طلعت القمرة - مسلسل أون لاين

مرحبا Guest
اخر زيارك لك: 05-30-2024, 00:03 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة د.بشري الفاضل(Bushra Elfadil)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
08-24-2010, 11:35 PM

Bushra Elfadil
<aBushra Elfadil
تاريخ التسجيل: 06-05-2002
مجموع المشاركات: 5252

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: طلعت القمرة - مسلسل أون لاين (Re: Bushra Elfadil)

    الحلقة الخامسة عشرة

    الخيط الرئيسي) داليا وأروب)، المشهد 52
    خارجي/ليل
    في الطريق إلى الندوة بدار الإتحاد
    (سليمان وأروى ويوسف وانجيلا يصلان للندوة متأخرين)
    يوسف: قلت ليك يا يوسف ما حنحصل لو مشينا ننادي أروى وانجيلا. كنا نخليهم مرة تانية .
    سليمان : ما هو دا قربنا من الدار.
    يوسف لكن الندوة تكون خلاص انتهت
    أروى ( ليوسف وسليمان): انتو بتقولو في شنو؟
    سليمان : يوسف بقول إنتي أوأنجيلا أخرتونا بي محركتكم وإنتو بتلبسوا ويمكن الندوة تكون فاتتنا.
    انجيلا: أنا ما غيرتا ملابس تاي ( بتاعي) .أنا لابسا جينز دا من الصباء (الصباح)
    يوسف : أسرعوا طيب. اسرعوا.
    سليمان : يا يوسف ياخ ما تسكنا كدا لو اتأخرنا على المحاضرة أروب بيعيدا لينا تاني في شقتنا.
    يوسف : يعيدا اصلها مادة تلفزيونية؟ ولو أعادها البعيد لينا الحضور والأسئلة شنو؟
    سليمان :طيب أسرعاكم.
    أنجيلا: حاضر هاري أب يا أورى.
    (قطع)






    (داليا واروب), الخيط الرئيسي للمسلسل المشهد 53
    خارجي/ليل
    في دار الإتحاد
    (يدخل سليمان ويوسف وأروى وانجيلا ويجدون أروب في آخر فقرات محاضرته)
    اروب: الشي العايز أنوه ليهو إنو على عبداللطيف ما دينكاوي زي ما بيعتقد كثيرين. (مافي واحد هنا مندكورو يقول اروب دا بيعمل في المحاضرة دي عشان على دينكاوي زيو) (ضحك من الحضور).على عبداللطيف مولود في الخندق من أبو نوباوي هو عبداللطيف وام دينكاوية هي الصبر زين. الاب والام صحيح كانوا رقيق في شمال السودان لكن كانوا الظاهر بيلقوا معاملة كويسة من أسيادهم. الام الصبر زين دي اسمها عربي واسمها بالدينكاوي يظل مجهول. أما عبداللطيف القلنا نوباوي دا كان هو ذاتو مشلخ مطارق زي ما ذكروا بعض الباحثين.
    أحد الحضور في الندوة يقول بلهجة حلفاوية: الله ؟أيه الخبطة ديا؟
    (ضحك واسع من الحضور الذي نرى فيه داليا وزينب ونجلاء وريم من بين الحضورفي الصفوف الامامية)
    أروب (يختم ): على عبداللطيف اتغير أسلوب حياتو كلو بعد ما أصبح والده عسكري في الأورطة المصري ودي فتحت أمامو الطريق عشان ما يغير اسلوب حياتو كلها ويبقى ضابط في الجيش السوداني ويصبح من زمرة المثقفين وهنا حدثت النقلة النوعية في تفكيره كما اشرت في الندوة..
    (قطع)










