|
|
 Re: طلعت القمرة - مسلسل أون لاين (Re: Bushra Elfadil)
|
البحث عن طه - المشهد الثالث
خارجي/نهار
(نشاهد محمد خير من بعيد وهو يخاطب نفسه )
محمد خير: (لنفسه منولوج): الله يلعن الدنيي دي الما ورتنا إلا الشوم. حياتنا كلها فقر(بضم القاف السودانية).الجنا التقول ما جنا نصاح.يا طه يا وليدي الله يجمعك كان أمك قشرونة دي تريحنا تخلينا كان عينا تلقى ليها فرد نومة ويحيدي.
(يقترب محمد خير من مكتب المدير في مدرسة مروي الثانوية .هناك يخطرونه بأن الطلبة في الحصص والوقت مبكر وعليه إنتظارهم حتى فسحة الفطور )
(قطع)
القريتان – قرية ام جداول ، المشهد الرابع
خارجي/ليل
(جمع من مزارعي القرية يتجمعون أمام دكان حسن بعد صلاة المغرب في القرية دخلت الكهرباء لذلك الدكان به لمبة نيون ضوءها يطلع لخارج البرندة).
مزارع أول للآخر : حشيت إنقاية أب عشرين ؟
الآخر : لسة. لكن باكر بنقوم عليها أنا ومحمد ولدي من الصباح . السنة القش صعب تب. أظنه ضحوتين وضهريتين ما يقضنها
الأول : أخير ليك يا على هوي تشوف ليها زول . قاول عليها أولي الفلاتي كان ما ماسك ليهو شغل .
ثالث: والله اخترت ليها زول . حاج حمد اختار ليك زول.أولي صبي عاتي وانقايتك دي زول بقدر عليها غيرو مافي .(يكرر)غيرو زول بقدر عليها ما في. كلها أنكوج إن قايل قشها قش نصاح.والله أولى فت يوم ينفضها ليك تب.
(تقترب طفلة من المزارع الثاني)
الطفلة : يا با قالوا ليك عايزين زيت وبصل .
المزارع الثاني : الزيت أمس دي ما جبناهو من السوق (مخاطباً المزارع الأول)أها شوف نأجر للإنقاية كيف معا ناس زيت وبصل ديل؟
المزارع الأول : البصل السنة طار راح.
المزارع الثاني : طار راح ساهي .دا وصل السما.(يصبح لصاحب الدكان الذي يكون مشغولاً مع زبائن بالداخل) : يا حسن أدي البت دي ربع رطل زيت وبصل بي جنيهين وقيد على الحساب
(قطع)
القريتان – قرية ودنفير ، المشهد الثالث
خارجي/نهار
(وليد ولد عوض الجزار يعود من مدني في منتصف النهار)
(عاد وليد ولد عوض الجزار من جامعة الجزيرة مدني النشيشيبة حيث كان يدرس زراعة وهو تخرج .ولأن والده عوض عاد للتو من الجزارة فقد جمعهما مع بعض فطور متأخر:الفطور يحوي أطايب الجزارين)
وليد: (مفاتحاً اباه) : يا با أنا شهادتي خلاص استلمتها
أبوه عوض:مبروك . خير ان شا الله ربنا يسهل ليك الشغل بعد دا يا ولدي .
وليد : حأفتش شغل بسرعة وفي الأول كان لقيت أي حاجة بتمسك بيها.
(تدخل آسيا بت عبدالكريم والدة وليد زوجة عوض الجزار وهي تحمل صحن إضافي )
آسيا: وليد عندو كلام قال يفتحو ليك وخجلان يقولو براهو.
عوض: خجلان هو بت؟وقبال ما يفتح خشمو كلامو عرفتو .
آسيا: أجي يا أبو وليد؟
عوض الجزار والد وليد:حكاية ولدك ودنفير وأم جداول كلها سامعة بيها.ولدك قلبو في حوش ناس الطيب أخوك في أم جداول .
