|
Re: صور من معسكرات النزوح بدارفور واخرى ( متفرقه )... (Re: Mohamed Suleiman)
|
طبعا إنت مصور و ضهرك علي البحر و البلاج و , ...
وانت ضهرك مستلقي على مرتبة عالية والمكيف ضارب فيك تحمد سيدك ..
بل أسقني بالعز ( شنو كدة) الحنظل
كأس الحنظل ..
لكن هس انت وين والحنظل وين ؟
المأجورين الذين باعوا ضمائرهم لعوض الجاز من إعلاميي الخارج) يتحاوم بهناك و يصور أهل دارفور محاولا طمس الحقيقة و آثار الإبادة و أفظع الجرائم التي إرتكبها البشير و عصابته. كتب أحد المتسلقين و يزعم أنه صحفي و يقيم بواشنطن .... حسن أحمد حسن ... كلاما يخجل منه صحاف هذا الزمان ... عن معسكر أبوشوك ....
مش افضل من نبيعا لي لوكامبو ...
ما نريده هو أن تحلوا عنا يا أوغاد القرن الحادي و العشرين ... فأنتم لا تعرفون الحياء ......\[/
وما نريده نحن ان تبطلو مساومة ومتاجرة باهلكم في دارفور..
أسوأ ما فيكم أنكم تخليتم عن إنسانيتكم ... و بعتم ضمائركم للسلطان
واسوأ ما فيكم انتم بيعكم لضمائركم بدولارات بائسة لا تسمن ولا تغني من جوع . بعتوها للاجنبي ..
ود الباوقة ... أبعد عن أهلنا في دارفور .... فهم ليسوا للشراء ..
ود سليمان ابعد انت عن اهلنا في دارفور فانا اقرب منهم منك ..
ابعد واخرج من حيث اتيت ..
اخرج .. اخرج سريع ..
داهية تبرملك ...
| |
|
|
|
|
|
|
Re: صور من معسكرات النزوح بدارفور واخرى ( متفرقه )... (Re: Amin Mahmoud Zorba)
|
وكما ينقل ود الباوقة الصورة الحقيقية لاهلنا في دارفور ومعسكرات النزوح التي فرضتها عليهم
حرب العصابات والتمرد اللعين .
فهذه صورة التقطها في مدخل مدينة مروي تشير لمعركة من نوع اخر و في جزء اخر من الوطن انها معركة الكرامة في مشروع القرن ونهاية الفقر
بالسودان, والرد الرد , السد السد.
ستنجلي محنة اهلنا في دارفور باذن الله . وستغطي منظومة التنمية كل ربوع الوطن الحبيب.
| |
|
|
|
|
|
|
Re: صور من معسكرات النزوح بدارفور واخرى ( متفرقه )... (Re: عبد اللطيف السيدح)
|
يا ود الباوقة احساسي بقول انت حتلقى مصير صلاح غريبه و دائماً حدسي بيصدق في المسائل دي .. ما عارف ليه ؟ .. لكن هي الحقيقة ..لانك سالك الدرب نفسه تعرف الزول لما يبقى ملكي اكتر من الملك نفسو .. بيحصل شنو ؟ الملك بيبصق في وجه قبل الاخرين .. عشان كده ما تحرقك كروتك مرة واحده مافي زول بيصدق انو الصور دي تعبر عن معسكرات دارفور , بل كامرتك يبدو اكثر غباء مما تتوقع . انتبه لنفسك حتى لا يلفظك المؤتمر الوطني كما حصل ما اخونا الله يذكره بالخير و تنكر له الاصدقاء حين آزره الاعداء .. لانو بطريقتك دي راح تسبب ليهم الكثير من الحرج ..
هل ننتظر سقوط مطبل آخر في المنبر كسقوط صلاح غريبه ؟!!!!
| |
|
|
|
|
|
|
وأين صور قراهم المحروقة..؟ ولماذا هم في معسكرات الهوان..؟ (Re: mahmed alhassan)
|
الفاضل ود الباوقة..
ســـلام وتقدير..
شكرا جزيلا وأنت (تجتهد وتتعب) نفسك وتصل لغاية الفاشر وتمشي لمعسكر أبو شوك. ما تعشمت فيه حقيقة أن تكون (الرحلة الجميلة) لقرى قاطني المعسكرات. لنرى هل بدأ تجهيزها بنقاط الصحة والمدارس وإعادة الأمن والإستقرار حتى تستقبل عودتهم لكرامتهم وإنسانيتهم.. لأنه من العيب أن نفخر ونحن ناس بندافع عن النظام و(مهمتنا المستحيلة) المطلوبة منا هي تحسين (وشًها) الكريه، وجرائمها وبلاويها بصور للنازحين الذين فرًوا من نيراننا (لا زلت أتحدث بلسان زول إنقاذي شبعان ومبسوط).