    الخيط الرئيسي( داليا واروب) ، المشهد 54
    خارجي/ليل

    يناقشون اروب
    أحد الحضور في الندوة يناقش أروب بتطرف: إنت كمسيحي عايز تجي تبقى للمسلمين ملكي أكتر من الملك؟ عايز تقول إنو على عبداللطيف اتخلى عن غبينتو كرقيق في شمال السودان وجا يقدم نفسه كقائد لي كل السودانيين ؟ دا كلام يقبلو عقل؟ إنتو الزيكم ديل كدا بيرسموا صورة ما صحيحة للناس عن أمثال على عبداللطيف.
    أروب(يرد) :أولاً أنا ما مسيحي .القال ليك منو أنا مسيحي؟ وحتى لو كنت مسيحي دا ما موضوع الندوة. ثانياً إنت قلت الناس أمثال على عبداللطيف مغبونين وبس يعني على عبداللطيف في نظرك ما بطل سوداني لعموم السودانيين واللا شنو؟ عايز تخليهو مجرد زول مغبون من حالة الرق السابقة؟ في رأيي وجهة نظرك هذه غير صحيحة. على عبداللطيف سما بفكرو فوق كل القبايل واقنع زملاهو أعضاء جمعية اللواء الأبيض إنو يكتبوا في خانة الجنسية عند استجوابهم : سوداني.
    أحد المحاورين: سوداني دي بلغة الشماليين كانت بتعني عبد إنت الجلابة لحسوا عقلك خلوك تتكلم بلسانم.
    أروب: صحيح في واحدة من معانيها كانت بتعني زول ما عندو قبيلة يعني رقيق سابق. لكن في معناها الأسمى وهو دا المعنى القصدو علي عبداللطيف كانت بتعني شخص موجود في تراب السودان ككل.يعني الزول السودان هو بلدو. ودا هو المعنى المفروض نرتقي ليهو نحن هسة.يعني إنت يا أخ صابر المفروض تتخلى عن قبيلتك بوعي منك رغم إنك عارفها أكان جعلي واللا شايقي واللا دينكاوي واللا فوراوي واللا فولاني واللا زغاوي واللا بني عامر واللا بداويت واللا حباب واللا كاهلي واللا خالدي واللا حساني وتجي لما يجمعنا كسودانيين وتقول أنا سوداني.زي ماغنوا الفنانين الوطنيين الكاشف والعطبرواي ومن قبلهم غنا الحقيبة ومن قبلهم خليل فرح.. تفتكر كلمة سوداني الليلة بقت تعني المعنى القديم الملغوم داك؟
    جانب من الجمهور بصوت واحد: طبعاً لا. لا
    الفاتح: أحب أصحح للأخ صابر معلومة؛أروب ما اعتنق الإسلام حديثاً لكن ابوه هو الأسلم أولاً وبالمناسبة أروب مولود في الخرطوم وأبوه مات في الحرب وكان ضابط صف في قوات الحكومة .
    أحد الحضور لأروب : قبيل في اثناء المحاضرة قلت مصطلح بالإنجليزي
    اطلقوه الإنجليز على الرقيق بشمال السودان.قلت detribalized
    أروب : أيوة detribalized but Negroid People ومعناها كما واضح للحضور الكريم هنا الزنوج السودانيين المنقطعين عن قبائلهم . يعني الناس الاسترقوهم لما جو في الشمال بعد فترة اتعلموا لغة الشمال وتدينوا بالدين الاسلامي وشاركوا أسيادهم السابقين في المأكل والمشرب حتى بعد عتقهم وأصبحوا عايشين في الشمال لكن ما عندهم لا أراضي لا قبيلة. كلكم بتعرفوهم . ديلا بقت ما عندهم أي ديار تاني يرجعوا ليها.ومن هنا جات كلمة سوداني بمعناها القديم يعني رقيق لكن عندما تقلصت القبلية في السودان الشمالي وظهروا مثقفين سودانيين ظهر المعنى الجديد لكلمة سوداني الأصبحنا نعتز بيها هسة.أنا شخصيا ما بعتبر نفسي دينكاوي أنا سوداني. صحيح أنا ما كنت رقيق في الشمال وما مريت بالتجربة دي على قسوتها لكن أفضل المروا بيهاالبقو متسامحين زي على عبداللطيف ديلا كبروا في أذهان السودانيين كلهم وبقوا قادة. أنا بعتز بعلي عبداللطيف واتمنى إنوا نعتز بيهو كلنا.واتمنى أن نسمو كسودانيين مهما كان ما لحق بي بعضنا من ظلم وإجحاف على جراحنا عشان نبني السودان كلنا سوا.
    ( تنتهي الندوة والمناقشات بتصفيق حاد لأروب)
    قطع