آسيا بت عبدالركريم أم وليد:والله تراكا عرفتو.قال لي هناء دي بقت في الجامعة وهو ناوي يخطبها قبال ما يجيها زول من جاي والله جاي .
عوض الجزار: صحي الكلام دا يا وليد؟
وليد: بحياء أيوة يا بوي. خطوبة بس.
عوض :الخطوبة ليك شنو وانت شغل ما اشتغلت؟ انت متفق مع البت؟ قول لي بصراحة.
وليد: أنا هناء من هي كانت في أولى ثانوي ما قابلتها. كل مرة تسافر مع أبوها الخرطوم. كلما أزرو م في حلتم يقولوا لي مشت الخرطوم
عوض والده: طيب يمكن تكون في السنين ديل قالوا فيها كلمة إنت عارف الخرطوم.آسيا: لا . "هو..هو" (أي لا لا بعامية الجزيرة) هي كان خطبها زول جاي ولا جاي كان عرفنا.أخوي الطيب كمان دار يدس مني؟
عوض والده: وانت في العيد الفات لما قالوا ما جايين الحلة ما تراكا رحت ليهم في الخرطوم؟
وليد: ايوة مشيت أبارك ليهم العيد. وما قابلتها إلا للسلام في كل الوقت في صالونم كان في ضيوف مع خالي الطيب .
(قطع)
القريتان- ودنفير ، مشهد رابع
خارجي/نهار
عوض والده : (يضحك ويقول بينه وبين نفسه بصوت مسموع للمشاهد مسترجعاً كلام ابنه وهو في الطريق للجامع بعد سماع آذان الظهر) : هاهاها . تبارك ليهم العيد؟ دي على هامان يا فرعون؟
(قطع )
القريتان - قرية ام جداول، المشهد الخامس
خارجي/ليل
نفس الجلسة بعد صلاة المغرب
يدخل قفة: (وهو يغني طلعت القمرا.. )
(جمع المزارعين أمام الدكان خصوصاً الشباب منهم يضحكون وينفعلون بدخول قفة ويستلم الشباب المجلس )
شاب : الليلة الجا منو كمان يا قفة تغني فرحان كدا.
قفة : ست الجبايب قمر أم جداول.
أحد المزارعين كبار السن: دي مني كمان دي؟
الشباب: (يضحكون دفعة واحدة وقد احرزوا مرامي قفة).
شاب: (مخاطباً المزارع) غنا قفة دا كلامو تاني ياحاج.
قفة : الخير يا عشانا تودينا لي ( ها ها هههه هناء )
شاب: يا قفة خلاس فهمناك اسكت اسكت ما تجيب لينا مصيبة كمان.
(قفة يتحرك من المجلس قاصداً تجمع آخر وهو يغني :طلعة القمراء الخير يا عشانا تودينا لي هههههناء)
(قطع)
باسبار يبحث عن عمل ، المشهد الثالث
( يظهر باسبار أولاً في مدينة مسمار بحثاً عن عمل . الوقت نهار .لقطة لمحطة القطار تقف فيها شاحنة يقترب باسبار من سائق الشاحنة قرب المحطة بمسمار )
باسبار : شغل ندور .أهلي تعبانين . مطر ما لقينا .والد مريض أخوان جيعانين .يها شغل ندور.
سائق الشاحنة : أمشي جوة السوق يمكن تلقى شغل يا بن العم. أنا ذاتي ما سيد العربية دي ومعاي مساعدي وإنت بي جتتك دي شغلتنا الحارة دي ما بتقدر عليها.
باسبار : كيف ما نقدر .والله نقدر. نحن ما ناس راحات . ناس شغل.
سائق الشاحنة: امش ادفر لي جوة خش السوق ؛ شوف ناس المطاعم كان يشغلوك تغسل الصحون.
