|
هذا الشارب خط دفاع وهمي (نظرية السيستم)
|
هذا البوست عبارة عن قصة قعدة بناتية فيها بيبسي بااااارد (ما قهوة) ومجموعة من الحاجات البتتاكل لزوم الانديااااااح بمزااج . مجموعة من البنات وكمية من الشمارات المخلوطة بافكار جندرية وما شابه كان الغرض الاساسي من القعدة الخستقة لكن تسلسل الونسة وسرد القصص فاجاءهم بتشابه الاحداث واختلاف الشوارب مما ادي الي اكتشاف نظرية السيستم (كما هو معروف تاتي النظريات بالصدف).
نظرية السيستم :-
التعريف: لغة: السيستم نظام ثابت تسري بموجبه الاشياء . اصطلاحا: منهج ذكوري بحت قائم علي مجموعة من القواعد الهدف الاساسي من وراءها انو المراة تجن وتمشي تتلفت .
المبداء: النظرية تقول ان السيستم فطري طالما ان الرجال ليسو بالذكاء الذي يمكنهم من اختراع نظام والالتزام بقواعده .
مستلزمات السيستم: 1\ بت (لا يهم شناتها او سماحتها او ثقافتها او تعليمها او ذكاءها او اي شي) . 2\ شنب!!!
خط سير السيستم : 1\ تعارف لطيف (في لحظة مهببة ام البت داعية عليها). 2\ يلحق نمرة (1) تلفونات بمعدل 17 الف تلفون كل 13 دقيقة. 3\استخدام كلمات تنم عن اهتمام غير طبيعي (انتي منو- بتسوي في شنو - شغالة شنو-احلامك وطموحاتك -ناس بيتكم- جيرانكم- بت خالة ود عمة حبوبة جيرانكم امها الكتلها شنو...الخ...). ** كل الذي سبق يتم السؤال عنه باهتمام مخيف *** 4\ في ظرف 48 ساعة علي الاكثر من نمرة (1) تبداء النقة من نوع (ما شغالة بينا -ما رديتي -ما حنينة- الخ...)
وينتج عن هذا اهتمام منبرش من جانبها بدون تفكير. 5\ تنبرش وتنبرش وتوغل في الانبراش وينكمش هو وينكمش ويوغل في الانكماش. 6\ تبداء ملاحقاتها له (عفوا هذا المشترك لا يمكن الوصول اليه حاليا فورا بعد هذا الرقم مشغول الان). 7\يلعب الفار جواها وتبداء زوبعة مسألات (انت اتغيرت - انت مالك - في شي مزعلك مني-....) مع العلم بانو قبل اسبوع ما كانت بتعرفو . 8\ رضوخ للامر الواقع وستة شهور دبرسسة واكل اضافر ولوم النفس.
مدة السيستم:- يتراوح من اسبوع الي عدة اشهر (اقل من سنة) تقسم كما يلي:- اليوم الاول: (هو) اليوم الثاني: نهارا (هو) ليلا (هي) اليوم الثالت حتي اكتمال المدة: (هي).
الخلاصة: نظرية السيستم نظرية ما جديدة لكن ما كانت مسمية من قبل ، احنا جينا ولقيناها وعايشناها وحنمشي نخليها قاعدة طالما لا يزال الرجال ينظرون للمراة علي اساس انها تحصيل حاصل وجزء من احتياجاتهم اليومية دون مراعاة لفكرة الانسان جواها واحاسيسها .
التوصيات: دايرة اقول ليكن سستمن لكن...ما تسستمن بس خلن البلادة...
|
|
|
|
|
|
|
|
Re: هذا الشارب خط دفاع وهمي (نظرية السيستم) (Re: GamarBoBa)
|
موسي يا ود حبوبتي ازييك ...
احنا ما بقينا صعبيين لكن السيستم هو الصعب وبرضو صعب استمرارنا علي المنوال ده اكبر دليل علي انو السيستم فطري انو الموضوع ده خالعك وكأنو اول مرة تسمع بيه علي الرغم من انو بكون مر عليك كتير وما دايرة اهجمك لكن تحت تحت انت زاتك بتكون عملتو (لوووووووووووول) لكن بدون تخطيط .