    القريتان – قرية ام جداول ،المشهد 22
    داخلي/ليل
    ( عدد من صاحبات هناء بأم جداول يأتين للسلام عليها والتعرف على بدور .معلمات بالمدرسة طالبات بجامعة الجزيرة وجامعات أخرى . خريجات. زميلات ابتدائية ومتوسطة وثانوية سابقات تخلين عن الدراسة بنات الجيران وقريبات ولأن العدد كبير اقترحت بدور عليهن الذهاب لبيت أبيها وأمها فأخذت المفاتيح من بيت جدها واسـأذنت وقالت بأنها ستجيء للنوم في هذا الوقت كان الجد يصلي)
    تخرج هناء وبدور مع ركب البنات فيثير الحشد الدهشة . يمر بالقرب من الموكب من بيت عبدالركريم إلى بيت ولده الطيب قفة ويمد يده وسط الحشد للسلام على هناء )
    قفة : إززززييييك يا هههههننننناااااء .
    هناء : اهلاً يا جبارة إن شا الله كويس؟ سلم على صاحبتي بدور دي .
    قفة :منو ؟ قلت اسمها منو ؟ بيد بيبد بيد بدور؟ يمد يده على بدور ويسلم عليها .
    إحدى المعلمات: جبارة إنت ما سلمت علي
    قفة يسلم عليها .
    الثانية : وانا؟
    قفة: السسسسلام عللليكن كلكن.كلكن نوار
    ينطلق قفة وهو يغني بصوت خافت في البداية ثم ما يلبث ان يرتفع
    طلعت القمرة
    الخير يا عشانا تودينا لي هنا بسالوك ممنا؟
    بدور : دا بقول "تودينا لي هناء" ؟
    إحدى البنات: الظاهر كدا .واحدين في الحلة يقولا قاصد الاغنية وواحدين يقولو قاصد هناء إلا لكن الأغنية دي ما نسمعا إلا لما تجي هناء للحلة.
    ( جمع البنات يصلن إلى بيت الطيب وتفتح هناء باب الحوش ثم تسرع هي وجارة لها من البنات بإعداد كراسي من داخل الصالة لساحة الحوش واشعال المصابيح الكهربائية وتخرج هناء مروحة كبيرة ضخمة طاردة للبعوض كان والدها الطيب قد احضرها لوالده عبدالكريم لكن عبدالكريم رفضها وأرجعها لبيت الطيب )
    هناء : أحب اعرفك يا بدور على صاحباتي في أم جداول :نبدا التعارف من اليمين للشمال :نعمات ، الهام، أحلام ، مشاعر ، زينب ، وداد ، فاطمة، أسيل ، ومضة ، لميس ، منى، خالدة، ثريا، دينا ودي صاحبتي بدور من الصحافة بالخرطوم بتقرا قانون بجامعة الخرطوم حتتخرج قريبات دي.
    ( اصوات متفرقة متداخلة من البنات وبدور ) : اتشرفنا.اهلاً وسهلاً الله يبارك فيك.تسلمي شكراً
    هناء : بدور مش صاحبتي وبس لكن كمان سكرتيرة جمعية حقوق المراة في الجامعة الشرفوني زميلاتي هناك بي رئاستها.
    بدور : فرصة سعيدة. هناء كلمتني عنكن يا بنات ام جداول وودنفير . وكملتني عن المعرض العملتوهو السنة الفاتت وومشروعكم للتوعية بي مضار ختان البنات.
    أحلام إحدى البنات وهي معلمة : هناء فقدناها . لمن كانت في الثانوي وأولى وتانية جامعة كان بتشارك في نشاطات الحلة اكتر من أسة.
    ( يدور النقاش .تتصاعد الضحكات. تحضر إحدى الجارات البيبسي وتحضر جارة اخرى عشاء وبعد أنس حميم يخرج الجمع لإعادة بدور لبيت الجد .الشارع خال . كل القرية فيما يبدو نامت . لا يسمع إلا نباح الكلاب. بعض البنات يودعنهما وبعضهن يواصلن معهما رغم إلحاح هناء بالرجوع لديارهن وحين يصل الجمع يفتح الحاج عبدالكريم الباب وهو يقول : يا بناتي اتأخرتن ما لكن؟ والله لامن شفقنا عليكن. يفسح لهما بالدخول وتنسحب المودعات المقدمات )
    ( قطع )