هل سألت أي من النازحين عن سبب وجوده في المعسكر..؟ هل رأيت الفرح والسعادة بادية على الأسر وهي تنتظر وتنتظر توزيع الغذاء والدواء بالطوابير التي تبدأ الساعة الرابعة صباحا..؟ وهل سألتهم عن إستعدادهم لملاقاة المطر في الخلا للسنة السابعة؟
وهل سألتهم أن كانت إغاثة (الخواجات) تشبع جوع أطفالهم الذين لا يعرفون ما هي المدارس وما هي الخصوصية في أن يكون لك حوش تقفل فيه بابك (بمزاجك)؟!!! وهل تكرمت ومن معك بتطمين النازحين عن موعد معلوم (قريب) لعودتهم لديار آمنة؟
عموما أتمنى عند حضوركم لملتقى الإعلاميين القادم أن تصوًر لينا الناس الطيبين ديل في بيوتهم (طبعا بعد ما يسجن جلادهم الفرحان في الصورة دي)..
تحاياي
| |
|
|
|
|
|
|
Re: وأين صور قراهم المحروقة..؟ ولماذا هم في معسكرات الهوان..؟ (Re: Raja)
|
يا ودالباوقة و السيد (ح) , القصة دي ما بوستات و هظار و مكاواة قناعاتكم و إنتمائكم للمؤتمر الوطني ما عندنا فيها شكـ و دروكم هنا في المنبر العاوزين توصلوهو لرؤسائكم ما عندنا حق إعتراضو و رسالتكم وصلت تب , لكن يا سادة القضيه هنا هي صراع فعلا حقيقي فيهو اسئلة حارة بتحتاج لي إجابات (تحسبو لعب) المعيار عندنا هنا هو القارئ البشوف قوة و ضعف حُججنا او حُججكم و علي ضؤ ده بحدد موقفو مشيتو المؤتمر , سميناها رضينا , قبلتو تغشوا روحكم و جايين تغشونا قلنا معليش مصيرهم يحسوا بي اخوانهم المالاقين يأكلو مع الانقاذ و تماسيحها. نحنا و انتو فاهمين الحاصل شنو و انتو عارفين كويس انو الاسئلة المطروحة اسئلة حقيقية , القصة ما فنكهة و سودانيزاولاين و صور سخيفة عن زيارات ماعندها معني (رغم انو نحن مستفيدين من الصور في فرز الكيمان و كلو محفوظ لوكت جرد الحساب) فيا شباب نجضوا شغلكم , رؤسائكم ما حايرضو عنكم بي نوع ردودكم الهنا دي , رؤسائكم محتاجين لي كوادر حقيقية قادرة علي إبتداع إجابات و قادرة علي دِفاع حقيقي عن الانقاذ موش مجموعة مكاواتية. فيا قدموا إجابات علي الاسئلة و كونوا كوادر حقيقية او واصلوا في هزلكم و توقعوا سخط رؤسائكم عليكم قريبا و استبدالكم بمن هم اقدر منكم علي الدفاع عن الانقاذ ناهيكـ عن الالتزام بالمؤتمر الوطني.
| |
|
|
|
|
|
|
Re: وأين صور قراهم المحروقة..؟ ولماذا هم في معسكرات الهوان..؟ (Re: عاصم ابوبكر حامد)
|
رقيب . ك.و.ز . ود الباوقة
* قلتوا بالمرة تكملوا زيارتكم ( السياحية ) في الفاشر و تشوفوا ( الناس ) العنيدين الما عايزين يموتوا بنيرانكم و انتنوفكم ديل لسع قاعدين ؟؟!!!!!! فيكم ( البركة ) يا زول ...
