|
|
 Re: طلعت القمرة - مسلسل أون لاين (Re: Bushra Elfadil)
|
الحلقة الثانية والعشرون
الخيط الرئيسي ( داليا وأورب) المشهد 73
داخلي/ليل
(في الزقازيق أورب وداليا يلتقون بسليمان ويوسف ومعز وانجيلا وعبداللطيف شريف وزينب ونجلاء وعثمان تاج السر والماحي في شقة أروب وسليمان ويوسف ويتبادلون التحيات والسلام وذكريات الأجازة . داليا وأورب جاءوا للسنة الرابعة وكذلك سليمان ويوسف. أنجيلا وعبداللطيف وتاج السر والماحي بالسنة النهائية من كليات مختلفة ومعز خريج قديم من القاهرة لكن لا زال بالزقازيق مع أصحابه)
أروب : حقوا في بداية السنة دي نمشي رحلة نحن برانا كدا .
معز : فكرة طيبة يا شباب تعالوا من أول أسبوع ليكم نمشي اسماعيلية.
عبداللطيف شريف : ليه بعيد كدا نشوف لينا منطقة جناين هنا قريبة من الزقازيق .القصد منها نجلس نستعيد ذكريات السودان.
الماحي : حتة زي ام شدر بالقضارف.
عثمان تاج السر : الله !شفتها وأنا جايي بالبص من بورتسودان طوالي سألت منها قالوا لي دي ام شدر . قرى القضارف دي من أجمل قرى السودان.
انجيلا: السودان لسة ما تم فيو وصف كويس لي حتات جميل .في جنوب في محلات كدا لو لقا امكانيات واستراحات وفندق وطريق زلت ببقى أحسن من الريفيرا ذاتو.
الماحي : إنتي يا انجيلا الريفيرا دي كيفنها؟
معز: قصدك شنو يعني قايل ما شافتا؟ انجيلا دي ابن بطوطة بس.
انجيلا: ابن بطوط يعني شنو؟
أروب : دا رحالة تا ( بتاع)مندوكورو
(يضحكون)
تاج السر: عندي ليكم اقتراح سيبك من رحلات أسر الكليات المتكررة المملة دي ايه رأيكم نروح القاهرة ومن هناك نمشي للقناطر الخيرية عن طريق النيل في بواخر صغيرة كدا ما عارف اسمها شنو.السنة الفاتت مشيت مع أصحابي في القاهرة لي القناطر الخيرية .يا سلام يذكرك بأجواء الشمالية وهواء عليل وكمان في حناطير ممكن تركبها.وهدوء ..هدوء غريب.
أورب: والله فكرة .نمشي القاهرة .أنا اصلاً كنت ماشي القاهرة جاتني دعوة من المركز السوداني للتسامح.الدعوة دي وصلت لما لسة كنت في الاجازة وناس المركز قالوا كانوا بيحاولوا الإتصال على من السنة الفاتت عشان أجي واشارك في ندوة عن التسامح.وأبقى عضو في المركز بالمراسلة من هنا من الزقازيق. ما عارف الأداهم اسمي منو؟
معز: المركز السوداني للتسامح؟
أروب : أيوة واختصارو: (مست)
سليمان: مست؟
عباللطيف شريف: غريبة نحن لينا خمسة سنين في البلد دي ما سمعنا بالمركز دا؟
أروب: المركز جديد. أسسو واحد سوداني قالو كان عايش في امريكا إسمو د.وهيب وبيقولو عندو تمويل من مؤسسات أمريكية وغربية مشابهة.
يوسف : شوف يا أروب مؤسسات زي دي مشبوهة لازم قبل ما تغرق فيها تدرسا. مشية القناطر الخيرية مؤيدين عثمان تاج السر عليها لكن معهدك واللا هو مركزك دا المشي ليهو فيهو إنّ
انجلينا : يعني شنو فيهو إنّ
معز : يعني يمكن دا معهد مخابرات يا انجلينا انتيليجينس؟
إنجلينا: دا كلام فارغ. سوداني وأراب أي كلام فيهو يوروب واللا أمريكا دا ومساءدات يبقى كلام بتاو كلو جاسوس جاسوس. ناس دا بقدم فلوس اشان نينا نبني بلدنا نقول لا؟ ايه دا؟
سليمان: يوروب واللا أروب؟ (يضحكون)
داليا: انا حأسال عم كمال يدينا معلومات عن المركز دا لكن دا ما بعني إنو ما نمشي ونزوروا انا غايتو حأمشي مع اروب .
انجلينا خلاص نمشي مويز وأنا وإنتي واروب
سليمان: وأنا
عثمان تاج السر: وأنا
عبداللطيف شريف : وأنا
يوسف : وأنا
انجلينا: الله ؟ إنتو ما قلتو دحين مأهاد تا(بتاع) جواسيس .؟ كلكلم دايرين تمشو؟ والله مندوكورو دا؟
عثمان تاج السر : اسة قلتو شنو يا شباب يوم الخميس الجاي دا بقينا على القاهرة؟
أصوات متداخلة : خلاص. نمشي القاهرة. أوكي .طيب .موافقين. اتفقنا
إنجلا: .بس نعد للرحلة سندوتشات كتيرة.
