة في كسلا .حاجة عاشة في القضارف .
    حاجة عاشة في كل هذه الاماكن تتضرع للمارة والغاشي والماشي : بجملتيها الأسيرتين :
    - طه يا طه إنت وينك يا طه؟
    - طه يا طه وينك يا طه؟
    ( تحس حاجة عاشة إنها دارت في دائرة كاملة فتعود إلى منزل سيد أحمد بالصحافة في الخرطوم. تضع كفيها في ثوبها تلفهما به وتضعهما فرب وجهها وتبكي في الباص بنشيج مكتوم قبل ان تصل إلى الخرطوم )
    أحد الركاب: مالك يا حاجة ؟ مالك يا حاجة ؟ عيانة واللا شي؟
    (حاجة عاشة تواصل بكاءها الصامت ولاتجيب) .
    ( قطع )












    القريتان – قرية أم جداول، المشهد 36
    داخلي / ليل
    في بيت الطيب عبدالكريم بام درمان
    هناء في غرفتها (يدخل عليها والدها بعد أن استأذن)
    الطيب: هناء؟
    هناء : أيوة اتفضل يا ابوي.
    الطيب: أمك كلمتني. أظنك قايلاني بعترض .والله ما بعترض. من الشرع في الزواج الأبو يشاور البت.أنا ما بابا ليك الخير والناس ديل ناس معروفين في ام درمان. لكنهم ناس كبارات كلهم دكاترة ومهندسين . وفي السوق عندهم مصانع وعقارات.الفارق البينا وبينهم دا يا بتي بعدين ببقى ليك حار.إنتي قلتي مهندس؟
    هناء: أيوة يا ابوي.
    الطيب: كدي فكري في الموضوع دا براك.أنا خطابك الما دايراهم ديل تاني ما بفرضم عليك وانتي بت واعية وجامعية.وما بفرض عليك حاجة لكن قبل ما تقطعي مع اهل الولد دا مواعيد عشان يجونا ويخطبوك اديني فرصة أسبوع أسبوعين كدا ضرورية وفي الوقت دا شغلي عقلك وفكري في الموضوع إنت كمان ما تقرري بالهين.
    هناء : حاضر يا ابوي .
    ( الطيب يخرج وهنا تمشي خلفه وهي فرحة وتقول له)
    هناء: يا با اعمل ليك شاي واللا قهوة؟
    الطيب: قهوة شنو بالمساء كمان؟ شاي باللبن
    هناء : واللا تتعشى
    الطيب: العشا لسة بعيد عليهو أدخلي على أمك وسوو شاي عندي مرقة ضرورية بعدين بجي للعشا
    ( قطع)












    باسبار يبحث عن عمل ، مشهد 52
    خارجي/ صباح
    أوهاج يودع باسباروهم في انتظار لوري
    أوهاج: لو لقيت شغل أعمل حسابك من المنجم .ما تشوف في التلفزيون عمال المناجم كيف يموتوا؟
    باسبار: ديل في بلاد برة .شفتهم في عطبرة والخرطوم. ديل في بلاد برة . لكن عندنا نحن هنا مافي منجم كبير .قالوا الحفر برة جنب الجبل. حفرة كبيرة ساكت.
    أوهاج : برضو أعمل حسابك من المكنات والسيور
    (تصل عربة .يودعان بعضهما البعض بحرارة): مع السلامة .مع السلامة في أمان الله في أمان الله. يها .
    (قطع)

























    باسبار يبحث عن عمل، مشهد 52
    خارجي/ليل
    باسبار- يصل ارياب
    باسبار: (مع سائق الشاحنة) يا ها خمسة وعشرين اديتك . طرادة تانية مافي
    سائق : الشاحنة امشي يا عربي يا مقطع أصلك ما عندك كلمة.