    البحث عن طه ، مشهد 20
    خارجي/نهار
    حاجة عاشة : ( في حي الصحافة)
    (تقترب من ميدان كرة حيث يلعب بعض الشباب بحماس والبعض يتفرج تقترب من المشجعين )
    عاشة : الحبان .يا بطان .ما شفتو طه ولدي متيلكم كدي ؟
    أحد المتفرجين: يا حاجة تعالي بجاي الكورة ما تضربك
    مشجع تاني: (مخاطباً الحاجة): أرجعي يا خالة(مخاطباً الحاجة وهو ملتفت لزملائه) : والله الإعيسر دا كان خبتك بي كورة يخلى شوفك طشاش –طشاش.(زملاؤه يضحكون)
    أحد المشجعين: دي مالها دي؟
    الثاني : ولدا ... ولدها .
    الأول : مالو ؟
    الثاني : تاه .
    الأول : آ؟
    الثاني : ما سامعها أسه بتقول لي مجدي في شنو؟
    (يستمعون جميعاً لحاجة عاشة تحكي قصة اختفاء ولدها) حاجة عاشة : طه وليدي فرد ويحيد . مما قام كان حنين ومبروك. والله يطلع فوق راس التمرة الفي الحوش يحت لي الدفيق وانا القطو . يمرق معاي نحش القش للبهايم.طه وليدي من ما تب جتتو صغيرة وابوهو بي كترت ما يدقو والله يا حباني جننو من المدرسة.الكورة دي حاميهو يلعبا مع البطان والبحر دا كان حرمان عليهو.
    أحد المتفرجين : يا شباب تعالو نساعد الولية دي .الجميع يوافقون (يقترب من عاشة )
    المتفرج على المباراة يقود الحاجة ويقول لها:يا حاجة إنت هنا في الخرطوم ساكنا وين؟
    حاجة عاشة : هني في الصحافة دي في بيت سيد احمد ولدي ما بتعرفو؟
    المتفرج :بيت سيد أحمد جنب وين؟
    حاجة عاشة : بخبرو؟علا بيتم هنوك جنب المدرسة المرة الليلتو بقولو لا
    ام بدور ما بتعرفا؟
    المتفرج : أم بدور .عرفتو عرفتو يلا بينا يا حاجة . نحن بنساعدك كل شباب الصحافة ديل بنعرفم وكمان بنعرف شباب من أحياء تانية ولو أي زول شاف ولدك الرايح دا اكدي تمام نلمك فيهو (يقودها)
    (قطع)












    باسباريبحث عن عمل، المشهد 37
    داخلي/ليل
    (بعد الثانية عشرة ليلاً في عيادة دكتور خليل بعد إنتهاء مقابلات المرضى)
    دكتور خليل : اليومين ديل وين ولد شرقنا الحبيب؟
    موظف استقبال المرضى: باسبار؟
    دكتور خليل : أيوة
    موظف الاستقبال : باسبار خل الشغل قال لقى ليهو شغلة أحسن مع جماعتو.
    دكتور خليل: غريبة .دا ياما في ناس تعبوا وراه تعب عشان يلقى شغل معانا (مخاطباً موظف الاستقبال) إنت شاكلتو؟ ناس الشرق ديل صعبين ما برضو الحقارة
    موظف الاستقبال : ابداً والله براهو جاني قال ما داير شغل تاني. أسأله.
    دكتور خليل : أسأله وين تاني دا غطس في كرش الفيل دي تاني بتلقي؟ عنوان ما عنده.ونعمل شنو دلوقت مع الموصننا عليهو ديل .
    موظف الاستقبال . منو ديل ؟
    دكتور خليل :لو مافي مريض برة يا معتصم كدي قفل العيادة خلاص .
    (قطع)