أروب: دي نسيبها ليكم إنتي وداليا وزينب ونجلاء واورى.
( قطع)
الخيط الرئيسي(داليا و أروب)، المشهد 74
خارجي/نهار
(أورب وداليا وسليمان ويوسف ومعز وانجيلا وعبداللطيف شريف وزينب ونجلاء وتاج السروالماحي يتحركون إلى القاهرة ومنها يذهبون برفاص إلى القناطر الخيرية . يقضي الجميع يوماً ممتعاً ويمرحون ويجرون هنا وهناك ويتضاحكون ويركبون الحنطور ثم يعودون بالرفاص للقاهرة فيجلسون في أحد المنتزهات وهم في غاية المرح والضحك حتى وقت متأخر ثم يعودون بالباص للزقازيق ويـتأخر اروب وداليا.أروب سيذهب للمعهد وداليا لبيت خالتهامريم. أروب يوصل داليا لفيلا خالتها وتدعوه خالتها للدخول والوقت بداية الليل يدخل ويشرب عصيراً ويتعرف على الخالة مريم وعلى كمال زوجها. خالد ابنهم لا زال في السودان. يستاذن أروب ويسمحون له ويذهب إلى عنوان المركز السوداني للتسامح)
(قطع)
الخيط الرئيسي للمسلسل (داليا وأورب)، المشهد75
خارجي/ليل
القاهرة
مقر المركز مبنى في ش طلعت حرب
أروب يتعرف على موقع المركز السوداني للتسامح لكنه يجده مغلقاً حيث تاخر في الوصول إليه لما بعد العاشرة مساء.
(يذهب اروب للمبيت في فندق من الفنادق زهيدة الثمن في العتبة)
( مؤثرات صوتية يعود اروب وهو يدندن بأغنية بصوت خافت و يصفر إلى ان يدخل الفندق الصغير)
( قطع)
الخيط الرئيسي للمسلسل (داليا واروب)، المشهد 76
مقر المركز في ش طلعت حرب
خارجي /نهار
(يعود اروب صباحاً للمركز فيجده يضح بالحركةبعد ان يقرع الجرس الخارجي ويقتح له ساعي )
اروب : السلام عليكم أنا اروب دينق .
أحد المشرفين على المركز : مرحب بالأستاذ أروب
أروب : أروب نعم بس ما استاذ انا لسة طالب.
المشرف(المشرف يقود أروب إلى المدخل إلى مكتب مؤثث بالمركز وهناك يقول له)
المشرف: اتفضل اجلس أخ اورب. عفواً الدكتور وهيب ترك ليك المطبوعات دي ومعاها خطاب قال نديها ليك أول ما تصل اتفضل يا أستاذ أروب
( يناوله مظروفاً) (ويواصل كلامه)أرجوك ما تآخذني في كلمة أستاذ دي اتعودت عليها من الاستهلاك السوداني للكلمة.تشرب ايه يا أخ اورب؟
أروب: شاي لو سمحت
المشرف (يطلب لأروب شاي ويجلس بالجهة المقابلة له على كرسي وبينهما طاولة مستديرة اعدت لخدمات الضيوف)
المشرف: يا أخ اورب .حقيقة نحن سعيدين بي جيتك للمركز وزي ما شايف هو لسة تحت التأسيس .الزحمة الشايفة دي عشان في ناس بيعملوا الديكور وناس بيصمموا رفوف المكتبة وقاعة الأجتماعات وكلو
المشرف: أنا حامد عزالدين.
أروب : اتشرفنا.
حامد: متى جيت من الزقازيق؟
اروب: من أمس وجيت بالمسا لقيت المركز مقفول .
حامد: ايوة زي ما قلت ليك نحن لسة في الإعداد. تعبت معانا . سوري. ندخل في موضوعنا في الظرف المعاك تلقى بروشور فيهو معلومات عن المركز وفي ليك رسالة خاصة من الدكتور وهيب نحن جماعة أهلية سودانية بتدعو للحوار بين فئات ومجموعات وقبائل السودان المختلفة بي كل صراحة.نحن ما عايزين نعمل نخبة لكن عايزين نطرح الاسئلة. وبعدين اسمك دا رشحو لينا يا اروب استاذك محمود في مدرستك الثانوية في الخرطوم القديمة قال لينا طالما انتو عايزين شاب متفتح وبيفهم في القضايا دي فتشوا عن اروب دينق في جامعة الزقازيق. حقيقة اداني عنوانك دكتور وهيب قبل سفروا بي مدة وأنا اتصلت عليك بعد ما عرفت إنك طالب هناك. وبتدرس شنو في الزقازيق يا أروب؟
اروب : بقرا طب.