    باسبار: أنا من أول ما قلت أديك خمسين . كيف تقول مقطع؟
    (سائق الشاحنة ينطلق بشاحنته وهو يطنطن).
    (قطع)











    إبراهيم بطيخ، مشهد 34
    خارجي/نهار
    بعد يومين من سماع الخبر
    ياسر عوض الجيد يقابل هناء ويقول لها: سمعتي بالوفاة دي في أم جداول؟
    هناء (بخلعة) المات منو ؟
    ياسر : إبراهيم بطيخ
    هناء : (بخلعة اكبر) إبراهيم مات؟ ووب على . مات وين ؟
    ياسر : قالوا لقيهو جنب جامع في الحصاحيصا وكان ميت أثناء النوم .
    (تضع يدها فوق وجهها وتبكي بصدق. تنحدر منها دمعة وهي تقول ) هناء : مسكين ابراهيم مات من غير أهل وحيد.
    (قطع)

    نهابة الحلقة الثالثة والعشرين
                  

العنوان الكاتب Date
طلعت القمرة - مسلسل أون لاين Bushra Elfadil08-12-10, 03:13 PM
  Re: طلعت القمرة - مسلسل أون لاين محمد المرتضى حامد08-12-10, 03:21 PM
    Re: طلعت القمرة - مسلسل أون لاين Bushra Elfadil08-12-10, 03:30 PM
      Re: طلعت القمرة - مسلسل أون لاين سلمى الشيخ سلامة08-12-10, 09:24 PM
        Re: طلعت القمرة - مسلسل أون لاين هشام كمال08-12-10, 09:53 PM
          Re: طلعت القمرة - مسلسل أون لاين Bushra Elfadil08-13-10, 00:37 AM
        Re: طلعت القمرة - مسلسل أون لاين Bushra Elfadil08-13-10, 00:23 AM
          Re: طلعت القمرة - مسلسل أون لاين سلمى الشيخ سلامة08-13-10, 00:42 AM
            Re: طلعت القمرة - مسلسل أون لاين Bushra Elfadil08-13-10, 05:44 AM
              Re: طلعت القمرة - مسلسل أون لاين سلمى الشيخ سلامة08-13-10, 05:58 AM
                Re: طلعت القمرة - مسلسل أون لاين هشام كمال08-13-10, 07:45 AM
                  Re: طلعت القمرة - مسلسل أون لاين فيصل محمد خليل08-13-10, 08:15 AM
                    Re: طلعت القمرة - مسلسل أون لاين Bushra Elfadil08-13-10, 09:13 AM
                      Re: طلعت القمرة - مسلسل أون لاين Bushra Elfadil08-13-10, 09:19 AM
                        Re: طلعت القمرة - مسلسل أون لاين Abdlaziz Eisa08-13-10, 11:04 AM
                          Re: طلعت القمرة - مسلسل أون لاين Bushra Elfadil08-13-10, 12:50 PM
                            Re: طلعت القمرة - مسلسل أون لاين Bushra Elfadil08-13-10, 01:05 PM
                              Re: طلعت القمرة - مسلسل أون لاين Bushra Elfadil08-13-10, 01:27 PM
                                Re: طلعت القمرة - مسلسل أون لاين Bushra Elfadil08-13-10, 01:53 PM
                                  Re: طلعت القمرة - مسلسل أون لاين Bushra Elfadil08-13-10, 02:27 PM
                                  Re: طلعت القمرة - مسلسل أون لاين Bushra Elfadil08-13-10, 02:27 PM
                                    Re: طلعت القمرة - مسلسل أون لاين Abdlaziz Eisa08-13-10, 03:29 PM
                                      Re: طلعت القمرة - مسلسل أون لاين خدر08-13-10, 05:00 PM
                                        Re: طلعت القمرة - مسلسل أون لاين Bushra Elfadil08-13-10, 07:47 PM
                                          Re: طلعت القمرة - مسلسل أون لاين Bushra Elfadil08-13-10, 07:50 PM
                                            Re: طلعت القمرة - مسلسل أون لاين Bushra Elfadil08-13-10, 07:55 PM
                                              Re: طلعت القمرة - مسلسل أون لاين Bushra Elfadil08-14-10, 09:53 AM
                                                Re: طلعت القمرة - مسلسل أون لاين Bushra Elfadil08-14-10, 10:12 AM
                                                  Re: طلعت القمرة - مسلسل أون لاين محمد المرتضى حامد08-14-10, 11:16 AM