مساعد العربية – اسمك منو هوي؟ اسمك منو ها؟
( لا يتلقى رداً فيلتفت نحو السائق ويسأل على عجل)
المساعد: المصيبة دي بتعرف عربي؟
(سائق العربة يرد علي المساعد بجفاء)
السائق : حرك خليك من الكلام الكتير . أمش جيب السجاير. من قبيل ما كلمتك بيهو؟
(يتحرك المساعد وينزل من فوق العربة )
باسبار: يتوجه بعينيه نحوه ويقول: أنا أخو مسكين زيك .اسمي باسبار .شغل ما تشوف ؟
(المساعد يمضي وهو يهز كتفيه نحو الدكان البقالة )
(قطع)
ابراهيم بطيخ ، المشهد الخامس
خارجي/نهار
الوقت عصر
ابراهيم بتيخ : (يقترب من بائع البطيخ قرب احد الدكاكين .يختار بطيخة ويساوم بائع البطيخ على سعرها ويخرج صرة نقوده ويشتريها وهو يسنتت احتجاجاً على ارتفاع السعر يخاطب البائع والحاضرين أمام الدكان ممن جاءوا للأنس وهم جالسون في الفناء أمام الدكان): بطيخ دا والله سعرو طار السما .كان ما حلاتو دي والله الواحد يخليهو.
(الجميع يضحكون)
أحد الحضور: تخليهو عشان بتخليهو .والله إنت يا ابراهيم لو بقت البطيخة بجنيه تشتريها.
آخر: (يخاطب ابراهيم الذي ابتعد ببطيخته) تعال يا إبراهيم ماشي وين ما تفقشها هنا ناكلها معاك.
إبراهيم : اتفضل معاي على الحواشة نأكلها سوا .
الآخر: أمشي معاك لي سقط لقط عشان تديني شريحة واحدة؟
(الجميع يضحكون مرة أخرى )
قطع
إبراهيم بطيخ ، المشهد السادس
صباح (حاج عبدالكريم قرب الترعة على ظهر حمار نشيط وقوي بالقرب من كبري الترعة القدامية ويدركه إبراهيم راجلاً)
إبراهيم بطيخ : عم عبدالكريم أنا والجماعة دايرين العبار خلاص لقطتنا الحواشة كلها .يمكن تجيب عشرين شوال كبس .أمش المكتب جيب الشوالات.
حاج عبدالكريم :عارف ها دا تراني أنا من دربي دا ما شي للمخزنجي في المكتب بجيب شوالات الكبس(بكسر الكاف والباء) وبجيكم في الحواشة. أمش، احرس التقاة من البهايم وانتظروني للعبار ونادي أبكر الفلاتي معاك يجي يكبس الشوالات.( يقود حاج ابراهيم حماره )
(قطع)
إبراهيم بطيخ، المشهد السابع
(هناء عبدالركريم الطالبة بآداب جامعة الخرطوم في بيت جدها حاج عبدالكريم يطرق الباب ابراهيم بطيخ).
أبراهيم بطيخ : أهلاً يا بت الطيب حاج عبدالكريم في؟
هناء (وقد أدركت أن الطارق هو ابراهيم بطيخ الشهير بالقرية والذي يعمل في حواشة جدها تحضر إفطاراً لإبراهيم مكون من صحن واحد به لقمة(عصيدة) بالويكة): اقعد يا ابراهيم افطر!
(يجلس ابراهيم بطيخ في ضل الضحى ويأكل وهو يقول)
إيراهيم :كتر خيرك يا بتي الله يعافيك (يستمر في الأكل)
تتحرك هناء نحو الزير وتناوله كوباً من الماء
السرة جدتها بالداخل: دامنو يا هنا بتي؟
هناء: دا ابراهيم الشغال مع جدي في الحواشة.
السرة : أآ؟(السرة لا تسمع جيداً)
السرة :أدخلي على التكل سوي ليهو لقمة ياكلها الساعة ساعة فطور.