حامد:والله عال. المركز فكرتو قائمة على الأبحاث وبنطبع الكتب والأوراق البشاركوا بيها أفراد الفريق وبنديهم حقوقم المادية . نتمنى إنك تقبل الشغل والتعاون معانا وإنت طالب ونحن ما حنزحمك بي العمل في الفترة الإنت الفيها لسة طالب دي لكن بنستفيد من الآراء والكتابات القال عليها أستاذك في دفع حوار الثقافات السودانية للأمام. دعينا ناس تانيين كتيرين ووافقوا على التعاون وعشان تكون المسألة سهلة للجميع بما إنو بعض المشاركين فيهو طلبة حنعمل جلسة أولى للتفاكر في العيد الجايي عيد الأضحى عشان الإجازات الكبيرة دايماً الناس بسافروا فيها اهلم. بالنسبة للناس الساكنين في القاهرة وما طلبة مافي مشكلة بيجو للمركز في أي وقت لكن نحن بنحتاج لتجميع أكبر عدد ممكن. تعال يا اروب المركز تاني يوم للعيد الجايي دا عشان إذا كان في ناس عندهم التزامات اليوم الأول ما يعطلم الملتقى الأول . ونحن برضو هنا حنجهز ليكم خروف وللناس الزيك بنراعي ظروف ديانتهم .
اروب : انا مسلم لكن.
حامد : أوكي كدا الحكاية بقت معاك ساهلة .
حامد: حتى الآن خاطبنا غيرك حوالي تسعة اشخاص وبنحاول قبل العيد نكملهم لي عشرين القائمة فيها ناس من مجموعات سودانية أخرى.حنقسم الفائمة لي مجموعات كل مجموعة فيها أربعة أشخاص ونطرح الموضوعات.كل الموضوعات حتكون موضوعات هوية لكن حنبدأ بالموضوع الحار اليومين دي موضوع الرق.
أروب : عظيم. والمطلوب مني شنو بالضبط؟
حامد : تلقاهو في خطاب الدكتور وهيب ومافي داعي تفتحو أسة اقولو ليك إنت زيك وزي الشباب الحيجوا ممكن تساهم بورقة عن موضوع الرق في السودان.تعد الورقة لو رغبت وتجي تساهم بيها في لقاء عيد الأضحى ودا حيكون اللقاء الأول لانطلاقة عمل المركز. المركز بصدد عمل مكتبة بكل الكتب الاتناولت مسالة الهوية والقبايل والأعراق والرق وكافة القضايا المتعلقة بمصير السودان.ولما تجوا في العيد بتلقونا جمعنا أكبر حصيلة من الكتب دي وممكن نسلف الراغبين من الفريق.
أروب: والله اقول ليك شنو ؟ دي فكرة حالمة تناطح السماء اتمنى ليكم فيها التوفيق. واخشى عليكم إنو تلاقو صعوبات كتيرة أو تحاول أطراف تجعل منكم صالون للأنس والنقة. عذراً للكلمة الأخيرة.
حامد: لا لا حتشوف. نحن فكرنا في دا كلو وأهم حاجة عندنا هي المثابرة. في حاجة اخيرة نحن حصلنا على تمويل من منظمة دولية .حنكشف كل مصادر تمويلنا في لقاء الثاني من عيد الأضحى. مسألة التمويل دي مسالة حساسة ودائماً الناس بعلقوا فيها شماعة الإتهام بالعمالة.بالنسبة ليك نحن بنتكفل بترحيلك من وإلى الزقازيق في كل مرة تجي المركز .بندفع تذاكر الذهاب والعودة وبندبر ليك سكن .في جيتك الجاية ما تشيل هم للمسألة دي .
أروب : أو كي كل شي تمام. ( يصمت قليلاً) طيب انا استاذن بقى
اليوم حاسافر للزقازيق وحاجي إن شا الله تاني يوم في العيد زي ما طلبت.
حامد (يودع اورب على عند الباب) :أوكي. فرصة سعيدة.غلى اللقاء
أروب: وأنا الأسعد.غلى اللقاء .
(أروب يعود إلى الزقازيق)
(قطع)
البحث عن طه ، مشهد 35
خارجي/نهار
( بعد شعوره بالمجهود الكبير الذي قامت به الحاجة عاشة جاء الدور على محمد خير كي يبحث عن ولده طه في رحلة مع النيل شمالاً من تمري حتى حلفا .ولأن بلدة تمري بلدة متخيلة فنتخيلها قريبة من مروي . بشرق النيل ويقطعون لها من غربه بالبنطون)
القرى والمدن الشمالية التي زارها محمد خير وفي كل واحدة منها يسأل:
السلام عليكم يا ناس ... عليكم الله يا اخوان ما شفتولكم وليد طويل رفيع اخضر عمرو يمكن يجي 18 سنة إسمو طه محمد خير من حلة تمري جنب مروي؟ ويتلقى الرد دائماً بالنفي إلى أن دخله اليأس وعاد إلى تمري حيث تحركت عاشة جنوباً من جديد مدفوعة بحس قلب الوالدة.)