    باسباريبحث عن عمل، مشهد 38
    داخلي/ليل
    دكتور خليل لإنصاف زوجته : عامل النظافة الجابتو داليا يشتغل معانا في العيادة بدون سبب، خلا الشغل يا إنصاف.
    دكتورة إنصاف : بالله؟ داليا ما حترضى يا خليل تقول شغلتو عشان ترضيها وهي في الاجازة ومن سافرت طلعته.
    دكتور خليل : معقولة دي؟ ثقة مافي؟ معقول أنا اعمل لداليدا cheetingجيتينغ؟ دي داليدا المجمرة النبيهة مش أي بت.
    إنصاف : ياريت كانت هنا تسمع كلامك الحلو دا. بس عليك الله يا خليل أبحث عنو يمكن بتاعين الاستقبال بتاعينك ديل طفشوه من الشغل إنت ما بتعرف غتاتات بعض الناس؟ السودانيين ما اختلفو يا خليل!
    دكتور خليل : حاضر حأقوم من بكرة دي افتش ليهو وأسألوا عن سبب ترك العيادة.الغريبة شغله كويس خل العيادة تلمع.

    نهاية الحلقة الخامسة عشرة

    (عدل بواسطة Bushra Elfadil on 08-25-2010, 10:13 AM)
                  