هناء : أديتو ياكل يا حبوبة
السرة : آآ؟
هناء: (بصوت مرتفع ) أديتو الفطور.
السرة : كتر خيرك يابتي.
قطع))
نهاية الحلقة الثالثة
|
|
 
|
|
|
|
|
| العنوان |
الكاتب |
Date |
| طلعت القمرة - مسلسل أون لاين | Bushra Elfadil | 08-12-10, 03:13 PM |
| Re: طلعت القمرة - مسلسل أون لاين | محمد المرتضى حامد | 08-12-10, 03:21 PM |
| Re: طلعت القمرة - مسلسل أون لاين | Bushra Elfadil | 08-12-10, 03:30 PM |
| Re: طلعت القمرة - مسلسل أون لاين | سلمى الشيخ سلامة | 08-12-10, 09:24 PM |
| Re: طلعت القمرة - مسلسل أون لاين | هشام كمال | 08-12-10, 09:53 PM |
| Re: طلعت القمرة - مسلسل أون لاين | Bushra Elfadil | 08-13-10, 00:37 AM |
| Re: طلعت القمرة - مسلسل أون لاين | Bushra Elfadil | 08-13-10, 00:23 AM |
| Re: طلعت القمرة - مسلسل أون لاين | سلمى الشيخ سلامة | 08-13-10, 00:42 AM |
| Re: طلعت القمرة - مسلسل أون لاين | Bushra Elfadil | 08-13-10, 05:44 AM |
| Re: طلعت القمرة - مسلسل أون لاين | سلمى الشيخ سلامة | 08-13-10, 05:58 AM |
| Re: طلعت القمرة - مسلسل أون لاين | هشام كمال | 08-13-10, 07:45 AM |
| Re: طلعت القمرة - مسلسل أون لاين | فيصل محمد خليل | 08-13-10, 08:15 AM |
| Re: طلعت القمرة - مسلسل أون لاين | Bushra Elfadil | 08-13-10, 09:13 AM |
| Re: طلعت القمرة - مسلسل أون لاين | Bushra Elfadil | 08-13-10, 09:19 AM |
| Re: طلعت القمرة - مسلسل أون لاين | Abdlaziz Eisa | 08-13-10, 11:04 AM |
| Re: طلعت القمرة - مسلسل أون لاين | Bushra Elfadil | 08-13-10, 12:50 PM |
| Re: طلعت القمرة - مسلسل أون لاين | Bushra Elfadil | 08-13-10, 01:05 PM |
| Re: طلعت القمرة - مسلسل أون لاين | Bushra Elfadil | 08-13-10, 01:27 PM |
| Re: طلعت القمرة - مسلسل أون لاين | Bushra Elfadil | 08-13-10, 01:53 PM |
| Re: طلعت القمرة - مسلسل أون لاين | Bushra Elfadil | 08-13-10, 02:27 PM |
| Re: طلعت القمرة - مسلسل أون لاين | Bushra Elfadil | 08-13-10, 02:27 PM |
| Re: طلعت القمرة - مسلسل أون لاين | Abdlaziz Eisa | 08-13-10, 03:29 PM |
| Re: طلعت القمرة - مسلسل أون لاين | خدر | 08-13-10, 05:00 PM |
| Re: طلعت القمرة - مسلسل أون لاين | Bushra Elfadil | 08-13-10, 07:47 PM |
| Re: طلعت القمرة - مسلسل أون لاين | Bushra Elfadil | 08-13-10, 07:50 PM |
| Re: طلعت القمرة - مسلسل أون لاين | Bushra Elfadil | 08-13-10, 07:55 PM |
| Re: طلعت القمرة - مسلسل أون لاين | Bushra Elfadil | 08-14-10, 09:53 AM |
| Re: طلعت القمرة - مسلسل أون لاين | Bushra Elfadil | 08-14-10, 10:12 AM |
| Re: طلعت القمرة - مسلسل أون لاين | محمد المرتضى حامد | 08-14-10, 11:16 AM |