سافر محمد خير خلال شهور إلى
نوري
(محمد خير يصل الي نوري من تمري يلتقي أحد المارة)
محمد خير:ياخوي والله أنا جاي من تمري ولي وليدا رايح ماخليت محل مافتشتو فيه يقولولو طه دحين ماسمعتولو خبر في نوري دي ؟
مواطن نوري: والله ياوالد طبعا نوري دي كلها بنعرفها مافي زول جانا بالأسم ده
كورتي محمد خير:ياخوي والله أنا جاي من تمري ولي وليدا رايح ماخليت محل مافتشتو فيه يقولولو طه دحين ماسمعتولو خبر في كورتي دي ؟
مواطن كورتي : والله ياوالد طبعا كورتي دي كلها بنعرفها مافي زول جانا بالأسم ده
حسين نارتي محمد خير:ياخوي والله أنا جاي من تمري ولي وليدا رايح ماخليت محل مافتشتو فيه يقولولو طه دحين ماسمعتولو خبر في كورتي دي ؟
مواطن كورتي : والله ياوالد طبعا كورتي دي كلها بنعرفها مافي زول جانا بالأسم ده
منصوركتي
قنتي
قشابي
كرمكول
الدبة
ارقي
العفاض
جرا
تنقسي
دنقلا
الخندق
القولد
ارقو
ارقين
صواردة
صاي
حلفا
(قطع)
القريتان- أم جداول ، المشهد 15
داخلي/ليل
في بيت الطيب والد هناء بأم درمان
(ليل يوم خميس هناء بالمنزل يدخل والدها)
الطيب: إزيك يا هناء جيتي؟
هناء: اهلاً يا ابوي .
الطيب: عاد يا بتي أقول ليك شنو؟ والله بي سفرتك لي الحلة والعملة العملتيها بي كلامك مع وليد في بيت أهلو في ودنفير دخلتيني في أضافري. أسة أسوي شنو مع ناس عمتك آسيا؟
زهراء أم هناء (تدخل لتسمع بافي الحديث): بري يا يمة السوتو هناء دا كعب شين عاد يا بنات الزمن دا؟ عشنا وشفنا بت تمشي تقابل ليها ولد وتقول ليهو في عينو ما دايراك.بري يا يمة .آسيا ما بترضى والله!
الطيب: مش كدي؟يا بتي أخير تفكري في الغلط السويتيهو دا .إنت بت واعية وبتقري في الجامعة.
هناء: يا ابوي أنا وليد دا والله بشوفو زي اخوي.عشان كدا مشيت وكلمتو .وهو كمان أول ما كان جا شاورني.
الطيب: (يخرج وهو يقول ) يا اخوانا المصيبة السوتا البت دي يحلوها كيف؟
زهراء ( بعد خروج الطيب والد هناء): أبوك دا ما تشوفيهو كدي تقولي اتهاون والله وقتين يقوم يزعل يبقى زي اللسد تاني البحوشو ما يتحاش وكلمتو الببقى عليها تاني ما بتراجع منها. دحين يا بتي اليومين ديل سايسيه جاي والله جاي كان الله يبعد منك ولد آسيا من قدامك باقي ليك كدا زي العارض.
(تقوم لبعض أعمالها المنزلية )
(قطع)
القريتان – قرية أم جداول،المشهد 34
خارجي/نهار
(هناء ، بدور، عاصم ياسر يلتقون في كنبة اسمنتية خارج الجامعة بالقرب منها على شاطيء النيل الأزرق.ياسر تخرج ويعمل بمكتب محامي وعاصم تخرج ويعمل مهندساً معمارياً قي شركة خاصة وهناء وبدور على اعتاب التخرج. )
عاصم : يا بدر السما وياسر انتو اصحابنا انا وهنو وما بندس عليكم شي. يوم الجمعة الجاية أبوي وأمي حيروحوا لي بيت ناس هناء دايرين القرب من ست الحبايب دي يضم هناء في حركة مفاجئة. هناء الليلة خلاص ادتني الضوء الأخضر . الطريق بقا فاتح للخطوبة والعرس إن شا الله بس هناء ما تقوم تربت السنة دي(تربت بتشديد الباء من الإنجليزية repeat ;كلمة يستخدمها طلاب الجامعة تعني تعيد السنة). قلنا نستعجل طلب ايدها الحلوة دي عشان خطابا كترو وكدا.
هناء : (تشير إلى بدور وياسر) والعاقبة عندكم في المسرات.
ياسر : والله دي خطوة جميلة. بالتوفيق يا عاصم وهناء.
بدور خطوةعزيزة يا عاصم . فرحتني بالخبر دا شديد .بالتوفيق وهناء ( تشير إلى هناء)
عاصم: انا عندي سر عايز اذيعوا .يا ياسر اقول ؟ اقول؟
ياسر : ما قلنا نخلي الحكاية دي بيناتنا؟
عاصم : لا . لا .سيبك من التكتم دا .بصراحة كدا يا بدور وهناء أنا أمس كلمت ياسر باني ناوي اتقدم .تعرفوا قال لي شنو؟
بدور : شنو؟
ياسر : عاصم؟ أوعك؟
عاصم خلينا نفرح كلنا يا ياسر بطل الأسرار الما عندها معنى دي . قال لي لو انت اتقدمت لي هناء انا بتقدم بعدك لي اهل بدور ونعرس في يوم واحد.
هناء : صحي الكلام دا يا ياسر؟ دا اسعد خبر في حياتي
بدور : أسعد خبر واللا تاني اسعد خبر؟
هناء : اسعد خبر .اشهدوا يا جماعة بدور دي الفرح بيها قبل الفرح بي .الليلة انا سعيدة خالص خالص .
ياسر : بيقرارعاصم معاك واللا قراري مع بدور؟
هناء : (لبدور ) شفتي كيف كلام ياسر فيهو مطاعنة خفية لحقوق المرأة يعني القرار لا زال في إيدهم.