* إلا يا اللخو صورك دي ( الحلوة ) و ( النضيفة ) دي حتزعل ( ناسك ) ناس ( الابرتايد ) لما يعرفوا ان ( البني ادمين ) الفي المعسكرات ديل لسع عايشين و فى عز و نعيم !! كان تخش لجوة و تجيب الصور الياها التسرهم و التفرحهم !!!
| |
|
|
|
|
|
|
Re: وأين صور قراهم المحروقة..؟ ولماذا هم في معسكرات الهوان..؟ (Re: اسماعيل عمر ابراهيم)
|
الغريبة انو واحد صحفي و لمدة ست سنين لم يتمكن من الذهاب كصحفي الي دارفور ... انتظر حتي اتته تذكرة مجانيه من السعودية و منها بطائره خاصه الي مطار الفاشر و منها ببص خاص الي مشارف معسكر ابوشوك... حتي و ان البص انزله علي بعد 1 كيلومتر من المعسكر ... لم يتمكن من الدخول بل كل الصور من علي البعد... تمنيت لو انك اجريت بعض الحوارات مع النازحين و لكن لعلمي انه غير مسموح لكم بالاقتراب و التصوير معا... علي كل حال لست ماذا تسمي تلك الرحلة ... فهي ليست ترفيهيه و ليست عمليه... يمكن ان تسميها "رحلة الكشة"
| |
|
|
|
|
|
|
Re: وأين صور قراهم المحروقة..؟ ولماذا هم في معسكرات الهوان..؟ (Re: اسماعيل عمر ابراهيم)
|
سوف يلاحقك لعنات من رقصت على جماجمهم و اشلاءهم يا ود الباوقة انظر الى الصورة .. كيف رفعوا اياديهم الى السماء داعين الله ان ينتقم لهم و انت لست ببعيد عن ذلك . ود الباوقة القضايا الانسانية ليست محل تندر او تشفي او متاجره .. لانها ترتبط بحقوق ضحايا لذلك , مارس عملك الاعلامي بعيداً عن هؤلاء المساكين .
لقد انكشف الغطاء الذي تلف به نفسك و هانت اليوم على حقيقتك عارياً من ذرة انسانية و يا لبؤسك .
كل ذلك من اجل تذكرة و اقامة لاسبوع و بضع نثريات ؟
| |
|
|
|
|
|
|
Re: وأين صور قراهم المحروقة..؟ ولماذا هم في معسكرات الهوان..؟ (Re: الصادق ضرار)
|
لا حولا والله تعبت شديد مشيت المعسكرات بالله ... هات صوركم وأنت بينهم تداعب طفلة صغيرة يتيمة ، تطبب شيخة طاعنة في السن تنام على كرتونة ، تسقى إمرأة حامل لا تستيطع قضاء حوائجها .... تلعب بين أطفال أصبحوا مشردين لاجئين فقدوا حتى نعمة الأمن والآمان ناهيك عن الاستقرار والتعليم والصحة .. ي أخي خليك في منزل فخامة رئيسكم أعرض معاهو صقرية ........ الشفيع إبراهيم
| |
|
|
|
|
|
|
Re: وأين صور قراهم المحروقة..؟ ولماذا هم في معسكرات الهوان..؟ (Re: Alshafea Ibrahim)
|
الاخ الشفيع ابراهيم
لك التحايا
Quote: لا حولا والله تعبت شديد مشيت المعسكرات بالله ... هات صوركم وأنت بينهم تداعب طفلة صغيرة يتيمة ، تطبب شيخة طاعنة في السن تنام على كرتونة ، تسقى إمرأة حامل لا تستيطع قضاء حوائجها .... تلعب بين أطفال أصبحوا مشردين لاجئين فقدوا حتى نعمة الأمن والآمان ناهيك عن الاستقرار والتعليم والصحة .. ي أخي خليك في منزل فخامة رئيسكم أعرض معاهو صقرية ........ الشفيع إبراهيم |
اخي الشفيع اسمعت لو ناديت حيآ !!! فهم لن يجالسوا اليتيم لأنهم ببساطة شاركوا فى يتمه بمحابا السلطان الجائر
هم لن يعاودوا الجريح و الارمل و الام الثكلى لأنهم لا يروا فيهن سوى مخلوقات لم ترقى لمستوى البشر لذا وقفوا مع من اهانهن و نهش اجسادهن .. فعندما صاح العالم هلموا لمساعدتهن من الدراكولا مصاص الدماء تسارعوا هم لتنظيف انيابه و اياديه الملطلخة بدماء الابرياء محاولين تجميل وجهه الدمل بأنه ( شهم و كريم و ودبلد ) ...!!!