| Re: طلعت القمرة - مسلسل أون لاين | Bushra Elfadil | 08-14-10, 11:54 AM |
| Re: طلعت القمرة - مسلسل أون لاين | محمد المرتضى حامد | 08-14-10, 12:06 PM |
| Re: طلعت القمرة - مسلسل أون لاين | Bushra Elfadil | 08-14-10, 08:32 PM |
| Re: طلعت القمرة - مسلسل أون لاين | محمد المرتضى حامد | 08-14-10, 11:11 PM |
| Re: طلعت القمرة - مسلسل أون لاين | Bushra Elfadil | 08-15-10, 08:10 AM |
| Re: طلعت القمرة - مسلسل أون لاين | Bushra Elfadil | 08-15-10, 02:39 PM |
| Re: طلعت القمرة - مسلسل أون لاين | Bushra Elfadil | 08-15-10, 02:42 PM |
| Re: طلعت القمرة - مسلسل أون لاين | Bushra Elfadil | 08-15-10, 02:51 PM |
| Re: طلعت القمرة - مسلسل أون لاين | Bushra Elfadil | 08-16-10, 08:16 AM |
| Re: طلعت القمرة - مسلسل أون لاين | Bushra Elfadil | 08-16-10, 08:18 AM |
| Re: طلعت القمرة - مسلسل أون لاين | Bushra Elfadil | 08-16-10, 04:48 PM |
| Re: طلعت القمرة - مسلسل أون لاين | Safa Fagiri | 08-16-10, 05:53 PM |
| Re: طلعت القمرة - مسلسل أون لاين | Bushra Elfadil | 08-16-10, 11:37 PM |
| Re: طلعت القمرة - مسلسل أون لاين | Bushra Elfadil | 08-17-10, 11:35 AM |
| Re: طلعت القمرة - مسلسل أون لاين | Bushra Elfadil | 08-17-10, 12:07 PM |
| Re: طلعت القمرة - مسلسل أون لاين | Bushra Elfadil | 08-17-10, 12:09 PM |
| Re: طلعت القمرة - مسلسل أون لاين | Bushra Elfadil | 08-18-10, 11:53 AM |
| Re: طلعت القمرة - مسلسل أون لاين | Bushra Elfadil | 08-18-10, 11:59 AM |
| Re: طلعت القمرة - مسلسل أون لاين | Bushra Elfadil | 08-18-10, 12:04 PM |
| Re: طلعت القمرة - مسلسل أون لاين | Bushra Elfadil | 08-19-10, 09:44 PM |
| Re: طلعت القمرة - مسلسل أون لاين | Bushra Elfadil | 08-20-10, 12:27 PM |
| Re: طلعت القمرة - مسلسل أون لاين | Sidgi Kaballo | 08-20-10, 02:34 PM |
| Re: طلعت القمرة - مسلسل أون لاين | Bushra Elfadil | 08-20-10, 03:00 PM |
| Re: طلعت القمرة - مسلسل أون لاين | Bushra Elfadil | 08-21-10, 08:24 PM |
| Re: طلعت القمرة - مسلسل أون لاين | Bushra Elfadil | 08-22-10, 02:06 PM |
| Re: طلعت القمرة - مسلسل أون لاين | Bushra Elfadil | 08-22-10, 02:13 PM |
| Re: طلعت القمرة - مسلسل أون لاين | Bushra Elfadil | 08-22-10, 02:22 PM |
| Re: طلعت القمرة - مسلسل أون لاين | Bushra Elfadil | 08-22-10, 09:52 PM |
| Re: طلعت القمرة - مسلسل أون لاين | Bushra Elfadil | 08-23-10, 07:52 AM |
| Re: طلعت القمرة - مسلسل أون لاين | dardiri satti | 08-23-10, 10:24 AM |
| Re: طلعت القمرة - مسلسل أون لاين | Bushra Elfadil | 08-23-10, 01:00 PM |