عاصم : طبعاً دي الظروف كدا نحن ما في أوروبا نقرر سوا ونجي نعيش في شقة سوا ونفرتق وكت ما نفرتق .هنا عندنا تقاليدنا مهما ادعينا. افتكر يلا بينا الليلة نحتفل بالقرارين السعيدين ديل في بيتنا.
هناء : بيتكم؟
عاصم ايوة .حاكلم أمي وابوي وإنتي عارفاهم مودرن ما بيعترضوا إنو نتقابل بس ما تشوفيهم كدا برضوا براقبوا من بعيد الحاصل شنو.
هناء: لكن يا عاصم كدي نخلى الحكاية دي بعد ما انتو تجونا في البيت.أسة انا قايلا نشوف حتة على النيل .
بدور : والله انا بتعجبني منطقة المقرن
ياسر : هناك الجو فعلاً جميل يلا بينا نحتفل بي اليوم الجميل دا. وبالمناسبة يا عاصم انا قبل ما اجي هنا وخوفاً من لسانك دا كلمت بدور بي كل حاجة.
عاصم : انت بطنك غريقة يا ياسر . لابد كدا زي الأنا كنت بذيع اسرارك أتاريك لابد لي .
هناء : أتاريك لابد لي بي شيتن كتر ؟
( يغنون جميعاً أغنية يا قلب انا كنت قايلك تبت من تعب السفر )
ياسر : الأغنية دي بتعجبني خالص هي من أجمل غناء ابو عركي.
عاصم : دي من كلمات محمود محمد مدني.
( يتابعون الأغنية وهم في طريقهم للمقرن على اقدامهم ومن بعد تتواصل الأغنية بصوت مغنيها الأصلي )
(قطع)
القريتان - أم جداول، المشهد 35
داخلي/نهار
بيت الطيب والد هناء بأم درمان
(تجلس هنا قرب والدتها في الصالة على كرسي بينما والدتها ترقد على سرير وتضع يدها لتسند بها رأسها وقربها طاولة بها فنجان قهوة على صينية)
هناء : (لوالدتها) يا أمي عندي كلام دار أقولو ليك.
زهراء : إن شا الله خير؟
هناء : في واحد كان بقرا معانا في الجامعة داير يجي يتقدم لي.
زهراء : (تستعدل في جلستها وتصبح جالسة على السرير في حركة مفاجئة): واحد ؟ منو دا؟
هناء: أسمو عاصم خليل .أهلو من ناس أم درمان هنا.أمه أستاذتي حصل كلمتك عنها. دي القلت ليك بتساعدني كتير في القراية.
زهراء: لكن هسي تعالي بعد الهلولة السويتيها في الحلة وفي ودنفير دي أبوك في ظنك برضا؟
هناء : ماهو دا الكلام الدايراك تقومي بيهو إنتي يا أمي .دايراك تقولي لي ابوي هناء تقدم ليها مهندس من أم درمان وهي موافقة عليهو.وكمان يا أمي عاصم دا أبوهو أخصائي باطنية في شارع الدكاترة في أم درمان هنا اسمو الدكتور خليل محمد خليل.
زهراء: زولك دا من ناحية أهل مااظن فيهو كلام وباين عليهم شبعانين عاد يا بتي نتشبر علي ناس زي ديل مالنا؟ ما كان اخير ليك ولاد حلتنا؟ وانا اسوي شنو مع خالتك علوية؟
هناء: خالتي علوية كمان مالها؟
ما عارفاها قالت حاجزاك من ما كنتي صغيرة لي واحد في أولادها كان ما طارق لي هيثم؟
هناء: هيثم اسة قبال أيام جاني في الجامعة وصارحتو.
زهراء : صارحتيهو بي شنو.
هناء بالولد الجايي يخطبني دا.
زهراء : أجي؟ كيف لكن تمرق الخبر قبال أبوك ما يوافق.يابتي هوي؟
هناء: يا أمي حكاية الزواج دي مش في يدي انا؟
زهراء: في إيدك كيفن؟ وأبوك؟
هناء: يا امي دا كان زمان في زمنكن أنتن لكن نحن كان ما عرسنا الزول الدايرنو برانا تبقى حياتنا ما عندها معنى.
زهراء: كيفن؟
هناء: الواحدة تبقى زي الشبح عايشة وما عايشة وواحدات يسون في روحن مصيبة.
زهراء: إنتي تبري يا بتي من المصيبة. ما أبوك دا أنا بكلمو وبرضيهو بس إنتي الخبر دا تاني ما تمرقيهو لي زول لمن أقلو ليك.
(قطع)
باسبار يبحث عن عمل ، مشهد 50
داخلي/ليل
باسبار: أوهاج أوهاج (يدخل على اوهاج في غرفته ويسلم عليه بحرارة.لابد من مراعاة سلام البداويت الهدندوة)
أوهاج: الأهل طيبين؟
باسبار : طيبين الله يسلمك . الوالدة تسلم عليك. وإنت يا اوهاج أنا ما نقدر نشكرك .إنت راجل كويس .يا خي ليه ما تكلمني أنك كنت ترسل لوالدتي الفلوس لما أنا كنت في الخرطوم؟
أوهاج دي كانت بسيطة.أعتبرا زي أنا رسلتها لي أهلي
باسبار : لكن كدا ما ممكن أنا لازم أدفع القروش دي كلها وريني الدفتر.