فهم اجبن من ان يواجهوا الحقيقة ولو من عيون طفل يتيم مظلوم .....
| |
|
|
|
|
|
|
Re: وأين صور قراهم المحروقة..؟ ولماذا هم في معسكرات الهوان..؟ (Re: خالد أحمد شطة)
|
اللهم عجَل بهلاك كل من تسبب في معاناة هؤ المساكين
وارينا فيهم يوم لا ينفعهم فيه دجل بإسمك الكريم
اللاجئين في دارفور يفترشون ارضا بمساحة اقطار
لا اعتقد ان وفد الاعلاميين قد زار مناطق المعاناة الحقيقية
التي لايستطيع المسؤولين الحكوميين دخولها من فرط غضب اهلها عليهم
الله يعلم بحال عباده الغلابة من اهل دارفور المشردين
حكاية الصور التي التقطت على استيحاء لن تجدي بشي
هناك جريمة واقعة وناس يعانون
ان كنتم حقا صحفيين كما تدعون
كان خليق بكم ان تعكسوا الصورة الصحيحة بدلا من الترويج الرخيص للحكومة
هم اطعموكم ليستحي لسانكم
قول الحق خير وابقى
والنفس واحدة والديان واحد لايموت
| |
|
|
|
|
|
|
Re: وأين صور قراهم المحروقة..؟ ولماذا هم في معسكرات الهوان..؟ (Re: أنور أدم)
|
الاخ انور ..
يا اخوي انا لم ولن انكر ان اهلنا في درافور قد وقعت عليهم مظالم سواء في الانفس او الممتلكات . لكن
تظل المسؤولية هي مسؤولية الحركات المسلحة بالدرجة الاساس . وانت تعلم ذلك جيدا.
انا هنا اتحدث عن معسكرات النزوح والصورة دي من منطقة العمليات العسكرية .. مش كدا ..
اما المتاجرة بها فلا تجوز بالذات من اصحاب المصالح الخاصة .....
| |
|
|
|
|
|
|
Re: وأين صور قراهم المحروقة..؟ ولماذا هم في معسكرات الهوان..؟ (Re: ود الباوقة)
|
ود الباوقه بالغت... عشان تلغم ناس المعارضه ديل حجرا كان تصور ليهم الاماكن التاليه: *مرطبات ابوشوك للباسطه والكرم كرميل. *مستشفى شعيريه التخصصى ومركز الابحاث... *مركز كلمة لاصحاح البئية.. *رياض اطفال اضان حمار.
قالوا شايلين معاكم موية الصحه والكاتشاب من الخرتوم... هييييييييييييييييع ..هى لله ....هى لله،،،
| |
|
|
|
|
|
|
Re: وأين صور قراهم المحروقة..؟ ولماذا هم في معسكرات الهوان..؟ (Re: أنور أدم)
|
ود الباوقه بالغت... عشان تلغم ناس المعارضه ديل حجرا كان تصور ليهم الاماكن التاليه: *مرطبات ابوشوك للباسطه والكرم كرميل. *مستشفى شعيريه التخصصى ومركز الابحاث... *مركز كلمة لاصحاح البئية.. *رياض اطفال اضان حمار.
قالوا شايلين معاكم موية الصحه والكاتشاب من الخرتوم... هييييييييييييييييع ..هى لله ....هى لله،،،
الموج يادحدوح حبابك عشرة الاخ ماقصر ماشفت ختاها لي الحبيب الهلباوي كيف جمع من غير تكثير قال أجمع هنا؟؟؟؟؟؟؟؟؟؟؟ والخت دي المشروع الحضاري المتأسلم؟؟ لك مني التقدير ياحبيب شطة
| |
|
|
|
|
|
|
Re: وأين صور قراهم المحروقة..؟ ولماذا هم في معسكرات الهوان..؟ (Re: Amjed)
|
( سعادة ) الرقيب (اعلامي ) ك.و.ز ودالباوقة
وين الغيبة سعادتك ؟؟؟
عارفين سعادتك مشغول اليومين الفاتت بأنك بتعمل فى ساونا و حمام بخار و جاكوزي لتنظف ما علق بك من درن جراء زيارة معاليكم لمعسكرات الذين تمنعوا ان يعيشوا فى القصور و الفيلل الرئاسية و آثروا إلا و ان يعيشوا فى المعسكرات حيث الهواء الطلق و النسيم العليل و الذي يحلوا فيه (الباربيكيو ) و السمر ...
السنة الجاية بعد تقضوا مؤتمر (.......) بالخارج .. و تحبوا تعملوا شوية تغير جو عشان تمشوا ( المعسكرات ) عليك الله كلموا ( ساكني ) المعسكر قبليها بأسبوعين تلاتة عشان يعملوا صلاة ( استسقاء) و صلاة ( تلطيف الجو ) ليزدان ( المعسكر ) زهرة و نضرة , حتى لا يبدو الزائر منكم اشعث اغبر كما بدى بكم فى زيارتكم ( الميمونة) هذه ...!!!!!
هي لله هي لله
لا لترطيبة او نثريات او جاه
الزيارة هي لله لله
.
| |
|
|
|
|
|
|
|