                                                    Re: طلعت القمرة - مسلسل أون لاين Bushra Elfadil08-14-10, 11:54 AM
                                                      Re: طلعت القمرة - مسلسل أون لاين محمد المرتضى حامد08-14-10, 12:06 PM
                                                        Re: طلعت القمرة - مسلسل أون لاين Bushra Elfadil08-14-10, 08:32 PM
                                                          Re: طلعت القمرة - مسلسل أون لاين محمد المرتضى حامد08-14-10, 11:11 PM
                                                            Re: طلعت القمرة - مسلسل أون لاين Bushra Elfadil08-15-10, 08:10 AM
                                                              Re: طلعت القمرة - مسلسل أون لاين Bushra Elfadil08-15-10, 02:39 PM
                                                                Re: طلعت القمرة - مسلسل أون لاين Bushra Elfadil08-15-10, 02:42 PM
                                                                  Re: طلعت القمرة - مسلسل أون لاين Bushra Elfadil08-15-10, 02:51 PM
                                                                    Re: طلعت القمرة - مسلسل أون لاين Bushra Elfadil08-16-10, 08:16 AM
                                                                      Re: طلعت القمرة - مسلسل أون لاين Bushra Elfadil08-16-10, 08:18 AM
                                                                        Re: طلعت القمرة - مسلسل أون لاين Bushra Elfadil08-16-10, 04:48 PM
                                                                          Re: طلعت القمرة - مسلسل أون لاين Safa Fagiri08-16-10, 05:53 PM
                                                                            Re: طلعت القمرة - مسلسل أون لاين Bushra Elfadil08-16-10, 11:37 PM
                                                                              Re: طلعت القمرة - مسلسل أون لاين Bushra Elfadil08-17-10, 11:35 AM
                                                                                Re: طلعت القمرة - مسلسل أون لاين Bushra Elfadil08-17-10, 12:07 PM
                                                                                Re: طلعت القمرة - مسلسل أون لاين Bushra Elfadil08-17-10, 12:09 PM
                                                                                  Re: طلعت القمرة - مسلسل أون لاين Bushra Elfadil08-18-10, 11:53 AM
                                                                                    Re: طلعت القمرة - مسلسل أون لاين Bushra Elfadil08-18-10, 11:59 AM
                                                                                      Re: طلعت القمرة - مسلسل أون لاين Bushra Elfadil08-18-10, 12:04 PM
                                                                                        Re: طلعت القمرة - مسلسل أون لاين Bushra Elfadil08-19-10, 09:44 PM
  Re: طلعت القمرة - مسلسل أون لاين Bushra Elfadil08-20-10, 12:27 PM
    Re: طلعت القمرة - مسلسل أون لاين Sidgi Kaballo08-20-10, 02:34 PM
      Re: طلعت القمرة - مسلسل أون لاين Bushra Elfadil08-20-10, 03:00 PM
        Re: طلعت القمرة - مسلسل أون لاين Bushra Elfadil08-21-10, 08:24 PM
    Re: طلعت القمرة - مسلسل أون لاين Bushra Elfadil08-22-10, 02:06 PM
      Re: طلعت القمرة - مسلسل أون لاين Bushra Elfadil08-22-10, 02:13 PM