أوهاج: دفتر شنو؟أنا ماكنت بكتب دي قروش بسيطة.مرة تانية يا باسبار يا خوي إنت ممكن كمان ترسل قروش لي أهلي لمن تمشي تشتغل في المنجم.
باسبار: أنا دحين ماشي ارياب لكن قالوا شغل هناك داير واسطة
أوهاج : (يضحك ) إنت من جيت من خرطوم لسانك جا عربي يا باسبار . يكرر كلمته الأخيرة : واسطة واسطة واسطة.
باسبار : لو ما لقيت زول واسطة مافي شغل . (يغير موضوع الكلام) إنت يا اوهاج ما تعال نروح سوا؟
اوهاج .يا بوي وين .أنا مربوط في مسمار دي زي الوتد.
باسبار: ليه عشان طولت؟
أوهاج : مش حكاية طولت لكن لو مشيت بعيد وما رسلت لي أهلي بموتوا .أهلى ما عندهم التكتح.(يغير الموضوع) إلا اقول ليك يا باسبار يا اخوي امش إنت باللول وكان لقيت الشغل راقد رسل لي.
باسبار: طيب .إلا الرفقة كانت أفضل .
(قطع)
باسبار يبحث عن عمل، مشهد 51
خارجي / نهار
(باسبار مع الحاج قسم الله ليودعه للذهب لارياب بحثاً عن عمل)
حاج قسم الله: يا باسبار يا ولدي الشغل خليتو في الخرطوم تجي تفتش ليهو في الخلا؟
باسبار: الخرطوم صعب صعب صعب . سكنت مع ناس مخدرات.صعب صعب صعب وناس كمان راحات راحات راحات.
حاج قسم الله: ناس الذهب ديل ناس عندهم مهنة .ناس اسطوات ساقوهم دربوهم في بلاد برة .إنت شن عرفك بي الشغلة دي؟
باسبار : ابن آدم ما عندو حاجة صعبة أنا بي ضراعي دي كان حفر نحفر أحسن من أجدع واحد؛ أحسن من بابور ذاتو.
حاج قسم الله: يا ولدي الله يفتحها عليك . أمش جرب. الأرضة جربت الحجر.
باسبار: كان لقيت هناك شغل بنادي معاي أوهاج ولو مشينا الاتنين هناك قروش لي اهلنا نرسلها ليك هنا إنت تشوف ناس اللواري.
حاج قسم الله: سمح يا ولدي.
باسبار : كتر خيرك يا حاج .أها مع السلامة .
(الحاج قسم الله يحاول الوقوف من على العنقريب): أها مع السلامة يا ولدي .إن شا الله ما تجيك عوجة
باسبار : (مقاطعاً كلام حاج قسم الله الأخير) قبلك قبلك يا حاج كتر خيرك كتير.مع السلامة.
(يتبادلان الوداع بالأيدي)
(قطع)
ابراهيم بطيخ : مشهد
خارجي/نهار32
(البص يعود بجثمان ابراهيم بطيخ من الحصاحيصا ؛ و بعض أهالي أم جداول في طريقه للقرية يتم تشييع إبراهيم بطيخ في مشهد مهيب والجميع في القرية متأثر لموته).
قطع
ابراهيم بطيخ مشهد 33، خارجي/نهار
(حاج عبدالكريم وداود وبعض شيوخ أم جداول يصلون إلى القرية بعد دفن ابراهيم بمقابر القرية ) .
(البعض يقابلهم في الطريق ويرفعون معهم الفاتحة).
حاج عبدالكريم : ابراهيم الله يرحمو كان راجل صالح محافظ على صلواته ولسانو عفيف.عمرو كلو شغال معاي ما غلط علي . الله يرحمه ويغفر ليهو.
داود: والله ناس أم جداول ما قصروا مع المرحوم .هم أهلنا أنا وإبراهيم. إبراهيم في آخر شهر كان عيان شديد . لكن زي ما بتعرفوه كان بيصبر على المرض.في الشهر الاخير ما مشى دكتور لمن مات.