هسة عليك الله صحبتي الحشرها في الكلام ده شنو ؟؟ صحبتي دي مشكلتها ابلد زوولة في البنات الحايمات وكلك فهم..
| |
|
|
|
|
|
|
Re: هذا الشارب خط دفاع وهمي (نظرية السيستم) (Re: ragaa makkawi)
|
رجاء يا فردة..
غايتو النظرية دي اكتر نظرية قابلتني مكررة بالكربون وقصص صحباتك وصحباتنا وصحبات الناس كلها وياهو فعلا سيستم القاعد يحصل ده بس يا رجاء انا بفتكر انو الاختلافات في التطبيق بتختلف باختلاف درجات الثقافة فالعلاقة بين حسن التطبيق (للسيستم ) وبين ثقافة الرجل علاقة طردية ، فللاسف الثقافة بدل ان تعمل عملية التنقية وارساء قواعد الانسانية بتكون هي المدخل الاول والجيد للسيستم (قريتي الكتاب الفلاني، كتبت بوست، حضرتي الندوة...)..
Quote: يلعب الفار جواها وتبداء زوبعة مسألات (انت اتغيرت - انت مالك - في شي مزعلك مني-....) مع العلم بانو قبل اسبوع ما كانت بتعرفو . |
اسئلتهابتختلف عن اسئلته لانها الاحساس الجواها خالي من الزيف (هي=مفعول به).
Quote: التوصيات: دايرة اقول ليكن سستمن لكن...ما تسستمن بس خلن البلادة... |
اللوم بيجي بي الغفلات يا فردة...
| |
|
|
|
|
|
|
Re: هذا الشارب خط دفاع وهمي (نظرية السيستم) (Re: ريهان الريح الشاذلي)
|
ريهان يا صديقتي...
مثقفين شنو يا بت امي ديل مثقفاتية سااااي (مدعين الثقافة والوعي ) الاشكالية ما فيهم الاشكالية في البت البتنبهر بالشخصيات الهلامية ومن كلمتين في نصهم داروون واخرهم ماركس قال وشعارات من نوع لا للعنصرية لا للتمييز ضد المراة ولا ولا .... وتجي تلقي كل اللاءات كلام ساااي !!!!!
الثقافة ليست المقياس للكواسة وفعلا يا قولك القانون لا يحمي المغفلين (المغفلات)...
باين يختي نحن محتاجين لي بوليس جندر نرفع ليهو القصص دي (خواطر متفائلة)
| |
|
|
|
|
|
|
Re: هذا الشارب خط دفاع وهمي (نظرية السيستم) (Re: ragaa makkawi)
|
Quote: وما دايرة اهجمك لكن تحت تحت انت زاتك بتكون عملتو (لوووووووووووول) لكن بدون تخطيط .
|
اكتر من كدة؟؟؟ والله الا تعملي حركة مسلحة.. بكلمك ليك ابو جهينة...هو ما بكون مركز انك رجاء لانو انتي عاملة حريفة وخشيتي بمكاوي طوالي.
يا ريهان تعالي اقلبي البوست ده فوق تحت
| |
|
|
|
|
|
|
Re: هذا الشارب خط دفاع وهمي (نظرية السيستم) (Re: GamarBoBa)
|
شكرا لاشراكنا في النظريه والتسميه,
تعددت العلاقات بكثافه جعلنا نشاهد السيستم بكثره , وباضافات وتنويعات وموضات غاب الصدق فدخلنا عصور الاكتشاف والنشاف واكثر من شارب لضمان الخروج من القوقعه والهاجس , حبابك علميه وسيستم كدا.
___________________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح ـ كـوالالمبور
| |
|
|
|
|
|
|
Re: هذا الشارب خط دفاع وهمي (نظرية السيستم) (Re: ragaa makkawi)
|
Quote: الخلاصة: نظرية السيستم نظرية ما جديدة لكن ما كانت مسمية من قبل ، احنا جينا ولقيناها وعايشناها وحنمشي نخليها قاعدة طالما لا يزال الرجال ينظرون للمراة علي اساس انها تحصيل حاصل وجزء من احتياجاتهم اليومية دون مراعاة لفكرة الانسان جواها واحاسيسها .