العنوان الكاتب Date
طلعت القمرة - مسلسل أون لاين Bushra Elfadil08-12-10, 03:13 PM
  Re: طلعت القمرة - مسلسل أون لاين محمد المرتضى حامد08-12-10, 03:21 PM
    Re: طلعت القمرة - مسلسل أون لاين Bushra Elfadil08-12-10, 03:30 PM
      Re: طلعت القمرة - مسلسل أون لاين سلمى الشيخ سلامة08-12-10, 09:24 PM
        Re: طلعت القمرة - مسلسل أون لاين هشام كمال08-12-10, 09:53 PM
          Re: طلعت القمرة - مسلسل أون لاين Bushra Elfadil08-13-10, 00:37 AM
        Re: طلعت القمرة - مسلسل أون لاين Bushra Elfadil08-13-10, 00:23 AM
          Re: طلعت القمرة - مسلسل أون لاين سلمى الشيخ سلامة08-13-10, 00:42 AM
            Re: طلعت القمرة - مسلسل أون لاين Bushra Elfadil08-13-10, 05:44 AM
              Re: طلعت القمرة - مسلسل أون لاين سلمى الشيخ سلامة08-13-10, 05:58 AM
                Re: طلعت القمرة - مسلسل أون لاين هشام كمال08-13-10, 07:45 AM
                  Re: طلعت القمرة - مسلسل أون لاين فيصل محمد خليل08-13-10, 08:15 AM
                    Re: طلعت القمرة - مسلسل أون لاين Bushra Elfadil08-13-10, 09:13 AM
                      Re: طلعت القمرة - مسلسل أون لاين Bushra Elfadil08-13-10, 09:19 AM
                        Re: طلعت القمرة - مسلسل أون لاين Abdlaziz Eisa08-13-10, 11:04 AM
                          Re: طلعت القمرة - مسلسل أون لاين Bushra Elfadil08-13-10, 12:50 PM
                            Re: طلعت القمرة - مسلسل أون لاين Bushra Elfadil08-13-10, 01:05 PM
                              Re: طلعت القمرة - مسلسل أون لاين Bushra Elfadil08-13-10, 01:27 PM
                                Re: طلعت القمرة - مسلسل أون لاين Bushra Elfadil08-13-10, 01:53 PM
                                  Re: طلعت القمرة - مسلسل أون لاين Bushra Elfadil08-13-10, 02:27 PM
                                  Re: طلعت القمرة - مسلسل أون لاين Bushra Elfadil08-13-10, 02:27 PM
                                    Re: طلعت القمرة - مسلسل أون لاين Abdlaziz Eisa08-13-10, 03:29 PM
                                      Re: طلعت القمرة - مسلسل أون لاين خدر08-13-10, 05:00 PM
                                        Re: طلعت القمرة - مسلسل أون لاين Bushra Elfadil08-13-10, 07:47 PM
                                          Re: طلعت القمرة - مسلسل أون لاين Bushra Elfadil08-13-10, 07:50 PM
                                            Re: طلعت القمرة - مسلسل أون لاين Bushra Elfadil08-13-10, 07:55 PM
                                              Re: طلعت القمرة - مسلسل أون لاين Bushra Elfadil08-14-10, 09:53 AM
                                                Re: طلعت القمرة - مسلسل أون لاين Bushra Elfadil08-14-10, 10:12 AM
                                                  Re: طلعت القمرة - مسلسل أون لاين محمد المرتضى حامد08-14-10, 11:16 AM
                                                    Re: طلعت القمرة - مسلسل أون لاين Bushra Elfadil08-14-10, 11:54 AM
                                                      Re: طلعت القمرة - مسلسل أون لاين محمد المرتضى حامد08-14-10, 12:06 PM
                                                        Re: طلعت القمرة - مسلسل أون لاين Bushra Elfadil08-14-10, 08:32 PM
                                                          Re: طلعت القمرة - مسلسل أون لاين محمد المرتضى حامد08-14-10, 11:11 PM
                                                            Re: طلعت القمرة - مسلسل أون لاين Bushra Elfadil08-15-10, 08:10 AM
                                                              Re: طلعت القمرة - مسلسل أون لاين Bushra Elfadil08-15-10, 02:39 PM
                                                                Re: طلعت القمرة - مسلسل أون لاين Bushra Elfadil08-15-10, 02:42 PM
                                                                  Re: طلعت القمرة - مسلسل أون لاين Bushra Elfadil08-15-10, 02:51 PM
                                                                    Re: طلعت القمرة - مسلسل أون لاين Bushra Elfadil08-16-10, 08:16 AM
                                                                      Re: طلعت القمرة - مسلسل أون لاين Bushra Elfadil08-16-10, 08:18 AM
                                                                        Re: طلعت القمرة - مسلسل أون لاين Bushra Elfadil08-16-10, 04:48 PM
                                                                          Re: طلعت القمرة - مسلسل أون لاين Safa Fagiri08-16-10, 05:53 PM
                                                                            Re: طلعت القمرة - مسلسل أون لاين Bushra Elfadil08-16-10, 11:37 PM
                                                                              Re: طلعت القمرة - مسلسل أون لاين Bushra Elfadil08-17-10, 11:35 AM