(قطع)
نهاية الحلقة الثانية والعشرين
|
|
 
|
|
|
|
|
| العنوان |
الكاتب |
Date |
| طلعت القمرة - مسلسل أون لاين | Bushra Elfadil | 08-12-10, 03:13 PM |
| Re: طلعت القمرة - مسلسل أون لاين | محمد المرتضى حامد | 08-12-10, 03:21 PM |
| Re: طلعت القمرة - مسلسل أون لاين | Bushra Elfadil | 08-12-10, 03:30 PM |
| Re: طلعت القمرة - مسلسل أون لاين | سلمى الشيخ سلامة | 08-12-10, 09:24 PM |
| Re: طلعت القمرة - مسلسل أون لاين | هشام كمال | 08-12-10, 09:53 PM |
| Re: طلعت القمرة - مسلسل أون لاين | Bushra Elfadil | 08-13-10, 00:37 AM |
| Re: طلعت القمرة - مسلسل أون لاين | Bushra Elfadil | 08-13-10, 00:23 AM |
| Re: طلعت القمرة - مسلسل أون لاين | سلمى الشيخ سلامة | 08-13-10, 00:42 AM |
| Re: طلعت القمرة - مسلسل أون لاين | Bushra Elfadil | 08-13-10, 05:44 AM |
| Re: طلعت القمرة - مسلسل أون لاين | سلمى الشيخ سلامة | 08-13-10, 05:58 AM |
| Re: طلعت القمرة - مسلسل أون لاين | هشام كمال | 08-13-10, 07:45 AM |
| Re: طلعت القمرة - مسلسل أون لاين | فيصل محمد خليل | 08-13-10, 08:15 AM |
| Re: طلعت القمرة - مسلسل أون لاين | Bushra Elfadil | 08-13-10, 09:13 AM |
| Re: طلعت القمرة - مسلسل أون لاين | Bushra Elfadil | 08-13-10, 09:19 AM |
| Re: طلعت القمرة - مسلسل أون لاين | Abdlaziz Eisa | 08-13-10, 11:04 AM |
| Re: طلعت القمرة - مسلسل أون لاين | Bushra Elfadil | 08-13-10, 12:50 PM |
| Re: طلعت القمرة - مسلسل أون لاين | Bushra Elfadil | 08-13-10, 01:05 PM |
| Re: طلعت القمرة - مسلسل أون لاين | Bushra Elfadil | 08-13-10, 01:27 PM |
| Re: طلعت القمرة - مسلسل أون لاين | Bushra Elfadil | 08-13-10, 01:53 PM |
| Re: طلعت القمرة - مسلسل أون لاين | Bushra Elfadil | 08-13-10, 02:27 PM |
| Re: طلعت القمرة - مسلسل أون لاين | Bushra Elfadil | 08-13-10, 02:27 PM |
| Re: طلعت القمرة - مسلسل أون لاين | Abdlaziz Eisa | 08-13-10, 03:29 PM |
| Re: طلعت القمرة - مسلسل أون لاين | خدر | 08-13-10, 05:00 PM |
| Re: طلعت القمرة - مسلسل أون لاين | Bushra Elfadil | 08-13-10, 07:47 PM |
| Re: طلعت القمرة - مسلسل أون لاين | Bushra Elfadil | 08-13-10, 07:50 PM |
| Re: طلعت القمرة - مسلسل أون لاين | Bushra Elfadil | 08-13-10, 07:55 PM |
| Re: طلعت القمرة - مسلسل أون لاين | Bushra Elfadil | 08-14-10, 09:53 AM |
| Re: طلعت القمرة - مسلسل أون لاين | Bushra Elfadil | 08-14-10, 10:12 AM |
| Re: طلعت القمرة - مسلسل أون لاين | محمد المرتضى حامد | 08-14-10, 11:16 AM |
| Re: طلعت القمرة - مسلسل أون لاين | Bushra Elfadil | 08-14-10, 11:54 AM |
| Re: طلعت القمرة - مسلسل أون لاين | محمد المرتضى حامد | 08-14-10, 12:06 PM |
| Re: طلعت القمرة - مسلسل أون لاين | Bushra Elfadil | 08-14-10, 08:32 PM |
| Re: طلعت القمرة - مسلسل أون لاين | محمد المرتضى حامد | 08-14-10, 11:11 PM |
| Re: طلعت القمرة - مسلسل أون لاين | Bushra Elfadil | 08-15-10, 08:10 AM |
| Re: طلعت القمرة - مسلسل أون لاين | Bushra Elfadil | 08-15-10, 02:39 PM |
| Re: طلعت القمرة - مسلسل أون لاين | Bushra Elfadil | 08-15-10, 02:42 PM |
| Re: طلعت القمرة - مسلسل أون لاين | Bushra Elfadil | 08-15-10, 02:51 PM |
| Re: طلعت القمرة - مسلسل أون لاين | Bushra Elfadil | 08-16-10, 08:16 AM |
| Re: طلعت القمرة - مسلسل أون لاين | Bushra Elfadil | 08-16-10, 08:18 AM |
| Re: طلعت القمرة - مسلسل أون لاين | Bushra Elfadil | 08-16-10, 04:48 PM |
| Re: طلعت القمرة - مسلسل أون لاين | Safa Fagiri | 08-16-10, 05:53 PM |
| Re: طلعت القمرة - مسلسل أون لاين | Bushra Elfadil | 08-16-10, 11:37 PM |
| Re: طلعت القمرة - مسلسل أون لاين | Bushra Elfadil | 08-17-10, 11:35 AM |
| Re: طلعت القمرة - مسلسل أون لاين | Bushra Elfadil | 08-17-10, 12:07 PM |
| Re: طلعت القمرة - مسلسل أون لاين | Bushra Elfadil | 08-17-10, 12:09 PM |