التوصيات: دايرة اقول ليكن سستمن لكن...ما تسستمن بس خلن البلادة... |
جاياكن برواقة لقعدتكن دي يا بنات
ـــــــــــ بالله جيبوا لي معاكن سفن أب
| |
|
|
|
|
|
|
Re: هذا الشارب خط دفاع وهمي (نظرية السيستم) (Re: ragaa makkawi)
|
Quote: مثقفين شنو يا بت امي ديل مثقفاتية سااااي (مدعين الثقافة والوعي ) الاشكالية ما فيهم الاشكالية في البت البتنبهر بالشخصيات الهلامية |
الشخصيات الهلامية!! معقول ياناس السطحية في المعرفة والتورط فيها لمجرد الإسم الكبير مثلاً؟؟؟ تعايني للإسم تلقيهو مثقف كبير (وهو في الحقيقة متثاقف أكبر) تتعاملي معاهو تلقيهو خاوي من جواهو ومرات بيحبطك!!! لكن ي ما قلتي يا رجاء الإنبهار هو المشكلة يعني نظرية المعرفة الجيدة وبعدها الحكم أكيد ح يكون جيد والإنبهار كثير ما تكون نتائجه الإنهيار
| |
|
|
|
|
|
|
Re: هذا الشارب خط دفاع وهمي (نظرية السيستم) (Re: انعام عبد الحفيظ)
|
Quote: تتعاملي معاهو تلقيهو خاوي من جواهو ومرات بيحبطك!!! |
انعام ام توب ازييك ..
عارفة يا زولة في قصص اخري من السيستم الواحد ما بيكون فاضي من جوة ,, تلقيهو مليان لمن مدفق وكلمات عصية الدمع وونسات فارهة الثقافة وحاجات تغريك بي جمالها وكده لكن للاسف اول ما السيستم يدور تكتشفي انو بني ادم زائف وانو القصص السمحة دي عبارة عن ثقافات اخرين مستعارة ..
في اطار البحث عن الحقيقين من رجال هذه البلد نحتاج لمؤونة مئة عام من التجاوز..
| |
|
|
|
|
|
|
Re: هذا الشارب خط دفاع وهمي (نظرية السيستم) (Re: انعام عبد الحفيظ)
|
Quote: تتعاملي معاهو تلقيهو خاوي من جواهو ومرات بيحبطك!!! |
انعام ام توب ازييك ..
عارفة يا زولة في قصص اخري من السيستم الواحد ما بيكون فاضي من جوة ,, تلقيهو مليان لمن مدفق وكلمات عصية الدمع وونسات فارهة الثقافة وحاجات تغريك بي جمالها وكده لكن للاسف اول ما السيستم يدور تكتشفي انو بني ادم زائف وانو القصص السمحة دي عبارة عن ثقافات اخرين مستعارة ..
في اطار البحث عن الحقيقين من رجال هذه البلد نحتاج لمؤونة مئة عام من التجاوز..
| |
|
|
|
|
|
|
Re: هذا الشارب خط دفاع وهمي (نظرية السيستم) (Re: ريهان الريح الشاذلي)
|
Quote: عارفة يا زولة في قصص اخري من السيستم الواحد ما بيكون فاضي من جوة ,, تلقيهو مليان لمن مدفق وكلمات عصية الدمع وونسات فارهة الثقافة وحاجات تغريك بي جمالها وكده لكن للاسف اول ما السيستم يدور تكتشفي انو بني ادم زائف وانو القصص السمحة دي عبارة عن ثقافات اخرين مستعارة ..