        Re: طلعت القمرة - مسلسل أون لاين Bushra Elfadil08-22-10, 02:22 PM
          Re: طلعت القمرة - مسلسل أون لاين Bushra Elfadil08-22-10, 09:52 PM
            Re: طلعت القمرة - مسلسل أون لاين Bushra Elfadil08-23-10, 07:52 AM
              Re: طلعت القمرة - مسلسل أون لاين dardiri satti08-23-10, 10:24 AM
                Re: طلعت القمرة - مسلسل أون لاين Bushra Elfadil08-23-10, 01:00 PM
                  Re: طلعت القمرة - مسلسل أون لاين Bushra Elfadil08-24-10, 01:15 AM
            Re: طلعت القمرة - مسلسل أون لاين طيفور08-26-10, 11:16 PM
  Re: طلعت القمرة - مسلسل أون لاين محمد الكامل عبد الحليم08-24-10, 01:02 PM
    Re: طلعت القمرة - مسلسل أون لاين Bushra Elfadil08-24-10, 02:06 PM
      Re: طلعت القمرة - مسلسل أون لاين Bushra Elfadil08-24-10, 11:35 PM
        Re: طلعت القمرة - مسلسل أون لاين Abdlaziz Eisa08-24-10, 11:47 PM
          Re: طلعت القمرة - مسلسل أون لاين Bushra Elfadil08-26-10, 01:07 AM
            Re: طلعت القمرة - مسلسل أون لاين Bushra Elfadil08-27-10, 04:35 AM
              Re: طلعت القمرة - مسلسل أون لاين عصام دهب08-27-10, 03:20 PM
                Re: طلعت القمرة - مسلسل أون لاين Bushra Elfadil08-27-10, 04:20 PM
                  Re: طلعت القمرة - مسلسل أون لاين عصام دهب08-27-10, 04:33 PM
                Re: طلعت القمرة - مسلسل أون لاين Abdlaziz Eisa08-27-10, 05:47 PM
                  Re: طلعت القمرة - مسلسل أون لاين Bushra Elfadil08-27-10, 07:32 PM
                    Re: طلعت القمرة - مسلسل أون لاين Bushra Elfadil08-28-10, 09:20 PM
                      Re: طلعت القمرة - مسلسل أون لاين Bushra Elfadil08-29-10, 09:31 AM
                        Re: طلعت القمرة - مسلسل أون لاين Bushra Elfadil08-29-10, 07:50 PM
                          Re: طلعت القمرة - مسلسل أون لاين Bushra Elfadil08-29-10, 08:01 PM
                            Re: طلعت القمرة - مسلسل أون لاين Bushra Elfadil08-30-10, 01:57 PM
                              Re: طلعت القمرة - مسلسل أون لاين Bushra Elfadil08-31-10, 08:21 AM
                                Re: طلعت القمرة - مسلسل أون لاين Bushra Elfadil08-31-10, 10:23 AM
                                  Re: طلعت القمرة - مسلسل أون لاين Bushra Elfadil08-31-10, 08:01 PM
                                    Re: طلعت القمرة - مسلسل أون لاين Bushra Elfadil09-01-10, 11:19 AM
                                      Re: طلعت القمرة - مسلسل أون لاين Bushra Elfadil09-01-10, 11:26 AM
                                        Re: طلعت القمرة - مسلسل أون لاين Bushra Elfadil09-01-10, 02:46 PM
                                          Re: طلعت القمرة - مسلسل أون لاين Bushra Elfadil09-02-10, 01:33 AM
                                            Re: طلعت القمرة - مسلسل أون لاين Bushra Elfadil09-02-10, 01:48 AM
                                              Re: طلعت القمرة - مسلسل أون لاين Mohamed Abdelgaleel09-02-10, 12:50 PM
                                                Re: طلعت القمرة - مسلسل أون لاين Bushra Elfadil09-02-10, 02:22 PM
                                                  Re: طلعت القمرة - مسلسل أون لاين Bushra Elfadil09-03-10, 01:06 PM
                                                    Re: طلعت القمرة - مسلسل أون لاين Bushra Elfadil09-05-10, 02:45 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de