| Re: طلعت القمرة - مسلسل أون لاين | Bushra Elfadil | 08-18-10, 11:53 AM |
| Re: طلعت القمرة - مسلسل أون لاين | Bushra Elfadil | 08-18-10, 11:59 AM |
| Re: طلعت القمرة - مسلسل أون لاين | Bushra Elfadil | 08-18-10, 12:04 PM |
| Re: طلعت القمرة - مسلسل أون لاين | Bushra Elfadil | 08-19-10, 09:44 PM |
| Re: طلعت القمرة - مسلسل أون لاين | Bushra Elfadil | 08-20-10, 12:27 PM |
| Re: طلعت القمرة - مسلسل أون لاين | Sidgi Kaballo | 08-20-10, 02:34 PM |
| Re: طلعت القمرة - مسلسل أون لاين | Bushra Elfadil | 08-20-10, 03:00 PM |
| Re: طلعت القمرة - مسلسل أون لاين | Bushra Elfadil | 08-21-10, 08:24 PM |
| Re: طلعت القمرة - مسلسل أون لاين | Bushra Elfadil | 08-22-10, 02:06 PM |
| Re: طلعت القمرة - مسلسل أون لاين | Bushra Elfadil | 08-22-10, 02:13 PM |
| Re: طلعت القمرة - مسلسل أون لاين | Bushra Elfadil | 08-22-10, 02:22 PM |
| Re: طلعت القمرة - مسلسل أون لاين | Bushra Elfadil | 08-22-10, 09:52 PM |
| Re: طلعت القمرة - مسلسل أون لاين | Bushra Elfadil | 08-23-10, 07:52 AM |
| Re: طلعت القمرة - مسلسل أون لاين | dardiri satti | 08-23-10, 10:24 AM |
| Re: طلعت القمرة - مسلسل أون لاين | Bushra Elfadil | 08-23-10, 01:00 PM |
| Re: طلعت القمرة - مسلسل أون لاين | Bushra Elfadil | 08-24-10, 01:15 AM |
| Re: طلعت القمرة - مسلسل أون لاين | طيفور | 08-26-10, 11:16 PM |
| Re: طلعت القمرة - مسلسل أون لاين | محمد الكامل عبد الحليم | 08-24-10, 01:02 PM |
| Re: طلعت القمرة - مسلسل أون لاين | Bushra Elfadil | 08-24-10, 02:06 PM |
| Re: طلعت القمرة - مسلسل أون لاين | Bushra Elfadil | 08-24-10, 11:35 PM |
| Re: طلعت القمرة - مسلسل أون لاين | Abdlaziz Eisa | 08-24-10, 11:47 PM |
| Re: طلعت القمرة - مسلسل أون لاين | Bushra Elfadil | 08-26-10, 01:07 AM |
| Re: طلعت القمرة - مسلسل أون لاين | Bushra Elfadil | 08-27-10, 04:35 AM |
| Re: طلعت القمرة - مسلسل أون لاين | عصام دهب | 08-27-10, 03:20 PM |
| Re: طلعت القمرة - مسلسل أون لاين | Bushra Elfadil | 08-27-10, 04:20 PM |
| Re: طلعت القمرة - مسلسل أون لاين | عصام دهب | 08-27-10, 04:33 PM |
| Re: طلعت القمرة - مسلسل أون لاين | Abdlaziz Eisa | 08-27-10, 05:47 PM |
| Re: طلعت القمرة - مسلسل أون لاين | Bushra Elfadil | 08-27-10, 07:32 PM |
| Re: طلعت القمرة - مسلسل أون لاين | Bushra Elfadil | 08-28-10, 09:20 PM |
| Re: طلعت القمرة - مسلسل أون لاين | Bushra Elfadil | 08-29-10, 09:31 AM |
| Re: طلعت القمرة - مسلسل أون لاين | Bushra Elfadil | 08-29-10, 07:50 PM |
| Re: طلعت القمرة - مسلسل أون لاين | Bushra Elfadil | 08-29-10, 08:01 PM |
| Re: طلعت القمرة - مسلسل أون لاين | Bushra Elfadil | 08-30-10, 01:57 PM |
| Re: طلعت القمرة - مسلسل أون لاين | Bushra Elfadil | 08-31-10, 08:21 AM |
| Re: طلعت القمرة - مسلسل أون لاين | Bushra Elfadil | 08-31-10, 10:23 AM |
| Re: طلعت القمرة - مسلسل أون لاين | Bushra Elfadil | 08-31-10, 08:01 PM |
| Re: طلعت القمرة - مسلسل أون لاين | Bushra Elfadil | 09-01-10, 11:19 AM |
| Re: طلعت القمرة - مسلسل أون لاين | Bushra Elfadil | 09-01-10, 11:26 AM |
| Re: طلعت القمرة - مسلسل أون لاين | Bushra Elfadil | 09-01-10, 02:46 PM |
| Re: طلعت القمرة - مسلسل أون لاين | Bushra Elfadil | 09-02-10, 01:33 AM |
| Re: طلعت القمرة - مسلسل أون لاين | Bushra Elfadil | 09-02-10, 01:48 AM |
| Re: طلعت القمرة - مسلسل أون لاين | Mohamed Abdelgaleel | 09-02-10, 12:50 PM |
| Re: طلعت القمرة - مسلسل أون لاين | Bushra Elfadil | 09-02-10, 02:22 PM |
| Re: طلعت القمرة - مسلسل أون لاين | Bushra Elfadil | 09-03-10, 01:06 PM |
| Re: طلعت القمرة - مسلسل أون لاين | Bushra Elfadil | 09-05-10, 02:45 PM |
|
| |
Bushra Elfadil
فيس بوك
تويتر
انستقرام
يوتيوب
بنتيريست