في اطار البحث عن الحقيقين من رجال هذه البلد نحتاج لمؤونة مئة عام من التجاوز |
ريهان أم صوت :) إزيك
إستعارة الثقافات من الآخرين أظنها بقت أساسية في الشخصيات المن النوع دا يا ريهان يجازي محنك قلتِ لي مؤونة مائة عام من التجاوز!!! :) يا بتي غايتو الله يصبرنا على الأنواع دي
ــــ برضو جاياكن راجعه
| |
|
|
|
|
|
|
Re: هذا الشارب خط دفاع وهمي (نظرية السيستم) (Re: انعام عبد الحفيظ)
|
دي نظرية: It takes two to Tango واحده من مشتقات السيستم...
---------------------- عارفين يا بنات
علي قدر ايماني انه في شخصيات كده، سيئه النيه و المقصد، لكن اظن انه في غالب الاحايين انه الشخص ده، امراه كانت ام رجل، ما عارفين دايرين شنو في الدنيا عموما و من الناس و يقعدو يقلبو يقلبو كده لمن تطقهم عقرب يوم.
الاثر للقصه واحد، انه في زول اهتم بانسان بصوره زايده جدا, حبا في التعرف عليه، و بعد التعرف و اختفاء هاله الغموض و حاله الفضول، يصبح الانسان مصب الاهتمام ده انسان عادي جدا، و يختفي الاهتمام، و يقعد المهتم يبحث عن اسباب لتفادي المهتم به و المهتم به زااااته/ها مرات ت/يكون داير اليحله، لكن يفضلو الاتنين يمثلو كده و يتبادلو ادوار المجني و المجني عليه لمن يبان ليهم صاحب و يفترو و العليه الدور في نهايه يا ايدي شيليني ختيني، في بيت الله العاجبني، ينتهي انه يكون الظالم او المظلوم
الغريبه مرات الزول بلاحظ السيناريو ده من البدايه و لمن تجي لحظات النهايه يصارح الطرف التاني انه دي حاجه طبيعيه حكايه الانجذاب دي،و انه بزوال الغموض تتفهم عدم اهتمام الشخص ده، و يقوم يحصل واحد من اتنين:
1. يقوم الزول ده اتقانا لدور التمثيل يصر و يلح انه اهتمامه ده كان اصيل و ما فضول. و ترجعو المربع الاول
OR
2. يتوزع الطرفان دور الجاني و المجني عليه بصوره تلائم ظروفهم الحاليه و نواياهم المستقبليه...
OR
3. استغل الطرف التاني الفرصه لانهاء العلاقه و القيام بدور المجني عليه، بحجه انك زول بياع جدا
--------- one morale of the story is: the human psyche is a complex one and people relate in mysterious ways! men are from earth, women are from earth too, lets just deal with it --------
| |
|
|
|
|
|
|
Re: هذا الشارب خط دفاع وهمي (نظرية السيستم) (Re: Rihab Khalifa)
|
Quote: الغريبه مرات الزول بلاحظ السيناريو ده من البدايه و لمن تجي لحظات النهايه يصارح الطرف التاني انه دي حاجه طبيعيه حكايه الانجذاب دي،و انه بزوال الغموض تتفهم عدم اهتمام الشخص ده، و يقوم يحصل واحد من اتنين:
1. يقوم الزول ده اتقانا لدور التمثيل يصر و يلح انه اهتمامه ده كان اصيل و ما فضول. و ترجعو المربع الاول
OR
2. يتوزع الطرفان دور الجاني و المجني عليه بصوره تلائم ظروفهم الحاليه و نواياهم المستقبليه...
OR
3. استغل الطرف التاني الفرصه لانهاء العلاقه و القيام بدور المجني عليه، بحجه انك زول بياع جدا
|
| |
|
|
|
|
|
|
Re: هذا الشارب خط دفاع وهمي (نظرية السيستم) (Re: Asma Ali)
|
تم بحمد الله فك طلاسم نظرية السستم في معامل شماراك المصدر الخرطوم شمار بي سي وقد كانت الباحثة رجاء مكاوي جالسة في الظل تستمتع بالبيبسي البارد الشمار من حولها يتساقط , فهبت واقفة فجأه وهتفت لقيتا لقيتا, عندها إندهشت ريهان وبدت عليها علامات التساؤل فقد كانت منغمسة في شمار حار جداً جداً وريهان هي الأنثى الثانية في فريق العمل وبعد مداولات ومشاورات شاركت فيها جميع الباحثات وصلن إلى نظرية محكمة تختص بالعلاقات حديثة النشوء عديمة التطور أبطالها فئة من عاطلي الروح ومتبني ثقافات لا يعلمون عنها الحبة
ويبدو أن نظرية السستم قد حلت محل نظرية الأسى التي كانت تتبناها نفس الفئة فنظرية الألم والهم ما عادت تؤتي أكلها .