                                                                                Re: طلعت القمرة - مسلسل أون لاين Bushra Elfadil08-17-10, 12:07 PM
                                                                                Re: طلعت القمرة - مسلسل أون لاين Bushra Elfadil08-17-10, 12:09 PM
                                                                                  Re: طلعت القمرة - مسلسل أون لاين Bushra Elfadil08-18-10, 11:53 AM
                                                                                    Re: طلعت القمرة - مسلسل أون لاين Bushra Elfadil08-18-10, 11:59 AM
                                                                                      Re: طلعت القمرة - مسلسل أون لاين Bushra Elfadil08-18-10, 12:04 PM
                                                                                        Re: طلعت القمرة - مسلسل أون لاين Bushra Elfadil08-19-10, 09:44 PM
  Re: طلعت القمرة - مسلسل أون لاين Bushra Elfadil08-20-10, 12:27 PM
    Re: طلعت القمرة - مسلسل أون لاين Sidgi Kaballo08-20-10, 02:34 PM
      Re: طلعت القمرة - مسلسل أون لاين Bushra Elfadil08-20-10, 03:00 PM
        Re: طلعت القمرة - مسلسل أون لاين Bushra Elfadil08-21-10, 08:24 PM
    Re: طلعت القمرة - مسلسل أون لاين Bushra Elfadil08-22-10, 02:06 PM
      Re: طلعت القمرة - مسلسل أون لاين Bushra Elfadil08-22-10, 02:13 PM
        Re: طلعت القمرة - مسلسل أون لاين Bushra Elfadil08-22-10, 02:22 PM
          Re: طلعت القمرة - مسلسل أون لاين Bushra Elfadil08-22-10, 09:52 PM
            Re: طلعت القمرة - مسلسل أون لاين Bushra Elfadil08-23-10, 07:52 AM
              Re: طلعت القمرة - مسلسل أون لاين dardiri satti08-23-10, 10:24 AM
                Re: طلعت القمرة - مسلسل أون لاين Bushra Elfadil08-23-10, 01:00 PM
                  Re: طلعت القمرة - مسلسل أون لاين Bushra Elfadil08-24-10, 01:15 AM
            Re: طلعت القمرة - مسلسل أون لاين طيفور08-26-10, 11:16 PM
  Re: طلعت القمرة - مسلسل أون لاين محمد الكامل عبد الحليم08-24-10, 01:02 PM
    Re: طلعت القمرة - مسلسل أون لاين Bushra Elfadil08-24-10, 02:06 PM
      Re: طلعت القمرة - مسلسل أون لاين Bushra Elfadil08-24-10, 11:35 PM
        Re: طلعت القمرة - مسلسل أون لاين Abdlaziz Eisa08-24-10, 11:47 PM
          Re: طلعت القمرة - مسلسل أون لاين Bushra Elfadil08-26-10, 01:07 AM
            Re: طلعت القمرة - مسلسل أون لاين Bushra Elfadil08-27-10, 04:35 AM
              Re: طلعت القمرة - مسلسل أون لاين عصام دهب08-27-10, 03:20 PM
                Re: طلعت القمرة - مسلسل أون لاين Bushra Elfadil08-27-10, 04:20 PM
                  Re: طلعت القمرة - مسلسل أون لاين عصام دهب08-27-10, 04:33 PM
                Re: طلعت القمرة - مسلسل أون لاين Abdlaziz Eisa08-27-10, 05:47 PM
                  Re: طلعت القمرة - مسلسل أون لاين Bushra Elfadil08-27-10, 07:32 PM
                    Re: طلعت القمرة - مسلسل أون لاين Bushra Elfadil08-28-10, 09:20 PM
                      Re: طلعت القمرة - مسلسل أون لاين Bushra Elfadil08-29-10, 09:31 AM
                        Re: طلعت القمرة - مسلسل أون لاين Bushra Elfadil08-29-10, 07:50 PM
                          Re: طلعت القمرة - مسلسل أون لاين Bushra Elfadil08-29-10, 08:01 PM
                            Re: طلعت القمرة - مسلسل أون لاين Bushra Elfadil08-30-10, 01:57 PM
                              Re: طلعت القمرة - مسلسل أون لاين Bushra Elfadil08-31-10, 08:21 AM
                                Re: طلعت القمرة - مسلسل أون لاين Bushra Elfadil08-31-10, 10:23 AM
                                  Re: طلعت القمرة - مسلسل أون لاين Bushra Elfadil08-31-10, 08:01 PM
                                    Re: طلعت القمرة - مسلسل أون لاين Bushra Elfadil09-01-10, 11:19 AM
                                      Re: طلعت القمرة - مسلسل أون لاين Bushra Elfadil09-01-10, 11:26 AM
                                        Re: طلعت القمرة - مسلسل أون لاين Bushra Elfadil09-01-10, 02:46 PM
                                          Re: طلعت القمرة - مسلسل أون لاين Bushra Elfadil09-02-10, 01:33 AM
                                            Re: طلعت القمرة - مسلسل أون لاين Bushra Elfadil09-02-10, 01:48 AM
                                              Re: طلعت القمرة - مسلسل أون لاين Mohamed Abdelgaleel09-02-10, 12:50 PM
                                                Re: طلعت القمرة - مسلسل أون لاين Bushra Elfadil09-02-10, 02:22 PM
                                                  Re: طلعت القمرة - مسلسل أون لاين Bushra Elfadil09-03-10, 01:06 PM
                                                    Re: طلعت القمرة - مسلسل أون لاين Bushra Elfadil09-05-10, 02:45 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de