| Re: طلعت القمرة - مسلسل أون لاين | Bushra Elfadil | 08-24-10, 01:15 AM |
| Re: طلعت القمرة - مسلسل أون لاين | طيفور | 08-26-10, 11:16 PM |
| Re: طلعت القمرة - مسلسل أون لاين | محمد الكامل عبد الحليم | 08-24-10, 01:02 PM |
| Re: طلعت القمرة - مسلسل أون لاين | Bushra Elfadil | 08-24-10, 02:06 PM |
| Re: طلعت القمرة - مسلسل أون لاين | Bushra Elfadil | 08-24-10, 11:35 PM |
| Re: طلعت القمرة - مسلسل أون لاين | Abdlaziz Eisa | 08-24-10, 11:47 PM |
| Re: طلعت القمرة - مسلسل أون لاين | Bushra Elfadil | 08-26-10, 01:07 AM |
| Re: طلعت القمرة - مسلسل أون لاين | Bushra Elfadil | 08-27-10, 04:35 AM |
| Re: طلعت القمرة - مسلسل أون لاين | عصام دهب | 08-27-10, 03:20 PM |
| Re: طلعت القمرة - مسلسل أون لاين | Bushra Elfadil | 08-27-10, 04:20 PM |
| Re: طلعت القمرة - مسلسل أون لاين | عصام دهب | 08-27-10, 04:33 PM |
| Re: طلعت القمرة - مسلسل أون لاين | Abdlaziz Eisa | 08-27-10, 05:47 PM |
| Re: طلعت القمرة - مسلسل أون لاين | Bushra Elfadil | 08-27-10, 07:32 PM |
| Re: طلعت القمرة - مسلسل أون لاين | Bushra Elfadil | 08-28-10, 09:20 PM |
| Re: طلعت القمرة - مسلسل أون لاين | Bushra Elfadil | 08-29-10, 09:31 AM |
| Re: طلعت القمرة - مسلسل أون لاين | Bushra Elfadil | 08-29-10, 07:50 PM |
| Re: طلعت القمرة - مسلسل أون لاين | Bushra Elfadil | 08-29-10, 08:01 PM |
| Re: طلعت القمرة - مسلسل أون لاين | Bushra Elfadil | 08-30-10, 01:57 PM |
| Re: طلعت القمرة - مسلسل أون لاين | Bushra Elfadil | 08-31-10, 08:21 AM |
| Re: طلعت القمرة - مسلسل أون لاين | Bushra Elfadil | 08-31-10, 10:23 AM |
| Re: طلعت القمرة - مسلسل أون لاين | Bushra Elfadil | 08-31-10, 08:01 PM |
| Re: طلعت القمرة - مسلسل أون لاين | Bushra Elfadil | 09-01-10, 11:19 AM |
| Re: طلعت القمرة - مسلسل أون لاين | Bushra Elfadil | 09-01-10, 11:26 AM |
| Re: طلعت القمرة - مسلسل أون لاين | Bushra Elfadil | 09-01-10, 02:46 PM |
| Re: طلعت القمرة - مسلسل أون لاين | Bushra Elfadil | 09-02-10, 01:33 AM |
| Re: طلعت القمرة - مسلسل أون لاين | Bushra Elfadil | 09-02-10, 01:48 AM |
| Re: طلعت القمرة - مسلسل أون لاين | Mohamed Abdelgaleel | 09-02-10, 12:50 PM |
| Re: طلعت القمرة - مسلسل أون لاين | Bushra Elfadil | 09-02-10, 02:22 PM |
| Re: طلعت القمرة - مسلسل أون لاين | Bushra Elfadil | 09-03-10, 01:06 PM |
| Re: طلعت القمرة - مسلسل أون لاين | Bushra Elfadil | 09-05-10, 02:45 PM |
|
| |
Bushra Elfadil
فيس بوك
تويتر
انستقرام
يوتيوب
بنتيريست