دبوس أنعي لكم باسوورد أمير , وهي الآن خارج أسوار البوست والمحاولات جارية لإعادتها لأنها علامة فارقة في تحليل النظريات المشابهه. فاقدينك يا بت أمي
جداً جميل البوست ده
| |
|
|
|
|
|
|
Re: هذا الشارب خط دفاع وهمي (نظرية السيستم) (Re: Amira Elsheikh)
|
الله يا رجاء..
أولا بالتبادي.. فاتتني القعدة دي و دا بعتبروا خيانات من وراي..
تانيا فاتني البوست دا.. اول مرة اشوفوا..
امبارح بتونس مع نهال الطيب.. في انو البنات ديل مالهم..
نفسي افهم بيحصل ليهم شنو؟
لأنه في حاجة ما طبيعية تماما..
وزي ما حكيتي دا السيستم الا فيما رحم ربي..
بجيك برواقة...
| |
|
|
|
|
|
|
Re: هذا الشارب خط دفاع وهمي (نظرية السيستم) (Re: Amira Elsheikh)
|
اميرة
الصراحة اتلومنا شديد لاكن البوست دا جا كدي على حين غفلة يعني مع حر الظهرية داك قمنا لفلفنا تيابناوبي سفنجاتنا وقلنا نجي نتونس بي القص دي
المهم انتي تعالي مقيلة ومبيتة
وتصدقى البوست اسمو جاني من زولة راسة دة يوزن بلد لاكن مرات بليدة
راجيااااك
| |
|
|
|
|
|
|
Re: هذا الشارب خط دفاع وهمي (نظرية السيستم) (Re: Salah Abdulla)
|
Quote: الخلاصة: نظرية السيستم نظرية ما جديدة لكن ما كانت مسمية من قبل ، احنا جينا ولقيناها وعايشناها وحنمشي نخليها قاعدة طالما لا يزال الرجال ينظرون للمراة علي اساس انها تحصيل حاصل وجزء من احتياجاتهم اليومية دون مراعاة لفكرة الانسان جواها واحاسيسها.
|
Quote: جداً جميل البوست ده |
تسلمي كتير يا رجاء لحين عودة!
| |
|
|
|
|
|
|
Re: هذا الشارب خط دفاع وهمي (نظرية السيستم) (Re: ragaa makkawi)
|
كيف موضوع فيهو نقد (موضوعي) و (تشريحي) للشنبات و ما اكون عارفة :) :)
رجاء ازيك .. اعفي لينا فاتتنا الونسة و النظر فيما استشكل علينا نحن النساء من هؤلاء الرجال
قاتل الله القراية أم دق في الكبر و النت الدايل اب ...
بجي راجعة وعلى من تحسس مسدسه أن يعيده في شرابه لانو الفرطاقة على وشك التحرك نحو البوست :)
| |
|
|
|
|
|
|
Re: هذا الشارب خط دفاع وهمي (نظرية السيستم) (Re: عزاز شامي)
|
انا كمان اتابع بدهشة وحيرة بالغين إنتو الحصل شنو في السودان.. بالضبط كدا؟؟؟؟ زمان كان الحاصل (الحاصل دي ممكن نسميها السيستم بتاع زمان):
العلاقة ماشة كويس بعد شوية إبتعاد، وإنت أتغيرت مالك ؟؟ ويحلف بالتقطعه إنو ما إتغير طاخ شاكوش بعد إسبوعين خطوبة من واحد مغترب أمسك عندك واحد شاعر (ومشروع مغترب) تم إستنباته في السودان
زمان قال الشاعر حب البنات في البلد دي احسن منه عضة كلب
| |
|
|
|
|
|
|
|